وحده في ورم .. عطوها موعد شهر 8 .. والثانية رفضوا علاجها ..!

[محمد11]

السلام عليكم ورحمةالله وبركاته

مرت اخوي صادها ورم وتم اكتشافه عن طريق عيادة خاصه .. !! بعد نكران مستشفى حمد !!

اخوي خذ مرته وداها لندن و وشال الورم والحمدالله هي بخير ..
اتصلوا فيها الاخوان في المستشفى الي اسمه حمد بعد ما رجعت من لندن قالوا لها موعدج شهر 8 .. تخيلوا !!!

الحالة الثانيه :
بنت عمي الله يشافيها يارب وايمانها بالله قوي والحمدالله سلاحها القران كونها حافظه كتاب الله كامل وتم تكريمها ..
فيها ورم خبيث وهي تعالج في تايلند ..بعد تأخر المكان الي اسمه مستشفى حمد ..
الحين هي في بانكوك تعالج جلسات الكيماوي
تخيلوا ان ( الدولة ) رفضت علاجها !!
قالوا لها تعالي الدوحه وكملي علاجك !!
مادري ليش هي مقيمه !!! ولا لازم تجيب كاس اسيا علشان يتم تكريمها !!
ولا لازم يكون فيها كحه ولا اسهال علشان تجيها الموافقه !!!
ولا زام اكون من فلان بن فلان !!
تستغرب لما مواطن قطري فيها مشكله كبيره والبلاد ترفض العلاج او المساعده !!!
ماقول غير حسبي الله ونعم الوكيل

[Abjalsulaiti]

خل يرجعون التامين الصحي حالنا حال الاجانب

وصحيح كلامك مستشفى حمد اي كلام عانيت معاهم مع الوالد

الله يشفي مرضاكم ويعافيهم يارب

[حمد 2002]

الله يشاافيهم ويعافيهم ..


الحل بتويتر طال عمرك ..

[سالم الزهران]

الله يشفي مرضاكم يا اخي محمد..وترانا من مدة ونحن نكتب عن السلبية في المجتمع ونكتب بعد عن الانصاف ونكتب عن اشياء كثيرة.. للاسف اذا كان بالمستشفى فريق ممتاز ما يكمل شغله لو كان هناك خلل من اداري بسيط.

لذلك.. انتم شباب.. اجمعوا هالمشكلات.. حتى لو هنا بموضوع خاص بالمنتدى.. ناقشوها.. ابحثوا عن حلول... الاداري الجيد بيتواصل معك وبيستفيد... الاداري اللي لا اداري ولا ارادي (حطوه تحت ضغط).. نبغي الشكوى تتعدى كونها شكوى وتتحول لمبادرة.

بدون ما اطيل عليكم ولا اعيد عليكم قصة حياتي.. لكن اشتغلت في المجال الطبي كإداري لمدة سنة... واصلت علاج ناس انتهت صلاحية أمر عالجهم (الموافقة).

و أذكر وحده جاها تعيين في التعليم لكن ما اجتازت الكشف الطبي وفاتتها الفرصة، جوني ذيك السنة ويبون يجتازون التحاليل.. كلمت الاطباء ما وافقوا.. طرت لي فكرة وقلت جيبي اختج تحلل مكانك وفعلاََ سحبتها ملفها بيدي وديته للعيادة بالنموذج حق التعليم.. انتي فلانه نعم.. وحللت اختها و النتايج باسم راعية الملف... طلعت تحاليلها زينة وخذوها في ظرف مختوم للوزارة وتعينت معلمة... و هذه الأمثلة مخالفة صريحة للنظام وتستوجب العقاب.. لكن كنت جندي مجهول محد درى و لا انهار اقتصاد البلد يوم تعالج ذاك الشيبة من ميزانية الدولة ولا اخترب التعليم يوم تعينت مدرسة عندها حساسية!

ربما يا اخ محمد تحصل جندي مجهول يتجاوب مع شكواك اذا عندك اوراقك و اثباتاتك.. وقبل كل شيء استصحب النية انك بتنفع واحدين ثانين بيتعرضون لنفس الموقف.. وترى الاداري الرديء.. يعطل عشرة طيبين.. عشان جذي نراهن على جندي مجهول يبي المصلحة العامة و يؤمن في روح النظام مب في قرار سعادة فلان وعلان... وانتم في الف خير و الله يزيده و بيبقى اسم حمد مرتبط بكل نجاح.. .. انتم اكملوا الخطوات واشتكوا اشتكوا ثم اشتكوا.. لهدف سامي ونية عمل الخير.

[محمد11]

الله يشفي مرضاكم يا اخي محمد..وترانا من مدة ونحن نكتب عن السلبية في المجتمع ونكتب بعد عن الانصاف ونكتب عن اشياء كثيرة.. للاسف اذا كان بالمستشفى فريق ممتاز ما يكمل شغله لو كان هناك خلل من اداري بسيط.

لذلك.. انتم شباب.. اجمعوا هالمشكلات.. حتى لو هنا بموضوع خاص بالمنتدى.. ناقشوها.. ابحثوا عن حلول... الاداري الجيد بيتواصل معك وبيستفيد... الاداري اللي لا اداري ولا ارادي (حطوه تحت ضغط).. نبغي الشكوى تتعدى كونها شكوى وتتحول لمبادرة.

بدون ما اطيل عليكم ولا اعيد عليكم قصة حياتي.. لكن اشتغلت في المجال الطبي كإداري لمدة سنة... واصلت علاج ناس انتهت صلاحية أمر عالجهم (الموافقة).

و أذكر وحده جاها تعيين في التعليم لكن ما اجتازت الكشف الطبي وفاتتها الفرصة، جوني ذيك السنة ويبون يجتازون التحاليل.. كلمت الاطباء ما وافقوا.. طرت لي فكرة وقلت جيبي اختج تحلل مكانك وفعلاََ سحبتها ملفها بيدي وديته للعيادة بالنموذج حق التعليم.. انتي فلانه نعم.. وحللت اختها و النتايج باسم راعية الملف... طلعت تحاليلها زينة وخذوها في ظرف مختوم للوزارة وتعينت معلمة... و هذه الأمثلة مخالفة صريحة للنظام وتستوجب العقاب.. لكن كنت جندي مجهول محد درى و لا انهار اقتصاد البلد يوم تعالج ذاك الشيبة من ميزانية الدولة ولا اخترب التعليم يوم تعينت مدرسة عندها حساسية!

ربما يا اخ محمد تحصل جندي مجهول يتجاوب مع شكواك اذا عندك اوراقك و اثباتاتك.. وقبل كل شيء استصحب النية انك بتنفع واحدين ثانين بيتعرضون لنفس الموقف.. وترى الاداري الرديء.. يعطل عشرة طيبين.. عشان جذي نراهن على جندي مجهول يبي المصلحة العامة و يؤمن في روح النظام مب في قرار سعادة فلان وعلان... وانتم في الف خير و الله يزيده و بيبقى اسم حمد مرتبط بكل نجاح.. .. انتم اكملوا الخطوات واشتكوا اشتكوا ثم اشتكوا.. لهدف سامي ونية عمل الخير.

ماقصرت اخوي ..
لكن ليش الدوله او الحكومة او الوزاره تبينا نوصل لهذه الحاله !!
استغفر الله العظيم

[Rider]

سؤال هل وزيرة الصحة والمسؤولين في البلد يتعالجون في مستشفى حمد ؟؟؟؟
اذا عرفنا الجواب على السؤال بنعرف ليش الإهمال

[معماري قطري]

سؤال هل وزيرة الصحة والمسؤولين في البلد يتعالجون في مستشفى حمد ؟؟؟؟
اذا عرفنا الجواب على السؤال بنعرف ليش الإهمال

الجواب العلاج البسيط المقدور عليه وأوقات يكون بحجز موعد مباشر مع طبيب جيد .. سمعت مرة مساسر من الممرضات إن فلان جاي وطلع الطبيب يركض صوب غرفة ثانية وكنا ننتظر موعدنا

العلاج البسيط المقدور عليه وقت الصيف يتحول للخارج أوقات بدون تعقيدات

[السيف5]

وزارة الصحة يبيلها شخال بمشخالة
وحل لمشاكلها ,,يعني الواحد مايلاقي موعد بالمستشفى لشهور ليش ؟
وحتى المراكز الصحية ماتدخل الا بموعد مع انه حالتك طارئة ,,لازم تتلاغى معاه حتى تدخل

[!.!]

لا حول ولا قوة إلّا بالله
أصحاب القرار في المستشفي في ماذا يفكرون ؟!، والله تحتار أضعف إيمان يتخيلوا أنّ أحد أبناءهم في تلك الحالة شو ردة فعلهم
أصبحت مهنة الطب [بالمعرفة] على ظهور الناس
القضية تتعلق بالموت أو الحياة ، ويعدون لها موعد ! مسخرة ؛ عندما ترى أنهم وضعوا لك موعد تحسب أن لهم أكفاف عيسي إبن مريم عليه السلام
كأنهم يضمنون حياته ...والضامن إلا الله أصلا هم مجتهدين فقط فلماذا يماطلون ؟
الله يهديهم

[يمامـة]

الله يشفي مرضاكم اللهم امين..

الموضوع فيه نوع من الغرابة..

حسب علمي و خاصة في نقطة السرطان ما يكون هناك أي تأخير
و القطري يتسفر اذا حالته تستدعي و علاجه مب متوفر في البلاد..

فما ادري شنهي السالفة بالضبط في موضوع اخونا محمد 11

[nooora]

الله المستعان ،، الخير واجد لكن ما نشوف شي ،،
الله يعينك اخوي ويشفي جميع مرضى المسلمين ،، مشكلتك ما عندك واسطه هذه غلطتك هذا skills مهم جدا حتى تخلص امورك في اي مكان ،،،

[سالم الزهران]

ماقصرت اخوي ..
لكن ليش الدوله او الحكومة او الوزاره تبينا نوصل لهذه الحاله !!
استغفر الله العظيم

هلا بك اخوي .. والله الموضوع ما يتعدي الوزارة لانها هي اللي تضع الخطة والميزانية وعندها كل الموارد . لكن الوزير اما انه يتلمس المشاكل وبيعثر عليها، او انه يريح راسه ويدع القافلة تسير بحالتها.

وهذا هو حال الغالبية .. مع الاسف

امس كنت بمدينة طبية وتذكرت موضوع التخبط اللي تعاني منه وزارات الصحة في بلداننا، تشوف المباني من افضل ما يمكن والمعدات من الاحدث، لكن للاسف التشغيل ما يتماشى مع الامكانيات.

كله من الفشل الاداري والواسطات والمحسوبيات.

[R 7 A L]

اخذ تقاريرك وروح الديوان

[محمد11]

الله يشفي مرضاكم اللهم امين..

الموضوع فيه نوع من الغرابة..

حسب علمي و خاصة في نقطة السرطان ما يكون هناك أي تأخير
و القطري يتسفر اذا حالته تستدعي و علاجه مب متوفر في البلاد..

فما ادري شنهي السالفة بالضبط في موضوع اخونا محمد 11

ابشرك الموضوع تم الرفض به مرتين
المره الاولى تقديم عادي .. بعدها قالوا اكتبوا تظلم مادري وش الحكمة !!
بعد كتابة التظلم تم الرفض مره ثانيه

[مستـريــح البـــال]

الكلام اللي تكلمت عنه، او بالأصح عانيتوه،، شي بسيط مما يعانونه من بدأ بالعلاج معاهم..

في عدم تنظيم بين الادارات، والدكاتره، والمتابعه..

فيه رغبة بالتخلي عن الحالات، لا وقسم الطواري عندهم عمره ما كان فاضي..

ما احب اكون سلبي في كلامي، بس الواقع والحقيقه مؤلمه..

سبحان الله لين دشيت مستشفيات برع الخاصه بهالأمراض، ومستشفانا عرفت الفرق الحقيقي بين العلاج بضمير، والعلاج لاستلام الراتب ( ولا نعمم)..

الله يشافي كل مريض، ويبعد الامراض عن عباده..

[بوخالد911]

الله يعينكم
ويشفي مرضاكم

[غايه الطواش]

الله يشافي مرضانا ومرضاكم ومرضى المسلمين

انا الوالد صابته جلطه بالراس ودوه اخواني الطواري قالو مافي شي
ردو اخواني ودوه طواري الاهلي قالو جلطه واطلبو له الاسعاف ودايركت على مستشفى حمد

بذمتك مستشفى الدوله مايعرف يشخض جلطه بالراس
اصلا من الاعراض الي صابت ابوي عرفنا والحمدالله تيسرت امورنا
والموقف الثاني الوالده سوت عمليه استئصال كبيره , عطوها موعد لتنظف الجرح بعد العمليه عقب ست شهور
فالاخير الممرضه قالت لنا يوم وترك ادخلو لنا من الطواري عشان التنظيف

[يوسف0]

الله يشافي مرضانا ومرضاكم ومرضى المسلمين

انا الوالد صابته جلطه بالراس ودوه اخواني الطواري قالو مافي شي
ردو اخواني ودوه طواري الاهلي قالو جلطه واطلبو له الاسعاف ودايركت على مستشفى حمد

بذمتك مستشفى الدوله مايعرف يشخض جلطه بالراس
اصلا من الاعراض الي صابت ابوي عرفنا والحمدالله تيسرت امورنا
والموقف الثاني الوالده سوت عمليه استئصال كبيره , عطوها موعد لتنظف الجرح بعد العمليه عقب ست شهور
فالاخير الممرضه قالت لنا يوم وترك ادخلو لنا من الطواري عشان التنظيف

نصيحه فحالة الطوارئ لتودون الشخص بأنفسكم

اتصلوا بالأسعاف

حسب التجارب اذا بتروحين الطوارئ عادي بتنطرين لين تموتين

اذا اتصلتي بالأسعاف يتابعونج و جميع انواع الفحوصات وغيرها من الخدمات

ما أعرف ليش لكن هذا النظام ماشي على الطريقه المذكوره

[koketa]

أبوي صارله ظ¥ شهور في المستشفى صاده جلطه في المخ

تخيلوا واهوه داخل المستشفى صادته جلطه ثانيه وقرحه فراش من الإهمال

الدكاترة يدرون انه مريض ورافضين يعالجونه

صارحنا عليهم وسوينا مشكله عشان يعطونه ويهه

تخيلوا رد الدكتور علينا ؟ والله هاي عنده ظ§ظ¥ سنه ! أنزين انا ادري ان عنده ظ§ظ¥ سنه بس حي يرزق من حقه يتعالج والإعمار بيد الله

وبتنفس ويحس بالألم ... حسبي الله ونعم الوكيل