مشاهير السناب

[toyota]

السلام عليكم وتقبل الله طاعتكم وصيامكم

شرايكم في اللي يسمونهم مشاهير السناب اللي يوون عندنا من برع قطر و(جك بك )يتغير وضعه بين

يوم وليله وكل شوي رايح راد طبعا حياهم الله في بلادهم الثانيه ،،،، :playball:

عطوني رايكم وشنو السبب وهل احنا طيبين زياده عن اللزوم

[بوخالد911]

نوع من أنواع البزنس والربح السرررريع

[سعود.]

ولله الحمد لاعندي سناب ولا استقرام
اخر همي اتابع شخص علشان اعرف يومياته . الغريب ان البعض يتعلق فيهم سوى رجال او نساء ويعتبرونهم مرجع لهم !!!!! ناهيك عن تقليدهم في كل شي !!!!

قلبي ( متروسه ) وعندي كلام اثقل بس خلنا صايمين

[سالم الزهران]

ولله الحمد لاعندي سناب ولا استقرام
اخر همي اتابع شخص علشان اعرف يومياته . الغريب ان البعض يتعلق فيهم سوى رجال او نساء ويعتبرونهم مرجع لهم !!!!! ناهيك عن تقليدهم في كل شي !!!!

قلبي ( متروسه ) وعندي كلام اثقل بس خلنا صايمين

يمثلني ويمثل الكثيرين رد الاستاذ سعود

[sara jsm]

اشدخل الطيبه في الموضوع !!؟
حياهم الله متى مابغو ييون .. زيارة عادية او زيارة شغل يامرحبا فيهم ..
ترى وايد مشاهير او اعلاميين او لعيبه او فنانيين يجون قطر يسون شغل ويروحون ..
في جهات تجيبهم من عندنا .. الموضوع عادي حياهم الله ..

[sara jsm]

يمثلني ويمثل الكثيرين رد الاستاذ سعود

هذا موضوع اخر في صوب ثاني ..

[سالم الزهران]

هذا موضوع اخر في صوب ثاني ..

اشلوووون في صوب ثاني
هذا انا يقابني واحد يسألني يقول جفت فلان
فلان من مشاهير السناب...؟
شدخلني.. لا جفته ولا ابغي اجوفه
انا يالس افكر في شغلة مهمة
وهذا ينشدني عن السناب!
اللطف يا ربي

[sara jsm]

اشلوووون في صوب ثاني
هذا انا يقابني واحد يسألني يقول جفت فلان
فلان من مشاهير السناب...؟
شدخلني.. لا جفته ولا ابغي اجوفه
انا يالس افكر في شغلة مهمة
وهذا ينشدني عن السناب!
اللطف يا ربي

اقصد ان موضوع الاخ تويوتا يتكلم عن الفلوس اللي يجنونها من الاعلانات ..
مش الاقتداء في البعض والتاثير على المجتمع ..
:
مرة ثانيه قول جالس لاتقول يالس :nono:

[لمت اب]

فعلا موضوع يجب الالتفات له
ياهلا وسهلا بالطيبين في دوحة الجميع
لكن بعض الاشخاص من اشباه الرجال ومن المتبرجات يسيئون لنا ولمجتمعنا المحاقظ على دينه وعلى الحشمه
مع الأسف شفنا هذه الاشكال مرات عديده جات الدوحه
ودي ولو كان بيدي منعت هذه الأشكال من دخول البلد
لا نقبل ان تزيد اموالهم وشهرتهم على حساب مجتمعنا وبلدنا الراقي المحافظ المحتشم
بعض الناس يرى تصرفاته القبيحه جميله ويقول حريه شخصيه ...بكيفه
ولكن لا يبلونا ويلوثون مجتمعنا بمناظرهم وتصرفاتهم الشاذه المنافيه للحشمه والعفاف
ارجو فعلا ان مثل هؤلاء يمنعون من دخول البلاد
وبالاخص الذكور المتشبهين بالنساء

[سعود.]

عارف اختي*( sara )

وانا ما تكلمت عن الموضوع المذكور اعلاه اساسا .
ذكرت سلبيات السناب على الرجال والنساء سوى صغار او كبار .

هذي يسمونها فن الشطحات الرمضانية

[سعود.]

يمثلني ويمثل الكثيرين رد الاستاذ سعود


اشكرك اخوي ( بوزيد )

الي في بالك في بالي

[Rider]

مشاهير على شنو الحمدالله لاعندي سناب ولا غيره المشاهير هم لي نفعوا الامة بعلم او اختراع مب واحد يطقطق في سناب

[R 7 A L]

انتم شوي حساسين
شعليكم منهم الي يتابعونهم
اذا كانوا محتشمين وحاشمين انفسهم وعندهم اشياء مفيدة خلهم يتابعونهم

[Dana’1]

هذي ارزاق مقسمه التاجر يحتاجهم بالتسويق لمنتجاته
وهم يحتاجون الي بجيب التاجر
دام الأمور بالحلال عليهم بالعافيه والله يزيد ويبارك لكل مجتهد بالحلال.

[سالم الزهران]

اقصد ان موضوع الاخ تويوتا يتكلم عن الفلوس اللي يجنونها من الاعلانات ..
مش الاقتداء في البعض والتاثير على المجتمع ..
:
مرة ثانيه قول جالس لاتقول يالس :nono:

كرامة ابشري.. من هنا للعيد اهب لج جنوبي
صيفي عني اتيه

[دااانة قطر]

موضوع جا بوقته تشكر لطرحك



مشاهير على شنو الحمدالله لاعندي سناب ولا غيره المشاهير هم لي نفعوا الامة بعلم او اختراع مب واحد يطقطق في سناب

فعلا مشاهير على شنو,, مشاهير بلعه مشاهير ترشرش عطور مشاهير دواره طول اليوم مشاهير خلاقين هذا حلو هذا يجنن هذا خطير هذا خيال
ولا هياته من كوفي لكوفي ولا من مطعم لمطعم


معليش بدونهم احنا ماعندنا ذوق؟؟ يعني اذا هم ماتفضلوا بآرائهم احنا مانعرف نختار؟
انا اللي يقهرني في اللي يجيب مشاهير مالهم صدى او وقفه في اي شي خاص بديرتي
صم بكم خايفين على متابعينهم من دول الجوار ويوم يجون عندنا للتغطيه لايفنت او معرض او اي شي
بتكون تغطيه بو5دقايق

من يومين احدى المشاهير تغطيتها جدا ممله وبايخه يوم مسكت عطر (شومي له) تسأل الله حلو شنو هذا ترد عليها صاحبة البوث شومي له تقول اي شنو شومي له تقول عطر الشيخ تقول جاها طراق اي اي حلو وفرت الكاميرا
ليش انتي جايه بلادي بدعوه عشان تغطيه من سمعتي الشيخ تبلعمتي خير ان شاء الله
هالاشكال تجيبونهم وترزونهم
ولا اللي كانت تبي تبيع فستان حناها بالمزاد لأعلى سعر ويوم استنكروا بناتنا قالت ريعه بيكون للجمعيه الخيريه
وجاها الرد بان الجمعيه الخيريه انكرت ةان ماعندها علم ,,
واللي جايه وتسوي دعاية لعبايات حق مصممه بحرينيه
ولا اللي فاتح سنابه ويسوي دعايه لابليكشن مسوي تخفيضات لاسعار فنادق مكه
هالاشكال اتمنى ان مايجيبونهم لأن مب اول مره تصير
نافخينهم مدري على شنو عالطراره
خلوني ساكته بس

[khaldoon]

اعتقد الناس اللي بسن المراهقة هم اللي يتابعون المشاهير و يعتبرونهم مثلهم الأعلى و يهتمون فيهم ...... انا بهالعمر مين يستحق اتابعه من اللي بسن العشرينات و الثلاثينات مثلا؟ مع احترامي لهذه الاعمار

ما عندي سناب و الانستغرام و تويتر لاغيهم زمان

[حمد 2002]

اعتقد الناس اللي بسن المراهقة هم اللي يتابعون المشاهير و يعتبرونهم مثلهم الأعلى و يهتمون فيهم ...... انا بهالعمر مين يستحق اتابعه من اللي بسن العشرينات و الثلاثينات مثلا؟ مع احترامي لهذه الاعمار

ما عندي سناب و الانستغرام و تويتر لاغيهم زمان

العمر ليس مقياس للمعرفه والمعلومات والنضج العقلي مع احترامي لك .

احياننا يأتيك من عمره 18 أعقل واركد وانضج من بو50 سنه .

تحياتي .

[شموخ دائم]

,

,


مرحبا


شكرا على الموضوع


من خلال الردود في سوء فهم للموضوع
المشاهير ما نتابع ( حياتهم الخاصه )
احنا نتابع ( اعلاناتهم ) شنو في شي جديد
الأشياء الي تحصل في البلد او في المدينه وحنا ما نعرف عنها

السناب او الانستغرام او تويتر الفيس بوك
كلها أصبحت ( دعايه وإعلان ) وأماكن ناخذ منها الخبر والمعلومه أصبحت
لقاء يومي مع الجميع

السناب يتميز عن البقيه انه يكلمك مباشره

خبر سياسي
خبر رياضي
خبر اقتصادي
خبر عن المجتمع

الحكومات الوزارات المؤسسات والتجار كبار وصغار يستعينون فيهم

لنشر اخبارهم الجديده


دعايه لمشروع خيري
دعايه لمعرض
دعايه لمطعم
دعايه لافتتاح فعاليه ونقلها للناس دعايه لبرنامج وايصاله للناس

كل شي يصير في البلد الان نعرفه من خلالهم

واحد عنده متابعين فوق ال 500 الف متابع
شي طبيعي بعلن عنده مشاهدينه اكثر من مشاهدين ( التلفزيون )

10 الاف او 20 الف دفعتها للسناب او للجريده شنو تفرق معاي منو( يقراء ) جرايد الحين
؟؟؟

كلها دعايه انا ابحث عن إيصال معلومه وعرض بضاعتي او فعاليتي او عرض اخبار شركتي
منو بيوصلها للناس اسرع بعلن عنده وهذي الأيام
مشاهير السناب يوصلون المعلومه بطريقه اسرع والناس تتقبلهم كل واحد واسلوبه وشخصيته

الصغار لهم مشاهير
والكبار لهم مشاهير


بالنسبه لي ( مستفيد ) المعلومه
في أماكن كثيره وفعاليات اعرف عنها ( تستحق الزياره او لا ) من خلال السناب
تناسبني اروح اشوف المعرض او ما يناسبني اتركه شفت عنه لمحه كامله بالمجان
لان يصورون المكان كامل والبضاعه مع الشرح

هذي الفائده الي انا ابيها

مشاريع تنفتح كثيره بشكل اسبوعي ما ندري عنها ما نعرف الا من خلال الدعايات هذي
شي طيب اعرف شنو يصير في بلدي ومدينتي



الأشخاص الي تقدم الدعايه او ( المشاهير ) ما يهموني في شي مجرد شخص يقدم لي ( دعايه )

هذا ( عملهم ) والله يوفقهم

هذي مهنتهم الان ووظيفتهم

انا أتكلم عن المشاهير الي استفيد من متابعتهم
اما المشاهير الي ما يفيدوني في شي ( امسحهم ) بكل سهوله

اعتقد اصبحنا نفرق بين المفيد لنا ومن غير المفيد

حتى (الجمعيات الخيريه ) تستعين فيهم لجمع التبرعات

ولاعلان عن مشاريع جديده وعرض أعمالهم الخيريه في افريقيا وفي غرغيزستان وفي اسيا

عالم الانترنت بمختلف برامجه

سناب
تويتر
انستجرام


السناب الان حل مكان التلفزيون

في المجالس التلفزيون شغال ومحد يشوفه

:)

لان السناب والمشاهير يقدمون لك ( شي في مدينتك ) وشي ما تعرف عنه من قبل

التلفزيون يقدم ماده 90% من البرامج ما تهمك في شي



,

,

[سالم الزهران]

كلام جميل بتوقيع أخونا شموخ
جزاكم الله خير

بالنسبة لي ولخلدون ولسعود لو بتنطرنا الامور ذي بتفشل
واتوقع مثلنا كثير.

[نفسي عزيزه]

حنونا من حناكم

[khaldoon]

كلام جميل بتوقيع أخونا شموخ
جزاكم الله خير

بالنسبة لي ولخلدون ولسعود لو بتنطرنا الامور ذي بتفشل
واتوقع مثلنا كثير.

ايه والله انك صادق لو بنطرون واحد مثلي بتفشل و نص ههههه

شوف انا لما اشوف شخص يقدم دعاية لمنتج معين او لمحل او لمكان ما و اعرف انه ماخذ مبالغ خرافية على اعلان مدته دقيقه او دقيقتين فمعناته هذا يستغفلني كمتابع له و يستغل حبي له و الأولى اني الوم نفسي اني اتابع مثل هذا البني ادم سواء ذكر او انثى

اما لو افترضنا انه شخصية معروفه بالتقدير و الاحترام و المكانه بين الناس و تقدم اعلان لشيء خيري فهنا الموضوع مختلف مع اني لا استبعد انه ممكن يأخذ فلوس على إعلانه هذا و الله اعلم