عرض سعر بناء تشطيب

[SH.FLOWERS1]

السلام عليكم اخواني ياليت تفيدوني كعرض سعر للمساحه هذي
كم راح تكلفني بناء مع شركة متوسطة المستوى الى مرتفعه تقريبا انا مسحت المبلغ متعمد ابي خبرتكم بالمواصفات هذي المذكوره في الصور تحت.

ياليت للي عنده خبره يقولي كم راح تكلف البنيان بالمواصفات هذي كتشطيب.

[معماري قطري]

عرض سعر مبدئي ومبهم شوي

المفروض يحتوي على مراحل ودفعات .. بعدين مكتوب أعمال الطابوق وبين قوسين فقط على المحيط تحت الجسور واللي اعرفه لازم تنعمل هذي الأعمال لتحت الجسور كلها داخلية ومحيطية .. والطابوق تحت الارض المفروض يكون مقاوم للأملاح

قريت عزل صوتي ولا شفت مواصفات وتفاصيل العزل

تركيب وتوريد البورسلان تركيبه على وشو وبأي نوع من الغراء وهل السعر سعر التوريد للبورسلان فقط والمواد الباقية بيتكفل بها المقاول ووشي نوعيتها وعلى وشو بيركب .. دفان أو بودرة أو خرسانة

بالنسبة لليو بي في سي السعر معقول بس كثير شركات تسوي هذا السعر ولا تفرق عن الجيد والرخيص كجودة وبعضها غالية وجودتها لك عليها .. انا افضل تخلي بند الأبواب والنوافذ عليك وعلى المقاول تجهيز الفتحات عدل بملء الطابوق الجانبي بالخرسانة وانت تختار براحتك .. الجبس كذلك .. الأرضيات والجدران وممكن الصبغ على المقاول

أشياء كثيرة صعب ادخل في تفاصيلها شوف موضوع العقود المثبت فيه عقدين نموذجين واحد بالانجليزي حق بيتي فيه تفاصيل التفاصيل ومعاه حساب كميات وواحد بالعربي والعقد جاي من مجلدين والمقاول موقع وخاتم كل ورقة مع عرض السعر وكان ترتيب العقد عن طريق الاستشاري والمفاوضات بعده تمت بصفة شخصية مع مدراء الشركات وتم استبعاد العروض الغير ملتزمة والعروض المبالغ في أسعارها

ليخدعك السعر في البداية لو مهما كان المهم التزام المقاول بتوضيح كل شيء كتابةً وصياغته بطريقة واضحة وما فيها لبس أو نواقص .. حتى تسمية الموردين ممكن يذكرهم ويلتزم بهم وحتى المواصفات ممكن يوضحها لآخر حد ويعطيك عينات موقعة وتصاميم مقترحة أو صور لتصاميم منفذة

[sara jsm]

يعطيك العافيه اخوي ...
انا ماعندي خبره في هالمجال لكن امر بمرحلة التشطيب ..
وعندي خلفيه عن اسعار بعض الاشياء بمواصفات وجودة عاليه ...
واللي حاطه لك في العقد اكثر من سعر السوق ..
هو كم فايدته اذا عندك خلفيه عن نسبته بالميه !؟

[معماري قطري]

المشكلة أشياء سعرها عالي لكن وقت الصج يجيب أرخص الموجود

[معماري قطري]

التفاصيل مهمة تفاصيل التركيب ومواصفات المادة ولو ممكن اسمها التجاري بوضوح المالك من حقه .. مشاريع الدولة ممنوع فيها تحديد الإسم لكن الخاص من حقه .. حتى رقم الموديل .. مثلاً مراوح اكسبلير الموجودة لو تجي بكج كامل بكل اكسسواراتها وقطعها ممكن تكلف أكثر من 500 وبعضها ممكن 200 حسب النوع

ممكن المقاول يورد لك الكتلوجات موقعه ومختار فيها النوع المناسب لك قبل العقد وممكن يخلي كل شيء مبهم ووقت التنفيذ يتلاعب ويجيب شيء يمشي الحال

مثال هنا العازل كان يقدر يقول دبل سكريد وبمواصفات عالية وبضمان 15 سنة ويحط رسمة توضح طبقات العزل .. حتى الحراري ذاكر السمك وممكن يركب النوع الأبيض قليل الكثافة وهذا لو انداس ينكمش وما يصلح للأسقف والأزرق مناسب كثافته أعلى

شغل تسليم المفتاح زين ومريح بس تتأكد من كل شيء وتتعامل مع مقاول قوي ويعطيك كل شيء بوضوح من البداية

مقاول مرة عطاني رؤوس أقلام وما رضى يسعر حساب الكميات قلت له يفتح الله .. بعضهم يحسبونا أغشمة وكل شيء بيمشي علينا .. قال زين باسعر بس لو سعرت بيطلع سعرك فوق 3 مليون .. هنا قلت خلاص النقاش معاك مضيعة للوقت ورحت للأقوى منه واللي مسعر كل شيء وموقع وعارض سعر 1.1 مليون .. أثناء زيارتي للتفاوض صاحب ال 3 مليون كان مقره في شقة في سوق غرناطة حتى الليتات مبندها يبي يوفر كهربة وما فيه حد في الشقة الا هو وعامل الشاي والشركة كانت لصديق

واللي مسعر لي 1.1 كان له مقر متكامل ( الحين انهدم وانبنت عمارة مكانه ) وفيه موظفين وكدراء مشاريع ومحاسب ولهم ساعات عمل ورقم تلفون أرضي وفاكس مب بس جوال

[sara jsm]

ماهو لازم يكون في تفصيل بالعقد ..
مثلا نوع البورسلان وحجمه .. نوع الصبغ او المعجون وصناعه وين !!؟

تدري اخوي معماري انا ادور نوع من الجرانيت .. لقيت في محل راقي قالي اللوح بـ 700 ريال جرانيت برازيلي
ولقيت نفسه في محل عادي نفسه بالضبط بس هندي واللوح على 380 شوف فرق السعر ..
وفي النهايه هو حجر طبيعي مب صناعي .. السوق مليان كل شي .. الواحد لازم يدور ..

[Azizuk]

ليش مالجهات المختصة تفرض على المقاول شرح كامل عن بنود البناء بالمواد والموديلات بالارقام والكودات

انا اعرف واحد اذا يبني يأخذ شيك من المقاول ضمان

هذا غير الشروط الجزائية الصارمة اللي يحطها على المقاول

شي شفته وعجيب في قطر اذا دخلت محل أو شركة وعرف انك تعرف اسرار الشغل والاسعار مايبي يتعامل معاك وتحس ان يتشرد

ليش لان عارف انك ماراح تخليه يقص عليك ونفس الوقت عارف انك راح تقعد له قعده

حزات اشوف لي زوجين مساكين يكسرون الخاطر والموظف يضحك عليهم وهو يشرح لهم يعطيهم القمر في يد والشمس في يد حتى احاول بقدر الاستطاع أني اقرب من الرجال عشان انصحه بعضهم يكش منك وبعضهم يتجاوب معاك وبعضهم بل بل شايف نفسه حتى مايبيك تنصحه وإلا تقرب منه تسمعه يفح وينافخ ويشتح بخنافره لا تقرب مني :nea:

في واحد اعرفه كذاب ونصاب من جنسية شامية وكل بين فتره وفتره بالسجن مطلوب بسبب المشاكل

وطبعا مب كل أهل الشام نصابين بالعكس في منهم جدا محترمين وراقيين في التعامل وصادقين

مره شفته في محل راقي ومن وراء القزاز يشرح ويشدخ حق زبائن من القهر لأني ملدوغ منه طقت القزاز من برآء وبينت للزبائن ان كذاب وعيار الحمدالله انهم قامو من عنده وبعدها اتصل قال لي خربت على الزبائن حرام عليك قلت له مب حرام عليك ضحكت على ونصبت على بسعر المتر ب 100 ريال وانت دافع للبنغالي 40 ريال وعموله لراعي المحل ب 10 ريال على المتر وانت ماخذ الباقي لك

القهر ان سعر لي قيمة البيت كامل عشان يضمن حقه وهو ماخذ شغل الحمامات فقط

حتى أقول له ليش مسعر البيت كامل وانا متفق معاك تركب الحمامات فقط قال لا الشركة ماتقبل تأخذ شغل حمامات فقط لازم البيت كامل بس كرمان لعيونك انا راح أسوي لك الشغل هذا غير ان متفق معاه على تبليط ارتفاع 4.20 متر مبلط لي 3 ونص متر يعني سارق مني 70 سنتيميتر في كل حمام سارق 7 الى 10 متر مربع

ودي ودي أحط رقمه وصورته وأشهر فيه بس اعرف أني انا اللي بروح فيها

[سعود.]

اسمه بيت العمر
يعني اتوقع تقريبا الواحد بيبني مره بالعمره
افضل الشخص نفسه هو الي يشطب بنفسه
يروح المحلات ويختار بينهم شوف عينه :pilot:

[سعود.]

كلها طريق سلوى وبرورة وكمن محل غيرهم
ومن سال ما ضاع

[سعود.]

ليش مالجهات المختصة تفرض على المقاول شرح كامل عن بنود البناء بالمواد والموديلات بالارقام والكودات

انا اعرف واحد اذا يبني يأخذ شيك من المقاول ضمان

هذا غير الشروط الجزائية الصارمة اللي يحطها على المقاول

شي شفته وعجيب في قطر اذا دخلت محل أو شركة وعرف انك تعرف اسرار الشغل والاسعار مايبي يتعامل معاك وتحس ان يتشرد

ليش لان عارف انك ماراح تخليه يقص عليك ونفس الوقت عارف انك راح تقعد له قعده

حزات اشوف لي زوجين مساكين يكسرون الخاطر والموظف يضحك عليهم وهو يشرح لهم يعطيهم القمر في يد والشمس في يد حتى احاول بقدر الاستطاع أني اقرب من الرجال عشان انصحه بعضهم يكش منك وبعضهم يتجاوب معاك وبعضهم بل بل شايف نفسه حتى مايبيك تنصحه وإلا تقرب منه تسمعه يفح وينافخ ويشتح بخنافره لا تقرب مني :nea:

في واحد اعرفه كذاب ونصاب من جنسية شامية وكل بين فتره وفتره بالسجن مطلوب بسبب المشاكل

وطبعا مب كل أهل الشام نصابين بالعكس في منهم جدا محترمين وراقيين في التعامل وصادقين

مره شفته في محل راقي ومن وراء القزاز يشرح ويشدخ حق زبائن من القهر لأني ملدوغ منه طقت القزاز من برآء وبينت للزبائن ان كذاب وعيار الحمدالله انهم قامو من عنده وبعدها اتصل قال لي خربت على الزبائن حرام عليك قلت له مب حرام عليك ضحكت على ونصبت على بسعر المتر ب 100 ريال وانت دافع للبنغالي 40 ريال وعموله لراعي المحل ب 10 ريال على المتر وانت ماخذ الباقي لك

القهر ان سعر لي قيمة البيت كامل عشان يضمن حقه وهو ماخذ شغل الحمامات فقط

حتى أقول له ليش مسعر البيت كامل وانا متفق معاك تركب الحمامات فقط قال لا الشركة ماتقبل تأخذ شغل حمامات فقط لازم البيت كامل بس كرمان لعيونك انا راح أسوي لك الشغل هذا غير ان متفق معاه على تبليط ارتفاع 4.20 متر مبلط لي 3 ونص متر يعني سارق مني 70 سنتيميتر في كل حمام سارق 7 الى 10 متر مربع

ودي ودي أحط رقمه وصورته وأشهر فيه بس اعرف أني انا اللي بروح فيها


الله يعينك ( ابا سعود )

موضوع تقريبا نفسك انا الحوش عندي خرسانة مطبوعه . وكنت شاك بالامتار الي حاسبها لي جبت الاستشاري وحسب لي بالامتر طلع ضارب علي حول 140 متر omen

وللحين اطالبه بالمبلغ :fight:

[$الملياردير$]

الله يعينك ( ابا سعود )

موضوع تقريبا نفسك انا الحوش عندي خرسانة مطبوعه . وكنت شاك بالامتار الي حاسبها لي جبت الاستشاري وحسب لي بالامتر طلع ضارب علي حول 140 متر omen

وللحين اطالبه بالمبلغ :fight:

نفس القصة مع اللي سعرو لي الحجر هههههه

[سعود.]

نفس القصة مع اللي سعرو لي الحجر هههههه

الله يعين بس
ماودي اقول كلهم حرامية بس الاغلبية يمكن كذا
يحسبوننا بنك متنقل

[Azizuk]

الله يعين بس
ماودي اقول كلهم حرامية بس الاغلبية يمكن كذا
يحسبوننا بنك متنقل


معنى الكلام ان مافي قطري يبني مانضحك :swoon:

[معماري قطري]

ليش مالجهات المختصة تفرض على المقاول شرح كامل عن بنود البناء بالمواد والموديلات بالارقام والكودات

انا اعرف واحد اذا يبني يأخذ شيك من المقاول ضمان

هذا غير الشروط الجزائية الصارمة اللي يحطها على المقاول

شي شفته وعجيب في قطر اذا دخلت محل أو شركة وعرف انك تعرف اسرار الشغل والاسعار مايبي يتعامل معاك وتحس ان يتشرد

ليش لان عارف انك ماراح تخليه يقص عليك ونفس الوقت عارف انك راح تقعد له قعده

حزات اشوف لي زوجين مساكين يكسرون الخاطر والموظف يضحك عليهم وهو يشرح لهم يعطيهم القمر في يد والشمس في يد حتى احاول بقدر الاستطاع أني اقرب من الرجال عشان انصحه بعضهم يكش منك وبعضهم يتجاوب معاك وبعضهم بل بل شايف نفسه حتى مايبيك تنصحه وإلا تقرب منه تسمعه يفح وينافخ ويشتح بخنافره لا تقرب مني :nea:

في واحد اعرفه كذاب ونصاب من جنسية شامية وكل بين فتره وفتره بالسجن مطلوب بسبب المشاكل

وطبعا مب كل أهل الشام نصابين بالعكس في منهم جدا محترمين وراقيين في التعامل وصادقين

مره شفته في محل راقي ومن وراء القزاز يشرح ويشدخ حق زبائن من القهر لأني ملدوغ منه طقت القزاز من برآء وبينت للزبائن ان كذاب وعيار الحمدالله انهم قامو من عنده وبعدها اتصل قال لي خربت على الزبائن حرام عليك قلت له مب حرام عليك ضحكت على ونصبت على بسعر المتر ب 100 ريال وانت دافع للبنغالي 40 ريال وعموله لراعي المحل ب 10 ريال على المتر وانت ماخذ الباقي لك

القهر ان سعر لي قيمة البيت كامل عشان يضمن حقه وهو ماخذ شغل الحمامات فقط

حتى أقول له ليش مسعر البيت كامل وانا متفق معاك تركب الحمامات فقط قال لا الشركة ماتقبل تأخذ شغل حمامات فقط لازم البيت كامل بس كرمان لعيونك انا راح أسوي لك الشغل هذا غير ان متفق معاه على تبليط ارتفاع 4.20 متر مبلط لي 3 ونص متر يعني سارق مني 70 سنتيميتر في كل حمام سارق 7 الى 10 متر مربع

ودي ودي أحط رقمه وصورته وأشهر فيه بس اعرف أني انا اللي بروح فيها

هذا موجود يا بو سعود في الدول المتقدمة واللي فيها قوانين واجراءات عقابية رادعة عندنا للأسف العيب منا وفينا .. لجنة المهندسين اشتغلوا شغل على تنظيف المكاتب الهندسية وفجأة فتروا وغيروا كل شيء

للأسف إحنا في انحدار قبل كانوا يشيكون خرائط الانشاء ألحين خلوا اللعب مفتوح للمكاتب يبالغون قبل العقد ويغيرون بعد العقد ويستوي المالك دافع قيمة شيء ما انعمل

القوانين واجراءات التقاضي بطيئة ومملة وما تحصل من وراهم حق وهذا شجع على الاستغلال

[معماري قطري]

لو يخلون العقود كميات معاد حسابها بيكون أفضل re-measured quantity agreements وهذي معمول بها في دول كثيرة وضمان حق للمقاول وللمالك بس تحتاج مكاتب حساب كميات تتابع كل مشروع وبيكون عندك جرد الكميات والمواصفات سهل وسريع والغالبية بيتعلمونه

علم حساب الكميات تخصص حديث ياخذ دراسة حول 5 سنين في بريطانيا وهو بين الحسابات والهندسة ونادر ما يدخلونه القطريين معمول به في قطر للتسعير والاسترشاد لكن لو كان فعلي بيكون يحفظ حقوق الطرفين

يعني المقاول سعر لك حفر المتر المكعب ب 70 ريال وحسب المخططات لازم يحفر لين مترين وحفر طلعت الكمية 500 متر مكعب والتقديرات الأولية كانت 600 متر مكعب تكون انت يالمالك موفر 7000 ريال في بند الحفر .. ولو فرضنا ناتج الحفر 500 متر مكعب طلع منه بعد الغربال 300 متر مكعب صالح لإعادة الدفان و 200 حجارة كبيرة تنقل لخارج الموقع ونقلها يكلف وكان المقاول مسعر نقل المتر المكعب ما بيكون فيه اختلاف .. أو إن المالك أو ممثله يقولون الحجارة بنستغلها ديكور للحوش وخلها على جنب بنكون وفرنا تكلفة النقل .. أو لنفترض المالك له علاقات وبيجيب شركة نقل تنقل ببلاش وتبيع الحجارة وتستفيد بعد بنوفر النقل .. والباقي كله نفس الشيء

لنفترض المقاول حط تسعيره لتأسيس مكان الأبواب والحماية سعر معين لكل باب وشراء الباب حسب رغبة المالك طلع بسعر معين بتكون تكلفة الباب معروفة كم وكل واحد عارف دوره .. لو دخلنا التنسيق ممكن المقاول الأساسي يحط عليه مبلغ والمبلغ يكون معروف ولو تم من قبل المالك يلغى عن المقاول الرئيسي .. هذي الكميات المعاد احتسابها ببساطة

لنفترض حساب كميات وايرات كهرباء بمواصفات معينة كوحدة مترية طلعت رقم معين ووقت التركيب حاسب الكميات تأكد من الكمية المركبة طلعت 100 متر طولي ببساطة تنضرب في التكلفة ويتحاسب عليها المالك

الموضوع سهل جداً وبيكون فيه مواصفات قياسية وتسعير قياسي تقدر عن طريقة تتحكم في الميزانية والسعر والحقوق كلها تكون محفوظة .. بينتج عندنا كود معين للأبواب وللنوافذ لا تحتاج تحدد المواصفات كتابة ولا شيء يرجع الكل لرقم الكود وشيقول كتابة وتوضيح بالرسومات وفي موقع هندسي معترف به والكل ملتزم به .. وهذا مطبق في أمريكا والدول الفاهمة من عشرات السنين

[سعود.]

الله يعين بس :cry2:

[Azizuk]

اليوم جاني مسج على الواتس اب تشهير بشخص يضحك على الناس في مجال الديكور يدعي اسمه بوربيع

حتى مرسلين صورة له ورقم سيارته لاخذ الحيطة منه

[معماري قطري]

اليوم جاني مسج على الواتس اب تشهير بشخص يضحك على الناس في مجال الديكور يدعي اسمه بوربيع

حتى مرسلين صورة له ورقم سيارته لاخذ الحيطة منه

بيسجنون كل اللي شهروا به لأنه مسكين ما باق وايد

[سعود.]

اليوم جاني مسج على الواتس اب تشهير بشخص يضحك على الناس في مجال الديكور يدعي اسمه بوربيع

حتى مرسلين صورة له ورقم سيارته لاخذ الحيطة منه

قلبي متروسه ولا كان ودي
عندي لسته طويله جدآ crazy