هل ارفع قضيه علي المقاول

[koketa]

السلام عليكم


المقاول اخل بشروط العقد واختلفت معاه

انا في اخر مرحله من البناء وما استلم اخر دفعه وترك مكان المشروع وراح

السؤال الحين يسوي ارفع قضيه واطالب بتعويض ؟ ولا أقول حسبي الله ونعم الوكيل واكمل الشغل

شنهو الإجراء اللي المفروض اخذه ؟

[ابو عبدالله.]

لا تسوي ايشي بالموقع
بيدعي بأنه اكمل الشغل و بتدفع له مع انك انت الي دفعت لانهاء العمل

ارفع قضيه و الخبير الاستشاري للمحكمه بيثبت الوضع الحالي و اطلب من المحكمه السماح بأنهاء الفيلا مع تسيير القضيه

اذا لك حق بتاخذه واذا ما لك. خلاص دفعتك عندك وهو راح بسلامته

بالتوفيق

[نفسي عزيزه]

القضيه بهالامور تاخذ وقت وسنيين

[قطري2022]

اسال عن محامي معروف بشطارته وضميره ، لاتروح حق واحد مب معروف بهالخصلتين ، وهو بيفيدك بحكم خبرته في القانون وبحكم التجارب الي مرت عليه

[qatarman8008]

لازم ترفع قضية لا يجوز لك ان تسكت عن حقك لان المقاولين في الفترة الاخيرة مصخوها والسالفة زادت عن حدها وكان لاحسيب ولارقيب..
انصحك اول شي تروح للمحكمة وترفع قضية مستعجلة..
ثاني شي اطلب خبير يحضر للموقع ويثبت الحالة (هذا اهم شي تسويه ولا احد يقول لك مو ضروري)..
ثالثا عط الخبير العقد وكل الاوراق المطلوبة والفواتير خله يقيم الاضرار ويرفع التقرير للقاضي..
رابعا اطلب استكمال مشروع البناء بالاستعانة بمقاول اخر..
كمل بيتك وشطب واسكن وخل القضية ماشية

[سعود.]

اذا انت مو متضرر ( ماديآ ) شوف مقاول اخر ووثق العقد بالاعمال المتبقية
المقاول القديم سوي معه ( مخالصة ) وخله يذكر الاعمال المنتهية والمتبقيه ( مختومه ) وموقعه مرفقة بالصور ومختومه

اول خطوه المخالصه
بعدها مقاول جديد

[sara jsm]

لازم ترفع قضية لا يجوز لك ان تسكت عن حقك لان المقاولين في الفترة الاخيرة مصخوها والسالفة زادت عن حدها وكان لاحسيب ولارقيب..
انصحك اول شي تروح للمحكمة وترفع قضية مستعجلة..
ثاني شي اطلب خبير يحضر للموقع ويثبت الحالة (هذا اهم شي تسويه ولا احد يقول لك مو ضروري)..
ثالثا عط الخبير العقد وكل الاوراق المطلوبة والفواتير خله يقيم الاضرار ويرفع التقرير للقاضي..
رابعا اطلب استكمال مشروع البناء بالاستعانة بمقاول اخر..
كمل بيتك وشطب واسكن وخل القضية ماشية

كلام قطرمان صحيح 100‎%‎
خلال 3 شهور خلصت من القديم وثبت الحاله وسويت مخالصه ودخلت مقاول جديد ..
اهم شي ارفع دعوى مستعجله واطلب خبير يعاين ويثبت الحاله ،.
وربي يسهل عليك ان شاءالله ..
حاول تكلم محامي في هالمجال بيسهل عليك كل شي ..

[معماري قطري]

لا تسوي ايشي بالموقع
بيدعي بأنه اكمل الشغل و بتدفع له مع انك انت الي دفعت لانهاء العمل

ارفع قضيه و الخبير الاستشاري للمحكمه بيثبت الوضع الحالي و اطلب من المحكمه السماح بأنهاء الفيلا مع تسيير القضيه

اذا لك حق بتاخذه واذا ما لك. خلاص دفعتك عندك وهو راح بسلامته

بالتوفيق

هذا شغل غالبية العرب والصحيح توقيف الشغل قليل لين تتم ملاحظات المحكمة وبعدها نكمل مع أي مقاول نبغي ولو العقد فيه فقرات تنص على إن إكمال العمل عن طريق مقاول ثاني على حساب الأول في حال رفضه اكمال الشغل بعد هذا له اجراءات معينة

حلو وقت القضية في الصيف وقت ركود وقلة شغل

صار لواحد من الربع نفس الموقف وقلت له بيشتكي بعدين وبيقول إنه سوى شغل ما سواه وصار وطالبه بمبالغ ما يستحقها واستوت قضية طويلة ومراجعات وخبراء هندسيين كل واحد يدلو بدلوه .. يقول المقاول الشارد يتابع الشغل من بعيد ويشوف شصار وبعدين جاء بقوة وجه يطالب بشغل ما سواه

البلاد متروسة من قليلي الذمة والقضاء السريع هو الحل ومثل ما سمعت يحلون المشكلة بسرعة بس تكون عند المالك كل الفواتير اللي دفعها في السابق ويقيمون .. المفروض يكون فيه عقاب على المقاول التارك للشغل بس قانوننا كله ثغرات ويستغلونها ذيلا

[معماري قطري]

لازم ترفع قضية لا يجوز لك ان تسكت عن حقك لان المقاولين في الفترة الاخيرة مصخوها والسالفة زادت عن حدها وكان لاحسيب ولارقيب..
انصحك اول شي تروح للمحكمة وترفع قضية مستعجلة..
ثاني شي اطلب خبير يحضر للموقع ويثبت الحالة (هذا اهم شي تسويه ولا احد يقول لك مو ضروري)..
ثالثا عط الخبير العقد وكل الاوراق المطلوبة والفواتير خله يقيم الاضرار ويرفع التقرير للقاضي..
رابعا اطلب استكمال مشروع البناء بالاستعانة بمقاول اخر..
كمل بيتك وشطب واسكن وخل القضية ماشية

هذا أفضل رأي وهو الاجراء القانوني

وغلطة الغالبية ما ياخذون ضمانات ويحجزون دفعة صيانة على المقاول وعقودهم كلها ثغرات يستغلونها مقاولين الشنطة والسيارة

[معماري قطري]

اسال عن محامي معروف بشطارته وضميره ، لاتروح حق واحد مب معروف بهالخصلتين ، وهو بيفيدك بحكم خبرته في القانون وبحكم التجارب الي مرت عليه

ما تحتاج لمحامي اجراء بسيط بس ما اذكر عند أي محكمة بالتلفون بيدلونها وين تروح أو يروح زوجها

[معماري قطري]

اذا انت مو متضرر ( ماديآ ) شوف مقاول اخر ووثق العقد بالاعمال المتبقية
المقاول القديم سوي معه ( مخالصة ) وخله يذكر الاعمال المنتهية والمتبقيه ( مختومه ) وموقعه مرفقة بالصور ومختومه

اول خطوه المخالصه
بعدها مقاول جديد

اسلوب العرب اخوي سعود وقح وواضح .. ما يردون على التلفون ولا لهم مقر وينتظرون المالك يقرب يخلص ويرفعون هم قضية وفي الغالب يكسبون .. يحلف عادي ويقول خسران وايد وأي خبير هندسي وقتها صعب يقيم شيء ما شافه

لنفترض المقاول الأول أكمل كل مراحل العظم وكان متفق تسليم مفتاح .. باقي الأعمال الخشبية والكهربية وتركيب البلاط وممكن حتى البلاستر شرد وهو ما كمل العظم حتى وأوقات الملاك طيبين يدفعون قيمة مراحل ما سواها المقاول ويشرد ويتورط ويجيب غيره ويكمل وغيره حتى لو سجل كل شيء ما يعتبر عقده صحيح لأنه غير موثق لذلك رفع حالة البيت وتوثيقها مهم من قبل المحكمة ويفترض كذلك توثيق العقد الجديد وأي عقد

[معماري قطري]

القضيه بهالامور تاخذ وقت وسنيين

بالعكس مستعجلة والخبراء وايد تكلفتهم حول 5000 ريال يطلع يرفع حالة البيت وشوصل له ويدقق الفواتير ويصورها ويرفقها والعقد ويذكر إن المقاول ما يرد على الاتصالات والاستفسارات وأمور كثيرة والقاضي حكم حسب الوضع أو يسمح بالبناء مع مقاول ثاني ويستمر في القضية لين يحضر الأول ويشوف شعنده .. بس الأول صعب يكذب بعدين لأن كل شيء مصور ومذكور وواضح

[سعود.]

اسلوب العرب اخوي سعود وقح وواضح .. ما يردون على التلفون ولا لهم مقر وينتظرون المالك يقرب يخلص ويرفعون هم قضية وفي الغالب يكسبون .. يحلف عادي ويقول خسران وايد وأي خبير هندسي وقتها صعب يقيم شيء ما شافه

لنفترض المقاول الأول أكمل كل مراحل العظم وكان متفق تسليم مفتاح .. باقي الأعمال الخشبية والكهربية وتركيب البلاط وممكن حتى البلاستر شرد وهو ما كمل العظم حتى وأوقات الملاك طيبين يدفعون قيمة مراحل ما سواها المقاول ويشرد ويتورط ويجيب غيره ويكمل وغيره حتى لو سجل كل شيء ما يعتبر عقده صحيح لأنه غير موثق لذلك رفع حالة البيت وتوثيقها مهم من قبل المحكمة ويفترض كذلك توثيق العقد الجديد وأي عقد

صاحب الموضوع اتوقع من كلامة انه في اخر مرحله بناء
( عظم ) وتقريبآ مش خسران ماديآ

اذا كذا وضعه الافضل مخالصة من المقاول الاول وعقد جديد مع مقاول اخر
بلا محاكم ووجع راس بس الخوف ان المقاول الاول شاف خطأ كبير وحط رجله واكيد المقاول الجديد ماراح يضمن له الشغل القديم

في ياريت صاحب الموضوع يوضح اكثر التفاصيل واي مرحله هو فيها

[Dana’1]

من الظلم إن رد المظالم و أخذ الحق لأصحابه ياخذ شهور و سنيين.. خصوصا بالقضايا الواضحه جدا مثل كذا ففيها تعطيل لمصالح وراه أمور يخلصها خصوصا البعض يكون عنده وقت محدد عشان ينزل البيت لأن ساكن بأجار و ما يقدر يمدد أو غيرها من الظروف.
الله يفرجها عليك و على كل مسلم

[معماري قطري]

صاحب الموضوع اتوقع من كلامة انه في اخر مرحله بناء
( عظم ) وتقريبآ مش خسران ماديآ

اذا كذا وضعه الافضل مخالصة من المقاول الاول وعقد جديد مع مقاول اخر
بلا محاكم ووجع راس بس الخوف ان المقاول الاول شاف خطأ كبير وحط رجله واكيد المقاول الجديد ماراح يضمن له الشغل القديم

في ياريت صاحب الموضوع يوضح اكثر التفاصيل واي مرحله هو فيها

صاحبة الموضوع كاتبه بالضبط هذا

السلام عليكم


المقاول اخل بشروط العقد واختلفت معاه

انا في اخر مرحله من البناء وما استلم اخر دفعه وترك مكان المشروع وراح

السؤال الحين يسوي ارفع قضيه واطالب بتعويض ؟ ولا أقول حسبي الله ونعم الوكيل واكمل الشغل

شنهو الإجراء اللي المفروض اخذه ؟

هي بروحها تذكر إنه أخل بالعقد وهذا تلعب واضح وترك مكان العمل يعني مؤكد تتصل به ما يرد .. انا اعرف حركاتهم والقانون معاهم لو المالك ما رفع قضية وأثبت حقه وتم التواصل مع المقاول ولا رد .. من جانب تحصل المقاول خذ ربحه مقدم وسوى شغل ما يسوى ومن جانب ثاني غيره بيكمل الشغل وبيطلع هو قبل انتهاء البناء وبيرفع قضية وبيزيد ربحه

[khaldoon]

لا تسوي ايشي بالموقع
بيدعي بأنه اكمل الشغل و بتدفع له مع انك انت الي دفعت لانهاء العمل

ارفع قضيه و الخبير الاستشاري للمحكمه بيثبت الوضع الحالي و اطلب من المحكمه السماح بأنهاء الفيلا مع تسيير القضيه

اذا لك حق بتاخذه واذا ما لك. خلاص دفعتك عندك وهو راح بسلامته

بالتوفيق



متفق تماما معاك....لازم التوثيق يكون بالفيديو و الصور و يفضل يكون في تاريخ خلال الفيديو مثل تصوير تاريخ من جريدة رسمية لاثبات التاريخ من خلال الفيديو و بعدها التجول في مكان البناء لايضاح حالة الموقع في هذا التاريخ و كل شي يتم عن طريق محامي متخصص في مثل هذه الأمور و لا تلمس شي و الا يحسب عليك ...يعني أي شي بيتغير بعد نوثيق الفيديوهات و الصور بتكون انت مسؤول عنه ولا تبدأ العمل من جديد الا بأمر رسمي من الجهات المسروله بالدوله