جلسة التداول ليوم الاحد 7/4/2019

[لـبـيـه]

السلام عليكم ورحمة الله وبركاته

[معماري قطري]

عليكم السلام ورحمة الله وبركاته

صباح الخير عليك وعلى الجميع

[رمــــــاح]

عليكم السلام ورحمة الله وبركاته
بداية اسبوع جديد نتمتاها خير على الجميع ان شاء الله

[رشودي]

السلام عليكم و رحمة الله و بركاته

صبحكم الله بالخير و اتمنى التوفيق للجميع اليوم و اتوقع ارتفاع ان شاء الله

خصوصا وان المدارس معطلين والطرق مب زحمة

[لـبـيـه]

شوفو

انا مفتتح الجلسه بدعوه

عاد انتو وحضكم دعوتي توديكم فوق او تروحون وطي

انا حاس ان دعوتي اليوم بتخليكم فرحانين باذن الله

[qatar 86]

ازدان لمت اب

[بوخميس]

ازدان لمت اب

دام مؤسسيها والشركات التابعة لهم تمتلك اكثر من 94% من السهم يقدرون يسوون فيه اللي يبون

طلع خبر يرضخ السهم واجمع فيه، عقب طلع خبر اي كلام وارفعه فوق صرّف على المساكين المتعلقين على 18-19 ريال

[معماري قطري]

طلبت ازدان على سعر السوق وشكله مب حاصل

[رشودي]

ما شاء الله يا مزمزززززززززززززززززززززز

[بوخميس]

ما ادري ليش عندي احساس ان اخرتها مزايا ما بتوزع نص ريال !!


علماً أن 85% من محفظتي مزايا

[معماري قطري]

الحمد لله حصل الشراء وإن شاء الله يخلونه محافظ مورغان يتنفس

[.:: القيصر ::.]

السلام عليكم

صباح الخير

[H H]

السلام عليكم.

اعلن من هذا المنبر ان قراري ببيع كميتي في مزايا كان قرار ساذج, وشكراً.

[A.Y.A]

دخلت في مزايا على 8.10 الاسبوع الي فات وكنت ناوي اليوم لافتح السوق ابيع حسيت السهم مامنه رجا
سبحان الله انتظاري كان فرج وممتاز ولله الحمد :tooth:

[مضارب دوسري]

تستاهلون يا ملاك مزمز

عقبال جوحو

[معماري قطري]

تداول ازدان عجيب وزين عطونا فرصة نشتري .. عدد يعرضون كمية كبيرة على اللمت أب وأي واحد يعرض بأقل يحصل مشتري سرعة لين يوصلونه لين سعر اللمت أب ويصفون المعروض .. عاد تتكرر هالحركة كم يوم تضبط ونبيع بعدين على 15 أو 16

[A.Y.A]

(( مضارب دوسري ))

الإسلاميه القابضه

المقاومات
25.95 (مهمه)
27.35

الدعوم
24.7 وصلها وارتد
24

[مضارب دوسري]

التكافلي اعتقد فيه نززعه

الله اعلم
يعتمد اذا بيخترق 14.5

[رشودي]

التكافلي اعتقد فيه نززعه

الله اعلم
يعتمد اذا بيخترق 14.5

بو محمد على ايش تعتمد الحين ؟ اقصد tools

[مضارب دوسري]

بو محمد على ايش تعتمد الحين ؟ اقصد tools
يعتمد على
اختراق القمه 14.5
والمقاومه الشهريه الكيجن سن 14.93


اما كتحليل فالسهم صعععب للامانه لانه عنده فجوات

[بوخميس]

دخلت في مزايا على 8.10 الاسبوع الي فات وكنت ناوي اليوم لافتح السوق ابيع حسيت السهم مامنه رجا
سبحان الله انتظاري كان فرج وممتاز ولله الحمد :tooth:

نفسك دخلت مزايا الاسبوع اللي طاف على 8.10

[رشودي]

ما فهمتني :) قصدي ترسم على اي برنامج ؟

[qatar 86]

انا دخت

ماعرف شسوي وشنو اشتري ههههههههههه

[مضارب دوسري]

ما فهمتني :) قصدي ترسم على اي برنامج ؟

المتوسطات على موقع ارقام

الايشميوكو على انفستنغ

[qatar 86]

نفسك دخلت مزايا الاسبوع اللي طاف على 8.10

متى بتعزمني عالغدا ولا بس خلود تعزمه

ههههههههههههههههههه

[مضارب دوسري]

انا دخت

ماعرف شسوي وشنو اشتري ههههههههههه

اذا انت انسان محثلها وقلبك قوووي اذا عطوك على راسك جرب التكافلي يمكن يمكن يقدر يخترق المقاومات

اذا انت انسان نص نص وتبي الامان وماعندك مشكله تنتظر
عندك الاجاره بس ايجابيتها تكون في حال اختراق 8.3_8.5 فقط

اي رقم تحته يعتبر انت اللي تقرر وقتها تبيع ولا تنطر

[بوخميس]

متى بتعزمني عالغدا ولا بس خلود تعزمه

ههههههههههههههههههه

خلود من يوم تزوج ما تغديت وياه الا مرة وحدة :nono:

[بوخميس]

اذا انت انسان محثلها وقلبك قوووي اذا عطوك على راسك جرب التكافلي يمكن يمكن يقدر يخترق المقاومات

اذا انت انسان نص نص وتبي الامان وماعندك مشكله تنتظر
عندك الاجاره بس ايجابيتها تكون في حال اختراق 8.3_8.5 فقط

اي رقم تحته يعتبر انت اللي تقرر وقتها تبيع ولا تنطر

يا ريال عطوه على راسه لين ما قال بس

[مضارب دوسري]

من شوي اللي يشوف طلبات التكافلي يقول هذي خلاص بتقلع وما يردها احد

على 13.93
50 الف
وعلى
13.80
و
13.78
و
13.77
كل رقم عليه طلب بين 15000 و 20000

الحين اختفوا كلهم

هذا كله اسلوب تنشيف اذا نزل السهم بعدها بيعتبر ضعف اذا صمد ومحد يبي يبيع معناه المنطقه ناشفه من البائعين

[مستثمر درويش]

السلام عليكم اخيرا يا مزايا جبتي لمت اب بارك الله بالاخ عتيق و محلل منطقي ومبروك لملاك السهم وان شاءالله الخير لقدام

[A.Y.A]

ممكن حد يفيدنا مزايا لأي اهداف رايحه ان شاء الله بعد لمت آب اليوم ولله الحمد ؟

[H H]

الله يباركلكم ياملاك مزايا, تستاهلون كل خير.

[ابومبارك]

قامكو على هذا السعر هل يستاهل الشراء ؟

[roma27]

مبروك ملاك مزايا مبروك ملاك ازدان

[رشودي]

اذا انت انسان محثلها وقلبك قوووي اذا عطوك على راسك جرب التكافلي يمكن يمكن يقدر يخترق المقاومات

اذا انت انسان نص نص وتبي الامان وماعندك مشكله تنتظر
عندك الاجاره بس ايجابيتها تكون في حال اختراق 8.3_8.5 فقط

اي رقم تحته يعتبر انت اللي تقرر وقتها تبيع ولا تنطر

Hummmmmmmmmmmmmmmmmmmmmmmmmmmmmmmmmmmmmmmmmmm

[مضارب دوسري]

ههههههههههههههه
عقبال اختراق 8.5 بقوووووووو

[بوخميس]

حلو يا جوجو

والله امس افكر ابيعها وادخل مزايا

[H H]

ههههههههههههههه
عقبال اختراق 8.5 بقوووووووو

تنصح بالدخول فيها؟ ماتابعتها ولاادري عن تشارتها

[nooora]

السلام عليكم جميعا ،،،،،،

[nooora]

بعد ما يشبعون شراء في مزايا ينشال طلب العرض على لمت اب

[مضارب دوسري]

تنصح بالدخول فيها؟ ماتابعتها ولاادري عن تشارتها

والله ياخوك الواحد صار ما يقدر ينصح بشكل مباشر
كم واحد طلعوا لي في موضوع ناقلات حكوني حك ههههه

فالقرارات قرروا بانفسكم مقاوماتها واهدافها في موضوعها فالقسم الفني وفي شارت للمتوكل على الله

[nooora]

مبروك لملاك الاجاره ،،، ونريد المزيد يالصانع

[.:: القيصر ::.]

ههههههههههههههههههه اللي يعرفني من زمان يسكت


انا اقول تحليلي الاحساسي يقول ان الاول مب تصريف مضغوط للتجميع

اللي بيدخل و عنده نفس طويل او على مدى متوسط يدخل يجمع في الاول

هذا و الله اعلم

الاحساسي :)

[مضارب دوسري]

الظاهر جوجو مكثره ريد بول اليوم

[مضارب دوسري]

مبروك لملاك الاجاره ،،، ونريد المزيد يالصانع

عقب ال9 الواحد يتطمن ان شاء الله
سواء اليوم او خلال اسبوع او اكثر الله اعلم

[مضارب دوسري]

تستاهلون يا ملاك مزمز

عقبال جوحو

مزمز مب احسن منج ناحسيها وتسابقي وياها

[nooora]

مزايا العرض على 9.04
watch it

[nooora]

عقب ال9 الواحد يتطمن ان شاء الله
سواء اليوم او خلال اسبوع او اكثر الله اعلم

ان شاءالله يارب ،،، ما تقصر في قسم التحليل الفني وباقي المحللين يعطيكم العافيه

[nooora]

فاصل تويتر ،،،،،،
برب

[H H]

والله ياخوك الواحد صار ما يقدر ينصح بشكل مباشر
كم واحد طلعوا لي في موضوع ناقلات حكوني حك ههههه

فالقرارات قرروا بانفسكم مقاوماتها واهدافها في موضوعها فالقسم الفني وفي شارت للمتوكل على الله

هههههههه, مالومك, المشكلة اني بعيد عن السوق من فتره طويله, توني بديت ارجع شوي شوي.
عموماً نراقب ونشوف الوضع.

[مضارب دوسري]

انا دخت

ماعرف شسوي وشنو اشتري ههههههههههه


اذا انت انسان محثلها وقلبك قوووي اذا عطوك على راسك جرب التكافلي يمكن يمكن يقدر يخترق المقاومات

اذا انت انسان نص نص وتبي الامان وماعندك مشكله تنتظر
عندك الاجاره بس ايجابيتها تكون في حال اختراق 8.3_8.5 فقط

اي رقم تحته يعتبر انت اللي تقرر وقتها تبيع ولا تنطر

شفت التناقض
التكافلي على راسه
والاجاره ولعت

[qatar 86]

كله من بو خميس

متسبب هههههههههه

[مضارب دوسري]

ضربت المقاومه 8.7
والحين ممكن ترجع تريح عند ال8.5

[بوخميس]

كله من بو خميس

متسبب هههههههههه

يبيلي ليمون نعناع من المعصرة، حجم صغير عن الخساير

[.:: القيصر ::.]

ههههههههههههههههههه اللي يعرفني من زمان يسكت


انا اقول تحليلي الاحساسي يقول ان الاول مب تصريف مضغوط للتجميع

اللي بيدخل و عنده نفس طويل او على مدى متوسط يدخل يجمع في الاول

هذا و الله اعلم

الاحساسي :)

الاحساسي يقول اذا هو شنب قدامه 4.60 يسكر فوقها

نشوف 5.5 ان شاء الله بعدها 6 و بعدها 7

:)

لا تنسون الاحساسي

[الاسطوره]

السلام عليكم ورحمة الله وبركاته


بالتوفيق للجميع

[بالمرصاد]

فودافون تنفض الغبار عنها

[qatar 86]

ان شاء الله باجر يوم المستثمرين

[رشودي]

فودافون تنفض الغبار عنها

للحين ... الصبر زين ... خلي يوصل ال 8 اول شي و الله كريم

[رشودي]

ان شاء الله باجر يوم المستثمرين

الله يسمع منك والله صابر عليه من شهر 9 الي راح

[qatar 86]

الله يسمع منك والله صابر عليه من شهر 9 الي راح

ان شاء الله تبيع فوق الـ 30

[.:: القيصر ::.]

فودافون تنفض الغبار عنها

ابشرك فودافون ما عليها غبار

مسألة وقت فقط لاغير

اذا عندك السهم زيد كل فترة و فترة و خله يولي لقدااااااااااااااااااااااااااام

[رشودي]

ان شاء الله تبيع فوق الـ 30

ان شاء الله ... متوسط الشراء 30

[nooora]

ملاك سهم مزايا ادعوا للاجاره :)

[رشودي]

ملاك سهم مزايا ادعوا للاجاره :)
ان شاء الله يفرحكم

[nooora]

نبغي فوق 200 الف سهم على مزايا ،،، ومو من شخص واحد !

[رشودي]

بعض الاسهم لا اسمع عنها اخبار ايجابيه ابدا من اكثر من سنة
يا ريت ماحد يزعل لكن مستغرب ان في اعضاء منكم تشتري في هالاسهم حتى لو مضاربيا تتحرك لكن اشوف ما عليها امان و خصوصا ان نتائجها المالية من سيء لاسوءء

[nooora]

ليش شال الطلب

[nooora]

بعض الاسهم لا اسمع عنها اخبار ايجابيه ابدا من اكثر من سنة
يا ريت ماحد يزعل لكن مستغرب ان في اعضاء منكم تشتري في هالاسهم حتى لو مضاربيا تتحرك لكن اشوف ما عليها امان و خصوصا ان نتائجها المالية من سيء لاسوءء

مافي شي مطمئن ،،، اسعار وين كانت والحين اقل من 10

[qatar 86]

ليش شال الطلب

زعل منج لانه

[nooora]

زعل منج لانه

غيره رأيه ،،،، يمكن يفضل وقت قبل الاغلاق

[A.Y.A]

غيره رأيه ،،،، يمكن يفضل وقت قبل الاغلاق

لااا
وحطوا أمر بيع بعد :swoon2:
كان الطلب عليه جميل فوق الـ 100 ألف سهم
أخفوهم في ثانيه

[بوخميس]

4 ملايين ريال فقط سيولة المزاد

[nooora]

مبروك لملاك مزايا اغلاق حلو ورقم حلو :)