من @ ( الذكريات) @

[سالم الزهران]

السلام عليكم.. طيب الله أوقاتكم.
موضوعكم هذا لكتابة ما يخطر في البال من ذكريات و مواقف جميلة عشناها أو تأثرنا بها..وشكراََ لكم.

[سالم الزهران]

مرة بالاعدادي دبرنا كيمرة تصوير عادية شكلها مستطيل كنها علبة مكرونة الطويلة ذيج.
المهم شرينا فلم وركبناه و مابقينا حد ما صورناه انا ورفيجي سعيد.. ودينا الكيمرة لواحد هندي كان يجمع الافلام مال الصور و يوديها لرفيجة في محافظة ثانية عنده معمل تصوير.. المهم امتحنا الهندي كل يومين ونحن عنده.. وهو يقول (ما في جاهز اخر الاسبوع)، لدرجة انا شكينا فيه.. الحاصل ان الصور طلعت كلها بيضا ولا نجح ولا صورة لانا ما عرفنا نركب الفلم.. والهندي زعل و طلب عشرين مدري ثلاثين حق مشاويره.. وزين انها ما طلعت لصور.... وسلامة تسلمكم

[نفسي عزيزه]

ههههههههههههههه

الله يسعدك يالزهران

مادري ليش من اشوف اسمك اتذكر دهران ورحلاته وطبخاته الحلوه :shy:

لازم نجتمع على طبخه يالزهران ان شاء الله احب طريقة اعدادكم للرز

[سالم الزهران]

ههههههههههههههه

الله يسعدك يالزهران

مادري ليش من اشوف اسمك اتذكر دهران ورحلاته وطبخاته الحلوه :shy:

لازم نجتمع على طبخه يالزهران ان شاء الله احب طريقة اعدادكم للرز

هههه الله يحييك يا عمدة الشمال .. انت لازم تحدد الزمان والمكان وعدد المعازيم و درجة تحملهم لصلصة الطماط.. ابشر بكبسة من ايد المعلم ابو زيد و لا في الاحلام. :rolleyes2:

[معماري قطري]

حي الله الشيخ سالم

انا هذار وفكرت اكتب ذكريات طفولتي بشكل مطول وفي موضوع خاص مثل مذكراتي .. للحين ما تشجعت بيكون فيها ذكر أسماء للي رحلوا وترحم عليهم .. يمكن فكرت وترددت عندي سوالف وايد وأحداث وتسلسلها صعب ينكتب بسهولة وارتجالي .. أشياء اكتشفتها متأخر وأشياء يمكن يعتبرها البعض خاصة ومشاعر مختلفة وأكيد دمعتي قريبة

من الذكريات الحلوة كنت الحفيد الأول لجدي من ابوي أما جدي الثاني الله يغفر لهم اثنينهم توفى قبل لا انولد بفترة طويلة على ما اعتقد .. كان من أكبر المطلوبين عند الأتراك أيام الاحتلال العثماني وكان وقتها قتال ما يسمى بالعصابات وكان متوعده واحد شرس وضخم منهم ومأذي أهل قطر .. قصته بالضبط مذكورة في أحد الكتب انا يمكن اغلط فيها أو أكون ناسي تفصيل معين .. المهم كان المجرم التركي يبي يقتله ويدوره في الدواعيس الضيقة وهو رماه قبل ليرمي جدي وخلص منه أيام البنادق كانت صعب تلقيمها وكثير تخطي والبارود يحطونه يدوي .. رماه وكسر عموده الفقري طاح سيدة ميت .. على أيام الشيخ علي والشيخ علي كافأه ببندق أحدث

كان جدي الثاني الموجود وقتها يحبني كثير ودوم يطلع من بيته مشي الله يرحمه وبيته كان في طرف الفريج الشمالي وراه كله بر ويمشي لبيت جدتي كان خالي الله يغفر له باني البيت حق جدتي قرب بيته وهو أكبر عيال جدي لأُمي وكان مثل ولي أمرها وأُبوها وبنى لها بيت صغير في طرف بيت جدتي .. قبل البنيان خطوط على الارض وفي أيام بسيطة يخلص .. وكنا طالعين من الدوحة والوالدة تزوجت هناك وانا انولدت هناك عمري شهور ما اذكر الا بيت جدتي اللي نقلنا له .. كانت فيه عين وفيه بركة ماي وفيه زرع وحوطة للماشية .. كان فريجنا ملموم وطرقاته بسيطة وبيوته معدودة بينها مناطق كثيرة فاضية

المهم جدي يمشي مسافة للمسجد اللي كان جنوبي الفريج وقربه مجلس تجمع الفريج قبل 50 سنة وهو نفسه المجلس اللي نتجمع فيه ألحين بس انبنى غير عن القديم وفيه جزء قديم ما تغير سقفه خشبي للحين .. وكان بيت جدتي في منتصف المسافة تقريباً ودوم يمر يشوف ابوي وامي ويشوفني .. كان يحبني وايد ويمكن أغلى شيء محبة الجد خصوصاً اللي ما تعلم وكان يحب العلم ويوم وصلت 5 سنين كان يوديني المدرسة مشي وتوصلنا أي سيارة مارة هذا لو مرت سيارة .. أوقات نوصل عين خالد مشي

أحس صعب اكمل وصعب انسق الذكريات بطريقة مشوقة تجذب القاريء

[معماري قطري]

كنت احسب جدي لأمي هو اللي بنى البيت اللي كنا فيه واكتشفت من سنة تقريباً إنه خالي رحمة الله عليهم وعلى موتى المسلمين .. كنت أحسب بنت خالي الكبرى خالتي ولا احس إنها بنت خالي رحمها الله ومن فترة بسيطة جداً يمكن شهرين أو أقل اكتشفت إنها راضعة مع أُمي يعني صج خالتي

[!.!]

مرة كنت متواجد بقرب المنزل جاءني واحد من معارفي ومعروف عندنا أنه إنسان نية يمكن خداعه بسهولة
وكان جدي رحمة الله عليه نائم بقرب من المنزل
سألني عليه قال لي : يا صاحبي هذا النائم من هو ؟ قلت له أبوي ثم خرج عمي من نفس البيت وهو عليه شيب وكبير السن
قال لي وهذا من هو ؟: قلت له زوج أمي
تراه المسكين والله راح للمنزل لا يفرق بين الطويل والعريض
أغاضني 102360
بعد أيام رجع مع بعض الأصحاب شربنا شوية شاي وبعد رجع لنفس الموقف قال لي : صح صح ما قلت ذاك اليوم ولا تستهبل عليّ ؟!
بطبيعة الحال أنا جاد في كثير أمور ..قلت له أمزح معاك يا غبي وحكيت لأصحابي تلك الواقعة وسقطنا على قفانا من الضحك 102359
شكرًا أستاذ سالم على الموضوع لأحياء واقعة كانت لها شيء في دواخلنا
رفع الله من قدرك

[سالم الزهران]

مرحبا بكم جميعاََ ومنور المكان يا علامة تعجب..اشكركم لتفاعلكم الطيب

[سالم الزهران]

كنت احسب جدي لأمي هو اللي بنى البيت اللي كنا فيه واكتشفت من سنة تقريباً إنه خالي رحمة الله عليهم وعلى موتى المسلمين .. كنت أحسب بنت خالي الكبرى خالتي ولا احس إنها بنت خالي رحمها الله ومن فترة بسيطة جداً يمكن شهرين أو أقل اكتشفت إنها راضعة مع أُمي يعني صج خالتي

الله يرحمهم جميعاََ.. ودام ذكرياتكم انت والاخ علامة تعجب عن الشيبان فبعطيكم سالفة بعد عنهم.. رحمهم الله

[سالم الزهران]

من الذكريات.. يوم نوى جدي لأمي يتعلم يسوق (الله يرحمه). عقب سافروا اخوالي قرر أنه يسوق.. جدي هذا الله يرحمه كان وهو يمشي بلحاله ف السكة يفسحون له المجال لانه شديد الخلق ولا يتفاهم (الله يغفر له).. يوم قرر يتعلم يسوق.. استوت مشكلة عندنا.. هذا من بيوقفه ؟ الحاصل الناس تحترمه و تهابه. (وشهادتي فيه مجروحة)
ذاك اليوم كان فيه عجوز بنت لها غرفة حذا الطريق.. والطريق فيه لفة شوي.. المهم جدي ما لف مضبوط وحاق غرفة العجوز بالصدام.

فزعوا الناس سلامات سلامات.. وحتى ما يبون يكثرون كلام لان الشايب بيلتفت لهم وتاخذه العزة بالاثم وكعادته يأنف من ان احد يساعده.

لكن العجوز سمعت ان غرفتها هدمها شايب آل فلان. وجت ركض و تطلق لسانها عليه (يالغشيم و ش خلاك تسوق.. ولا لقيت الا غرفتي.. الله يفعل بك يا غشيم).

الناس ارتاعوا... شلون تتجرأ على هالشيبة العنيف.. ويعلمني رفيجي بو فهد كان حاضر الحادث.. يقول جدك كان ساكت ما يتكلم لكن تحسه بينفجر يالس ياكل في عمره.. والعجوز مدهره عليه غسلته غسال.

الله يرحم ابانا وامهاتنا.. و اقدر اقول بكل ثقة ان ذيج العجوز لو مب مرة جان طبخها وشرب مرقتها...الله يغفر لهم جميع ويسامحهم ويسكنهم الفردوس.

[sara jsm]

سالم / مشكور اخوي على هالطرح الجميل واحس بيكون فيه وايد اكشن حلو :)

:

معماري / كمل يااخوي والله اسلوبك حلو واحنا نحب بساطتك في الكتابه .. واصل متابعين لك ..

:

!.! / ماشاءالله عليك مشاركاتك لافته للنظر اخوي .. والايموجي اللي تحطه تذكرني بالماسنجر 💔
ياريت لو في مجال تغير نكك ونناديك باسم او نك بدال هالعلامات :/

[سالم الزهران]

سالم / مشكور اخوي على هالطرح الجميل واحس بيكون فيه وايد اكشن حلو :)

:

معماري / كمل يااخوي والله اسلوبك حلو واحنا نحب بساطتك في الكتابه .. واصل متابعين لك ..

:

!.! / ماشاءالله عليك مشاركاتك لافته للنظر اخوي .. والايموجي اللي تحطه تذكرني بالماسنجر ��
ياريت لو في مجال تغير نكك ونناديك باسم او نك بدال هالعلامات :/

حياك الله سارة جاسم وكيلة الالغاز والخردة في الشرق الأوسط :tomato:

[سالم الزهران]

أظن في التسعينيات ، رحنا نتمشى صوب الطايف مع العم الله يرحمه، العيال قعدوا وحنا لصبيان انتشرنا نرقى الصخور ونستكشف الجوار، لقيت جراء جلبة يمكن خمسه .. وقسمتهم على عيال العم ،، راحوا صوب العيال وشافهم عمي وسمعته يخاصمهم وهم (التعبانين) يقولون سالم سالم ، حطوها علي .. مشيت صوب العيال واقتربت بحذر .. الا اجوف ابوي زعلان ! قمت تسحبت ورجعت ، جافني عمي (الله يرحمه) قال : تعال وتم يصارخ ونا احط ريولي وادزها على وجهي ، بعدت عنهم وتميت يمكن من عشرة الصبح حتى العصر ما رجعت،؟ قلقوا علي وتموا يدورون محد! اذكر في ذاك اليوم العصر سمعت صوت سوالف يقرب صوبي.. انا قاعد في مكان مثل المطل .. الا هم ثنتين حريم اعتقد كويتيات ، اول ما جافوني وقفوا وبعدين قربوا صوبي وسألوني شسمك وليش قاعد هني بروحك وين اهلك؟ قلت لهم كل شيء واني زعلان ..الخ.
قالوا الحين ارجع لاهلك بعدين امك تقلق والخ؟ قلت ودي لكن ابي اشوف سيارة عمي تحرك لول لان دامه موجود بنطق من ابوي بنطق مافي كلام.

قامت وحدة تحاول تعطيني فلوس وتقول ارجع؟ ما قبلت منها .. قاموا ضحكوا قالوا عيل بناخذك تروح معنا.. اعتقد انهم قالوا بنسافر وجذي .. ذاك الوقت فعلاً حزنت .. حسيت انهم عطفوا على هالصبي الاغبر.

في نفس الوقت جاني اثنين من عيال عمي قد قابلوني قبل الحريم وحاولوا يصيدوني وعجزوا.. المرة ذي اتاريهم مرسلهم خالي ومنخش من الصوب الثاني ،،؟ قال لهم حاولوا تصيدونه وهو بيشرد جهتي واذا قرب بطلع واصيده.

فعلاً ، هذيلا انطلقوا من صوب وانا اشرد للجهة الثانية صوب الخال وهو يطلع لي فجأة لا مداني افرمل ولا ألف ومسكني .

عاد هو يوم مسكني خافوا الحريم الثنتين ما يدرون شسالفة بس يوم شافوني اتكلم مع الخال بهدوء عرفوا اني انقبض علي.

خالي ما كان معنا بالكشته لكن لحق علينا ،، وكان توه خريج ذيك الأيام ،، واستخدم نشاطه الفكري ضدي والا يمكن لو اظلم الليل كان رحت مع اهل الكويت .. وجزاهم الله خير ، لا زلت اتذكر حديثهم معي.

[!.!]

عن جد مغامرة تراك كنت صغير وتعرف الزعل يا أستاذ بو سالم 102392
وتعرف تختبئ خلف الهضبان الرملية ، رحمة الله على أيامك الجميلة ، الحمد الله ما ذهبت مع الكويتيات خشيت تكون من بعدهم فنان أو مغني 102393ترى الدنيا غدارة ..
الحمد الله على سلامتك

[سالم الزهران]

عن جد مغامرة تراك كنت صغير وتعرف الزعل يا أستاذ بو سالم 102392
وتعرف تختبئ خلف الهضبان الرملية ، رحمة الله على أيامك الجميلة ، الحمد الله ما ذهبت مع الكويتيات خشيت تكون من بعدهم فنان أو مغني 102393ترى الدنيا غدارة ..
الحمد الله على سلامتك





هههه الله عليك يا ابو العجايب
تبغي تردني للفن... ههههه
مع تحيات تسجيلات الوادي الأخضر

[سالم الزهران]

أذكر أول سنة صمتها كانت سنة 1988
كان فيه مدرسة ذاك الوقت و كنت بالابتدائي، كان معي بالفصل زميل أسمه متعب و أذاني ذاك اليوم ونحن راجعين الظهر من المدرسة صفيت حسابي معه، المسكين طاح وتعور وسال دمه حتى على ثوبي، رحت البيت شافتني الوالدة.. قالت ليش الدم على ثوبك و عرفت اني تهاوشت... قالت لي.. انت الحين كيف صايم و تضارب؟
قلت لها : ليش وش فيها يعني؟ قالت لي : فيها أن صومك فسد و ترى اللي يضارب ماله صيام... قلت الله.. كل ذيه عشان متعب التوتي!
الله يذكره بالخير لا زلت اقابله في المناسبات و لا اظنه يذكر السالفة

[سالم الزهران]

أذكر بعد في نفس الأيام، حطوني أبيع في المقصف أو بوفية المدرسة، كانت الشغلة روتي مقصوص من النص ومحطوط داخلة حبة جبن مثلثات.. كنا نعاني ان الجبن ما يكفي السندويش.. لكن يوم صرت بالمقصف صرت أتوصى للربع واحط لهم حبتين جبن! راح من بالي أن الأستاذ المشرف على المقصف حاسب السندويشات و علب الجبن على عدد الطلاب! فآخر الطلاب نقص عليهم الجبن وعطيناهم روتي حاف؟
يوم أشتكوا على الأستاذ جاني و عرف السالفة و حذرني ما أعيدها.. بس مع الوقت صرنا نعرف شلون نطلع بحبتين جبن زيادة بعدما نبيع ويبقى زيادة بسبب الطلاب الغايبين.

[!.!]

أذكر أول سنة صمتها كانت سنة 1988
كان فيه مدرسة ذاك الوقت و كنت بالابتدائي، كان معي بالفصل زميل أسمه متعب و أذاني ذاك اليوم ونحن راجعين الظهر من المدرسة صفيت حسابي معه، المسكين طاح وتعور وسال دمه حتى على ثوبي، رحت البيت شافتني الوالدة.. قالت ليش الدم على ثوبك و عرفت اني تهاوشت... قالت لي.. انت الحين كيف صايم و تضارب؟
قلت لها : ليش وش فيها يعني؟ قالت لي : فيها أن صومك فسد و ترى اللي يضارب ماله صيام... قلت الله.. كل ذيه عشان متعب التوتي!
الله يذكره بالخير لا زلت اقابله في المناسبات و لا اظنه يذكر السالفة



هههه يا إلهي ! كُنت مُشاغِبًا حقك مَا يرُوح ولُو كان بِالدمْ 102446

[سالم الزهران]

هههه يا إلهي ! كُنت مُشاغِبًا حقك مَا يرُوح ولُو كان بِالدمْ 102446



لا والله ليس القصد.. لكن النصيب :)

[Dana’1]

ياا ذكرياات الطفووله خاطري أرجع أعيشك ^_^

[R 7 A L]

في نهاية السبعينات كان بيتنا في منطقة اللقطه كنت صغير ذاك الوقت كان بيتنا قريب من مزرعة الربان الي الحين
صارت مدارس الفرقان كنت اطلع حافي الحق اخواني الكبار يدخلون المزرعة مع عيال الفريج يصيدون حمام يطردوني والحقهم وفي وسط المزرعة يلعب فيني الشوك واقعد اصيح ولا حد حولي ارجع البيت وتشيل الوالدة الله يعطيها الصحة والعافية الشوك وانا زعلان حدي عليهم وكل مره اقول بلحقهم ونفس الشي كانت المزرعة على اخر ايامها وكانت مهمله واغلب الشجر ميت كان فيها بركاتين ماي كبار وحده منها بغيت اروح فيها ومنها جاتني فوييا من السباحة

[سالم الزهران]

يوم من الأيام وحدة من خواتي الكبار، تركت كتابها في الدريشه واكله الغنم. المهم الوالدة قالت روحوا علموا الاستاذة!

مدرسة البنات كانت توها متأسسة يمكن في عام تسع وسبعين و سالفتنا ذي يمكن حصلت في الأربع وثمانين. كان في المدرسة معلمتين فلسطينيات وأخوات بعد.. الكبرى أسمها جميلة والثانية وداد وكان معهم وحدة سودانية فقط. المهم الفلسطينيات مع أبوهم ساكنين بنفس القرية و جدي رحمه الله عطاهم بيت.

نرجع بكم حق الوالدة يوم تقول لي رح مع اختك عند الاستاذة وقلها كتاب اختي كلته الدبش.. هذا الكلام عصير.. ونا رايح مع اختي.. الا اختي تقول لي ( وش بتقول للاستاذة؟) قلت بقول كتاب اختي فلانه تشقق! قالت لا؟ تراها ما بتفهم عليك.. لكن قل ( تمزق)!

والله انها أول مرة بحياتي أسمع هالكلمة (تمزق)؟ المهم رحنا و في الطريق صادفنا واحد من الجماعة الله يغفر له كان جالس على جنب و مرينا من عنده و (برد اعلمكم عن سالفتنا معه).

وصلنا عند الفلسطينية و دخلت و بغيت اجلس على طراحة مفروش عليها شرشف الا هي تصرخ.. لا لا
رجعت جلست على الارض وقالت لي.. هذا الشرشف تحته خبز قاعد يتخمر كنت بتجلس عليه.. عاد انا متعجب شلون يعرفون يسوون روتي مثل المخبز؟

المهم علمتها بالسالفة و زعلت و خاصمت شوي وردت تسولف معي! قالت لي أشتحفظ من القرآن.. علمتها وقريت لها بعض الصور.. المهم الله يذكرهم بالخير.. رجعنا البيت و اطمأنت الوالدة على وضع اختنا.

لكن عقب المغرب أنا وختي صادتنا صخونة و فجأة تعبنا.. لدرجة صرت أهذري و اعلم الوالدة عن الفلسطينية و وشلون شكلها و وين حاطين الخبز.. وفي أثناء الكلام.. قلت للوالدة ( وفي الطريق قابلنا فلان اللي من الجماعة).

الوالدة كان تسمع اسمه وترتاع..وتقوم تلبس عباتها وتزهم على احد اعمامي و يروح يجيب ذاك الرجل اللي من الجماعة و يجي يقرأ علينا و يبخ علينا ماي و يسمي بالرحمن... المهم انه صكنا بعين وحنا مارين من عنده.. ويقول لأمي والله ما قصدت ولا عرفت انهم عيالكم.

ههههه والله لحصل ما ذكرت لكم و الله يسامح الجميع.

[Dana’1]

العين تذبح حسبي الله على الي ما يذكر الله إذا سره شي طاحت عينه عليه


والزعل او الحزن مع الروعه عند العتب شي ثاني أعوذ بالله من الهم والحزن والروعات

[سالم الزهران]

في نهاية السبعينات كان بيتنا في منطقة اللقطه كنت صغير ذاك الوقت كان بيتنا قريب من مزرعة الربان الي الحين
صارت مدارس الفرقان كنت اطلع حافي الحق اخواني الكبار يدخلون المزرعة مع عيال الفريج يصيدون حمام يطردوني والحقهم وفي وسط المزرعة يلعب فيني الشوك واقعد اصيح ولا حد حولي ارجع البيت وتشيل الوالدة الله يعطيها الصحة والعافية الشوك وانا زعلان حدي عليهم وكل مره اقول بلحقهم ونفس الشي كانت المزرعة على اخر ايامها وكانت مهمله واغلب الشجر ميت كان فيها بركاتين ماي كبار وحده منها بغيت اروح فيها ومنها جاتني فوييا من السباحة

هلابك خوي رحال، انت يا الحبيب الصغير و والدتك حفظها الله تفقدك، فما يصلح ياخذونك معهم و تفقدكم الوالدة، فانت ياخوي استرح لا تخرب على غيرك ههههه بس ما طعت.

[سالم الزهران]

العين تذبح حسبي الله على الي ما يذكر الله إذا سره شي طاحت عينه عليه


والزعل او الحزن مع الروعه عند العتب شي ثاني أعوذ بالله من الهم والحزن والروعات

اللهم امين.. وكلامك صحيح ، عندنا كان فيه جهل و اشياء اول مرة يشوفونها من شنطة المدرسة والشرايط حقت البنات، والعين في بعض الناس طبع.. بعضهم نضل اولاده و بعضهم نفسه.

[سالم الزهران]

مرة كنت راعي بالغنم في جبال عندنا اسمها الفراع... الساعة تسع ونص الصباح شفت من بعيد حرمة تمشي.. شكيت انها الوالدة.. قمت اسوق غنمي أسفل الجبل عشان أقرب.. لاحظت انها صارت توقف وتطالع جهتي.. ذاك الوقت تأكدت أنها الوالدة.. الحين السؤال وين رايحة؟ القرية الثانية فيها خوالي و لكنها ما راحت صوبهم.. راحت بيت قريب حق عمة أبوي.. حرمة كبيرة في السن ذاك اليوم عمرها يمكن خمسين.. وباقي معها بنية صغيرة في سني آخر العنقود.

المهم أني رحت بالغنم صوبهم و يوم قربت الا الوالدة واقفة قبال الدريشة.. قالت ليش جيت وتركت غنمك؟ قلت بشرب وأسلم على جدتي و أرجع! المهم الوالدة ممتعضة لكن الجدة رحبت و وانا ادخل اسلم عليها و نلقط لنا كم حبة تمر و بسكوت..

الغريب ان بنت العجوز اذا جاء احد عندهم تختفي! كان من العيب يقعدون البنات مع أمهم اذا جا ضيوف.. يتمون بالمطبخ أو بغرفتهم.

المهم أنا جيت ماشي و انتبهت الا خارج البيت في الحوش من الجنب فيه زراعة وتحتها العاب.

الالعاب كانت عرايس للبنية.. عرايس يسوونها البنات الكبار للصغار.. يجيبون خشبة صغيرة مثل المرسام بس تكون مسطحة ويلفون عليها قماش و يربطون عليها ربطات وتستوي لعبة.

عاد أنا شفت كمية عرايس ومقاسات والوان.. بس كلها ما لفتت نظري مثل ما لفت نظري جبن مثلثات موزع عند الالعاب ذي؟

المهم أني كليت الجبن كله.. و اروح الحق غنمي... رحنا و راحت الأيام... واسمع الوالدة تقول : بنروح نسلم على جدتك فلانه؟ (نفس الحرمة).

قلت لها بروح معكم؟ ونا قصدي بواصل مناك على عيال خالي والنية طيبة.

الا الوالدة تقول لي : لا و جدتك ما عاد تبغي تشوفك، انت ما تدري أنها ما تسفط في بنيتها واغراضها تقوم تاكل الجبنة؟

انا قلت وين ومتى صار؟ قالت الوالدة : ما مداك خرجت لين جت البنت تبكي و علمت انك لعبت بالعابها و كليت الجبن مالها!

حسيت باحراج و حتى ذي الشغلة ما مرت بسلام.

[sara jsm]

ههههههههههههه وين ولد العرب عنك .. اظن بيقطع علاقته فيك ياحرامي الجبن :happy:

[نفسي عزيزه]

أذكر أول سنة صمتها كانت سنة 1988
كان فيه مدرسة ذاك الوقت و كنت بالابتدائي، كان معي بالفصل زميل أسمه متعب و أذاني ذاك اليوم ونحن راجعين الظهر من المدرسة صفيت حسابي معه، المسكين طاح وتعور وسال دمه حتى على ثوبي، رحت البيت شافتني الوالدة.. قالت ليش الدم على ثوبك و عرفت اني تهاوشت... قالت لي.. انت الحين كيف صايم و تضارب؟
قلت لها : ليش وش فيها يعني؟ قالت لي : فيها أن صومك فسد و ترى اللي يضارب ماله صيام... قلت الله.. كل ذيه عشان متعب التوتي!
الله يذكره بالخير لا زلت اقابله في المناسبات و لا اظنه يذكر السالفة

اول سنه لك صمتها 1988 شكلك من عمري انا كنت فالابتدائي بعد واعتقد 88 او 87 اول سنه صمتها

يالله حيه الزهران لازم نتعرف على بعض :dance

[نفسي عزيزه]

ماعندنا بنات يضحكون يلا الخلا روحي غرفتج ههههههههههههههههها
تبا لاخلاقج قووو اوووت من حياتي

[sara jsm]

اول سنه لك صمتها 1988 شكلك من عمري انا كنت فالابتدائي بعد واعتقد 88 او 87 اول سنه صمتها
يالله حيه الزهران لازم نتعرف على بعض :dance

اتوقع اول سنه واخر سنه تصومها يالفاطر :happy:
فااااارق منااااك :threaten:

[نفسي عزيزه]

:court: حريتيني انا مسلم :oops:

:happy: اكيد انتي كنتي تبوقين هريس او ورج وتركبين فوق السطح تاكلين ---> معلومات دقيقه ليكون العكس صحيح :cry::sneaky:

[سالم الزهران]

ههههههههههههه وين ولد العرب عنك .. اظن بيقطع علاقته فيك ياحرامي الجبن :happy:

شنسوي حاجات جديدة علينا..لا تشمتين بليز

[سالم الزهران]

اول سنه لك صمتها 1988 شكلك من عمري انا كنت فالابتدائي بعد واعتقد 88 او 87 اول سنه صمتها

يالله حيه الزهران لازم نتعرف على بعض :dance

أرحب يبو نفس.. يجوز من نفس العمر لكن الشقا لحق اخوك و تشوفه تحسبه شيبه.. لازم نخاويك بمشوار يبو نفس بس تتحسن الظروف.

[معماري قطري]

من الذكريات.. يوم نوى جدي لأمي يتعلم يسوق (الله يرحمه). عقب سافروا اخوالي قرر أنه يسوق.. جدي هذا الله يرحمه كان وهو يمشي بلحاله ف السكة يفسحون له المجال لانه شديد الخلق ولا يتفاهم (الله يغفر له).. يوم قرر يتعلم يسوق.. استوت مشكلة عندنا.. هذا من بيوقفه ؟ الحاصل الناس تحترمه و تهابه. (وشهادتي فيه مجروحة)
ذاك اليوم كان فيه عجوز بنت لها غرفة حذا الطريق.. والطريق فيه لفة شوي.. المهم جدي ما لف مضبوط وحاق غرفة العجوز بالصدام.

فزعوا الناس سلامات سلامات.. وحتى ما يبون يكثرون كلام لان الشايب بيلتفت لهم وتاخذه العزة بالاثم وكعادته يأنف من ان احد يساعده.

لكن العجوز سمعت ان غرفتها هدمها شايب آل فلان. وجت ركض و تطلق لسانها عليه (يالغشيم و ش خلاك تسوق.. ولا لقيت الا غرفتي.. الله يفعل بك يا غشيم).

الناس ارتاعوا... شلون تتجرأ على هالشيبة العنيف.. ويعلمني رفيجي بو فهد كان حاضر الحادث.. يقول جدك كان ساكت ما يتكلم لكن تحسه بينفجر يالس ياكل في عمره.. والعجوز مدهره عليه غسلته غسال.

الله يرحم ابانا وامهاتنا.. و اقدر اقول بكل ثقة ان ذيج العجوز لو مب مرة جان طبخها وشرب مرقتها...الله يغفر لهم جميع ويسامحهم ويسكنهم الفردوس.

إبتعدت عن الموضوع شوي وألحين ارجع

الله يرحمهم .. مثل ما ذكرت بيت جدي كان في آخر الفريج والمنطقة وراه بر وكان تمر أيام ما تشوف سيارة مارة هناك ويمكن في اليوم تمر سيارات معدودة كلها نعرفها لعمي الأول الله يغفر له كان عنده مرسدس بو عيون كنه جرادة وعمي الثاني والوالد الله يغفر له كانت سيارته تيوتا صغيرة صالون مثل الكورولا بس سيارات غريبة ما تمر وكنا كله نلعب في الشارع .. كان جدي يخاف علينا وايد ولو شاف سيارة على بعد 300 متر يعصب علينا ويضربنا ويطردنا عن الطريق .. كان يقول الموتر الموتر الله يرحمه في صوته بحة مميزة واخوي في صوته نفس البحة .. يمكن تذكرون سالفة الشيبة اللي نظره خفيف ما ادري ما يشوف يوم مسكه وقال له انت أحمد بن محمد .. تذكر صوت جدي وهو متوفي من 35 سنة وكان ساكن في نفس منطقتنا من ذاك الوقت

[سالم الزهران]

اذكر مره كنت اهيت على أطراف المزارع، الا اشوف شايب اسمه علي يحمل قصب على حمار.. تكرمون، سلمت عليه وعاونته.. التحميل له شيء يسمونه (مناقل) وهي عبارة عن هيكل يشبه نقالة الاسعافات اللي تشوفونها بملاعب الكرة. المهم أنها تشيل حوالي مية حزمة قصب.. لدرجة تشوف الحمار يمشي كنه خيمة.. الشيء الجديد هو أن العم علي حب يكافئني فقال لي أركب فوق القصب.. عاد ما اصدق هو يقول ونا اطلع فوق.. وكانت متعة.. المهم أني رجعت البيت والمزاج عال العال.. اليوم الثاني ونا محضر عند مزرعة الشايب وحملت معه قصب لكن المرة ذي ما قال لي أركب ونا ما اطريت شيء... ونا انطر كل شوي يقول لي.. ولا نطق الله يرحمه. وصل لبيته ونا كملت لبيتنا وراحت علي ومن ذاك اليوم ما عاد رحت له.

[qatarman8008]

https://2.top4top.net/p_1241xzf990.jpg (https://up.top4top.net/)

[sara jsm]

شكله رول ليتات هههههههه متاثرة في البنيان :secret:
الا شنو ذي !!!؟

[qatarman8008]

شكله رول ليتات هههههههه متاثرة في البنيان :secret:
الا شنو ذي !!!؟

دام ماعرفتيه لقد نجحتي في الاختبار..
طلعتي مو كبيرة مبروك..!!

[سالم الزهران]

قطرمان وسارة كل واحد منكم يطرش صحن ثريد علي نمرة خمصطعشر شارع سعد باشا.. وخيشة رز برضو

[سالم الزهران]

شكله رول ليتات هههههههه متاثرة في البنيان :secret:
الا شنو ذي !!!؟

هذي رصاص مسدس لعبة يا راعية البنيان.

قطرمان هذي شلون كانت تركب؟ اذكر ينسحب الشريط جدام الطارق حق المسدس ويستمر طالع لين يخلص بس نسيت اشلون كان يتركب.. حول الاجابة صوب نكلان

[سالم الزهران]

في الابتدائي اعتقد بالصف الثاني.. أهدى لي خالي الأوسط حفظه الله مرسام شكله عجيب.. فضي و فيه خطوط ونقاط بلون ثاني.. قال لي (خذ المرسام هذا تراه ما يغلط).. نحن عاد تونا بصف ثاني ومبتدئين في الكتابة و فعلاََ اعتقدت في كلام خالي و ورسخ في ذهني ان المرسام أو قلم الرصاص ذاك ما يغلط.. وافقت عندي حظ اني اكتب املاء جيد و كله الاستاذ يعطيني صح.. ويوم عن يوم اناظر مرسامي واتذكر كلام خالي يوم يقول (ما يغلط)!
استوى عندي شيء ثمين و صرت ما أبريه عشان ما يصغر و هذا خلاني اجلس اكتب به و رأسه عريض.. لدرجة الاستاذ يقول لي ليش ما تبري مرسامك و انا اتعذر و احياناََ أحاول اكتب بطرف السن عشان ما يطلع الخط عريض. المهم احتديت على براية المرسم و اجوفه يصغر اسبوع عن أسبوع.. لكن تطمنت يوم قالوا لي خالك بيجيب مراسم غير.. فقمت أبريه حتى عتقته يوم صار طوله طول صبعي. الحاصل لا زلت أحب المراسم و اعتمد عليها و أتأمل (شلون كلمة ممكن تأثر في ذهن الطفل) لكن ما عاد حصلنا مثل المرسام السحري اللي جابه الخال.. أيام و سوالف تعكس لنا صورة عن أنفسنا و اشلون كنا نفكر والله يتولانا جميعاََ ويلطف بحالنا.

[sara jsm]

ماشاءالله عليك كنت مصري من وانت صغير مع قلمك السحري ..

[qatarman8008]

هذي رصاص مسدس لعبة يا راعية البنيان.

قطرمان هذي شلون كانت تركب؟ اذكر ينسحب الشريط جدام الطارق حق المسدس ويستمر طالع لين يخلص بس نسيت اشلون كان يتركب.. حول الاجابة صوب نكلان

طال عمرك كان يجي رول وملزق من عالطرف..
تجي انت تركب الرول ورى المسدس وتفتح اللزقة عشان تبدا تسحب الشريط وتركبه في مضرب المسدس..
واتذكر مرة كنت مستعجل بطلته بقو كاني ضغطت على دويرة البارود وانفقع في صبعي تم صبعي اسود مع الظفر لمدة شهر..

[!.!]

بوسالم وذكرياته......مِثل التاريخ
تكتب بماء الذهب ، أنا لا أتذكر الكثير عن الماضي ، لكن الله عليك من ذاكرة مغامراتك في الصبي لافته
ما شاء الله

[معماري قطري]

في الابتدائي اعتقد بالصف الثاني.. أهدى لي خالي الأوسط حفظه الله مرسام شكله عجيب.. فضي و فيه خطوط ونقاط بلون ثاني.. قال لي (خذ المرسام هذا تراه ما يغلط).. نحن عاد تونا بصف ثاني ومبتدئين في الكتابة و فعلاََ اعتقدت في كلام خالي و ورسخ في ذهني ان المرسام أو قلم الرصاص ذاك ما يغلط.. وافقت عندي حظ اني اكتب املاء جيد و كله الاستاذ يعطيني صح.. ويوم عن يوم اناظر مرسامي واتذكر كلام خالي يوم يقول (ما يغلط)!
استوى عندي شيء ثمين و صرت ما أبريه عشان ما يصغر و هذا خلاني اجلس اكتب به و رأسه عريض.. لدرجة الاستاذ يقول لي ليش ما تبري مرسامك و انا اتعذر و احياناََ أحاول اكتب بطرف السن عشان ما يطلع الخط عريض. المهم احتديت على براية المرسم و اجوفه يصغر اسبوع عن أسبوع.. لكن تطمنت يوم قالوا لي خالك بيجيب مراسم غير.. فقمت أبريه حتى عتقته يوم صار طوله طول صبعي. الحاصل لا زلت أحب المراسم و اعتمد عليها و أتأمل (شلون كلمة ممكن تأثر في ذهن الطفل) لكن ما عاد حصلنا مثل المرسام السحري اللي جابه الخال.. أيام و سوالف تعكس لنا صورة عن أنفسنا و اشلون كنا نفكر والله يتولانا جميعاََ ويلطف بحالنا.

على طاري كلمة تعلق في الذهن .. أذكر كنت مع الأطفال احب اضحك واسوي جو لو سوى هو شيء بسيط اشجعه .. أوقات اقول العن ابوه شيسوي ( باعجاب ) ولدي لصقت هالكلمة في ذاكرته مرة قال وخروا عني العن ابوي .. هههههههه وانا منصدم بعدها تأدبت

[معماري قطري]

مثل يعني سيارة سريعة وصوتها قوي أقول العن ابوها عليها صوت .. هو فهمها كلمة تنقال للكل .. بس للتوضيح

[سالم الزهران]

على طاري كلمة تعلق في الذهن .. أذكر كنت مع الأطفال احب اضحك واسوي جو لو سوى هو شيء بسيط اشجعه .. أوقات اقول العن ابوه شيسوي ( باعجاب ) ولدي لصقت هالكلمة في ذاكرته مرة قال وخروا عني العن ابوي .. هههههههه وانا منصدم بعدها تأدبت

هههههههه هذا حسابك واصل مقدم

[سالم الزهران]

طال عمرك كان يجي رول وملزق من عالطرف..
تجي انت تركب الرول ورى المسدس وتفتح اللزقة عشان تبدا تسحب الشريط وتركبه في مضرب المسدس..
واتذكر مرة كنت مستعجل بطلته بقو كاني ضغطت على دويرة البارود وانفقع في صبعي تم صبعي اسود مع الظفر لمدة شهر..

مسدسات كفو لجيل كفو :strong

[سالم الزهران]

بوسالم وذكرياته......مِثل التاريخ
تكتب بماء الذهب ، أنا لا أتذكر الكثير عن الماضي ، لكن الله عليك من ذاكرة مغامراتك في الصبي لافته
ما شاء الله



هذا من طيبك يا ابو البشاير.. تحياتي لك و لمداخلاتك الرائقة

[سالم الزهران]

ماشاءالله عليك كنت مصري من وانت صغير مع قلمك السحري ..

كتبت اللوحات المدرسية بقلم الخط من الصف الرابع و تعلمت الخط بدايةََ من جراكل موية زمزم البيضاء القديمة عندما رأيت جارنا يكتب عليها أسماء الجيران بقلم خط وبطريقة بديعة.. و قد نقلت بفضل الله هذه التجربة لأولادي في البيت و التساهيل من الله سبحانة و بحط لك صورة يا سارة طالما أنك حضرتك تلاحقينني بالتهم.. :sneaky:
https://5.top4top.net/p_1235tlhgh0.jpg (https://up.top4top.net/)

[sara jsm]

مثل يعني سيارة سريعة وصوتها قوي أقول العن ابوها عليها صوت .. هو فهمها كلمة تنقال للكل .. بس للتوضيح

اهاااا :whistling: اشوف قام يطلع الجانب الصايع مالك :sneaky:

:


كتبت اللوحات المدرسية بقلم الخط من الصف الرابع و تعلمت الخط بدايةََ من جراكل موية زمزم البيضاء القديمة عندما رأيت جارنا يكتب عليها أسماء الجيران بقلم خط وبطريقة بديعة.. و قد نقلت بفضل الله هذه التجربة لأولادي في البيت و التساهيل من الله سبحانة و بحط لك صورة يا سارة طالما أنك حضرتك تلاحقينني بالتهم.. :sneaky:
https://5.top4top.net/p_1235tlhgh0.jpg (https://up.top4top.net/)

وانا اشدراني ان ذي صورتك مب من قوقل !!؟
المفروض تكتب ( معماري قطري ) في ورقه عشان اصدق ..
لاتكتب اسمي عشان الحكومة :oops:

[معماري قطري]

كتبت اللوحات المدرسية بقلم الخط من الصف الرابع و تعلمت الخط بدايةََ من جراكل موية زمزم البيضاء القديمة عندما رأيت جارنا يكتب عليها أسماء الجيران بقلم خط وبطريقة بديعة.. و قد نقلت بفضل الله هذه التجربة لأولادي في البيت و التساهيل من الله سبحانة و بحط لك صورة يا سارة طالما أنك حضرتك تلاحقينني بالتهم.. :sneaky:
https://5.top4top.net/p_1235tlhgh0.jpg (https://up.top4top.net/)

الخط العربي فن وانهماك وشيء صعب

[سالم الزهران]

خلك من الخط يا معمارينا.. بعلمك عن بنية كانت ترعى الغنم وأحياناََ نادرة كنا نتقابل معها على المرواح تالي عصير هي والبنات اللي يرعون معها.. البنات اللي يرعون غالباََ يكونون ما عندهم اخوان يقومون بالمهمة الشاقة ذي.. أو يكونون اخوانهم كبار ومسافرين... الحاصل البنات يرعون حول المزارع وقدام عين الرقيب مب مثلنا نحن نبتعد.. ولهذا السبب ما كنا نتقابل معهم أو نشوفهم الا تالي عصير ونحن قريبين على البيوت.

طولت في المقدمة، لكن البنية ذي كانت قوية وجهدها جهد رجال.. واللي خلاها تبقى في ذاكرتي اني شفتها يوم تشرب غرشة شطة القديمة ذيك الحارة.. اثاري البنات يسولفون عليها في المدرسة ويقولون ( فيه بنت بقريتنا تسوي جذي و تشرب الشطة.. الخ).

الى هنا الوضع عندي عادي ،، لكن المشكلة بدت معي يوم سمعت ان اخو رفيجي خطب البنية القوية ذيج.. فحبيت اعلمه انها قوية و تشرب الشطة ههههه لكن ما قدرت اقوله ولا قدرت اقنع اخوه الصغير (رفيجي) أنه يعلم أخوه.. المهم اننا حضرنا عرسهم و لا صار الا الخير.. وكانت تصوراتي كلها مب في محلها لكن دافعي اني خفت لا يكون المعرس مسكين ما يدري وعقب يتوهق؟ كلها كانت افكار طفولية لكن ناتجة من غرابة الأشياء اللي كنا نشوفها ذاك الوقت.

[سالم الزهران]

من العادات القديمة في منطقتنا كان أبو المعرس في ليلة العرس يروح صوب المجلس أو المكان اللي فيه الحريم، ويوقف عند الباب و ينادي أم المعرس و يعطيها فلوس حسب استطاعته. عشرة او عشرين الف و توزعها على الحريم و تعطي الشاعرة بعد حصتها، لكن الحريم اللي يقربون لابو المعرس يعطيهم ابو المعرس بنفسه، يدعيهم ويعطيهم في يديهم، العجيب ان كان فيه ناس غير الناس.

تحصل حرمة تبكي تقول كنت ابغي فلان المعرس (لبنيتي) و تلقي وحدة شايله العرس ويمكن تكون ما تقرب للمعرس ولا للعروس بس انهم جيران او صديقة لأمه.. الناس كانوا قليلين و يعرفون بعضهم و كان الجميع يفرح ويحرص على الحضور مب مثل اليوم نحضر عشان محد يشره فقط. والناس فعلاََ كان عددهم قليل واللي يكثرهم اجتماعهم كل ابوهم..

العجيب فعلاََ اللي اذكره ان المعرس عندنا ما كان يكشخ ويجلس.. بلعكس كان يلف كانه مباشر مب معرس يعني كان الوضع عنده طبيعي باستثناء انه بيطلع بعروسه هههه عشان جذي كان الواحد يكرف على سنع.. ذاك الزمان العروسة تعني ربة بيت و تعني خدمة و تعني زيادة يد عاملة مب مثل اليوم المعرس من عقب اسبوعين وهو يشتهي طباخ أمه و يحس انه مضيع.. كله من تغير مفهومنا للحياة ومن الحداثة اللي غيرتنا و غيرت الحقوق والواجبات.

[sara jsm]

حلوة اخر مشاركة وايد اخوي بوزيد ..

:

ليش ماتزوجت ام شطه ههههههههههه خفت منها هااا

[سالم الزهران]

هههههه من التسعينيات الى اليوم مع ام بكله .. ويالله ، شلون من ام شطة
انتي ماما نسره

[سالم الزهران]

اذكر في منتصف الثمانينيات رحت مع ابوي نجيب علاج شعبي لحرمة من اهلنا كانت مريضة، العلاج كان عند طبيب شعبي يعالج بالحجب والكتب والتعويذات.

بيته كان منزوي في وادي وكان ببته غرف متفرقة وفتحات ابواب الغرف مو مركب فيها ابواب..

ونحن رايحين له يوم قربنا من مدخل البيت، عنده خزان ماي مرمي على الارض مثل اللي يركب ع الوايتات.. حجم كبير و تحته اكرمكم الله كلاب متسدحة.. يوم قربنا منها صارت تتأهب ونا حليل دخلني الخوف..

لكن الفجعة يوم دخلنا حدى الغرف و جلست مطرّف حذا الباب (اللي مفروض انه باب).. وطبعاََ الرجل قابلنا وقلطنا واستاذن راح لغرفه بعيده يجيب لنا الوصفة..

في ذاك الوقت دخلت علينا بنت عمرها يمكن خمس سنين.. معها قناة بيدها (القناة هي قصبة الذرة اليابسه) وشعرها كشه و حالتها.. طبعاََ انا شفتها طاح قلبي.. قلت هذي اللي تطير..

رجعنا و ودينا العلاج و صارت الحرمة المريضة طيبة بفضل الله... لكن لانا مشوارنا كان عقب المغرب.. و مكان خلاوي و معزبنا اسمه يخوف.. ونا صغير.. والموقف اللي صار.. كلها انطبعت في ذاكرتي كاني رحت قبل سنة.

هذا المعالج كان يتفاءل به ناس ويتشاءم منه ناس ثانين.. والله يعفي عن المسلمين.

[sara jsm]

انت اش سالفتك!؟
ام شطه وام بكله و ام كشه :looking:

[سالم الزهران]

هلو سارة ؛ ام كشه هي اساس السالفة .. هي اللي خرعتني
ابوها كان يحاولون الشرطة يقبضون عليه ومعه شنطة الكتب مالته مايقدرون
ولد عمي كان معهم مرة رايحين يقبضون عليه ( يبون الكتب الممنوعة)
يقول اذا شافنا حوطناه يفك الشنطة او الكتاب اللي معه ويطيح بالارض
اذا طاح بالارض ما عاد نشوفه ؟ خلاص يختفي .

ففيه ناس يخافون منه وفيه ناس عالجهم من اعراض معينه وصعبه احياناً
وما كان ياخذ فلوس نهائي ؟

احد يرد ثلاثين الف قبل ثلاثين سنه وهو فقير حتى بعض غرف بيته بدون ابواب ؟

فالرجل له جانب كبير حسن و مشرق ، لكن فيه مشاهدات تثبت انه يتعامل مع الينانوه .
منها سالفة انهم عجزوا يقبضون عليه ومعه الكتب اللي يبون يدينونه بها.

[سالم الزهران]

من ذكريات المدرسة، كلفونا نسوي لوحات مدرسية كبيرةوعليها درجات و يسوونها طلاب الصف عند الخطاطين، المهم تكاليف اللوحات توصل اربع مية خمس مية.. ويتحاطونها الصف كلهم.

المهم طرى لي فكرة انسانية بحتة بحكم اني من الثلاثة طلاب المكلفين بتجميع الفلوس وإنجاز العمل. فجمعنا العشرات والخمسينات والذي منه.. وفاتحت الطالبين اللي معي اننا نسوي اللوحة نحن وناخذ الفلوس؟ قمنا شرينا بلايوود واقلام خط مقاس كبير و فارنش و كم قماشة وغراء مكلفتنا حول ستين ريال. وكتبنا اللوحة و خلصناها وطلعت زينة ومقنعة جداََ. المهم احترنا شنكتب عليها اسم الخطاط... اضطرينا نكذب و اخترعنا اسم (خطاط الواحة)؟
عاد وينه ذيه؟ اللي يبيه يدوره :)
ودينا اللوحة وانبسط منها معلم الفصل المصري الأستاذ السيد السيد السيد النجار اللي كنا نفرقه عن غيره من الاسياد اللي درسونا ب(سيد تكعيب)، وبعدما مشت امورنا تمام جينا نتقاسم الغنيمة.. طلعت بوكي وجيت باطلع الفلوس ما في شيء.. والربع يناظروني و انا اقلب على الفلوس مافي كلش.. تحت فوق الا هنا أو يمكن هناك مافي اثر !
الربع قالوا خلاص اكيد ناسيها بمكان او طاحت بمكان وبتلقاها في البيت.. ويمر الوقت والفلوس مفقوده والربع حسيتهم يشكون.. والى هذي الساعة ما عاد لقيت لها أثر ولا اخذنا منها ريال غير قيمة اللوحة وأدواتها بس. ولو القى نفس الربع اليوم بذكرهم السالفة واقولهم والله الى اليوم ما خذيت ريال ولا اعلم وين راحت.

وقالوا لك نيون الواحة.. :protest:

[معماري قطري]

خلك من الخط يا معمارينا.. بعلمك عن بنية كانت ترعى الغنم وأحياناََ نادرة كنا نتقابل معها على المرواح تالي عصير هي والبنات اللي يرعون معها.. البنات اللي يرعون غالباََ يكونون ما عندهم اخوان يقومون بالمهمة الشاقة ذي.. أو يكونون اخوانهم كبار ومسافرين... الحاصل البنات يرعون حول المزارع وقدام عين الرقيب مب مثلنا نحن نبتعد.. ولهذا السبب ما كنا نتقابل معهم أو نشوفهم الا تالي عصير ونحن قريبين على البيوت.

طولت في المقدمة، لكن البنية ذي كانت قوية وجهدها جهد رجال.. واللي خلاها تبقى في ذاكرتي اني شفتها يوم تشرب غرشة شطة القديمة ذيك الحارة.. اثاري البنات يسولفون عليها في المدرسة ويقولون ( فيه بنت بقريتنا تسوي جذي و تشرب الشطة.. الخ).

الى هنا الوضع عندي عادي ،، لكن المشكلة بدت معي يوم سمعت ان اخو رفيجي خطب البنية القوية ذيج.. فحبيت اعلمه انها قوية و تشرب الشطة ههههه لكن ما قدرت اقوله ولا قدرت اقنع اخوه الصغير (رفيجي) أنه يعلم أخوه.. المهم اننا حضرنا عرسهم و لا صار الا الخير.. وكانت تصوراتي كلها مب في محلها لكن دافعي اني خفت لا يكون المعرس مسكين ما يدري وعقب يتوهق؟ كلها كانت افكار طفولية لكن ناتجة من غرابة الأشياء اللي كنا نشوفها ذاك الوقت.

مشكلتي ما فهمت شالمكتوب

أما قصة الرعي عيشتنا أجواء رعوية كانت موجودة في طفولتنا في فريجنا .. كان أحد شيابنا رحمة الله عليه عنده حوطة كبيرة ورا بيته وسوى زرع في المنطقة الشمالية من الفريج وزرع في السيلية وكثر حلاله .. جدتي الله يغفر لها وكان بيتها بينه بين بيت هذا الشيبة سكة وكانت فيه حوطة صغيرة هي تعتني بالغنم وتحلبهم .. صج والله ذكريات بس هي ما اذكر اذا عندها حد يرعى الغنم الشيبة كان عنده ايراني اسمه خميس .. نسميه خماسوه يرعى ويعتني بهم والمنطقة الشمالية مكان بيتي ألحين وحواليه كانت بر ويستوي فيها عشب وقت الحيا

شوي تطور خماس وصار يسوق جيب لاندروفر قديم عمره فوق 30 سنة .. العجيب يوم سوى الشيبة الزروع الحكومة تعطي ديزل مجان لمكينة الزرع وهم يخلطون منه مع البترول للاندروفر وكان يدخن ويطقطق بس يمشي وعايش سعيد

[معماري قطري]

انت اش سالفتك!؟
ام شطه وام بكله و ام كشه :looking:

بديت اشك بس في الطفولة كل شيء عادي يعني

[سالم الزهران]

بديت اشك بس في الطفولة كل شيء عادي يعني

شك ولا طرز هههه تمون و تمون وتمون... ما ثماش موشكل

[معماري قطري]

شك ولا طرز هههه تمون و تمون وتمون... ما ثماش موشكل

انا بديت اشك ان بنت جاسم كانت هشكل يوم صغيرة من جذيه محتجة

[سالم الزهران]

سنة 2010زرت السودان، اللي درسني ف الاعدادي مستوي مسؤول في الرياضة ورحت معه مباراة في ستاد المورده، المهم كان فيه تسخين قبل المبارة ونحن مرينا مرور سريع، لكن استاذنا هذا اللي هو دكتور اليوم كحال ثمانين بالمية من السودانيين.. اوعز للمدرب ان معه ضيف خليجي يبغي يتعاقد مع لاعبين، فالاشاعة ذي سرت في اللاعبين وعينك ما تشوف الا النور...

غادرنا الملعب ورحنا للعزيمة اللي علي شرف كشاف المواهب (اللي مايدري) عن عمره. تعشينا وكثرنا بالخير و استغرب من ضحك المجتمع اللي حولي واثاريهم يضحكون ع الاشاعة.. حتى مدرب المنتخب الكبتن مازدا اتصل وقال (منو الزول الداير يتعاقد).. استاذنا ومعزبنا عاجبته السالفه لانه راعي مقالب ومعروف على مستوي البلد. وانا علموني ان حضوري للملعب كان بركة واشعل روح التعافس.. (التعاقد والتنافس) بين الفريقين.
ست ايام قضيتها سفير فوق العادة عن اهلنا بالسودان، لكن مقلبني الاستاذ مقلبين هذا واحد منهاز.. أما الثاني فكان أوفر ولا اتوقع اني انساه... الله يسامحك يا دكتورنا واستاذنا و ممقلبنا :whistling:

[ولد العرب]

تعبت ادور الشطه اللي ذكرتها سارا crazy وين ام الشطه

[sara jsm]

خلك من الخط يا معمارينا.. بعلمك عن بنية كانت ترعى الغنم وأحياناََ نادرة كنا نتقابل معها على المرواح تالي عصير هي والبنات اللي يرعون معها.. البنات اللي يرعون غالباََ يكونون ما عندهم اخوان يقومون بالمهمة الشاقة ذي.. أو يكونون اخوانهم كبار ومسافرين... الحاصل البنات يرعون حول المزارع وقدام عين الرقيب مب مثلنا نحن نبتعد.. ولهذا السبب ما كنا نتقابل معهم أو نشوفهم الا تالي عصير ونحن قريبين على البيوت.

طولت في المقدمة، لكن البنية ذي كانت قوية وجهدها جهد رجال.. واللي خلاها تبقى في ذاكرتي اني شفتها يوم تشرب غرشة شطة القديمة ذيك الحارة.. اثاري البنات يسولفون عليها في المدرسة ويقولون ( فيه بنت بقريتنا تسوي جذي و تشرب الشطة.. الخ).

الى هنا الوضع عندي عادي ،، لكن المشكلة بدت معي يوم سمعت ان اخو رفيجي خطب البنية القوية ذيج.. فحبيت اعلمه انها قوية و تشرب الشطة ههههه لكن ما قدرت اقوله ولا قدرت اقنع اخوه الصغير (رفيجي) أنه يعلم أخوه.. المهم اننا حضرنا عرسهم و لا صار الا الخير.. وكانت تصوراتي كلها مب في محلها لكن دافعي اني خفت لا يكون المعرس مسكين ما يدري وعقب يتوهق؟ كلها كانت افكار طفولية لكن ناتجة من غرابة الأشياء اللي كنا نشوفها ذاك الوقت.


:eek2:

[sara jsm]

انا بديت اشك ان بنت جاسم كانت هشكل يوم صغيرة من جذيه محتجة

الحمدلله طفولتي كانت طبيعيه :shy: كله في السكيك واذا يبوني يحصلوني عالدجة او صوب الدكاكين .. :eek2:
ارجع البيت انام بس :app2:


تعبت ادور الشطه اللي ذكرتها سارا crazy وين ام الشطه

ههههههههههه اكو حطيت لك سالفه ام الفلفل شكلها كانت مدمنة كرستال :tooth:

[سالم الزهران]

ساره و ولد العرب منورين الموضوع... اهم شيء تلقون اللي يونسكم.. تحياتي

[سالم الزهران]

قبل خمسين سنة تقريباََ.. مر موكب العروس من قبال المزرعة مالت العم بوعبدالرحمن.. العروس كانت المرأة اللي أراد خطبتها لكن عيال عمه منعوه.

يمر موكب العروس بجانب السور الحجري للمزرعة ويترك العم بو عبدالرحمن شغله ويطلع فوق السور الحجري يمشي محاذياََ لموكب العروس يتخيل ما يمكن ان يتخيله الرجل العادي (المحب) في مثل هذا الظرف.

لكن بسرعة! خطرت في بال بو عبدالرحمن قصيدة فغذ السير حتى حاذى اول الموكب اللي فيه ابو العروس وخالها كما جرت العادة في منطقتنا..

سلم عليهم و استأذنهم في القاء قصيدته اللي هي بيت واحد من الرجز.. فقال (بعد ان اقترب من العروس).

ويش اخرجك من القصور النوايف
وش قربك لأهل العُرُش والسقايف

(يقصد ليش تاركه بيوت جماعتنا اللي هي حصون ورايحه للقبيلة الثانية اللي بيوتهم عرايش وسقايف بسيطة).

قالت له العروس : ويقولون لنا انها وقفت على الجمل واقفة وقالت.
ما يخرج الا البندق اللي طلايع
مهب كما الدخان اخس البضايع

(وتقصد اني طلبوني البعيدين لسمعتي الزينة ولو كانت سمعتي شينة مثل الدخان لاستحيوا هلي مني ولزوجوني الاقرب وبسكات)

حصلت هذي السالفة في بلدتنا واعرف العم بوعبدالرحمن ومزرعته والطريق اللي مروا منه اولئك القوم واعرف البيت اللي راحت له العروس.. (الله يرحمهم جميعاََ)

ولازلت وسأظل افكر شلون كانت نفوسهم بسيطة وشلون ممكن تبدي اللي بخاطرك بدون ما تخالف الاعراف والعادات وشلون كان لكل جيل احلامه وآماله بما فيها من صعوبات وتساهيل.. كم قدم سارت وكم نفس أملت وكم وكم... الله يولينا ستره وهذا انا علمتكم بسالفة ماهي مدونة لا في كتاب ولا في سناب... وتستاهلون كل خير ولاشك ان عندكم مثلها وودنا نلقى اللي يعلمنا بها

[sara jsm]

شـ كان يزرع بوعبدالرحمن ؟

[سالم الزهران]

موسم الخريف تنزرع الحبوب
والصيف اللي عنده غروس فاكهة تثمر مثل التين والعنب الخ.

[!.!]

قبل خمسين سنة تقريباََ.. مر موكب العروس من قبال المزرعة مالت العم بوعبدالرحمن.. العروس كانت المرأة اللي أراد خطبتها لكن عيال عمه منعوه.

يمر موكب العروس بجانب السور الحجري للمزرعة ويترك العم بو عبدالرحمن شغله ويطلع فوق السور الحجري يمشي محاذياََ لموكب العروس يتخيل ما يمكن ان يتخيله الرجل العادي (المحب) في مثل هذا الظرف.

لكن بسرعة! خطرت في بال بو عبدالرحمن قصيدة فغذ السير حتى حاذى اول الموكب اللي فيه ابو العروس وخالها كما جرت العادة في منطقتنا..

سلم عليهم و استأذنهم في القاء قصيدته اللي هي بيت واحد من الرجز.. فقال (بعد ان اقترب من العروس).

ويش اخرجك من القصور النوايف
وش قربك لأهل العُرُش والسقايف

(يقصد ليش تاركه بيوت جماعتنا اللي هي حصون ورايحه للقبيلة الثانية اللي بيوتهم عرايش وسقايف بسيطة).

قالت له العروس : ويقولون لنا انها وقفت على الجمل واقفة وقالت.
ما يخرج الا البندق اللي طلايع
مهب كما الدخان اخس البضايع

(وتقصد اني طلبوني البعيدين لسمعتي الزينة ولو كانت سمعتي شينة مثل الدخان لاستحيوا هلي مني ولزوجوني الاقرب وبسكات)

حصلت هذي السالفة في بلدتنا واعرف العم بوعبدالرحمن ومزرعته والطريق اللي مروا منه اولئك القوم واعرف البيت اللي راحت له العروس.. (الله يرحمهم جميعاََ)

ولازلت وسأظل افكر شلون كانت نفوسهم بسيطة وشلون ممكن تبدي اللي بخاطرك بدون ما تخالف الاعراف والعادات وشلون كان لكل جيل احلامه وآماله بما فيها من صعوبات وتساهيل.. كم قدم سارت وكم نفس أملت وكم وكم... الله يولينا ستره وهذا انا علمتكم بسالفة ماهي مدونة لا في كتاب ولا في سناب... وتستاهلون كل خير ولاشك ان عندكم مثلها وودنا نلقى اللي يعلمنا بها


النية الحسنة
يا لها من قصة
يبدوا أنك يا عم بوسالم من الشيوخ الذين يتذكرون أقوال سلفهم ، وتجاعيد الشيخوخة برزت على ذكراك لهذا الحادث الجميل
رائِع أنتَ عمو ^^

[سالم الزهران]

النية الحسنة
يا لها من قصة
يبدوا أنك يا عم بوسالم من الشيوخ الذين يتذكرون أقوال سلفهم ، وتجاعيد الشيخوخة برزت على ذكراك لهذا الحادث الجميل
رائِع أنتَ عمو ^^


اهلاََ وسهلاََ بالعزيز بشير
مرورك يعطر المكان و الموضوع ليس خاصاََ بذكرياتي فمن لديه شيئ فكلنا ضيوف على هذا المنتدى..

[معماري قطري]

قبل خمسين سنة تقريباََ.. مر موكب العروس من قبال المزرعة مالت العم بوعبدالرحمن.. العروس كانت المرأة اللي أراد خطبتها لكن عيال عمه منعوه.

يمر موكب العروس بجانب السور الحجري للمزرعة ويترك العم بو عبدالرحمن شغله ويطلع فوق السور الحجري يمشي محاذياََ لموكب العروس يتخيل ما يمكن ان يتخيله الرجل العادي (المحب) في مثل هذا الظرف.

لكن بسرعة! خطرت في بال بو عبدالرحمن قصيدة فغذ السير حتى حاذى اول الموكب اللي فيه ابو العروس وخالها كما جرت العادة في منطقتنا..

سلم عليهم و استأذنهم في القاء قصيدته اللي هي بيت واحد من الرجز.. فقال (بعد ان اقترب من العروس).

ويش اخرجك من القصور النوايف
وش قربك لأهل العُرُش والسقايف

(يقصد ليش تاركه بيوت جماعتنا اللي هي حصون ورايحه للقبيلة الثانية اللي بيوتهم عرايش وسقايف بسيطة).

قالت له العروس : ويقولون لنا انها وقفت على الجمل واقفة وقالت.
ما يخرج الا البندق اللي طلايع
مهب كما الدخان اخس البضايع

(وتقصد اني طلبوني البعيدين لسمعتي الزينة ولو كانت سمعتي شينة مثل الدخان لاستحيوا هلي مني ولزوجوني الاقرب وبسكات)

حصلت هذي السالفة في بلدتنا واعرف العم بوعبدالرحمن ومزرعته والطريق اللي مروا منه اولئك القوم واعرف البيت اللي راحت له العروس.. (الله يرحمهم جميعاََ)

ولازلت وسأظل افكر شلون كانت نفوسهم بسيطة وشلون ممكن تبدي اللي بخاطرك بدون ما تخالف الاعراف والعادات وشلون كان لكل جيل احلامه وآماله بما فيها من صعوبات وتساهيل.. كم قدم سارت وكم نفس أملت وكم وكم... الله يولينا ستره وهذا انا علمتكم بسالفة ماهي مدونة لا في كتاب ولا في سناب... وتستاهلون كل خير ولاشك ان عندكم مثلها وودنا نلقى اللي يعلمنا بها

قصة حلوة

على أيام الغزو والسبي أحد شيابنا وهم تقريباً إثنين رحمة الله عليهم على أيام الإمارات كانت ساحل عمان سبوا كم وحدة وتحللوهم ومنهم هذيلا الاثنين وحدة بقت مع زوجها ووحدة شردت ورجعت لأهلها .. الشيبة اللي شردت منه بقى يذكرها وتولع فيها يبغيها وعاش حياته بدون زواج .. إستوى يجمع المال والاراضي والبنيان وتوفى وحيد بدون ذرية ورثوه عيال اخوانه حتى اخوانه توفوا قبله

[سالم الزهران]

قصة حلوة

على أيام الغزو والسبي أحد شيابنا وهم تقريباً إثنين رحمة الله عليهم على أيام الإمارات كانت ساحل عمان سبوا كم وحدة وتحللوهم ومنهم هذيلا الاثنين وحدة بقت مع زوجها ووحدة شردت ورجعت لأهلها .. الشيبة اللي شردت منه بقى يذكرها وتولع فيها يبغيها وعاش حياته بدون زواج .. إستوى يجمع المال والاراضي والبنيان وتوفى وحيد بدون ذرية ورثوه عيال اخوانه حتى اخوانه توفوا قبله

الله يعفي عنهم ويرحمهم.. اكيد الشايب تنقي عدل ولكن النصيب ما انكتب.

[سالم الزهران]

يوم من الايام كلفوني برئاسة قسم بالإنابة.. كنت اشوف الموظفين اللي حضرتي جديد عليهم.. كنت اشوفهم تعبانين ومالهم خلق.. وتعامل المدير معهم رسمي.

المهم قلت لهم يا جماعة سجلوا لي الاعمال اللي عندكم وحطوا عليها تاريخ اقصى للانجاز... والدوام ابغي حتى الظهر تداومون صح.. وعقب الظهر يبقى اثنين معي ويروح الباقي!
قالوا لي هذا الكلام الزين... وحددنا العمل وتواريخ الانجاز..
قلت والتشكيلة شلون بتقسمون! قالوا ما عليك احنا نتفاهم؟

رغم ان اتفاقنا كان من عقب الظهر الا انهم من الاسبوع الثاني بدوا من اول الدوام :con2:.

قلت يبا لا تقول شيء لين الاسبوع الجاي وقت تسليم العمل.

الاسبوع اللي عقب... دوامت لوحدي... هههههه،، والله لا شفت موظفين ولا عمل. رجعت جمعتهم واعطيتهم تقييمي للمدة اللي طافت و قلت لهم اللي بخاطري.. وقالوا حصل بيننا سوء تنسيق وتغيبنا كلنا في وقت واحد... ما تتكرر ان شاء الله.

اللي لاحظته انهم انبسطوا الشهرين هذيك ورجع لنا مديرنا ورجعت اختربت نفسياتهم.. كثر ما مر علي ما شفت مثل ذاك القسم كلهم بعقلية واحدة اللي قريب تقاعد واللي توه متعين؟ ولله في خلقه شؤون.

[سالم الزهران]

سبحانك اللهم وبحمدك أشهد أن لا إله إلا أنت أستغفرك وأتوب إليك.

[سالم الزهران]

كنا نسمع الراديو ليلة وسمع جدي رحمه الله ( زيارة لملك السويد أو وزيره) قام رحمه الله وطى الصوت والتفت لي وقال : يا ولد وين هي مملكة السويد، قلت هذي الله اعلم بأوروبا عند بريطانيا، قال ؛ وش يبغون يجون عندنا، قلت الله اعلم : قال الشايب ، معنا منهم فايدة ؟ قلت والله مدري يا جدي انا قاعد معك هني! وتذكر الا أجود ثلاجات الغاز زمان كانت صناعة سويدية، تتذكرونها الوانها خضر وصفر ؛ قلت يا جدي السويد تراهم يصنعون ثلاجاتنا هذي اللي معنا.. رجع جدي يقول ( الله يحييه ، الله يحييه ).

الله يشهد ما نسيت هذي السالفة

[!.!]

كنا نسمع الراديو ليلة وسمع جدي رحمه الله ( زيارة لملك السويد أو وزيره) قام رحمه الله وطى الصوت والتفت لي وقال : يا ولد وين هي مملكة السويد، قلت هذي الله اعلم بأوروبا عند بريطانيا، قال ؛ وش يبغون يجون عندنا، قلت الله اعلم : قال الشايب ، معنا منهم فايدة ؟ قلت والله مدري يا جدي انا قاعد معك هني! وتذكر الا أجود ثلاجات الغاز زمان كانت صناعة سويدية، تتذكرونها الوانها خضر وصفر ؛ قلت يا جدي السويد تراهم يصنعون ثلاجاتنا هذي اللي معنا.. رجع جدي يقول ( الله يحييه ، الله يحييه ).

الله يشهد ما نسيت هذي السالفة
جدك أصلي يا أفندم : علي لسان المصريين 😁
والله كبير
ممكن الحدث يكون في : التسعينات 🤔 بعد حرب الخليج الثانية مباشرة
كانت الزيارات مكثفة جدا حينها للمملكة

[سالم الزهران]

تقريباََ في تلك الأيام ، جزاك الله خير يا أخ بشير
كبار السن أحياناََ يأتون يباركون لنا في مولود جديد ويقولون (سميتموه) نقول ؛ في البال بنسميه علي (مثلاََ) فيقول الكبير (لا)، سموه ابراهيم؟ طيب يا والد لكن على من؟ نقصد (من تريد بإبراهيم)؟ فيقول : هذا أخ صغير لنا توفي وهو في المهد.. (لاحظ أن الوالد يسترجع قصة قبل ستين سنة).. فنسمي ابراهيم و عندما يسألنا الناس! ما فيكم ابراهيم من قبل هذا؟ فنقول لهم : لا هذا أحد أجدادنا توفي وهو صغير!
فيندهشون نفس الدهشة التي أصابتنا نحن قبلهم لكن في المحصلة يتم إعادة تدشين هذا الاسم في العائلة!
واخاي بشير. حدثني عن الوفاء احدثك عن الأولين، رحمهم الله

[سالم الزهران]

طيب معي سالفة بس شلون نختصرها!
كنت رويعي غنم، ابوي معه حلال كثير و المهم رديت تالي عصير بغنمي ناقص تيس اعفر، الوالد واقف يناظر ويتفقد الغنم وشوي الا يجي السؤال الاقشر؟ وين التيس الاعفر يا ولد! قلت هنا.. هناك.. آااا.. باآآ.. (ماشي جواب)
قال لي رح دوره؟
الوالد يعرف ان مابها دواره لكن حب يمتحني!
قلت له طيب الحين ارجع افقد غنم فلان يمكن راح معها! قال لي تعال.. التيس ما يروح لكن سرقوه يا الهامل يا اللي فيك وخذ لك شتيمه!
المهم،، انقلع ومعها حذفة بحجر صغير لكنه ضرب في الزاوية فوق الاذن اليمين.. شوي احس ببرودة.. امسك راسي الا دم يصب،،ونا اكتئب واحط رجلي ورايح ودمي يصب و قبل المغرب المهم مشيت يمكن 2 كيلو الا انا عند اول بيت في القرية اللي حذانا لكنهم قبيلة ثانية.

المهم شافتني (الله يرحمها) بنت كانت اكبر مني فرق كبير.. انا عمري يمكن ثمان او تسع.. الحاصل زهمتني ويوم قربت لها ارتاعت من الشكل ومن الدم و لا زلت اتذكر خوفها اللي يخليك انت تتطمن لانك تقول (هذي امي هذي اختي من هذي وليش تخاف هالكثر!)

المهم دخلتني البيت وجابت المقص وهي تقص الشعر اللي حوالين الضربة و تعالج وتحط(وار).. الوار هذا نوع من الرماد بس ممتاز حده للجروح.

وقلت مشكورين.. الحين بروح! قالوا وين تروح؟ عاد هذيلا اهل البيت لان الممرضة مالتي راحت تخلص شغلها.

قلت لهم بروح لخوالي.. عاد ما علمتهم من اقصد وهم حسب العادة ما ينشدونك لا عن اسمك ولا شيء.

كان يقول لي ابوهم.. منت برايح الا تعش معنا وارقد. وبكرة نوديك بالسيارة وين ما تبغي؟

المهم اظن ان هذا اخر شي سمعته لاني نعست ولا ادري الا ب عشاهم واتعشى وارقد والصراحة لو سألتوني اقول.. الوضع زين.

الصبح قمنا وصلينا و قالوا لي صباح الخير و جابوا القهوة ونا وضعي فوق الممتاز.

شوي الا الرجال يرحب.. هلا وغلا يا الله حي فلان.. مرحبا.. (أبوي وصل)

والوالد جاي مشي رغم انه ممكن يجي بالسيارة لكن ما كان يتوقع اوصل هالمسافة وكان يظن اني كالعادة بحوف البيت من بعيد وارقد قريب منه ولا في حوض السيارة ولا ان بعدت في المزرعة.

لكن الوالد وهو يتبع الاثر كمل الين وصل لاخر نقطة وصلت لها.. المهم الساعة يمكن ست، ست ونص وهو عندنا.

انا بالنسبة لي انتهت الجولة.. واخاف بعد يلحقني حساب. الوالد تقهوى مع الرجال و ما يجي نظره في وجهي الا احس وده ياكلني.. المهم ان وضعي سيء وكسيف جداََ.

خلصوا سالفتهم و ترخص الوالد وهذاك يحلف ع الفطور والوالد يحلف ما يمديه.. المهم الرجل زهم ولده وقال شغل السيارة و ود عمك فلان!

قال الوالد ؛ لا بنرد مشي.. اولاََ معنا تيس ضايع ونبغي ندوره... وثانياََ بيني وبين هذا الولد علوم ابغي انشده عنها بيننا.

قال راغي المكان.. الله يوجه لكم.

رحنا نمشي والوالد يقول.. تراني جاي عشان امك أذتنا ما خلتنا نرقد هي وخواتك... ولا انت ما لك رجعه الا بالتيس يا...

عاد انا توني اتذكر من جهالتي (امي وخواتي) ونهم بيقلقون..! لكن ما كان عندي لا وقت للتفكير ولا عقل!
الحاصل رجعنا البيت و الوالدة الله يغفر لها تشوف الضربة وهي تنشد من سوى لك من عالجك!
قلت مدري.. انا بت في القرية الفلانية.. معرف بيت من.

هدأت الامور وعادت لطبيعتها ومع بعض التعليمات من الوالدة و ماكن شي كان! رجعنا للرعي والغنم.

يمكن عقب اربعة ايام مريت على بيت بقريتنا واشوف التيس حقنا مربوط؟ واروح اتسلل وافكه و هو ما صدق يشوفني فكيته وهو يشرد التيس ولا وقف الا في مراحنا.. عند البيت.

جت الوالدة مستغربة قالت وين حصلته؟ قلت مربوط في حوش الفلاينه... قالت لي لا تعلم ابوك.. قل الضحى جانا التيس ما شفناه الا وهو في الساحة.

الوالد قال لي.. انا ما قلت لك التيس انسرق؟ واكيد انه انفك عليهم.. قلت لا ما ظن كيف ينسرق،، اكيد كان ناشب في مكان او في المزرعة!

التفت للوالد الا عيونه تقدح وخفت يقدحني بحجر ثاني ورجعت اقول.. الله اعلم ، والوالد يقول لاحول ولا قوة الا بالله العلي العظيم.

السالفة انتهت.. ولها تفاصيل لكن هذا هي صفحة رغم الاختصار.. واذا فيه شيء بذكره.. اني قبل مدة طويلة قابلت في ديرتنا دورية فيها اثنين عساكر.. وسلمت عليهم وفيهم عسكري معتدل البنية وحسن الهيئة.. يبدوا لي غريب مب من الجماعة.. المهم اخواني قالوا هذا من القرية الفلانية.. قال لي الوالد.. هذا امه تراها اللي روحتك معها البيت ذيك السنين يوم شردت.

وقبل سنتين جاني خبر وفاتها.. رحمها الله.. مضرب مثل للطيب وللحسن وللمروءة اللي عرفت عن العرب رجالهم ونساؤهم واعتذر لو أطلت و الحمد لله رب العالمين.

[سالم الزهران]

صباح الخير
قبل اثنين وعشرين سنة، كنت توي موظف حكومي، وكانت المصلحة موفرة لنا سكن للعزاب. المهم كان معي زميل في نفس الغرفة وكان بيننا انسجام حتى في مواعيد النوم. ليلة من الليالي جفت زميلي س المالكي يطالع للسقف وما يسولف حكايات النوم مالت كل ليلة. قلت له شفيك يا الاخو الليلة مب على بعضك؟ قال : تصدق لي ثلاث سنين موظف و لا عندي ولا ريال؟ ما عندي غير السيارة ذي فقط!
يا مصيبتاه ؟ كان اقول له؟ واقعد اتعجب ليه وشلون و وين مودي رواتبك؟
اليوم بعد هالمدة ولو نظرت لنفسك او خل اتكلم عن نفسي، ربما ما كانت الخساير في الأموال و حنا الله خلقنا قنوعين من فضل الله.. لكن هناك دايماََ خسارة من نوع آخر، خسارة لا يسلم منها لا صغير ولا كبير.. ولا فقير ولا وزير..
اذا ما خسرت الأموال.. خسرت الأخوان والأيام وخسرت المودة والإهتمام.. وعلى العموم الكل خسران ما عدا اللي استثناهم الله في سورة العصر..
بسم الله الرحمن الرحيم
والعصر
إن الانسان لفي خسر
الا الذين آمنوا وعملوا الصالحات وتواصوا بالحق وتواصوا بالصبر.

نسأل الله ان يجعلنا منهم.. لانها مصيبة اذا حتى الإيمان والعمل الصالح حرمنا منه..

[سالم الزهران]

في الابتدائي كان مقصف المدرسة تعاوني، يعني كل طالب يقدر يدفع خمسين أو مية ريال و آخر السنة يوزعون أرباح المقصف على اللي ساهموا فيه. ذيك السنة جاني حدود ثلاثمية ريال واستويت بين ليلة وضحاها مريّش. ولأن دايماََ كان عندي مشاريع غريبة منها على سبيل المثال وليس الحصر ابغي اشتري حصان و شرط يكون أبيض واذا بتنشد عن سر اختياري للون الأبيض هو أن كان فيه دخان مصور على علبته (الكرز/العلبة الكبيرة اللي يجي فيها باكيتات) خيول مصطفة واللي يقودهم حصان ابيض..

بالإضافة الى أمور غريبة كنت أبغيها.. واغلب هذي الأمنيات سويتها باستثناء المثال الأبرز اللي ذكرته لكم.

المهم رحت البيت وكان عندنا غرفة قديمة مقابله المجلس ونحط فيها المساند والزوالي القديمة، وفيها دولاب صغير.. قمت حطيت البيزات في الدولاب و من الحرص حركت الدولاب عشان ابوابه تقابل الجدار عشان محد يفتح.

مكان خوش والاجمل ان الفلوس بديت القطهم من هنا ومن هناك.. واحطهم ع الاوله.

كنت اسوي جولات تفقديه ع الغرفة و اتأكد من الفلوس.. ولاني لافت الدولاب ولازقه ف الطوفة احركه اشوي مقدار ما اقدر ادخل يدي واتحسس الفلوس.

يوم من الأيام جيت اجيك أدخلت يدي مافي شيء.. احشر يدي زياده (غبار)؟ احرك الدولاب واطالع الا الفلوس ما منها ريال! قمت الف و احاول اتحسس أحد يجيب طاري.. محد!

قامت الوالدة ، قالت شفيك انت مضيع شيء؟ قلت لها لا؟ اليوم الثاني قالت لي الصبح.. الفلوس معي وبرفعهم لك صارت كثيرة وما يصلح تخليهم هناك. قلت محد له شغل بفلوسي، قالت ترى اللي خذاها ابوك! لكن انا باخذها من عنده وخلك عاقل لا تعلم!

رحت للوالد وكنت اشوفه باليومين.. ما صدقت يجي واروح انشده (خلاص انكشف السر)، قلت يبه ما حصلت لي فلوس كنت خاشهم بغرفة العفش! قال (لا) :eek5:

الحين انصدمت.. هو ولا الوالدة؟ من اصدق؟
قلت : طيب وين راحو الفلوس؟
قال لي: يمكن كلاهم الفأر مثل فلوس عمك فلان (وعمنا هذا فعلاََ تسلطت الفيران على فلوس له وكلتهم).

الحاصل اني ما عاد شفت فلوسي هذيج.. صحيح اخذت امتيازات وسافرت مع خالي وعطوني مصروف.. بس الريال المخشوش كان يفرق عن الريال اللي يجي من برع!
هذيك مساهمة مقصف استثمار سنة و الأهم أنها سريّة ما شافت النور.

[معماري قطري]

في الابتدائي كان مقصف المدرسة تعاوني، يعني كل طالب يقدر يدفع خمسين أو مية ريال و آخر السنة يوزعون أرباح المقصف على اللي ساهموا فيه. ذيك السنة جاني حدود ثلاثمية ريال واستويت بين ليلة وضحاها مريّش. ولأن دايماََ كان عندي مشاريع غريبة منها على سبيل المثال وليس الحصر ابغي اشتري حصان و شرط يكون أبيض واذا بتنشد عن سر اختياري للون الأبيض هو أن كان فيه دخان مصور على علبته (الكرز/العلبة الكبيرة اللي يجي فيها باكيتات) خيول مصطفة واللي يقودهم حصان ابيض..

بالإضافة الى أمور غريبة كنت أبغيها.. واغلب هذي الأمنيات سويتها باستثناء المثال الأبرز اللي ذكرته لكم.

المهم رحت البيت وكان عندنا غرفة قديمة مقابله المجلس ونحط فيها المساند والزوالي القديمة، وفيها دولاب صغير.. قمت حطيت البيزات في الدولاب و من الحرص حركت الدولاب عشان ابوابه تقابل الجدار عشان محد يفتح.

مكان خوش والاجمل ان الفلوس بديت القطهم من هنا ومن هناك.. واحطهم ع الاوله.

كنت اسوي جولات تفقديه ع الغرفة و اتأكد من الفلوس.. ولاني لافت الدولاب ولازقه ف الطوفة احركه اشوي مقدار ما اقدر ادخل يدي واتحسس الفلوس.

يوم من الأيام جيت اجيك أدخلت يدي مافي شيء.. احشر يدي زياده (غبار)؟ احرك الدولاب واطالع الا الفلوس ما منها ريال! قمت الف و احاول اتحسس أحد يجيب طاري.. محد!

قامت الوالدة ، قالت شفيك انت مضيع شيء؟ قلت لها لا؟ اليوم الثاني قالت لي الصبح.. الفلوس معي وبرفعهم لك صارت كثيرة وما يصلح تخليهم هناك. قلت محد له شغل بفلوسي، قالت ترى اللي خذاها ابوك! لكن انا باخذها من عنده وخلك عاقل لا تعلم!

رحت للوالد وكنت اشوفه باليومين.. ما صدقت يجي واروح انشده (خلاص انكشف السر)، قلت يبه ما حصلت لي فلوس كنت خاشهم بغرفة العفش! قال (لا) :eek5:

الحين انصدمت.. هو ولا الوالدة؟ من اصدق؟
قلت : طيب وين راحو الفلوس؟
قال لي: يمكن كلاهم الفأر مثل فلوس عمك فلان (وعمنا هذا فعلاََ تسلطت الفيران على فلوس له وكلتهم).

الحاصل اني ما عاد شفت فلوسي هذيج.. صحيح اخذت امتيازات وسافرت مع خالي وعطوني مصروف.. بس الريال المخشوش كان يفرق عن الريال اللي يجي من برع!
هذيك مساهمة مقصف استثمار سنة و الأهم أنها سريّة ما شافت النور.

الله يرزقك

انا الذكرى الأليمة يوم دخلت خاطري بي ام 5 مخصصة للسباقات كانت تقريباً نواة الإم أو بدايتها وكانت وكالة البي ام صغيرة مقابلة السنتر .. دفعت قيمتها 54000 كنت مجمعها من معاشاتي وكنت توني 17 وقالوا لي يومين وتتسجل كانت الاجراءات مب مثل هالأيام .. كان المشروع سري وسيارتي اللي شاريها ابوي لها سنة كبسولة تيوتا اللي تسمونها ربع لكن ما طاوعني قلبي قلت للوالد .. عصب علي وراح شافها قال هذا بيذبح نفسه سيارة سباقات وكانت حوادثي وايد كنسل البيعة وخذ الفلوس وبعد فترة شرى بها جي لي

بس انا حزنت حزن اليم ذاك الوقت وكأن هالسيارة بتسوي لي الكثير .. الجي وقتها ب 48500 بالضبط وتوفقت فيه كم سنة لين سافرت ادرس وخذت معاه بعد سنة يمكن نيسان زد اكس تيربو و8 شهور تكنسلت في حادث شنيع الله حفظني منه .. الله يرحم ابوي تعبته معاي

[سالم الزهران]

الله يرزقك

انا الذكرى الأليمة يوم دخلت خاطري بي ام 5 مخصصة للسباقات كانت تقريباً نواة الإم أو بدايتها وكانت وكالة البي ام صغيرة مقابلة السنتر .. دفعت قيمتها 54000 كنت مجمعها من معاشاتي وكنت توني 17 وقالوا لي يومين وتتسجل كانت الاجراءات مب مثل هالأيام .. كان المشروع سري وسيارتي اللي شاريها ابوي لها سنة كبسولة تيوتا اللي تسمونها ربع لكن ما طاوعني قلبي قلت للوالد .. عصب علي وراح شافها قال هذا بيذبح نفسه سيارة سباقات وكانت حوادثي وايد كنسل البيعة وخذ الفلوس وبعد فترة شرى بها جي لي

بس انا حزنت حزن اليم ذاك الوقت وكأن هالسيارة بتسوي لي الكثير .. الجي وقتها ب 48500 بالضبط وتوفقت فيه كم سنة لين سافرت ادرس وخذت معاه بعد سنة يمكن نيسان زد اكس تيربو و8 شهور تكنسلت في حادث شنيع الله حفظني منه .. الله يرحم ابوي تعبته معاي

هلابك بو عبدالله، سؤال عن الزد لو سمحت : هل كنت تشيل وسادة الرأس اللي أعلى السيت. :)

[معماري قطري]

هلابك بو عبدالله، سؤال عن الزد لو سمحت : هل كنت تشيل وسادة الرأس اللي أعلى السيت. :)

لا يا اخوي هي وسيلة أمان من الصدمات الخلفية وكنت من وقتها مهتم للأمان .. ما تصدق كنت اتحزم والناس يطالعوني وقتها متخرعين .. صج احس باحراج بس شسوي .. يوم رحت ادرس في سياتل كان هناك الجو غالب الوقت مغيم والرؤية ضعيفة وعرفت إن عندهم قانون تولع ليتات السيارة وقت الغيم وقبل المغرب بنص ساعة مهما يكون الجو حتى لو الشمس طالعة وبعد الشروق بنص ساعة بعد لازم الليت مولع .. ومن هناك بدت سالفة النور الدائم والمسمى النور الصباحي واستوت قانون يطبق في كل العالم مع السيارات الجديدة

قريت سالفة التيس كلها .. ويا حلوها من سالفة عشت الجو وسلامي للوالد ولمن حضروا السالفة جميع

[معماري قطري]

نسيت اكمل سالفة الليتات .. استوت عندي عادة وكنت لين رجعت قطر اولع ليتات السيارة بنفس الطريقة والناس بعد يطالعون مستغربين وبعضهم يهرنون ويأشرون على الليتات وكم واحد وقفوني قالوا لي بيفضي البيتري

[sara jsm]

سوالفكم حلوة الله يحفظكم ..
واحد يتكلم عن سوالف الاوليين والثاني عن سوالف المراهقين :tooth:

:
لاتوقفون :app2:

[سالم الزهران]

بوعبدالله، تصرفك سليمك.. لكن كانت فكت الوسايد موضة..

[سالم الزهران]

سوالفكم حلوة الله يحفظكم ..
واحد يتكلم عن سوالف الاوليين والثاني عن سوالف المراهقين :tooth:

:
لاتوقفون :app2:

هلا بك سارة.. اعذرك لا شفتيها سوالف قديمة لان منطقتكم كانت حضرية ومنطقتنا تخرجت من الثانوي وحنا ما عندنا كهرب.. والله يا زينها من أيام

[معماري قطري]

بوعبدالله، تصرفك سليمك.. لكن كانت فكت الوسايد موضة..

ما فهمت شلون موضة؟

[معماري قطري]

سوالفكم حلوة الله يحفظكم ..
واحد يتكلم عن سوالف الاوليين والثاني عن سوالف المراهقين :tooth:

:
لاتوقفون :app2:

عاد انا مب مصدق انج بنت الأمس .. إنتي من عيايز المنتدى واكتشفت هالشيء يوم تذكرتي الكيمرة القديمة اللي تثور

[سالم الزهران]

ما فهمت شلون موضة؟

كانت فكت الوسادة تبين السيارة مختلفة.. وشبابيه.. وتعرف نوافذ الزد كبار تشوف اللي داخلها من بعيد.. فتلاحظ اللي فاك الوسايد مبين السيارة شبابية.. رغم ان فكها يسبب حوادث خطيرة في الضربات اللي من خلف السيارة.

[sara jsm]

عاد انا مب مصدق انج بنت الأمس .. إنتي من عيايز المنتدى واكتشفت هالشيء يوم تذكرتي الكيمرة القديمة اللي تثور

اشدخل :looking: انا مواليد 2000 واذا مب مصدق لاتصدق :dance

[Dana’1]

عن الزد والسيارات عموما و الذكريات القديمة .. فـ راحت الذكريات يم كرسيدا سدرك عند عمي كانت روعه
مدري هو كل شي قديم حلو مع الوقت و إلا فعلا هي السيارة روعه^_^
و الأروع منها كابرس المربع القديم نسيت الموديل كان رووووعه من قلب وسيييع من داخل ولما تحلس كأنك جالس على كنب أمريكي مرييييح عالأخر و إذا مسكت خط و السرعة فوق شي ثاااااني ما كأنك جالس بسياره مريحات فعلا
هي و البيوك كاديلاك القديمات بصراحه شي فاخر*

[معماري قطري]

عن الزد والسيارات عموما و الذكريات القديمة .. فـ راحت الذكريات يم كرسيدا سدرك عند عمي كانت روعه
مدري هو كل شي قديم حلو مع الوقت و إلا فعلا هي السيارة روعه^_^
و الأروع منها كابرس المربع القديم نسيت الموديل كان رووووعه من قلب وسيييع من داخل ولما تحلس كأنك جالس على كنب أمريكي مرييييح عالأخر و إذا مسكت خط و السرعة فوق شي ثاااااني ما كأنك جالس بسياره مريحات فعلا
هي و البيوك كاديلاك القديمات بصراحه شي فاخر*

قبل كنا صغار نقعد على طابوقة عادي ساعة ونسولف مع ربعنا في رملة .. كان دخول هذي السيارات دخول عالم ثاني من الفخامة .. وأكيد كانت فخمة ومريحة ونحس بأمان فيها وننام حتى قرب الجامة الخلفية ورا كرسي السيارة الصالون .. الحين نفس الشيء السيارات تطورت أكثر واستوت أفخم من قبل بس إحنا تغيرنا بعد واستوينا متطلبين أكثر أو ما ننبهر مثل قبل وخيالنا يكبر لنا الأشياء كثير

[معماري قطري]

اشدخل :looking: انا مواليد 2000 واذا مب مصدق لاتصدق :dance

ابي شهادة 3 من أهل الشمال في المنتدى منهم نفسي عزيزة وولد العرب وقطرمان ولو حصلتي رابع زين بافكر اصدق

[معماري قطري]

كانت فكت الوسادة تبين السيارة مختلفة.. وشبابيه.. وتعرف نوافذ الزد كبار تشوف اللي داخلها من بعيد.. فتلاحظ اللي فاك الوسايد مبين السيارة شبابية.. رغم ان فكها يسبب حوادث خطيرة في الضربات اللي من خلف السيارة.

ما فكرت اسويها كلش

تدري متى تعجبني إذا ركت ولحست الأرض .. بس ذاك الوقت له جوه لا زحمة مثل ألحين ولا قوانين قوية تمسكك

ألحين صراحة اللي سيارته 4 سلندر محظوظ لأنه ما يحس إنه مقيد

[سالم الزهران]

ابي شهادة 3 من أهل الشمال في المنتدى منهم نفسي عزيزة وولد العرب وقطرمان ولو حصلتي رابع زين بافكر اصدق

واحد من هذيلا شهادته في مخباه ... :nop:

[معماري قطري]

واحد من هذيلا شهادته في مخباه ... :nop:

أكيد مهندس

[سالم الزهران]

من ذكريات الجامعة.. دخلت اختبار قبول الساعة سبعة الصباح وطلعت الساعة أربعة العصر.. وعطونا فترة الظهر استراحة واكملنا عقب الصلاة الفترة الثانية.. (هذا بس اختبار قبول في kfupm في الظهران سنة 99).

ما أظن الاختبارات ومستوى الدراسة باقي عندهم مثل قبل.. لكن تبقى جامعة عريقة كونت لنفسها نمط ومنهج معين يتسم بالشدة والظلم.. وأذكر حتى الأجانب اللي فيها اغلبهم يتقنون شوية عربي نظراََ لخدمتهم الطويلة وللظروف اللي توفرت لهم بالمنطقة الشرقية.

اعتقد مما اذكره من الاختبار أنهم يختبرونك في كل المناهج اللي درستها في المرحلة الثانوية.. ولهذا السبب صار اختبار طويل.. و اعتقد كذلك انه الاختبار الأول اللي استخدمت فيه المرسام.. والنماذج الامريكية اللي تعتمد على التظليل.

ومع كل ما ذكرت.. لن يتقدم العرب نصف خطوة طالما أستمر التعيين بالمكرمة و العزل عن طريق نفس جهة التعيين.

اذا ما كان رؤساء الجامعات يعينون من قبل مجالس الجامعات.. المنتخبة، ويعزلون بنفس الطريقة؟ بيستمر الوضع الشكلي للعالم العربي (ناس فوق النظام وناس تحت سطوة النظام وحياتهم حقل تجارب للمسؤولين).

[سالم الزهران]

من ذكريات الطفولة، كان عمري ثمان او تسع سنين.. رحت صوب مزارع ما عندي غرض الا أني أمشي في طريق السيارات .. لكن صدفة وجدت أكرمكم الله (حمار) لكنه صغير سن و شكله مرتب :))

الغريب أنه ما شرد يوم شافني اقترب منه، وفعلاً اقتربت منه حتى مسكته.. لازلت اتذكر السعادة اللي حسيت فيها لاني حصلت شيء اشغل نفسي فيه تالي عصير... (رغم ان مصادفة الحمار في مكان خلاء وقبل المغرب وكونه ما شرد تعتبر إشارات مخيفه عند الاولين .. لكن أنا ما جبت خبر)

المهم نقزت علي ظهر الجحيش وعلى البيت.. وصلت البيت واتفاجىء ان الذباح شغال وعندنا ضيوف بيتعشون عندنا .. وانا اكيد فقدوني ؟؟ فقمت احترت وين اودي الجحيش (خويي ) :))

رحت وديته في شعيب حول البيت وربطته في شجرة وخليته في مكان اشوفه من البيت! رحت انشغل مع عيال العم ونباشر ع الضيوف .. وعلمت ولد عمي بالسالفة ! وفاجأني يوم قال لي: ليش تربطه هناك الحين تاكله الضباع!

عاد انا احتست وصرت كل شوي وانا اروح اطل ع الحمار عشان اتاكد انه حي وسليم ههه
الحاصل ان الضيوف تعشوا ونا مب قادر اجمع. .. وكان من ضمن اللي حضر العشاء واحد من الجماعة أعرج !

انا رقدت ما عاد نشدت عن حمار ولا غيره و ما صدقت الصبح يطلع الا ابغي اروح اتطمن على الحمار.. لكن مالقيته ؟ ولا له أثر و لا للحبل حقه أثر .. رجعت البيت و بيرجع يومي مثل ما تعودت .. مافيه ركوب ولا فروسية ولا شيء!

باختصار.. رفيقنا الاعرج وهو ساري عقب العشاء شاف الحمار وفكه وخذاه وهو بيته مب بعيد وما كان يعرف يسوق ولا امتلك سيارة حتى مات رحمه الله.

المهم عقب اسبوع شفت الحمار عند مزرعته .. لكن للأسف الحمار كانت يده مكسورة .. فسألت عنه الحمار كأني ما ادري عنه.. قال لي العم محمد الاعرج ..لقيت الحمار مربوط ورى بيتكم وعرفت من ربطته ان احد ماخذه من مكان او سارقه ؛).. وقمت فكيته و خفت تاكله السباع و قلت ان جاء عنه نشاد اعطيته وانا محد نشد عنه باستخدمه، لكنه انكسر ما استفدنا شيء .. اظن ان له راعي وان نيته مب سمحة!

مشيت من عند العم محمد رحمه الله ولا اظنه درى اني انا راعيه على الاقل ليلة العشاء ذاك.

وسبب تذكري لهذا الموقف هو مقطع الواتس مال الحمار (عزكم الله) الناشب في العراق.. واعتقد اللي طرشه لي بيقرأ هذي السالفة العتيجة.. الله يرحم زمان أول.

واعتذر إن اطلت

[معماري قطري]

يا حلو الحمار الصغير شكله ونيس

قبل يا اخوي كان في بر قطر حمير كثيرين .. حمير برية وكنا على عمر ال 15 وال 14 قليل اللي فينا واحد يسوق وهو كبرنا .. ولنا ولد عم عنده جمس أزرق مصفح أو اللي يجي بدون رفارف .. مكسره في الحصى والوعر وكله سرعة ونطارد في هالحمير وندعمهم خفيف بس مسوين رعب

[معماري قطري]

على طاري الحمار اللي ناشب في سور هذا ذكرني ببعض اللي نشبوا في امور أكبر منهم وهم كثيرين

[سالم الزهران]

على طاري الحمار اللي ناشب في سور هذا ذكرني ببعض اللي نشبوا في امور أكبر منهم وهم كثيرين

هههههه والله ان الحمار اشوى منهم واشهد انه من حاله في شانه

[سالم الزهران]

يا حلو الحمار الصغير شكله ونيس

قبل يا اخوي كان في بر قطر حمير كثيرين .. حمير برية وكنا على عمر ال 15 وال 14 قليل اللي فينا واحد يسوق وهو كبرنا .. ولنا ولد عم عنده جمس أزرق مصفح أو اللي يجي بدون رفارف .. مكسره في الحصى والوعر وكله سرعة ونطارد في هالحمير وندعمهم خفيف بس مسوين رعب

ترى نفسي عزيز مدير كبير في الحياة الفطرية احتمال يطرشون لك تراجعهم .. بس شلون يسوون لك قضية والمدعي غايب واداة الجريمة في السكراب؟

[معماري قطري]

ترى نفسي عزيز مدير كبير في الحياة الفطرية احتمال يطرشون لك تراجعهم .. بس شلون يسوون لك قضية والمدعي غايب واداة الجريمة في السكراب؟

يسويها بو نفس ويسجنني .. بس انا ما كنت اللي اسوق كنت معاهم روسنا تتصافق مع بعض من هزات السيارة

[سالم الزهران]

يسويها بو نفس ويسجنني .. بس انا ما كنت اللي اسوق كنت معاهم روسنا تتصافق مع بعض من هزات السيارة

واحد من المقربين كان هوايته مطارد الحمير ونتم بالكرامة، كان يتعلق في رقبة الحمار من خفه ومن سرعته، راح عقب الاعدادي يبي العسكرية وجلس يتشكى للجنة القبول، قالوا له بما أنك يتيم بنراعيك وبندخلك على رئيس اللجنة وهو عاد من قبيلتك يقبلك يرفضك بكيفكم يا ال فلان؟

يقول دخلوني ع الرئيس قلت له موضوعي واني ابغي اتوظف ومعي بطاقة وشهادة اعدادي بس اللجنة ما قبلوا؟
قاله الرئيس : صحيح لان طولك مب مناسب وبعدين انت صغير في سنك! روح كما دراستك وابشر عقبها!
يقول : قلت له انا مب مال دراسة ، واهلي مرسليني اتوظف؟
قال ما اصدقك،، انت لازم ترجع لين يصير طولك مناسب؟
رجعت اقول له: دراسة مب دارس و وشتبغيني اسوي في هذيج الديرة؟
قال : ما علي منك ان شاء الله تجلس تطارد الحمير

يقول ونا اضحك وهو يستغرب وينشد ليش تضحك .. يقول استاذنت وطلعت من عنده وسبحان الله جات على العوق .. ما يدري أني مطارد حمير محترف .

[معماري قطري]

واحد من المقربين كان هوايته مطارد الحمير ونتم بالكرامة، كان يتعلق في رقبة الحمار من خفه ومن سرعته، راح عقب الاعدادي يبي العسكرية وجلس يتشكى للجنة القبول، قالوا له بما أنك يتيم بنراعيك وبندخلك على رئيس اللجنة وهو عاد من قبيلتك يقبلك يرفضك بكيفكم يا ال فلان؟

يقول دخلوني ع الرئيس قلت له موضوعي واني ابغي اتوظف ومعي بطاقة وشهادة اعدادي بس اللجنة ما قبلوا؟
قاله الرئيس : صحيح لان طولك مب مناسب وبعدين انت صغير في سنك! روح كما دراستك وابشر عقبها!
يقول : قلت له انا مب مال دراسة ، واهلي مرسليني اتوظف؟
قال ما اصدقك،، انت لازم ترجع لين يصير طولك مناسب؟
رجعت اقول له: دراسة مب دارس و وشتبغيني اسوي في هذيج الديرة؟
قال : ما علي منك ان شاء الله تجلس تطارد الحمير

يقول ونا اضحك وهو يستغرب وينشد ليش تضحك .. يقول استاذنت وطلعت من عنده وسبحان الله جات على العوق .. ما يدري أني مطارد حمير محترف .

بعض المهن تحتاج ناس هشكل

يا اخوي هذي اللجان ما يعرفون وشي امكانيات الشخص البدنية يركزون على الطول مع إن بعض القصار فيهم سرعة وقوة وقدرة أكبر على التحمل .. مشكلتهم يختارون بناءً على قرار مسبق

لي ولد عم خلص الاعدادي والتحق بالجيش وكان هو المعيل لهله .. ما شاء الله عليه شهاداته العسكرية تعتبر ماجستير ونقاشه طيب وادارته من أفضل ما يكون وتدرج في الرتب والمناصب حتى وصل رتبة لواء ركن وتقاعد

عاد انا متكبر عليه وناقشته مرة في سالفة قلت غلطتي اناقش خريج ثالث اعدادي وانا بكالوريوس .. انصدم شلون عرفت السر بس هو حبوب وراعي غشمرة .. بعدين كتب لي كتاب بخط يده ويكتب باليسار وخطه ما شاء الله مسكت

الله يذكره بالخير وتوفق وهو يتيم وأكبر إخوانه وحصل فرصة لإثبات وجوده بقوة

[سالم الزهران]

زمان ، شرى لنا الوالد سياكل.. تمت مخشوشه في البيت شهرين ونحن ما ندري عنها، خاشتها الوالده عنا ؟ لليوم مدري ليش و اعتقد احد قالها ان العيال يطيحون ويتكسرون او شيء من هذا القبيل.

الغريب في شراء الوالد للسياكل رغم انه يكرهها والاغرب تصرف الوالده.. اكثر شيء اتذكره هو كثر السكينة والطمأنينة اللي كانت بالبيوت، لو طاح علبة جبريت في المطبخ نسمع صوته في اخر البيت. كان الصباح يبدأ بسماع صوت المخمة في الليوان ومن جدام ابواب الغرف مع اختلاف البيوت في منطقتنا عن البيوت الخليجية التقليدية لكن البهو اللي وسط البيت كان موجود في بعض البيوت عندنا.

صوت الراديو والاشغال اللي كانت تنشغل فيها المرأة فعلاً كانوا مالين وقتهم ولا عندهم فراغ،، تبطل دولابها او شنطتها وتطلع قماش تجلس تخيط فيه شهر لين تسوي منه نفنوف ولا لباس.

الله يذكر زمان الراحة ويذكر أهله بالخير ويجزاهم خير ويجعل لمن سبق منهم الجنة بلا حساب

[كلاسيك قطر]

من فتره جاني ولد خالتي يسالني

يقولي اتخبر كيوتل مسوين جهاز ويغنون على الجهاز

يلي يقول فيها قطر قطر كيبل فيجن

قلتله ذكرتني فيه الاغنيه
وبس ومن يومها ادور الاغنيه هاذي
وماحصلتها
مادري اذا حصلتوها في مكان بس ماعليكم امر تحطونها اهني او ترسلولي ع الخاص

[سالم الزهران]

يمكن الاخوان يفيدونك يا كلاسيك .. و شكلك هاوي تراثيات مثل الكثيرين من جيل الثمانينيات.. وفقك الله ،

[سالم الزهران]

من الذكريات في آخر الابتدائي كنا نجيب فطور معنا وكل يوم على واحد .. ونروح في الفسحة ورى شجرة في حوش المدرسة ونتريق، كان الافطار مميز لانا نجيبه من برع ويوم عن يوم يختلف.. المهم شافنا واحد من الطلاب ومب أي واحد، ابوه وكيل المدرسة وخفنا يعلم .. قام واحد من الشلة قاله بكره تفطر معنا و الولد ما صدق لان نحن نعتبر كبارية المدرسة.. فواثقين محد يعلم من بقية الطلاب بس هذا خاف منه رفيجنا وقام عزمه!
بالنسبة لي ما عجبتني الفكرة كلش ، لاني ما احبه ولا احب ابوه و فوقها الولد بيستقعد لنا، لا وكان أمتن واحد في المدرسة :/

الحاصل ان الرفاقه يحاولون يصغرون السالفة ونا شايفه بتفشل مدري ليش!

اليوم الثاني سبحان الله كان الفطور علي، جبت لهم حسب طلبهم نواشف جبن وطرشي وتونه وزيتون وقشطة ومن هالمعلبات! وحضر الضيف الثقيل ! و يوم استوت السفرة و جينا نسمي الا يطلع لنا الضيف بطلعه غريبه؟

يقول (وين العسل ؟ جايبين قشطة بدون عسل ) :(

اطالع للزملاء ويطالعون فيني بخجل ونا اقول له؟ يا الاخو ما نقدر نجيب عسل لانه ما ينقط مثل هذي و تعرف شغلة! ونا من داخلي ودي ادفره و ابرد حرتي..

سبحان الله ابو نقلوه تأديبي من مدرستنا وخذ ولده معاه و الله فكنا و يحق لنا نتصدق ،، وسقى الله أيام المدارس وشقاوتها.

[سالم الزهران]

من الذكريات المدرسية بعد، ومب متأكد اذا سبق وذكرتها أو لا ؟ في الإذاعة المدرسية فقرات منها (الحديث الشريف)! واغلبنا حافظ بعض الأحاديث فإذا نسي واحد من الصف اللي عليه الإذاعة نكتب له حديث بسرعة ؟

السالفة الغلط اللي كنت اسويها شخصياً كنت اكتب لاحدهم حديث او للصف حقنا و اكتب معه التخريج من راسي جذي !

(المؤمن القوي خير وأحب الى الله من المؤمن الضعيف)

رواه مسلم / رواه الترمذي ... اي شيء .. المهم انه رواه و السلام عليكم ورحمة الله وبركاته! ههه

[سالم الزهران]

كان عندنا مدرس مصري دبدوب و اسمراني و الساعة غاتبة في يده من المتن.. يوم من الأيام قابلته صدفه يشتري زغاليل (فروخ الحمام) ويكاسر اللي يبيعون و يبغي الزغاليل بس بدون الحمام الكبار!

سألت واحد ليش يشتري بس الزغاليل؟ تفاجأت يوم قال لي (هذيلا المصريين ياكلون الزغاليل ويسوون عليها طبخات)!
والله انا زاد عجبي واستغرابي ،، الحين الاستاذ احمد هذا كم يبي له زغلول عشان يشبع؟ مررره مب داشه في راسي؟

المهم يوم علمت الطلاب، بين مصدق و مجذب لين تشجع واحد منهم وسأل الاستاذ أحمد عليوه ، قال له يا استاذ انتم تاكلون الزغاليل؟
قال له : آه ياض ... انت عندك زغاليل ياض .. متقولش ليه .. كم عندك زغاليل ؟

قمنا نضحك و الاستاذ مستغرب ، لانه بصراحة يقدر ياكل قعود ههههه

الله يرحمه حي ولا ميت و يجزاه عنا خير .. نعم الاستاذ كان.

[sara jsm]

من الذكريات المدرسية بعد، ومب متأكد اذا سبق وذكرتها أو لا ؟ في الإذاعة المدرسية فقرات منها (الحديث الشريف)! واغلبنا حافظ بعض الأحاديث فإذا نسي واحد من الصف اللي عليه الإذاعة نكتب له حديث بسرعة ؟

السالفة الغلط اللي كنت اسويها شخصياً كنت اكتب لاحدهم حديث او للصف حقنا و اكتب معه التخريج من راسي جذي !

(المؤمن القوي خير وأحب الى الله من المؤمن الضعيف)

رواه مسلم / رواه الترمذي ... اي شيء .. المهم انه رواه و السلام عليكم ورحمة الله وبركاته! ههه

:taunt::taunt::taunt::taunt:

[كلاسيك قطر]

يمكن الاخوان يفيدونك يا كلاسيك .. و شكلك هاوي تراثيات مثل الكثيرين من جيل الثمانينيات.. وفقك الله ،

اي والله طال عمرك
واتمنى احد يرد علينا

[سالم الزهران]

أحد الزملاء كان مدخن شره و حصله مشوار مع ناس الى اصدقاء لهم في قبيلة مجاورة لنا، يقول الزميل راعي السالفة:

وصلنا لخوينا عند آل فلان و قلطنا المجلس و تقهوينا و جانا الشاي و بديت اقلب مخباي وادور على الباكيت ولكن لاحظت المجلس ما فيه طفاية سجاير.. قلت له الله لا يهينك ابغي ادخن وما اشوف عندكم طفاية.. فال لي راعي البيت.. الله يحفظك حنا ما ندخن في مجالسنا طول ويعتبر عندنا منقود و اذا بتدخن عز الله انك أول واحد يدخن بمجلسي واظني بستوي الاول في الجماعة اللي مجلسه فيه دخان.

يقول استغربت لكن بحكم الميانة قلت والله انا بدخن والله يعينك تعرفني من سنين أنا مبتلي ولا اقعد ولا اقوم الا بسجارة!

رد عليه راع البيت: قال والله ما في بيتنا طفاية و لكن اصبر نطرش احد يروح البقالة يجيب لنا وحدة بسكات. يقول الرجل استحيت يوم عرفت السالفة صدق و قلت له حاشا .. ولاني مدخن نهائياً.. حتى لو الطفاية جدامي...

يقول الزميل، توسعنا في موضوع التدخين مع الربع وجلس راعي البيت يتكلم عن دور العادة ذي في تقليل عدد المدخنين في جماعتهم،، لان مجالسهم صار لها اعتبار اثر في نفوس الناس لين فعلاً اشعرهم بخبث هذا الشيء .

الزميل (المدخن) يقول: الباكيت اللي شريته والله ما فتحته وكان آخر باكيت شريته لاني فعلاً عزمت اني اترك الدخان .. والله وفقني بعد هذاك المشوار.

[كلاسيك قطر]

عندي سوال شباب وين كانت أول الإشارة الضوئية في قطر؟

[رحال]

عندي سوال شباب وين كانت أول الإشارة الضوئية في قطر؟

أول اشارة ضوئية في حي الجسرة مقابل بيت الشيخ سحيم - رحمة الله عليه - بإتجاه شارع الريان

[كلاسيك قطر]

لاهنت يالغالي

[سالم الزهران]

اظن السالفة ذي حصلت معي عام 85، كنت باقي مادخلت مدرسة، وكانت مدرسة البنات عندهم مجلس أمهات.. والوالدة من ضمن المدعوات بحكم خواتي الكبار اللي يدرسون ذيج الأيام.

قالت لي الوالدة، سر معي لين مدرسة البنات عشان احضر مجلس الأمهات،، رحت معها وكانت المدرسة تبعد كيلو تقريباََ أقل مب أكثر.

وديتها.. ويوم ابطت علي الوالدة وحسب وصيتها لي.. اني ارجع البيت وهي بترجع مع الحريم اللي يسيرون لين البيوت القريبة منا.

السالفة بدت يوم انا راجع أمشي.. كان العم سعد يرجع بنات لبيوتهم بحكم انهم ساكنين في مناطق بعيدة وسمحت لهم المديرة انهم يرجعون.. واكيد العم سعد ألح على المديرة عشان يرجع البنات ويفتك من مسؤوليتهم لأنه هو اللي ينقلهم.

العم سعد شافني و وقف لي قال أركب أوديك على طريقي! استغربت منه: وين اركب والجيب متروس بنات؟

قلت له.. قال اركب آخر الجيب ما فيه أحد ويالله.. فتحت الباب وركبت.. وفعلاََ كان معه في المرتبة اللي حذاه بنات صغيرات والمرتبة اللي وراهم فيها بنات كبار يمكن بآخر ابتدائي.

حرك العم سعد و شوي الا بنات المرتبة الوسطانية ثنتين منهم يتساسرون ويلتفتون لي؟

أنتبهت الا وحدة تقول : انت ما تستحي تركب مع البنات؟ وكنها رشت علي فليت؛ أفا يالعلم.. كله من هالشيبه.. وضحكت بعد وحدة ثانية عشان تكمل الناقص.

نزلت عند المفرق حق بيتنا.. ورحت أسحب رجولي.. شخلاني اركب معهم..عقب مدة سجلت اولى ابتدائي وسجل معي بالصدفة أخوهم محمد،، و كنا نسميه المشط لأن أسنانه بارزه جنها مشط.. انا نسيت السالفة.. ويوم استوينا نعرف طلاب الفصل فاجأني المشط بالسالفة.. يقول انت صحيح ركبت في نقلية البنات؟ قلت : حشا.. من قال لك.

قال خواتي.. يقولون رفيجك هذا بالصف اللي تسولف لنا عنه يا محمد ركب معنا..

قلت : جذب.. يمكن واحد غيري؟

قال لي: يخوي يقولون انهم نزلوك عند المفرق اللي هناك حق بيوتكم انتم.. ياخي اكيد انت..

قلت له طيب: انت سنونك ليش جذي.. فاااارج

الله يعفي عنهم.. وللحقيقة ذكرى محرجة جداََ.. والعم سعد اليوم أكبر واحد في الجماعة والله يحسن له الختام ولجميع المسلمين.

[معماري قطري]

اظن السالفة ذي حصلت معي عام 85، كنت باقي مادخلت مدرسة، وكانت مدرسة البنات عندهم مجلس أمهات.. والوالدة من ضمن المدعوات بحكم خواتي الكبار اللي يدرسون ذيج الأيام.

قالت لي الوالدة، سر معي لين مدرسة البنات عشان احضر مجلس الأمهات،، رحت معها وكانت المدرسة تبعد كيلو تقريباََ أقل مب أكثر.

وديتها.. ويوم ابطت علي الوالدة وحسب وصيتها لي.. اني ارجع البيت وهي بترجع مع الحريم اللي يسيرون لين البيوت القريبة منا.

السالفة بدت يوم انا راجع أمشي.. كان العم سعد يرجع بنات لبيوتهم بحكم انهم ساكنين في مناطق بعيدة وسمحت لهم المديرة انهم يرجعون.. واكيد العم سعد ألح على المديرة عشان يرجع البنات ويفتك من مسؤوليتهم لأنه هو اللي ينقلهم.

العم سعد شافني و وقف لي قال أركب أوديك على طريقي! استغربت منه: وين اركب والجيب متروس بنات؟

قلت له.. قال اركب آخر الجيب ما فيه أحد ويالله.. فتحت الباب وركبت.. وفعلاََ كان معه في المرتبة اللي حذاه بنات صغيرات والمرتبة اللي وراهم فيها بنات كبار يمكن بآخر ابتدائي.

حرك العم سعد و شوي الا بنات المرتبة الوسطانية ثنتين منهم يتساسرون ويلتفتون لي؟

أنتبهت الا وحدة تقول : انت ما تستحي تركب مع البنات؟ وكنها رشت علي فليت؛ أفا يالعلم.. كله من هالشيبه.. وضحكت بعد وحدة ثانية عشان تكمل الناقص.

نزلت عند المفرق حق بيتنا.. ورحت أسحب رجولي.. شخلاني اركب معهم..عقب مدة سجلت اولى ابتدائي وسجل معي بالصدفة أخوهم محمد،، و كنا نسميه المشط لأن أسنانه بارزه جنها مشط.. انا نسيت السالفة.. ويوم استوينا نعرف طلاب الفصل فاجأني المشط بالسالفة.. يقول انت صحيح ركبت في نقلية البنات؟ قلت : حشا.. من قال لك.

قال خواتي.. يقولون رفيجك هذا بالصف اللي تسولف لنا عنه يا محمد ركب معنا..

قلت : جذب.. يمكن واحد غيري؟

قال لي: يخوي يقولون انهم نزلوك عند المفرق اللي هناك حق بيوتكم انتم.. ياخي اكيد انت..

قلت له طيب: انت سنونك ليش جذي.. فاااارج

الله يعفي عنهم.. وللحقيقة ذكرى محرجة جداََ.. والعم سعد اليوم أكبر واحد في الجماعة والله يحسن له الختام ولجميع المسلمين.

ذكرني رفيجك بعليان

انا قصتي مقاربة .. كانوا جيرانا من أهل دخان أصلاً ومن الناس اللي سكنوا معانا الفريج في بدايات الستينات ووقتها السيارات نادرة .. دخلوني وعمري 5 سنين أو يمكن أقل مدرسة في عين خالد جنبنا حول 3 كيلو وكنت أوقات الوالد الله يغفر له يوصلني وأوقات جدي الله يرحمه يمسك يدي ويمشي بي لين حد مار يوصلني ويوصله

كنت الحفيد الأول لجدي ولي محبة كبيرة في قلبه الله يجمعني معاه يوم القيامة في عليين .. المهم المدارس كانوا جنب بعض للبنات وللأولاد وبنات جيرانا اخوهم يوصلهم ويوصلني معاهم .. أغلبهم أكبر مني ومبلتعات .. بدويات وطايحين فيني ألقاب سموني لقب مب معلمكم به بس لقب مستحق لأني كنت كسول ولا احب المدرسة واطلع متأخر أأخرهم

[سالم الزهران]

الله يرحم جدك ويغفر له، ولساير أموات المسلمين، الجد له مكانه خاصة.. عزالله ما انعقد مجلسنا الا يطري جدي رحمه الله ورحم والديكم أجمعين.

[سالم الزهران]

مساء الخير والعافية والستر للجميع

في كتاب المطالعة حق الصف الأول ابتدائي بالثمانينيات كان في الكتاب صور لبعض النشاطات اليومية.. يحطون صورة شيبه في زرع و واحد قاعد بدكان.. وحاطين مقابل صورة المزارع.. صورة رجل معاه بندقية..

عاد نحن من يوم استلمنا الكتاب وقبل لا نبدي ندرسه.. كنا نتفرج فيه في البيت.. ويسألونا الشيبان رحمهم الله وس خذيت وش اعطوك.. الخ.

المهم قمت انشدهم عن الصورة اللي بالكتاب.. هذا مزارع وهذاك راعي دكان بس ابو البندقية راح عن بالي انه صياد.. ويوم سألت قالوا لي الشيبان هذا بيذبح المزارع..

المهم علمت الزملاء وصرنا ننشد الاستاذ متى تقول لنا يا استاذ عن هذا راعي البندقية ليه يبي يذبح الفلاح المسكين!

فكان المدرس يتعجب.. يقول انتم من قال لكم كذا.. هههه

[معماري قطري]

الشياب يضحكون يختصرون السالفة

[معماري قطري]

الله يرحم جدك ويغفر له، ولساير أموات المسلمين، الجد له مكانه خاصة.. عزالله ما انعقد مجلسنا الا يطري جدي رحمه الله ورحم والديكم أجمعين.

آمين والله يرحم والديك

كان طيب وايد وكان عند بيته زرع صغير وبيته في آخر شمال الفريج ما وراه الا بر من كل الجهات .. فيه دجة أو دكة يقال إنه عزم فيها حاكم قطر الشيخ علي رحمة الله عليه .. إنهدمت حتى يوصلون شارع وتغيرت المنطقة .. الوالد الله يرحمه يقول اني قابلت الشيخ علي وانا صغير اعتقد وقت العزيمة ذي بس ما اذكر الموضوع كلش .. كانت العادة عندنا دجة للقعدات وقت الجو زين ومجلس صغير بليوان .. المجلس انهدم من فترة بسيطة وفيه خشب مربع كبار اعتقد الوالد خذهم للزرع .. صج ذكريات حلوة ذاك الوقت كنا نلعب احنا وعمي اللي كبري تقريباً وعمي الصغير كان نتفة وقتها ألحين ولده الكبير بيتزوج .. لين طلع جدي للمسجد يمشي صفينا ورا بعض نسلم عليه وبعد السلام لازم مدة اليد حتى يعطينا المقسوم والمقسوم أوقات ريال بيننا كلنا للدكان حق بيبسي وأوقات يزيدها ريالين أو ريال ونص .. وأوقات لين شافنا من بعيد عرف السالفة خذ شوية حصى صغار ولين فتحنا يدنا حط لنا حصاة لكل واحد وهو يشوف خيبتنا ويضحك

[سالم الزهران]

من ذكريات الدراسة

في الاعدادي كان معنا طالب ما يحب الدراسة ولا يتسلى في المدرسة ولا ندري شنو جوه رغم انه خارج المدرسة طبيعي جداََ وبشوش. المهم زميلنا ما يحب الاستاذ يسأله عن شيء. لكن المعلمين يحاولون يدخلونه في جو الدرس ويطلعون منه بمشاركة عشان يعرفون وين عقله.

الغريب كلما يسأله المعلم عن شيء يجاوب بلا اعرف، او نسيت.. لكن هذا الطالب ما يخلي المعلم يروح.. يرد يسأله سؤال غالباََ يكون سياسي أو له علاقه بنظام المدرسة او شيء مثير للجدل. المهم المعلمين صاروا ما يبون منه جواب كله عشان يفتكون من اسئلته.

كان عندنا معلم سوداني فاضل يدرس المواد الدينية اسمه علي.. المهم الاستاذ علي حب أنه يحفز الطالب على المشاركة وكان الاستاذ علي بحكم سنه واقدميته يعاتب المعلمين الباقين لانه يشوفهم ساعدوا في عزلة هذا الطالب. المهم الاستاذ علي مصر كونه يدرس مواد الدين يشرك زميلنا في الدروس الدينية النافعة.. فهذاك اليوم الاستاذ علي اشتغل على زميلنا بالاسئلة ولاحظنا كلنا أنه مستقصده.. وحار عليه في نفس الوقت.. (يا ابني لازم تنتبه.. اي سؤال في دينك لازم تكون عارفه.. الخ).

المهم الطالب قال يا استاذ علي عندي آية في القرآن مب فاهمها وأبيك تشرح لي معناها.. انبسط الاستاذ علي وقال له هات الآية.

قال له الطالب (إن الملوك اذا دخلوا قريةََ افسدوها)؟ كيف يعني أفسدوها؟

الاستاذ تقلبت عيونه و قال يا ولدي القرآن كله فاهموا بس الآية دي ما فاهمها؟ أنا زاتي ما فاهمها.

هههه ورجع الاستاذ علي مع بقية المعلمين وفضل انه يفتك من الطالب لا يسأله ولا يسمع منه..

[سالم الزهران]

صباح الخير

يوم كانت المدرسة مدرسة والتعليم تربية، كان الاستاذ أحمد عليوه يردد عبارة (مفيش مشاكل، المهم الأخلاق).
الاستاذ أحمد من أوائل من فاز بالجائزة التي تقدمها مجلة (العربي) أيامها عندما كان طالباََ بمحافظة المنيا بصعيد مصر. وهو ممن يعطي المادة حقها ويعطي التلميذ حقه التربوي قبل التعليمي.
كانت المدارس مؤسسات حرة ليس لديها الكثير من القوانيين (فقط خطة تعليمية ومنهج دراسي وقوانين سلوكية صارمة).
الاساتذة أحرار محترمون.. فمن الطبيعي أن تزور المدرسة وتجد الاستاذ صدفة يوبخ أبنك في الفصل (ولا تتدخل) ولا (يهابك الأستاذ لأنه يعرف جيداََ ما يفعل).. المحصلة بيريحك من شقاوة وإهمال هذا الإبن!
رحم الله أياماََ كانت المدارس ذات قيمة ومعنى وليست مثل حالها اليوم حفلات وانشطة ومعلومات تشبه تلك التي تأخذها من برنامج مسابقات (من كل بحر قطرة).
الشكر والتقدير والامتنان لكل من علمنا وأشرف على تعليمنا من الاساتذة المواطنين ومن شركائهم في النهضة التعليمية من اساتذتنا العرب.. وشكراََ لك أيتها الخيزرانه فكم كنا نأخذ عشر عصي في يد وحدة لاثبات الجرأة أمام الباقين.

وشكراََ

[سالم الزهران]

السلام عليكم
في الماضي، كانوا الحريم بالبيت يخافون أكثر شيء من الجدات وبعدهم من الشيبان ويمكن الأخير كان الزوج في المنظومة الإدارية هذي.

اتذكر حتى الجدات كانوا مب مثل اليوم حبيسات الغرف، كانوا نشيطات ولا اذكر ان وحده فيهم استعملت عكاز.

يوم من الأيام كان زواج أحد اعمامي من داخل الأسرة، وجاء اخوه غير الشقيق من عمل بعيد اظن الأردن أو (ناسي لكن برنامج طويل). فيبدوا أن العم ناصر جاي وبنيته يعرس مع أخوه ويبي أحد يفاتحه أو يشجعه لأنه مب مستحمل الغربة لحاله. فالعم ناصر حياوي لكن وهو يسلم على عمته (إحدى الجدات) قالت له: ليه ما تزوجت مع اخوك؟ قال: ودي لكن ما ودي اشغلهم ونا وقتي ضيق واخاف يلحقني ملام؟ قالت له: لي جا الشايب بعلمه.
فعلاََ علمت الجد (رحمهم الله) وقام قال: يبشر لكن نكلم اخوه راعي الزواج لأن أخوه اكبر ولا نبغي نشرك معه حد بدون علمه.

كلموا العم الكبير.. قال أبداََ زادت فرحتنا و هذا اخوي غير الشقيق ويطلب ويتمنى.

المشكلة أن العروس مب موجودة؟

مافيه شاغر (كل بنيه جبيرة محجوزة).

المهم الجدة تذكرت وحدة من خارج القبيلة بس مسيكينة وعايشة في منطقتنا.. معها بنية طيبه وشاطره.

كلمت العم ناصر و وافق.. وكلم الجد ورجع جلس مع ناصر وقعد يفهم منه ويعلمه هذيلا اهلها من بعيد وانت بتروح بها معك وانت جيتنا مستعجل وهم قصرانا وبكره يمكن تغير رأيك.. وترى اللي اسير في خطبتها ما تطلع من البيت.. الخ
(كانوا يحملون هم اليتيم والمسكين ويخافون من الظلم).

المهم العم ناصر أعرس مع أخوه.. ولكن نعود لموضوع الجدة القوية.. (قالت لهم.. لي سافرت يا ناصر تغير اسم فلانه عروسك اسمها مب عاجبني وخلها تختار لها اسم زين وان ودكم سميتها انا.....).

عقب مدة تغير اسم العروس وتوفي عنها العم وهي باقية معه وعندهم عيال..

أم العروس كانت تذكر الفضل للجدة وتدعي لها.. وكلهم ماتوا العجايز.. واللي كان شباب اليوم صار كبير..
ومن ضمن الاغاني مال طق الحريم.. ان امها تقول..

فلانه جنك ذهب والصيرفي يصرفه
واليوم جيتي بناصر كنت ما نعرفه

(فلانه تقصد الجدة).

[معماري قطري]

من ذكرياتي أذكر أُم جدي كانت عايشة وفي بيت جدي ما كانت تقدر تمشي .. أذكرها للحين قاعدة على زولية متربعة في الليوان .. بيت جدي الله يرحمه النظام السهل المفتوح شكل حرف الإل مجابل جنوب وشرق وفيه شوي بعد شمال بس مفتوح على الشرق فيه سناطوين ( أعمدة ) دائرية في الليوان ومن فوق تتحول مربعة .. ذكريات قعدة الحوش وقت الليل والقمر والنجوم وعمامي يدلعونا ويضحكون معانا .. عندي 3 كبار واحد اخوي ابوي الله يرحمه ويرحم ابوي من أُمه وابوه والثانيين شوي أصغر 2 كبار واثنين صغار كبرنا يلعبون معانا

ذكريات حلوة .. كنا نشوف البيوت كبار وايد وكانت كبار لدرجة معينة بس من صغرنا نحس انها أكبر من حقيقتها .. وكنا نراكض في السكيك حفي أكيد شمس حر ما يهم صيف شتاء كله عادي وفي الغالب ثوب أبيض

وصحيح إخوي سالم كان البيت مملكة المرة وهي قايمة به وتربي وتضرب وجدي الله يغفر له أما نشوفه رايح المسيد وبعده يقعدون قعدة طويلة مع بعض وصدفة نقعد ألحين في نفس المجلس .. مجلس ذكريات كم جيل فيه أجزاء ما تغيرت على مر الزمان وباحط صور له ان شاء الله في موضوع صور وذكريات بالصدفة صورت من أيام السقف وكان جسر متكسر من الجزء القديم كلش

[سالم الزهران]

الله يرحمهم جميعاََ يبو عبدالله.. أكبر الجدات ما جاء لها عيال وكان الجميع ينادونها يمه.. كلهم رجال وحريم، عيال رفايجها وزوجاتهم ما يقولون غير أمي فلانه!

الحين يوم اتذكر وين الدورات اللي خذوها وين الدراسات والبرامج التوعوية.. كلها جلسة جدام امك او ابوك ويتمتم لك بكلمتين (يوصيك) وجنه يحفر بالليزر في ذهنك.. خلاص ما يبي لها تكرار.

وحده من العجايز اتذكرها كانت تطق البنات اللي شعرهم مب ملفوف تحت المنديل او الطرحه.. تخصصها طق بنات واكثر شيء لو شافت نسلة شعر مبينه.. الله يرحمهم

[سالم الزهران]

سنة 2009 جاني اتصال اتوجه للوزارة.. كان معي واحد مشكلته تختلف عن مشكلتي ورتبته اعلى مني.. المهم رفيجي طلع من نصيبة نيابه وسجن شهرين. انا خلصت منهم لجنة الفلس وكانوا مستغربين اني اعلمهم واعترف بالامور اللي سويتها.. قالوا رح وانتظر بالاستراحة حتى يصدر قرار اللجنة (شغلهم سريع).. زهم علي رجل اول مرة اقابلة وقال لي : تم فصلك من العمل و تعاوناََ معك خلينا لك خيار العودة للعمل عقب مرور سنة.

الصحيح استغربت وحمدت الله.. رحت من عندهم ولازالت حقوقي المالية ما اخذت منها ريال.

كان القرار غير متوقع.. فلملمت اللي عندي واشتريت سيارة نقل وشغلتها و مع مرور الزمن مشى حالها.
رديت عقب 5 سنين اشتغلت وظيفة ازين من الاولى ولازال البزنس الصغير يوفر لي مبلغ زوين من فضل الله.. وكلما اتذكر التفنيشة احمد الله عليها لانها دلتني على رزق لدرجة اني نسيت حقوق الخدمة الاولى والى هذه الساعة اشوف انها ما تسوى المراجعة فيها لكن مع التقاعد ان شاء الله ناخذهم كلهم ان كان لنا فيها نصيب.. والله يعلم ما اعتزيت ولا اتكلت على بشر.. الله يرضينا بما قسم لنا و يرزقنا القناعة والعافية فهما رأس المال.

[معماري قطري]

سنة 2009 جاني اتصال اتوجه للوزارة.. كان معي واحد مشكلته تختلف عن مشكلتي ورتبته اعلى مني.. المهم رفيجي طلع من نصيبة نيابه وسجن شهرين. انا خلصت منهم لجنة الفلس وكانوا مستغربين اني اعلمهم واعترف بالامور اللي سويتها.. قالوا رح وانتظر بالاستراحة حتى يصدر قرار اللجنة (شغلهم سريع).. زهم علي رجل اول مرة اقابلة وقال لي : تم فصلك من العمل و تعاوناََ معك خلينا لك خيار العودة للعمل عقب مرور سنة.

الصحيح استغربت وحمدت الله.. رحت من عندهم ولازالت حقوقي المالية ما اخذت منها ريال.

كان القرار غير متوقع.. فلملمت اللي عندي واشتريت سيارة نقل وشغلتها و مع مرور الزمن مشى حالها.
رديت عقب 5 سنين اشتغلت وظيفة ازين من الاولى ولازال البزنس الصغير يوفر لي مبلغ زوين من فضل الله.. وكلما اتذكر التفنيشة احمد الله عليها لانها دلتني على رزق لدرجة اني نسيت حقوق الخدمة الاولى والى هذه الساعة اشوف انها ما تسوى المراجعة فيها لكن مع التقاعد ان شاء الله ناخذهم كلهم ان كان لنا فيها نصيب.. والله يعلم ما اعتزيت ولا اتكلت على بشر.. الله يرضينا بما قسم لنا و يرزقنا القناعة والعافية فهما رأس المال.

رحمة الله وتوفيقه أهم من منة البشر

[سالم الزهران]

من بعيد بتعيش معاي في خيالي وفي شعوري وفي دماي
..
من سوالف الطفولة.. ولا تواخذون الياهل، كنت مسافر مع خالي الصغير وهو من مواليد 68 اعتقد، المهم هذيك المرة ركبنا مع بعض اقاربنا طيارة و جاء المقعد حقي أول شيء وجدامي المضيفة مقابلتني بكرسيها.. المضيفة من هل المغرب واذكر اسمها كان غيثاء او كما ينطقونه المغاربة الثاء/تاء.

الخال وبقية الربع حاطيني تحت المجهر ونا ما ادري، وفعلاََ جات المضيفة وقعدت وتربطت عدل ونا فيس تو فيس.. كأنها عرفت ان هالمسافر اول مرة يركب طيارة أو انه ريفي بسيط يمكن ما قد شاف أوادم.

خلصت الرحلة و هبطنا وخذينا سيارتنا واذكرها كابريس موديل 87 كانت شبة جديدة ذيك الأيام، وحنا رايحين الديرة.. جاني السؤال الملغوم من واحد من الرفقه، كان يقول لنا: الا المضيفات هذيلا ما قدرت احفظ اشكالهم ولا عندهم ملامح كنهم صور؟
قالوا له الربع صحيح كلامك!
قلت لهم: شتقولون انتم؟ لا والله بالعكس هذيك اللي جلست جدامي ابد جنها جالسه على البونيت الحين..

وشوي يقوم الخال يضحك ويضحكون كلهم.. عرفت اني كنت مستهدف ويا غافل لك الله.

[sara jsm]

هههههههههههه وانا اقول ليش تتكلم بلبل مثلهم ..
جان زين كانت هنديه ام نقطه حمره :eek2:

[سالم الزهران]

ما يكفي هذرتي بالعربي تبغين اصير هندي واقرقر بعد.. :p

[سالم الزهران]

أذكر مرة في سفرة فتشو العفش وكان عندي عقال اسبير وآلة حاسبة، الموظف شايف معي عقال و بعد حاط عقال اسبير تمشي، لكن الة حاسبة وفي سفر! :thumbup1:

[سالم الزهران]

مرة في يوم اتهمني العم علي صاحب الدكان الوحيد بالقرية اني سرقت من دكانه.. والله ما حصل ولا أروح صوب الدكان بلاساس الا نادر ، بس مدري وشلون طلعت مع الشيبه يتهمني! حتى ان البعض دافعوا عني من الشيبان، بس يمكن العم علي صابته دعوه؟ ظلت التهمة بقلبي وفي يوم من الأيام مريت بجنب دكانه واجوف الدريشة مبطلة و كان قاعد عند الدكان اثنين شباب حصلت وراهم زقارة مرمية كانو يدخنون.. خذيت الزقارة بجمرتها وقطيتها في الدكان من الدريشة ولا على بالي بيصير شيء والدكان كل ابوه صبيه. ورفوف حديد و السلام... بس حبيت أضر بأي شيء

لكن من سوء حظ العم علي أن الزقارة طاحت في كرتون متروس شباشب اللي يسمونها زنوبه.. يجي لها سير من فوق ازرق واخضر بس اللونين ذي.

اللي حصل الكرتون احترق مدري الزقارة جات على طرف الكرتون ولا جات بوسط زنوبه واحترقت واحرقت معاها الكرتون.. ولا خسر العم علي غير كرتون شباشب.

يوم سمعت بالسالفة ابتهجت
المهم في الموضوع أن العم علي صار يحرص على دريشة الدكان ويقفلها .. والاهم ان صار حريق في مزرعتنا يوم العيد او ثاني العيد.. و الله سبحانه على كل شيء قدير.. والله يعفي عن الجميع.

[sara jsm]

هههههههههههه لاحول ولاقوة الا بالله

[سالم الزهران]

طيب الله أوقاتكم وغفر ذنوبكم

في يوم من الأيام كان موعد الذهاب للسوق للتبضع، فقال الجد رحمه الله، سألوا جدتكم اذا تبغي شيء.

قالت الجده، خذ لنا من كل شيء تحصله.

قال الشيبه: عيل نجيب هنود!

المقصد هو أن التحديد في الأجابةمطلوب
ولا تلعب مع الشيبان فتخسر

اسأل الله أن يغفر لأموات المسلمين أجمعين

[بوNasser]

طيب الله أوقاتكم وغفر ذنوبكم

في يوم من الأيام كان موعد الذهاب للسوق للتبضع، فقال الجد رحمه الله، سألوا جدتكم اذا تبغي شيء.

قالت الجده، خذ لنا من كل شيء تحصله.

قال الشيبه: عيل نجيب هنود!

المقصد هو أن التحديد في الأجابةمطلوب
ولا تلعب مع الشيبان فتخسر

اسأل الله أن يغفر لأموات المسلمين أجمعين

يازين سوالفك.... سوالف شيبان الله يعطينا ويعطيهم ويعطيكم طولة العمر ويختم بالصالحات اعمالنا واعمالهم واعمالكم. (دعوى طولتها ولو اختصرت كان اعم واشمل)

واصل بارك الله فيك، وتقبل الله منا ومنكم صالح الاعمال.

[معماري قطري]

يازين سوالفك.... سوالف شيبان الله يعطينا ويعطيهم ويعطيكم طولة العمر ويختم بالصالحات اعمالنا واعمالهم واعمالكم. (دعوى طولتها ولو اختصرت كان اعم واشمل)

واصل بارك الله فيك، وتقبل الله منا ومنكم صالح الاعمال.

السلام عليكم ورحمة الله وبركاته

كل عام وانت بخير والجميع بخير

أكيد سوالف الشياب تضحك وانا عندي الكثير منها ممكن لأن دوم نتذكرهم .. مجلسنا في الفريج عمره حول ال 55 عام بدأ صغير وتوسع لكم مبنى فيه وساحة مواقف جدامه .. صورت الجزء القديم من خشب وطابوق واسمنت باحط صوره إن شاء الله .. مرت فيه أجيال والحمد لله دوم تجمعنا المحبة والغشمرة الطيبة من أيام الوالد عبدالعزيز بن خالد رحمه الله وهو يعتبر عم جدي وكان جدي رحمه الله أكبر منه سناً .. لين أيامنا الحالية ونجتمع فيه حتى بعض صغارنا يقعدون معانا

آخر الأيام من فترة كان الوالد رحمه الله أحد رواده وآخر شياب ذاك الجيل معاه أحد الشياب رحمه الله الكبار أكبر منه بحول 10 - 15 سنة بس الوالد كان أقرب واحد له ودوم يقعدون جنب بعض ولهم سوالفهم وكل واحد يسأل عن الثاني .. صحيح البقية يسوون جو لهم بس هم جوهم شوي غير .. عاد ابوي مرة قال للشيبة جملة الكل يتذكرها .. قال له حسن لو قاموا باقي الشياب من قبورهم وشافوك معانا بيقولون انت للحين قاعد هنا حي يعني .. الوالد حسن رحمة الله عليه كان همه الزواج ذاك الوقت والربع يضحكون معاه يقولون له فلان متسبح .. وهذا واحد شعره طويل ويجي شعره مبتل أوقات يمسك شعره ويقول صحيح متسبح وانت كل يوم تتسبح .. تفكيره غير عاد افهموها

[سالم الزهران]

يازين سوالفك.... سوالف شيبان الله يعطينا ويعطيهم ويعطيكم طولة العمر ويختم بالصالحات اعمالنا واعمالهم واعمالكم. (دعوى طولتها ولو اختصرت كان اعم واشمل)

واصل بارك الله فيك، وتقبل الله منا ومنكم صالح الاعمال.

الله يزين حالك اخوي بوناصر ويرحم والديك.. حياك الله وحيا مرورك الطيب

[سالم الزهران]

الله يرحم الوالد و يبارك في عمر والدتك يا اخونا الحبيب معماري..

[معماري قطري]

الله يرحم الوالد و يبارك في عمر والدتك يا اخونا الحبيب معماري..

آمين ووالديك في الجنة إخوي بو زيد

والعيد مبارك على الجميع

[بوNasser]

السلام عليكم ورحمة الله وبركاته

كل عام وانت بخير والجميع بخير

أكيد سوالف الشياب تضحك وانا عندي الكثير منها ممكن لأن دوم نتذكرهم .. مجلسنا في الفريج عمره حول ال 55 عام بدأ صغير وتوسع لكم مبنى فيه وساحة مواقف جدامه .. صورت الجزء القديم من خشب وطابوق واسمنت باحط صوره إن شاء الله .. مرت فيه أجيال والحمد لله دوم تجمعنا المحبة والغشمرة الطيبة من أيام الوالد عبدالعزيز بن خالد رحمه الله وهو يعتبر عم جدي وكان جدي رحمه الله أكبر منه سناً .. لين أيامنا الحالية ونجتمع فيه حتى بعض صغارنا يقعدون معانا

آخر الأيام من فترة كان الوالد رحمه الله أحد رواده وآخر شياب ذاك الجيل معاه أحد الشياب رحمه الله الكبار أكبر منه بحول 10 - 15 سنة بس الوالد كان أقرب واحد له ودوم يقعدون جنب بعض ولهم سوالفهم وكل واحد يسأل عن الثاني .. صحيح البقية يسوون جو لهم بس هم جوهم شوي غير .. عاد ابوي مرة قال للشيبة جملة الكل يتذكرها .. قال له حسن لو قاموا باقي الشياب من قبورهم وشافوك معانا بيقولون انت للحين قاعد هنا حي يعني .. الوالد حسن رحمة الله عليه كان همه الزواج ذاك الوقت والربع يضحكون معاه يقولون له فلان متسبح .. وهذا واحد شعره طويل ويجي شعره مبتل أوقات يمسك شعره ويقول صحيح متسبح وانت كل يوم تتسبح .. تفكيره غير عاد افهموها

عليكم السلام ورحمة الله
وعيد الله عليك مبارك.

الله يرحم من توفى من شيبانّا ويمد في عمر من بقى منهم ويرزقهم الصحة والعافية ويحسن خاتمتهم وخاتمتنا ان شاء الله.

[بوNasser]

الوالد الله يعطيه الصحة مره كان في مجلس ومعاه واحد من ربعه الظاهر معا السكر والامراض خف نظره لين عمى كلش.

عاد يقول للوالد: الله يعوضني خير ولي الجنّة ان شاء الله.

الوالد رد عليه: عبالك الجنّة لعبة بس تعال وادخل؟ لا مب حولك. هذاك اللي انولد اعمى وما شاف شي في الدنيا نعم يستاهل الجنة، اما انت فتّحت وشفت الدنيا لين قلت بس، وسوالفك كلها انعرفها وتبي تدش الجنة!!

تبي الجنة اجتهد وشد حيلك، اما تدش الجنة بس لانك عميت وصبرت انسى.

الريّال انصدم فترة، وعقبها ضحك وقال حق ابوي الحمد لله ان دخول الجنة بيد رب العالمين، مب بيد احد منكم.

[سالم الزهران]

رحمهم الله جميعاََ، بركة المجالس هم هذيلاك الأولين يبو ناصر.. عاد شايبك ينصح رفيجة عشان لا يتكل. :)

[sara jsm]

الوالد الله يعطيه الصحة مره كان في مجلس ومعاه واحد من ربعه الظاهر معا السكر والامراض خف نظره لين عمى كلش.

عاد يقول للوالد: الله يعوضني خير ولي الجنّة ان شاء الله.

الوالد رد عليه: عبالك الجنّة لعبة بس تعال وادخل؟ لا مب حولك. هذاك اللي انولد اعمى وما شاف شي في الدنيا نعم يستاهل الجنة، اما انت فتّحت وشفت الدنيا لين قلت بس، وسوالفك كلها انعرفها وتبي تدش الجنة!!

تبي الجنة اجتهد وشد حيلك، اما تدش الجنة بس لانك عميت وصبرت انسى.

الريّال انصدم فترة، وعقبها ضحك وقال حق ابوي الحمد لله ان دخول الجنة بيد رب العالمين، مب بيد احد منكم.

:happy::happy: والله ابوك عجييب
الله يعطيه الصحة والعافيه ..

[سالم الزهران]

صبحكم الله بالخير

كان في الزمن الماضي رجل من الجماعة خيّر وأجودي يساعد الفقراء ويحبهم.. المهم هذا الرجل مرض مرض شديد و شالوا الناس همه و قلقوا عليه.

واحد من الجماعة ايضاََ رحمه الله كان مشاكس وراعي مقالب و مؤذي صج. هذا الأخير مر من طريق وسمع واحد فقير يدعي الله انه يشفي رفيجنا الأجودي والمهم الفقير يبتهل ويدعي من قلب.. وعلي عليك يبو فلان وجعل يومي قبل يومك.. الخ.

الحين قام الرجل المشاكس و قفز علي الغلبان وهو جالس يدعي و حط عليه لباس وخنقه خنق عدل..

الفقير ترك الدعاء وجلس يصيح من انت من انت وش تبغي! الخ

قال المشاكس ( أنا ملك الموت ربي استجاب دعاءك وارسلني آخذ عمرك بدال فلان)!

قام الفقير يصيح.. لا لا انا في وجه الله.. انا كنت ادعي بس.. فلان اهناك روح له.. :)

المهم المريض صار طيب و جمعهم المجلس كلهم و قالوا له عن السالفة و استدعوا الغلبان.. ولا المجرم راعي المقالب موجود وهو اللي معلمهم..

جاء الفقير وقال فعلاََ خنقني هذا بغت تطلع روحي ولا سوا خير.. وانت غالي علينا كلنا بس عاد روحي بغت تطلع.

ضحك الجميع... وصاروا يتكلمون في السالفة هذي سنين.

كان هذا أبو المقالب مشهور بالحيل والدهاء.. يخاف منه الناس ولا شيء يصعب عليه.. الله يغفر لهم ويرحمهم بالنسبة لي لحقت على الأخير هذا وهو شيبه ما يخرج من بيته.. أما الباقين فما أذكرهم.

[sara jsm]

والله مب سهلين الشيبان :whistling:
نفس وايد ناس :strong
الله يرحمهم برحمته

[سالم الزهران]

مساء الخير

في المدرسة القديمة، كان فيه 4 اساتذه وهذي المدرسة درسوا فيها الناس اللي قبلنا وما لحقنا عليها.

الاساتذة كانوا من الاخوة السودانيين والفلسطينيين، المهم التحق مدرس سوداني جديد بالمدرسة وكان شاب صغير السن وخريج لغة عربية وفي أوج نشاطه.

يوم من الأيام تفاجأ المعلمين بزيارة تفقدية للمدرسة يقوم بها شايب بو عين كريمه، لا تظهر عليه سمات المفتشين التربويين التابعين لوزارة المعارف ولا معه مرافقين أو حاشية.

مع كل هذا نهض المدير مرحباََ وجمع الاساتذة ودعاهم للسلام علي ذاك الرجل ابو عين وحدة.

دخل الاساتذة وسلموا على الشايب و اعطاه المدير دفاتر التحضير وعرفه على المعلم السوداني الجديد الاستاذ عثمان، ورحب الشايب بالاستاذ عثمان والمدير واقف معهم وطلب المدير من الاستاذ عثمان يجيب دفتره و يوريه الشايب.

لكن الاستاذ عثمان قال من هذا الرجل عرفونا عليه في البدايه، قال المدير : هذا الشيخ (فلان) شيخ القبيلة هذه التي نعلم ابناءها!

لكن الاستاذ عثمان تجهم ورفض يعطيهم دفتره وقال: اصلو ما ممكن أعطي دفتري الا لموجه تربوي؟ أما مسألة شيخ قبيلة وغيره ما حيحصل.

قام الاساتذة بأخذ زميلهم الشاب و قالوا له لا تخاف يا زميلنا، الشيخ ابو عين هذا رجل أُمي لا يعرف الألف من كوز الذرة و كلنا عارفين الكلام هذا ومع ذلك بنوريه دفاترنا وهو رجل له أفضال علينا و هو من تبرع ببناء هذه المدرسة البسيطة.

لكن غضب الاستاذ عثمان كان يزداد كلما اخبروه بفكرة جديدة خصوصاََ انه لم يسبق له ممارسة المهنة ولم يقابل أحد غير من أرسلوه لمنطقتنا الريفية.

مع مرور الأيام بدأ الاستاذ عثمان يتأقلم مع الوضع خصوصاََ بعد حضوره لمجلس الشيخ و معرفته به عن قرب.

الى هذا الحد من القصة هو ما اخبرني به الاستاذ عثمان بنفسه عندما كان يسرد لي بساطة الأوضاع المعيشية في ريفنا.

لكن أستاذاََ آخر وهو سوداني أيضاََ، ضحك مرة عندما تحدثنا عن هذه القصة وقال لي: هذه ليست المشكلة الوحيدة التي حصلت للاستاذ عثمان عند وصوله للمنطقة، واستطرد الاستاذ قائلاََ حضرنا في ليلة من الليالي عشاء في مجلس الشيخ وكنا نحن الاساتذة من أهم من يحضر وطلباتنا بمثابة أوامر بالنسبة للشيخ وناس القبيلة... يقول الاستاذ حضرنا مع الاساتذة ومعنا الاستاذ عثمان وقبل العشاء قام الشيخ وتحدث بكلمتين وقام الناس اصطفوا و مر عليهم الشيخ و بدء بتوزيع مبالغ مالية، يقول الاستاذ، أردت القيام لكن رأيت الاستاذ عثمان غير مستعد ولم يقم فجلست معه، فانتبه لنا أحد الحاضرين من الشياب وقال لنا قوموا.. قلنا له لن نقوم ولن نأخذ شيء ولسنا محتاجين.. ولا تنسى نحن سودانيين ولسنا كغيرنا من الاساتذة؟

رد علينا الرجل فقال، انا والله اكثر مالاََ منكم كلكم ومن الشيخ نفسه، لكن حتى أنا ما أرد الشيخ لأن هذه فلوس تصله من الدولة وهو يقوم بتوزيعها على الجميع وليست منه.. واذا لم تأخذوها فتحملوا العواقب.

يقول الاستاذ،، اقتنعنا وتقبلنا الموضوع ولو ان فيه غرابة بالنسبة لنا.. خصوصاََ الاستاذ عثمان.

لكن تطبعنا مع طول العشرة بعادات بسيطة كنا نسمع عنها في الحكايات لكن عشناها فعلاََ في أول الثمانينيات في منطقتكم تلك.

رحم الله من مات وبارك في عمر اساتذتنا و من عليهم بالعافية وطول العمر والعمل الصالح.

[سالم الزهران]

https://a.top4top.io/p_1700jzxik0.jpg (https://top4top.io/)

هذا البيت المتواضع، قرر صاحبه ان يبنيه في هذا المكان قرب مزرعته، من يقوم بالبناء هم الجماعة ينقلون الأحجار ويقطعون الأشجار للسقف، يكون الطابق الأرضي مكاناََ للأدوات الزراعية وتخزين الحبوب ومأوى للغنم خصوصاََ في الشتاء، أما الجزء العلوي فهو للأسرة.

هذا الرجل لم يكن يحفظ غير الفاتحة وربما سورتين او ثلاث معها.. لم يكن يحمل في جيبه أية أوراق.. لا يتبع لأحد.. يأكل مما تنتجه مزرعته في الموسم ومن در ماشيته وما يمكن أن يصنعه هو بيده.. فالغالب انه يعمل عمل اضافي كالهواية فربما كان معالجاََ او صانع أبواب أو الات زراعية كالمحراث وما شابهه.

لم يكن لديهم احلام اكبر مما تدركه ابصارهم.. لم يكونوا يسمعون عن أحد.. بعضهم كان يظن أن آخر الأرض هي بلاد الهند.

هذا الرجل لا يعاني من فارق ثقافي بينه وبين اخوته او جماعته ولا يختلف فهمه للحياة عن فهم زوجته.. هم اناس بسطاء ادركنا بعضهم في كبرهم.. هم اناس كانوا يكرهون المشاكل ويحبون الستر والاحسان حتى بالقليل.

لم اجد مثل الاولين في توادهم وتراحمهم، لغتهم بسيطه ومشاعرهم صادقه ولقمتهم هنية.

رحمهم الله جميعاََ.
،
،

يبجي لنا المحبوب وعيوننا تبجي له
بجيت انا 100 وخلّي بجى ميه

[sara jsm]

تعلقك في الماضي يخليك مستنكر الحاضر دائما ً :)
كل زمان وله رجاله ومنهم الاخيار نفسك يابوزيد :nice:

[سالم الزهران]

تعلقك في الماضي يخليك مستنكر الحاضر دائما ً :)
كل زمان وله رجاله ومنهم الاخيار نفسك يابوزيد :nice:

الله يعز مقدارك.. والحاضر شينوه اهله
وعلى قولة الاتراك استغفر الله

[معماري قطري]

بو زيد إنت صاحب مبدأ وإنسان تحب الخير من هشكل تذكر هذي الأشياء والأحداث الطيبة

والله كلامي مع جدي مرة ما انساه .. كان يحبني وايد لأني أول حفيد له وكان يزور بيت جدي الثاني ابو والدتي أو بالأحرى بيت جدتي الله يرحمها وخالي وكان خالي الكبير الله يرحمه أُمي راضعه مع أكبر بناته وتوفى ابوها رحمة الله عليه وأُمي يمكن 7 سنين وخالي الكبير كان في مقام ابوها وهو اللي بنى البيت حق جدتي أرملة ابوه وكان هو من أُم ثانية .. بس يوم نقلنا من الدوحة لهذي المنطقة هو بنى بيت له ومعاه بيت حق جدتي وكانوا البيوت ذاك الوقت كبيرة ومبنية بنيان زين .. أذكر بيتنا اللي انتقلت له عمري شهور من الدوحة وبقيت لحدود 7 سنين فيه .. كان جدي ابو ابوي الله يرحمهم يجي لي ويمشي مسافة وياخذني للمدرسة مع إنه ما تعلم كنا نروح مشي مسافة طويلة .. المدرسة كانت حول 2 كيلو بعيدة عنا في منطقة ثانية ( عين خالد ) وكانت أوقات توقف سيارة من السيارات النادرة توصلنا

المهم لقيته مرة في رمضان متسند سنطوانة ( اسم ثاني للعمود الدائري ) في مجلسه ويقرأ قرآن ويتحرف ويقربه لوجهه وكنت وقتها يمكن في ثالث ابتدائي بطل في اللغة العربية واستغربت لأني أعرف إنه ما يقرأ .. سئلته من علمك تقرأ ضحك وقال ابوك ولا ادري من صجه والا يضحك .. كان يتحرف بصعوبة ويركز في الكلمات

مجلسه انهدم بس من حول سنتين وانبنى مكانه مسجد صغير للفروض والله يجعل له بيت في الجنة ويجمعنا معاه

[معماري قطري]

كان في بيت جدتي الله يرحمها زرع صغير وعين محفورة للماي وأعتقد برجه وطبيلة وحدة لسيارتين وراء بعض سيارة خالي والوالد رحمة الله عليه .. وكان البيت مثل حرف ال ليوان جدام الغرف وليوان كبير اسمنتي بدون تظليل والأعمدة مربعة وفي أعلاها زوايا اللي يسمونها قمرية مثل اللي في سوق واقف الحين وهذا الإل مقابل جنوب جزء منه وشرق للجزء الثاني القصير ووراه حوطة غنم .. الدرايش بس جدام .. وبيت والدتي كان كشخة شوي مدلعها خالي وانبنى أتوقع بعد البيت الرئيسي لأنه شوي أحدث

كان جدي لإبوي رحمة الله عليهم باني بيت لإبوي في طرف بيته ما انسكن على ما اذكر 27 سنة بعدين ابوي أجره وللحين مأجر أُمي بيتها أكشخ وابوي عاش فترة معاها لين بدت الحكومة تبني بيوت شعبية ونقلنا في منطقة وسط بين بيت جدتي وجدي

[معماري قطري]

والله مب سهلين الشيبان :whistling:
نفس وايد ناس :strong
الله يرحمهم برحمته

من قصدج؟

[سالم الزهران]

صباح الخير
في الزمن المنصرم صار لي وظيفة في منطقة جبلية مقاسمينها بين اليمن والسعودية، المكتب اللي كنت أداوم فيه مرتفع مدخله عن أرضية الحوش يمكن 30 سم. وحاطين طابوقه مثل سنة الدرج عشان نسهل عملية الدخول (ذكري للشيء البسيط هذا له مغزى).

المهم كان رئيسي وقتها أكبر مني بحول 15 سنة وحصل أنه شارك في أزمة الخليج. خويي هذا مثلي جديد على المنطقة.. لكن في باله من يوم وصل أنه يسأل عن زميله اللي كان معه في أزمة الخليج وشرد وقتها.

قال لي زميلي.. ياخوي في رجل بيننا صداقه وهو من الديرة الفلانية في الجبال هذي فوقنا.. وابغي اروح له وما لي معه اتصالات شلون؟

قلت له : روح السوق حقهم في اليوم اللي يكون فيه سوق اسبوعي واسال عنه الناس بتندل.

قال والله هذي شغله بتطول.. انا اليوم فاضي و ودي اروح اسأل بنفسي ومنها اتمشى في الجبال هذي.. بس اخاف من السواقه هناك.

قلت له أبد.. انا سواقك ولا تشيل هم.. طبعاََ هالخوي والمدير في نفس الوقت مصروف له سيارة لاندكروزر من العمل.. دقينا سلف مع أذان العصر.. وطلعنا في الجبل و انفرق الطريق بنا سيده فوق ويسار.. رحنا يسار ومشينا والطريق وعر مب مسفلت.. المهم أن بعد المشوار كسر عزايمنا و المدير جنه هون وفين بنسأل اذا كل بيت في الجبل عشان توصله تدخل في لفة صعبة.

https://k.top4top.io/p_1715hyv7t1.jpeg (https://top4top.io/)

الحاصل رجعنا وحنا نازلين وجدنا رجال من أهل الجبل واقف قرب الطريق وشفنا معه جوال. قال لي رفيجي وقف بسأل الرجال هذا.. نزلنا سلمنا وسألناه..

قال اظن اني اعرف عيال عمه.. ولكن هم في منطقة من الجبل ما فيها ارسال ولذلك ما معهم جوالات ولا يستخدمونها.. لكن انا بسأل عنه وبقول فيه فلان نشد عنك.. وهو يعمل في المكان الفلاني.. قلنا له زين.

رحنا و ردينا لعملنا نزلت انا وعطيت المدير سيارته ورحت للعمل و كملت يومي لاني كنت ساكن داخل المقر هذا بحكم العزوبية وبحكم المنطقة نائية وموفرين فيها سكن للي مثلي.

المهم عقب يومين الساعة 8 صباح باب مكتبا مقفل (الباب المرتفع اللي علمتكم عنه). سمعت الطق ع الباب وقمت افتح.. الا بوجهي رجل من أهل الجبال اللي يحطون مشموم على روسهم.. اذهلني انه قاعد يطالعني عين بعين يعني راسه واصل براسي وانا واقف فوقه يمكن ب 30 سم. بحكم ارتفاع الباب.. مرحبتين تفضل.. دخل الرجال وقهويته.. وقال لي اول كلامه وين علي (اللي هو رفيجنا ومديرنا). قلت له مب جاي اليوم انت من انت؟ قال أنا الرجال اللي جا يسأل عني قبل يومين ونا وياه تخاوينا في ازمة الخليج.. لكن ارخصونا انا وربع معي ورحنا لاهلنا وصار عندي ظروف ولا رجعت لهم.
قلت له الله يحييك.. واحسن الاخبار.. والحين اتصل على علي ويجينا..
https://j.top4top.io/p_1715fiy7n0.jpg (https://top4top.io/)
قال لا تتصل به ونا معندي وقت انتظر لازم اركب مع السيارات اللي طالعة للجبل مع الربع اللي نزلت معهم. لكن نهاية الاسبوع القادم انتقابل ونطلع سوى وتزورون مكاننا.. الخ. قلت يصير خير.

المهم داوم مديرنا وعلمته بجية الرجال وموعده.. وانا جاء وقت اجازتي و سافرت و عقب انتهت الاجازة رجعت.. قال لي المدير.. انه قابل الرجل وطلع معه وسوى له الرجل عشاء واحتفى فيه وبات عندهم في الجبل.. ونزلوه اليوم الثاني.. قلت له (زين اني كنت بإجازه ولا كان اشغلتونا).

الحاصل جلست تدور في بالي سالفة مديري أول ما علمني عن خويه يوم يقول لي (شرد من الأزمة).. و منظر الرجل على الطبيعة والطول الفارع اللي يمكن 2 متر والجثة والملامح.. يمكن نحن نشرد أما هذا ما يشرد الا يشرد عالم :)

الصور رمزية

[سالم الزهران]

عند الذهاب للريف و مشاهدة القرى والمزارع القديمة، احس ببعث انسان آخر في داخلي، شخص مولع بالمكان وأهله. اقابل الجميع اتحدث مع الجميع اشتري الغصن والبساط والإناء، ولو استطيع لحملت معي من التراب والحجر. لا عجب لانها ارض تخاطب فيني كل مغرز ابره من وجداني.
https://e.top4top.io/p_1734suz4j0.jpg (https://top4top.io/)

الصورة رمزية

[sara jsm]

من قصدج؟

هااا شنو :strong

:

بوزيد .. بعض الاماكن فعلا ترجعك لسنين ورى
وبعض الممرات توديك لعالم ولحظات سابقه كانها صارت في نفس اللحظة ..
ريحة الحطب المحروق مع النسيم البارد يهيض مشاعري ..
واذا غمضت عيوني احس اني رجعت 15 سنه ورى في لحظات معينه ..

:

مبدع يالراوي ..

[سالم الزهران]

تشرفت بمروركم وقراءتكم وتعليقكم اخونا العود مستر حمد واختنا الصغرى مدموزيل ساره

[سالم الزهران]

مساء الخير
في الصف الرابع الابتدائي استوى عندي وعند طلاب كثيرين كراهية للمدرسة سبة مادة الرياضيات وتحديداََ درس القسمة، صرنا نتحلطم لا قومونا الصبح ونحاول نغيب ونسوي سالفة من لاشيء، رجعوا الأهل يشجعونا ويزيدونا مصروف والوالدة تحط لي قرص في الشنطة معمول خصيصاََ لتنشيط الجزء الرياضي من المخيخ.
كل هذا ما فاد، رغم زيادة المصروف وفوقها القرصان ولكن ما عرفنا للقسمة ولا عتقنا مدرس الرياضيات، يمكن على الأقل أكلنا شيء يجابل العصايات اللي نتلقاها في زمن كانت الغلطة بعصاية.
الحاصل اني تعلمت القسمة من واحد من الجماعة ونحن مدعوين لعشاء وفهمني شلون اقسم بطريقة ابسط من طريقة الاستاذ في المدرسة. كل هذي السوالف وراها بساطة كانت عند الأهل و محاولاتهم في ترغيبنا في المدرسة أيام كان كل معلم مواطن أو أجنبي معاه عصا لا تفارقه واللي ما عنده يعتبرونه مهمل.. والله يرضى عنهم ويجزاهم خير ويذكر أيامهم بالخير

[sara jsm]

تصدق بوزيد حتى انا ماتعلمت القسمة الا من اخوي الكبير ..
كنت احسه هاجس ولا فاهمته في المدرسة ..
شرحها لي اخوي بتفاحة وحدة .. :thumbup:

[سالم الزهران]

أيام لن تتكرر يا اخت ساره، واسلوب حياه كنا مرتاحين اكثر من اللي قبلنا وباقي معنا شيء من الطابع القديم.. اشكر مرورج

[سالم الزهران]

(ذكرنا المصريين)

من الأشياء العجيبة واللي حببتنا في الاساتذة المصريين يوم قابلناهم في المراحل الإعدادي وما بعدها هي سرعة اكتسابهم للثقافات المحلية ومعرفتهم بالناس وحفظهم للأسماء وطريقة نطقهم الغريب لها.


تعرفون كلمة (جاهل / ياهل).. والجمع (يهال أو جهله في لهجتنا)!

كان المدرس المصري يقول يا ابني انت جاهل (نحن نفهمها يعني صغير) يقوله الطالب (نعم).


ويسأل المجموعة (يعني انتم كلكم جهال/جَهَلة).. (نعم يا استاذ)

يضرب كف بكف المصري و لا حول الله.. ونتم جهلة ومبسوطين أوي .. (أي يا استاد).. هههههه

والله.. يا ما شفنا من المصريين وياما شافوا منا؟
الله يرحم من مات منهم ومن بقي

[سالم الزهران]

من الماضي

كانت الشؤون الاسلامية منظمة مسابقة حفظ للقرآن الكريم، ورشحتني المدرسة ولكن اللي حصل أن اللجنة حقت الاختبار كانت ناقصة اعضاء والمتقدمين للمسابقة كثيرين خصوصاََ في فروع المسابقة الخفيفة مثل 5 أجزاء و 10 أجزاء.

المهم كلفوني أختبر طلاب ال5 أجزاء، جاني طلاب حافظين ونجحوا حسب النموذج مال التقييم اللي عندي.. لكن الغريب جاني أثنين طلاب نحاف وصغار وسمر ويشبهون بعضهم رغم انهم مب اخوة لكن من نفس المنطقة وزملاء دراسه، اطنهم صف خامس ابتدائي، المهم كانوا خايفين ويوم ناديت على واحد منهم وكانوا آخر طالبين عندي، حسيت الطالب خايف وقلت له هذاك اخوك.. قال لي (لا) لكن رفيجي ونحفظ مع بعض، قلت زين.. ناديت الطالب الثاني وجلس قريب من خويه.. وحسيتهم تطمنوا شوي..

لكن فاجأني الطالب قال : يا استاذ أنا مب حافظ شيء مرة. قلت له (ليش)، قال مب مستعد للمسابقة والندرسة رشحتنا لأن ما في غيرنا ولا عطونا وقت.

قلت وخويك؟ قال مثلي، حتى اسأله.. سألت خويه قال لي نفس الكلام.

قلت لهم زين بختبركم.. سمعت لهم لقيتهم بين بين واللي يخرب عليهم هو التوتر!

المهم فيه سور متقنينها وسور حفظهم ضعيف. قمت حطيت لهم (اجتياز).

وقلت لهم واستغربوا.. لكن قلت لهم احفظوا السور الباقية ولا تخافون من المسابقة عشان تكملون معنا.

لين هنا الأمور طيبة، قمت انا اختبرت عند شيخ ورسبني بسهولة حتي ما تعب معي..

فقابلت التلميذين بو 5 اجزاء برع وعلمتهم اني رسبت ومساكين رجعوا خافوا.. بس قلت لهم لا تخافون أنا متعمد عشان ابغي ارد للمدرسة عندي اختبارات (جذب).

قالوا ياليت بقيت معنا عشان تختبرنا مرة ثانية..

مساكين يدورون الدف :)

[sara jsm]

عاد انت تحسبهم انهم عدوا المسابقه وبيرجعون يحفظون باقي السور
ماتدري انهم يدورون عليك :tease: خل حكمتك تنفعك الحين :happy:

[سالم الزهران]

عاد انت تحسبهم انهم عدوا المسابقه وبيرجعون يحفظون باقي السور
ماتدري انهم يدورون عليك :tease: خل حكمتك تنفعك الحين :happy:

كانت أيام.. كان الترسيب على الأحكام التجويدية أكثر من الحفظ.. الله يجزاهم خير.

[سالم الزهران]

صباح الخير

كنت مسافر ودخلت بمدينة صغيرة بجانب الطريق السريع لأن حسيت الكفر بنشر وفعلاََ كان ناقص هوا، المهم ما قدرت أوصل محل البنشري وسفطت و جاني واحد شاب وصف لي مكان البنشر وكان واقف معي ثم وصل شخص عمره في الستين سنة.. قال لي الحين اتصل على البنشري يجي.. جانا بنشري ولكن عجز ينزل الاسبير لأنه ما قد استخدم أساساََ وشكله صدأ.. المهم أرسلت البنشري يجيب لي كفر وركبه لي ويوم جيت أحاسبه.. الا الأخ رفض.. الرجل بوستين سنة؟

المشكلة مقابلته جداََ لطيفه، وكأنه قابل شخص يعرفه!

واسمه بو فيصل،، طيب يبو فيصل أنا معي بيزات ليش تدفع.. انت مكثور خيرك اتصلت لنا في البنشري وجانا؟ المهم بو فيصل أصر وشكرته وخذت جواله وعلمني أنه متقاعد من المكان الفلاني وعنده الآن مكتب عقارات.

المهم قصدي برد أتواصل مع بو فيصل هذا واخدمه لو يبغي شيء.. ما حصل فرصة.

يوم من الأيام قابلت واحد من الجماعة.. قال عندي قطعتين أرض شاريهم للعيال بالمدينة الفلانية (نفس المكان اللي بنشرت فيه) لكن العيال ما يبون هناك.. وعندي لوحة كاتب عليها رقم الجوال، ونت مسافر ابغيك تحط الرقم طرف الأرض عشان اللي يبيها يتواصل معي.

قلت له أبشر وأنا بعد اعرف رجال طيب هناك ممكن يبيعهم لها بسعر زين ورجل نشمي (قصدي بو فيصل) قال لي زين تصرف.

الحين فرصة نتواصل مع بو فيصل ونخليه يشوف زبون للقطعتين ونا ما ابي شيء.. مجرد توطيد معرفة وإذا ممكن نسميه تعبير عن الإمتنان و كرمه السابق معي.

الخاتمة كلمت ابو فيصل وأرسلت له صور المخطط ومحددة القطعتين بأرقامهم..

واكتشفت أن ابو فيصل إنسان كسووووول حدده ولا تتكل عليه في شيء.. لدرجة أنه ما أعلن عن الأرض حتى.

صحيح مبين عليه ماخذ المكتب نوع من التسلية،، مدري اذا فيه عقاريين مثله!

والظاهر بعد أنه رجل فزعات بلاش، ومحتسب أجر ولا له في التجارة..

صراحة قيمة الكفر صارت تعورني.. لين يوم من الأيام قابلته بعد ما نسقت معه واعطيته قيمة الكفر.. وما اعجبه الوضع.. لكن أنا اعجبني.. لأن القبول لها أول مرة كان بالغصب وبسيف الحيا ولا البيزات متوفرة نحمد الله دوم لكني ما احب اكسر بخاطر حد ولا أحب حد يكسر بخاطري كلنا عيال حوى وآدم.

والله يجزاه بالخير ويكثر من أمثاله.

[سالم الزهران]

مساء الخير
في منتصف الثمانينيات كان عندنا عشاء وكان حاضر واحد من الجماعة مقاول وموقف الكروزر جنب بيتنا من الشرق، سبحان الله كنت ابغضه من صغري.

قمت خذيت مسامير وحطيتهم تحت التواير واذكر حطيت من قدام الكفر ومن وراه عشان لو راح سيدة يبنشر ولو ريوس يبنشر.

المشكلة انه شاف المسامير ورجع يسأل في مدخل المجلس وانا ما انتبهت له وشوي الا الناس قاعدين يهدأونه ويقولون له هذيلا عيال وما يدرون ولا يقصدون.. وهو مصر الا يعرف من هو! المفاجأة جاني واحد من شباب الجماعة قال لي انت حطيت مسامير تحت كفر فلان! قلت له لا ما حطيت شستفيد! قام ابتسم وقال لي انا شايفك.. لكن زين الرجل انتبه ولا بنشر موتره ولا كان علمت عليك.

اليوم انا لازلت ابغض المقاول هذا.. يعني ما احبه جذيه من الله لانه متصنع والمشكلة انه يحتاج الوالد بين فترة والثانية عشان مصالحة الخاصة وهذا من الناس اللي ما تغيروا من 40 سنة.. وهذا نفس السبب اللي امقته وهو التصنع والطيبة الجذابه.

اللي فاتني هو اني نسيت الشاب اللي كشف لعبتي وستر علي.. نسيته ما ادري هو من الاقارب أو من الضيوف.

على العموم لو فكرت تبنشر سيارة مقاول ازهم علي.. أو بنشر ولا تهتم حلال فيهم.

[sara jsm]

الله :app2:
خوش فكرة في خاطري اسويها في واحد من المقاولين .. :tooth:
عاد ابي ابطط كل توايره :nop:

[سالم الزهران]

الله :app2:
خوش فكرة في خاطري اسويها في واحد من المقاولين .. :tooth:
عاد ابي ابطط كل توايره :nop:

انتي يعني مش مقاولات يا ام جاسم، انتي يبي لك قلع تواير وتحصلين النيسان مالك ع بلكات.

[سالم الزهران]

من الماضي
بيوم من الأيام، راح الجد رحمه الله و واحد من أولاده للخطبه من عند رجل من الجماعة، رحب فيهم الرجل وقال من رخصتكم بسأل العيال.
قام الجد وخرج من المجلس هو و ولده.
بعد مدة وبعد وفاة الجد، نسولف مع راعي الخطبة. يقول، أبوي الله يرحمه كان غلطان ذاك اليوم؟ مشاورة البنت من الدين ومافيها شيء؟ قلت له، الله يرحم الشيبان ما كانوا يشاورون ولا يحبون اللي يشاور. ويحبون الرفض يجيهم من فم الرجل، ما يحبون الحريم يردونهم. هذي طبيعة الأولين وما جتنا الشروط والاختلافات اللي من عقب جونا التالين، اللي موقعين على بياض مع الحريم. وخير الأمور وأعدلها، أوسطها

[سالم الزهران]

صباح الخير
الذكريات القديمة الموثقة في الصور، تزيد قيمتها مع مرور الزمن خصوصاََ في نظرنا نحن الآباء، من ساع كنت اجوف صور قديمة واتذكر تعليقات الابناء، كان العيال الكبار يستغربون اشكثر الشارع نظيف وحنا غالباََ نتمشى في قرى ومناطق زراعية.
كان الولد الصغير يزاعق يقول.. ليش تصارخون تبغونها تصير كشرة مثل شوارعنا.

يطلع من الاطفال كلام عجيب، خصوصاََ الصغير هذا يسمع من اللي اكبر منه ويقولها ببراءة.

مره كنا بباص سياحي وجاف بحيرة.. قام يزاعق يقول خل السواق ينزلني، (اقوله اجلس اسكت انثبر)، يقول يبه تكفى احذفوني هنا وبعدين لطشني.

سوالفه خلت مسافرين اظنهم كويتيين يضحكون وحنا حسينا بالكسفة.. كشف حالنا وعلم علينا باسلوبه الغوغائي. بس هي ذيه المواقف اللي تخلينا نتذكر السفريات واللحظات الاستثنائية.

[سالم الزهران]

صباح الخير
من الذكريات العجيبة واللي كنت بحطها في موضوع (ما ودي). لكن لأن فيها نكته وتعتبر ذكرى كتبتها هنيه.

عطيت سيارتي واحد من الجماعة شاب اصغر مني ذيج الأيام وحالته المادية صفر. سوى فيها حادث وتكسر مسكين، دشيت معه مرافق وسيارتي صارت سكراب. سمع عن الموضوع واحد من اقربائي وكانت ذيج الأيام عندنا خلافات في العايلة. هذا العم من المناوئين الاقوياء.. سمع عن الحادث رغم قلة وسايل الاتصال وجاء المستشفى، المستشفى كان خاص لأن الحادث صار قبالته في الشارع العام.

انا يوم جاء العم هذا كنت خارج الغرفة والعم و ولده جو وشافوا المريض واحد بس وسالوا عني قالوا لهم مافيه شيء. الحاصل نزلوا للمحاسبة سألوا عن تكلفة العلاج.. دفع لهم الله يبارك بعمرة مبلغ حول مية واربعين وطلع.. قاله ولده يبه ترى السيارة المعدومة سيارة سالم ونحن سددنا عن هذا البعيد وولدنا نسيناه.

رجع العم طلع الغرفة وكتب شيك بثلاثين الف وعطاها المريض قاله اعطه سالم وترا حساب المستشفى مدفوع من ناحيتك.

عاد المريض هذا عقب ما عاد عطاني الشيك ولا علمني وراح يصرفه.. قالوا له البنك مب باسمك عشان تصرفه.. قال لهم رفيجي مرسلني، قالوا له رد له شيكه وهو يصرفه.

انا يوم علمني زعلت عليه زعل قوي وابتلشت معه.

العجيب يوم يسألني يقول ليش تزعل وتخاصم.. الفلوس جتك بدون تعب. عيل لو تعبان فيهم وشبتسوي.. هذا نفسه اللي عطب سيارتي و تبهدلنا معه. بس المسكين حسيته صار فيه شيء عقب الحادث. عقب تسامحنا واموره تسنعت.

لكن الى اليوم اذا تقابلنا نضحك على سالفة الشيك، كان يبي يبوق. هذا ظني وهو ينفي.

[سالم الزهران]

مساء الخير
سنة 94 كان زواج واحد من عيالنا، المهم أم العروس جت وما عجبتها الغرفة، ومن ضمن الانتقادات اللي حصلتها كانت سيخ حديد نازل من سقف الغرفة وطويل شوي، لكن اكثر سبب كان الغرفة طابق أرضي.. المهم ما عجبتها.

المهم رجعوا عيالنا غيروا لها غرفة في الطابق الثاني، لكن محد زينها مثل الغرفة الاوله.

فرحنا جبنا سطل صغير صبغ وصبغنا الغرفة والصالة اللي تفتح عليها في نفس يوم العرس الصبح.

فشلون كانت ريحة الصبغ وكيف استحملوه المعرسين؟ هذا اللي يدور فبالي الحين.

لو فيه شكوى كانوا علمونا لاننا نحن المعلمين

[sara jsm]

رفيجك طلع حرامي غشيم .. عمت عينه الفلوس ههههههه
ولا انتبه للشيك باسم من !! ..
المهم صرفت الشيك ؟ ووين نصيبي :yes:

[معماري قطري]

يمكن هذا يتعلق بالذكريات بس مب عندنا .. شوفوا شلون كانت اوروبا في 1899 وشوفوا شلون لبسهم وهذا قديم محدث


https://www.youtube.com/watch?v=9Mi9YNITDjs

[معماري قطري]

عاد هذي ذكرى كلش ما اتذكرها .. لحد يضحك خصوصاً كبيرة الشريرات اللي بيتها صوب الخور

الصورة وانا شهور وأيام الأبيض والأسود وزين فيه كيمرة في فريجنا ذاك الوقت

https://i.imgur.com/aSBGiw5.jpg

طحت على مجموعة صور حق أيام ايرلندا باحطها بعد

[معماري قطري]

الصورة الثانية مكتوبة قصتها تحت وزين بقت الكتابة للحين ما طارت .. سبحان الله 35 سنة مرت .. هذي الصور محتفظة بهم إختي وجابتهم لنا من كم يوم بس

https://i.imgur.com/nbBYHRy.jpg

[معماري قطري]

https://i.imgur.com/b1ARAwN.jpg

https://i.imgur.com/lWvZJ9r.jpg

عاد هذي ما تشجعت احطها طاحوا فيني العيال وأمهم وزين ما رقدت برا البيت

https://i.imgur.com/Jq4GJSG.jpg

اللي على اليمين من ربعي وللحين في تواصل معاه كان يدرس لغة في اكستر وهي مدينة صغيرة خارج لندن غرب .. والثاني ولد عمه ما تلاقيت وياه كلش والثالث اللي مجابلنا اماراتي على ما اذكر من ربعنا

https://i.imgur.com/kp5gOJF.jpg

وايد صور حق الربع اللي معانا ويمكن يزعلون لو حطيتهم لأن مكتوبة أساميهم

[Dana’1]

عند الذهاب للريف و مشاهدة القرى والمزارع القديمة، احس ببعث انسان آخر في داخلي، شخص مولع بالمكان وأهله. اقابل الجميع اتحدث مع الجميع اشتري الغصن والبساط والإناء، ولو استطيع لحملت معي من التراب والحجر. لا عجب لانها ارض تخاطب فيني كل مغرز ابره من وجداني.
https://e.top4top.io/p_1734suz4j0.jpg (https://top4top.io/)

الصورة رمزية

إذا أنا ماعشت بالأرياف و لا القرى و إذا شفتها أحس بشعور فريد و غريب
سواء إن شفتها بالواقع مثل قرى الزراعيه باالأحساء و قرى الجنوب و غيرها من الدول أو حتى ببعض الصور
القرى لها طابع فريد من نوعه بين هدؤ و بين تأمل بجمال الطبيعه أو حتى تأمل بالمساكن و أحوال ساكنيها و كيف طوع الله للإنسان الأرض و من عليها من مخلوقات لخدمته

طبعا و المدن جميله و أحبها*

[sara jsm]

عاد هذي ذكرى كلش ما اتذكرها .. لحد يضحك خصوصاً كبيرة الشريرات اللي بيتها صوب الخور

الصورة وانا شهور وأيام الأبيض والأسود وزين فيه كيمرة في فريجنا ذاك الوقت

https://i.imgur.com/aSBGiw5.jpg

طحت على مجموعة صور حق أيام ايرلندا باحطها بعد



بامووووووت قهر والله .. مب معقوله لك صور بهالعمر وانا ماعندي الا صورتين ..
فرق بيني وبينك يمكن 100 سنه مستحيل انتو عندكم كاميرا واحنا ماعندنا والله قهر :no:
باحفظ الصورة عندي باسوي عليها كرت حق توزيعات النافله ههههههههههههه

[sara jsm]

https://i.imgur.com/b1ARAwN.jpg


فشلتنا والله هههههههههه واضح انك ماشايف خير ..
لا خليت الصجيه ولا خليت الشمع ههههههه اهم شي بنيه :happy:

[معماري قطري]

بامووووووت قهر والله .. مب معقوله لك صور بهالعمر وانا ماعندي الا صورتين ..
فرق بيني وبينك يمكن 100 سنه مستحيل انتو عندكم كاميرا واحنا ماعندنا والله قهر :no:
باحفظ الصورة عندي باسوي عليها كرت حق توزيعات النافله ههههههههههههه

ههههههه عادي قولي ذي إنتي وتحصلينج مولودة قبل ليكتشفون التصوير

[معماري قطري]

فشلتنا والله هههههههههه واضح انك ماشايف خير ..
لا خليت الصجيه ولا خليت الشمع ههههههه اهم شي بنيه :happy:

كنت سفير لبلادي لازم اجامل الناس

الله يعينني على البقية

[معماري قطري]

أحد الإخوان اللي معانا ذيك الفترة يذكر كيف نتجمع مشي بين البيوت ونتلاقى وكنا ساكنين عند عوائل وبعد حصلت صور لشقتي وللعائلة .. ذكريات حلوة .. كان أحدنا عندهم بيت في لندن وكنا نروح الويك اند وننام هناك وكانت الحياة صعبة أول غربة وذاك الوقت لا جوال ولا كمبيوتر ولا نت والاتصالات غالية وايد والرواتب نسيت كم بس بسيطة كلش ما تكفي لشيء يذكر

من الذكريات والمقالب اللي كنت أسويها معانا طالب ما يشوف بسهولة وقلبه خضر يفيض ود .. كان لدرجة يلبس نضارة عليها عدسات مركبة مثل المجهر حتى يقدر يقرأ .. المهم كنا نمشي انا وهو جنبي وكل ما مرت وحدة يسألني شلون شكلها وعندي أمانة علمية أنقل له الواقع ومن تمر يبتسم ويسلم .. مروا شباب شعرهم طويل اثنين انجليز والا يسألني وهو يشوف خيالهم قلت له اسكت صواريخ ويقول لهم هاي بحنية وابتسامة وزين ما صارت مشكلة بينا وبينهم بس وقتها ضحكت ضحك وعرف إني خنت الثقة والأمانة العلمية وانا وهو حولنا هندسة ولا شفته من ذيك الأيام ألحين 35 سنة

[سالم الزهران]

عاد هذي ذكرى كلش ما اتذكرها .. لحد يضحك خصوصاً كبيرة الشريرات اللي بيتها صوب الخور

الصورة وانا شهور وأيام الأبيض والأسود وزين فيه كيمرة في فريجنا ذاك الوقت

https://i.imgur.com/aSBGiw5.jpg

طحت على مجموعة صور حق أيام ايرلندا باحطها بعد



استوقفتني هذي الصورة، الله يعطيك العافية وطولة العمر اخونا العود بو عبدالله.

[سالم الزهران]

إذا أنا ماعشت بالأرياف و لا القرى و إذا شفتها أحس بشعور فريد و غريب
سواء إن شفتها بالواقع مثل قرى الزراعيه باالأحساء و قرى الجنوب و غيرها من الدول أو حتى ببعض الصور
القرى لها طابع فريد من نوعه بين هدؤ و بين تأمل بجمال الطبيعه أو حتى تأمل بالمساكن و أحوال ساكنيها و كيف طوع الله للإنسان الأرض و من عليها من مخلوقات لخدمته

طبعا و المدن جميله و أحبها*

أهل القرى الباقين من كبار السن، ابغي ارد السلام من بعيد لكن بعض امهاتنا يمسكونا يسلمون علينا ويلمونا ويبجون.. مرة كنت مستغرب قلت للي معي، هذي العجوز بهدلتها ليش تلمني وتفداني بالشكل هذا، قال لي ما ينحب الا الشقي.. للاسف انا احكم علي نفسي وعلى جيلي اننا مش احسن منهم لا في النية ولا في الصبر ولا في مواصلة الناس.. الاولين وبس

[سالم الزهران]

بامووووووت قهر والله .. مب معقوله لك صور بهالعمر وانا ماعندي الا صورتين ..
فرق بيني وبينك يمكن 100 سنه مستحيل انتو عندكم كاميرا واحنا ماعندنا والله قهر :no:


ما قلت لكم معماري هذا ارستقراطي بس يخش عنكم. عليج به يا ساره بيعي تصاميمه

[سالم الزهران]

فشلتنا والله هههههههههه واضح انك ماشايف خير ..
لا خليت الصجيه ولا خليت الشمع ههههههه اهم شي بنيه :happy:

مب جذي السالفة، معماري يمززززح

[معماري قطري]

مب جذي السالفة، معماري يمززززح

علمها يا بو زيد .. ما حطيت صورتي مع أنديرا غاندي والملك فيصل الله يرحمه

[سالم الزهران]

https://f.top4top.io/p_2017rviii0.jpg (https://top4top.io/)
يا معماري ظمئت روحي وحنّت للتلاقي
.
.
اخترت الصورة هذي لأن مبين فيها تفاعلك يا الأمير
طبعاََ ما يحتاج أقول لك أنها شبهة هههههههه

[معماري قطري]

يا اخوي خاطري ارجع ضعيف

[معماري قطري]

الشنطة اللي على الطاولة يدوية سامسونايت أعتقد عندي للحين

https://i.imgur.com/zOxBHvs.jpg

[معماري قطري]

مع رفيقة حياتي الإبرة وهذي كانت مزعجة تعور قبل وكنت مهمل أخلي الأنسولين في مخباي عادي والمفروض بين 2 - 8 درجات

https://i.imgur.com/OBZcUTT.jpg

الله يذكره بالخير دكتور محمد الخيارين غير لي الأنسولين وكلم الدكتور المختص هناك يغيره وكان اللي يعطونا في قطر أما مستخرج من خلايا الخنزير ( تكرمون ) أو البقر وحولوا لي النوع للإنساني 100%

ما اعتقد الصور فيها شيء يزعل

هذي يميني ألحين رئيس قسم الجلدية ويساري كنت متمني أشوفه وكان شريكي في السكن فترة ابراهيم عباس الله يغفر له توفى من فترة حول سنتين أو ثلاث .. كأننا في مدرسة المشاغبين

https://i.imgur.com/Z842UPh.jpg

[سالم الزهران]

الأنسولين يسوي مواقف وله مع كل مريض قصة، بس من الذكريات بعد مرة خرجت مع الاخ بو عبدالله وتمشينا بالدوحة وكنت شايل هم العشا لاني ما اتعشى هذا روتين حياة، بعد التمشية راح ابو عبدالله يبنا نتعشى، من حسن الحظ انه مضيع الأبرة.. فقلت الحمد لله هذا انت فكيتنا من العشا.. لكنه ما طاع راح يبغي يشتري من صيدلية.. حتى اني قلت يمكن انه جاع.. المهم ما حصل أبرته ومع ذلك تعشينا عشا طير وكان يسولف ويشرب عصير وخلا الثقيل علي.

الله يجزاك خير يبو عبد الله و الأهم هو الاختلاط بالناس و التعارف الطيب.

[معماري قطري]

الأنسولين يسوي مواقف وله مع كل مريض قصة، بس من الذكريات بعد مرة خرجت مع الاخ بو عبدالله وتمشينا بالدوحة وكنت شايل هم العشا لاني ما اتعشى هذا روتين حياة، بعد التمشية راح ابو عبدالله يبنا نتعشى، من حسن الحظ انه مضيع الأبرة.. فقلت الحمد لله هذا انت فكيتنا من العشا.. لكنه ما طاع راح يبغي يشتري من صيدلية.. حتى اني قلت يمكن انه جاع.. المهم ما حصل أبرته ومع ذلك تعشينا عشا طير وكان يسولف ويشرب عصير وخلا الثقيل علي.

الله يجزاك خير يبو عبد الله و الأهم هو الاختلاط بالناس و التعارف الطيب.

والله نسيت يا بو زيد أذكر عشانا في الفندق في مكة بس في الدوحة تلاقينا بس ما اذكر

ألحين من اطلع شنطة الإبرة معاي عندي وحدة حمراء فاقعة وعليها شعار الصيدلية تلفت النظر وعندي رصاصية مكتوب عليها كافيار ايراني هذيلا الثنتين تحط فيهم ثلج ويحفظونه فترة طويلة بارد .. الحمراء صغيرة وخفيفة .. عندي ثانية بيضاء عبارة عن ثلاجة يو اس بي صغيرة تشتغل على كهرباء وبطارية ويو اس بي بس شغلة شيلها الشناط عمليات أكثر والحمراء تدخل درج السيارة وتأمن من حرامي يشوفها يحسب فيها مليون ريال

[sara jsm]

ههههههه عادي قولي ذي إنتي وتحصلينج مولودة قبل ليكتشفون التصوير


ها ها ها ها :waiting:

:

مع رفيقة حياتي الإبرة وهذي كانت مزعجة تعور قبل وكنت مهمل أخلي الأنسولين في مخباي عادي والمفروض بين 2 - 8 درجات
https://i.imgur.com/OBZcUTT.jpg


يااخي قول الحمدلله انها ابرة سكر و وراها اجر مب ابرة مخدرات ههههههههه :shy:

[معماري قطري]

ها ها ها ها :waiting:

:


يااخي قول الحمدلله انها ابرة سكر و وراها اجر مب ابرة مخدرات ههههههههه :shy:

الحمد لله ولا أفوتها من كنت 17 للحين وألحين 4 إبر قبل ثنتين بس الدواء عن دبل لأنه مخلوط نوع طويل الأمد شوي ونوع سريع

تطري علي سوالف صارت معانا قبل .. كان عندنا كلب الله يعزكم سلوقي مسمينه بلوج ولا أدري ليش مختارين هالإسم وكلبة اسمها ودعا .. الكلبة بيضاء وبلوج بني فاتح أزعج غنم واحد من شيابنا الله يرحمه وكان عصبي طرش سايقه بشوزن خلاه يرمي الكلب ومات وأعتقد كنا نشوف وإستوت كراهية بيننا وبين الشيبة خذنا الكلب ودفنناه وجانا واحد من الكبار قال ما يصير تدفنون الميت بدون ما تصلون عليه ونسويها بقناعة نصف كلنا جنب القبر ونصلي

كان اسطورة هذا الكلب وكنا صج نحبه .. واحد جاب ألعاب نارية قمنا نحطهم قريب مجلس الشيبة اللي سايقه قتل الكلب ونطل عليه وكنا ملقبينه لقب مب زين ويطلع يبي يمسكنا ونولع الألعاب النارية وقبل ليمر تبدأ تنفجر وحدة وراء الثانية وإحنا نضحك عليه .. كنا نحس إننا انتقمنا منه وهو ولا درى بنا

ودعا عقب رفيق دربها بلوش استوت تماشي كلاب ثانيين جعر مب سلوقيين ووصخين .. ثرى انا كنت متابع للأحداث بس ما لي يد في مجريات الأُمور ولا في التخطيط الاستراتيجي للعمليات .. عمي اللي تقريباً في سني وإخواني اللي كلهم أصغر منه وعمي الصغير كانوا عصابة بقيادة عمي والكلاب هو المالك الحصري لهم .. المهم قرروا يسوون حملة تطهير عرقي للكلاب الجعر ويمسكونهم ويودونهم فوق بيت ينبني يربطون رقبة الكلب بسلك معدني ويربطونه في طابوقة فوق ويرمونه من فوق السطح وينشنق الكلب

[sara jsm]

:omg: :omg: :omg: لا اله الا الله ..
ويقول الاجانب والمراهقين مسوين ازعاج عند المجمع !!
وانتو شنو يالمجرمين ههههههههه اعنبوه حتى ابليس مافكر بهالطريقة ..

[معماري قطري]

:omg: :omg: :omg: لا اله الا الله ..
ويقول الاجانب والمراهقين مسوين ازعاج عند المجمع !!
وانتو شنو يالمجرمين ههههههههه اعنبوه حتى ابليس مافكر بهالطريقة ..


انا كنت شاهد على الأحداث ولا شاركت

كان من ضمن تعذيب الحيوانات صب بترول على القطاوة وتوليع النار فيهم عاد في ليل أسود وكانت الفرجان قبل مظلمة مب مثل هالوقت ليتات كل صوب

خلينا من الرعب وشوفي العالم مع أول بدايات تصوير الأفلام


https://www.youtube.com/watch?v=VC-yTYyE2w0

[sara jsm]

سبحان الله اشلون الحريم مستورات وهم مش مسلمات ..
يلعبون تنس بالدراعة :funny: الله يهديهم ويهدينا ..

[سالم الزهران]

كتبت ذكريات من صباح الله ورديت حذفتها.. جرني لها معماري ومشاركته الأخيرة

[معماري قطري]

سبحان الله اشلون الحريم مستورات وهم مش مسلمات ..
يلعبون تنس بالدراعة :funny: الله يهديهم ويهدينا ..



شفتي شلون يلاحقون السيارات

تدرين قبل يوم شافوا السيارة أول ما دخلت السيارات علينا حطوا لها جت وعشب يبونها تاكل والسالفة متناقلة ما ادري صج أو لا

[sara jsm]

والله انت ادرى .. كنت في ذيك الحقبه ..
انا اشدراني .. توني مواليد الفين :looking:

[معماري قطري]

والله انت ادرى .. كنت في ذيك الحقبه ..
انا اشدراني .. توني مواليد الفين :looking:

حتى يدي ما لحق عليها ويمكن لحق وكان صغير

[سالم الزهران]

شفتي شلون يلاحقون السيارات

تدرين قبل يوم شافوا السيارة أول ما دخلت السيارات علينا حطوا لها جت وعشب يبونها تاكل والسالفة متناقلة ما ادري صج أو لا

بعض ربعنا يسمونه (زت) ونتم تسمونه جت، لكن نحن نسميه قَضْب

[sara jsm]

احنا بعد نسميه شي ثاني :oops: بس معماري كتب الكلمة الالطف ..

[سالم الزهران]

السلام عليكم
زمان أول كان في دكان قريب منا، ذيك الأيام بدى يشتهر الحليب السائل المعبي بقواطي اللي ينحط مع الشاي، طحنا فيه أول ما جربناه. القصة مب هنا، القصة انا اذا طلبنا من راعي الدكان عشر علب بعشر ريال.. وجيناه عقب يوم أو يومين وشرينا نفس الكمية يعصب!

يقول انتم تشربونه شراب من القوطي؟

يقصد اننا ما نحطه في براد الشاي؟
طيب يا عم انت الكسبان يوم نشتري منك.. لكن الاولين كان فكرهم غير! حتي الشطة يخاصمنا عليها واحياناََ ما يبيع لنا، يقول بتمرضكم!

[Dana’1]

ياسلام يخاف عليكم من الحليب المركز جزاه الله خير
الحين حتى الزقارة و السويكة يبيعونها بالسر للأطفال و المراهقين.
طبعا يمكن راعي الدكان اللي تقصده مواطن أو حتى مقيم بس يخاف الله في عيال الناس
الحين كل اللي عندنا كلهم مقيمين و غالبا من الهند و فيهم اللي يخاف الله بعيال الناس و فيه اللي يخاف القوانين و فيه اللي بايعها للأسف

[سالم الزهران]

اشكر تعقيبك اخت دانه، اشياء من الذكريات تدعونا للتفكر في طريقة الاولين، حرصهم وكرههم للتبذير واشياء كثيرة تدل على ثقافتهم..

[سالم الزهران]

مساء الخير
باليوتيوب حصلت حلقة لمسلسل سوق المقاصيص، اللي يمثل فيه الممثل سعد الفرج دور فراش بوزارة.

تذكرت مرة قبل اثنعش سنة كنت داخل الدوام ولاحظت شباب كاشخين وقاعدين باللوبي.. واطالعهم واذا هم اغلبهم يطالع فيني.. قمت رحت سلمت عليهم وسألتهم من وين ولوين،، قالوا لي مقدمين علي وظايف واتصلوا فينا.

دعيت لهم بالتوفيق وكملت طريقي.. وفي الطريق قابلت واحد من التوظيف واستوقفته وسألته عنهم.. قالي لي بلى طالبين وظايف قهوجية؟

حقيقة صدمني.. والشغل مب عيب لكن والله شباب النعمة مبينة عليهم.. مع ذلك متقدمين لوظائف من هالمستوى!

هذا الشيء ذكرني فيه سعد الفرج في دورة في المسلسل.. فراش يداوم ببشت.

[معماري قطري]

الله يعين من يسعى لشغل مناسب وجيد له وفي بلاده .. وهذا من 12 سنة وقتها كان الوضع الإقتصادي أفضل من ألحين أتوقع

الله يرزق الجميع ويوفقهم

[سالم الزهران]

https://j.top4top.io/p_2135cejrq0.jpg (https://top4top.io/)
مساء الخير
هذا واحد من شياب المنتدى حفيدته اذا شافت الصوره هذي تقول بابا عود :whistling:

انا مش حقول اسمه عشان ما يشتكي علينا و نتورط.

[لطيف الروح]

https://j.top4top.io/p_2135cejrq0.jpg (https://top4top.io/)
مساء الخير
هذا واحد من شياب المنتدى حفيدته اذا شافت الصوره هذي تقول بابا عود :whistling:

انا مش حقول اسمه عشان ما يشتكي علينا و نتورط.
يا مكثرهم بابا عود

[معماري قطري]

https://j.top4top.io/p_2135cejrq0.jpg (https://top4top.io/)
مساء الخير
هذا واحد من شياب المنتدى حفيدته اذا شافت الصوره هذي تقول بابا عود :whistling:

انا مش حقول اسمه عشان ما يشتكي علينا و نتورط.

مساء الأنوار

شكلي عرفته أكيد اسمه يبدأ بالنون

[سالم الزهران]

حرف النون يعني نعم الله عليك يابه الحج:tooth:

[sara jsm]

https://j.top4top.io/p_2135cejrq0.jpg (https://top4top.io/)
مساء الخير
هذا واحد من شياب المنتدى حفيدته اذا شافت الصوره هذي تقول بابا عود :whistling:

انا مش حقول اسمه عشان ما يشتكي علينا و نتورط.


اكيد معماري .. هاي سوالفه يترس البيت من الشكر :telephone:

[معماري قطري]

اكيد معماري .. هاي سوالفه يترس البيت من الشكر :telephone:


صدتيني عاد طرشتها حق سالم وقلت له السالفة وبعد فترة طرشها لي قال شتذكرك به وكنت ناسي .. قلت هذي مارة علي وبعدين ذكرني بالسالفة

[سالم الزهران]

مساء الخير

اخونا بو عبدالله وبدون مجاملة من اللي يفيد في نواحي كثيرة والله يحفظه واياكم ويمتعكم بالصحة والعافية جميع.
من الغشمرة للجد تلقى عنده خير. انا عاد بكشفه لكم أكثر، مهندسنا العود بو عبدالله عنده حساسية سبحان الله تحس فيها اذا طرحت عليه فكرة معينة، تحسه من النوع اللي ما يبسط الأمور بلعكس يتعمق ويعقد الأشياء واتوقع ان ثمانين بالمية من هالشيء مبني على (حدس ومعها تجارب يمكن زينة او يمكن صعبة).. لذلك معماري آخر واحد تتوقعونه يمر عليه الخبر بدون ما يفترض له ستين افتراض.. مدري عاد اذا هالحساسية و الدقة فايدته في الأسهم. :sneaky:

تبغي واحد يستفيد من دروس الاخرين، هذا معماري جدامك.. لدرجة احياناََ اقول يمكن حظك يختلف عن خظ الآخرين ليش ما تحاول، عاد انا احياناََ اقول ابو عبدالله يتكيسل مب كله حرص.

هذا تقريرنا عنك يبو عبدالله وما استاذنتك فيه لاني اعرف خاطرك و والتقرير الجاي بيكون في المهارات الثانية خصوصاََ مهاراتك الرياضية:pic:

[سالم الزهران]

صباح الخير
مرة أتى ناس من الجماعة لجدي يشتكون من أحد ابنائه، هذاك الأبن كان نشيط ولذلك الجد موليه أمور زراعيه في مكان بعيد عن التجمع السكاني أسفل الديرة لان تلك المزارع مخصصه للحنطة وهي تحتاج جو دافىء.. فهذا الولد أو العم كان يغيب أيام ومشغول بالذات في فترة الحصاد.

الحصاد يجيبون السنابل وينشرونها في مكان دائري و تدور عليها البهائم (الثيران) اعزكم الله. وتتساقط كل الحبوب من السنابل وتجمع الغلة وتترك بقايا السنابل علفاََ للبهائم.

المعذرة استطردت سوي لكن هذه العملية تسمى (الدوس) وبها ارتبطت هذه الذكريات.

العم هذا كان عنده مشاكل مع ناس من الجماعة ساكنين بأعلى الديرة(نوع من شيطنة الشباب والمكايدات، ومدري شحصلوا شيء خربان عندهم او في مزارعهم وتهموه فيها واتضح انهم كانوا صادقين).

المهم يوم جو يشتكون للجد رحمه الله استغرب منهم، قال ولدي فلان مب قريب عشان تتهمونه، هذا اسفل الديرة يدوس؟ (الشايب يقصد دوس الحصاد).

قالوا له، انت ما تدري يبو فلان، ولدك يدوس بأسفل الديرة وبأعلى الديرة بس انت ما تدري الله يهديك.

قاموا اصطلحوا على شيء للناس المشتكين واذكر اعطاهم الجد ستمئة ريال.. واذا تسأل عن هالمبلغ شكثر ذاك اليوم أقول لك مثل خمسة الاف ريال اليوم.. تقريباََ.

رحم الله الجميع ورحم تلك الأيام

[سالم الزهران]

مساء الخير
في المرحلة الاعدادية اظن عمري كان ارباطعش سنة، طلبوا الاوقاف ان يتم تكليف طلاب يحفظون شيء من القرآن عشان يصلون بالناس في رمضان.. فطلب مني معلم القرآن الكريم وهو سوري الجنسية ويلبس خليجي مية بالمية.. طلب اني اصلي في مسجد من المساجد.

فعلاََ صليت بهم رمضان كامل وعقب رمضان وصلني خبر ان جاء لنا شيكات.. رحت الاوقاف عطوني شيك بالفين ريال.. ورحت صرفتهم و استويت زنقيل.. لكن سافرت مع واحد من الربع وتعطلنا في الدرب وعطيته والى اليوم ما شفتهم ولا ابيهم.

ابي لو ارجع احفظ نص اللي كنت حافظه، ابي السفر والصداقة والمحبة بين الناس ترجع.. ما نبغي فلوس وكذب اللي قال انها تطيب النفوس.

[معماري قطري]

مساء الخير

اخونا بو عبدالله وبدون مجاملة من اللي يفيد في نواحي كثيرة والله يحفظه واياكم ويمتعكم بالصحة والعافية جميع.
من الغشمرة للجد تلقى عنده خير. انا عاد بكشفه لكم أكثر، مهندسنا العود بو عبدالله عنده حساسية سبحان الله تحس فيها اذا طرحت عليه فكرة معينة، تحسه من النوع اللي ما يبسط الأمور بلعكس يتعمق ويعقد الأشياء واتوقع ان ثمانين بالمية من هالشيء مبني على (حدس ومعها تجارب يمكن زينة او يمكن صعبة).. لذلك معماري آخر واحد تتوقعونه يمر عليه الخبر بدون ما يفترض له ستين افتراض.. مدري عاد اذا هالحساسية و الدقة فايدته في الأسهم. :sneaky:

تبغي واحد يستفيد من دروس الاخرين، هذا معماري جدامك.. لدرجة احياناََ اقول يمكن حظك يختلف عن خظ الآخرين ليش ما تحاول، عاد انا احياناََ اقول ابو عبدالله يتكيسل مب كله حرص.

هذا تقريرنا عنك يبو عبدالله وما استاذنتك فيه لاني اعرف خاطرك و والتقرير الجاي بيكون في المهارات الثانية خصوصاََ مهاراتك الرياضية:pic:

خذ راحتك يا بو زيد

كان عندنا لاعب كورة اسمه علي زيد أكيد النهار يعرفه كان لقبه الزد نسبة للنيسان زد إكس السريعة والفنانة في المحاورة والمناورة دوم بو زيد تذكرني به

ما قلته فيه شيء من الصح بس صدقني أوقات ما اشغل نفسي بالتفكير وأعتبر كل شيء مكتوب .. البورصة أما تسويها قمار وتتحسر أو تكون قاط خيطك في كم شركة وصابر والله يرزقك وانت إحمده وإقتنع بما قسمه لك

[معماري قطري]

مساء الخير
في المرحلة الاعدادية اظن عمري كان ارباطعش سنة، طلبوا الاوقاف ان يتم تكليف طلاب يحفظون شيء من القرآن عشان يصلون بالناس في رمضان.. فطلب مني معلم القرآن الكريم وهو سوري الجنسية ويلبس خليجي مية بالمية.. طلب اني اصلي في مسجد من المساجد.

فعلاََ صليت بهم رمضان كامل وعقب رمضان وصلني خبر ان جاء لنا شيكات.. رحت الاوقاف عطوني شيك بالفين ريال.. ورحت صرفتهم و استويت زنقيل.. لكن سافرت مع واحد من الربع وتعطلنا في الدرب وعطيته والى اليوم ما شفتهم ولا ابيهم.

ابي لو ارجع احفظ نص اللي كنت حافظه، ابي السفر والصداقة والمحبة بين الناس ترجع.. ما نبغي فلوس وكذب اللي قال انها تطيب النفوس.

شوف الفلم اللي طرشته لك شلون البنت طلعت الفلوس بدون ما تلمس الجدر اللي مغطيها لو سارة ما قدرت

[معماري قطري]

صباح الخير
مرة أتى ناس من الجماعة لجدي يشتكون من أحد ابنائه، هذاك الأبن كان نشيط ولذلك الجد موليه أمور زراعيه في مكان بعيد عن التجمع السكاني أسفل الديرة لان تلك المزارع مخصصه للحنطة وهي تحتاج جو دافىء.. فهذا الولد أو العم كان يغيب أيام ومشغول بالذات في فترة الحصاد.

الحصاد يجيبون السنابل وينشرونها في مكان دائري و تدور عليها البهائم (الثيران) اعزكم الله. وتتساقط كل الحبوب من السنابل وتجمع الغلة وتترك بقايا السنابل علفاََ للبهائم.

المعذرة استطردت سوي لكن هذه العملية تسمى (الدوس) وبها ارتبطت هذه الذكريات.

العم هذا كان عنده مشاكل مع ناس من الجماعة ساكنين بأعلى الديرة(نوع من شيطنة الشباب والمكايدات، ومدري شحصلوا شيء خربان عندهم او في مزارعهم وتهموه فيها واتضح انهم كانوا صادقين).

المهم يوم جو يشتكون للجد رحمه الله استغرب منهم، قال ولدي فلان مب قريب عشان تتهمونه، هذا اسفل الديرة يدوس؟ (الشايب يقصد دوس الحصاد).

قالوا له، انت ما تدري يبو فلان، ولدك يدوس بأسفل الديرة وبأعلى الديرة بس انت ما تدري الله يهديك.

قاموا اصطلحوا على شيء للناس المشتكين واذكر اعطاهم الجد ستمئة ريال.. واذا تسأل عن هالمبلغ شكثر ذاك اليوم أقول لك مثل خمسة الاف ريال اليوم.. تقريباََ.

رحم الله الجميع ورحم تلك الأيام

عيشتنا جو زراعي وجبلي هذا بعيدين كلش عنه قطر مسطحة مثل فلوريدا

[سالم الزهران]

شوف الفلم اللي طرشته لك شلون البنت طلعت الفلوس بدون ما تلمس الجدر اللي مغطيها لو سارة ما قدرت

حركة عجيبة مسويتها، توني افتح الفيديو

[sara jsm]

ابي لو ارجع احفظ نص اللي كنت حافظه، ابي السفر والصداقة والمحبة بين الناس ترجع.. ما نبغي فلوس وكذب اللي قال انها تطيب النفوس.

صح ماتطيب النفوس لكنها تروقها وتداوي الجروح والقلوب :shy:


شوف الفلم اللي طرشته لك شلون البنت طلعت الفلوس بدون ما تلمس الجدر اللي مغطيها لو سارة ما قدرت

اي بنت ؟ واي فلوس ؟ وين مطرش له وليش ماتطرش لي ؟؟
حب لاختك المسلمة ماتحبه لنفسك :weeping:

[معماري قطري]

صح ماتطيب النفوس لكنها تروقها وتداوي الجروح والقلوب :shy:



اي بنت ؟ واي فلوس ؟ وين مطرش له وليش ماتطرش لي ؟؟
حب لاختك المسلمة ماتحبه لنفسك :weeping:

يا حبج حق الفلوس أي شيء فيه فلوس تبينه

تعبتيني لين طلعت هالمقطع



https://www.youtube.com/watch?v=aDwBoubcPVc

https://www.youtube.com/watch?v=aDwBoubcPVc

[sara jsm]

:weeping: عاد انا محد يسوي لي هالمسابقات ..
اشلون بافوز :weeping: مافي الا انك تكتب لي شيك وتعطيني اياه هدية :nice:

[سالم الزهران]

صباح الخير

يوم تعب الجد ما صار يروح للمناسبات، وكان يعرف بعض المناسبات يصير فيها أخذ وعطاء وحل مشاكل وخصومات.. الخ. فكان يوصيني اجيب له الخبر.. اذا قابلته اليوم الثاني وجيت سلمت عليه كان يقول لي ( ما لافي الا وعلّم)؟ يعني (ما من شخص يأتي الا ولديه علم). فاقوله (خير يا جد، البارح حضر فلان وفلان و تكلم اول شي فلان ورد عليه فلان، و خرج بالنتيجة الفلانية و كيت وكيت).

فكان يقول الجد رحمه الله، حلها ابو فلان وهو راعيها.
فلان بعد ونعم وتراه احسن ربعه؟ فلان وفلان هذيلاك صدورهم ضيقه.. الله يهديهم.

اجدادنا كانت لهم حياة حافلة، اكثر تفاعلاََ من حياتنا الحين، حتى انا اشوف تفاعلي في العالم الافتراضي اكثر من العالم الحقيقي.. والله يحسن لنا ولكم الحال والمآل.

[سالم الزهران]

صباح الخير

مرة ونا صغير ما اذكر بالضبط يجوز ما دشيت مدرسة، مريت من عند مزرعه كان شغال فيها اربع حريم اعرفهم و الله يرحم اللي كلمتني منهم..

قالت لي تقدر تروح بيتنا تجيب البقر عشان نحن خلصنا ونبي البقر يكمل ورانا.

(هم كانوا يقصون زرع ويبقى شيء صغير واعشاب يبون البهائم تاكلها).

قلت ايه بروح.. قالت لي انتبه من البقره الفلانية (توصفها لي) تراها تنطح!

رحت وفعلاََ في المكان اللي مقابل بيتهم حاطين مكان فيه بقر (اعزكم الله).

رحت اسوق البقر وانا حاط فبالي اللي حذرتني منها، لكن شفتها مشت مع البقر.. لكن افترت كنها تبي تشرب من الخزان الخارجي اللي مسوينه اهل البيت للحلال.

انا قمت ابغي اردها تلحق البقر.. لكنها انطلقت علي وطيرتني بنطحة مدري شلون اوصفها، طيحتني في صحن كبير مدري حق شنو، وتقلب انا والصحن واطيح تحت بعد في مكان ثاني.

قمت ونفضت هدومي ومشيت ورى البقر لين وصلته مزرعتهم هذي.. وقالت لي الحرمة، بشر عسى ما نطحتك البقرة.. قلت لا.
وهي شايفة الملابس تبللت وبعدين مسك فيها تراب.. حتي جلست تسولف مع اهلي.. تقول انشده يقول لا ما نطحتني؟ وهو مبين بملابسه انه طايح!

عاد العمة ذيج الله يهديها تبيني اعترف ان نطحتني بقره! هذا اللي ناقص. رحمك الله يا أم علي وجعل قبرك روضة من رياض الجنة.

[sara jsm]

حتى انا اشوف تفاعلي في العالم الافتراضي اكثر من العالم الحقيقي..

نفسي .. لان هني النفوس مثل اول .. ماتغيرت ..

:


. لكنها انطلقت علي وطيرتني بنطحة مدري شلون اوصفها، طيحتني في صحن كبير مدري حق شنو، وتقلب انا والصحن واطيح تحت بعد في مكان ثاني.


يسلم راسها والله انها كفووو :taunt:

[سالم الزهران]

مساء الخير
(هذي القصة لاخونا معماري ولا مانع من قراءتها بشرط تفعل فلتر الصدق والفلاتر اللي قال عليها الرئيس)

واحد من الزملاء أيام السفر لسوريا عن طريق البر، يقول يوم كنت بسوريا عجبتني دجاجة (حجمها مرررة كبير) ولاني مربي للطيور شريتها قصدي أرجع بها للسعودية، ويوم وصلت منفذ سوريا الأردن سألني البوليس السوري قال (ليش الجاجه كبيره هيك شو بطعميها؟)، قلت اطعمها حشيش.. يقول قاموا زعلوا وطقوني طق اليهد، ويوم طلعت منهم دشيت على المنفذ الأردني وسألوني نفس السؤال عن الدجاجة قالوا شو بتأكلها،، قلت فيتامينات وشغلات.. وعينك ما تشوف الا النور، طقووني الزلم كملوا الناقص... يقول ابو محمد وصلت منفذ السعودية ودجاجتي معي وسألوني نفس السؤال، قلت لهم والله مدري شتآكل، أنا اعطيها فلوس وهي تروح تشتري، ضحكوا وقالوا نهارك زي الفل، واهم شي ما طقوني ولا اعدموني ولو أدري قايلها من أول.

[سالم الزهران]

مساء الخير
معماري ما عقب على المشاركة السابقة وهو كان مقصود..
؛

عموماََ تذكرت اثنين تخاصموا لمدة من الزمن، الأول أخطأ على الثاني خطأ جسيم والمشكلة في مجلسنا.. تمو سنين متخاصمين لأن الغلط عووود.. لكن في النهاية الاثنين تصالحوا.. ونا باقي ما صلحت مع المخطئ.. وينطبق علي المثل اللي يقول (أهل الميت صبروا والمعزين كفروا).

الامور اللي تحز ف نفسي هو أن اللي واقع عليه الغلط وافق على الصلح كأنه مفروض عليه .. وحتى دون أن يعترف الطرف الأول أنه أخطأ.. الطرف الثاني من كثر ما ضغطوا عليه رجع يسألنا ويتأكد.. هل معه حق أو لا!

تم الصلح بينهما والله يبارك.. انا اللي لليوم ما أسلم على الطرف الأول.. والمطلوب من حضرته يقول اخطيت فقط.. ونقول عفى الله عنك.. لكن تعودوا بعض الناس يطلعون من مشاكلهم بالتهرب من الاعتراف بالخطأ بحجة انه تفسر كلامهم غلط أو من هالأعذار..

ما اعتقد ان احد فاضي يتخاصم مع أحد او يطالب أحد.. لكن ليتهم يدركون أن تصرفاتهم هذه تجعل الناس تتمسك بمواقفها منهم لكي تتجنبهم وترتاح منهم.

[معماري قطري]

صباح الخير

مرة ونا صغير ما اذكر بالضبط يجوز ما دشيت مدرسة، مريت من عند مزرعه كان شغال فيها اربع حريم اعرفهم و الله يرحم اللي كلمتني منهم..

قالت لي تقدر تروح بيتنا تجيب البقر عشان نحن خلصنا ونبي البقر يكمل ورانا.

(هم كانوا يقصون زرع ويبقى شيء صغير واعشاب يبون البهائم تاكلها).

قلت ايه بروح.. قالت لي انتبه من البقره الفلانية (توصفها لي) تراها تنطح!

رحت وفعلاََ في المكان اللي مقابل بيتهم حاطين مكان فيه بقر (اعزكم الله).

رحت اسوق البقر وانا حاط فبالي اللي حذرتني منها، لكن شفتها مشت مع البقر.. لكن افترت كنها تبي تشرب من الخزان الخارجي اللي مسوينه اهل البيت للحلال.

انا قمت ابغي اردها تلحق البقر.. لكنها انطلقت علي وطيرتني بنطحة مدري شلون اوصفها، طيحتني في صحن كبير مدري حق شنو، وتقلب انا والصحن واطيح تحت بعد في مكان ثاني.

قمت ونفضت هدومي ومشيت ورى البقر لين وصلته مزرعتهم هذي.. وقالت لي الحرمة، بشر عسى ما نطحتك البقرة.. قلت لا.
وهي شايفة الملابس تبللت وبعدين مسك فيها تراب.. حتي جلست تسولف مع اهلي.. تقول انشده يقول لا ما نطحتني؟ وهو مبين بملابسه انه طايح!

عاد العمة ذيج الله يهديها تبيني اعترف ان نطحتني بقره! هذا اللي ناقص. رحمك الله يا أم علي وجعل قبرك روضة من رياض الجنة.

عيشتني هذا الموقف .. كان فريجنا قبل فيه بقر وغنم وفيه مراعي حوله ويمكن ما يخلى بيت من حوطة جنبه .. الوالدة الله يحفظها فيها ضربة في جانب جبهتها وإحنا صغار نسالها من وشو ذي العلامة اعترفت إنها جاتها نطحة من بقرة

[معماري قطري]

مساء الخير
(هذي القصة لاخونا معماري ولا مانع من قراءتها بشرط تفعل فلتر الصدق والفلاتر اللي قال عليها الرئيس)

واحد من الزملاء أيام السفر لسوريا عن طريق البر، يقول يوم كنت بسوريا عجبتني دجاجة (حجمها مرررة كبير) ولاني مربي للطيور شريتها قصدي أرجع بها للسعودية، ويوم وصلت منفذ سوريا الأردن سألني البوليس السوري قال (ليش الجاجه كبيره هيك شو بطعميها؟)، قلت اطعمها حشيش.. يقول قاموا زعلوا وطقوني طق اليهد، ويوم طلعت منهم دشيت على المنفذ الأردني وسألوني نفس السؤال عن الدجاجة قالوا شو بتأكلها،، قلت فيتامينات وشغلات.. وعينك ما تشوف الا النور، طقووني الزلم كملوا الناقص... يقول ابو محمد وصلت منفذ السعودية ودجاجتي معي وسألوني نفس السؤال، قلت لهم والله مدري شتآكل، أنا اعطيها فلوس وهي تروح تشتري، ضحكوا وقالوا نهارك زي الفل، واهم شي ما طقوني ولا اعدموني ولو أدري قايلها من أول.




سالفته غريبة يا بو زيد وسامحني متابعتي متقطعة

أما هو يقصد كان يبغي دجاجة من اللي انا خابرهم ما عليها ريش ولا تاكل حشيش وضربوه أهلها والا مألف لكم قصة

[سالم الزهران]

سالفته غريبة يا بو زيد وسامحني متابعتي متقطعة

أما هو يقصد كان يبغي دجاجة من اللي انا خابرهم ما عليها ريش ولا تاكل حشيش وضربوه أهلها والا مألف لكم قصة

ههههه معك حق كان يسولف علي ناس يربون طيور وهم ف البداية يحسبونه صادق لكن اخر السالفة صقعوا ف جدار.

[سالم الزهران]

صباح الخير

في الماضي، كان فيه حرمة مب من الجماعة لكنها سكنت في بيت قريب منا والناس كانوا يرحبون بالغريب والمنقطع خصوصاََ اذا كان يستحق المساعدة.

سكنت الحرمة ومعها بنية مش كبيرة.. لكن الله سبحانه اختار لها الآخرة.. مرضت البنت و كان تقول في مرضها؛

يا يمه لو جاء الحساب، آنا وش آقل له
أقرأ له الفاتحة و لا القران كله!

رحمها الله، وجميع أموات المسلمين
قلقت تلك البنية على نفسها لأن الفاتحة تحفظها،. لكن تخشى لو يكون مطلوب منها شيء أزود من الفاتحة.

لكن كلما تذكرت هذا البيت.. أقول لنفسي نحن أولى أننا نتساءل عن موقفنا لأن في وقتنا من الملهيات والمعاصي الشيء الكثير .. الله يتجاوز عنا.

[سالم الزهران]

مساء الخير

اصغر عيالي في الابتدائي سمعته اليوم يقول (متى تجي أيامك يالبوقاتي) وجواله حاط فيه صور السيارة هذي وداخل معها قصة غرام.

ذكرني ونا بالمرحلة الابتدائية في الصف الخامس يوم كنت ابغي الوالد يشتري لي سيارة الاستاذ المصري الهايلكس موديل 79 اللي كان موقفها عند بيتنا لأنه سافر مصر إجازة وتأخر.. وقال لي الوالد اذا ما عود الاستاذ محمد بناخذ سيارته لك. فكنت أتمنى وأقول لنفسي متى يرد الاستاذ محمد.. بالضبط مثل عبارة الولد الصغير مع الفارق الكبير في الطموح.

سيارة الاستاذ كانت غمارة وحدة وملبسه مراتبها احمر مخملي.. ودخلت معها قصة حب ما اكتملت لأن الاستاذ عود للديرة. ما تأخرت لين تعلمت اسوق في هايلكس موديل 85 وعقبها استلمت قلابي دايهاتسو موديل 84 كنا نستخدمه يوم كان عندنا مصنع طابوق وكرهت السواقه يومها ولا نعرف حتى نسرع مثل الشباب اللي تعلموا في سيارات حديثة.

نحمد الله على ما مضى وما نحن فيه ونسأله أن يلطف فيما بقي لنا ولكم ولجميع المسلمين.

[سالم الزهران]

مساء الخير
ونا راد من المسجد قبل شوي تذكرت مؤذن بأحد الفرجان اللي سكناها بالتسعينيات بالمناطق المطورة ذاك الوقت، كنت عقب الإفطار برمضان أروح للمسجد وادخل واحصل المؤذن العم منديل يفطر ويصر علي افطر معه واقوله فطرت في البيت لكنه يصر ويقول انا يالمذن توني ما افطرت عيل انت مفطر بماي! الحقيقة كنا في بيتنا فقط نتقهوي ونروح نصلي وعقب الصلاة نرجع نحصل السفرة الكاملة. رحم الله العم منديل مؤذن مسيدنا ورحم أموات المسلمين.

[sara jsm]

حلاتيين على عمووور هاي الطموح ولا بلاش ..
مب انا كنت احلم اسوق نيسان بترول باب واحد crazy

[سالم الزهران]

حلاتيين على عمووور هاي الطموح ولا بلاش ..
مب انا كنت احلم اسوق نيسان بترول باب واحد crazy

مساء الخير
نيسان ربع! وايد زين انه حلم

[سالم الزهران]

من الذكريات العتيجة أن كتب المدرسة كان فيها صور حيوانات ما شفناها على الطبيعة، اغلب المفترسات والفيل والزرافة والنعامة.. كلها نجلس نطالعها وحالتنا حالة. بل أن أحد الزملاء كان يشتكي أنه ما قد شاف الضفدع الا في الكتاب. :pilot:

[رحال]

ذكريات

[سالم الزهران]

ذكريات

استاذنا واخونا الحبيب رحال، مرورك هاديء كنسيم الصباح، ما انتبهنا له.. وفقك الله.

[سالم الزهران]

مساء الخير

من ذكريات الطفولة ما يلي:
كنت اسمع عن السوق ولا أشوفه، حتى كنت اسأل الصبيان ف المدرسة اذا جابوا سيرة السوق، لدرجة انهم يذكرون اسما محلات ما اعرفها.. ومش غريب على واحد ما قط نزل سوق انه يعرفه.

انا كنت من صغري مشغليني مع الغنم و قضيت معها اوقات صعبة.. من العجيب أن الناس كانت اذا تبي تتكلم عن واحد انه ما يعرف لشيء او لمهارة معينة، يقولون له (روح ارعى غنمكم ابرك لك). والحقيقة انك ممكن تطلع عبقري في المدرسة لكن صعب انك تتقن رعاية الغنم :)، بل حتى الغنم تعرف اللي يرعاها اذا صاحي ولا من جنبها.

لو رجعنا للسوق، ولو تذكرت ايام كنا نروح في سيارة الوالد او احد الاعمام.. ممنوع انك تنزل من السيارة، وما يصير تطالع شجاب معه من الدكان ولا بتستوي ياهل وحركاتك مالها داعي!

الموضوع يالربع ثقافة عند الوالدين والجماعة واحتى عند الاطفال.

اتذكر مرة نزلنا مع الوالد وما اقل ما كنا نروح معه وما اقل المرات اللي ركبت فيها سيارتنا (صدق او لا تصدق)! مع اني كنت فخور فيها ههه.

مرة الوالد شرى قشطة ومعها خبز مثل التركي مال المشاوي.. وصفط في مكان تحت اشجار وتريقنا.. لازلت اتذكر ذاك الريوق لانه تحس انك مخطوف من حياتك اليومية ومتدلع على الآخر.

طبعاََ تغير الحياة سبب لنا نكبة، الى الآن انظر للأطوار اللي عشناها بشيء من الذهول.. وين كنا وشلون صرنا..

حصلت مشاكل ونا من يومي عايش مع نفسي ولا عندي وقت اطبطب على أحد واعترف ان هذي الصفة كانت من اكبر سلبيات مرحلة الشباب...

صرت شبه مقاطع للمنطقة، اذا رحت لها احن حنين واتعب وانسى نفسي، واذا بعدت عنها انساها.

ما اذكر اول سنة سافرت فيها تركيا لكن زمان الرخص والحقيقة ادهشتني طبيعتها ذكرتني بطفولتي لاني واجهت ناس ترعى غنم وتربي غنم و كل شيء يتعلق بالغنم يذكرني بغنمي.. اللي الى الآن اتذكر الوانه و صفاته ولو اني نسيت الكثير لكن كان فيه غنم(ات) :) مميزة لازلت اتذكرها.

في الختام وبعد هالاسهاب او الملغة، اقدر اقول اني اكتشفت عقب مدة مب طويلة انني ممكن اعيد انولد مرة ثانية بتركيا و من يدري، مب شرط اخذ غنم ولا اظن حد بيسويها، لكن يكفي اشوف الطبيعة واشوف البساطة ونحن مب مال فنادق وشاليهات، ودونا صوب الهضب والجبال و ما قصرتم.