دروس اكتسبناها بمرارة - شاركنا

[H H]

السلام عليكم.

اغلب المتداولين لهم سنوات فالسوق, وتعلموا الكثير من الدروس من خلال تداولاتهم, وبعضها للاسف دفعنا ثمن غالي مقابلها سواءً بخسارة موجعة او فوات فرصة ذهبية.
ودنا فهالموضوع نفيد غيرنا بالدروس الي تعلمناها ونوفر عليهم المرور بنفس التجربة. والعاقل من اتعظ بغيره.

[H H]

عن نفسي, ببدأ بهالخطأ الي طحت فيه كثير ومازلت للأسف.
اذا شريت سهم, ونزل, اصبر عليه, واعدل المتوسط, وانتظر بالشهور, لكن بمجرد مايرجع يرتفع فوق سعر شرائي لو بنسبة بسيطة
اسارع بالبيع, مع ان السهم توه في بداية الانطلاقة! هالشي فوّت علي ارباح كبيرة جداً.

من كم سنة شريت الرعاية ب 89 تقريباً, صبرت عليه فترة والخسارة وصلت 25% وصبرت.
لين مارجع يرتفع, واول ماارتفع فوق سعر شرائي بعته ب92, السهم بعد مابعته ماوقف الا فوق ال 200 :thumbdown:


ياانك تلتزم بوقف الخسارة, ياانك ماتبيع بعد مايدخل سهمك فالايجابية.

[سالم الزهران]

بالنسبة لي زيرو معلومات في حركات واسرار البورصة، لكن ما تقدر تضع قانون معين لها لأن اغلب الناس لهم نفس الميول في البيع والشراء.

دخلت مرة في الأسهم بقوة شريت حوالي 500 سهم قبل ما يجي نظام التجزئة، أنا شريت من هنا والسهم يدش في ركود من هنا.. عقب بدى ينزل.. استحملت.. رجع لوضع مقارب من سعر الشراء.. بعتهم بخسارة أربعة الآف.. لكن خسارة بطعم الفوز.

لذلك في الأسهم عشان تتجنب التعليقة يبغي لك تغامر في أكثر من سهم والكسبان تعوض منه الخسران.. و التفرغ مطلوب. والله يوفق الجميع

[معماري قطري]

كلها أرزاق سهم يربحك وسهم يخسرك

اللي تعلمته انا اضارب بنفس طويل وبنفس الوقت احاول احصل سعر استثماري مناسب .. نجحت في بعض الأسهم واغتشيت في بعضها وبعضها دخلت بكميات كبيرة وعلى سعر كنت اشوفه مناسب نزل السهم لنص سعر شرائي وأكثر

في المجمل مستفيد من الأرباح السنوية بحدود 5% من راس المال ومن المضاربات بحدود قريبة بعد

السوق مب مقنع والشفافية معدومة والشركات اللي تدعي انها خسرانة ملاكها مطلعين منها ذهب وللمساهمين صفر كبير .. مب شرط يطلعون مكافآت المكافآت ولا شيء عند تشغيل شركاتهم الخاصة بغالي في الشركة المساهمة

[الـمـرقاب]

كلها أرزاق سهم يربحك وسهم يخسرك

اللي تعلمته انا اضارب بنفس طويل وبنفس الوقت احاول احصل سعر استثماري مناسب .. نجحت في بعض الأسهم واغتشيت في بعضها وبعضها دخلت بكميات كبيرة وعلى سعر كنت اشوفه مناسب نزل السهم لنص سعر شرائي وأكثر

في المجمل مستفيد من الأرباح السنوية بحدود 5% من راس المال ومن المضاربات بحدود قريبة بعد

السوق مب مقنع والشفافية معدومة والشركات اللي تدعي انها خسرانة ملاكها مطلعين منها ذهب وللمساهمين صفر كبير .. مب شرط يطلعون مكافآت المكافآت ولا شيء عند تشغيل شركاتهم الخاصة بغالي في الشركة المساهمة

ارحم الله والديك
آخر جمله قلت فيها اللي في خاطري ;)

[H H]

شكراً على مشاركاتكم وتجاربكم والله يرزقكم من واسع فضله.



درس آخر تعلمته بالطريقة الصعبة
البعض يقولك اشتر سهم وانساه, ومصيره يرتفع, ويذكرلك قصص ناجحة من هالقبيل.
مع ان هالحركة ممكن تخسف باموالك خسف, المتابعة ضرورية جداً جداً.

تجربتي مع هالشي كان من سنة او اكثر, شريت القابضة على 48 تقريباً, وسافرت اشهر قليلة, يعني مب سنتين ثلاث.
للاسف رجعت ولقيت السهم حول ال 29 ريال والخساره وصلت تقريبا نص راس المال, مامداني غفلت عنها فتره بسيطة!
طبعاً عدلت متوسط الشراء وبعت على 40 وافتكيت مع درس مهم, لاتغفل عن اموالك!

اذا كان عندك مطعم, مايمر يوم يومين ماتتابعه وتشوف انت ربحان خسران, فالبورصة المفروض يكون نفس الحرص, ويمكن اكثر شوي.

[معماري قطري]

ارحم الله والديك
آخر جمله قلت فيها اللي في خاطري ;)

ووالديك في الجنة

للأسف يا اخوي ما فيه احترام لحقوق المساهمين وأكل لحلالهم ويقولون لك خسرنا

[الـمـرقاب]

ووالديك في الجنة

للأسف يا اخوي ما فيه احترام لحقوق المساهمين وأكل لحلالهم ويقولون لك خسرنا

الشرهه مب عليهم، على ادارة السوق
مالهم دور يذكر

[معماري قطري]

شكراً على مشاركاتكم وتجاربكم والله يرزقكم من واسع فضله.



درس آخر تعلمته بالطريقة الصعبة
البعض يقولك اشتر سهم وانساه, ومصيره يرتفع, ويذكرلك قصص ناجحة من هالقبيل.
مع ان هالحركة ممكن تخسف باموالك خسف, المتابعة ضرورية جداً جداً.

تجربتي مع هالشي كان من سنة او اكثر, شريت القابضة على 48 تقريباً, وسافرت اشهر قليلة, يعني مب سنتين ثلاث.
للاسف رجعت ولقيت السهم حول ال 29 ريال والخساره وصلت تقريبا نص راس المال, مامداني غفلت عنها فتره بسيطة!
طبعاً عدلت متوسط الشراء وبعت على 40 وافتكيت مع درس مهم, لاتغفل عن اموالك!

اذا كان عندك مطعم, مايمر يوم يومين ماتتابعه وتشوف انت ربحان خسران, فالبورصة المفروض يكون نفس الحرص, ويمكن اكثر شوي.

انت سافرت ومعدلك زين .. انا ربحت في السهم 180 الف ريال ودخلت بمبلغ كبير وعلى سعر كبير .. وكلما نزل كلما قلت الفرج جاي وكنت متابع .. الحين ضبطت معدل الشراء لحدود 70 ريال ويمكن أقل ومنتظر الفرج

[معماري قطري]

الشرهه مب عليهم، على ادارة السوق
مالهم دور يذكر

بس هذا يضر سمعة السوق داخلياً وخارجياً

[معماري قطري]

زين ألحين سمعنا إنها ادارة السوق غرمت أشخاص معينين وشركات بسبب بعض التجاوزات والتلاعب في سعر السهم ورفعه .. ليش ما نسمع عن محاسبة هذي الشركات ومراقبة عقودها وكشف الخسارة الفعلية أو الربح الفعلي المتسرب لمجالس ادارتها؟

هذا ظلم للمساهمين اللي حطوا فلوسهم في سهم كان نقازي واستوى رقادي

[الـمـرقاب]

بس هذا يضر سمعة السوق داخلياً وخارجياً

دام "الحيتان" مستفيده
مايهم :fight:

[الـمـرقاب]

زين ألحين سمعنا إنها ادارة السوق غرمت أشخاص معينين وشركات بسبب بعض التجاوزات والتلاعب في سعر السهم ورفعه .. ليش ما نسمع عن محاسبة هذي الشركات ومراقبة عقودها وكشف الخسارة الفعلية أو الربح الفعلي المتسرب لمجالس ادارتها؟

هذا ظلم للمساهمين اللي حطوا فلوسهم في سهم كان نقازي واستوى رقادي

لو بتصير محاسبه فعليه، ناس كبار بتوقف في المحاكم!
المشكله ماطلع الخبر عندنا إلا عقب ماشافوا انه تسرب لمصادر خارجيه!
يعني النيه كانت التكتم على هالبلاوي

[سهم فضة]

اللي قدر اعرفة ببساطة ، مربح فالشركات الصغيره ريال او ريالين الحمد لله نعمة ، عدم الطمع ، عدم الاعتماد الكلي عالتحليل و الشارات ، لن اوقات تحدث هناك امور تخترق هذه الشارات وتعتمد عالصانع و التخارج والدخول بالسهم ، لكن بشكل عام اوقات الواحد تتغير ضروفة مثلا ، اشتر سهم على سعر 37 ريال على اساس في هدف بيع 42 مثلا وما الله كتب ويوصل 42 او حتى 40 وبدا رحلتة بالهبوط الى 33-31 ريال وكذا تحول الشخص الى مستثمر و مر وقت 6-7 شهور سنه !!! لم يتحس الوظع ونزل الى 27 و 24 ريال مثلا فا على كذا البعض يتخارج من السهم بخساره ، اوقات قرار المضاربة يكون خاطئ واوقات الانتظار الى ان السهم يتعيد بريقة ويقفز خطأ ، والاهم من ذلك رأس المال ان يكون جبان و البعض قد يأثر عليه الوظع المالي فالبعض يشتغل على 200 الف و البعض يشتغل على 7 مليون ، هناك فرق شاسع بالحرية والتنقل بالاسهم يصنعها كبر راس المال ليعطيك كبر جم راس المال بالحرية للتنقل بين الاسهم وتعويظها بااخر لوجود السيولة الكافية ، لكن اللي راس ماله بسيط او متواضع ، الخسارة و الحركة عنده صعبة .

[atiq]

تعلمت ان الفرص لا تنتهي و ان مضاعفة الأموال ليس مستحيل اذا ما تسلحت بالعلم و اتقنت العمل

تعلمت أن السوق ليس عشوائي بل منظم و محكم بالعرض و الطلب

تعلمت أن على المتداول ان يتعامل مع السوق كحال اي سوق آخر فهناك ضريبة يجب عليك ان تدفعها لتزاحم رؤوس الأموال فيجب ان تعطي المال و الجهد و الوقت فلا يستقيم امرك الا بدفعها لكي يعطيك السوق

ان تعتمد على نفسك لا على غيرك

تعلمت أن اتعامل مع السوق بعقلي و الورقة و القلم لا بقلبي و المشاعر و الأماني

[مووظف حكومي]

للي قدرت اعرفه


اذا كان لك والباقي خله مستور

[بوخميس]

هذا موضوع مشابه وفيه دروس مجانية

http://www.qatarshares.com/vb/showthread.php?611470-دروس-بفلوس-وأهم-شي-سلامة؟!!-ال&highlight=%CF%D1%E6%D3

[H H]

يعطيكم العافيه جميع.
استاذ عتيق, انت من اكثر الاشخاص الي اقتنعت بعد متابعتهم بجدوى التحليل الفني, ومؤخراً بجدوى التحليل الموجي بالتحديد, بالتوفيق.

[مستثمر رشيد]

خذها من الاخر .... سوقنا ما يعتمد على تحليل فني وغيره ....

فقط .... تسريب معلومات عن الشركة اما من خلال اعضاء مجلس الادارة او العاملين بها ...... وخلال فترة بسيطة رايح تكون ثروة

هذا باختصار سوق الدوحة .......

للاسف ناس ماتعرف الحرام .....توصلها المعلومة قبل الناس ...... تشتري قبل طلوع السهم .... وتبيع قبل النزول ...... والي ياكلونها البسطاء

[عابر سبيل]

لاتطمع
ولا تستعجل!

لا تدخل البورصة الا بالمال الفائض
عن حاجاتك الرئيسية و الأساسية
و الالتزامات الاخرى كمشروع بناء البيت
او الزواج الخ الخ الخ..


لاتدخل البورصة باموال لاتملكها!
يعني لاتاخذ تمويل/سلفة/قرض
من البنك عشان تتاجر/تضارب
و تربح و ترجع بيزات البنك مع ارباحه..
لو كانت سهله كان غيرك اشطر منك!!


متى ما شعرت بالضغط..
لابد ان تراجع نفسك و أدائك!

لا تدش البورصة بكل بيزاتك..
ولا تطلع منها بكل بيزاتك..

نوّع نوّع نوّع...

أسوأ قرار ان تغامر بكل الكاش اللي تملكه..
فلا تضع حبل المشنقة حول رقبتك..الا ان كنت مجبور مجبور مجبور!