مساعدة في استشاري مضبوط واستفسار

[SH.FLOWERS1]

بغيت استشاري مضبوط يتابع اول باول مع ملاحظات وتعديل وتصوير في الموقع

واستفسار عن شركة محمد عبدالله للتجارة وللمقاولات كمقاول ياليت الي بنى عنده يخبرني كيف شغلة
في بناء وتشطيب هل هو جيد كعماله عنده ومهندسين اوكيه.

ياليت تساعدوني وتخبروني عن الشركة هذي.

[معماري قطري]

الشركة سمعتها زينة وتبني لواحد من الربع مرتاح معاهم

الإستشاري الله يعينك .. شغل بروفشنال بيكون غالي هالأيام لإرتباط الغالبية بالمشاريع الكبرى حتى لو من الباطن تحت استشاريين عالميين .. مصريين جربت قبل جماعة العمارة العربية وهم في السوق من حول 35 الى 40 سنة ومؤسس المكتب سلمه لولده ولا ادري عن مستواهم الحالي .. الاستشاريون العرب قويين ويعتبر عالمي فاتح في كم مكان .. المكتب العربي للشؤون الهندسية - ابراهيم الجيدة .. إتحاد قطر للتخطيط أكيد بيصدمونك بسعرهم لأنهم مشغولين لكن ما تدري ممكن قل الشغل عندهم ويتابعون بسعر مناسب خصوصاً كادرهم فوق 1600 موظف

[Azizuk]

جيب لك فورمن عنده شهادة هندسه معماريه واتفق معاه على راتب معين يشرف على العمل

لقيت مهندس في بيت تحت الانشاء يشرف على البناء يقولي راعي البيت يصرف له راتب 5 الاف ريال متواجد طول اليوم

[معماري قطري]

جيب لك فورمن عنده شهادة هندسه معماريه واتفق معاه على راتب معين يشرف على العمل

لقيت مهندس في بيت تحت الانشاء يشرف على البناء يقولي راعي البيت يصرف له راتب 5 الاف ريال متواجد طول اليوم

قانونياً ما يصير مثال انا شخص صحيح مختص لكن ما لي حق اشرف اشراف شخصي .. لازم لي كيان قانوني ومكتب مرخص وفاكس رسمي وقصة طويلة ولو سوى المقاول اللي يبي ما يعتد بالمهندس الشخصي في المحكمة

[معماري قطري]

دوم اعين استشاري مكتب وله كيان وفيه مهندسين كافة الاختصاصات حتى كل واحد يشرف على شغلته .. وتدقيق المواد والموافقة عليها هذا شيء ثاني .. حتى الدفعات وحساب الكميات تحتاج محاسب مختص أو حاسب كميات

فوق كل هذا لو عندك خبرة هندسية بتكتشف نقص وبتكلم الاستشاري يرتب الأُمور

[معماري قطري]

إثنين من الربع يبنون حالياً ومعينين فورمن واحد عنده دبلوم هندسة وثاني مهندس .. من يسافر يتورط ويوقف الشغل وصارت وسافروا الاثنين وطولوا .. بعدين الشغل بطيء جداً وشفته وايد فيه لخبطة ومكلف الله يعين الملاك اللي اختاروا هذا الطريق .. كل يوم مشكلة