مارايكم لو بدا العمل في رمضان من الساعة 12 مساءا؟

[قطري2022]

نفترض ان العمل يبدا من 12 مساءا ، سينام الموظف في الساعة 4 فجرا ويستيقظ من نومه في 10:30 صباحا ، اي سينام ست ساعات ونصف ، سيصل منزله قرابة 6 او 6:30 مساءا ليصلي المغرب ويفطر وبامكانه النوم بعد الفطور لساعة او اثنتين ، ومن ثم يستكمل يومه بنشاط الى اذان الفجر .
اما بالنسبة للفطور فابمكانه ان يكون بسيطا كالغداء في ايام اافطر ، اي صنف او صنفان من الطعام حيث تصنعهما الخادمة ، وبذلك يكون الصائم مشبعا من النوم مرتاح الجسد

بانتظار ارائكم العزيزة.

[بوخالد911]

طبعا ضد

الوضع الحالي أفضل

[نفسي عزيزه]

الوضع الحالي افضل

[qatarman8008]

هو المفروض يكون الدوام في الصباح لان هكذا جرت العادة منذ الازل للمسلمين وغير المسلمين..
لكن مع الوضع الحالي انا اؤيد هذه الفكرة وبقوة لان صرنا ما ننام..!!
انا الصراحة في الليل اروح احاول ارقد الساعه احداعش ولايجيني نوم الا قبل صلاة الفجر ..
اقول متكسر متدردخ واروح اصلي خلاص طار النوم..
عقب اروح الدوام لين وحدة ونص الظهر ارجع اخاف انام تطوف علي صلاة العصر..!!
عقب العصر انام ساعتين للمغرب وهذا الوقت مكروه فيه النوم..
تقريبا صارت حياتي في رمضان بدون نوم غير في الويك اند..

[Rider]

اخوي قطري انت مع او ضد نبغي نسمع رايك وطبعا انا ارفض رفض تام تغير روتين الناس علشان شهر لي يبغي يرتب جدوله في رمضان يقدر بس للاسف البعض تعود على السهر والكسل خل الدنيا تمشي

[قطري2022]

اخوي قطري انت مع او ضد نبغي نسمع رايك وطبعا انا ارفض رفض تام تغير روتين الناس علشان شهر لي يبغي يرتب جدوله في رمضان يقدر بس للاسف البعض تعود على السهر والكسل خل الدنيا تمشي

هلا ومرحبا الغالي ، انا مع فكرتي ، لان فالليل ما يمدي نسوي شي ولازم نرجع علشان نرقد كم ساعة قبل الفجر ، وتدري في اانهار صعب انك تقوم بمشاويرك بسبة التعب ، لكن في الليل تكون مصحصح وبدل ماتقيل العصر ، تقيل بعد الفطور وعقبها تعيش حياتك بشكل طبيعي لين الفجر ، سواءا حياتك الدينية او الدنيوية

[كاشف الغطاء]

من 11 ممتاز عشان ماتضيع الصلوات واللي بيريح عقب العصر بعد يقدر يرقد

[sara jsm]

تبي تخرب ساعتنا البيولوجية :con2:
كل شي في هالكون ربي مرتبه بترتيب يناسب اجسامنا (( وجعلنا النهار معاشا ))
ترى اللي يداومون شفتات حالتهم حاله دايما تحصلون يومهم مخلص في النوم ..
انا ضد هالفكرة .. شربوا بابونج قبل الصلاة :pic:

[قطري2022]

تبي تخرب ساعتنا البيولوجية :con2:
كل شي في هالكون ربي مرتبه بترتيب يناسب اجسامنا (( وجعلنا النهار معاشا ))
ترى اللي يداومون شفتات حالتهم حاله دايما تحصلون يومهم مخلص في النوم ..
انا ضد هالفكرة .. شربوا بابونج قبل الصلاة :pic:

انزين مارحنا بعيد، ترى من 12 لين 5 نهار مب ليل ��

[بوخالد911]

يا راعي الموضوع

ترد على ناس وتنسى ناس

!!!!!!!!!!!!!!!!!!!!!!!!!!!!!!

[قطري2022]

يا راعي الموضوع

ترد على ناس وتنسى ناس

!!!!!!!!!!!!!!!!!!!!!!!!!!!!!!

انت على راسي يابوخالد ، انت وكل الاعضاء والعضوات حبيبي ، سامحني ، بس ساعات ارد على شخص ويكون هالرد جواب لاكثر من شخص ، وبعدين انت قلت انك ضد فكرتي وماوضحت اسبابك علشان اناقشك ،فاحترمت رايك وسكت ههههه

[sara jsm]

انزين مارحنا بعيد، ترى من 12 لين 5 نهار مب ليل ��

نهار في الساعه اللي حطها الانسان ..
الساعه 12 وقت قيام الليل وترجع تنام لين صلاة الفجر ..
:no2:

[قطري2022]

نهار في الساعه اللي حطها الانسان ..
الساعه 12 وقت قيام الليل وترجع تنام لين صلاة الفجر ..
:no2:

ممكن الواحد يرقد بعد الفطور اذا حب علشان يقوم مصحصح للقران ويقضي مشاويره ويسير على ربعه وهله ويصلي القيام ويرجع يقرى قران او يرقد او يسوي اي شي لين صلاة الفجر وعقبها يرقد ، فيه مشكلة هالجدول الحلو ؟ âک؛ï¸ڈ

[R 7 A L]

لو الدوام من 6 او 5 الصبح يبدتي يكون افضل

[!.!]

يا راعي الموضوع

ترد على ناس وتنسى ناس

!!!!!!!!!!!!!!!!!!!!!!!!!!!!!!

ههه ، رمضانك كريم استاذ بو خالد
--------
بس والله أنا نظن الرمضان حجة فقط في مواقيت العمل لا يختلف الرمضان على غيره من أيام الفطر
مثلا عندنا هنا درجة الحرارة في الصيف تصل لحتي 47 درجة مئوية وغالبًا في هذا الرقم
لكن .. ممكن تشعر ببعض الأرق فيه صح لكن هو كباقي الأيام
وسبحان الله الرمضان دائما في أيامه العشر الأولة يأتي معه مطر وبرد ورذاذه اللطيف كأنه ليس صيف
وجوه حتي أفضل من باقي الأيام ، لا أعرف كيف وهيا هبة من ربنا سبحانه وتعالي
ولا يمكنك أن تقلب اللّيل بالنهار ، إذا عملت ليلًا ممكن إجتهاد منك من أجل بعض الضعفاء الذين يضعفون في نهار الرمضان وفيه من يتعب حقًا
أظنني أؤيد بعض الأخوة في ما قالوا دع الأيام كما هيا

[sara jsm]

ممكن الواحد يرقد بعد الفطور اذا حب علشان يقوم مصحصح للقران ويقضي مشاويره ويسير على ربعه وهله ويصلي القيام ويرجع يقرى قران او يرقد او يسوي اي شي لين صلاة الفجر وعقبها يرقد ، فيه مشكلة هالجدول الحلو ؟ âک؛ï¸ڈ

اي مب عاجبني :tooth:
:
يااخوي انا اقصد كل امر غير طبيعي وخارج المواقيت اللي حطها لنا ربنا او وضحها لنا رسولنا الكريم فيها تعب على اجسادنا .. الاعضاء الداخليه للانسان بالليل ماتشتغل وقت راحتها واحنا نضرب ماك وعلى كيفك اخر الليل*:eek2: فالجسم يدخل في حاله صدمة ... وحتى النوم دايما رقاد الليل افضل واريح بوايد من رقاد النهار .. اصلا في اوقات مايصير تنام فيها ..

الجدول اللي انت تقوله موجود حق المساكين اللي في الامن والشرطة والطواري ..
وربي يعينهم ويقويهم .. اما يغيرون النظام في رمضان فقط عشان كم واحد جدوله ملخبط فهالشي انا ضده ..

[قطري2022]

اي مب عاجبني :tooth:
:
يااخوي انا اقصد كل امر غير طبيعي وخارج المواقيت اللي حطها لنا ربنا او وضحها لنا رسولنا الكريم فيها تعب على اجسادنا .. الاعضاء الداخليه للانسان بالليل ماتشتغل وقت راحتها واحنا نضرب ماك وعلى كيفك اخر الليل*:eek2: فالجسم يدخل في حاله صدمة ... وحتى النوم دايما رقاد الليل افضل واريح بوايد من رقاد النهار .. اصلا في اوقات مايصير تنام فيها ..

الجدول اللي انت تقوله موجود حق المساكين اللي في الامن والشرطة والطواري ..
وربي يعينهم ويقويهم .. اما يغيرون النظام في رمضان فقط عشان كم واحد جدوله ملخبط فهالشي انا ضده ..

احترم رايج
بس شنهو التوقيت المناسب بالنسبة لج ؟

[دااانة قطر]

نفترض ان العمل يبدا من 12 مساءا ، سينام الموظف في الساعة 4 فجرا ويستيقظ من نومه في 10:30 صباحا ، اي سينام ست ساعات ونصف ، سيصل منزله قرابة 6 او 6:30 مساءا ليصلي المغرب ويفطر وبامكانه النوم بعد الفطور لساعة او اثنتين ، ومن ثم يستكمل يومه بنشاط الى اذان الفجر .
اما بالنسبة للفطور فابمكانه ان يكون بسيطا كالغداء في ايام اافطر ، اي صنف او صنفان من الطعام حيث تصنعهما الخادمة ، وبذلك يكون الصائم مشبعا من النوم مرتاح الجسد

بانتظار ارائكم العزيزة.


واللي ماعنده خادمه؟؟

[دااانة قطر]

تبي تخرب ساعتنا البيولوجية :con2:
كل شي في هالكون ربي مرتبه بترتيب يناسب اجسامنا (( وجعلنا النهار معاشا ))
ترى اللي يداومون شفتات حالتهم حاله دايما تحصلون يومهم مخلص في النوم ..
انا ضد هالفكرة .. شربوا بابونج قبل الصلاة :pic:

:ok:هذا الكلام الصحيح

[قطري2022]

واللي ماعنده خادمه؟؟

خلاص مي سوري

[قطري2022]

رفعت الموضوع للمقارنة مع الموضوع الحالي الي يتكلم عن الدوام بعد صلاة الفجر