عمليات النصب في فاتورة كنتاكي

[البيروني]

منذ 8 أعوام و انا الاحظ ان كل فاتورة تخرج من مطعم كنتاكي بشارع الخور لابد ان فيها زيادات لاشياء لم تطلبها كتحلية او سندويشات صغيرة و بالنهاية بتدفع زيادة بدون علمك اذا لم تراجع الفاتورة و بالغالب دائما يتم النصب عليك بمبلغ يتراوح بين 7 ريال الى 15 ريال بكل فاتورة تدخل بجيب الكاشير
فبالرغم ان الزيادة مذكورة بالفاتورة الا انه سيقوم بعد استلام المبلغ بإلغاء الطلب الإضافي و ادخال المبلغ الحقيقي

او يتم التحايل على الفاتورة بالرغم انها واضحة و تقول ( meal ) ومع ذلك يقول انها لاتشمل على وجبة بل قطع او ساندويش خصوصا للوجبات الجديدة و بعدها تقوم بدفع مبلغ اضافي

و يقوم الكاشير بالعادة بعملية النصب عندما تطلب اكثر من غرض بفاتورة واحدة تتجاور ال 80 ريال و هنا يتمكن من اقحام زيادات لم تطلبها و بالنهاية اذا كانت فاتورتك الحقيقية مثلا 120 ريال ستدفع 133 ريال
و أحيانا لا يتطلب الوضع طلب كبير فمن الممكن من وجبة واحدة أن يضيف غرض بسيط و يزيد المبلغ قليلا

عندما تنتهي منهم تحاول ان تجد رقم تلفون للإدارة للاتصال بها فلا تجد و لا اعلم كيف الطريقة الصحيحة لتصحيح هذا الخلل و معاقبة الموضفين بالكاشير عندما تحدث مثل هذه الأمور

لو تلاحظوا اني قلت من 8 أعوام بمعنى ان نفسنا طويل مع هؤلاء المتلاعبين وتعتقد انها اعراض مرضية مؤقتة لوافدين جدد و ستنتهي ولكن المشكلة ان تستمر هذه التلاعبات للابد هذه كارثة

[سالم الزهران]

معليش ما ابغي ارسل رسالة سلبية.. بس لو اكتشفت تلاعب في فاتورتي وسحبته من ورا كاونتره ورضخته بستوي غلطان... ؟

ولا اصير حضاري وارد له الطلب واخذ الفلوس واطلع ونا مشمئز سبة هذا الوافد!

[AbdAllah911]

انا صار معي مواقف كثييييرة مثل هالموقف من كنتاكي فرع محطة بترول قطراكثر من مرة...
لما اطلب دليفري او تيك اوي في كثييييير من الاحيان الاحظ ان الطلب ناقص ... او غير ما طلبت ...
لدرجة اني اعطيته فاتورة طلب سابق وطلبت منه انه يعطيني نفس الطلب ، الا هو مغير في الطلب ومزود من عنده وطلعت الفاتورة اكثر ، قلتله شلوووون ؟ صار يتأسف و سسوووري سسوووري ، ساعتها تأكدت انه هالحركات موب خطأ او سهو...
يعني لو قارناهم بأمثالهم من المطاعم موب مثلهم

[معماري قطري]

معليش ما ابغي ارسل رسالة سلبية.. بس لو اكتشفت تلاعب في فاتورتي وسحبته من ورا كاونتره ورضخته بستوي غلطان... ؟

ولا اصير حضاري وارد له الطلب واخذ الفلوس واطلع ونا مشمئز سبة هذا الوافد!

عندنا تستوي عليك سوبر قضية وتدخل في ورطة ما بعدها ورطة

[سالم الزهران]

عندنا تستوي عليك سوبر قضية وتدخل في ورطة ما بعدها ورطة
ياخوي والله نحن نبي النظام ونحن دعاة سلم في نفس الوقت.. بس تخيل يجيك موظف جهة حكومية يقولك (انت مكلف عمرك تشتكي عشان خمسين ريال) تراك صارف بترول ازيد منها؟ مسوي لنا عبقري ومسوي لنا فلته (هذا اللي يبغي له شغل قبل العامل والبايع)
لذلك العيب ليس ف النظام وليس فينا وفي نفسياتنا كزبائن.. العيب في التكاسل من قبل الجهة الرقابية لان المفروض هم ونحن نتبادل تمرير المعلومة والبلاغات.
(المثال اللي ذكرته بأول مشاركة ما يستاهل حد يسويه..) لكن قد يحصل مع اي واحد والمفروض ما نلومه.. خل الوافد يشوف في كل مواطن دولة قدامه... وللعلم انا اعتبر نفسي وافد بأي دولة أروح لها.. واستاهل اللي يصير لي اذا خالفت.

[sara jsm]

والله يااخوي البيروني اني قريت هالموضوع وانا عند كنتاكي نفس الفرع اللي تتكلم عنه ..
والحساب فوق ال100 وراجعت طلبي قبل لا ادفع وطلع الحساب صحيح ..
اسمحلي اخوي اذا على قولتك من 8 سنين فالمشكله فيك انت ..
لو زاقرهم من البدايه كان تسنعوا معاك وماينسونك .. في واحد افريقي ياخذ الطلبات دايما ياخذ الاوردر غلط ..
وقبل لا احرك اراجع معاه الاغراض .. اما الفلبن عادي يركزون على طول ...
ومثل هالموقف صارلي مرتين في ماك فرع الخور .. اذا احنا ماننتبه فالمشكله فينا ..

[البيروني]

والله يااخوي البيروني اني قريت هالموضوع وانا عند كنتاكي نفس الفرع اللي تتكلم عنه ..
والحساب فوق ال100 وراجعت طلبي قبل لا ادفع وطلع الحساب صحيح ..
اسمحلي اخوي اذا على قولتك من 8 سنين فالمشكله فيك انت ..
لو زاقرهم من البدايه كان تسنعوا معاك وماينسونك .. في واحد افريقي ياخذ الطلبات دايما ياخذ الاوردر غلط ..
وقبل لا احرك اراجع معاه الاغراض .. اما الفلبن عادي يركزون على طول ...
ومثل هالموقف صارلي مرتين في ماك فرع الخور .. اذا احنا ماننتبه فالمشكله فينا ..

يعني ينصبون و المشكلة عندنا بعد ! كيف
يا اختي الكريمة انا ما اروح بشكل مستمر عندهم عشان يعرفوني ممكن كل أسبوعين و اكثر

و اول ما اشوف الفاتورة دايما اكتشف فيها تلاعب و يوم اكلمه يبتسم ابتسامة عريضة طويلة و يتأسف و انها خطأ
طيب واحد يتأسف و يتقلب قدامي شلون اهاوشة

فالبدايات كنت اضن انة غلط من مبدأ حسن الظن و بعدها عرفت انه نصاب كبير و لابد من مراجعة الفاتورة
المشكلة هالفلبيني مايجوز عن سوالفة و ماخذها عادة و تعبنا معاه و لابد من إدارة تراجع مثل هالمواضيع وتأدب موضفيها

على العموم اختي راجعي الفواتير و تكلمي معاه بشكل جدي اذا شفتي شيء غلط و اتصلي على رقم ادارتهم للشكوى عشان يتوقفون للابد و انا من هنا و رايح اذا شفت شيء لن اكتفي معاه لابد من التحدث مع الإدارة واكيد رقمهم موجود بالنت بصفحتهم الرئيسية

بصراحة مسخوها ولازم من وقفة جادة معاهم

[البيروني]

معليش ما ابغي ارسل رسالة سلبية.. بس لو اكتشفت تلاعب في فاتورتي وسحبته من ورا كاونتره ورضخته بستوي غلطان... ؟

ولا اصير حضاري وارد له الطلب واخذ الفلوس واطلع ونا مشمئز سبة هذا الوافد!

مش حلوة ابد سالفة استخدام اليد
انا فكرت بهالموضوع و اعتقد لابد من طريقة اكثر حضارية مع المحتالين
باول مرة ممكن رفع الصوت و اظهار انك مش مرتاح من هالتصرف
ثاني مرة تواصل مع الإدارة و اطلب من الموظف الكشف عن هويتة
ثالث مرة صور الموظف فيديو يوم تناقشة و ارسل الفيديو لادارتهم
رابع مرة اتصل لحماية المستهلك و احتفظ بالفاتورة و اسم الموظف ( اذا كل الي سبق ولم يتعض و وصلت للمرة الرابعة أتمنى انه يغلط بس ولو بخمس ريالات و بحماية المستهلك فية اجرائات قانونية بتشتغل مع ادارتهم و يوقفون مثل هالاشكال عند حدها )

[سالم الزهران]

كلامك عدل يالبيروني.. وما يلقاها الا ذو حظ عظيم.. اقصد الصبر على هالمستغفلين.

[بوخالد911]

مدري ليش انت صبرت عليهم 8 سنيين ؟!؟!؟!

مشكلتك يا اخوي



لو منك ما أسكت عن حقي وبنفس اللحظة بشرشحهم

[بوخالد911]

لاحظوا غالبية مطاعم الفاست فوود
لما تطلب وجبة
وما حددت انت حجم المشروب
يقوم الموظف باختيار الحجم الكبير !!!!

أي انتبهوا ترى

انا لما أطلب أصررررررررررررررررررر على المشروب صغير وأعيد عليهم مرتين وثلاث

[سالم الزهران]

نذكركم يالربع كل هالمطاعم و اولهم كنتاكي يرفعون الضغط ومتروس اكلهم صوديوم و ما اقول الا الله يديم النعمة.

[ya3coub]

منذ 8 أعوام و انا الاحظ ان كل فاتورة تخرج من مطعم كنتاكي بشارع الخور لابد ان فيها زيادات لاشياء لم تطلبها كتحلية او سندويشات صغيرة و بالنهاية بتدفع زيادة بدون علمك اذا لم تراجع الفاتورة و بالغالب دائما يتم النصب عليك بمبلغ يتراوح بين 7 ريال الى 15 ريال بكل فاتورة تدخل بجيب الكاشير
فبالرغم ان الزيادة مذكورة بالفاتورة الا انه سيقوم بعد استلام المبلغ بإلغاء الطلب الإضافي و ادخال المبلغ الحقيقي

او يتم التحايل على الفاتورة بالرغم انها واضحة و تقول ( meal ) ومع ذلك يقول انها لاتشمل على وجبة بل قطع او ساندويش خصوصا للوجبات الجديدة و بعدها تقوم بدفع مبلغ اضافي

و يقوم الكاشير بالعادة بعملية النصب عندما تطلب اكثر من غرض بفاتورة واحدة تتجاور ال 80 ريال و هنا يتمكن من اقحام زيادات لم تطلبها و بالنهاية اذا كانت فاتورتك الحقيقية مثلا 120 ريال ستدفع 133 ريال
و أحيانا لا يتطلب الوضع طلب كبير فمن الممكن من وجبة واحدة أن يضيف غرض بسيط و يزيد المبلغ قليلا

عندما تنتهي منهم تحاول ان تجد رقم تلفون للإدارة للاتصال بها فلا تجد و لا اعلم كيف الطريقة الصحيحة لتصحيح هذا الخلل و معاقبة الموضفين بالكاشير عندما تحدث مثل هذه الأمور

لو تلاحظوا اني قلت من 8 أعوام بمعنى ان نفسنا طويل مع هؤلاء المتلاعبين وتعتقد انها اعراض مرضية مؤقتة لوافدين جدد و ستنتهي ولكن المشكلة ان تستمر هذه التلاعبات للابد هذه كارثة

نفس هارديز من اسبوعين مسوين عرض و على حظي كان توه معلنين فالموقع و انستقرامهم من ساعتين و في ناس ردت عليهم و فرع الخوي يقولي قديم و مافي و انشبلهم و اقوله اتصل و شوف و ناد السوبرفايزر او المدير و اراويه الموقع و الانستا

حتى اتذكر اني حطيت رد بأنه علمو الفروع عن عروضكم مو يعوزونا و عطاني اياه الواحد لما يعرف انه صح و لازم يقدد و قلت له عطني الفاتورة قبل ما ادفع تميت اقرى لأني ضفت كم شغله

[khaldoon]

لاحظوا غالبية مطاعم الفاست فوود
لما تطلب وجبة
وما حددت انت حجم المشروب
يقوم الموظف باختيار الحجم الكبير !!!!

أي انتبهوا ترى

انا لما أطلب أصررررررررررررررررررر على المشروب صغير وأعيد عليهم مرتين وثلاث

هذا نوع خسيس من التسويق يتعلمونه يا صديقي العزيز و هو توجيه فكر الزبون الى انه يطلب وسط او كبير ...خلاص انت شوفت الإعلان انه الوجبه مثلا ب 25 ريال و المقصود بهذا السعر هو الحجم الصغيرو دخلت المطعم و طلبت و حصلوا على 25 ريال...الحين دور البايع انه يقولك وسط و الا كبير و ما جاب سيرة الحجم الصغير....تلقائيا تقوله وسط او تختار كبير و يصير سعرة الوجبه 30 ريال او اكثر مثلا مع انك داخل المطعم بنية دفع 25 ريال للوجبة الواحده و اضرب الفرق في عدد الوجبات المطلوبه

[khaldoon]

نفس هارديز من اسبوعين مسوين عرض و على حظي كان توه معلنين فالموقع و انستقرامهم من ساعتين و في ناس ردت عليهم و فرع الخوي يقولي قديم و مافي و انشبلهم و اقوله اتصل و شوف و ناد السوبرفايزر او المدير و اراويه الموقع و الانستا

حتى اتذكر اني حطيت رد بأنه علمو الفروع عن عروضكم مو يعوزونا و عطاني اياه الواحد لما يعرف انه صح و لازم يقدد و قلت له عطني الفاتورة قبل ما ادفع تميت اقرى لأني ضفت كم شغله

هارديز و كنتاكي شركة واحده و قاريين عند شيخ واحد

[غريب الدّار]

انا اقول اصبر عليهم سنتين بعد، واذا ما اعتدل حالهم بعد هالفترة، روح اشتك عليهم وقول لحماية المستهلك ان صار لك عشر سنين وياهم ومافي فايدة

[السكين]

أنا كنتاكي خير شر ولا ممكن اقربه بس أمس بالليل أشوف أختي قاعدة تتحلطم مغلطين بطلبها ومنقصين من قطع الدجاج.

[طلعة الروح]

ياخوي والله نحن نبي النظام ونحن دعاة سلم في نفس الوقت.. بس تخيل يجيك موظف جهة حكومية يقولك (انت مكلف عمرك تشتكي عشان خمسين ريال) تراك صارف بترول ازيد منها؟ مسوي لنا عبقري ومسوي لنا فلته (هذا اللي يبغي له شغل قبل العامل والبايع)
لذلك العيب ليس ف النظام وليس فينا وفي نفسياتنا كزبائن.. العيب في التكاسل من قبل الجهة الرقابية لان المفروض هم ونحن نتبادل تمرير المعلومة والبلاغات.
(المثال اللي ذكرته بأول مشاركة ما يستاهل حد يسويه..) لكن قد يحصل مع اي واحد والمفروض ما نلومه.. خل الوافد يشوف في كل مواطن دولة قدامه... وللعلم انا اعتبر نفسي وافد بأي دولة أروح لها.. واستاهل اللي يصير لي اذا خالفت.

المشكله بعض عمال الكاشير او اللي ياخذون الطلب يتهاونون في ارجاع الخرده
لو سكت عنهم حتى لو المبلغ بسيط بيسوي مع غيري لكن لما تنبهه وتوقف له
عظم بالبلعوم وتطالبه بالمبلغ هني يحسب حساب لك ولغيرك

[طلعة الروح]

هذا نوع خسيس من التسويق يتعلمونه يا صديقي العزيز و هو توجيه فكر الزبون الى انه يطلب وسط او كبير ...خلاص انت شوفت الإعلان انه الوجبه مثلا ب 25 ريال و المقصود بهذا السعر هو الحجم الصغيرو دخلت المطعم و طلبت و حصلوا على 25 ريال...الحين دور البايع انه يقولك وسط و الا كبير و ما جاب سيرة الحجم الصغير....تلقائيا تقوله وسط او تختار كبير و يصير سعرة الوجبه 30 ريال او اكثر مثلا مع انك داخل المطعم بنية دفع 25 ريال للوجبة الواحده و اضرب الفرق في عدد الوجبات المطلوبه

بالضبط ما يسألونك اي حجم تبي واذا نسيت تحدد بيعطونك الحجم الوسط وراح تتوهق بالحجم والسعر اللي مايسوى

[طلعة الروح]

معليش ما ابغي ارسل رسالة سلبية.. بس لو اكتشفت تلاعب في فاتورتي وسحبته من ورا كاونتره ورضخته بستوي غلطان... ؟

ولا اصير حضاري وارد له الطلب واخذ الفلوس واطلع ونا مشمئز سبة هذا الوافد!

كلمه بأدب وخله يعيد ادخال الفاتوره

[سالم الزهران]

كلمه بأدب وخله يعيد ادخال الفاتوره

ان هيه توافيق، احياناََ نطيح بموظف يطلب الولد اصابع جبن يجيب لنا شغلة ثانية بالجبن! يعني الولد يتشرط من صوب والهندي يقول هذا واجد زين

[مستر بن]

والله يااخوي البيروني اني قريت هالموضوع وانا عند كنتاكي نفس الفرع اللي تتكلم عنه ..
والحساب فوق ال100 وراجعت طلبي قبل لا ادفع وطلع الحساب صحيح ..
اسمحلي اخوي اذا على قولتك من 8 سنين فالمشكله فيك انت ..
لو زاقرهم من البدايه كان تسنعوا معاك وماينسونك .. في واحد افريقي ياخذ الطلبات دايما ياخذ الاوردر غلط ..
وقبل لا احرك اراجع معاه الاغراض .. اما الفلبن عادي يركزون على طول ...
ومثل هالموقف صارلي مرتين في ماك فرع الخور .. اذا احنا ماننتبه فالمشكله فينا ..


انا مع ساره فالنقطه ، وخاصه اني من اكثر الناس اللي ياكلون كنتاكي !!
لكن اذا صار لك مثل هالموقف
المفروض تصور فيديو وتروح حماية المستهلك
تصور المره الاولى وتصور الثانيه . . . .

وعقبها ياخذون الاجراء اللازم . .
اما ثمان سنين . . اجيال تبدلوا فالمطعم
والله يعينك ويعوضك