اعلانات المسرحيات في قطر

[كلاسيك قطر]

جوفو ابداع اعلانات مسرحيات #الكويتيه هل سنه و كل سنه

https://youtu.be/mMThx6hJyB4
مثال 1

https://youtu.be/DOLoR9wannY
مثال2


في قطر اعلان لو كان فيديو
٩٠٪ كله صور و كلام مكتوب
او ممثلين يتكلمون و خلاص

او صورة
او كتابه
بس

مافي اعلان مشوق
بلذات مسرح الطفل
وانا متأكد لو مسرحيات قطر سوت نفس اعلانات الكويت فيديو او احسن منهم بعد

الدعم فلنشر بيكون قوي
من الكل
و الجمهور بكيون اكبر عدد
يحتاج اعلان قوي اغنيه و حركه علشان الكل يشجع و ينشر و يحضر
نتمنى من مسرحيات القطريه هل سنه يسون بهل طريقه و افضل منهم

شرايكم

نتناقش في موضوع

دعايات المسرحيات؟؟

[شموخ دائم]

,

,


مرحبا


شكرا على الموضوع


قبل شهر شفت اعلان في الخور قريب تقاطع الإشارات
حاطين صوره لمسرحيه لوحه فيها صور الممثلين ومثبتينها من تحت ( بخيشه فيها رمل )

المنظر هذا يرجعك الى عام 1978

:)

شي غريب وعجيب واحنا في 2019 ومع تقدم وسائل الإعلان ووجود الشركات المتخصصه

نشوف اعلان بهكذا طريقه

يسيء للبلد والمنظر العام ويسيء للمسرح بشكل عام والحركه المسرحيه في البلد

وين شاشات الإعلان في الشوارع!!!!!! وعمل مقطع مبهر فيديو وتوزيعه على وسائل التواصل
ومحطات التلفزييون بشكل مبهر ومستخدم فيه تكنولوجيا عاليه


الكويتيين
سابقينا بمراحل في الإعلان والمسرح والتمثيل بشكل عام والفنون عامه
عندهم المخرجين وعندهم ( الأفكار ) وعندهم ( الاطلاع ) على تجارب الامريكان في الميديا

احنا بقطر ما زال الموضوع عندنا ( تقليدي ) نفس إعلانات ال سبعينيات والثمانينيات

انا أتكلم عن ( القطاع الخاص )

مافيه ابداع والا ( اكشن ) والا استخدام التكنولوجيا في العروض على المسرح

اعتقد المشكله

ان نفس الجيل تبع السبعينيات والثمانينيات هو ما زال الممثل والمخرج ونفس المسرح وطريقه الدعايه ونفس طريقه بيع التذاكر

مافي ( روح الشباب )

ولا تمشي مع روح العصر الي احنا فيه

لو نشوف المسرح في أمريكا شي خيالي عالم متطور من ( الابهار ) تعيش حلم مو مسرحيه

احنا ما زلنا في واحد ( يحاول ) ينكت بطريقه ( البطل الواحد )
ويبي العالم كلها تصفق له


مافي ابهار بالعروض

ترى حتى ( نفس المواضيع ) الي العالم ازهقت منها

مافي تجديد

قطاع المسرح كله ( يبي له ) ثوره

حتى اليوم لايوجد من يجدد على ارض الواقع ولا شخص يقدر يجذب الناس بطريقه جديده ومفهوم جديد

مع احترامي لهم جميعا


قطاع المسرح ( متخشب على فتره الثمانينات )

من دعايه

ومن اخراج

ومن تمثيل

ومن عروض وخلفيات واضاءه واصوات

مافي شي يشدني للمسرح

ولا يشد أولادنا حتى




,

,

[كلاسيك قطر]

بارك الله فيك اخوي

هاي الي صاير في قطر ماافي شركات انتاج قوي نفس الكويت الي تجذب العاالم

[sara jsm]

,
قبل شهر شفت اعلان في الخور قريب تقاطع الإشارات
حاطين صوره لمسرحيه لوحه فيها صور الممثلين ومثبتينها من تحت ( بخيشه فيها رمل )
المنظر هذا يرجعك الى عام 1978

:)
,

:happy: :happy: :happy: والله صادق
احنا المشكله ماعندنا دعايه واعلان بشكل متحضر ..
كل الاعلانات في الشوارع سواء محلات او مسلسلات او حتى البلديه كلها بحجم طابع البريد ..
مافيها الوان تبهر ولا فكرة ولا حجم عدل ..
انا للحين اتذكر قبل 25 سنه او اكثر .. كانوا حاطين اعلان علبه بيبسي فيها ليتات تتحرك لفوق .. فوق وكاله عبدالغني صوب الدوار المينون اظن .. ومن تصكر الاشاره اقعد احسب كم مرة تمتلي العلبه ..
رغم ان المجسم يمكن كان صغير بس في عيني كان كبيييييير بالحجم والالوان ولين الحين اتذكره ..
:
:
وبعدين احنا ماعندنا مسرحيات عدله او الواحد يضحك عليها..
حضرت مسرحية وحدة كويتيه في حياتي كلها وحسيت نفسي قاعدة في مجلس ينكتون على بعض ..
مافي شي يضحك نفس مسرحية العيال كبرت او مدرسة المشاغبين :app:
:
اتوقع اللي يروحون المسرحيات الحاليه يا ان عندهم تذاكر مجانيه او مافي جدول :p

[كايد الوكره]

افضل المسرحيات الاطفال طبعاً ف الكويت
لانهم يعرضون فوق 10 مسرحيات ..

انا حضرت مسرحيتين للاطفال ف الكويت مع بنتي .. يتعبون على المسرحيه من ديكور وازياء وفرقه ..
اما عندنا فحضرت من شهرين مسرحيه الاطفال ( بائعه الكعك ) كانت جيده .. ولكن مدتها قصيره جداً 45 دقيقه ..

.
.
.

اما الدعايات ..
قديماً كانت دعايات المسرحيات في قطر .. تظهر على التلفزيون
ومنها ( أحدب نوتردام ) كانت المسرحيه بموسيقى ( أمانيه لديانا حداد )

[كلاسيك قطر]

أي والله بس نبي الحين شركة انتاج قويه تعرض لنا اعلان مسرحي على مستوى قوي