تشطيب المنزل .. الصين .. تركيا

[asulaiti]

الإخوة الكرام ..

إنني حالياً أعكف على بناء منزلي .. لازلت في مرحلة البناء .. ولكنني أجهز نفسي لوضع خطط التشطيب ..

خياري الآن هو الصين .. لكن أفكر بتركيا .. ولا أعلم هل يجدي الموضوع أم لا ..
لكنني مسافر علاج إلى تركيا بعد العيد مباشرة .. وأفكر أثناء تواجدي هناك أقوم بزيارة أسواق الأثاث وأطقم الحمامات والمطابخ والتبليط والإضاءة .. بالإضافة إلى الأبواب ... الخ
وكذلك تسليك كابلات الكهرباء .. ما أعرف هل مسموح الشراء من تركيا .. أو لازم موافقة هيئة المواصفات والتقييس ..

المهم .. أنني أفكر بهذا الأمر طالما أنني سأزرو تركيا الشهر القادم .. أن أقوم بعمل زيارة ورؤية تلك الأمور بما فيها الأسعار ..

لكن لا أعلم عن كيفية الشحن !!
هل يتم نقل المواد من تركيا إلى إيران أو العراق .. ثم إلى قطر بالبحر؟
أم مباشرة بالبحر؟ اعتقد طبعاً راح يكون مروراً بالبحر الأحمر ثم الخليج ..

من الصين جربنا الشحن البحري .. وحوالي شهرين لثلاثة يصل الكونتينر ..
لكن من تركيا ماعندي أي فكرة .. إذا ممكن تفيدونا عن عملية الشحن أكون لكم شاكراً.

وهل يجدي الأمر؟

أي التشطيب بالكامل من الخارج.

[معماري قطري]

الله يوفقك يا ولد العم

الشحن سهل من تركيا والمواد جيدة وتقدر تشوفها .. عيب الجنسيتين التركية والصينية يموتون على الغش لذلك شوف مكتب تخليص جمركي أو محاماة في أي دولة وتأكد من العقود والتأمين وبنفس الوقت حاول تاخذ بضاعة موجودة في السوق القطري أو قريبة منها حتى تعرف شكثر بتفرق معاك وشكثر بتوفر وتحصل شيء متوفر لو نقصت عليك قطع معينة

الله يوفقك في علاجك ويشفيك كذلك

عن اليو بي في سي سمعت إن شركة مرموقة في قطر تاخذ المقاسات وترسلها تركيا وهم يجهزون الدرايش ويشحنونها قطر وعنده فريق تركيب .. وشغلهم لك عليه وايد متمشكلين معاهم الملاك

كذلك لي رفيج شرى عدته من الصين .. شاري جكوزي يصلح حوض سباحة من كبره وتورط في تركيبه وشرى درايش بلاستيكية ما ينقال عنها يو بي في سي لونها بني فاتح طريقة تسكيرها بقطعة لافة مثل درايش الخشب قبل اللي يعرفهم .. يوم وصلت وشفتها نصحته ما يركب وحاول يركب وتعب وفي النهاية استعملها لبيت في الزرع

واحد من الهوامير شرى أثاث بيته كله من الصين وشحنه ويوم وصل قطر حصله داخل عليه ماي البحر ومخربه وقضية ومراجعات وبصعوبة طلع بنص التكلفة وبواسطة السفارة

[Bomohd]

يوجد الكثير من الأماكن للاثاث في اسطنبول وهناك مكان يجمع كل شركات ومحلات الاثاث في موقع واحد وتسمى مدينة ماسكو للاثاث Masko موجوده في منطقة باشاك شهير القريبه من مول أوف اسطنبول

موقع مدينة الاثاث ماسكو على النت

http://www.masko.com.tr/

واحداثيات ماسكو للاثاث على قوقل ماب

https://goo.gl/maps/jTLwJDFNZZ42


ايضا يوجد مجمعين للاثاث والأجهزه الكهربائيه اسمه eskidji bazaar في منطقة يني بوسنا والآخر في منطقة إسنيورت اسعارهم مناسبة واقتصاديه اكثر من مدينة ماسكو وجودة بضاعتهم متوسطه إلى جيده بالنسبه للاثاث أما الأجهزة الكهربائيه فهي نفس الجوده لأي مكان في تركيا لانها ماركات محدده.

الموقع في منطقة اسنيورت

https://goo.gl/maps/PQawNmuEzF12

الموقع في منطقة يني بوسنا

https://goo.gl/maps/XeMFnj2cu6R2


توجد ايضا منطقه اثاث جيده ومتوسطة الاسعار تسمى Mobilyacؤ±lar أ‡arإںؤ±sؤ± في نهاية حي بهجه شهير بضواحي اسطنبول

موقع منطقة الاثاث Mobilyacؤ±lar أ‡arإںؤ±sؤ±
في حي بهجه شهير

https://goo.gl/maps/zDQM7x6pBgA2


هناك ماركات تركيه عديده مثل فيستيل vestel و آرشيلك arçelik بالاضافه الى SEG هم الأكثر شهره وجوده

ومن أشهر المحلات الكبيره جدا لبيع الاجهزه الكهربائيه هو تكنوسا Teknosa ويوجد في أغلب المجمعات التجاريه أيضا تباع الاجهزه الكهربائيه في السوبرماركت الكبير مثل ميجروس migros وكارفور Carrefour


موقع محلات Teknosa على النت
https://www.teknosa.com/

[معماري قطري]

هو تركيزه على مواد البناء والتشطيب مثل البلاط والجبس والرخام والدرابزين ومفاتيح الكهرباء وأسلاك الكهرباء ولوحات الكهرباء وبايبات المياه وبايبات الصرف وعدتهم .. قطع الحمامات والإنارة بكافة أنواعها

ممكن ياخذ مخططاته معاه ويتعامل مع مكتب استشاري هناك ويكون مسوي جرد لإحتياجاته

نتمنى له التوفيق وتجربة ناجحة وموفقة

[شمس المغيب]

أثثنا بيت كامل بالتصاميم من اسطنبول
عند هذي الشركة @lussomobilyaistanbul
ما اخترنا من عندهم احنا عطيناهم التصاميم الستايل وسووا لنا نفسه
موضوع التصميم صعب لانهم لازم يرفعون الماقاسات في الدوحة
وعلى اساسها يسوون التصميم تتفق معاهم السكن عليك والتذاكر عليهم
واييون مايقارب ثلاث او اربع مرات الين يوصل الاثاث
الشحن الشركة تتكفل به انت بس تتفق معاهم على الحساب
العملية مكلفة وخاصة اذا كان نوع الخشب والتصميم غالي
بس في الاخير العملية تتساهل
لو ان فيه بعض الاخطاء اللي ماتنذكر
مثل توزيع افياش الكهرباء واجهنا مشكله معاها بس انحلت
الله ييسر لك وتلقى اللي تبي

[معماري قطري]

حلو بعد يدمج التأثيث بالتشطيب = تصميم داخلي ويمشي عليه

[معماري قطري]

كثير اشتغلوا تشطيب معين بعدين دخلوا التأثيث بطريقة تصميم داخلي وأقنعوهم المصممين بتكسير وتغييرات كثيرة .. وإلعب يلا .. يخلي الواحد اللعب صح ومن البداية وحتى من أوائل البدايات يختار تصميم داخلي يتبعه في التشطيب والتأثيث أفضل بكثير

[asulaiti]

الله يوفقك يا ولد العم

الشحن سهل من تركيا والمواد جيدة وتقدر تشوفها .. عيب الجنسيتين التركية والصينية يموتون على الغش لذلك شوف مكتب تخليص جمركي أو محاماة في أي دولة وتأكد من العقود والتأمين وبنفس الوقت حاول تاخذ بضاعة موجودة في السوق القطري أو قريبة منها حتى تعرف شكثر بتفرق معاك وشكثر بتوفر وتحصل شيء متوفر لو نقصت عليك قطع معينة

الله يوفقك في علاجك ويشفيك كذلك

عن اليو بي في سي سمعت إن شركة مرموقة في قطر تاخذ المقاسات وترسلها تركيا وهم يجهزون الدرايش ويشحنونها قطر وعنده فريق تركيب .. وشغلهم لك عليه وايد متمشكلين معاهم الملاك

كذلك لي رفيج شرى عدته من الصين .. شاري جكوزي يصلح حوض سباحة من كبره وتورط في تركيبه وشرى درايش بلاستيكية ما ينقال عنها يو بي في سي لونها بني فاتح طريقة تسكيرها بقطعة لافة مثل درايش الخشب قبل اللي يعرفهم .. يوم وصلت وشفتها نصحته ما يركب وحاول يركب وتعب وفي النهاية استعملها لبيت في الزرع

واحد من الهوامير شرى أثاث بيته كله من الصين وشحنه ويوم وصل قطر حصله داخل عليه ماي البحر ومخربه وقضية ومراجعات وبصعوبة طلع بنص التكلفة وبواسطة السفارة

الله المستعان يا ولد العم ..
مثل هذه التوجه لابد من بعض المصاعب والخطورة التي قد تواجه العملية .. لكن احياناً السعر يجبرك على اتخاذ هذا النهج في إكمال ما ترنوا إليه .. والله المستعان.

[asulaiti]

يوجد الكثير من الأماكن للاثاث في اسطنبول وهناك مكان يجمع كل شركات ومحلات الاثاث في موقع واحد وتسمى مدينة ماسكو للاثاث Masko موجوده في منطقة باشاك شهير القريبه من مول أوف اسطنبول

موقع مدينة الاثاث ماسكو على النت

http://www.masko.com.tr/

واحداثيات ماسكو للاثاث على قوقل ماب

https://goo.gl/maps/jTLwJDFNZZ42


ايضا يوجد مجمعين للاثاث والأجهزه الكهربائيه اسمه eskidji bazaar في منطقة يني بوسنا والآخر في منطقة إسنيورت اسعارهم مناسبة واقتصاديه اكثر من مدينة ماسكو وجودة بضاعتهم متوسطه إلى جيده بالنسبه للاثاث أما الأجهزة الكهربائيه فهي نفس الجوده لأي مكان في تركيا لانها ماركات محدده.

الموقع في منطقة اسنيورت

https://goo.gl/maps/PQawNmuEzF12

الموقع في منطقة يني بوسنا

https://goo.gl/maps/XeMFnj2cu6R2


توجد ايضا منطقه اثاث جيده ومتوسطة الاسعار تسمى Mobilyacؤ±lar أ‡arإںؤ±sؤ± في نهاية حي بهجه شهير بضواحي اسطنبول

موقع منطقة الاثاث Mobilyacؤ±lar أ‡arإںؤ±sؤ±
في حي بهجه شهير

https://goo.gl/maps/zDQM7x6pBgA2


هناك ماركات تركيه عديده مثل فيستيل vestel و آرشيلك arçelik بالاضافه الى SEG هم الأكثر شهره وجوده

ومن أشهر المحلات الكبيره جدا لبيع الاجهزه الكهربائيه هو تكنوسا Teknosa ويوجد في أغلب المجمعات التجاريه أيضا تباع الاجهزه الكهربائيه في السوبرماركت الكبير مثل ميجروس migros وكارفور Carrefour


موقع محلات Teknosa على النت
https://www.teknosa.com/

الله يجزيك خير يا بو محمد على هذه المعلومات القيمة جداً .. شاكر لك مرورك .. وقد أعود إليكم بالتعقيب خلال هذا الاسبوع ..

تسلم يا الغالي.

[asulaiti]

أثثنا بيت كامل بالتصاميم من اسطنبول
عند هذي الشركة @lussomobilyaistanbul
ما اخترنا من عندهم احنا عطيناهم التصاميم الستايل وسووا لنا نفسه
موضوع التصميم صعب لانهم لازم يرفعون الماقاسات في الدوحة
وعلى اساسها يسوون التصميم تتفق معاهم السكن عليك والتذاكر عليهم
واييون مايقارب ثلاث او اربع مرات الين يوصل الاثاث
الشحن الشركة تتكفل به انت بس تتفق معاهم على الحساب
العملية مكلفة وخاصة اذا كان نوع الخشب والتصميم غالي
بس في الاخير العملية تتساهل
لو ان فيه بعض الاخطاء اللي ماتنذكر
مثل توزيع افياش الكهرباء واجهنا مشكله معاها بس انحلت
الله ييسر لك وتلقى اللي تبي
شمس المغيب .. جعل شمسك ما تغيب ..
الله يرحم والديك على الإفادة .. وراجع لك بكم استفسار بارك الله فيك ..




موضوع التصميم صعب لانهم لازم يرفعون الماقاسات في الدوحة
ما تكفي الخرائط لمعرفة المقاسات؟

[سعود.]

في الغالب المقاسات الي في الخرايط مايلتزم فيها المقاول 100%
علشان كذا حتى لو تشطب في الدوحة شركات النوافذ والابواب والمطابخ ياخذ الامتار من الفيلآ اضمن له ولك .

[asulaiti]

طيب .. اذا العملية نحن نأخذ المقاسات بعد انتهاء العظم .. أم لابد من حضورهم هم بنفسهم؟؟

[معماري قطري]

طيب .. اذا العملية نحن نأخذ المقاسات بعد انتهاء العظم .. أم لابد من حضورهم هم بنفسهم؟؟

أخذ المقاسات ما فيه أسهل منه

لكل قطعة معينة طريقة لأخذ المقاس .. نفترض عندك دريشة أو باب مجهز له بفريم أساسي أو سب فريم أو فريم البلاستر وله تسميات كثيرة .. مقاسة واضح بالملمتر لكن يمكن ما تضمن زاوية معينة ما تكون قائمة 100% هذي لها وللدرايش نفس الشيء نجيب قطعة كرتون كبيرة ونقصها بعناية حسب الفتحة .. نفس الشيء لعتبات الدرج لو كانت دائرية

لمعرفتي إنك قائم على بنيانك بنفسك أنصحك بالتأكد من الزوايا ومن مقاسات الابواب والنوافذ وتحاول توحدها أو تسوي مقاسين أو ثلاثة ومقاييس دقيقة .. ما تجيك جهة مايلة شوي ولو فرضاً جات حلولها موجودة عند النجارين يسوون وزنية للفريم بحيث يركب عليه الباب

الدرايش حاول تركب لها عتبات سواء قطع بورسلان أو رخام أو حجر داير الفتحة وبعد صب الخرسانة في فتحات الطابوق الملاصقة للدريشة .. تأكد إن هذي القطع تشكل مستطيل قائم الزوايا حتى يكون المقاس لكل ضلعين متقابلين هو نفسه وتركب الدريشة صح بفراغ بسيط يتركون لها حول 2 ملم تنملى بسيليكون خاص بالدرايش أو رغوة وسيليكون

القطع الصحية ضروري تاخذها قبل لا تنفذ لها التمديدات أو إنك أقل شيء تضمنها ويكون عندك كتلوجها

الجبس ما اتوقع بتستورده الا لو عندك حد يركب كذلك الصبغ أو ورق الجدران حتى الأرضيات وأكيد عارف نصيحتي اللي دوم اكررها التركيب على خرسانة وبلاصق مناسب

[سعود.]

طيب .. اذا العملية نحن نأخذ المقاسات بعد انتهاء العظم .. أم لابد من حضورهم هم بنفسهم؟؟

مازود على كلام ( بوعبدالله )

لازم هم ياخذون المقاسات على اساس هم يتحملون الاخطاء
وضيف على ردي السابق الكرسي ( الافرنجي ) تكرمون اغلبة له مقاسات من حيث بعد بايب الصرف عن اطوفه

[Azizuk]

مازود على كلام ( بوعبدالله )

لازم هم ياخذون المقاسات على اساس هم يتحملون الاخطاء
وضيف على ردي السابق الكرسي ( الافرنجي ) تكرمون اغلبة له مقاسات من حيث بعد بايب الصرف عن اطوفه

هذي النصيحه حق ناس حاليا يبحثون عن حلول لهذي المشكلة لكرسي الإفرنجي اخوي سعود :thumbup:

[سعود.]

الله يعينك اخوي ( بوسعود )

:victory: موفق باذن الله

[معماري قطري]

هذي النصيحه حق ناس حاليا يبحثون عن حلول لهذي المشكلة لكرسي الإفرنجي اخوي سعود :thumbup:

انا دوم اخليهم يلتزمون بقياس الكتلوج .. المعلق وضعه سهل ويحتاج لوصلة خاصة ومكان الصرف معروف

من ايام رحت بيت واحد اشوف خط صرف المغسلة قرب الزاوية سئلته وين بتحط المغسلة قال شوي يسار عن الزاوية قلت ليش خط الصرف هنا .. واختلف مع الفورمن كل واحد يقول انت قايل لي .. مع إنها أُمور سهلة وبسيطة المالك أوقات يخرب على نفسه والمقاول عيار كله يسال ما يتبع خرايط دقيقة أو يشوف الاستشاري هذا إن وجد

[Azizuk]

انا دوم اخليهم يلتزمون بقياس الكتلوج .. المعلق وضعه سهل ويحتاج لوصلة خاصة ومكان الصرف معروف

من ايام رحت بيت واحد اشوف خط صرف المغسلة قرب الزاوية سئلته وين بتحط المغسلة قال شوي يسار عن الزاوية قلت ليش خط الصرف هنا .. واختلف مع الفورمن كل واحد يقول انت قايل لي .. مع إنها أُمور سهلة وبسيطة المالك أوقات يخرب على نفسه والمقاول عيار كله يسال ما يتبع خرايط دقيقة أو يشوف الاستشاري هذا إن وجد

هذا نفس السباك عندي عمل تصريفين بالمطبخ واحد للمغسلة والثاني حق غسالة الصحون وانا معطيه المخطط وأقول له مايحتاج تسوي تصريف ثاني واحد يكفي وهو ملزم ان يسوي تصريف بروحه

اخر شي شركة المطابخ اطلبت إلغاء التصريف الثاني لان راح يعيق دخول المغسلة بعدين فهم السباك

هم بالتخطيط يشبكون تصريف غسالة الصحون بكوع رداد بنفس تصريف المغسلة

[معماري قطري]

هذا نفس السباك عندي عمل تصريفين بالمطبخ واحد للمغسلة والثاني حق غسالة الصحون وانا معطيه المخطط وأقول له مايحتاج تسوي تصريف ثاني واحد يكفي وهو ملزم ان يسوي تصريف بروحه

اخر شي شركة المطابخ اطلبت إلغاء التصريف الثاني لان راح يعيق دخول المغسلة بعدين فهم السباك

هم بالتخطيط يشبكون تصريف غسالة الصحون بكوع رداد بنفس تصريف المغسلة

شغال على تخطيط البيت الجديد والتفاصيل كثيرة ومرهقة وكل شوي اغير بس خفت التغييرات اللي بقت ترتيبات أخيرة وصج اللي يسوي شغلة حق نفسه يتردد وايد

كلمت أمس اتحاد قطر للتخطيط حق تصميم بيت صديق قالوا لي مستعدين .. الظاهر خف الشغل عندهم وقلت لهم لتعطونا سعر تشريدي قال لا يهمك .. دخلت عليه بشغلتي قال حاضرين .. حلو اصمم وابدأ يا 2020 أو 2021 جدامي وقت كافي بإذن الله

[Azizuk]

شغال على تخطيط البيت الجديد والتفاصيل كثيرة ومرهقة وكل شوي اغير بس خفت التغييرات اللي بقت ترتيبات أخيرة وصج اللي يسوي شغلة حق نفسه يتردد وايد

كلمت أمس اتحاد قطر للتخطيط حق تصميم بيت صديق قالوا لي مستعدين .. الظاهر خف الشغل عندهم وقلت لهم لتعطونا سعر تشريدي قال لا يهمك .. دخلت عليه بشغلتي قال حاضرين .. حلو اصمم وابدأ يا 2020 أو 2021 جدامي وقت كافي بإذن الله

حاضرين يامعماري تبيني اشرف على البيت انا حاضر مع اخوي سعود :thumbup:

انت بس تامر وعندنا الأخت سارة تساعدنا في الأمور الإدارية ومتابعة خطوات البناء وانت خلك كنغ الساحة :thumbup1:

[sara jsm]

هذي النصيحه حق ناس حاليا يبحثون عن حلول لهذي المشكلة لكرسي الإفرنجي اخوي سعود :thumbup:

:sneaky: :


حاضرين يامعماري تبيني اشرف على البيت انا حاضر مع اخوي سعود :thumbup:

انت بس تامر وعندنا الأخت سارة تساعدنا في الأمور الإدارية ومتابعة خطوات البناء وانت خلك كنغ الساحة :thumbup1:

ان شاءالله تامر امر بس انا اشتغل بفلوس .. :looking:

:
:

نقطه لصاحب الموضوع .. الاسواق الخارجيه اكيد تنوعها اكثر من عندنا ..
لكن تشطيب بيت واحد ممكن يكون تكلفته اكثر من السوق المحلي .. واذا شي ماناسب شي بيكون في مضيعه للوقت .. الا اذا انت بالك طويل والوقت مفتوح .. والخرايط تختلف عن الواقع .. حتى لو ب5 سم ..

[معماري قطري]

أكيد باحتاج مساعدة وإنتوا جميع إخواني وما تقصرون .. انتوا الحاضر والابديت انا الماضي حتى المحلات بعضها تغيرت أماكنها

[معماري قطري]

عاد بو سعود سارة بنت جاسم طماعة ولا دلتنا بيتها وين ولا حطت صور خايف تخرب كل شيء علي

[Azizuk]

عاد بو سعود سارة بنت جاسم طماعة ولا دلتنا بيتها وين ولا حطت صور خايف تخرب كل شيء علي


يُبين عليها تحب الفلوس ماديه طلعت :strong3:

بس بعد مايخدم بخيل يامعماري مايصير تبيها تساعدك ابلاش وخاصه انها راح تمسك لك الأمور الإدارية يعني فيها حسابات وفلوس المسالة :thumbup:

[sara jsm]

عاد بو سعود سارة بنت جاسم طماعة ولا دلتنا بيتها وين ولا حطت صور خايف تخرب كل شيء علي

اخاف تبوقني :looking:


يُبين عليها تحب الفلوس ماديه طلعت :strong3:


ومن مايحب الفلوس هاااا :anger3:

[معماري قطري]

اخاف تبوقني :looking:



ومن مايحب الفلوس هاااا :anger3:

انا الله يسلمكم خطتي غير

لازم اشغل الجيل الصاعد .. عندي مهندسة كهرباء ألحين كل شوي ناديتها تتابع معاي التصميم .. عندي ولدي يبي يبني هو وانا مأخره حتى نبني مع بعض هو لازم يتابع وولدي الثاني انطره يخبص دراسته ويفضى وأخيراً بنتي اللي ما يعجبها العجب شاطرة بس تجيب لي صور مباني خيالية وتبي تطبق جزئية منها

[معماري قطري]

شلون يخلص طلعت يخبص الله يستر شكله مخبص مخبص .. شفتوا طالب يرجع قطر اجازة شهر ويروح يقدم امتحان يوم ويرجع يعني يوم سفر ويوم امتحان ويوم سفر راجع والوجهة بريطانيا

[معماري قطري]

يُبين عليها تحب الفلوس ماديه طلعت :strong3:

بس بعد مايخدم بخيل يامعماري مايصير تبيها تساعدك ابلاش وخاصه انها راح تمسك لك الأمور الإدارية يعني فيها حسابات وفلوس المسالة :thumbup:

إنت ما تعرف هل الخور عدل يا بو سعود

وقت الشدايد يخلصون كل شيء .. إحنا مقصرين معاها ومعاك ومع كل من يبني

[sara jsm]

مامنك قصور يابوعبدالله ..
انت بس جهز شيكاتك وبنخلص انا وعزيز في نفس الوقت :deal:

[asulaiti]

أنا دخلوني شريك معاكم ... وراح تكون مهتمي ........ أخذ الأرباح ............. بس !!

[asulaiti]

شكراً للجميع ... لي عودة في هذا الموضوع ..

[Azizuk]

أنا دخلوني شريك معاكم ... وراح تكون مهتمي ........ أخذ الأرباح ............. بس !!

انت يالسليطي عطنا علوم الاثاث من تركيا

شنو احسن المحلات لأنك طرحت موضوع جديد علينا

والأحساب والأرباح تالي :ok: نعطيك أيها

[شمس المغيب]

شمس المغيب .. جعل شمسك ما تغيب ..
الله يرحم والديك على الإفادة .. وراجع لك بكم استفسار بارك الله فيك ..



ما تكفي الخرائط لمعرفة المقاسات؟

الخرائط ماتكفي لانهم خذوها نسختين فلاش ومطبوعه
وبعد كم مره يرفعون المقاسات في الموقع

[blueZircon]

شهر نوفمبر اللي طاف رحت تركيا اخترت الاثاث ووصلني بعد ثلاث شهور البيت كامل.

نصيحه مجرب: حاول يكون الشراء عن طريق وسيط مضمون حتى يضمن لك وصول البضاعه لقطر سليمه وكامله.
انا شخصيا تعاملت مع مكتب هنا في قطر يملك مصنع اثاث بتركيا يضمن لك الشراء والتركيب وخدمة مابعد التركيب اذا لاقدر الله انكسر شي من الاثاث بعد فتره بسيطه من الاستخدام. يمكن شوي كان غابي مقارنه مع الباقيين بس يضمن لك ان البضاعه توصل سليمه وخدمه مابعد البيع.

[معماري قطري]

الخرائط ماتكفي لانهم خذوها نسختين فلاش ومطبوعه
وبعد كم مره يرفعون المقاسات في الموقع

صحيح الخرائط للتسعير المبدئي وممكن تعتمد كاساس للتسعير لكن لازم من رفع المقاسات على الطبيعة .. أوقات تفرق بسبب سمك البلاستر وأوقات الزاوية ما تكون قائمة 100% لكن كلها لها حلول وتضبيطات .. أهم شيء ما تجي القطعة قياسها أكبر من المكان اللي بتركب فيه .. مثلاً طالب كبت مطبخ لازم يجيني شوي أصغر يركب وتتعبى الأطراف سيليكون وتتغطى بقطعة خشب مثل البوردر .. الرخام أو الغرانيت أفضل اللي يبيعه يركبه لأنه أوقات ياخذ المقاس بقطعة كرتون يقصها حتى تغطي المكان بالكامل ويروح يقيس عليها بالضبط

[معماري قطري]

شهر نوفمبر اللي طاف رحت تركيا اخترت الاثاث ووصلني بعد ثلاث شهور البيت كامل.

نصيحه مجرب: حاول يكون الشراء عن طريق وسيط مضمون حتى يضمن لك وصول البضاعه لقطر سليمه وكامله.
انا شخصيا تعاملت مع مكتب هنا في قطر يملك مصنع اثاث بتركيا يضمن لك الشراء والتركيب وخدمة مابعد التركيب اذا لاقدر الله انكسر شي من الاثاث بعد فتره بسيطه من الاستخدام. يمكن شوي كان غابي مقارنه مع الباقيين بس يضمن لك ان البضاعه توصل سليمه وخدمه مابعد البيع.

رقم واسم المكتب لو سمحت وشاختصاصه بس أثاث والا كل مواد البناء؟

[asulaiti]

السلام عليكم ...

أعود لموضوعي إخواني ... الآن صار لدي معلومات عن تصميم الديكورات .. ومدينة للأثاث حسب ما أفادنا أخونا بو محمد الله يجزيه خير.


يوجد الكثير من الأماكن للاثاث في اسطنبول وهناك مكان يجمع كل شركات ومحلات الاثاث في موقع واحد وتسمى مدينة ماسكو للاثاث Masko موجوده في منطقة باشاك شهير القريبه من مول أوف اسطنبول

موقع مدينة الاثاث ماسكو على النت

http://www.masko.com.tr/

واحداثيات ماسكو للاثاث على قوقل ماب

https://goo.gl/maps/jTLwJDFNZZ42


ايضا يوجد مجمعين للاثاث والأجهزه الكهربائيه اسمه eskidji bazaar في منطقة يني بوسنا والآخر في منطقة إسنيورت اسعارهم مناسبة واقتصاديه اكثر من مدينة ماسكو وجودة بضاعتهم متوسطه إلى جيده بالنسبه للاثاث أما الأجهزة الكهربائيه فهي نفس الجوده لأي مكان في تركيا لانها ماركات محدده.

الموقع في منطقة اسنيورت

https://goo.gl/maps/PQawNmuEzF12

الموقع في منطقة يني بوسنا

https://goo.gl/maps/XeMFnj2cu6R2


توجد ايضا منطقه اثاث جيده ومتوسطة الاسعار تسمى Mobilyacؤ±lar أ‡arإںؤ±sؤ± في نهاية حي بهجه شهير بضواحي اسطنبول

موقع منطقة الاثاث Mobilyacؤ±lar أ‡arإںؤ±sؤ±
في حي بهجه شهير

https://goo.gl/maps/zDQM7x6pBgA2


هناك ماركات تركيه عديده مثل فيستيل vestel و آرشيلك arçelik بالاضافه الى SEG هم الأكثر شهره وجوده

ومن أشهر المحلات الكبيره جدا لبيع الاجهزه الكهربائيه هو تكنوسا Teknosa ويوجد في أغلب المجمعات التجاريه أيضا تباع الاجهزه الكهربائيه في السوبرماركت الكبير مثل ميجروس migros وكارفور Carrefour


موقع محلات Teknosa على النت
https://www.teknosa.com/

بو محمد .. هل أجد في هذه مدينة ماسكو للأثاث .. محلات بيع بايبات الكهرباء والماء .. أطقم الحمامات .. السيراميك والبورسلان؟

[بوجاسم_قطر]

السلام عليكم

اسمحولي على المداخلة البسيطة..
احس اهم مافي الموضوع انك تفتر على السوق عنرك هني وتشوف اسعارهم ومواصفات عشان تقدر تقارن بالاسعار والمواصفات في تركيا او الصين.. عقب راح تعرف اذا الموضوع يستاهل او لا
احيانا مايكون مجدي او يمكن المبلغ ألي راح توفره مايسوى عوار الراس