~:: مطلوب توريد وتركيب جرانيت ::~

[sara jsm]

السلام عليكم جميعا ً


فضلا ممكن اسامي (( افضل المحلات لتوريد وتركيب الرخام والجرانيت ))
شغل نظيف وفنش مرتب واسعار معقوله .. اهم شي ( التوريد والتركيب )

:


وشكراً

[سعود.]

اهم شي اطلبي قطعة الرخام لدرج الداخلي قطعه وحده حتى لو عرض الدرج اكثر من 1.2 m
يطلع فخم .

[sara jsm]

شكرا على ردك الفخم :ok:
ابيه حق برع مب داخل .. :app:

[$الملياردير$]

الرخام لا ينصح بتركيبه بالخارج يفضل داخلي يا ام جاسم

[$الملياردير$]

شوفي الرخام الذهبي ( جلال )

[سعود.]

شكرا على ردك الفخم :ok:
ابيه حق برع مب داخل .. :app:

العفو

[سعود.]

الرخام لا ينصح بتركيبه بالخارج يفضل داخلي يا ام جاسم


بالضبط

[sara jsm]

الرخام لا ينصح بتركيبه بالخارج يفضل داخلي يا ام جاسم

ابي جرانيت حق برع يااخوي ..
وجلال لازم اوفر له المواد عشان يشتغل ..
انا ابي محل يكون الشغل منه وفيه ..

[سعود.]

ابي جرانيت حق برع يااخوي ..
وجلال لازم اوفر له المواد عشان يشتغل ..
انا ابي محل يكون الشغل منه وفيه ..

المواد اسمنت فقط
واذا التركيب بالصيف يفضل التركيب ليلآ لين يبرد الجو شوي

[معماري قطري]

لو حابة الغرانيت ركبي كسر غرانيت وحاولي تسوين طبقة حماية قبل وبعد التركيب قبل للجوانب وتحت وبعد للوجه .. يمكن جلال عنده ناتج وبقايا رخام ويبيعه برخيص

البورسلان أكيد أقوى وأفضل ولا يحتاج حماية وفيه لون حجري وخشن شوي بس مشكلته تبين فيه طبعة التواير لكن أتوقع سهل يتنظف ويمكن يطلع أجمل من الألوان القاتمة .. اللون الأبيض بعد حلو بس ما شفته مركب للحوش

[sara jsm]

ماقصدت برع للحوش .. ابيه حق البرنده والدرج الخارجي ..
:
وبوعبدالله وايد تمدح البورسلان بس ماشفت حد مركبه ..

[Azizuk]

شوفي محل الامانة للديكور عندهم غرانيت جميع الانواع من البرازيلي والاكوراني والهندي والباكستاني والصيني والايطالي

وكل شي حسب سعره

شوي يتاخرون في عملية التركيب بسبب ضغط العمل

عندهم تنزيلات حاليا الامانة للديكور فرع طريق المطار واتوقع يشمل طريق سلوى

وذا مستعجلين في عملية التركيب تاخونة من اي مورد واي حد ممكن يركيبه لكم

وفي محلات وايد بطريق سلوى عنهم تقريبا نفس البضاعة

[sara jsm]

اخوي عزيز ماقصرت .. وانا رايحة الامانه بفرعينه ومريت طريق سلوى اكثر من محل ..
بس الاغلب ماعنده تركيب او مثل ماقلت يبي له وقت ..

عالعموم مشكورين ماقصرتوا ��

[سعود.]

اخوي عزيز ماقصرت .. وانا رايحة الامانه بفرعينه ومريت طريق سلوى اكثر من محل ..
بس الاغلب ماعنده تركيب او مثل ماقلت يبي له وقت ..

عالعموم مشكورين ماقصرتوا ï؟½ï؟½


صحيح ماعندهم تركيب واستورهم قريب من الخور في
( الصخامة )

[معماري قطري]

ماقصدت برع للحوش .. ابيه حق البرنده والدرج الخارجي ..
:
وبوعبدالله وايد تمدح البورسلان بس ماشفت حد مركبه ..


انا مركبه للمدخل ولي نية اركبه للدرج .. ركبت لعتبات داخلية وطلع ايد زين ومعمر للحين 13 سنة ما تغير للدرج ركبت رخام كله تغير لونه وتشمخ ويحتاج كحت ومواد عناية وحماية

عندي درج داخلي يودي للبنتهاوس مسويه ببلاط شعبي ومركب عليه سجادة وله بعد 13 سنة

القصد البدائل موجودة وقد تكون أفضل بدون عناية وبدون صيانة على المدى البعيد

[معماري قطري]

مركب حول حوض السباحة 90 في 45 كان بحدود 100 ريال خشن شوي وبلون طيني طلع وايد زين .. ومركبه على دفان عادي وفوقه سكريد خفيف مب صبية قلت حتى لو صار شيء يكون سهل الفتح للتمديدات تحت .. بس تفكك القراوت وصارت شقوق دخل منها النمل واستوى انتشار فضيع للنمل .. تلاحقت نفسي وجبت واحد يزيل القراوت القديم بالكامل .. توقعت العملية صعبة على مساحة حول 100 متر مربع لكن خلال يومين خلص وركب مونة ميبي القوية وألحين كل شيء تمام التمام

[معماري قطري]

لو تبين حد يركب أمين ولازم تذكرين له شروط ومواد وتفاصيل التركيب عندي لكن ما اضمن يمكن يكون مشغول

[التاجرالصغير]

شوفي الرخام الذهبي ( جلال )

اخوي .. من هو جلال؟

[sara jsm]

لو تبين حد يركب أمين ولازم تذكرين له شروط ومواد وتفاصيل التركيب عندي لكن ما اضمن يمكن يكون مشغول

معماري كل اللي طرشت لي ارقامهم مشغولين .. :nono:


اخوي .. من هو جلال؟

صاحب مصنع في الصناعيه

https://3.top4top.net/p_12434huly0.png (https://up.top4top.net/)

عندهم انواع كثيرة مش موجودة بالسوق .. لكن غالبا مايركب

[Q0T0R]

السلام عليكم

لوسمحت
حصلت احد توريد وتركيب ؟

تريد تركيب فقط ؟

ايش نوع الجرانيت المطلوب صيني هندي برازيلي الخ
الكميه المطلوبه

السماكه اثنين سم او ثلاثه سم ممتاز

والمقاسات ستين في ستين او ثلاثين في ستين او سلابات كبيره ... الخ

وطريقة التركيب ؟

دفان رمل او بودره ويتم الرش والدك وبعدها تركب بمونه اسمنتيه ( ما انصح فيها )

خلطه مفلفه وحصى شوي وشبك اربعه ملي وبعدها بالجلو

خلطة اسمنت ورمل وحصى وشبك سته ملي وبعدها بالجلو

صبيه ريدي ميكس كونكريت مع شبك حديد ثمانيه ملي وبعدها بالجلو ( غاليه ولاكن انصح فيها ) ممكن تصف عليها تريلا اذا تبي

وطبعا الجلو خاص للجرانيت وللاستخدام الخارجي
ومقاوم لعوامل الطقس والحراره والماء وفيه حبيبات حصى صغيره تعطي تماسك وصلابه اكبر عكس الجلو العادي يتفتت مثل الرمل لا

طريقة تركيب الجرانيت

خطوط متساويه او مثل طريقة تركيب الطابوق ؟

هذا بالنسبه للارضيات

السلم جرانيت ثلاثه سم طبعا الاستب والرايزر اثنين سم بمونة اسمنتية وتلبيش اسفل الجرانيت بالجلو
هذا اذا السلم خرسانة

اذا السلم حديد راح نستخدم سيليكون وايبوكسي
و الاكمه
وشكرا

[معماري قطري]

السلام عليكم

لوسمحت
حصلت احد توريد وتركيب ؟

تريد تركيب فقط ؟

ايش نوع الجرانيت المطلوب صيني هندي برازيلي الخ
الكميه المطلوبه

السماكه اثنين سم او ثلاثه سم ممتاز

والمقاسات ستين في ستين او ثلاثين في ستين او سلابات كبيره ... الخ

وطريقة التركيب ؟

دفان رمل او بودره ويتم الرش والدك وبعدها تركب بمونه اسمنتيه ( ما انصح فيها )

خلطه مفلفه وحصى شوي وشبك اربعه ملي وبعدها بالجلو

خلطة اسمنت ورمل وحصى وشبك سته ملي وبعدها بالجلو

صبيه ريدي ميكس كونكريت مع شبك حديد ثمانيه ملي وبعدها بالجلو ( غاليه ولاكن انصح فيها ) ممكن تصف عليها تريلا اذا تبي

وطبعا الجلو خاص للجرانيت وللاستخدام الخارجي
ومقاوم لعوامل الطقس والحراره والماء وفيه حبيبات حصى صغيره تعطي تماسك وصلابه اكبر عكس الجلو العادي يتفتت مثل الرمل لا

طريقة تركيب الجرانيت

خطوط متساويه او مثل طريقة تركيب الطابوق ؟

هذا بالنسبه للارضيات

السلم جرانيت ثلاثه سم طبعا الاستب والرايزر اثنين سم بمونة اسمنتية وتلبيش اسفل الجرانيت بالجلو
هذا اذا السلم خرسانة

اذا السلم حديد راح نستخدم سيليكون وايبوكسي
و الاكمه
وشكرا

مشكور على الإضافة اللي فيها مواصفات شغل مختصرة ومهمة وهذا الاساس اللي نتكلم عنه لكل مواصفة ومادة وطريقة تركيب ومواد تركيب سعر واضيف فوقها كل مقاول يحدد سعره وصعب ينعرف سعر السوق بشكل دقيق لكن سهل ينعرف بشكل تقريبي

بالنسبة للحديد في الصبيات المتصلة بالأرض انا هندسياً اشوف إن الحديد ما له فايدة بالعكس يزيد السعر ويخرب الخرسانة لو صدأ .. بديت التجربة في بيتي والحمد لله نجحت على مدار 13 سنة للحين .. كل الارضيات المتصلة بالارض وركبنا فوقها بلاط وبرسلان وللحوش بلاط شعبي كبار ما تحركت ولا تأثرت .. إشتغلناها بخرسانة 10 سم مخلوطة مع فيبر والفيبر كان الغالون يجي بحدود 70 ريال ونسيت كم قالون تحتاج لشاحنة الردي مكس .. والردي مكس طلبناه مقاوم أملاح وبقوة 15 نيوتن .. تقريباً أضعف ردي مكس وبسلمب عالي ما يهم الفايبر يقويه في كل الاتجاهات ولا يتشلخ

عن الشاحنات اللي دخلت البيت كم مرة وعن تغيير البلاط ممكن بسهولة ازالة القديم وتغييره لأي أرضية ثانية .. وهذي نصيحتي للكل .. الحديد نحتاجه للشد والخرسانة المتصلة بالارض كل الشد اللي فيها حراري من التمدد والفايبر يقوم بالمهمة .. الخرسانة لو تنضغط يقابلها ضغط الارض تحتها وهي أسهل تصميمات الخرسانة ولا تحتاج تعقيد

[Q0T0R]

مشكور على الإضافة اللي فيها مواصفات شغل مختصرة ومهمة وهذا الاساس اللي نتكلم عنه لكل مواصفة ومادة وطريقة تركيب ومواد تركيب سعر واضيف فوقها كل مقاول يحدد سعره وصعب ينعرف سعر السوق بشكل دقيق لكن سهل ينعرف بشكل تقريبي

بالنسبة للحديد في الصبيات المتصلة بالأرض انا هندسياً اشوف إن الحديد ما له فايدة بالعكس يزيد السعر ويخرب الخرسانة لو صدأ .. بديت التجربة في بيتي والحمد لله نجحت على مدار 13 سنة للحين .. كل الارضيات المتصلة بالارض وركبنا فوقها بلاط وبرسلان وللحوش بلاط شعبي كبار ما تحركت ولا تأثرت .. إشتغلناها بخرسانة 10 سم مخلوطة مع فيبر والفيبر كان الغالون يجي بحدود 70 ريال ونسيت كم قالون تحتاج لشاحنة الردي مكس .. والردي مكس طلبناه مقاوم أملاح وبقوة 15 نيوتن .. تقريباً أضعف ردي مكس وبسلمب عالي ما يهم الفايبر يقويه في كل الاتجاهات ولا يتشلخ

عن الشاحنات اللي دخلت البيت كم مرة وعن تغيير البلاط ممكن بسهولة ازالة القديم وتغييره لأي أرضية ثانية .. وهذي نصيحتي للكل .. الحديد نحتاجه للشد والخرسانة المتصلة بالارض كل الشد اللي فيها حراري من التمدد والفايبر يقوم بالمهمة .. الخرسانة لو تنضغط يقابلها ضغط الارض تحتها وهي أسهل تصميمات الخرسانة ولا تحتاج تعقيد
سلام عليكم
ماشاءالله اخوي كلامك ممتاز وصحيح وفعلا وتم عمل بعض الارضيات باستخدام الفايبر واضافة الكيميكال والاستغناء عن الشبك الحديد وكانت النتيجه ممتازه فعلا
بس مشكلة عدم استخدام الشبك الحديد كانت
العميل لازم يشوف الشبك الحديد وما يعترف بموضوع الفايبر

المشكله الاخرى صار هبوط قوي في دفان البيت تقريبا المقاول ما سوى الدفان على طبقات ورش ودك سواه على طبقه واحده ، الفايبر ما تحمل قوة الهبوط وتشققت الخرسانه (كانت ظ¢ظ* نيوتن) وانكسرت ، اذا كان فيه شبك حديد كان يستحيل تنزل الخرسانة مع الهبوط صحيح بيكون اسفلها فاضي بس ثابته ميزة الفايبر في الادوار العليا لتخفيف الاوزان ، واشكرك على ردك على التعليق
منكم نستفيد اخوي معماري وانا متابع كل مواضيعك ماشاء الله خبره كبيره جدا بلا حدود وكلام موزون

[معماري قطري]

سلام عليكم
ماشاءالله اخوي كلامك ممتاز وصحيح وفعلا وتم عمل بعض الارضيات باستخدام الفايبر واضافة الكيميكال والاستغناء عن الشبك الحديد وكانت النتيجه ممتازه فعلا
بس مشكلة عدم استخدام الشبك الحديد كانت
العميل لازم يشوف الشبك الحديد وما يعترف بموضوع الفايبر

المشكله الاخرى صار هبوط قوي في دفان البيت تقريبا المقاول ما سوى الدفان على طبقات ورش ودك سواه على طبقه واحده ، الفايبر ما تحمل قوة الهبوط وتشققت الخرسانه (كانت ظ¢ظ* نيوتن) وانكسرت ، اذا كان فيه شبك حديد كان يستحيل تنزل الخرسانة مع الهبوط صحيح بيكون اسفلها فاضي بس ثابته ميزة الفايبر في الادوار العليا لتخفيف الاوزان ، واشكرك على ردك على التعليق
منكم نستفيد اخوي معماري وانا متابع كل مواضيعك ماشاء الله خبره كبيره جدا بلا حدود وكلام موزون

كلامك صحيح بخصوص تعويض أي ضعف للتربة ومهم نوازن بين الدك ومواصفات الخرسانة بدون مبالغة