20 ألف ريال الراتب من المؤهل للحصول على الإقامة الدائمة

[saeed2005]

لا أعرف بالضبط سلم الرواتب في الدولة لكن من يعرف هذا السلم ويخبرنا من المؤهلون للحصول على الإقامة الدائمة ( ملاحظة 20 ألف الراتب الأساسي )

[ابو عبدالله.]

اعتقد انها شرط من الشروط

هالرواتب موجوده بحسب الوظيفه

خبير بالحكومه او مهندس بترول او مدير بنك. الخ

طبعا مع توفر باقي الشروط مثل خدم الدوله بمجال معين و الدوله بحاجه لخبراته

اعتقد مش سهله الاقامه. لازم يدققون عليه بامور كثيره

مما قرأت بالجرائد. ان 20 اقامه سنويا و يمكن تعديل العدد بقانون او تعديل القانون لاحقا

البدايه بسيطه وبعد خوض التجربه و معرفه السلبيات. سيفتح لعدد اكبر

[nooora]

لو نفترض دكتور راتبه 20 الف ايضا هناك شرط اقامه بالبلد 50 سنه ،
شروط صعبه ويمكن تنطبق على فئة قليله ، وعندك اخر شي اللجنة يمكن ما يوافقون وكالعاده ما يعطونك سبب ،،، !!!!

[qatari911]

المفروض يسهلونها او يسون الغرين كارد نفس امريكا
واحد صار له 40 سنه وفوق بدولة قطر وراتبه 10000 او 15000 وفيه الي رواتبهم اقل من العشره شنو موقعهم من الاعراب
هذا بيفتح باب جديد للاقتصاد طبعا لازم ظوابط بس في نفس الوقت يسهلون على من صار له اكثر من 40 سنه
وجهة نظر

[ابو عبدالله.]

ما اعتقد انهم من الفئات المستهدفه بالاقامه الدائمه

توجد فئات مهمه اكثر من الطبيب و المهندس

رجل اعمال ملياري

مدير مشاريع كبرى

عالم كيميائي اوجد كشف مفيد للدوله و صناعه الغاز

مثل هالامور ممن تشفع في سروط الاقامه

اما الاطباء و المهندسين فالمنطق يقول قدموا لوظيفه بعقد عمل و قدم خدماته المطلوبه و عند الاقاله او التقاعد تنتهي اسباب تواجده في الدوله

يمكن اكون غلطان لكنها وجهه نظر

اي كانت مشاعر الوافد حيال بقاءه بقطر هذا لا يعني انه مستحق للاقامه الدائمه

ترغب بها. اعط الدوله سبب وجيه للحصول عليها هذا الي انا فاهمه من السالفه كلها

[يمامـة]

اعتقد اني قريت ان الراتب الاساسي 20 الف..
و اذا اللي قريته غلط..
اسمحوا لي.

[بوخميس]

لو راتبي الاساسي 20 الف وانا مقيم

باروح اوروبا ولا امريكا اصير مواطن في 5 سنين

او اروح البحرين اشتري جواز بحريني مثل هالسوريين اللي تجنسوا واجي الدوحة، الخليجي له مميزات احسن من المقيم اقامة دائمة ومن الوثيقة ومن ولد القطرية اللي خاسوا في قطر 50 سنة

[لـبـيـه]

مواليد قطر و الي امهاتهم قطريات مستثنين من شرط الراتب

[jajassim]

لو راتبي الاساسي 20 الف وانا مقيم

باروح اوروبا ولا امريكا اصير مواطن في 5 سنين

او اروح البحرين اشتري جواز بحريني مثل هالسوريين اللي تجنسوا واجي الدوحة، الخليجي له مميزات احسن من المقيم اقامة دائمة ومن الوثيقة ومن ولد القطرية اللي خاسوا في قطر 50 سنة



كلامك منطقي جداً ،، لهذا السبب سيكون هنالك استثناءات لهذا الشرط ،، ( الراتب )

وشكراً

[saeed2005]

وفاز بها أصحاب العيون الخضر هم الخبراء وذوي الرواتب العالية ولعلهم المقصودون ولله في خلقه شؤون

[مووظف حكومي]

ولاتنسى اللحيه الحمراء

[Qtr37]

الهدف اللي عندهم فلوس كثيرة جدا
علشان يفيدون البلد بعد،، الفقرا ما منهم فايده خخخ

لأن وايد مقيمين جامعيين رواتبهم الاساسية ما توصل ست الاف ريال في الوظايف الحكومية

[حمــد]

وهل هذه الفئه محتاجه تعليم وصحه مجاني غير الامتيازات الثانيه

[بوخميس]

وهل هذه الفئه محتاجه تعليم وصحه مجاني غير الامتيازات الثانيه

ليش هذيلا اصحاب الرواتب العالية تتوقع يدخلون عيالهم مدارس حكومية وياخذون مواعيد مستشفى حمد عقب شهور مثلنا؟!!

[حمــد]

ليش هذيلا اصحاب الرواتب العالية تتوقع يدخلون عيالهم مدارس حكومية وياخذون مواعيد مستشفى حمد عقب شهور مثلنا؟!!

صحيح .. هذا يلي كنت أعنيه