التصبيحات والتمسيات الكثيرة على الواتس اب

[قطري2022]

هنالك اشخاص يصبحون بست صور او اكثر على الواتس اب ، وكذلك الحال حينما يمسون وحينما يبعثون الادعية ايضا ، في البداية اشكركم على تلك المشاعر الطيبة ، ولكن كثرة الرسائل تسبب ازعاجا كبيرا للمتلقي ، أؤكد لكم ان رسالة تصبيح واحدة تكفي ولا حاجة للتمسية ، وحتى التصبيحات ليست بالضرورة ان ترسل بشكل يومي ، فالهدف من الرسائل هو الترابط وليس الاصرار على الارسال ، فرسالة او اثنتان تكفيان في اليوم ، كذلك الادعية ، حيث ليس جميع المتلقين سيقرؤون جميع الادعية ، فدعاء واحد يكفي في اليوم بدلا من التصبيح .
كذلك المعلومات المفيدة ، ارجو عدم المبالغة بها فليس كل شخص لديه رغبة في الاطلاع ، حيث بعض الاشخاص لايحبون القراءة اولديهم ظروف تجعلهم لايطيقون القراءة او الاطلاع ، بالاضافة الى ان كثرة الرسائل تاخذ حيزا من ذاكرة هاتفك وهاتف المتلقي مما يجعل سرعتهما تقل .
باختصار ، يرجى عدم ارسال اكثر من رسالتان جادتان في اليوم ، ولا بأس في اضافة رسائل فكاهية على ألا تزيد عن ثلاثة في اليوم .

[sara jsm]

يسعد صباحك اخوي قطري ،.

عندي 4 اشخاص جذي يوميا من الساعه 6 الصبح يطرشون .. وللامانه مااذكر اني قريت شي منهم .. مجرد افتح المسج عشان يختفي الاشعار :playball: ماادري هذولا من وين يجيبون هالمسجات بشكل يومي !!؟
عموما اذا عندي شخص مزعج ويوميا يطرش وايد رسايل على طول اغير صوت التنبيه للشخص واخليه صامت ..
الا الوالد الله يحفظه :nop: مااقدر اكتم نغمته اخاف يبي شي ضروري ..

[قطري2022]

يسعد صباحك اخوي قطري ،.

عندي 4 اشخاص جذي يوميا من الساعه 6 الصبح يطرشون .. وللامانه مااذكر اني قريت شي منهم .. مجرد افتح المسج عشان يختفي الاشعار :playball: ماادري هذولا من وين يجيبون هالمسجات بشكل يومي !!؟
عموما اذا عندي شخص مزعج ويوميا يطرش وايد رسايل على طول اغير صوت التنبيه للشخص واخليه صامت ..
الا الوالد الله يحفظه :nop: مااقدر اكتم نغمته اخاف يبي شي ضروري ..
احس انهم يبون يدخلونا الاسلام من هالرسايل ��

[معماري قطري]

رسالة وحدة معقولة واحد يطرش 10 رسايل 9 منهم صباح الخير

[sara jsm]

رسالة وحدة معقولة واحد يطرش 10 رسايل 9 منهم صباح الخير

لا مب جذي .. :tooth:
وحدة تكون / صباح الخير
وحدة تكون / اصبحنا واصبح
وحدة تكون / جمال الصبح فيك
وحدة تكون / صورة جدول ماي وعصفور من سنه يدتي
وحدة تكون / انشطه الصباح
.......... الخ حسب مالشخص متفرغ :funny:
:
بس معقوله ماعندك ولو شخص واحد من هالنوع !!؟ :swoon2:
باحط رقمك في قروب ابوي عشان تذوق اللي نذوقه :funny:

[معماري قطري]

لا مب جذي .. :tooth:
وحدة تكون / صباح الخير
وحدة تكون / اصبحنا واصبح
وحدة تكون / جمال الصبح فيك
وحدة تكون / صورة جدول ماي وعصفور من سنه يدتي
وحدة تكون / انشطه الصباح
.......... الخ حسب مالشخص متفرغ :funny:
:
بس معقوله ماعندك ولو شخص واحد من هالنوع !!؟ :swoon2:
باحط رقمك في قروب ابوي عشان تذوق اللي نذوقه :funny:

اتشرف الله يسلمج

انا اجمع 30 رسالة اللي تكون مفيدة وزينة وارسلها للكل

[sara jsm]

اتشرف الله يسلمج

انا اجمع 30 رسالة اللي تكون مفيدة وزينة وارسلها للكل

:eek5: :eek5: :eek5: :eek5:

[مرتبش]

لاتكسر خاطر حد وتقول له ازعجتنا برسايلك.. تقدر تفتحها وماتقراها. تحطه على الصامت.. تقرا الرسايل في وقت ثاني ... وسلامتكم

[يمامـة]

اغلب اصحاب هالنوع من الرسايل كبار في العمر

مبسوطين على الجوال و منشغلين فيه ..
حلي معاهم اني حطيتهم ميوت المساكين :(

اما بشكل عام
تعاملي مع الوتس اب تعامل محدود جدا.. كلامي مع احدى صديقاتي بشكل يومي
اتبادل معاها وجهات النظر و بعض الامور و للسؤال و الاستفسار عن الاحوال مع الاخرين
في حال اكون عيزانة اتصل او الوضع ما يسمح للاتصال .. اما بشكل عام
ما عندي سوالف البرودكاست و لا سوالف القروبات و لا سوالف صباح الخير
و لا مساء النور .. و لا نشر ادعية او احاديث او فيدوهات ولا اتابع اللي ينشر في الاستيتس
و لا انشر شي في الاستيتس الا ناااادرا فبكل بساطة اعاني من (بلادة رقمية)
و اشعر بالراحة كثيرا من هالنوع من البلادة في مواقع التواصل الاجتماعي
اللي منحت لي وقت كبير اني اتفرغ لامور كثيرة تفيدني و تفيد ممن هم من حولي..
فالحمد لله رب العالمين.

[Rider]

فعلا هناك ناس مزعجين رسائل على الفاضي الحين وشدخلني صباح الخير ولا مساء الخير غير الادعية تحصل واحد مقصر في دينه وحضرته يذكرك ياخي علم نفسك ترى أذيتونا

[khaldoon]

كأنكم نسيتوا مسجات جمعة مباركة و ادعية الجمعه اللي ما لها أي دليل و كلها بدعه و نقول لهم انها بدعه و مصريين يبعثوها

كل هذا مش مهم و ينبلع بصعوبه في القروبات العامة...... اما لما يكون في قروبات للمهندسين او الاطباء او المعلمين او أي شريحة من شرائح العمل او التوظيف او دورات و تكون هذه القروب متخصصة في مجال او شيء معين فليش نحط صباح الخير و مساء الخير و جمعه مباركه و حديث بدون نقط و ما اعرف شنو ...و اللي يبعث هالاشياء ما له أي بوست يخص القروب اللي هو فيه ...هذا لازم ينطرد فورا

صراحة دخلت بقروبات كثيره تحت الالحاح و الاحراج و القرابه و صلة الرحم ....و لاحظت انه في ناس مازالت لم تسمع بشيء اسمه فوتوشوب او فيديوشوب او مسجات اكل الدهر عليها و شرب و احاديث موضوعه و مقاطع فيديو مجتزأة لتشوه المشايخ او أي شخصية محترمة ذات مكانه بالمجتمع و تسوي كوبي بيست لكل ما يوصلها بدون تفكير مطلقا و ماشيين على مبدأ ناشر الكفر ليس بكافر ..أي حد يكتب كلام سيء عن أي شخص و يحط صورته جنب الكلام يعني يكون كلامه و الناس تصدق و شوفوا يا عالم يا هووو ايش يقول فلان الفلاني

تخيل انه في ناس لسه بترسل للحين مسج بتقول انا رولا مديرة الواتس اب و لو بعثت المسج هذه لعشر اشخاص عندك راح يتحول الواتس اب للون الزهري و لو ما بعثت هذه المسج فراح يتسكر حسابك في الواتس أب..... تخيل مصدقين انه للحين في بنت اسمها رولا و هي مديرة الواتس اب ههههههههههههههههههههه

[R 7 A L]

انا ما ارسل رسايل جماعيه
عندي قروبات
بس قروب واحد هو الي اشارك فيه
بالعكس افرح جداً بهذة المسجات واستفيد بعض الاحيان منهم

[قطري2022]

فعلا هناك ناس مزعجين رسائل على الفاضي الحين وشدخلني صباح الخير ولا مساء الخير غير الادعية تحصل واحد مقصر في دينه وحضرته يذكرك ياخي علم نفسك ترى أذيتونا

ههههه مبين قلبك متروس

[MAZEN37]

ذكرتني بشخص كل يوم الفجر يرقعني ب ٥ او ٦ مربعات صباح الخير قمت سويت بلوك عليه فزعل وصارت مشكله هههه في ناس مخها مثل البتان

[khaldoon]

ذكرتني بشخص كل يوم الفجر يرقعني ب ظ¥ او ظ¦ مربعات صباح الخير قمت سويت بلوك عليه فزعل وصارت مشكله هههه في ناس مخها مثل البتان

هذا يبي يقولك شوفوني انا اصلي الفجر مب نايم مع الدليل ....هذا هو الهدف الأساسي من هذه المسجات في وقت الفجر

[السكين]

يا رجّال خلي الناس تنبسط على قولة القذافي أمرحوا وأفرحوا وأرقصوا وأرسلوا مسجات ههههههههه

بالنسبة لي اتلقى كثير من هالرسايل وأغلبها من الكبار ترى هالمسجات والتصاميم الملونة والفيديوهات وزقزقة العصافير تبهرهم والرسالة عندهم لو ما أرسلوها كأنهم قابلوك بالطريق وما سلموا عليك لذا أنا عادي عندي اللي يرسل يرسل حياه الله، أصلاًُ الجوال ما يسكت طول اليوم سناب على واتس على ايميلات على تيليغرام طول اليوم يطنطن:nice:

[قطري2022]

ذكرتني بشخص كل يوم الفجر يرقعني ب ظ¥ او ظ¦ مربعات صباح الخير قمت سويت بلوك عليه فزعل وصارت مشكله هههه في ناس مخها مثل البتان

صح هذي حركات البتان ، يا ابيض يا اسود مايعترفون بالرمادي

[هيباتيا]

لا تعيبون عالبتان

[يمامـة]

لا تعيبون عالبتان

ما ادري شنهي علاقة البتان في الموضوع..
مع ان لهم حركات الزينة و الكراكيش و الحلويات الملونة..

[قطري2022]

يا رجّال خلي الناس تنبسط على قولة القذافي أمرحوا وأفرحوا وأرقصوا وأرسلوا مسجات ههههههههه

بالنسبة لي اتلقى كثير من هالرسايل وأغلبها من الكبار ترى هالمسجات والتصاميم الملونة والفيديوهات وزقزقة العصافير تبهرهم والرسالة عندهم لو ما أرسلوها كأنهم قابلوك بالطريق وما سلموا عليك لذا أنا عادي عندي اللي يرسل يرسل حياه الله، أصلاًُ الجوال ما يسكت طول اليوم سناب على واتس على ايميلات على تيليغرام طول اليوم يطنطن:nice:

لازم تحط لك سكرتير حق الجوال ههههه

[قطري2022]

ما ادري شنهي علاقة البتان في الموضوع..
مع ان لهم حركات الزينة و الكراكيش و الحلويات الملونة..


ذكرتيني بحلوياتهم حلوة صراحة ، ومساج تخسيري

[يمامـة]

ذكرتيني بحلوياتهم حلوة صراحة ، ومساج تخسيري

ما استغنى عنها..
اتعنى لهم صوب فريج الغانم القديم
علشان اشتري من عندهم.

مساك من غير تخاسير.

[nooora]

انا احب مسجات تحفييز ،، ايات وتقسير وحكم لكن عندي جم وحده مسوية لهم ميوت كل شوي مسج ههههه

[قطري2022]

انا احب مسجات تحفييز ،، ايات وتقسير وحكم لكن عندي جم وحده مسوية لهم ميوت كل شوي مسج ههههه
انسب حل

[بوخالد911]

انا اجمع 30 رسالة اللي تكون مفيدة وزينة وارسلها للكل
هلا بو عبدالله

عااد لا تنساني :)

س :- اشلون رسايلي ؟!؟!؟ :con2:

[!.!]

تخيل انه في ناس لسه بترسل للحين مسج بتقول انا رولا مديرة الواتس اب و لو بعثت المسج هذه لعشر اشخاص عندك راح يتحول الواتس اب للون الزهري و لو ما بعثت هذه المسج فراح يتسكر حسابك في الواتس أب..... تخيل مصدقين انه للحين في بنت اسمها رولا و هي مديرة الواتس اب ههههههههههههههههههههه

هه وتحدث فعلًا إسم رولا هذا يكثر كثيرًا متذكر كنت في بداية الفوركس 2011 أول من أتصل بي : معاك مدام رولا تكلمت شوي عربي وكملت معاها وبعد بدأت تتأته بالأنجليزية كنت ضعيف فيها قلت والله يا أنسة ممكن فرنسي؟102380 قطعت الإتصال
وبعد خشيت على طول للأميل وجدت رسالة من الأستاذة هنادي هه والله مادري من وين جات هاي الأسامي 102379
رولا،، رولا ..رولا الإسم القاتل في النّت ، والله ما يعرفوا أساليب أصطياد الناس يبدون يضحكوا من بداية أول مكالمة


يا رجّال خلي الناس تنبسط على قولة القذافي أمرحوا وأفرحوا وأرقصوا وأرسلوا مسجات ههههههههه

:nice:

أي ..أي رحمة الله على كلِّ أموات المسلمين
بس وضح نوع المسجات هه ما يكون خاطرك إن شاء الله
نفسي أعرف الواتساب كيف يتم التعامل معه ، بحياتي! منصبه على الهاتف ولم أستعمله
أظنهُ مثل الفايبر والله أعلم ، حتي هو لم أستعمله أختي تتصل بي تقول لي أعمل به أتواصل معك أفضل
ولكن لم تسنح لي الفرصة لإستعماله لكثرة عملي
شو رايك أستاذ سكين هل هو جيد ؟ مثل ماقال رحمة الله عليه القذافي ؟
ولا..مزعج !؟ 102381
ولا أسأل صاحب الموضوع الأستاذ قطري 2022 شو رايك في الواتساب أستعمله ولا لا هل هو جيد ولا لا