شرايك ماهي العقوبة المناسبة للتخميس بالشارع

[البيروني]

انا شخصيا قلبي يعورني لما اشوف هذا الاستهتار وخصوصا للمشاريع الجديدة و أحيانا امر على الشارع و اقعد اناظر الشارع و اتحسر
ما ادري هذه الكائنات الفضائية الي تجي و تخمس شتحس فية وخصوصا نحن داخلين على بطولة كاس العالم
اذا نريد ان ننهي المشكلة لابد من عقوبة صارمة
انا اقترح اذا تم القاء القبض على شخص يخمس بالشارع فأول عقوبة
- 4 اشهر حبس عقوبة تأديبية + دفع كامل مبلغ عمليات التنظيف او أي اضرار لحقت بالشارع و إعادة الوضع كما كان بالسابق
و في حالة القاء القبض علية مرة أخرى
- يتم سحب رخصة السواقة نهائيا منه

- اذا كان غير قطري يتم حبسة 4 اشهر و تغريمة لكل الاضرار و بعدها ابعاد نهائي

و أيضا لابد من نشر كاميرات مراقبة على الشوارع بشكل أوسع لتسجل و تلتقط الصور

[عبدالعزيز 9]

السجن ومصادره السياره
بعدها تختفي ظاهره الاستهتار باروح الناس والعبث بالممتلكات العامه ليت تتطبق العقوبه وبصرامه شديده

[سهم فضة]

الله لايهينهم يعطونة كرتون مناشف و ديتول و كلوريكس وبدلة محترمة رياضية ويبتدي تمارين تنظيف الارض

[معماري قطري]

انا اقول أوقات الواحد تجيه نشوة السرعة وحرق التواير خصوصاً قبل ليبدلها يسمحون بدخول الحلبة ضمن شروط ويقدر الواحد يسرع ويخمس وينتعش شوي

[معماري قطري]

ألمانيا السرعة فيها مفتوحة على الطرق السريعة لكن يسوون منافسات للعامة على حلبة نورنبرغ وكثير يدفعون فلوس حتى يدخلون الحلبة واتوقع لها تأمين خاص


https://www.youtube.com/watch?v=-otrLPdn1Gs

[naklan]

العقوبة المناسبة
يشغلونه شهر في الليل مع سيارة القمامة
وبعد ما يخلص الدورة ينظف المكان الي خربه
واذا عادها سجن ونشر صورة في الجريدة
علشان اذا تقدم لبنت ما حد يزوجه

[Jspec]

ألمانيا السرعة فيها مفتوحة على الطرق السريعة لكن يسوون منافسات للعامة على حلبة نورنبرغ وكثير يدفعون فلوس حتى يدخلون الحلبة واتوقع لها تأمين خاص


https://www.youtube.com/watch?v=-otrLPdn1Gs


اخخخخ جبتها على الجرح اخوي معماري ..... انا اللحين لي 5 سنوات مدمن على هذي الحلبه (اروح لها فالسنه من مره الى مرتين) والساعه تكلفني 2000 ريال كل شي عليهم ويعطوني سزوكي سويفت مجهز للراليات شي شي خياااال وقبل اسبوعين كنت عندهم وهالسنه جابوا السزوكي الجديد التيربو وبنفس السعر ^_^


يخلف الله علينا .....

[Jspec]

وترى فيه سيارات اقوى بس تكلف اكثر (مثلا بي ام الفئه الثالثه تيربو) تكلف ساعتها حول 3 الاف ريال وفيه بعد gtr وبورشات وفيراري عندهم

وللعلم .... ساعه وحده فقط = 100 كيلو من الحماس المتواصل

[R 7 A L]

في هالعمر يحتاجون معاملة خاصة

[sara jsm]

يحتاجون خيزرانه منقوعه في ماي ملح :sneaky:

[ابو عبدالله.]

القانون موجود وهو العقوبات المجتمعيه

الى الان يوجد تردد في تطبيقه ما ادري ليش

ما سمعها حد تم ضبطه و اقيمت عليه هذه العقوبه

ما نبي عقوبه يجلس بالمسجد يقرأ القرآن. مع انها زينه. لكن. نبي تنظيف الشوارع و التطوع في رعايه كبار السن او في طوارئ الحوادث

خله يتعب و يشوف المصابين و كبار السن الي ما يقدرون يخدمون انفسهم

عطه دوره توعويه اسبوع كامل عن القياده الامنه و زيارات ميدانيه لنتائج الحوادث من اضرار ماديه و صحيه

و العلاج النفسي لمكرري هالمخالفات

[بومحمد المطاوعه]

يالربع خلونا واقعيين اشوي
ماعتقد مافي بيت مافي شخص مراهق ولا مر في مرحله الأستعراض

يمكن 80‎%‎ من البيوت بتحصل عندهم انسان مراهق
وهذي فطره في الانسان المواتر وشطه المواتر من ناحيه استعراض وصوت ووايد اشياء يسوونها الشباب في هالعمر ومثل هالناس المراهقين ماتعامله بالسجن ولا حل له اساسآ
الا دمار له راح يكون
لان اعتقد لو صادو فلان الفلاني ماراح ينسجن
المسكين الفقير الي ماعنده معارف ولا يعرف اي احد اهو الي بينسجن وبيتلعوز و و و و

اما الي عنده واسطه وخرابيط ومعارف ماعتقد راح يوقف ولده
دقيقه فالسجن

الحل بسيط جدآ
اي شخص يستعرض
الموتر بنحجز شهر اقل شي وفي ناس مواترهم ماراح تنحجز
عشنا وشفنا
المهم ،، يلزمون راعي الاستعراض ينظف الشارع يطير الي سواه كله
او يجيب شركه تعدل الي خربه كله

جذي الكل راح يخاف

[البيروني]

القانون موجود وهو العقوبات المجتمعيه

الى الان يوجد تردد في تطبيقه ما ادري ليش

ما سمعها حد تم ضبطه و اقيمت عليه هذه العقوبه

ما نبي عقوبه يجلس بالمسجد يقرأ القرآن. مع انها زينه. لكن. نبي تنظيف الشوارع و التطوع في رعايه كبار السن او في طوارئ الحوادث

خله يتعب و يشوف المصابين و كبار السن الي ما يقدرون يخدمون انفسهم

عطه دوره توعويه اسبوع كامل عن القياده الامنه و زيارات ميدانيه لنتائج الحوادث من اضرار ماديه و صحيه

و العلاج النفسي لمكرري هالمخالفات


يا بوعبدالله ردك هادي جدا
اطلب منك تمسك طريق الخور الجديد الي توه فاتحينة و فرحنا فية تحول بقدرة قادر الى دوائر سود من صوب ام قرن لين ما تقرب صوب الدوحة وانا متأكد انك بتغير كلامك
انا أصبحت مقتنع ان هذيلا يبيلهم عقوبة صارمة
خل نفترض ان كاس العالم باقي علية شهرين و ذيلا مستمرين بالتخميس و يعبثون بالطرق الحيوية ايش الحل هنا ! هل تتوقع انه بيعقل فجأة و يتوقف ؟ اكيد لا لانه تعود على هذا الشيء ومش مستوعب انه يشوه و يضر الأملاك العامة و المنشآت و من امن العقوبة اساء الادب
وبعدين التخميس مش غريزه بشرية عشان نتسامح معاها هذه تصرفات صبيانية خطيرة و من يقوم بها يعرض حياتة و حيات الآخرين للخطر و يضر الأملاك العامة و يشوة المنظر و يعطي انطباع بعدم احترام القانون و النظام و غيرها الكثير من السلبيات

[بومحمد المطاوعه]

اقتراحي
يحطون كيمرات مراقبه على الشوارع

سيفتي لكل شي
ومنها يتم صيد هالناس

[qatarman8008]

اولا مصادرة السيارة..
ثانيا حبس السائق ثلاث ايام..
ثالثا عرض السائق على المحكمة للنظر في موضوعه..
ولما يطلع خل يكررها ونعيد له نفس الاجراءات..

[السكين]

أنا أستغرب من اللي يقول مراهق وكلنا مرينا بهالشي ..لا يا خي ما مرينا كلنا ترى ،هذي قلة تربية وصحبة فاسدة وشوية زبالين غير مسئولين لا من ناحية الحفاظ على ممتلكات الوطن ولا من ناحية الوازع الديني .. ولو مشينا على هالنظرية بتساهل مع المغتصب واللي يتعاطى واللي يمارس الرذيلة بحكم انهم مراهقين ، وللعلم فيهم ناس بالثلاثينات واخر العشرينات .. لو قدرت أسحب من السناب الفيديوهات بحط لكم كل يوم خاصة اوقات المطر إيش يصير على هالشوارع .. وبشكل دوري ونظامي.

الحل من وجهة نظري :

1- سحب أو كبس السيارة وأفضل الكبس وعدم الإلتفات للي يقول ( مال ناس ويمكن سيارة ابوه أو أو ..أو اللي يحرم ) هذا قانون وما غير الردع راح يعدل سلوكهم.

2- محاكمة لهذا المجرم ( رعونة وتخريب ممتكات وتعريض حياة الآخرين للخطر ) ويسجن على أقل تقدير.


3- إيقافه عن السواقة سنة على الآقل وسحبها نهائياً في حال التكرار.

4- التشهير بنشر صورته بالجرائد الرسمية وهذا جداً مهم البلد صغيرة والكل يعرف بعض ، وكثير بيخاف الفضيحة.

5- إصلاح جميع الأضرار ( الدولة هي اللي تصلح بمعرفتها طبقاً للمعايير ) ويتحمل هو التكاليف والسداد.

أما مسألة أوديه يغسل ميتين أخليه يزور مرضى ولا ينظف الشارع ولا يشتغل مع عمال النظافة ،كله ما منه فايدة ، ياما دفنا ناس ماتت بحوادث والشباب فوق القبر كلام ووناسة ..وأول ما يطلع تدخين ولا كأن الموضوع يعنيه ، هالفئة محتاجة تربية فقط والحكومة مهمتها العقاب مش التربية ..اللي محتاج تربية يروح يخلي أمه تربيه .

وأتمنى من الجهات المعنية يتابعوا حسابات الاستعراض اللي كلها ( توجيه بسيارات التحريات ونشر أرقامها وموديلها وأماكن تواجد الرادارات وحشد الشباب لأماكن الاستعراض وتنظيم التجمعات هذي على الخطوط السريعة والحديثة )، وإغلاقها أو إستدعاء أصحابها.

[Qatar191]

جميع القوانين المعمول بها الان لاتكفي لردعهم الرادارات حجز السياره كلها امور بسيطه بالنسبه لهم ان كان موظف فلا يوجد لديه مسؤليه راتبه يكون للهدرز والبيلون والرادارات وان كان غير موظف تلقا ابوه هو الي يدفع له كل هذي الاشياء واذا انحجزت السياره عطوه موتر البيت ياما سمعنا عن عوائل بريئه راحت والسبب شاب مستهتر
لن يدرعهم الا الضرب بيد من حديد
ظ،- مصادرة السياره
ظ¢- جعل جريمة السباق والتحفيص تعادل جريمة حيازة المخدرات وحمل السلاح

[معماري قطري]

وترى فيه سيارات اقوى بس تكلف اكثر (مثلا بي ام الفئه الثالثه تيربو) تكلف ساعتها حول 3 الاف ريال وفيه بعد gtr وبورشات وفيراري عندهم

وللعلم .... ساعه وحده فقط = 100 كيلو من الحماس المتواصل

يا حيك والله بغيت اروح مرات بس ما حصلت لي فرصة

العام رحت نورنبرغ المدينة القديمة وكانت حلوة عجبتني العمارة القديمة وبعض البيوت اللي كم طابق من الخشب والاسمنت ودواعيس بينهم حتى الزاوية تحصلها مشطوفة ومحمية من احتكاك الخيول والعربات قبل

انا الله يسلمك وصلت 55 والمفروض تقاعدت عن السرعة وهالسوالف بس للحين في دمي .. أما الطرقات هناك وصلت سرعة 260 عليها وسويت رعب حق إخوي مسكين

[معماري قطري]

في أمريكا في زمان ما قبل الكاميرات كانت فيه شوارع مخصصة للدوارة والتحفيص لو الشرطة غفلت والا مب حولهم .. كان فيه نفق يستوي فيه حرق للتواير .. وكنا نستانس عليهم وقتها كنت في زيارة للربع في ستاكتون وهي مدينة صغيرة شرق سان فرانسيسكو واستانست على حركات بعضهم هناك فيها شوية حماس

عاد من فترة شفت ناس مسكرين الطريق وواحد يستعرض استعراض قوي وكانت سيارته بدون أرقام كلمت الشرطة وجاوا شافوا شصاير وشيكوا الكاميرات وجابوه ثاني يوم

المشكلة في تطبيق القانون أوقات فيه تجاوزات والمشكلة الثانية ضروري يكون فيه بديل مقنن ومكان خاص لرياضات السيارات بضوابط .. الحلبة اللي في الصناعية مثال ناجح بس حلبة سرعة وفيها لفات بعد بتكون حل مناسب

[Jspec]

يا حيك والله بغيت اروح مرات بس ما حصلت لي فرصة

العام رحت نورنبرغ المدينة القديمة وكانت حلوة عجبتني العمارة القديمة وبعض البيوت اللي كم طابق من الخشب والاسمنت ودواعيس بينهم حتى الزاوية تحصلها مشطوفة ومحمية من احتكاك الخيول والعربات قبل

انا الله يسلمك وصلت 55 والمفروض تقاعدت عن السرعة وهالسوالف بس للحين في دمي .. أما الطرقات هناك وصلت سرعة 260 عليها وسويت رعب حق إخوي مسكين

الله يعطيك طولت العمر ......

بالنسبه لي (واعتقد كثير مثلي) يشوفون انه الهوايه مالها عمر محدد حتى لو عمرك 70 وتلعب رياضه معينه او هوايه او اي شي في خاطرك في اماكنها المخصصه بالعكس اشوفها شي طبيعي وايجابي لراحة الشخص وسعادته

لازم تروح تجرب الحلبه لو مره فالسنه فقط لتجديد الشباب ^_^

[معماري قطري]

الله يعطيك طولت العمر ......

بالنسبه لي (واعتقد كثير مثلي) يشوفون انه الهوايه مالها عمر محدد حتى لو عمرك 70 وتلعب رياضه معينه او هوايه او اي شي في خاطرك في اماكنها المخصصه بالعكس اشوفها شي طبيعي وايجابي لراحة الشخص وسعادته

لازم تروح تجرب الحلبه لو مره فالسنه فقط لتجديد الشباب ^_^

يبي لي وإن شاء الله تتيسر لي سفرة هذي السنة

[بوخالد911]

سحب الليسن ثلاث شهور
تنظيف الشارع
تنظيف حمام موول معين
نشر اسمه وصورته بالجرايد والتلفزيون.

[بوخميس]

سحب الليسن ثلاث شهور
تنظيف الشارع
تنظيف حمام موول معين
نشر اسمه وصورته بالجرايد والتلفزيون.

بل بل بل

يا ريال ناس باقت مليارات ولا حتى عرفنا اساميهم، تبغي تنشر صور اللي يحفصون؟

[بوخالد911]

بل بل بل

يا ريال ناس باقت مليارات ولا حتى عرفنا اساميهم، تبغي تنشر صور اللي يحفصون؟

عشان الكل يتعظ ويخاف

[شبح الصمت]

الله يستر عليهم ويحفظهم ويهديهم مثل ما هدانا وعقلنا ..

[وليف الشوق]

السجن ومصادره السياره

[بومحمد المطاوعه]

والله يالربع وهذي حلفه
لو صار قرار نشر الاسماء او تنظيف الشوارع
القرار هذي ماراح يتطبق على الكل
وانا مسؤول على كلامي

خلونا واقعيين اشوي ونتكلم بحل جميل

كلنا حضرنا اعراس ناس وحزات من اهلنا وشفنا استعراض يا من ربع المعرس او اخوانه او حد من هله
وانا شخصيآ مايعجبني هالشي ولا اتمنى حد يخرب هالشوارع

ف محد راح يرضى الكلام الي تقولونه
سجن وتنظيف و صور وتشهير
الدوله نظرتها ارقى من هالكلام وماراح تحط هالشي وتخلي باقي الدول تتشمت فينا

اما سوالف سجن وتنظيف شوارع هذي مب كل شخص راح
يتطبق عليه هالقرار ولا اهو حل بتاتآ

[رُفق المجنّا]

مصادرة المركبة

[نفسي عزيزه]

تربطه من ريوله وتلشطه بواير الجرج مال البطاريه من السوق الصيني حرام فيه واير اصلي

[سالم الزهران]

اذا سويت جذيه يا عزيز النفس بيستوي ريال... نحن نبيه كول..

[mersal]

هذه التصرفات موجوده بكل دول العالم مش مقتصره على ناس معينه.. في مقترح انه يتم حجز المركبة (لمدة شهرين) ويكون مكان الحجز بمنطقة بعيده خارج الدوحة غير مكان الحجز الحالي يكون مثلا بمنطقة القلايل أو العامرية أو منطقة صحراوية حدودية، لكي يشعر المخطىء ببعد المكان، وثاني شي المخالف نفسه هو الي يحضر السياره شخصياً بدون ما يوكل حدا بارسالها للحجز.. وهو نفسه الي يسحبها من الحجز ولا يتم تسليمها الا له شخصياً حتى لو كانت السيارة لابوه او اخوه او صديقه.