ظاهرة إلقاء المهملات في الأماكن العامة .

[نديم القلم]

اصبحت ظاهرة إلقاء المهملات في الطرق العامة ملفاته للنظر حيث ازدادت في الأونة الاخيرة بشكل لافت للنظر ، هذه الظاهرة للأسف الشديد لم تواجه بالمكافحة ولا بالإنكار لدرجة أن الجمهور يشاهد تلك الفئة المنحطة التي تلقي المهملات في الأماكن العامة ولم نرى من ينكر عليهم افعالهم المشينة ، فأصبحنا لا نستمتع بالشواطئ الجميلة او بمواقف المولات ولأسواق وأماكن المطاعم بسبب هذه القاذورات الملقاة في الطرق العامة ، فلا نرى الرقيب الحكومي ولا المجتمع الذي يقف لهؤلاء بالمرصاد ! فهل اصبحت البلادة سمتنا بحيث نتبع قاعدة لايعنينا إلا ما يخصنا ؟! علما بان ردود الأفعال المستنكرة من طبائع الشعوب المتحضر - الفيديو المرفق يبين ردود افعال الجمهور في اوربا تجاه الفئة المنحطة التي تلقي القمامة في الطريق لدرجة إهانتهم أمام العامة .

[معماري قطري]

كيمرات وعقاب رادع

واصلتني شكوى واحد معتدين عليه بالضرب بعد حادث ولا شيكوا الكاميرات وناس قالوا ما اشتغلت .. نفس القانون اللي ما يتطبق ألحين ثاني سنة صار لي على حادثي لا انطلبت لمحكمة ولا شيء .. فيه ناس عندهم قدرات خارقة في البلاد منهم العمال بلا منازع

[!.!]

أظن حتي تنتهي هذه الظاهرة ، من خلال النصائح والمنشورات للتوعية بأنّ هذا الفعل أذي للطرقات والأماكن
تراه عيب والله من يرمي فضلاته
بختصار..

[معماري قطري]

أظن حتي تنتهي هذه الظاهرة ، من خلال النصائح والمنشورات للتوعية بأنّ هذا الفعل أذي للطرقات والأماكن
تراه عيب والله من يرمي فضلاته
بختصار..



صدقني الكل عنده وعي وادراك ويعرف .. مثلهم مثل اللي يلصق في السيارة اللي جدامه باستهتار .. إذا غاب الرادع محد بيهتم كلهم يحسون إنهم أطفال كبار

[معماري قطري]

في بعض الدول ما يهمهم تعرف القانون والا لا بتتعرف عليه لو خالفت ببساطة .. عندنا تعرف القانون وناس وايد يدرون إنه راقد

[سالم الزهران]

اللي يتجرأ يرمي غرشة ماي او يسفط في موقفين مثلاََ..واجب على الانسان الحضاري انه يكون أجرأ منه.. ينهاه ببساطه عن هذا الأمر... لكن تلاقي الحضاري سلبي و يقعد يترفع ويشمئز فقط.. واذا نبهته انه سلبي يقول لك فيه جهات بلدية و مرورية مختصة.. ويقعد يتحجج لك.

[Dana’1]

يخلونهم يخمون الشارع 20 متر بداية من محل ما رموا زبالتهم
البعض عادي يدفع المخالفه،،، وعادي برستيجه ما يهمه وقت ما يقط هالزباله بالشارع والحدايق يمكن يشوفه وااو فيه عامل نظافه بيشيل من وراي ،،
لكن خله يخم الشارع أتحدى برستيجه يسمح له

[سالم الزهران]

يخلونهم يخمون الشارع 20 متر بداية من محل ما رموا زبالتهم
البعض عادي يدفع المخالفه،،، وعادي برستيجه ما يهمه وقت ما يقط هالزباله بالشارع والحدايق يمكن يشوفه وااو فيه عامل نظافه بيشيل من وراي ،،
لكن خله يخم الشارع أتحدى برستيجه يسمح له

محد يسويها.. لا بيخم ولا شيء... الدنيا فلتت

[Rider]

هذا فعلا لي ينرفزني ياخي احترام نفسك اذا انت وسخ هاذي مشكلتك لا توسخ البلاد للاسف وايد تحصل صندوق القمامه قريب منه لكن يرمي واسخته جنبه وش الفرق بينه وبين الحيوان

[بوخالد911]

هالشي يكشف لنا ضعف وقصور مفتشي البلدية

[سليمان احمد]

(( الوسخ في اخلاقه ينعكس على وساخته الخارجيه وتراه يرمي المخلفات في الاماكن العامه وكانه يريد ان يتخلص من مخلفاته الداخليه في الخارج وهذا نوع مصنف في قائمه المخلفات كذلك ))

[معماري قطري]

اللي يتجرأ يرمي غرشة ماي او يسفط في موقفين مثلاََ..واجب على الانسان الحضاري انه يكون أجرأ منه.. ينهاه ببساطه عن هذا الأمر... لكن تلاقي الحضاري سلبي و يقعد يترفع ويشمئز فقط.. واذا نبهته انه سلبي يقول لك فيه جهات بلدية و مرورية مختصة.. ويقعد يتحجج لك.

هذي والله اعذر البعض فيها .. ليش أو ليشٌ باللغة العربية .. لأن يا اخوي مواقفنا ضيقة وايد ويتنافسون في عملها ضيقة بس حتى يوفرون كم موقف زيادة .. عجبتني حركة في أمريكا يسوونها وهناك مواقفهم كلها راهية .. يكتبون على الموقف Compact وهو للسيارات الصغيرة وكامل أو فل للسيارات الكاملة وفيه تحصل مواقف للسيارات المرتفعة أو اللي يسمونها اوفرسايز والكل لازم يلتزم بالمكتوب

انا ومثلي كثيرين مع المواقف الضيقة بعضهم عندهم مشكلة الوزن وبعضهم عندهم مشكلة الركب أو مفصل الفخذ ولازم يفتح الباب كامل ويمسكه حتى يشد نفسه وينزل .. شكلي باخذ ستكر ذوي الاعاقة بس يذلون الواحد عليه وكل كم شهر أظن 3 شهور يتجدد

[سالم الزهران]

بو عبدالله انت لو شفت شلون يصفون السيارات في السفن بتعرف انها تبي عناية.. انا معك في ان المواقف ضيقة وبعضهم يوقف لاصق في اللي جنبه.. بس ع الاقل اذا لازم تقرب للي جنبك اقرب من جهة العبري عشان ما تضيق ع السواق.. وهو يقدر يطلع ويركبون اللي معه.. لكن احياناََ تكون المواقف فاضية وتحصل واحد قاسم الخط الفاصل.. حتى شكلها مب مقبول.

[سالم الزهران]

وبخصوصك بو عبدالله يبي لك سكوتر سوزوكي مثل اللي مع الشرطة الفرنسية واعتقد سرعته َم تعدى اميه وعشرين.. وبعدين عملي للدوحة. مدري شتنطر هههه

[MAZEN37]

طبقوا القانون عند محلات الكرك وكل العالم بتلتزم
كل انواع الوقاحه سواء برمي المخلفات او سد الطريق عند محلات الكرك والمعاصر

[!.!]

صدقني الكل عنده وعي وادراك ويعرف .. مثلهم مثل اللي يلصق في السيارة اللي جدامه باستهتار .. إذا غاب الرادع محد بيهتم كلهم يحسون إنهم أطفال كبار


+1
صح لسانك أستاذ أبو عبد الله
صحيح كما قلت قد تنفع العصي لِمن عصي
أظن مثل هذهِ الفئة التي تفعل هذا العمل المشين تحسب بأصابع اليد أخلاقهم شوية فيها عجينة مرض ، وما شاء الله فيه الكثير يزيح الأذي من الشوارع فيهم خير
لا بد من رادع شديد اللّهجة لعله يخيفهم قبل تأنيبهم

[ابو عبدالله.]

والله احتقر الي يرمي بالشارع

واذا شفت حد يسويها. اجيه و اقول له انت شكلك محترم جدا و سيارتك زينه لكن رمي هالشي من الدريشه مب مستواك و يعلم الغير يسوونها

كلهم يستحون و يشيلون وصاختهم

سالفه المواقف هذه ما بعلق عليها لان المواقف صج ضيقه. لكن ايضا في ناس حتى لو الموقف كبير او مناسب بعد يصف في موقفين

المشكله كلهم كاشخين و شكلهم مرتب و المفروض يكونون مثال جيد وما يسوونها

[طلعة الروح]

والله احتقر الي يرمي بالشارع

واذا شفت حد يسويها. اجيه و اقول له انت شكلك محترم جدا و سيارتك زينه لكن رمي هالشي من الدريشه مب مستواك و يعلم الغير يسوونها

كلهم يستحون و يشيلون وصاختهم

سالفه المواقف هذه ما بعلق عليها لان المواقف صج ضيقه. لكن ايضا في ناس حتى لو الموقف كبير او مناسب بعد يصف في موقفين

المشكله كلهم كاشخين و شكلهم مرتب و المفروض يكونون مثال جيد وما يسوونها

اذا صفيت عدل ابتلشت باللي يلصقون فالموتر غير الشمخات وترزع البيبان
اذا خذت موقفين صوروك وخالفوك

موضوع يبيبله حل من ادارة المرور
لازم فواصل بين كل موتر نفس الطابوق او ماعرف شسمه
سياره تندمر عشان واحد غبي يتلصق ويصف غلط
وياريت بعد الاحترافي يلزق وينزل بدون مايضرب الباب

[ابو عبدالله.]

صباح الخير

الي ناقصنا هو نظام تسجيل المخالفات الي يبين ان الشخص مكرر للمخالفات. في البلديه و المرور

الي يقط وصخ من السياره عزكم الله يتخالف اول مره و ثاني مره يحول لدوره تعلم في قوانين المرور مع دفع مخالفه اعلى من الاولى و تكرارها يرفع قيمه المخالفه لحد ان توقف رخصته شهر و بعدها شهرين و بعدها توقف نهائيا و يروح يسوي اختبار قياده من اول و جديد

لو نظام المخالفه يحفظ نوع المخالفه لتشديدها مستقبلا كان الكل بينصلب و يتأدب

الي يقط وصخ عند البحر او بالبر يتخالف دبل. بيئي و مروري و يجبرونه على دوره بيئيه و مروريه يتعلم السنع منها

مشكلتنا ما شفنا تفعيل للعقوبات المجتمعيه الي اصدروا لها قانون بالمرور

كم فيديو طلع لمستهترين بالسيارات و الدراجات وما نشوف الا حولوا للنيابه. ما شفنا حد منهم نظف الشارع الي حفص فيه او اي من باقي العقوبات المذكوره بالقانون


سالفه المواقف او التوقف جنب الشارع و عرقله السير هذه تصير وايد و المفترض انهم يعاقبوا بنفس الطريقه مخالفات و عقوبات مجتمعيه لمكرري المخالفات

و حتى نخالف موظفي الامن بالمجمعات الي يشوف موتر كشخه و يسكت عنه اذا ماخذ موقفين او مزاحم للسيارات الثانيه بشكل خاطئ