+++ عمال غسيل سيارات في المواقف +++

[jajassim]

أحد الحلول لسيطرة على عمال غسيل سيارات في المواقف الحل يكون في كاونتر أو جهاز دفع إلكتروني نفس الموجود في المواقف عند مدخل كل مجمع تروح وتدفع وتدخل رقم الموقف ورقم لوحة السيارة . بعد ذلك يصل اشعار للعامل ويذهب لغسيل السيارة ، ما رأيكم؟

[R 7 A L]

الحين هالعمال الي يغسلون في مواقف عامه يتبعون لمن ؟
و لو حاب انا اجيب لي عمال غسيل واحطهم في اي مواقف عامة عند اي وزارة مسموح لي ؟

[بومحمد المطاوعه]

لا ممنوع يالرحال
لازم شركه وتصريح مايصير تجيب وتحط

[بومحمد المطاوعه]

بعدين يالربع هالعمال وهالغسيل اصلن كلش مب سيفتي ويخرب المواتر
يتشمخ الموتر كامل

انا اجربهم
اغسل اللكزس اذا اروح فيه اي مجمع عادي
لكن مواتري الثانيه مافي امل اغسلها لا عند هالعمال ولا قود الا غسيل جيك فقط

لأن خذ تشمخ على البدي
احسن غسيل غسيل البيت وفوط خاصه للموتر

[ابو عبدالله.]

هذه شركات خاصه ماخذه عقود في المجمعات. اما نسبه من الارباح او اجار شهري

لو تسأل في وزاره الاقتصاد عن رخص هذا الغسيل بيعلمونك اشتراطاتها

[R 7 A L]

لا ممنوع يالرحال
لازم شركه وتصريح مايصير تجيب وتحط

ليش ممنوع
بسوي شركة وبجيب تصريح وبشارك في المناقصة

[R 7 A L]

هذه شركات خاصه ماخذه عقود في المجمعات. اما نسبه من الارباح او اجار شهري

لو تسأل في وزاره الاقتصاد عن رخص هذا الغسيل بيعلمونك اشتراطاتها

مابي المجمعات ابي المواقف العامة مثل مواقف الجوازات

[حمد 2002]

أحد الحلول لسيطرة على عمال غسيل سيارات في المواقف الحل يكون في كاونتر أو جهاز دفع إلكتروني نفس الموجود في المواقف عند مدخل كل مجمع تروح وتدفع وتدخل رقم الموقف ورقم لوحة السيارة . بعد ذلك يصل اشعار للعامل ويذهب لغسيل السيارة ، ما رأيكم؟


فكره ممتازه

لانه العمال يضايقون أصحاب السيارات وبعد فيه خطورة على حياتهم لأنه تواجدهم عشوائي وبدون احتياطات امنيه .

[وحيد-الشوق]

مب من زين غسيلهم حد تعبان انا صرت ضد هالفكره من الأساس يبطون الجبد لما يجي يساعدك وانت تصف السيارة كاميرات وحساسات وذي يساعدك ترى سيارة مب تريلا بصفها هههههههه

سؤال فضولي يا اخوان ال15 ريال الي ياخذونها هل المبلغ يروح للشركة او العامل ياخذ جزء منه؟

[ابو عبدالله.]

مابي المجمعات ابي المواقف العامة مثل مواقف الجوازات

في اجراءات جديده وهي الانتفاع باراضي الحكومه في عمل تجاره فممكن تطلب توفير الغسيل في مواقف حكوميه

هذه اجراءات صدرت من فتره بسيطه لكن ما اعرف اي وزاره مسؤوله عن عقود تأجير اراضي الدوله للقطاع الخاص

يعني تقدر تأجر مكان عند الابراج و تفتح محل سندويشات او كشك غسيل للسيارات او اي بزنس ثاني

[khaldoon]

ما هو السبب في هذا الاقتراح..... و ما الذي يعيب الوضع الحالي ...الرجاء التوضيح حتى نتمكن من الاجابه بشكل افضل

[jajassim]

ما هو السبب في هذا الاقتراح..... و ما الذي يعيب الوضع الحالي ...الرجاء التوضيح حتى نتمكن من الاجابه بشكل افضل

السبب الرئيسي ،، عامل غسيل السيارات لا يأتي اليك الا اذا كانت نظيفة ،،

[MAZEN37]

السبب الرئيسي ،، عامل غسيل السيارات لا يأتي اليك الا اذا كانت نظيفة ،،

لازم نعرف نقول لا
باسلوب مهذب وطريقه ادبيه ولا نحرج العامل ولا نكسر خاطره
انا عن نفسي اقوله شكرا وما احاول انهره
وبكل سهوله يروح عني

[jajassim]

لازم نعرف نقول لا
باسلوب مهذب وطريقه ادبيه ولا نحرج العامل ولا نكسر خاطره
انا عن نفسي اقوله شكرا وما احاول انهره
وبكل سهوله يروح عني

الحمد لله رب العالمين

دئماً نقول لا للعامل بكل احترام اذا كانت السيارة نظيفة ، وأحيانا نقول له غسلها وهى نظيفة حتى لانكسر بخاطره.

بس السؤال الي يطرح نفسه وهذا هو موضوعنا !!!

ماهى الطريقة لأفضل من أن أضمن غسيل السيارة بدلاً من هروب العمال في بعض الحالات!!!

[khaldoon]

الحمد لله رب العالمين

دئماً نقول لا للعامل بكل احترام اذا كانت السيارة نظيفة ، وأحيانا نقول له غسلها وهى نظيفة حتى لانكسر بخاطره.

بس السؤال الي يطرح نفسه وهذا هو موضوعنا !!!

ماهى الطريقة لأفضل من أن أضمن غسيل السيارة بدلاً من هروب العمال في بعض الحالات!!!

عادة اول ما انزل من السيارة و يجي يعرض علي غسيل السيارة و ادفعله اخذ منه كوبون لاني لو رجعت و ما لقيتها مغسوله بيكون الكوبون بيدي يثبت اني دفعت وما حصلت على الخدمة المدفوعه مسبقا بس للأسف ما في واحد مسؤول عنهم يكون مكانه معروف مثل الفاليه بحيث تروح عنده و تفرجيه انك دفعت وما انغسلت سيارتك .... لازم يكون في مسؤول متواجد دائما في مكان معروف مثلا عند مدخل المول

[بوخالد911]

مع الاقتراح الجيد

والوضع الحالي معظم اللي يغسلون شاردين من الكفلاء

[مرتبش]

موجودين في كل مكان حتى الشوارع مثل شارع النصر.. المغاسل في صوب واللي يغسلون سياراتهم عند البيوت وفي المجمعات وفي الشوارع وفي اماكن العمل..الموضوع زايد عن حده

[khaldoon]

موجودين في كل مكان حتى الشوارع مثل شارع النصر.. المغاسل في صوب واللي يغسلون سياراتهم عند البيوت وفي المجمعات وفي الشوارع وفي اماكن العمل..الموضوع زايد عن حده


فعلا في شارع النصر يشتغلون من الجهتين من جهة الفاميلي فود سنتر و من جهة وقت الشاي ....بس أيضا هم بديل جيد او مقبول نوعا ما بدل الوقوف بطابور طويل في وقود من اجل غسيل السيارات

انا جربت اللي يجون بيتك و يغسلون السيارة من الداخل و الخارج مثل وقود و اسعارهم كانت بخمسين ريال للغسلة الواحده يعني تشتري انتظارك بالطابور ب 15 ريال ... و تنظيفهم ممتاز جدا

بس عيبهم انهم يبونك تسوي اربع غسلات من الداخل و الخارج خلال شهر....طبعا هالكلام مب منطقي اني اغسل السيارة من الداخل كل أسبوع خاصة لو هي ما توسخت و نظيفة و لهالسبب ما استمريت معهم

[بوخالد911]

موجودين في كل مكان حتى الشوارع مثل شارع النصر.. المغاسل في صوب واللي يغسلون سياراتهم عند البيوت وفي المجمعات وفي الشوارع وفي اماكن العمل..الموضوع زايد عن حده

صحيح
زادوا عن قبل

س

الداخلية ما تعرف عنهم ؟!؟!؟!؟!؟!؟!؟!؟