في العمل .. الذكي وصاحب الخبرة يُهمش غالبا

[قطري2022]

والسبب هو ان رئيسه المباشر يفتقر للضمير ، ويخاف ان يحل محله ذلك الذكي ، فهم هذا المسؤول هو مصلحته فقط وليس مصلحة المؤسسة ، ومثل هذا المسؤول هو سبب دمار المؤسسات وعدم تطورها ، فقلة ذكاءه وخبرته تعرقل امور كثيرة ، كما تؤدي لقلة جودة العمل وتاخيره ، بالاضافة الى الخسائر المادية التي ليست في محلها ، بينما لو كان ضميره حيا لاستعان بذكاء ذلك الموظف ليطور من المؤسسة وقد يرشحه ليحل محله في المستقبل ، فنصيحة لمن يرئسه شخص ذو ضمير حي ، احترم ذلك الرئيس وتمسك به ، فإنه عملة نادرة .

[معماري قطري]

يمكن أوقات بس التخصصات المهنية أشوف بيئة العمل فيها أحسن ويعطون كل واحد حقه .. المشكلة بعضهم لو جاهم جاهل ونشيط ويسوي خرابيط أوقات يمشي

[الجـــوديّ]

مب كل ذكي مطلوب !

[R 7 A L]

الظاهر لاني بذكي ولا عندي خبرة في نظر مسئولي هههههه
يحرجني ب معاملته الخاصة معي

[قطري2022]

الظاهر لاني بذكي ولا عندي خبرة في نظر مسئولي هههههه
يحرجني ب معاملته الخاصة معي

هههههههه
مب مشكل له خطورة يعني

[R 7 A L]

هههههههه
مب مشكل له خطورة يعني

والله مادري
والله ماسويت شي افضل من الزملاء الي معي ولكن حط لي مكانه وموقع وصلاحيات واغلبهم اقدم مني وبعضهم شهادته اعلى مني
الحمدلله

[الجـــوديّ]

والله مادري
والله ماسويت شي افضل من الزملاء الي معي ولكن حط لي مكانه وموقع وصلاحيات واغلبهم اقدم مني وبعضهم شهادته اعلى مني
الحمدلله

هذي ميزتك ......... استمر ههههههه

[قطري2022]

والله مادري
والله ماسويت شي افضل من الزملاء الي معي ولكن حط لي مكانه وموقع وصلاحيات واغلبهم اقدم مني وبعضهم شهادته اعلى مني
الحمدلله

يمكن عنده ضمير ويعرف يقدر الكفاءات
او انك مسنود ولك ظهر قوي ومايبي يزعلك علشان تفيده في المستقبل ï؟½ï؟½

[R 7 A L]

هذي ميزتك ......... استمر ههههههه

حبيت اضيف شي اغلب الزملاء يجونه المكتب يتقهون عنده يومياً اكثر من مره
انا اتهرب الا اذا يبيني في شغل حتى هو ملاحظ
والشي الثاني من توظفت معهم ماطلبت شي لادورات ولا اجازات والحمد لله الدورات تجيني والترقيات تجيني بفضل من الله اولاً ثم من مسئولي

[قطري2022]

حبيت اضيف شي اغلب الزملاء يجونه المكتب يتقهون عنده يومياً اكثر من مره
انا اتهرب الا اذا يبيني في شغل حتى هو ملاحظ
والشي الثاني من توظفت معهم ماطلبت شي لادورات ولا اجازات والحمد لله الدورات تجيني والترقيات تجيني بفضل من الله اولاً ثم من مسئولي
ونعم فيه والله يكثر من امثاله

[ابو عبدالله.]

حبيت اضيف شي اغلب الزملاء يجونه المكتب يتقهون عنده يومياً اكثر من مره
انا اتهرب الا اذا يبيني في شغل حتى هو ملاحظ
والشي الثاني من توظفت معهم ماطلبت شي لادورات ولا اجازات والحمد لله الدورات تجيني والترقيات تجيني بفضل من الله اولاً ثم من مسئولي

مقسومه لك اخوي

وشفت ناس بنفس وضعك. تجاوزوا الي اعلى منهم بالدرجه العلميه و الوظيفيه

يمكن اطباعك عاجه المدير. يمكن نظرتك للامور افضل من البقيه

يمكن قدراتك و مهاراتك افضل منهم

عندي امثله و قصص اعتبرها شاهد و دليل على ان الامور مقسومه و ارزاق موزعه

[ابو عبدالله.]

سواء شفنا المسؤول زين ولا شين هذا لا يهم

المهم ان نرى ما وراء الوضع. و اي مشكله يكون وراها خير لو بحثنا وراءها

اتمنى تستمتعوا بقصه شخص اعرفه جيدا

شاب اشتغل بقطاع خاص و مسؤوله شرير جدا غير قطري و يخاف القطري يترقى و ياخذ مكانه

ضل اكثر من 40 سنه يشرد القطريين من ادارته وكان صاحب نفوذ و معارف و كل المسؤولين الكبار يحبونه

يعني انسى تشتكي عليه او تاخذ حقك منه

صاحبنا اشتغل ثلاث سنوات و استحق ترقيه. وهذا يقول له لو تموت محد يترقى عندي

صاحبنا ضل بنفسيه تعبانه فتره طويله مع انه ممتاز و له مهارات ممتازه و لغه بيرفكت و طور من الشغل

صار المسؤول يوصي اسيويين يضايقونه و يتهمونه بالعنصريه و رافع خشمه عليهم

بوادر الضغط طلعت ع صاحبنا حتى عينه ترمش بروحها من الضيقه

بيئه عمل فاسده بلا مستقبل او ترقي. الخ

صار يطلب دورات كثيره عشان يفارق المكتب. و المسؤول يقول له روح فكنا منك

خلال سنتين كسب ست شهور دورات مهمه و اعلى مستوى لغه انجليزيه

بعد ثلاث سنوات دوام المسؤول صادوه بايق. :)

فنشوه و خسر اكير من نص مليون نهايه الخدمه. و طبعا مسؤولين كبار و معارف المسؤول اتهموا صاحبنا انه بلغ ع مسؤوله و انصاد

لبسوه مشكله و كاد ان يفنش. لكن تم نقله لاداره ثانيه و لقى مسؤول يخاف الله

صاحبنا تعلم ما يرادد مسؤوله الجديد لانه مر بتجربه ان التعصب و الانفعال ما فاده قبل بل اضره

فصار اي شي يبيه مسؤوله الجديد يسويه في الشغل بأنضباط و ذكاء. لين وثق فيه تماما و صار يرسله بداله لاجتماعات مهمه مع مدراء و جهات اخرى. الخ

ترقى اربع مرات في اربع سنوات و اخذ دورات اضافيه لين وصل عدد الدورات فوق الاربعين دوره الاجمالي

لكن لما طلب وظيفه سينير رفض الاتش ار. ما يستاهل. في اولويه في ربعنا في حمله شهادات. ليش نرقيه ما نجيب خريجين جداد. كل الاسباب حطوها. طبعا الوافدين جالسين ولا خريجين ولا هم يحزنون

فكر صاحبنا. انا استاهل وهذولا قالوها ع بلاطه. عندك واسطه تعال ما عندك خلك مكانك

راح معرض التوظيف سنه 2007 وصل بالليل الا يسمع الميكرفون يقول. تم اغلاق المعرض. رجع موتره ركب. وقبل لا يسكر الباب الا المكرفون يقول تم تمديد المعرض ساعه اضافيه

نزل و لف ع العارضين. الي يقول له ما ينفع والي يقول انت بشركه من نفس القطاع و في قرار منع انتقال الموظف من جهه بنفس القطاع

مر ع شركه اجنبيه و حط السي في و حط بكذا جهه


ولا احد اتصل له الا واحد عربي قال له ان اسمك مشابه لمدير شركتنا. تعرفه ولا لا. قال لا. لا. قال له عيل خلاص ما عندنا وظيفه هههه


بعد ثمان شهور كلمه واحد يعرفه. قال له في وزاره تبي حد بتخصصك. روح مقابله المسؤول ينطرك

راح و وافقوا عليه. بس الراتب اقل بالفين ريال. قال معليه المهم سينير

لما حولوه للتوظيف يأل الموظفه ممكن تزيدون الاساسي 500 ريال بس

قالت لمسؤول التوظيف. الا يقول يحمد ربه بنعطيه سينير عيل خلاص ما نبيه

رجع دوامه وبعد اسبوعين اتصلت عليه شركه اجنبيه الي حط السي في عندهم بالمعرض

قالوا تعال بكره مقابله وفي المقابله وافقوا عليه لكن قالوا استقيل و تعال لان في قرار منع انتقال القطري بنفس القطاع

راح لمسؤوله وقال له انا توفقت بوظيفه ابي موافقه انتقال وقع له و انتقل للشركه الاجنبيه

السالفه ان راتبه قفز 10 الاف اضافيه. و الوزاره الي قالوا له خلاص ما نبيك. بعد شهر خفضت رواتبهم. فصار راتبه اعلى من المسؤول في التوظيف. الي قال خلاص ما عندنا وظيفه له. بسبب طلبه 500 ريال اضافيه للاساسي

بعد تعيينه بشهرين بدأت رواتب الشركات بقطاعه ترتفع فأستقال بعض القطريين و الشركه خافت من انخفاض التقطير وصلت 33% انخفاضآ

عطوا زياده 25% للاساسي و علاوات اضافيه. فزاد راتبه بشكل واضح

في 2011 اتت الزياده الاميريه 60% على راتبه

فصار راتبه اعلى من مديره الاولاني الي تفنش و مسؤوله الثاني بالاداره الثانيه

بسبب الدورات الي عنده تم تعيينه خبير في شغله مهمه و ادارها بأمتياز

بعدها انخفضت اسعار النفط و الشركات تفنش الوافدين و المسؤوليات تعطى للقطريين. فعين رئيس قسم و ترقى و زاد راتبه

انا اعتبر الي مر فيه كانت ملحمه انتهت بسعاده

يقول صاحبنا. لو كنت ادري ان الامور بتسير هالشكل كان ما انزعجت من اول مدير لي وكان جلست انتظر رزقي بدون عصبيه ومستعد اشكره انه ضغط علي لين انتقلت لاداره ثانيه و ترقيت

و بشكر الاتش ار الي ما عطوني سينير عشان خلوني ادور شغل ثاني

و بشكر مسؤول الاتش ار في الوزاره الي رفض يوظفني عشان 500 ريال زياده

لانه خلاني اروح مقابله في جهه خاصه و صار معي الخير كله

حتى بشكر القطريين الي فنشوا و خلوا جهه عملي ترفع الرواتب بسرعه

يقول الان انا على يقين ان الاجتهاد ما يضيع. قد يحتاج وقت للظهور نتائجه لكن لا يضيع




العبره ان اذا مسؤوله شين. يمكن خيره. عشان تجتهد و تبرز قدراتك. او تبحث عن وظيفه افضل و تعرف قيمتك في سوق العمل


وبس والله. قصه حبيت اشارككم فيها

[ابو عبدالله.]

على فكره

الجهه الي فنش منها وما عطوه سينير. الان طلبته بالاسم بسبب خبرته و وقعت معاه عقد توظيف براتب اعلى و مسمى وظيفي اعلى من وظيفته الحاليه

بعد عشر سنوات من خروجه من عندهم. الان سيعود بوظيفه اعلى بكثير من وظيفه السينير الي كان يتمناها في 2008

[ابو عبدالله.]

وين معماري عشان يقول مستحيل هالقصه تصير هههههه


بعرفك عليه معماري

[يمامـة]

حبيت اضيف شي اغلب الزملاء يجونه المكتب يتقهون عنده يومياً اكثر من مره
انا اتهرب الا اذا يبيني في شغل حتى هو ملاحظ
والشي الثاني من توظفت معهم ماطلبت شي لادورات ولا اجازات والحمد لله الدورات تجيني والترقيات تجيني بفضل من الله اولاً ثم من مسئولي

هذا رزق ساقه ربنا لك..
الحين مديرك بيقرى كلامك في المنتدى و بيضرب عليك اكس :telephone:

[R 7 A L]

يمكن عنده ضمير ويعرف يقدر الكفاءات
او انك مسنود ولك ظهر قوي ومايبي يزعلك علشان تفيده في المستقبل ï؟½ï؟½
لا والله ماني بمسنود
بس الشي الي انا متأكد منه اني غير مزعج وماعندي طلبات

[R 7 A L]

ونعم فيه والله يكثر من امثاله

يستاهل وماعليك زود

[بوخالد911]

الموظف الذكي والشغووول هو مصدر خوف وقلق لمديره !!

[قطري2022]

الموظف الذكي والشغووول هو مصدر خوف وقلق لمديره !!

بالضبط ، غالبا جذي

[ya3coub]

اهي ثقافه للأسف

طالما مافي محاسبة ولا معاملة عادلة مافي شي بيصير فأي قطاع كلن غني على ليلاه و القهر على ناس و ناس مرتاحين لدرجة الملل.

اتمنى الحصار يتكرر سنويا علشان للأسف شفنا ناس اشتغلو و تحركو و للأسف لازم تصير صدمة علشان تهزهم و و تروح البلادة اللي بدت ترجع من جديد.