تاهو أو يوكن ؟

[asulaiti]

السلام عليكم ..

أود افادة أصحاب هاتين السيارتين ... يوكن وتاهو .. حيث أرغب بشراء أحدهما للعائلة ..

أعلم أنهم نفس التقنية والاستخدام .. ولكنني أقصد تعامل ورقي الشركتين .. المناعي والجيدة ..
تجربتي مع الجيدة في السابق كانت سيئة جداً .. وأحاول في الفترة الماضية أبتعد عن أي منتج يكون الجيدة هو الوكيل ..
والحقيقة كنت مقرر من كم شهر على اليوكن .. لكن علمت من بعض الأصدقاء أن خدمة الجيدة تغيرت في السنوات الأخيرة بعدما تغير
الكادر الإداري هناك .. ولا أعلم حقيقة هذا الأمر ..

ما يهمني هو جودة الخدمة والأمانة في الصيانة (كانت أحلام الماضي ولا أعرف هل الحلم مستمر ؟؟).

والشكر مقدماً لكل من يدلو بدلوه ..

[سالم الزهران]

اليوكن صيانته اغلى ونصحك تبعد عن الجيربوكس الالكتروني.. رغم ان المستخدمين يقولون تغيرت للاحسن الموديلات الأخيرة... مع ذلك ابعد عن اليوكن و ابعد عن الفل مواصفات.. هذي نصايح مستخدم.

[عبدالرحمن1]

وعليكم السلام ورحمة الله وبركاتة اخوي السليطي بزيد على كلام أخوي سالم با النسبه للجيده انا جربت تعامل الصيانه بما
اني كنت في وقت مضى كل سنه أغير السياره من شركه لشركه الجيده أفضل وكاله في الصيانه من حيث التعامل والسرعه لايوجد
افضل منها الا الفردان طبعا الفردان ماخذ الصيانه من سعر السياره يعني على ضهرك اول شي يوجد رقم تاخذ موعد الصيانه تقول
مثلا ابي اجي اشيك الخميس صباح الساعه 8 يشيكونها وتطلع بعد ساعتين با الكثير اما الصيانه الكبيره اللي تجي كل 40 كيلو
تسلمه الصباح وتستلم الموتر العصر واذا تأخر قال بكره والصيانه كل عشر الاف كيلو ورخيصه اقل من ألف ريال الا الصيانه الكبيره
اللي فيها زيوت وفلاتر تكون تحت الالفين طبعا تروح للشركه في الصناعيه وشوف اسعاره مذكوره كل عشره كيلو بكم السعر على المبنى
وبنصحك لاتشيك الا في الوكاله ارخص من التيسير وغيره ولازم تاخذ السياره اللي عليها تمديد ضمان 12 سنه يعني ضمان الشركه ثلاث سنوات او مئه ألف كيلو ويبدا الضمان التمديد بعده ترا حلو جربته كل شي غير أستهلاكي عليهم من
جابينات واكسلات ومكينه وقير ونظام التكييف والكهربا واشياء كثيره مذكوره وطبعا الضمان مربوط بصيانتك في الشركه واللي يوفقك يا أخوي واسمح لنا على القصور

[asulaiti]

اليوكن صيانته اغلى ونصحك تبعد عن الجيربوكس الالكتروني.. رغم ان المستخدمين يقولون تغيرت للاحسن الموديلات الأخيرة... مع ذلك ابعد عن اليوكن و ابعد عن الفل مواصفات.. هذي نصايح مستخدم.
افهم من مداخلتك اخوي سالم ان اليوكن الجيربوكس إلكتروني والتاهو جير أوتوماتيك تقليدي؟

ولما البعد عن الفل مواصفات؟

إذا ممكن شوي توضيح وأكون لك شاكراً

[asulaiti]

وعليكم السلام ورحمة الله وبركاتة اخوي السليطي بزيد على كلام أخوي سالم با النسبه للجيده انا جربت تعامل الصيانه بما
اني كنت في وقت مضى كل سنه أغير السياره من شركه لشركه الجيده أفضل وكاله في الصيانه من حيث التعامل والسرعه لايوجد
افضل منها الا الفردان طبعا الفردان ماخذ الصيانه من سعر السياره يعني على ضهرك اول شي يوجد رقم تاخذ موعد الصيانه تقول
مثلا ابي اجي اشيك الخميس صباح الساعه 8 يشيكونها وتطلع بعد ساعتين با الكثير اما الصيانه الكبيره اللي تجي كل 40 كيلو
تسلمه الصباح وتستلم الموتر العصر واذا تأخر قال بكره والصيانه كل عشر الاف كيلو ورخيصه اقل من ألف ريال الا الصيانه الكبيره
اللي فيها زيوت وفلاتر تكون تحت الالفين طبعا تروح للشركه في الصناعيه وشوف اسعاره مذكوره كل عشره كيلو بكم السعر على المبنى
وبنصحك لاتشيك الا في الوكاله ارخص من التيسير وغيره ولازم تاخذ السياره اللي عليها تمديد ضمان 12 سنه يعني ضمان الشركه ثلاث سنوات او مئه ألف كيلو ويبدا الضمان التمديد بعده ترا حلو جربته كل شي غير أستهلاكي عليهم من
جابينات واكسلات ومكينه وقير ونظام التكييف والكهربا واشياء كثيره مذكوره وطبعا الضمان مربوط بصيانتك في الشركه واللي يوفقك يا أخوي واسمح لنا على القصور

اشكر لك مداخلتك المستفيضة في الاستفسار ..

انا تجربتي مع الجيدة سيئة (لحد عام 2011 / 2012)

وكان قراري عدم التعامل معهم ،، لكن بعض الشباب قالوا لي ان تعاملهم تغير كثيراً مع تغير الادارة في الفترة الأخيرة ،، كان بعضهم قالوا ان الادارة موظفي شفروليه من امريكا ،، ولا اعرف صحة هذة المعلومة ،،

لكن افهم من كلامك انك مرتاح من تعاملهم ،،،

شكرا مرة أخرى لمداخلتك القيمة.

[سعود.]

التاهو واليوكن

حق 3 سنوات فقط . الياباني يعمر مثل السلحفاء ويعتبر شيك في يدك بعكس الامريكي لو يطلع من الوكالة يطيح من سعرة الكثير . ناهيك عن انه ( يطرقع ) بترول

شوف النيسان الجديد 6 سلندر اقتصادي ( للبترول )
شوف البرادو ( تويوتا ) الجديد يجي 6 و 4 سلندر وترى شكلة فخم مقارنة بسابق

والرأي الاخير لك ،،،

[سليمان احمد]

اخوي السليطي / ليش ماتشوف السكيويا انا اشوفها اولا تويوتا ومثلك عارف وضع التويوتا في قطر
وثانيا اشوفها اكبر واوسع انا ماجربتها لكن اعتقد انها افضل قياسا على سمعه الياباني عن الامريكي عندنا في قطر

[asulaiti]

هلا اخوي سليمان .. أنا ماخذ سيكويا حق العائلة .. والصراحة موتر ما عليه كلام من كل النواحي .. والأهل مرتاحين فيه ومع وسعه من داخل ..
لو ما وقفوا بيعه في الخليج كان القرار هو سكويا مرة ثانية !! لكن اتجاهنا في التفكير باليوكن والتاهو .. هو أنه خلاص ماعاد يجيبون السيكويا في الخليج ..

وحسافة ياخوك ..

هذا الشكل الجديد له:
102474

[asulaiti]

التاهو واليوكن

حق 3 سنوات فقط . الياباني يعمر مثل السلحفاء ويعتبر شيك في يدك بعكس الامريكي لو يطلع من الوكالة يطيح من سعرة الكثير . ناهيك عن انه ( يطرقع ) بترول

شوف النيسان الجديد 6 سلندر اقتصادي ( للبترول )
شوف البرادو ( تويوتا ) الجديد يجي 6 و 4 سلندر وترى شكلة فخم مقارنة بسابق

والرأي الاخير لك ،،،

هلا اخوي سعود .. إذا راح أسلك هذا المبدأ راح أبتعد عن النيسان الصراحة وأتجه للتويوتا ..
لأن النيسان جربته ما يعمر مثل التويوتا .. وإذا اخترب .. اخترب الشيء الغالي فيه !!
إسألني مجربهم عدل ..

[حمد 2002]

بنتلي

[asulaiti]

بنتلي
ما يمدحونه حمد ... وبعدين سعره يطيح بسرعة !!

[نفسي عزيزه]

التاهو واليوكن كوبي بيست شركة جنرال موتورز هي الي تنتجهم فقط فرق الاكستسوارات مادري شسمها هههههه

فقط فرق الشعارات والتيك ومن الخارج الشبك والليتات اما الباقي اختكي مثلكي

الموديلات الجديده الست قير وطالع افضل من ايام كان اربع قير كل خرابات

بس حق الخليج تاخذ كروزر سته افضل واقوى وماتبدل شي غير ايل فلتر وتواير وامشييييي ههههههه

التاهو واليوكن اذا ستعماال حشمه زين بس اغراضه صيانته غاليه سفايف جمبينات بلكات كلها اضعاف سعر التيوتا

والنيسان كذالك زين وقوي اذا استعمال حشمه واغراضه سعرها اغلى من تيوتا والكوالتي نص ونص بعد ثلاث سنوات الكوالتي يتدمر


مالك الا الجكسار السته بطل لو شتسوي واسال مجرب الثمانيه والسته تكدهم كد والحمدلله مافي شي بس ايل وفلتر وحرك


والخيار لك


واذا بتقول غالي الكروزر انصحك اخذ السته وارد برع وعليه ضمان وفي جكسار عند معرض ديار العز اشوفه بقطر سيل وارد عبدالغني يخلصونه 189 او ارخص والخيار لك

[BO.ABDULLA]

لا هذا ولا ذاك
عليك بالتيوتا
وموضوع الضمان ظ،ظ¢ سنة لا يشمل الا أشياء معينه لاتذكر والباقي من جيبك
والامر متروك لك
تحياتي

[asulaiti]

أشكر كل من أدلى بدلوه ..

الكروزر زين .. بس أحس إنه أضيق من اليوكون والتاهو .. ناهيك على أن الأخيرين أفضل للعائلة من حيث الريافة ..

[@north_star@]

خذلك يوكن ماشاء الله موتر مريح ووسيع من الداخل وفيه كل المواصفات وثابت على الخطوط وكل المواتر خراباتها حسب الاستخدام والحشمة
وبالتوفيق ان شاء الله

[asulaiti]

خذلك يوكن ماشاء الله موتر مريح ووسيع من الداخل وفيه كل المواصفات وثابت على الخطوط وكل المواتر خراباتها حسب الاستخدام والحشمة
وبالتوفيق ان شاء الله
اخوي نجمة الشمال ... القرار إما يوكن أو تاهو .. لكن أود معرفة مستوى خدمات الشركتين ..
هل لك أن تفيدنا بمستوى خدمة إحدى تلك الوكالتين؟

وشكراً مقدماً

[@north_star@]

للاسف ما عندي فكرة عن خدماتهم لاني ما اصلح عندهم بس اشتري قطع الغيار من المناعي واصلح عند كراج اعرفه

[ya3coub]

السيارتين واحد اللهم بإختلاف الشكل و الديكور الخارجي و العلامات الداخلية بس المصنع واحد للقطع و القطع وحدة و تتشارك نفس ارقام القطع اللهم بالرفارق المختلفه و الليتات.


أغلب وكالاء السيارات سيئين بسبب ضمنهم موضوع الإحتكار الجيدة تبقى من ناحية اليوكن و التاهو فالجيل السابق التاهو و انت مغمض الجيل الحالي بالتساوي سوائا فالقطع او فالسيرفس.

القطع عشرات المواقع الأمريكية انصحك تشتري منهم و تشحن للدوحة ارخص بربع السعر على حسب القطعه.
الجيدة تحسنو و قطع غيارهم تحسنو وايد وايد وايد عقب ما قللو نسبة الربح لأنه كان كلشي اربع اضعاف سعره فامريكا بالشحن.

نصيحتي بتكون شنو الشكل اللي ترتاحله اتشوفه و توكل على الله.