معارض فاشلة واستغلال فاحش

[saeed2005]

لا يمر شهر في الدوحة وإلا نسمع عن معرض هنا أو هناك ولكنها للأسف في أغلبها معارض فاشلة تستهدف استغلال العارضين بإعطاء صورة وردية خيالية عن السوق في قطر فيصدم العارض بأنه قد تعرض للخديعة وأن الجهة المنظمة قد ورطته واستلمت منه مبالغ طائلة في حين أنه لم يستطع أن يسترد ولو نصف ما دفعه لها من إيجار هناك خلل كبير يؤثر على سمعة البلاد .
هل يمكن أن يقبل عقل أن يكون إيجار معرض لمدة عشرة أيام سبعين ألف ريال أي عشرين الف دولار تقريبا هذا لا يحصل في أي بلد في العالم لكنه يحصل هنا هناك خيبة أمل كبيرة تجاه المعارض ونصيحتي وهي نصيحة مجرب لا تشارك في معرض أبدا إن كان قيمة الإيجار تتجاوز مائتين ريال يوميا هذا هو السعر العادل هناك حالة ركود اقتصادي والمولات الكبيرة ذهبت ب 99% من حركة الشراء الاستهلاكي فلا يأتي المعرض أحد وإن أتى تفاجأ بارتفاع الأسعار التي يفرضها غلاء الإيجارات المبالغ فيه جدا فيحجم عن الشراء .

نصيحة من ذهب لا تصدق العارضين ولا تدفع مقدما ولا تشترك في معرض يزيد قيمة إيجاره اليومي عن مائتين ريال وتحقق من الخطة الإعلانية للجهة المنظمة واجعلها جزء من العقد بحيث يعد الإخلال بها إخلال بالعقد يستوجب تعديل أو إبطال استحقاق الجهة المنظمة للإيجار المتفق عليه والله أعلم .

[nooora]

واو 70 الف ريال ليش وين احنا ،،، اي والله صدقت 200 كثير عليهم بعد ،، اسواق مافيها حركه وهذا يأجر بهذا المبلغ وين تحفييز وتشجيع للمبتدئين ،،

[سهم فضة]

ترا الوضع عندنا اوفر بزيادة ،،، فكرنا من سالفة قطري فلوس كتير تراها مقولة مستهلكة ولا لها علاقة بالواقع .

[khaldoon]

طيب يا اخي هم التجار اللي من بره وين عقلهم اللي يدفعون مبلغ 70000 ريال على عشرة أيام.... ايش يعني متوقعين من المستهلكين ....متوقعين كل مستهلك معاه عشره او عشرين الف ريال كاش معاه بمخباه يبي يتسوق فيهم و يصرفهم بأي شكل داخل المعرض؟؟!!!

ايجار محله بالمعرض بيكون 70000/10= 7000 باليوم و بيقدر يجيب اضعافها؟؟!!!!

[MAZEN37]

لازم تدخل من غرفة تجارة قطر
دورها ؟
لازم يكون في اهداف وخطط لهذه المعارض
والهدف المفترض ما يكون ربحي

[حمــد]

صحيح حتى انا تفاجات بقيمه الايجار كنت اتوقعها شهره .. طلعت بالاسبوع وباليومين بعضهم 7000 ريال
استغلال بشكل رهيب !!

[راعي الكورفت]

افضل شي في البلاد تكون موظف فقط.

التجاره محتكره للهوامير فقط.

الايجارات بشكل عام في كل شي مبالغ فيه.
مره فتحت محل وخسرت ، اقل ايجار لاي محل هو 20 الف ريال ، كل الي بدخله بيروح للمستاجر ورواتب العمال والبضاعه تدفعها من جيبك الخاص.

الحمدلله تخلصت من المحل بعد ما خسرت 400 الف.

وينطبق فيني المثل


يامن شرا من حلاله عله :eek3:

[@north_star@]

المفروض قيمة الايجارات كل فترة تختلف على حسب حركة السوق يعني لما يكون في ركود إقتصادي المفروض الأسعار تكون معقولة أو مخفضة
وبالفعل اذا تروح معظم المعارض تلاقي أسعارهم نار والسبة الإيجار المرتفع

[Qtr37]

والمعارض ما تصير الا مع الراتب
وهالمشاهير قاعدين يمدحووون في هالبضاااعة وكأن الناس ما يعرفون شي

[R 7 A L]

الي تقصدون الي يسمونها البازار؟

[معماري قطري]

افضل شي في البلاد تكون موظف فقط.

التجاره محتكره للهوامير فقط.

الايجارات بشكل عام في كل شي مبالغ فيه.
مره فتحت محل وخسرت ، اقل ايجار لاي محل هو 20 الف ريال ، كل الي بدخله بيروح للمستاجر ورواتب العمال والبضاعه تدفعها من جيبك الخاص.

الحمدلله تخلصت من المحل بعد ما خسرت 400 الف.

وينطبق فيني المثل


يامن شرا من حلاله عله :eek3:

للحين عاجبتني الكورفيت وهي تنزلق على الأرض

آحس ان الدنيا بخير

[sweet qatar]

عفواً أي ركود الي تتكلم عنه ؟

البلد لا تعيش ركود اقتصادي بالعكس الخير موجود والناس بمختلف الطبقات تشتري

لكن الخلل في البضايع ال overpriced

السوق الحين مفتوح عالمياً .. والناس واعية والتسوق صار بالجوال

الناس لا زالت محتاجه تشوف وتعاين البضايع .. لكن بأسعار حقيقية ومناسبة

ما عادت تنخدع بأسعار رخيصة وكواليتي تعبان

السوق يعاني من احتكار وتلاعب و لوبيات جنسيات معينة ومن بعد الحصار صار في تصحيح لبعض البضايع

خصوصا انا تخلصنا من الكثير من البضايع المقلدة

الجهات الرسمية بحاجة لوقفة و مراجعة لأعمال المعارض هذي و جدواها وحفظ حقوق التجار المحليين او الي من الخارج

وياليت يحطون بلوك على بعض المنظمين الفاشلين والي تسببوا بتصدير صورة مب حلوة للتجارة في قطر

[saeed2005]

عفواً أي ركود الي تتكلم عنه ؟

البلد لا تعيش ركود اقتصادي بالعكس الخير موجود والناس بمختلف الطبقات تشتري

لكن الخلل في البضايع ال overpriced

السوق الحين مفتوح عالمياً .. والناس واعية والتسوق صار بالجوال

الناس لا زالت محتاجه تشوف وتعاين البضايع .. لكن بأسعار حقيقية ومناسبة

ما عادت تنخدع بأسعار رخيصة وكواليتي تعبان

السوق يعاني من احتكار وتلاعب و لوبيات جنسيات معينة ومن بعد الحصار صار في تصحيح لبعض البضايع

خصوصا انا تخلصنا من الكثير من البضايع المقلدة

الجهات الرسمية بحاجة لوقفة و مراجعة لأعمال المعارض هذي و جدواها وحفظ حقوق التجار المحليين او الي من الخارج

وياليت يحطون بلوك على بعض المنظمين الفاشلين والي تسببوا بتصدير صورة مب حلوة للتجارة في قطر

لا أدري أخي هل تتكلم من واقع معرفة وتجربة أو هي تصوراتك الشخصية عن الواقع عموما أتفق معك بقولك: "الجهات الرسمية بحاجة لوقفة و مراجعة لأعمال المعارض هذي و جدواها وحفظ حقوق التجار المحليين او الي من الخارج وياليت يحطون بلوك على بعض المنظمين الفاشلين والي تسببوا بتصدير صورة مب حلوة للتجارة في قطر "

[][ الوحيد ][]

السلام عليكم ..

وايد معارض تصير فالدوحه و يكون المنظم شخص مب شركه او مؤسسة ..
ف يضطر يأجر له مكان و ممكن صح مايكلفه مبلغ كبير ,,

يسوي له دعايه خفيفه و يحط له لوحتين عند الباب و يأجر المكان على القهاوي و المطاعم و المحلات الصغيره ..

العتب اول شي على اللي يدفع 7000 اجار على يوم واحد و هو مايدري اذا بيدخل هالمبلغ ولالا اصلا ,,

حسب اللي شفته في اغلب معارض الكوفيات و مهرجانات الاكل مثلا

الزحمه على اشياء معدوده ,, و في اماكن بالكااد تحصل عندها حد ..

الشعب صار عنده وعي شوي .. يعني مايصير اجارك 7000 ريال و تبي تدفع الزبون 35 ريال على 4 حبات ورق عنب بس عشان تحاول تغطي الـ7000 و تدخل فالربح ,,

المعارض لازم تصير بدعم من المؤسسات المسؤوله ونبتعد عن المعارض الخاصه اللي بتكون بس حق شخص واحد ,,

و العتب بعد على الجشع اللي عند البعض ,, و يحط ربح 200% و يقول محد يجيني !! اكيد محد بيروح لك اذا انا اقدر احصل شي نفس اللي عندك واحسن بسعر اقل ,,

[khaldoon]

الصراحه مجانين فعلا اللي يحطون هالمبالغ الضخمه ايجارات... لسه في ناس فاهمه انه اهل الخليج يعبون فلوسهم بشوالات و مب عارفين وين يروحوا فيها و الا انهم براميل بترول تمشي على الأرض ..... لسه مفكرين انه هو بيقدر يدفع ايجار 70000 بعشر أيام و بيحصل بيع بنص مليون او اكثر خلال هالمده...... والا اللي يحط 70000 ايجار على عشر أيام هذا على ايش مخطط مثلا؟؟!!

انا اروح فعلا المعارض و اشوف أسعار نار ما تسوى وما اشتري خصوصا معارض الاكل..... استغلال و استهبال للشعب غير طبيعي ... و الا يقولك خلي ابنك يأخذ لفة بحصان صغير دقيقتين بستين ريال..... الله ياخذهم ههههههه

[][ الوحيد ][]

الصراحه مجانين فعلا اللي يحطون هالمبالغ الضخمه ايجارات... لسه في ناس فاهمه انه اهل الخليج يعبون فلوسهم بشوالات و مب عارفين وين يروحوا فيها و الا انهم براميل بترول تمشي على الأرض ..... لسه مفكرين انه هو بيقدر يدفع ايجار 70000 بعشر أيام و بيحصل بيع بنص مليون او اكثر خلال هالمده...... والا اللي يحط 70000 ايجار على عشر أيام هذا على ايش مخطط مثلا؟؟!!

انا اروح فعلا المعارض و اشوف أسعار نار ما تسوى وما اشتري خصوصا معارض الاكل..... استغلال و استهبال للشعب غير طبيعي ... و الا يقولك خلي ابنك يأخذ لفة بحصان صغير دقيقتين بستين ريال..... الله ياخذهم ههههههه


صحيح بس هي تعتبر ضربه حظ ..
عادي تصير عندك زحمه و تدخل فوق مبلغ الاجار بوايد بعد ..
و عادي تخسر ومحد يجيك ..
عشان جذي البعض يجازف

و شي بديهي و طبيعي اذا شفت زحمه في مكان بيجيك فضول وبتقول ابي اجرب اللي العالم منتظرين هالفتره كلها عشانه ..

عشان جذي التوعيه مطلوبه خصوصاً الجيل الصغير ينقص عليهم بالسكر والالوان الصناعيه ..

[khaldoon]

[ الوحيد ][;10698723']صحيح بس هي تعتبر ضربه حظ ..
عادي تصير عندك زحمه و تدخل فوق مبلغ الاجار بوايد بعد ..
و عادي تخسر ومحد يجيك ..
عشان جذي البعض يجازف

و شي بديهي و طبيعي اذا شفت زحمه في مكان بيجيك فضول وبتقول ابي اجرب اللي العالم منتظرين هالفتره كلها عشانه ..

عشان جذي التوعيه مطلوبه خصوصاً الجيل الصغير ينقص عليهم بالسكر والالوان الصناعيه ..

ايه والله انك صادق

[يمامـة]

نرجع و نقول

معارض شهرية و الاسعار نارية من بيشتري؟
الايجارات غالية و مبالغ فيها.. و اييون يرفعون علينا الاسعار
اذا على الاسعار العالية ترى عندنا محلات في قطر اسعارهم عالية
ممكن الواحد يروح لها..

لكن اييبون لنا محلات مب في الدوحة و بضايع مب في الدوحة و تعال
ادفع اغلى من البضاعة الموجودة في قطر .. ليش؟

بعد الحصار لاحظت ان البضايع اللي ياية من الكويت و ياية من تركيا
كل مالها اسعارها اتطير فوق و كل ما قلت لهم شي قالوا لك بضاعة كويتية؟
شنهو يعني بضاعة كويتية مصنوعة من خيوط من ذهب؟
ترى نفس البضاعة تنباع في الكويت على 200 ريال و عندنا ب 800 ريال و طالع!!

فكرة ان القطري دفيع بسبب اللي يدفعون علشان يبينون انهم قطريين
اثرت على الفكرة العامة عن قطر.. فالتاجر يرضى بأي ايجار يعرض عليه
على اساس ان القطري ينقص عليه.. فيدخل السوق القطري و اماله كبيرة
و ينصدم بتكود بضاعته عنده و يا دوب اذا باع غطى الايجار..

[khaldoon]

صراحة هذا الموضوع القى بظلاله علي بطريقة سيئه جدا ...و صرت اشوف أي معرض الحين انه اللي يبيعون فيه حرامية و خلاص أصدرت الحكم و ابحث عن الادله ...خاصة لما فهمت منكم انه الايجار سبع الاف باليوم.....