شركة دوحة ون

[koketa]

حبيت اسأل عن شركة دوحة ون للمقاولات والمدير مهندس اسمه احمد

بسوي معاها بعض التشطيبات ومكتبهم في الصناعية

هل في احد جربهم ؟

[معماري قطري]

ما اعرفهم بس لو رحتي لهم اطلبيهم صورة من الترخيص والدرجة ولستة من عمال وموظفين الشركة وخبراتهم

بعد شوفي صور للمشاريع اللي سووها وحاولي تمرين مشروع يتنفذ ألحين أو مشروعين وتقدرين تطلبين رقم حد نفذوا له وتسئلينه

[معماري قطري]

كنا كإجراءات للعمل نطلب صور الجوازات والإقامة ولازم على كفالة الشركة

وأي حد بيسوي عقد من حقه يحط هذي كشروط يحطها المقاول وقت التنفيذ .. وعقد شغلي حق بيتي موجود تقدرون تتطلعون عليه في موضوع العقود المثبت .. حتى السيارات والآليات حاطينها

[$الملياردير$]

باختصار الرقم الشخصي حق المدير المسؤل والسؤال عنهم عليهم قضايا شيكات او شكاوي .... وتطلب لسته عملاء سابقين وحاليين وتمر شوف شغلهم وتتصل عليهم بشرط انك انت تختار مب هم عشان ما يدورون اللي اوكيه وضعهم معاه ..... والأهم من هذا كله .... وتحتها مليووووون خط يكون العقد متماشي مع الاعمال خطوه بخطوه ... يعني دفعاتك تكون حسب الاعمال المنجزة والدفعة الاولي مقابلها شيك ضمان بنفس قيمتها يبقى عندك او عند الاستشاري حتى استلام الموقع كامل ... احتياط لو قدر الله في اختلاف لاحقا ... وتبي تصفي لأي سبب ما يكون أخذ اكثر من المرحله اللي وصل لها .... والله هذي نصيحة مهمة ..واحد من ربعي الحين نصحته بنفس هالكلام من سنه والحين المقاول ماخذ عليه اكثر من الاعمال المنجزة لا ويطالبه بمبلغ إظافي في حال التصفية ... يعني خسران لو كمل وخسران لوصفى الله يعينه ...... اسف للإطالة بس والله حقيقة حطها في بالك