الطبيلات الخارجية بين الإيجابية والرفض

[naklan]

السلام عليكم ورحمة الله وبركاته

الموضوع

عن الطبيلات الخارجية بين الرفض والقبول
عني اتقبلها في بعض الأماكن وارفضها في اخرى
بيت عائلة وفيه 22 سيارة شدعوه شركة بعضهم عامل
طبيلات من 3 جهات والبعض الآخر الرصيف 3 متر ونص
سيارته في الشارع الصراحة مصخت في بعض الأماكن
وامتد الموضوع لأماكن راقية ليهدم الذوق العام وجمال
المدينة والله شفت جمس دبل تاير 3500 من طول
السيارة مسكر سيد واحد من الشارع بعظهم
نسو ان الشارع حق عام

وين البلدية عن الموضوع
ارائكم
تحياتي للجميع

[ابو عبدالله.]

صبحك بالخير اخوي

انا ساكن بفيلا صغيره حاليا و الشارع فيه 600 الف طبيله خارجيه

بعض الطبيلات شي بسيط و مقبول ما يتضرر الشارع منها

وبعضها داخل الشارع بمتر. و المواتر خشومها بالجدار و الصدام الخلفي واصل ربع الشارع

من الجهتين. يمينك و يسار. فحرفيآ الشاره تمر فيه سياره وحده فقط

الي موقف بي ام دبليو القديمه و مطربلها ياخي بيعها ولا احذفها ببلاش سكراب. لا قادر يصلحها ولا يشغلها

الجماسي مع الرمانه تقول يحدق للمواتر لو يصيد موترك و انت مار رحت فيها

و طبيله. واحد مخليها طاوله و كراسي للسواقين بس زين انهم بعيد عن بيتي ولا كنت بجيهم بالجمس بدخله صاروخ ع الطبيله

الي نتمناه ان البلديه تحس فينا شوي


اضبط السالفه. دام قلتوا بتسمحون بموافقه. خالف الي بدون موافقه والي بتعطيه موافقه حدد الحجم

بيت عمي جنبهم واحد باني ثلاث بيوت جنب بعض وعلى ثلاث شوارع. مسوي طبيلات ع شارعين . و اكثر من النص
فاضيه محتكر اراضي الدوله. لا تقدر تصف جنب جداره ولا تلقى موقف حكومي بين البيوت. مرات نصف بعيد عشان نروح مجلسهم

بصراحه اشكال الطبيلات قذر ببعض الاماكن ما نمانع تنحط لكن بشكل مقبول للجيران و لنا و لغيرنا

[سهم فضة]

ولو ان كلامك اخوي فيه الكثير من الصواب من ناحية الصوره الجمالية ولا اختلف معك بها ، لكن من المتعارف علية في قطر ان اغلب المنازل تبتدي تقريبا من 700 متر تقريبا بدايه للمنازل الشعبية الى 1200-1300 متر فالغالبية ، واغلب الاسر ممن تعدى راعي البيت عمره 50 سنة تقريبا لدية اولاد وسواقين وقد تكون زوجتة تسوق كذلك ، والاهم قد يكون لدية 4-5 اولاد و تقريبا اعمارهم بين 18-25 ، ومع الاخذ بالاعتبار يمكن يكون 1-2 منهم متزوج وساكن لدى والديه بسبب نحن وانت نعرفة غلاء المنازل و غلاء ايجاراتها مما يضطر به الحال للسكن مع والديه وبناء ( قسم ) ملحق خارجي ، وقد يكون فالمنزل اكثر من ملحق ، ملاحق المطبخ الخارج + ملحق الولد 1 + ملحق الولد 2 ، مع الاخذ بالاعتبار ان قد تكون مساحة الملحق الخارجي بين 100-170 متر وعندك 3 ملاحق فالحوش ملاحق الاولاد و المطبخ الخارجي و مشتاقته يعني عندك حوالي 450-500 متر بالحوش فقط ملاحق والبعض قد يكون اكثر من ذلك ، و غير هذا عالاقل مثل هذا البيت فيه لايقل عن 5-6 سيارات !! فازاتوقع وجود طبيلات خارج المنزل ، امر طبيعي جدا ، وجزاهم الله خير عالتسهيل على الناس ، ومراعاه لضروفهم ، فاهذا امر جيد ويشكرون عليه ، بدل التضيقق عالناس ، وبالعكس اغلب شركات المضلات ، فال 3-4 سنين التي مضت كدت ذهب بسبب موظوع بناء الطبيلات الخارجية ، وهذا كان باب رزق كبير لها ، واتوقع الفكره كانت مطبقة بالكويت منذ زمن بعيد .

[معماري قطري]

البلدية مقصرة تقصير كبير وكذلك المرور والا مثل هالعوائق في الطرق شيء غلط .. المفروض تخطيط طرقنا الداخلية وأي مكان فاضي أما ينزرع أو ينرصف لوقوف السيارات .. روضة فاتحة في شارع ضيق قاموا ركبوا حديد وسدوا جانب الروضة حتى الناس ما يوقفون قرب السور .. زين يوقفون في الشارع مثلاً

فوق هذا المنهولات بدأ يخفق الدفان حولها .. لين متى بتخلون قطر جذيه؟ تنطرون 2022 حتى تعدلون

زين اروح صوب مجمع شركات المناعي الحفر في الطريق الفرعي شيء لا يطاق .. ونفس الشيء الحفر اللي في الجهة المقابلة صوب مندرين يؤبرني مندرين والسوق اللي هناك .. أشغال والبلاديه أو البلا والأذية كما يطلق عليها البعض امتعاضاً .. شكثر بتنطرون تكسرت سياراتنا

صوب منطقتنا فيه مواقع ضيقة الدفان جانب الطريق أرفع من الشارع وحاوية القمامة تنزلق تلقائياً في الشارع .. هل يعقل للحين ما حصلتوا حل لحاوية القمامة اللي تسكر نص المسار ويضطر الواحد ياخذ المسار المقابل

[معماري قطري]

ولو ان كلامك اخوي فيه الكثير من الصواب من ناحية الصوره الجمالية ولا اختلف معك بها ، لكن من المتعارف علية في قطر ان اغلب المنازل تبتدي تقريبا من 700 متر تقريبا بدايه للمنازل الشعبية الى 1200-1300 متر فالغالبية ، واغلب الاسر ممن تعدى راعي البيت عمره 50 سنة تقريبا لدية اولاد وسواقين وقد تكون زوجتة تسوق كذلك ، والاهم قد يكون لدية 4-5 اولاد و تقريبا اعمارهم بين 18-25 ، ومع الاخذ بالاعتبار يمكن يكون 1-2 منهم متزوج وساكن لدى والديه بسبب نحن وانت نعرفة غلاء المنازل و غلاء ايجاراتها مما يضطر به الحال للسكن مع والديه وبناء ( قسم ) ملحق خارجي ، وقد يكون فالمنزل اكثر من ملحق ، ملاحق المطبخ الخارج + ملحق الولد 1 + ملحق الولد 2 ، مع الاخذ بالاعتبار ان قد تكون مساحة الملحق الخارجي بين 100-170 متر وعندك 3 ملاحق فالحوش ملاحق الاولاد و المطبخ الخارجي و مشتاقته يعني عندك حوالي 450-500 متر بالحوش فقط ملاحق والبعض قد يكون اكثر من ذلك ، و غير هذا عالاقل مثل هذا البيت فيه لايقل عن 5-6 سيارات !! فازاتوقع وجود طبيلات خارج المنزل ، امر طبيعي جدا ، وجزاهم الله خير عالتسهيل على الناس ، ومراعاه لضروفهم ، فاهذا امر جيد ويشكرون عليه ، بدل التضيقق عالناس ، وبالعكس اغلب شركات المضلات ، فال 3-4 سنين التي مضت كدت ذهب بسبب موظوع بناء الطبيلات الخارجية ، وهذا كان باب رزق كبير لها ، واتوقع الفكره كانت مطبقة بالكويت منذ زمن بعيد .

انا ارض بيتي 1200 وسويت مواقف مظللة من الأساس تكفي ل 8 سيارات .. كما يمكن لما يصل لست سيارات اضافية الوقوف بس تتسكر المواقف 8 ممكن كل سيارة تطلع بروحها بدون تضييق .. يوم شفت بعض الناس اللي يجون ياخذون عيالهم من المدرسة يوقفون جدام الباب وجنب السور زرعت المكان وحطيت طابوق مرتفع وصكيت عليهم .. صراحة ناس ما يستحون وبعضهم قطريين ما يحترمون بيوت الناس

[بوخالد911]

البلدية توافق للمظلات الخارجية بس بشرط ما تتعدى حد الشارع
والشركة المخالفة ممكن تتعاقب لو خالفت

[MAZEN37]

المشكله بالشوارع السكنيه ستةعشر متر العرض لان السيارات تطرد في الشارع افضل حل هو انه اقل شارع يكون عشرين متر واذا بتلاحظون الشوارع ال عشرين السيارات توقف قدام البيت في الارتداد بينها وبين الشارع من غير تعدي وبالتالي لو عملنا طبيله لا تؤثر على مسار الشارع

[naklan]

صبحك بالخير اخوي

انا ساكن بفيلا صغيره حاليا و الشارع فيه 600 الف طبيله خارجيه

بعض الطبيلات شي بسيط و مقبول ما يتضرر الشارع منها

وبعضها داخل الشارع بمتر. و المواتر خشومها بالجدار و الصدام الخلفي واصل ربع الشارع

من الجهتين. يمينك و يسار. فحرفيآ الشاره تمر فيه سياره وحده فقط

الي موقف بي ام دبليو القديمه و مطربلها ياخي بيعها ولا احذفها ببلاش سكراب. لا قادر يصلحها ولا يشغلها

الجماسي مع الرمانه تقول يحدق للمواتر لو يصيد موترك و انت مار رحت فيها

و طبيله. واحد مخليها طاوله و كراسي للسواقين بس زين انهم بعيد عن بيتي ولا كنت بجيهم بالجمس بدخله صاروخ ع الطبيله

الي نتمناه ان البلديه تحس فينا شوي


اضبط السالفه. دام قلتوا بتسمحون بموافقه. خالف الي بدون موافقه والي بتعطيه موافقه حدد الحجم

بيت عمي جنبهم واحد باني ثلاث بيوت جنب بعض وعلى ثلاث شوارع. مسوي طبيلات ع شارعين . و اكثر من النص
فاضيه محتكر اراضي الدوله. لا تقدر تصف جنب جداره ولا تلقى موقف حكومي بين البيوت. مرات نصف بعيد عشان نروح مجلسهم

بصراحه اشكال الطبيلات قذر ببعض الاماكن ما نمانع تنحط لكن بشكل مقبول للجيران و لنا و لغيرنا


صباحك نور وسرور اخوي ابوعبدالله
وكلامك عين للحقيقة والله ياخوي مانبي نضيق على الناس
بس السالفة مصخت وصرنا عايشين بين مصفحات لا للاستغلال
ونعم للتقنين والتنسيق الكل تجرا من صمت البلدية وعمل طبيلة
حتى لو ما كان محتاجها ياخي الي الرصيف 3 منر ما ينفع
يوقف الا جانبي وبعدين وين حق المشاة في الرصيف
الي طار واعتدي عليه وعلى حقوق الناس

تحياتي اخوي ابوعبدالله

[naklan]

ولو ان كلامك اخوي فيه الكثير من الصواب من ناحية الصوره الجمالية ولا اختلف معك بها ، لكن من المتعارف علية في قطر ان اغلب المنازل تبتدي تقريبا من 700 متر تقريبا بدايه للمنازل الشعبية الى 1200-1300 متر فالغالبية ، واغلب الاسر ممن تعدى راعي البيت عمره 50 سنة تقريبا لدية اولاد وسواقين وقد تكون زوجتة تسوق كذلك ، والاهم قد يكون لدية 4-5 اولاد و تقريبا اعمارهم بين 18-25 ، ومع الاخذ بالاعتبار يمكن يكون 1-2 منهم متزوج وساكن لدى والديه بسبب نحن وانت نعرفة غلاء المنازل و غلاء ايجاراتها مما يضطر به الحال للسكن مع والديه وبناء ( قسم ) ملحق خارجي ، وقد يكون فالمنزل اكثر من ملحق ، ملاحق المطبخ الخارج + ملحق الولد 1 + ملحق الولد 2 ، مع الاخذ بالاعتبار ان قد تكون مساحة الملحق الخارجي بين 100-170 متر وعندك 3 ملاحق فالحوش ملاحق الاولاد و المطبخ الخارجي و مشتاقته يعني عندك حوالي 450-500 متر بالحوش فقط ملاحق والبعض قد يكون اكثر من ذلك ، و غير هذا عالاقل مثل هذا البيت فيه لايقل عن 5-6 سيارات !! فازاتوقع وجود طبيلات خارج المنزل ، امر طبيعي جدا ، وجزاهم الله خير عالتسهيل على الناس ، ومراعاه لضروفهم ، فاهذا امر جيد ويشكرون عليه ، بدل التضيقق عالناس ، وبالعكس اغلب شركات المضلات ، فال 3-4 سنين التي مضت كدت ذهب بسبب موظوع بناء الطبيلات الخارجية ، وهذا كان باب رزق كبير لها ، واتوقع الفكره كانت مطبقة بالكويت منذ زمن بعيد .


حياك الله اخوي سهم فضة
انا مع منح البعض بعد دراسة الحالة
مش كل من هب ودب والله بعض الفرجان
استوت شكل المنطقة الصناعية والمدن تشوهت
وين هبت البلدية على الكبائن راحت والحين
مكانها الطببلات مع الترخيص بعد
دراسة الحالة وسعة الرصيف
وضد الاعتداء على الحق
العام

صارت موضة حتى الي مساحة بيته 1400
صار يعتدي على الأرصفة ويسوي طبيلات وعندة
مساحة داخلية لها
تحياتي

[naklan]

البلدية مقصرة تقصير كبير وكذلك المرور والا مثل هالعوائق في الطرق شيء غلط .. المفروض تخطيط طرقنا الداخلية وأي مكان فاضي أما ينزرع أو ينرصف لوقوف السيارات .. روضة فاتحة في شارع ضيق قاموا ركبوا حديد وسدوا جانب الروضة حتى الناس ما يوقفون قرب السور .. زين يوقفون في الشارع مثلاً

فوق هذا المنهولات بدأ يخفق الدفان حولها .. لين متى بتخلون قطر جذيه؟ تنطرون 2022 حتى تعدلون

زين اروح صوب مجمع شركات المناعي الحفر في الطريق الفرعي شيء لا يطاق .. ونفس الشيء الحفر اللي في الجهة المقابلة صوب مندرين يؤبرني مندرين والسوق اللي هناك .. أشغال والبلاديه أو البلا والأذية كما يطلق عليها البعض امتعاضاً .. شكثر بتنطرون تكسرت سياراتنا

صوب منطقتنا فيه مواقع ضيقة الدفان جانب الطريق أرفع من الشارع وحاوية القمامة تنزلق تلقائياً في الشارع .. هل يعقل للحين ما حصلتوا حل لحاوية القمامة اللي تسكر نص المسار ويضطر الواحد ياخذ المسار المقابل


حيالله اخوي الحبيب الغالي بوعبدالله
والله كلامك ذهب ومن شخص فاهم وعنده بعد نظر
العملية يبيلها هبة من البلدية وتنسيق وترتيب وبرخص
اما كل من هب ودب بيضيع جمال المدن وبتصير مدن
الصفيح اما كلامك عن درام البلدية موضوعة
محتاج عمل مربع دائم داخل الرصيف
مرة شفت حادث الطبيلات مسكرة
من اليمين والدرام من اليسار
وصدم الريال لدرام

تحياتي يالغالي

[naklan]

البلدية توافق للمظلات الخارجية بس بشرط ما تتعدى حد الشارع
والشركة المخالفة ممكن تتعاقب لو خالفت


حيالله اخوي الحبيب بوخالد
السيارات استولت على نص الشارع ووصلت للخط
الابيض الي في نص الشارع سيارات وطراريد وسكوترات
وبقي وبياكم وتناكر ماي وكرفانات متنقلة صرنا شار22ع
في الصناعية

[حمد 2002]

لاتصعبون على العالم وخلوا الفقاره ايحطون طبيلات برع ..

تاركين الي سيايرهم ماتعد ولا تحصى وفلوسهم بالمليارات ومركزين على طبيله فقير مسكين ايدفي موتره من الشمس..

دنيا دنيا

[الكاسر007]

الارتداد له دور البعض 30 متر للشارع والبعض 3 متر ظلم

[eXpert*]

الموضوع جداً مزعج خصوصاً إذا كان بيت على شارعين والطبيلة جايه على الزاوية .
إذا أنت مب من المنطقة وماتعرف ان البيت هذا عنده طبيله على جنب تتفاجأ بالسيارة إما تبي تدخل الطبيلة أو طالعة منها .

والأدهى وألأمر البيوت التقسيم وسط الفرجان 20 نفر داخل البيت وكل واحد مسوي له طبيلة بنفسه . هذا من تشينكو وهذا من بليوت وهذا مركب سناح خيمة .

المشهد تلوث بصري .

[بومحمد المطاوعه]

دام الطبيلات معلقه ومالها اي عامود او بيب يضرب الارض
البلديه ماتتدخل في منع الطبيلات الخارجيه

واعتقد الناس ماحطت طبيلات برع الا ماعندهم حوش تدخل سياراتهم داخل

وتبارك الرحمن ماشاءالله الي عنده مواتر وايد شيسوي يعني وين يوقفهم
لو 20 موتر ومايضايق الناس برع الشارع اشوف الموضىع عادي
لكن الي يضايق الناس الي يحط طبيلته مع عامود او مسكره كامله
هذي مخالفه والبلديه تنشب لهم

اما المعلقات محد يكلمك

[Rider]

للعلم الكل لي مسوين طبيلات اذا كان هناك شغل في الشارع مثل صرف صحي بتنشال مثل لي صاير في منطقة شمال الدحيل حاليا الحين جايين يسون لهم صرف صحي طالبوا منهم يشيلون الطبيلات انا ضد فكرة الطبيلات الخارجية لانها فعلا تشوه المنظر لكن اذا كان واحد عنده مساحه كبيره قدام البيت عادي

[ابو عبدالله.]

بو محمد. الطبيلات المعلقه بعضها واصل لين ربع الشارع.

فالمواتر توقف و صداماتها واصله ثلث الشارع. هذا قريب من بيتي و ع زاويه وما تمر الا سياره وحده حاكرين جانبي الطريق يا دوب موتر

هذه معلقه و اضرارها اخطر من ام عامود

صار في مواتر مطربله من سنين ولا تسوى الف ريال. يحذفها سكراب و يفك الفريج من الاذى

المطلوب من البلديه لكل موافقه تدرس وضع الطبيله. يمدي. اوكي ما يمدي بلاش منه ولا تصير حوادث

يهال يا ريال يطلعون لك من بين هالمواتر الواقفه و ربعها بالشارع. متى يمديني اشوف البزر و اوقف قبل لا ادعمه

صارت معاي مرتين و الله حفظ اليهال

لو يوقفون ع جنب معليه يمدي اشوف لكن ربع الموتر بالشارع لا والله ما نرضى

[بومحمد المطاوعه]

بو محمد. الطبيلات المعلقه بعضها واصل لين ربع الشارع.

فالمواتر توقف و صداماتها واصله ثلث الشارع. هذا قريب من بيتي و ع زاويه وما تمر الا سياره وحده حاكرين جانبي الطريق يا دوب موتر

هذه معلقه و اضرارها اخطر من ام عامود

صار في مواتر مطربله من سنين ولا تسوى الف ريال. يحذفها سكراب و يفك الفريج من الاذى

المطلوب من البلديه لكل موافقه تدرس وضع الطبيله. يمدي. اوكي ما يمدي بلاش منه ولا تصير حوادث

يهال يا ريال يطلعون لك من بين هالمواتر الواقفه و ربعها بالشارع. متى يمديني اشوف البزر و اوقف قبل لا ادعمه

صارت معاي مرتين و الله حفظ اليهال

لو يوقفون ع جنب معليه يمدي اشوف لكن ربع الموتر بالشارع لا والله ما نرضى

بوعبدالله صحيح كلامك
بعض الناس تركب طبيلات معلقه لكن تخرب على مسار الشارع
لكن في نفس الوقت من المسؤول؟

انا مثلآ راعي البيت وين اوقف موتري ؟
مافي مجال ولا في حل ثاني
من هالشكل ناسيين الموضوع لان لو امنعو انهم يوقفون وين بيوقفون
ولو شالو طبيلاتهم بعد المواتر بتشوفها واقفه جدام بيوتهم

يعني ماحليت الموضوع ابد
ماتقدر تمنعه يوقف جدام بيته
ف من هالشكل ناسيين موضوع الطبيلات لان بتشوف المواتر
توقف سواء في طبيله او مافي طبيله

[سعود.]

بوعبدالله صحيح كلامك
بعض الناس تركب طبيلات معلقه لكن تخرب على مسار الشارع
لكن في نفس الوقت من المسؤول؟

انا مثلآ راعي البيت وين اوقف موتري ؟
مافي مجال ولا في حل ثاني
من هالشكل ناسيين الموضوع لان لو امنعو انهم يوقفون وين بيوقفون
ولو شالو طبيلاتهم بعد المواتر بتشوفها واقفه جدام بيوتهم

يعني ماحليت الموضوع ابد
ماتقدر تمنعه يوقف جدام بيته
ف من هالشكل ناسيين موضوع الطبيلات لان بتشوف المواتر
توقف سواء في طبيله او مافي طبيله

كلام جميل 100‎%‎

[معماري قطري]

حيالله اخوي الحبيب الغالي بوعبدالله
والله كلامك ذهب ومن شخص فاهم وعنده بعد نظر
العملية يبيلها هبة من البلدية وتنسيق وترتيب وبرخص
اما كل من هب ودب بيضيع جمال المدن وبتصير مدن
الصفيح اما كلامك عن درام البلدية موضوعة
محتاج عمل مربع دائم داخل الرصيف
مرة شفت حادث الطبيلات مسكرة
من اليمين والدرام من اليسار
وصدم الريال لدرام

تحياتي يالغالي

نحتاج تخطيط للطرق الداخلية وبعضها مثل ما قلت كم متر وتستوي من طوفة لطوفة وخطوط بسيطة توضح موقع درام القمامة وتوضح موقف السيارة وأي سيارة تتعدى على الخط واجب الشرطة يخالفونها .. وللعلم فرجاننا كلها فيها دوريات مدنية لمتابعة أمور أمنية كثيرة وهذي ممكن تنضاف لمهامهم وكلها مخالفة لاصقة ونسخة للمرور تنزل في مطراش

لو خلصوا من الطرق تستوي رخص الطبيلات سهلة وواضحة حدودها ولا تحتاج تعب وانا مع السماح بعمل طبيلات خاصة خارج البيت لحاجة الناس لها وما تشوه المنظر الا لو عُملت عشوائياً

[معماري قطري]

الموضوع جداً مزعج خصوصاً إذا كان بيت على شارعين والطبيلة جايه على الزاوية .
إذا أنت مب من المنطقة وماتعرف ان البيت هذا عنده طبيله على جنب تتفاجأ بالسيارة إما تبي تدخل الطبيلة أو طالعة منها .

والأدهى وألأمر البيوت التقسيم وسط الفرجان 20 نفر داخل البيت وكل واحد مسوي له طبيلة بنفسه . هذا من تشينكو وهذا من بليوت وهذا مركب سناح خيمة .

المشهد تلوث بصري .

هذا قصور واضح وواجب البلدية تحذيرهم وعمل نموذج معين يلتزمون به .. انا افضل الحديد بأنواعه الكي سبان أو العادي بس العمود يكون من جهة وحدة جهة السور .. أما القماشية فاشلة فشل ذريع واتمنى يمنعونها بالكامل من قطر

[معماري قطري]

الكويت غالب طبيلات مواطنيها ومقيميها خارجية ومرتبة

[معماري قطري]

حيالله اخوي الحبيب بوخالد
السيارات استولت على نص الشارع ووصلت للخط
الابيض الي في نص الشارع سيارات وطراريد وسكوترات
وبقي وبياكم وتناكر ماي وكرفانات متنقلة صرنا شار22ع
في الصناعية

خلنا من أُمور الطبيلات .. البعض يوقف بوقاحة ويقط نص سيارته في الشارع واللي يقهرك فيه مكان يقدر يوقفها عدل .. مثل ذيلا يبي لهم مخالفات وقوف لأنهم يسكرون الطريق

[ابو عبدالله.]

بوعبدالله صحيح كلامك
بعض الناس تركب طبيلات معلقه لكن تخرب على مسار الشارع
لكن في نفس الوقت من المسؤول؟

انا مثلآ راعي البيت وين اوقف موتري ؟
مافي مجال ولا في حل ثاني
من هالشكل ناسيين الموضوع لان لو امنعو انهم يوقفون وين بيوقفون
ولو شالو طبيلاتهم بعد المواتر بتشوفها واقفه جدام بيوتهم

يعني ماحليت الموضوع ابد
ماتقدر تمنعه يوقف جدام بيته
ف من هالشكل ناسيين موضوع الطبيلات لان بتشوف المواتر
توقف سواء في طبيله او مافي طبيله

لها حل ياخوي

المواتر توقف بزاويه 45 درجه مثل مواقف بعض المولات

مب لازم 90 درجه و صدام الموتر بنص الشارع

يميل الموتر شوي بيكون بحدود الرصيف

اشوف جنب بيتي مجال للوقوف بهالسكل ولا يفكرون فيها الله يهداهم

لو اصور لك كيف طالعين ع الشارع بتعرف قصدي في خطوره الوضع

عيالهم بغوا يموتون يا ريال

شرايك ان جدام بيوتهم لفه فيها مجال لسبع سيارات وما بيمشون لهذا المكان الا 40 متر يعني ولا شي و بيفكون ازمه

الي فهمته من التعليقات ان السالفه كلها تحتاج موظف بلديه يشوف طلب الموافقه ع الطبيله و يمر يشوف و يحدد اوكي او يخليها مائله بدرجه 45 او يرفض الطلب اذا توفر حل قريب من البيت مثل زاويه شارع كبيره بمساحه للوقوف بدون حجب نظر السائقين

[naklan]

لاتصعبون على العالم وخلوا الفقاره ايحطون طبيلات برع ..

تاركين الي سيايرهم ماتعد ولا تحصى وفلوسهم بالمليارات ومركزين على طبيله فقير مسكين ايدفي موتره من الشمس..

دنيا دنيا

ههههه حيالله الصحفي حمد 2022
ما صعبنا على الفقاري ولا شي وبعدين فقير هالمتن
فقير عنده 25 سيارة
احنا كل الي نبيه تنظيم وعدم تسكير الشوارع
ورصيف المشاة ومع التشجير بدال هالصفيح
وبس

[naklan]

الارتداد له دور البعض 30 متر للشارع والبعض 3 متر ظلم

صدقت خوي الكاسر الارتداد له دور
الي عند بيته مساحة الله يهنيه والي ما عنده الا
ثلاث أمتار يفك الناس من شره ويشوف له مكان مناسب

[naklan]

الموضوع جداً مزعج خصوصاً إذا كان بيت على شارعين والطبيلة جايه على الزاوية .
إذا أنت مب من المنطقة وماتعرف ان البيت هذا عنده طبيله على جنب تتفاجأ بالسيارة إما تبي تدخل الطبيلة أو طالعة منها .

والأدهى وألأمر البيوت التقسيم وسط الفرجان 20 نفر داخل البيت وكل واحد مسوي له طبيلة بنفسه . هذا من تشينكو وهذا من بليوت وهذا مركب سناح خيمة .

المشهد تلوث بصري .


والله انك صادق اخوي اكسبورت
تلوث بصري والمدن تحولت لصناعية
ضاعت المناضر والحجر والشجر من
هالصفيح الساخن

[naklan]

دام الطبيلات معلقه ومالها اي عامود او بيب يضرب الارض
البلديه ماتتدخل في منع الطبيلات الخارجيه

واعتقد الناس ماحطت طبيلات برع الا ماعندهم حوش تدخل سياراتهم داخل

وتبارك الرحمن ماشاءالله الي عنده مواتر وايد شيسوي يعني وين يوقفهم
لو 20 موتر ومايضايق الناس برع الشارع اشوف الموضىع عادي
لكن الي يضايق الناس الي يحط طبيلته مع عامود او مسكره كامله
هذي مخالفه والبلديه تنشب لهم

اما المعلقات محد يكلمك

حياك الله اخوي بومحمد المطاوعة
للاسف ان الاعتداء صار حتى على الساحات الصغيرة المخصصة
للتشجير وبطبيلات بأربع ارجل ومسكره من كل صوب

[naklan]

للعلم الكل لي مسوين طبيلات اذا كان هناك شغل في الشارع مثل صرف صحي بتنشال مثل لي صاير في منطقة شمال الدحيل حاليا الحين جايين يسون لهم صرف صحي طالبوا منهم يشيلون الطبيلات انا ضد فكرة الطبيلات الخارجية لانها فعلا تشوه المنظر لكن اذا كان واحد عنده مساحه كبيره قدام البيت عادي

حياك الله اخوي الكريم رايدر
كلامك صحيح اَي شي خارج العقار ملك للدولة ومشاريعها
لكن المشكلة تسكير الشوارع وارصفة المشاة والمنظر المقزز
لسيارات بعضها الطبيلة اغلا منها

[naklan]

خلنا من أُمور الطبيلات .. البعض يوقف بوقاحة ويقط نص سيارته في الشارع واللي يقهرك فيه مكان يقدر يوقفها عدل .. مثل ذيلا يبي لهم مخالفات وقوف لأنهم يسكرون الطريق

والله ياخوي بوعبدالله شفت مناظر كئيبة
واحد مسوي كراج في حوطة جنب بيته ومسوي طبيلات
من جهتين ومستولي على ساحة قدام البيت وتارسها
من مخلفات الجيش هذا ما استوى سكن صارت
منطقة صناعية وتلوث الله وكيلك اكثر من
100 سيارة ومعدات
اذا يبي يدير مشروع عنده الصناعية وعليه
بالعافية اما تلويث المدن وسلب حقوق الناس
وإقلاق راحتهم فنحن ضدها

[بوخالد911]

الشيء بالشيء يذكر

لما كنت ببيتي السابق
السايق صور لي تنبيه البلدية بضرورة إزالة المظلة !!!
وكنت مسافر حزتها

ولما رجعت
راجعتهم
قالوا عندنا مشروع إنارة الشارع !!!
قلت يعني معقوولة أشيل المظلة عشان إنارة؟!؟!!

خلهم يحطون عامود الليت قبل المظلة أو عقبها !!!

ما يبيله مخ عبقرري

[بومحمد المطاوعه]

كلام جميل 100‎%‎

الله يجمل ايامك

[بومحمد المطاوعه]

لها حل ياخوي

المواتر توقف بزاويه 45 درجه مثل مواقف بعض المولات

مب لازم 90 درجه و صدام الموتر بنص الشارع

يميل الموتر شوي بيكون بحدود الرصيف

اشوف جنب بيتي مجال للوقوف بهالسكل ولا يفكرون فيها الله يهداهم

لو اصور لك كيف طالعين ع الشارع بتعرف قصدي في خطوره الوضع

عيالهم بغوا يموتون يا ريال

شرايك ان جدام بيوتهم لفه فيها مجال لسبع سيارات وما بيمشون لهذا المكان الا 40 متر يعني ولا شي و بيفكون ازمه

الي فهمته من التعليقات ان السالفه كلها تحتاج موظف بلديه يشوف طلب الموافقه ع الطبيله و يمر يشوف و يحدد اوكي او يخليها مائله بدرجه 45 او يرفض الطلب اذا توفر حل قريب من البيت مثل زاويه شارع كبيره بمساحه للوقوف بدون حجب نظر السائقين

مـ؏ـاگ يالغالي كل شي له حل

اذا بيمنعون الطبيلات برع
تحتاج ترصيف للشوارع + انترلوك + ترتيب الشارع
اغلب الفرجان شوارعها قديمه ومافيها ترتيب ولا رصيف ولا شي

ف من جذي البلديه ناسيه الموضوع لان لو تبي تحكم الناس يصفون يزاويه 45 لازم
تنسق الشارع وترتبه بالكامل

اما بخصوص الرفض والطلب
دام مافي عامود يضرب الارض مايقولون لك شي

تخيل بيت الوالده حاط طبيلتين برع بس فيه مجال واسع وقدامنا شارع وارض فاضيه
المهم البلديه حطو لنا لزقه علشان البيب ضارب الارض

كلمت الشركه وشلو البيبات على الارض خلوها معلقه
ههههه ولا قالو شي البلديه قالو جذي تمام
انزين نفس الشي ماغيرت شي انا الا البيبات بس

[بومحمد المطاوعه]

حياك الله اخوي بومحمد المطاوعة
للاسف ان الاعتداء صار حتى على الساحات الصغيرة المخصصة
للتشجير وبطبيلات بأربع ارجل ومسكره من كل صوب

الله يحييك ويبقيك اخوي

اي اشوف بعض بيوت الي فالدفنه وشفت كذا بيت مادري اشلون عنده تصريح

تحصله حاط طبيله تقول غرفه وجدام الساحه الي مقابل بيته

مستغرب محد يكلمه؟!

[معماري قطري]

والله ياخوي بوعبدالله شفت مناظر كئيبة
واحد مسوي كراج في حوطة جنب بيته ومسوي طبيلات
من جهتين ومستولي على ساحة قدام البيت وتارسها
من مخلفات الجيش هذا ما استوى سكن صارت
منطقة صناعية وتلوث الله وكيلك اكثر من
100 سيارة ومعدات
اذا يبي يدير مشروع عنده الصناعية وعليه
بالعافية اما تلويث المدن وسلب حقوق الناس
وإقلاق راحتهم فنحن ضدها

معاك حق في كل ما قلت ونتمنى البلدية تشتغل صح للأمن والراحة العامة

واحد مسوي حضيرة كلاب ( تكرمون ) في فريج وواحد كراج في الطريق والله حالة

من أيام سيارة معوقة وقفت وسدت الطريق وخلاها راعيها فترة .. كلمه اخوي يشيلها وكانت جدام بيته وماطل .. كلم الشرطة وجاوا وسحبوها .. انا كسر خاطري وقلت فقير مسكين بس المشكلة سيارته ما اعتقد مرخصة ومتهالكة وجريمة أصلاً إنه يسوقها

[معماري قطري]

واحد صدمني بمعلومة إن شوارع الفرجان والمناطق السكنية يسوونها من طبقة بسمك 6 سم للقار .. مع المساويء اللي عارفينها من شغل الدك والحفر والدفان الرديء .. هذا ما يفيد شغل ياخذ فترة أحياناً توصل لسنتين وأرصفة وشغل مزعج للسكان وهذا ما عانينا منه في الشارع اللي ورا بيتنا القديم

كانوا عيالي وقتها صغار والغبار الخفيف المتطاير يبقى عالق في الجو سبب حساسية قوية لنا كلنا .. سنتين وهم يشتغلون وفي النهاية بعد ما نزلوا كيابل الكهرباء الهوائية لتحت الارض وسووا انترلوك فوقها وضيقوا الشارع لمسارين فقط وعملوا جزر كبيرة للمشاة وكأن من كثرهم عندنا .. مع أول رشة مطر تسرب الماي للكهرباء الأرضية وصار شوط قوي وبند الكهرب وجات الشركة حفرت ورمت الانترلوك على جنب واستووا البتان يلعبون به كورة في الشارع

ألحين من خلص الطريق حول 15 سنة وزحمة تستوي عليه خيالية واهترى وتكسر وتحفر وخفق في أماكن عديدة .. شغل سنتين ما خدم 15 سنة صح شنتوقع من هالمشاريع الفاشلة

تجون تسوون لي طريق داخلي طويل وعليه عشرات الدوارات وضيق وانتوا تدرون إنه بيخدم تجمعات سكنية كثيرة كالحاصل في مناطق معيذر وعين خالد وهي مهما يكون تعتبر مناطق حديثة .. الوضع اشوفه يتكرر في الوجبة وبالحيران والسيلية .. لا وبعض الطرق عليها رادارات والسرعة 50 مع مطبات مزعجة وشغل سيء للغاية من الناحية التخطيطية والتنفيذية

الطرق الداخلية في الفرجان صح 50 لكن المحورية المفروض تكون 100 وتكون خالية من الدوارات المزعجة أو لأقل درجة نقلل منها

نحصل فجأة تكتل دكاكين وسوق مرتب مخسرين عليه ملاكه .. لكن تعالوا للطريق الموصل له .. دفان صخري مزعج يحتاج سيارة عسكرية مصفحة تمشي عليه

في النهاية اللي خسر وتعب وبنى يتمنى مرافق نظيفة توصل لبنيانه وشوية زراعة وتجميل عملي ما يتغير بين يوم وليلة أو يخترب ويحتاج اصلاح جذري .. بعضهم يعانون لين يوصلون لين بيوتهم وكنت من اللي الشارع منتهي قبل بيتي بحول 10 متر وتستوي نقعة كبيرة وغيلة وقت المطر ولولا معرفتي بأحد المدراء ما كان خلص الشارع أو وصلة الشارع بسهولة .. يمكن سكنت 4 سنين لين انبنى الشارع