ماهو الحل مع تقاطع العسيري( دوار مدماك)

[style]

السلام عليكم:
طبعا هذا الموضوع جدا مهم ومسبب ازعاج كبير للراغبين لدخول طريق سلوى ،،وكذلك القادمين منه
هل هناك حلول لهذا الطريق وإلا سيتم الوضع كما هو عليه؟
هل سيتم التعامل معه كما هو حاصل الان في دوار الجوازات.
الصور مرفقه.

شكرًا

[style]

دوار الجوازات

[راعي الكورفت]

صحيح أن الزحمه تكثر فيه لانه طريق حيوي ويربط بين مناطق مهمه لكن اعتقد إشارات الضوئيه تكفي في الوقت الحالي لان لو تم اغلاقه للتوسعه ، بتصير زحمه غير طبيعيه وهذا مايحاولون مهندسيين اشغال تجنبه للمصلحه العامه

[معماري قطري]

السؤال هو وشي أهمية هذا التقاطع للملاعب ولبطولة 2022

لاحظوا الطرق اللي تمت كلها للملاعب وبس وهذي بركة بطولة 2022 علينا والا احنا ما نستاهل ولنا الزحمة والشوارع المكسرة في مناطق سكننا وعيادات الكلاب اللي تنبح ليل نهار حتى يرتاحون أصحابها ويقدرون يسافرون يشوفون أهلهم

[ابوالعبد]

سبب الزحمه الادريوليه والاجانب بكل امانه لانقص علي روحنا. الطريق فاضي وقدامه فوق ظ§ امتار يارب ينفتح هل القطار ونتخلص من ازدحامهم اما طرق طرقنا من افضل الطرق بالخليج او عالميا مابالغ شوف دول الي جنبك شوارعهم مكسره وضيقه فوق الضيق الحمدالله شوارعنا بنسبه لغيرنا تعتبر واللع خيال

[naklan]

الحل بسيط استخدم مسارات بديلة وافتك

هذا يبيله زيادة المساحة للي بيلف لخط سلوى
او يخصصون سيدين للدوار وسيدين لخط سلوى ويتخالف
الي يسكر مسار وهو بيروح لمكان ثاني

[naklan]

السؤال هو وشي أهمية هذا التقاطع للملاعب ولبطولة 2022

لاحظوا الطرق اللي تمت كلها للملاعب وبس وهذي بركة بطولة 2022 علينا والا احنا ما نستاهل ولنا الزحمة والشوارع المكسرة في مناطق سكننا وعيادات الكلاب اللي تنبح ليل نهار حتى يرتاحون أصحابها ويقدرون يسافرون يشوفون أهلهم

انت بالذات انا حاس بمعاناتك عندي لك خطة
لحم مطبوخ ويتقطع قطع صغيرة ويخلط بالسم
والساعة 2 بالليل احذفه للكلاب
اليوم الثاني نتائج مبهرة
ونباح اقل ههههه

[المبرمج صلاح]

الحل بسيط جدا هندسيا جسور علوية مثل ما سوت اشغال في دوار الريان جسر علوي من 22 فبراير لطريق سلوي و جسر من سلوي ل 22 فبراير
هذولا الجسرين كفيلين بحل المشكلة نهائيا ولكن المشكلة في التطبيق
استملاك اراضي ومباني بعض الناس اللي قريبة من الدوار و اغلاق جزئي سوف يسبب زحمة كبيرة لسنتين اقل شي

[مرتبش]

الحل بسيط جدا هندسيا جسور علوية مثل ما سوت اشغال في دوار الريان جسر علوي من 22 فبراير لطريق سلوي و جسر من سلوي ل 22 فبراير
هذولا الجسرين كفيلين بحل المشكلة نهائيا ولكن المشكلة في التطبيق
استملاك اراضي ومباني بعض الناس اللي قريبة من الدوار و اغلاق جزئي سوف يسبب زحمة كبيرة لسنتين اقل شي

لايوجد حل اخر لان غير معقول ان يتقاطع طريقين سريعين في دوار.. ماشفت طرق سريعة تتقاطع بهالطريقة في اي مكان غير قطر

[معماري قطري]

انت بالذات انا حاس بمعاناتك عندي لك خطة
لحم مطبوخ ويتقطع قطع صغيرة ويخلط بالسم
والساعة 2 بالليل احذفه للكلاب
اليوم الثاني نتائج مبهرة
ونباح اقل ههههه

الليلة هدوء نباحلس

بس يا اخوي استغربت متعود اوقف سيارتي واتمشى في الحوش .. وصورت القمر الجميل بين الغيوم بس سمعت طقطقة في البيت اللي جنبي وكله عزوب .. شكلهم يبنون في الحوش .. المشكلة الحوش ما فيه ارتداد يمكن متر .. أو يحفرون بيدفنون حد مقتول الله أعلم توني داخل يمكن 11 الا ربع

[معماري قطري]

لايوجد حل اخر لان غير معقول ان يتقاطع طريقين سريعين في دوار.. ماشفت طرق سريعة تتقاطع بهالطريقة في اي مكان غير قطر

جزء من مساويء إدارات أشغال السابقة

[وحيد-الشوق]

وعليكم السلام
برمجة اشارات هالدوار بكبرها غلط من اسوء الاماكن في قطر الي ذكرتهم + الكورنيش الصبح :rolleyes2:

[معماري قطري]

وعليكم السلام
برمجة اشارات هالدوار بكبرها غلط من اسوء الاماكن في قطر الي ذكرتهم + الكورنيش الصبح :rolleyes2:

فيه مصطلح اسمه فشل تام .. وهذا تقريباً وصلنا له .. ضغط السيارات في كم اتجاه على دوار مهما نجمله ونرصعه بالإشارات ما يمرر كل هالسيارات .. والحل طرق وجسور تحول المسار وبدون توقف .. ألحين لنفترض بيحولون من سلوى ل 22 فبراير اتجاه الشمال .. أي جسر ملتف ممكن لكن نهايته ونزلته أما بتكون يمين قرب مخرج شارع المرقاب - فريج النصر أو شوي يسار وبتسكر المسار اليسار نزلة الجسر التحويلة وبتسوي شوي ربكة .. بس ممكن يرتبون لها صح .. التحويلة مب شرط يكون العمود تحتها ممكن الأعمدة في الأطراف والجسر مار على عارضة بين عمودين

الأمريكان شياطين .. والصينيين كذلك واليابانيين .. يجيبون شركة جسور تعطيهم حلول ووقت وهم بس شغلهم يختارون ويشوفون التنفيذ كيف .. حتى شهرين وايد لو فتحوا للشركة تجيب عمالها ومعداتها

[مواقف النجادة]

الحل سهل و معروف
عمل جسور التفافية للقادمين من طريق سلوي لطريق الدوحة السريع و العكس
بالضبط مثل (جسور تقاطع اللاندمارك الجديدة) بين طريق الشمال و محور صباح الأحمد

الموضوع فقط يحتاج ازالة كم محل او سوق التي تطل على تقاطع مدماك ..

[مرتبش]

للاسف المشكلة تتكرر في محور صباح الاحمد الجديد .. سيتقاطع مع طريق سلوى في اشارات .

[بوخالد911]

لا حل الا بانشاء جسور وأنفاق

والا سوف تستمر المشكلة الى قيام الساعة

[وحيد-الشوق]

فيه مصطلح اسمه فشل تام .. وهذا تقريباً وصلنا له .. ضغط السيارات في كم اتجاه على دوار مهما نجمله ونرصعه بالإشارات ما يمرر كل هالسيارات .. والحل طرق وجسور تحول المسار وبدون توقف .. ألحين لنفترض بيحولون من سلوى ل 22 فبراير اتجاه الشمال .. أي جسر ملتف ممكن لكن نهايته ونزلته أما بتكون يمين قرب مخرج شارع المرقاب - فريج النصر أو شوي يسار وبتسكر المسار اليسار نزلة الجسر التحويلة وبتسوي شوي ربكة .. بس ممكن يرتبون لها صح .. التحويلة مب شرط يكون العمود تحتها ممكن الأعمدة في الأطراف والجسر مار على عارضة بين عمودين

الأمريكان شياطين .. والصينيين كذلك واليابانيين .. يجيبون شركة جسور تعطيهم حلول ووقت وهم بس شغلهم يختارون ويشوفون التنفيذ كيف .. حتى شهرين وايد لو فتحوا للشركة تجيب عمالها ومعداتها

اتفق معاك المشكلة ربعنا خططهم عفى عليها الدهر استبشرنا خير وشفنا تغيير في بعض الشوارع لكن ما زالت تلك العقلية القديمة نشيل الدوار ونحط بداله اشارات وتقاطع طيب أنت تقريباً ماحليت المشكله وبتجي بعد كم سنة بتكسر وبتسوي لي نفق وجسور طيب خلوا شغلكم دايم ومادايم غير وجهه الكريم لليوم اذكر كلام الخرجي في الاذاعة عن اشارات الكورنيش يقول اصبروا وبس تفتح الاشارات بتشوفون الانسيابيه ويخف الزحام ومن اول اسبوع ماتغير شيء وليومك معاناة مع هذا الطريق االي هو يعتر واجهه رئيسية للدولة

[معماري قطري]

اتفق معاك المشكلة ربعنا خططهم عفى عليها الدهر استبشرنا خير وشفنا تغيير في بعض الشوارع لكن ما زالت تلك العقلية القديمة نشيل الدوار ونحط بداله اشارات وتقاطع طيب أنت تقريباً ماحليت المشكله وبتجي بعد كم سنة بتكسر وبتسوي لي نفق وجسور طيب خلوا شغلكم دايم ومادايم غير وجهه الكريم لليوم اذكر كلام الخرجي في الاذاعة عن اشارات الكورنيش يقول اصبروا وبس تفتح الاشارات بتشوفون الانسيابيه ويخف الزحام ومن اول اسبوع ماتغير شيء وليومك معاناة مع هذا الطريق االي هو يعتر واجهه رئيسية للدولة

رجل مرور ثقافته في الطرق تفرق عن مهندس طرق مختص .. قلت الحل اللي اشوفه جذري وبينفع لعشرات السنين القادمة .. توسعة الكورنيش جهة البحر وعمل الطريق سالك بدون اشارات وعمل تحويلات علوية لتغيير الإتجاه .. هذا كله مع توسعة ممشى الكورنيش وتجميل الواجهة البحرية

[معماري قطري]

للاسف المشكلة تتكرر في محور صباح الاحمد الجديد .. سيتقاطع مع طريق سلوى في اشارات .

ما اعتقد صحيح بيسوون جسر ملتف من الجسر المعلق ينزل بانسيابية على طريق سلوى عاد تعال شوف اللي بيدخل الطريق ويكع بريك ويبي ينقز فجأة للوسط بدال ما يمشي في مساره ويزيد السرعة حتى يوصل لسرعة 100 اللي هي سرعة طريق سلوى

كذلك المدخل له من طريق سلوى بيكون جسر ملتف يدخل له بدون توقف وبدون اشارات

[بوخالد911]

ما اعتقد صحيح بيسوون جسر ملتف من الجسر المعلق ينزل بانسيابية على طريق سلوى عاد تعال شوف اللي بيدخل الطريق ويكع بريك ويبي ينقز فجأة للوسط بدال ما يمشي في مساره ويزيد السرعة حتى يوصل لسرعة 100 اللي هي سرعة طريق سلوى

كذلك المدخل له من طريق سلوى بيكون جسر ملتف يدخل له بدون توقف وبدون اشارات

س

ليش ما يسوون نفق ؟؟؟

ايش اللي يمنع ؟!؟!

كل الإمكانيات عندهم

[معماري قطري]

س

ليش ما يسوون نفق ؟؟؟

ايش اللي يمنع ؟!؟!

كل الإمكانيات عندهم

انت شايف الوضع .. النفق موجود أصلاً في شارع سلوى وتحته خزان لمياه المطر وأتمنى كلش ما يسوون أنفاق لأنها مكلفة ومشاكلها وايد وتكون تسوق تحت الأرض حكرة ولا تهوئة جيدة ووقت أي حادث الورطة تكون أكبر

الجسر المعلق بيكون عبارة عن قطع خرسانية جاهزة وأتوقع بتكون مشدودة بكيابل أما مسبقة أو بعد التركيب .. المتعب واللي بياخذ وقت هو تجهيز الأعمدة أما الباقي سهل .. الأعمدة جهزت حق أجزاء كثيرة من الطريق وأعمدة الجسر المعلق للحين وتحتاج أكيد شغل خاص وتصميم خاص .. الخوف من أي كارثة سقوط لأن القطعة 200 طن يعني بوزن 200 سيارة عادية .. والانتهاء منه في 2021 يعني بياخذ وقت والله يعيننا خلال هالوقت

أشوف الشغل ماشي بسلاسة والطريق بإذن الله بيكون مخطط غير عن الطرق السابقة وشغل أشوفه صح 100%

[مرتبش]

ما اعتقد صحيح بيسوون جسر ملتف من الجسر المعلق ينزل بانسيابية على طريق سلوى عاد تعال شوف اللي بيدخل الطريق ويكع بريك ويبي ينقز فجأة للوسط بدال ما يمشي في مساره ويزيد السرعة حتى يوصل لسرعة 100 اللي هي سرعة طريق سلوى

كذلك المدخل له من طريق سلوى بيكون جسر ملتف يدخل له بدون توقف وبدون اشارات

مادري.. الصور اللي شفتها للمشروع ماتبين اي جسر التفافي.. اتمنى وجوده + جسر التفافي من سلوى للمحور.. هالشارعين اهم طرق الدوحة لذلك لابد من حلول جذرية وعدم التهاون في المشروع

[معماري قطري]

مادري.. الصور اللي شفتها للمشروع ماتبين اي جسر التفافي.. اتمنى وجوده + جسر التفافي من سلوى للمحور.. هالشارعين اهم طرق الدوحة لذلك لابد من حلول جذرية وعدم التهاون في المشروع

لو ما سووهم بتكون غلطة العمر

مهم إن الشوارع الرئيسية تتقاطع معاها الطرق السريعة بتحويلات سهلة تستوعب العدد المتوقع بدون ما يستوي تكدس يسكر الطريق السريع .. بعد هالأيام مع وجود الكاميرات مراقبة نقاط الخروج والدخول للطريق السريع سهلة ومحاسبة المخالفين .. المخالفات واضحة مثلاً اللي جاي على المخرج يحسب حسابه من مسافة وياخذ يمين أو يسار حسب موقع المخرج ما يجي فوق السيارات الصافة ويدخل بالغصب

كذلك اللي بيدخل الطريق السريع يدخل بانسيابية وبسرعة الطريق السريع ما يتم يدوس لسيارته بحنية زايدة والا يقرر فجأة يدخل وينط في الوسط .. الحلول للطرق لها جانبين تصميمي وتنفيذي وتخطيطي عند أشغال وأخلاقيات قيادة السيارات والالتزام بآداب وشروط المرور عند الداخلية والمفروض بكل جهاتها

[مرتبش]

صور لتقاطع طريق سلوى مع محور صباح الاحمد
https://www.iloveqatar.net/public/images/local/_760x500_clip_center-center_none/stay-bridge-qatar.jpg

https://thepeninsulaqatar.com/uploads/2019/04/17/e39d941212bd85aac9f759de7597b016d55f0cf9.jpg


لايوجد جسور التفافية من سلوى للمحور والعكس

[معماري قطري]

أمس مريت وشفتهم مسوين أعمدة في عدة اتجاهات .. متأكد شبه يقين إن الإدارة الحالية ما تخطيء هذا الخطأ القاتل

رحت صوب مندرين البارحة الا الحفر كلها تسكرت وكل الشكر لإدارة أشغال .. باقي رصف طبقة جديدة لترتيب الطريق ترتيب كامل وتخطيط المواقف وتعديل بعض الأرصفة والله يعينهم

اليوم صورت بعض اللقطات المقززة في شارع سلوى واللي تحتاج حلول سريعة وباحطها إن شاء الله لاحقاً

[بوخالد911]

أمس مريت وشفتهم مسوين أعمدة في عدة اتجاهات .. متأكد شبه يقين إن الإدارة الحالية ما تخطيء هذا الخطأ القاتل

رحت صوب مندرين البارحة الا الحفر كلها تسكرت وكل الشكر لإدارة أشغال .. باقي رصف طبقة جديدة لترتيب الطريق ترتيب كامل وتخطيط المواقف وتعديل بعض الأرصفة والله يعينهم

اليوم صورت بعض اللقطات المقززة في شارع سلوى واللي تحتاج حلول سريعة وباحطها إن شاء الله لاحقاً


لو تصورها وترسلها لتطبيق ( عون ) تابع للبلدية
وكذلك لو ترسلها لأشغال

بتشوف تجاوب سريع جدا.

يواليهم الف عافية.

[المبرمج صلاح]

صور لتقاطع طريق سلوى مع محور صباح الاحمد
https://www.iloveqatar.net/public/images/local/_760x500_clip_center-center_none/stay-bridge-qatar.jpg

https://thepeninsulaqatar.com/uploads/2019/04/17/e39d941212bd85aac9f759de7597b016d55f0cf9.jpg


لايوجد جسور التفافية من سلوى للمحور والعكس

من الصوراتوقع الجسر بيكون مفصول عن طريق سلوى نهائيا عشان الانسيابية لا مخرج ولا مدخل هههههه
اللي بدو طريق سلوى لازم يمسك الطريق السفلي من عند محطة بترول المعمورة وهذه تعتبر فكرة جيدة نوعا ما
طريق طويل وجسر لنقل السيارات من نقطة أ الى نقطة ب بدون مداخل ولا مخارج لضمان الانسيابية

[معماري قطري]

يجوز كلامكم صحيح انت ومرتبش بس متأكد إنهم شغالين على مخرج منه لطريق الوعب .. المدخل ما شفت بوادره .. في هالحال بيكون دخول الطريق من نقاط محددة ويمكن صعبة يسوونه على طريق سلوى حتى فكرت فيها شلون وبيكون لازم يستملكون مباني الفقراء المساكين على جانبي الطريق

[معماري قطري]

لو تصورها وترسلها لتطبيق ( عون ) تابع للبلدية
وكذلك لو ترسلها لأشغال

بتشوف تجاوب سريع جدا.

يواليهم الف عافية.

والله يا بو خالد هنيه أقدر اشرح واوضح أكثر هناك ترسل باختصار

الشغل سووه الإدارة السابقة وشغل سيء يتطلب تعديل عاجل والاصلاح بسيط هم أصلحوا اللي أصعب

[مرتبش]

من الصوراتوقع الجسر بيكون مفصول عن طريق سلوى نهائيا عشان الانسيابية لا مخرج ولا مدخل هههههه
اللي بدو طريق سلوى لازم يمسك الطريق السفلي من عند محطة بترول المعمورة وهذه تعتبر فكرة جيدة نوعا ما
طريق طويل وجسر لنقل السيارات من نقطة أ الى نقطة ب بدون مداخل ولا مخارج لضمان الانسيابية

اتوقع كلامك نوعا ما صحيح لكن من دون جسر.. يعني سيكون مخرج واحد لتقاطعين ( حالول وسلوى مع المحور) وبذلك اللي يبي سلوى لازم ياخذ مخرج قبل تقاطع حالول ويقطع الاشارة ويكمل طريقه في شارع الخدمات الى تقاطع سلوى .. نفس اللي صاير مع تقاطع العسيري والمدماك.. ما اعتقد انهم بيغيرون اسلوبهم

[معماري قطري]

اتوقع كلامك نوعا ما صحيح لكن من دون جسر.. يعني سيكون مخرج واحد لتقاطعين ( حالول وسلوى مع المحور) وبذلك اللي يبي سلوى لازم ياخذ مخرج قبل تقاطع حالول ويقطع الاشارة ويكمل طريقه في شارع الخدمات الى تقاطع سلوى .. نفس اللي صاير مع تقاطع العسيري والمدماك.. ما اعتقد انهم بيغيرون اسلوبهم

بيكونون كرروا نفس الأخطاء القديمة وبيستوي تكدس في الشوارع الفرعية تحت مثل الحاصل ألحين من محطة بترول عزيز لين العزيزية والحاصل من محطة التيسير لين تقاطع مدماك

[مرتبش]

شرايكم الحين بعد افتتاح محور صباح الاحمد ( الله يرحمه ويغمد روحه الجنة)
تشوفون الزحمة في المحور في اتجاه الجنوب على مخرج سلوى.. طوابير السيارات تربك الشارع وتبطي الحركة وقريبا بتوصل للشلل.. المضحك ان شارع الغرافة التجاري (اعتقد ثاني بن جاسم ) الصغير واللي طوله مايزيد على كيلو ونص حاطين له جسر التفافي من المحور علشان ماتتعطل وانت رايح العكر تاخذ كنافة.
مدخل ومخرج الكنيسة قريب جدا من تقاطع المحور مع طريق الشمال ( الدوحة السريع باتجاه الوكرة والثمامة) ليش مخليين المخرج اللي كان مفروض انه مؤقت الى الان؟ هل من تفسير هندسي .. عادي الربكة اللي تصير باستمرار هناك؟

هذا شارع حديث وفيه هذي الغلطات فكيف بالشوارع القديمة

[معماري قطري]

شرايكم الحين بعد افتتاح محور صباح الاحمد ( الله يرحمه ويغمد روحه الجنة)
تشوفون الزحمة في المحور في اتجاه الجنوب على مخرج سلوى.. طوابير السيارات تربك الشارع وتبطي الحركة وقريبا بتوصل للشلل.. المضحك ان شارع الغرافة التجاري (اعتقد ثاني بن جاسم ) الصغير واللي طوله مايزيد على كيلو ونص حاطين له جسر التفافي من المحور علشان ماتتعطل وانت رايح العكر تاخذ كنافة.
مدخل ومخرج الكنيسة قريب جدا من تقاطع المحور مع طريق الشمال ( الدوحة السريع باتجاه الوكرة والثمامة) ليش مخليين المخرج اللي كان مفروض انه مؤقت الى الان؟ هل من تفسير هندسي .. عادي الربكة اللي تصير باستمرار هناك؟

هذا شارع حديث وفيه هذي الغلطات فكيف بالشوارع القديمة

في الأعمال المساندة فاشلين .. الشركة التركية سوت شغلها وخلصت وراحت وهم للحين حواجز شكبر مضيقة المداخل والمخارج وقطعات في الطريق تشق التاير عادي لو سيارتك رياضية وتايرها غالي .. ما ادري من يحسب اللي في قطر بس سيارات فورويل وما ادري ليش مغمضين عن هذي الرتوش

بعضها اللي تستوي عليها زحمة كبيرة وتكدس ما لهم حل الا التوسعة والإستملاك وهذي مصلحة عامة والا على ناس وناس .. زيادة مسارات وترتيب ما فينا شدة نتحمل واحد يمشي عشرين في شارع مضيقينه بالحواجز وحايط بيت أو مجمع ملاصق في رصيفه

تقاطع العسيري أمر عليه في أوقات عادية وبسرعة اخلص منه ولا أدري وقت الذروة شيصير وأعتقد محور صباح الأحمد نجح في تخفيف الضغط عليه بس لازم يسوون حلول جذرية

الله يعينهم اللي يتابع من بعيد مثلنا ولا يعرف الإجراءات الهندسية والإدارية قبل ارساء المشروع للبناء يتخيل كل شيء سهل بس كل شيء معقد ويعتمد على عدة عوامل وتدخلات وتداخلات .. أكيد تفتقد النظرة المستقبلية لخمسين سنة قادمة

[معماري قطري]

فيه شوارع كثيرة مساندة والغريبة إنها قرب ملاعب وعلى طرق رئيسية .. دخلت صوب طريق الخدمات على شارع الوعب صوب العيادات اللي قبل الوصول من جهة الغرب لمحور صباح الأحمد .. الطريق انتر لوك حطوه وقالوا له اقعد وتوقعوا يقعد بدون حركة بس صج مأساة المرور عليه .. متى بيصلحونه وبينتبهون له ما ادري .. أتوقع الحل لمثل هذي الطرق لا تشيل الموجود ولا تتعب نفسك وتعطل العالم شهور طويلة تعال في الليل بآلياتك وحط طبقة قار تسد الحفر النازلة وترفع مستوى الطريق شوي تجدده بأقل الشغل .. يعني في الليل يشتغلون ثاني يوم ينفتح ولا يطلع لي خبير هندسي يقول القار يبغي فترة يجف ردي بيكون فيه نوعيات سريعة وخاصة لمثل هالشغل .. بس لتجيبون مقاولين حصية على حصية تعاقدوا مباشر مع شركات عليها القيمة بمعداتها وعمالها الوقت ما يسعفكم وكفاية نهب الوكيل القطري اللي مب قد الحدث

[معماري قطري]

الملاعب مثل ملعب السد اللي يبغي يعرف يدور حوله ويشوف .. استاد خليفة مأساة المواقف حوله والإنترلوك وبعضه يسبب سقوط تخيلوا رصيف بارز يحدد مسار حول 10 سم واللي يمشي يتخرطف فيه والإنارة تعبانة وهذا ملعب مجدد ويقولون جاهز

[معماري قطري]

صوب مجمع المناعي خارج التغطية .. صوب المنطقة اللي مقابلته رامز ومكتبة جرير نفس الشيء .. صوب السنتر والدواعيس اللي حوله والشوارع المساندة واللي ورا التفافية لمنطقة النصر بعضها جيدة لكن تخطيطياً قبل كانت أحسن .. أي شارع ضيق المفروض بدون رصيف أو رصيفلس

[سعود.]

صبرنا سنين وبقى القليل
لازم قبل ( كاس العالم ) يصير تقليص في الايادي العاملة لدى شركات ( البناء ) هم ساس الزحمه

[معماري قطري]

صبرنا سنين وبقى القليل
لازم قبل ( كاس العالم ) يصير تقليص في الايادي العاملة لدى شركات ( البناء ) هم ساس الزحمه

بعد كاس العالم بيجون ناس وايد يبون تجنيس سووا أعمال بطولية وسياح شكثر وبطولات غير .. عادي يتضاعف السكان في ظل هذي الظروف والقطري يستوي نادر في بلاده والا نشوف قطري حمر ولابس غترة بالغلط ( إحتمال ) والا كاشخ بلبسه ونافخ نفسه على الكل أهل قطر وغيرهم .. والا نشوف قطري أفغاني لاجيء في كعبة المضيوم وأهل قطر يسئلون عن التأمين الصحي وغلاء الأسعار وبعض العلاوات

[بوNasser]

بيكونون كرروا نفس الأخطاء القديمة وبيستوي تكدس في الشوارع الفرعية تحت مثل الحاصل ألحين من محطة بترول عزيز لين العزيزية والحاصل من محطة التيسير لين تقاطع مدماك

السلام عليكم ورحمة الله

صح الموضوع قديم بس ما زالت الأخطاء تتكرر على نفس المنوال.

مثلا عند تقاطع التضامن سابقا لاحظت هالشي الغريب في الصور الأولى : علشان هذي اللوحة المؤقتة (اتمنى تكون مؤقتة) تم تضييق الشارع عندها، وقبل وبعد اللوحة الشارع عادي بدون رصيف.

https://qtr50.com/files/street1.jpg

https://qtr50.com/files/street2.jpg



في الصورة التالية نلاحظ فتحة دخول السيارات بعد التقاطع بشوي (وهذا ممكن يكون مقبول ولو انه يسبب تراكم السيارات بعد الاشارة على طول)، لكن الغريب ان فيه فتحة خروج للسيارات بعد فتحة الدخول بامتار قليلة، مع ان الشارع طويل وبالامكان عمل خروج للسيارات بعد 100 متر او اكثر.

https://qtr50.com/files/street3.jpg

مجرد ملاحظات على السريع

تحياتي للجميع ودمتم سالمين

[عايش فرحان]

الحل اضافة جسر او جسرين.. يربطون طريق الدوحة السريع بشارع سلوى.. فوق تقاطع مدماك بدون ان تحتاج الى دخول التقاطع.. على طريقة تقاطع ام الخبا و تقاطع ٢٢ فبراير

[مضارب جديد]

محور صباح تم تصميمه لربط جمهور الملاعب فقط لاغير

أما باقي المستخدمين (دبر نفسك)

مثال :
- إنشاء جسر دفان شمال جسر اكادمية الجزيرة ، على شكل (جمل ذو سنامين) جسر وراء جسر (بدلاً من نفق)

طبعاً هذا (الجسر العبقري) دمر جميع العقارات التي يمر عليها وأغلق جميع منافذ الدخول للمعمورة

تم الحل عن طريق إدخال تيار السيارات السريع بين الاحياء السكنية على بعد كيلو متر

وحسب متوسط سرعات (جوجل ماب) زادت فترة الوصول لسكان المنطقة 7 دقائق

تصور : اشغال انفقت مليارات وبهدلت الشوارع 3 سنين ثم تأخر الوصول 7 دقائق !!

لكن بعد أن شاهدت غمر المياه في الكورنيش بعد عاصفة امطار صيفية وبعد افتتاح أهم شارع بعشرة ايام ، وشارع مطل على البحر ، يعني كل الي عليك تصرف الامطار على بعد 20 متر

بعد أن شاهدت هذا المنظر والبلد على وشك استقبال اهم مناسبة حكومية (كاس العالم) وفي موسم الامطار


أدركت أن المشكلة ليست في الامكانيات

المشكلة في العقول

[سعود.]

الحل اضافة جسر او جسرين.. يربطون طريق الدوحة السريع بشارع سلوى.. فوق تقاطع مدماك بدون ان تحتاج الى دخول التقاطع.. على طريقة تقاطع ام الخبا و تقاطع 22 فبراير


بالضبط

[مرتبش]

تقاطع سلوى مع محور صباح.. مغلق لتعديل الجسر وزيادة خطوط السير.. للاسف ضياع جهد ومال ولن يحل المشكلة

[معماري قطري]

محور صباح تم تصميمه لربط جمهور الملاعب فقط لاغير

أما باقي المستخدمين (دبر نفسك)

مثال :
- إنشاء جسر دفان شمال جسر اكادمية الجزيرة ، على شكل (جمل ذو سنامين) جسر وراء جسر (بدلاً من نفق)

طبعاً هذا (الجسر العبقري) دمر جميع العقارات التي يمر عليها وأغلق جميع منافذ الدخول للمعمورة

تم الحل عن طريق إدخال تيار السيارات السريع بين الاحياء السكنية على بعد كيلو متر

وحسب متوسط سرعات (جوجل ماب) زادت فترة الوصول لسكان المنطقة 7 دقائق

تصور : اشغال انفقت مليارات وبهدلت الشوارع 3 سنين ثم تأخر الوصول 7 دقائق !!

لكن بعد أن شاهدت غمر المياه في الكورنيش بعد عاصفة امطار صيفية وبعد افتتاح أهم شارع بعشرة ايام ، وشارع مطل على البحر ، يعني كل الي عليك تصرف الامطار على بعد 20 متر

بعد أن شاهدت هذا المنظر والبلد على وشك استقبال اهم مناسبة حكومية (كاس العالم) وفي موسم الامطار


أدركت أن المشكلة ليست في الامكانيات

المشكلة في العقول

ضربت من حديد يا مضارب جديد

فرحوا ام بي سي وطلعوا لقطات بدون ذكر اسم الدولة حتى ما تزعل التي تستحق الأفضل .. طلع مدير أشغال يبرر تبرير معقول ويلقي اللوم على الشركات ( الوطنية ) اللي تبني حصية على حصية .. ونسى أو تناسى إنهم إدارة مشاريع عليا ولازم يتخذون قرارات ومسارات بديلة مثل التحويلات للطرق هناك تحويلات للأمطار بعد إن وجدت وأسهل تحويل بايب ينزل المطر جهة البحر

[معماري قطري]

بالضبط

تصدق هذي الإضافة عندنا ممكن تاخذ سنتين وأكثر وشغل يعل القلب وزحمة وحالة وممكن تاخذ شهر لو اتفقوا مع شركة يابانية أو كورية أو صينية واتفاق مباشر بدون وسيط وبتسهيل كل الاجراءات لهم

[معماري قطري]

اللي يتابع كتاباتي كتبت من زمان عن هذي التقاطعات منها الصناعية اللي سووا الدوار مضمار سباق سيارات محد يقدر يدخله وألحين بدوا يصلحون الخلل بس اصلاح مطول .. وكتبت حتى قبل لا أعرف المنتدى في الجريدة من حول 15 سنة وكان مقال مطول نشره أحمد علي بمقدمة منه على صفحة رئيسية وكمله على صفحة كاملة داخلية بدون أي تغيير منه غير اضافة المقدمة وانا أشكره من هنا

[Azizuk]

انا خاطري اعرف ليش ماتم شبك طريق سلوى بمحور الصباح بجسر بدل مايكون تدخل على المحور باشارة

كان من المفترض تدخل من طريق سلوى بجسر لسهولة حركة سير المركبات بدل ما وقف عند الاشارة والزحمة توصل طريق سلوى لين تقاطع الصناعيه عشان القف المحور

لو تلاحظون ان مافي طريق تقدر تلقف المحور في الاماكن المزدحمه

الزحمه تتكدس في تقاطع مدماك وانت جاي من طريق سلوى عشان شارع 22

يعنى لا تقاطع مدماك والا تقاطع المحور

والله يكون في العون

[معماري قطري]

انا خاطري اعرف ليش ماتم شبك طريق سلوى بمحور الصباح بجسر بدل مايكون تدخل على المحور باشارة

كان من المفترض تدخل من طريق سلوى بجسر لسهولة حركة سير المركبات بدل ما وقف عند الاشارة والزحمة توصل طريق سلوى لين تقاطع الصناعيه عشان القف المحور

لو تلاحظون ان مافي طريق تقدر تلقف المحور في الاماكن المزدحمه

الزحمه تتكدس في تقاطع مدماك وانت جاي من طريق سلوى عشان شارع 22

يعنى لا تقاطع مدماك والا تقاطع المحور

والله يكون في العون

يا ريال شغلهم يعل القلب للحين ينقشون تحت .. لو متفقين اتفاق كامل بدون الهيلق اللي يشتغلون ألحين تحت مع شركة عالمية قوية كان أسهل وأسرع .. بعدين المجاملات حق أصحاب المحلات على جوانب الطريق تشل يدهم وتشل فكرهم عن التفكير في استملاك نتفة من الأسواق ولو واحد راس ماله محل واحد هدموه وعطوه مبلغ ما يسوى .. هذا اللي صاير بيبول ما يقدرون على بيبول

[الشرق العربي]

استخدم طرق بديلة