الفيمتو

[saeed2005]

لا أدري لم هذه الضجة الكبرى حول هذا المنتج (الفمتو) هل لأن الناس اكتشفت أنه من دول الحصار ( وفق البعض ويرى البعض الآخر أنه منتج يمني ) السؤال الملح لم وهناك الكثير من المنتجات في السوق يتم تغيير بلد المنشأ والمستهلك يعرف جيدا المنشأ الحقيقي لها ومع ذلك عادي حقيقة مستغرب .

[مرتبش]

لا أدري لم هذه الضجة الكبرى حول هذا المنتج (الفمتو) هل لأن الناس اكتشفت أنه من دول الحصار ( وفق البعض ويرى البعض الآخر أنه منتج يمني ) السؤال الملح لم وهناك الكثير من المنتجات في السوق يتم تغيير بلد المنشأ والمستهلك يعرف جيدا المنشأ الحقيقي لها ومع ذلك عادي حقيقة مستغرب .

يمكن مايعرفون المنتجات اللي يتم تغيير بلد منشأها.. ولاتنسى تأثير وسائل التواصل حيث الكل يتكلم في كل شي.. فوضى

[ابو عبدالله.]

روعه حرقت السوق بالفيمتو الي سووه

رمضان الماضي ما تحصله. و هالفتره نزلوا كميات تكفي و تزيد

الفيمتو القديم ما عاد اشتريه من سنه لا صناعه خليجيه ولا مال لندن

[ابو عبدالله.]

كل المنتجات الي كنت اشتريها قبل الحصار ما اشتريها الحين حتى لو صناعه دول ثانيه.*

لقينا بدائل اروع و ارخص

[الحياة الخالدة]

السلام عليكم ورحمة الله وبركاته

هذا الموضوع المتجدد كل رمضان
وهذا الموضوع كتبته أختنا مهرة بهذا الخصوص

http://www.qatarshares.com/vb/showthread.php?633085-%DE%DC%D6%DC%ED%DC%DC%C9-%D1%C3%ED-%DA%DC%DC%DC%DC%C7%E3-%E6%DD%ED-%D1%E3%DC%D6%DC%C2%E4-!&highlight=

منتج روعة الوطني يسواه ويسوى طوايفه
وحسبنا الله ونعم الوكيل في حلف الفجار

[حمــد]

شفت فيديو بالانستجرام انهم بدوا يسحبوه من السوق ...
شكيت فيه الصراحه منتج يمني والبار كود 629 بدايته هو باركود لمنتجات الحمارات !! شلون ما ينتبهون على هالامور !

[$الملياردير$]

ميرة الدفنة امس السبت حاطين اليمني والعماني وورعه وفيه منتج من الميرة فيمتو بعد نفس روعه ... والاختيار للمستهلك وثقافته الشرائية والمبادئ اللي مقتنع فيها ... بس احنا كمستهلكين لنا ظاهر الأمور وبعض الاحتياط الباقي على المورد وعارضين السلع والوزارة .... يعني هم يدرون اكثر منا ان اليمن ماتنتج فيمتو وان ميناء الحديدة محطة فقط نفس منتوجات اخرى قامت تجي من دول خليجية والا الكويت من متى عندها تمر سكري وخلاص ... وخيام ... ومنتوجات سانتيا البلاستيكية كلها موجوده ... ومنتجات اجمل للعطور والبخور وغيره صنع عمان على الكرتون فقط .... والقائمة تطول ... التغير يبداء منا احنا نرفض المنتج من دول الحصار ونشجع منتجنا الوطني بشرط الجودة واعتدال الأسعار فقط تكون المنافسة في بعض الأحيان صحيه ... بس غالي ولا يسوى والدوله تدعمه وهو مستمر في جشعه هذي مشكله ... الدولة ماقصرت وقفت ولا زالت تقف مع التجار المحليين من قبل وبعد .... تحياتي

[qatarman8008]

ما ادري كيف ان نفس بعض التجار تهون عليه ينزل بعض منتجات دول الحصار..
حتى المستهلك ما ادري اشلون تهون عليه نفسه يشتري منتجات دول الحصار..
بالنسبة لي حتى لو انتهى الحصار ونحن بالف خير بدونهم ماراح اشتري منتجاتهم..

[سهم فضة]

يارجال مسويين زحمة و الشارع فاضي .

اللي فالكويت ولا عمان ياخذذله قرشتين فيمتو و يفكونا من هالسالفة الماصخة .

[راعي الكورفت]

انا شفت الفيمتو في بريطانيا في جمعياتهم داخل محلات تيسكو.

الفيمتو منتج عالمي.
وليس عربي بالاساس.

انا مسافر الاسبوع الجاي بريطانيا.
وباخذلي كراتيين فيمتو.
حق رمضان .

[مضارب دوسري]

انا شريت امس فيمتو روعه بعدد ايام رمضان :looking:

وقفلت عليه الثلاجه بعد عشان ما يستعملونه الا ف رمضان :eek2:

عشان افتك من حنة اليهال :no:

عن نفسي اشربه احيان قليله
ومعظم الاحيان مشروب الفطور عندي مكس لبن وحليب :thumbup:

[sara jsm]

انا شريت امس فيمتو روعه بعدد ايام رمضان :looking:

وقفلت عليه الثلاجه بعد عشان ما يستعملونه الا ف رمضان :eek2:

عشان افتك من حنة اليهال :no:

عن نفسي اشربه احيان قليله
ومعظم الاحيان مشروب الفطور عندي مكس لبن وحليب :thumbup:

لايفوتك منزلين منه طويل الاجل نفس السنتوب خذلك كراتين وحطهم في الستور وتالي بيعهم في رمضان نفسي :looking:

:

الحمدلله في رمضان لبن وتمر .. كلش ماامر على الفيمتو الا في الايام العاديه

[الحاقول]

بضائع دول الحصار التي تدخل الى البلاد
باسماء بعض الدول
يرجى الانتباه منها .. وعدم الاقتراب منها
ربما تحتوي على مواد ضاره بالصحه
يظهر مفعولها فيما بعد على الانسان
ترى القتل عندهم عادي
آلاف من اخواننا اليمنيين والليبيين
تم قتلهم بدم بارد حتى الاطفال
مع اخوانهم شهداء رابعه

[البيروني]

التجار الي دفعوا الملايين لشراء الفيمتو المغشوش ليش مافكروا بأنشاء مصنع انتاج فيمتو بقطر بترخيص من بريطانيا بدل اللف و الدوران

نبي فيمتو قطري اما من دول الحصار مانبي شيء ابدا و أيضا نبي من بلدنا انتاج القشطة الكريمة و بس وغير ذيلا مانبي شي ثاني لان كل شيء اليوم بالسوق احسن من قبل الف مرة ومتوفر اشكال و أنواع محلي و خارجي

[qatarman8008]

وصلني خبر اليوم عالواتس اب ان تم سحب الفيمتو من الاسواق..
والله اعلم..

[بوخميس]

كل الكوافي (جالكسي - مارس - باونتي) صناعة الامارات وتجينا على اساس مصنوعة في روسيا وبولندا و ما ادري وين

[مرتبش]

التجار الي دفعوا الملايين لشراء الفيمتو المغشوش ليش مافكروا بأنشاء مصنع انتاج فيمتو بقطر بترخيص من بريطانيا بدل اللف و الدوران

نبي فيمتو قطري اما من دول الحصار مانبي شيء ابدا و أيضا نبي من بلدنا انتاج القشطة الكريمة و بس وغير ذيلا مانبي شي ثاني لان كل شيء اليوم بالسوق احسن من قبل الف مرة ومتوفر اشكال و أنواع محلي و خارجي

داندي عندهم قشطة

[naklan]

رجعنا حق موضوع الفيمتو انا كرهته
بعد ما استخدم ترامب حق النقظ الفيمتو

[بومحمد المطاوعه]

هههههه
انا مستغرب شمعنى الفيمتو يشط بعض الناس ف رمضان !!!

ترى مب شهر الاكل
هذي شهر العباده والطاعه

والله ياجماعه التجار يعرفون متى يسوقون البضاعه
من جذي يتلاعبون في المنتجات

الحين يقولك الي نزل السوق من اليمن
اليمن مساكين ماعندهم قوت يومهم اشلون يصنعون

المنتج من الامارات برقم الكود وتم توقيفه في المينا والفحص والتأكد

والي فالسوق مادري اذا انسحب او لا
لكن الي فالمينا موقفينهم الربع للفحص

ونشكر حكومتنا الرشيده على الحرص