ابحث عن افضل مكتب استشاري

[الامير]

سلام عليكم ورحمه الله وبركاته
ممكن من قلب بعد معاناه كبيره ابي مممكتب استشاري من درجه الاول ولا يهمني قيمه
ياليت احد يدلني ع مكتب ويكون فنان ف عمله ومخلص
تحياتي لكم .. جميل ما انسى

[الامير]

اتمنى ان المشرف ما يحذف الموضوع لو سمحت .. يا مشرفنا العزيز هذا المكان هو الامل الاخير والله تعبت وانا ابحث عن ممكتب من درجه الاولى لان هذا بيت العمر من منكم عنده خبره او يعرف ممتب زين يدلني عليه جزاكم الله خير ولاتنسوان ان ف شهر كريم ويضاعف لكم الاجر ان شاءلله

[sara jsm]

اذكر قبل سنه .. واحد من مشاهير السناب سوا اعلان لشركة تضم مجموعه كبيرة من المقاوليين والاستشاريين يستلمون الارض ويسون الخرايط لييييين يسلمونك المفتاح .. للاسف مب متذكرة اسم الشركة :(
:
ويااخوي اسال حد مجرب تجربه شخصيه .. لاتسمع من الناس ..
ومن القلب الله يسهل عليك يااخوي والله حاسه بمعاناتك ..:(

[Rider]

اذكر قبل سنه .. واحد من مشاهير السناب سوا اعلان لشركة تضم مجموعه كبيرة من المقاوليين والاستشاريين يستلمون الارض ويسون الخرايط لييييين يسلمونك المفتاح .. للاسف مب متذكرة اسم الشركة :(
:
ويااخوي اسال حد مجرب تجربه شخصيه .. لاتسمع من الناس ..
ومن القلب الله يسهل عليك يااخوي والله حاسه بمعاناتك ..:(

اسمها مناقصات موقعهم اذا مب غلطان برج لي في البورصه قريب الستي سنتر

[اسعاف]

أنا اتعامل من ست سنوات مع مكتب شعاع للاستشارات الهندسية
يعملون لك خرايط خاصة المهندس الامين سوداني
ويشرفون على البناء ايضا خاصة الاستشاري محمد عبدالله
وعندي كذلك مقاول مجرب وأمين ويسلم المشروع قبل وقته
اسم الشركة المجرة للتجارة والمقاولات
مع تمنياتي لك بسعادة دائمة في بيتك الجديد

[شموخ دائم]

,

,


مرحبا


اخوي الكريم


انت تحتاج

1- مقاول جيد
2- واستشاري جيد

ترى استشاري جيد ومقاول تعبان راح تكثر المشاكل ويتوقف العمل
وراح تبحث عن مقاول اخر

فاحرص على الاثنين يكونون ممتازين

شركات الاستشاريه المعروفين موجودين في السوق


المشكله

1- الاستشاري الكبير ما يأخذ فيلا عاديه

2- اسعارهم 4 اضعاف السعر العادي

الحل

تشوف الشركات الي ( بالوسط )
مقاول مصنف c
واستشاري سمعته طيبه مصنف b

كذا انت تكون وصلت الى ( المطلوب )


وابتعد عن المقاول والاستشاري ( أبو مهندس واحد ) وان مان شو
بتكون بخير


واحذر اذا حد قالك ( باكستاني ) شاطر
او جنسيه معينه مع احترامي لكل الجنسيات

الشركات

عباره عن ( تيم عمل )

اداره محاسبين وسكرتاريه ورسامين وتنظيم الملفات ومندوبين تخليص المعاملات

ومهندسين اذا سافر واحد هناك غيره يستلم مشروعك وفورمنيه يفهمون بالخرائط
وفريق من العماله الماهره

كل ماعدلت شي بالبيت الشركه ( ترسم لك خريطه ) على الواقع
عدلت بالكهرباء الشركه ترسم لك خرائط جديده لبيتك لكهربتك وتسلم الخرائط

مو تكون الخرائط شي على اورق وبيتكم ( شي مختلف ) وتنسى مع الوقت التعديلات وكيف سارت الأمور
والتمديدات

اشتغل على نظيف

واترك سوالف ( باكستاني شاطر ) و ( بنغالي شاطر ) ومدري شنو شاطر في الأخير انت بتدفع مبالغ كبيره
لازم تأخذ شغل مرتب يرضي طموحك

الله يهدي الشباب أحيانا ينصحون الناس بالطريقه ( القديمه ) طريقه ابوي وجدي
في الأخير المقاول يعجز عن بيتك

والاستشاري فاشل ما يعرف يتصرف مع المقاول ولا يعرف الأمور القانونيه
كلها مكاتب فتحت فتره الطفره في البناء كل من هب ودب فتح مكتب
والان مو قادر يسدد الايجار
انا اسميها مكاتب
( شحاته )
تطلب منه ورقه يقولك جيب ( 2000 ) ريال
وما تكون مذكوره بالعقد
كانه يأخذ منك مصروف حق أولاده
:)



احنا في عالم ( المعرفه ) والبحث بطريقه ( كفائه الشركه )

البناء مافيه ( شطاره وفهلوه )

هذا شغل فريق عمل مهندسين واداره وفنيين حتى يطلع بيتك

( انت راضي عنه )

ابحث عن هذا النوع من الشركات


بتكون بخير

حط فلوسك في المكان المناسب

تستلم بيتك ونت راضي

لان ما جربت ( شعور ) تستلم بيتك وانت غير راضي
:)





,

,

,

,

[معماري قطري]

ما قصر كالعادة شموخ دائم

إضافتي عين الاستشاري قبل المقاول وخل عقدك وتحركك مع المقاول عن طريق الاستشاري .. قانونياً ممنوع تتفق مع مهندس اتفاق شخصي حتى لو بعقد .. لازم عقدك مع كيان هندسي له مقر وادارة .. يحليل بعض الاستشاريين تحصل كراسيهم مكسرة ومكانهم بدون مواقف واجتماعاتهم كلها مقاطعات .. أما البعض يشتغلون بمهنية وشغل فاكسات وايميلات وصور وأفلام واجتماعات مريحة وأوقات مناسبة

ألحين فرصة قل الشغل الهندسي الكبير عند استشاريين الفئة الأُولى مثل مكتب ابراهيم الجيدة .. المكتب العربي للشئون الهندسية وهو من المكاتب القديمة .. ومكتب اتحاد قطر للتخطيط عن عدة تجارب معاهم شغلهم مهني للغاية ولازم تتفاوض حتى تحصل سعر مناسب ما تنصدم من أول سعر وتروح .. الفئة الأُولى عنده كل الخدمات وعنده متابعين في كل التخصصات .. وأي حد بيبدأ لازم يكسب عقد استشارات من البداية متكامل .. تصميم - مناقصة - اشراف - ومتابعة أولية لين تخلص فترة الصيانة والضمان وهي في الغالب تكون مجانية ومجرد متابعة أي شكوى من المالك والتواصل مع المقاول بالشكوى قانونياً لحلها والا مضطرين يحلونها بدفعة الضمان اللي تبقى محتجزة لفترة الضمان المتفق عليها

[معماري قطري]

شغل ابوي وجدي ( الله يرحمهم ) ما ينفع ألحين الكل لازم ينتبه ويشتري راحته ويضمن شغل مميز بعيد عن المشاكل اللي نشوفها دوم وفي النهاية يدفع وايد ويحصل قليل

[khaldoon]

انا و اعوذ بالله من كلمة انا اشتغلت بالمقاولات و بالاشراف....لو ما ضليت فوق راس الاثنين راح تضيع.....لازم تضل تزور بيتك وقت الانشاء مرتين او ثلاثه بالاسبوع علشان يهتمون و يشتغلون عدل و شكرا

[الامير]

صراحه افرحتوني بتفاعلكم معي الموضوع مش فله لا الموضوع ظ£ فلل مع نادي بينهم مع مجلس مابي اخبي عنكم فكرت اروح الكويت اشوف مكاتب هناك هل تنصحوني، لان انا عندي اهم شي الخارطه ذا كانت صحيح وع مستواه ما يتعب المقاول اما بخصوص المقاول فيها شركت اخوي وعملنا ...
سوالي لي مجرب جايب من الكويت ياليت يفيدني او مكتب ف الدوحه من درجه الاولى يعني الواحد يروح له ولا يتعب ويحط ايده ع قلبه وانا بصراحه ابي شي جديد مش فلل لمعروف ف دوحه لن صراحه نسافر ونروح ونشوف دول اقل من قطر ومنازله روعه الله يوفقهم انا ابي اتعب المهندس وطلع شي عملي ورعه ف نفس الوقت يعني سنين دراسه ف الهندسه يطلعه ف خرائط بيتي
تحياتي لكم

[ابو عبدالله.]

انا ما امر البيت الا مره بالشهر ما عندي وقت
الاستشاري فيصل شرف. شارع السد
المقاول شركه الانشاء و التعمير

البلاط شركه الاخلاص

تركيب البلاط نوع اللزقه و صبيه تحتها مش رمل وشوي سميت
المتر تركيب بحدود 52 ريال

الاستشاري روح له وانت مغمض
و المقاول عنده امانه و صارت تغييرات اخطأوا بحسابها و كلفمه سبعين الف فوق قيمه العقد. ما دفعني و التزم و خلص

مقاول المشروع هو نفسه ياخذ الشغل من شركه الاخلاص للبلاط و متعاونين في الفلل

هذه تجربتي و اعجبوني كلهم

[شموخ دائم]

,


,


مرحبا


اخوي امير

مكاتب الكويت بالديكورعندهم خبرات وموديلات افضل من قطر ومطلعين اكثر منا
ليس في الديكور والبناء ولكن في ( كل شي ) خبراتهم هناك اكثر واحسن

حتى في الملابس والاكل ... الخ

لازم شركه قطريه تقدم الرخص والخرائط مكتب معتمد في قطر
تقدر تأخذ الأفكار من هناك حد يرشح لك مكتب يعطيك أفكار وديكورات لتوزيع الفيلا والشكل الخارجي
تقدر تحدد له ( المساحه الي تبيها ) والديكور الي انت تحبه

تراثي عربي
او اسلامي
او حديث
او اوربي
ويبعث لك بالايميل مجموعه تختار منها الي يناسبك

لازم نعطي المصمم خطوط عريضه تبين له نوع رغبتك واحتياجك



وتعدل هذا الخرائط في مكتب قطري على حسب مساحه ارضك وحجم المساحات .... الخ

ويقدم على التراخيص والبلديه ويعمل لك مناقصه أسعار واشراف ... الخ
( والمواصفات )

,

,

[سعود.]

صدقت اخوي - شموخ -

الكويت والسعودية في البناء من حفر البيت الي نهاية التشطيب سابقيننا عشرات السنين .

[معماري قطري]

صراحه افرحتوني بتفاعلكم معي الموضوع مش فله لا الموضوع ظ£ فلل مع نادي بينهم مع مجلس مابي اخبي عنكم فكرت اروح الكويت اشوف مكاتب هناك هل تنصحوني، لان انا عندي اهم شي الخارطه ذا كانت صحيح وع مستواه ما يتعب المقاول اما بخصوص المقاول فيها شركت اخوي وعملنا ...
سوالي لي مجرب جايب من الكويت ياليت يفيدني او مكتب ف الدوحه من درجه الاولى يعني الواحد يروح له ولا يتعب ويحط ايده ع قلبه وانا بصراحه ابي شي جديد مش فلل لمعروف ف دوحه لن صراحه نسافر ونروح ونشوف دول اقل من قطر ومنازله روعه الله يوفقهم انا ابي اتعب المهندس وطلع شي عملي ورعه ف نفس الوقت يعني سنين دراسه ف الهندسه يطلعه ف خرائط بيتي
تحياتي لكم

مكتب المهندسون العرب محرم باخوم عندهم فرع في الكويت حسب معرفتي ولا ادري لو سكر ويعتبر عالمي درجة أولى .. صج مصريين بس الملاك مسيحيين وتهمهم سمعة المكتب

لو بتصمم في الكويت العملية سهلة وتصاميمهم فيها ابداع بس خذ افادة التصميم وشروطهم قبل من التخطيط عندنا حتى يتبعونها وبنفس الوقت تحتاج مكتب هندسي قطري يخلص الرخصة ويتابع والله نسيت اسم المهندس اللي اعرفه هناك بس روح لهم هم جنب وكالة البنتلي وقف صوب تويز آر آس واقطع الطريق للعمارة اللي جنوبي البنتلي

[معماري قطري]

انا ما امر البيت الا مره بالشهر ما عندي وقت
الاستشاري فيصل شرف. شارع السد
المقاول شركه الانشاء و التعمير

البلاط شركه الاخلاص

تركيب البلاط نوع اللزقه و صبيه تحتها مش رمل وشوي سميت
المتر تركيب بحدود 52 ريال

الاستشاري روح له وانت مغمض
و المقاول عنده امانه و صارت تغييرات اخطأوا بحسابها و كلفمه سبعين الف فوق قيمه العقد. ما دفعني و التزم و خلص

مقاول المشروع هو نفسه ياخذ الشغل من شركه الاخلاص للبلاط و متعاونين في الفلل

هذه تجربتي و اعجبوني كلهم

شغلك سوبر يا بو عبدالله

[معماري قطري]

ولد ولد خالتي يصمصم هناك ما يصمم يصمصم

[علي بن جاسم]

كمقاول .. انا تعاملت مع شركة الزخرف

ما شاء الله شغلهم ممتاز والأهم يغنيك عن وجع الراس

ما اعتقد ياخذون فلل الآن .. سمعت كله مجمعات سكنية آو قصور ،،

اما الاستشاري فتعاملت مع 3 .. كلهم بنفس المستوى .. دام المقاول شاطر يقولون لك ادفع كذا وبنوقع الاوراق ،، او يمرون بشكل سريع دون ملاحظات تذكر .


الله يوفقك عزيزي ببيت العمر

[معماري قطري]

كمقاول .. انا تعاملت مع شركة الزخرف

ما شاء الله شغلهم ممتاز والأهم يغنيك عن وجع الراس

ما اعتقد ياخذون فلل الآن .. سمعت كله مجمعات سكنية آو قصور ،،

اما الاستشاري فتعاملت مع 3 .. كلهم بنفس المستوى .. دام المقاول شاطر يقولون لك ادفع كذا وبنوقع الاوراق ،، او يمرون بشكل سريع دون ملاحظات تذكر .


الله يوفقك عزيزي ببيت العمر




شركة بدت من الصفر وكبرت مع الأيام

حق صديق أمريكا والدراسة وهو مهندس معماري من خريجي ميامي إخو الدكتور عبدالعظيم اسمه عبدالمؤيد أو كما كنا نختصره مؤيد .. إشتغل فترة في البلدية وبعدها استقال وتفرغ للشغل الخاص

[معماري قطري]

الشركات الكبار والقوية تجيها أوقات لو قل الشغل تاخذ حتى ملحق والمهم تشتغل ولا توقف .. شركة الزخرف بنت البناية اللي مكان شركة الجيدة قبل شقق فندقية أظن وأنجزتها في وقت سريع

[ابو عبدالله.]

شغلك سوبر يا بو عبدالله

ههههههه منكم نستفيد

[الامير]

اخ معماري قطر فضلا وليس امراً رقم هاتفك ع الخاص لو سمحت اذا مافي حراج

[معماري قطري]

اخ معماري قطر فضلا وليس امراً رقم هاتفك ع الخاص لو سمحت اذا مافي حراج

ما فيه احراج وإن شاء الله اقدر اساعدك والله يوفقك الاستشارات تعبانة بسبب متنفذين في الجهات المختصة حابين هذا الوضع واقصد الفئة الوسطى من المتنفذين أما العليا يتمنون يحلون هذي المشاكل خصوصاً الوزير المهندس الفاهم