تسجيل الدخول

مشاهدة النسخة كاملة : اللي ركّب ابواب خشبية من المتحدة .. ياريت يعطينا رأيه فيها


عايش فرحان
27-05-2019, 10:40 PM
السلام عليكم

كما هو واضح من العنوان .. ياريت اللي ركب أبواب خشبية من المتحدة انه يعطينا انطباعه عن جودة الأبواب ومدى رضاه عن الخدمة من الشركة قبل و بعد التركيب.

و هل تنصحون تركيبها للحمامات (جلكم الله) ؟

و شكرا مقدماً
blueZircon
27-05-2019, 11:42 PM
ابواب بيتي الداخليه ركبتها كلها من عند المتحده، ماشاءلله كواليتي عالي جدا وشغل محترم. التصنيع في كويت وخلال ثلاث شهور توصل الطلبيه الدوحه.

للامانه ليحين مادخلت البيت ، مازال قيد التشطيبات النهائيه.
sara jsm
27-05-2019, 11:58 PM
وعليكم السلام ..

ليش ماتركب ابواب يو بي في سي للحمامات الله يعزك !!؟
الالمنيوم افضل لمثل هالاماكن اللي فيها ماي ورطوبه ..
سعود.
28-05-2019, 12:28 AM
وعليكم السلام ..

ليش ماتركب ابواب يو بي في سي للحمامات الله يعزك !!؟
الالمنيوم افضل لمثل هالاماكن اللي فيها ماي ورطوبه ..

بالضبط

ركب upvc يجي معه عتبه محكمه الاغلاق
الخشب فقط للابواب الداخلية .
عايش فرحان
28-05-2019, 01:29 AM
ابواب بيتي الداخليه ركبتها كلها من عند المتحده، ماشاءلله كواليتي عالي جدا وشغل محترم. التصنيع في كويت وخلال ثلاث شهور توصل الطلبيه الدوحه.

للامانه ليحين مادخلت البيت ، مازال قيد التشطيبات النهائيه.

تسلم يالشيخ .. بيت عامر و تتهنى فيه يارب
معماري قطري
28-05-2019, 01:41 AM
انا شفت هذي الأبواب وعجبتني خصوصاً مصنعيتها وتشطيبها وصبغها الحراري في أفران خاصة .. مع الربلات اللي تخلي اغلاقها صوتلس ولا تسرب هواء أو صوت .. إخوي ركبها وركبوا له سرعة ومرتاح منها للحين .. انا غلطت اني اتفقت مع منجرة كبرى وأخروني حول سنة ومهما يكون شغلهم غالي وجيد لكن مقارنة بهذي الأبواب كنت غلطان

بالصدفة اليوم نسولف عنها وواحد قال انه مركب ومرتاح لهم وعاجبينه

للحمامات لو اليوبي في سي يجي ببراويز حلوة ويكون متجانس مع بقية الأبواب توكل على الله وركبه والا إطلب من نفس الشركة يوفرون ابواب خاصة للحمامات ضد الرطوبة أو معالجة تقاوم الرطوبة

إنتبه لمشكلة الهواء الداخل بدل الهواء المسحوب من الحمامات لازم فتحات يدخل منها الهواء وما ادري شالحل بالنسبة لأبواب الغرف لو مسكرة وبربلات ما تدخل هواء أكيد مراوح الشفط صعب تسحب وبتخترب سرعة .. انا ناوي اسوي بايبات تدخل هواء من حديقة داخلية لكل غرفة بدل الهواء المسحوب والحديقة يدخل لها هواء مفلتر من الخارج
عايش فرحان
28-05-2019, 01:45 AM
وعليكم السلام ..

ليش ماتركب ابواب يو بي في سي للحمامات الله يعزك !!؟
الالمنيوم افضل لمثل هالاماكن اللي فيها ماي ورطوبه ..

تسلمين اختي عالنصيحة .. بارك الله فيكي
عايش فرحان
28-05-2019, 01:46 AM
بالضبط

ركب upvc يجي معه عتبه محكمه الاغلاق
الخشب فقط للابواب الداخلية .

مشكور عالنصيحة يالغالي
عايش فرحان
28-05-2019, 01:50 AM
انا شفت هذي الأبواب وعجبتني خصوصاً مصنعيتها وتشطيبها وصبغها الحراري في أفران خاصة .. مع الربلات اللي تخلي اغلاقها صوتلس ولا تسرب هواء أو صوت .. إخوي ركبها وركبوا له سرعة ومرتاح منها للحين .. انا غلطت اني اتفقت مع منجرة كبرى وأخروني حول سنة ومهما يكون شغلهم غالي وجيد لكن مقارنة بهذي الأبواب كنت غلطان

بالصدفة اليوم نسولف عنها وواحد قال انه مركب ومرتاح لهم وعاجبينه

للحمامات لو اليوبي في سي يجي ببراويز حلوة ويكون متجانس مع بقية الأبواب توكل على الله وركبه والا إطلب من نفس الشركة يوفرون ابواب خاصة للحمامات ضد الرطوبة أو معالجة تقاوم الرطوبة

إنتبه لمشكلة الهواء الداخل بدل الهواء المسحوب من الحمامات لازم فتحات يدخل منها الهواء وما ادري شالحل بالنسبة لأبواب الغرف لو مسكرة وبربلات ما تدخل هواء أكيد مراوح الشفط صعب تسحب وبتخترب سرعة .. انا ناوي اسوي بايبات تدخل هواء من حديقة داخلية لكل غرفة بدل الهواء المسحوب والحديقة يدخل لها هواء مفلتر من الخارج

تسلم يا لغالي على الرد .. بارك الله فيك
sara jsm
28-05-2019, 02:11 AM
https://4.top4top.net/p_1242dmnko0.jpeg (https://up.top4top.net/)

عندهم هالالوان واكثر بعد .. واسعارهم ارخص من الخشب وارخص من المتحدة ..
حق الحمامات اقصد .. لكن للغرف المتحدة رووعه من حيث القوة والصلابه والعزل ..

الله يوفقك اخوي
مواقف النجادة
28-05-2019, 03:48 AM
https://4.top4top.net/p_1242dmnko0.jpeg (https://up.top4top.net/)

عندهم هالالوان واكثر بعد .. واسعارهم ارخص من الخشب وارخص من المتحدة ..
حق الحمامات اقصد .. لكن للغرف المتحدة رووعه من حيث القوة والصلابه والعزل ..

الله يوفقك اخوي

هذي اي محل اختي؟
الدارايش عندي من الاختيار الألماني و ببيانهم مع انها جيدة بس شكلها تعبان ..
sara jsm
28-05-2019, 03:52 AM
هذي اي محل اختي؟
الدارايش عندي من الاختيار الألماني و ببيانهم مع انها جيدة بس شكلها تعبان ..

هذا من محل الدوحة يوبي في سي ...
:
انا مسويه الدرايش من الدوحة
والابواب من الالماني بس للحين مااجهزوا :confused: الله يستر
مواقف النجادة
28-05-2019, 03:58 AM
هذا من محل الدوحة يوبي في سي ...
:
انا مسويه الدرايش من الدوحة
والابواب من الالماني بس للحين مااجهزوا :confused: الله يستر

شكرا .. موفقين ان شاء الله
sara jsm
28-05-2019, 04:14 AM
واياك اخوي .
Azizuk
28-05-2019, 01:01 PM
https://4.top4top.net/p_1242dmnko0.jpeg (https://up.top4top.net/)

عندهم هالالوان واكثر بعد .. واسعارهم ارخص من الخشب وارخص من المتحدة ..
حق الحمامات اقصد .. لكن للغرف المتحدة رووعه من حيث القوة والصلابه والعزل ..

الله يوفقك اخوي

هذا محل الدوحة اليو بي في سي
Azizuk
28-05-2019, 01:06 PM
مشكلة المتحدة مقاساتهم محدودة وابواب القواس مايسونها

يعني اذا عندك باب مقوس او سحاب تسويه في منجرة ثانية

اللي يبي ابواب من المتحدة قبل مايخطط لبيته يمر عليهم وياخذ المقاسات المناسبة ويعطيها المكتب الاستشارية قبل التخطيط والتنفيذ
عايش فرحان
28-05-2019, 08:32 PM
مشكلة المتحدة مقاساتهم محدودة وابواب القواس مايسونها

يعني اذا عندك باب مقوس او سحاب تسويه في منجرة ثانية

اللي يبي ابواب من المتحدة قبل مايخطط لبيته يمر عليهم وياخذ المقاسات المناسبة ويعطيها المكتب الاستشارية قبل التخطيط والتنفيذ

مشكور عالرد يالغالي ..
معماري قطري
29-05-2019, 12:35 AM
مشكلة المتحدة مقاساتهم محدودة وابواب القواس مايسونها

يعني اذا عندك باب مقوس او سحاب تسويه في منجرة ثانية

اللي يبي ابواب من المتحدة قبل مايخطط لبيته يمر عليهم وياخذ المقاسات المناسبة ويعطيها المكتب الاستشارية قبل التخطيط والتنفيذ

إخوي كانت مقاسات بيبان بيته شوي أكبر ركبوها عنده بقطع خشبية تحت الفريم وبراغي .. المشكلة لو أصغر صج مشكلة وأكيد الواحد يسأل ويسوي مقاسات مناسبة ويسويها بفريم اساس أسهل وأنظف للتركيب .. فيه فريمات أساس معدنية وانا أفضل المارين بلايود قوي وما يتأثر بالرطوبة
معماري قطري
29-05-2019, 12:36 AM
هذا محل الدوحة اليو بي في سي

يبينون لي خشب .. ما شاء الله شغل زين
بـومحمد
06-07-2019, 01:32 PM
وين مكانهم المتحده
معماري قطري
06-07-2019, 03:53 PM
وين مكانهم المتحده

بعد محطة التيسير في طريق سلوى مباشرة
sara jsm
06-07-2019, 04:10 PM
https://4.top4top.net/p_1282r0yw60.jpeg (https://up.top4top.net/)
عايش فرحان
04-08-2019, 08:53 PM
https://4.top4top.net/p_1242dmnko0.jpeg (https://up.top4top.net/)

عندهم هالالوان واكثر بعد .. واسعارهم ارخص من الخشب وارخص من المتحدة ..
حق الحمامات اقصد .. لكن للغرف المتحدة رووعه من حيث القوة والصلابه والعزل ..

الله يوفقك اخوي

السلام عليكم

شكرًا اختي سارة عالنصيحة الطيبة
مريت دوحة يو بي في سي و شفت الأبواب
عجبني الخشب المغطى بال يوبي في سي ( نفس اللي في الصورة )
وأسعارها جيدة ايضاً
يبقى السؤال عن الجودة لانه رفض يعطيني ضمان اكثر من سنتين عليها

السؤال هو حد جرب الخشب ( اللي في الصورة ) و راضي عن جودتهم ؟
Azizuk
04-08-2019, 11:10 PM
السلام عليكم

شكرًا اختي سارة عالنصيحة الطيبة
مريت دوحة يو بي في سي و شفت الأبواب
عجبني الخشب المغطى بال يوبي في سي ( نفس اللي في الصورة )
وأسعارها جيدة ايضاً
يبقى السؤال عن الجودة لانه رفض يعطيني ضمان اكثر من سنتين عليها

السؤال هو حد جرب الخشب ( اللي في الصورة ) و راضي عن جودتهم ؟

اهم شي ان مايتعرض للحرارة والشمس والماي حتى الخشب الطبيعي نفس الشي لازم مايتعرض للعوامل الجويه
sara jsm
05-08-2019, 07:38 AM
اهم شي ان مايتعرض للحرارة والشمس والماي حتى الخشب الطبيعي نفس الشي لازم مايتعرض للعوامل الجويه

صح اتفق مع اخوي عزيز ..
هالابواب اذا مختارها داخليه فشنو ممكن يخربها !!؟
الا اذا ضربه قوية بقطعه مدببه .. او المنظفات القوية ..

غير هالشيئين مافي شي يخربهم اذا كانوا داخل البيت ..
وبعدين حتى لو خلص الضمان واخترب المقبض مثلا بيطرشون لك فريق صيانه ..
لاتحاتي .. اختيارك طيب
عايش فرحان
05-08-2019, 09:22 PM
اهم شي ان مايتعرض للحرارة والشمس والماي حتى الخشب الطبيعي نفس الشي لازم مايتعرض للعوامل الجويه

تسلم عالرد يالغالي
بالنسبة للشمس و الجو مافي مشكلة بس الماي ..هو باب حمام بطبيعة الحال و لازم يتبلل
تحياتي
عايش فرحان
05-08-2019, 09:26 PM
صح اتفق مع اخوي عزيز ..
هالابواب اذا مختارها داخليه فشنو ممكن يخربها !!؟
الا اذا ضربه قوية بقطعه مدببه .. او المنظفات القوية ..

غير هالشيئين مافي شي يخربهم اذا كانوا داخل البيت ..
وبعدين حتى لو خلص الضمان واخترب المقبض مثلا بيطرشون لك فريق صيانه ..
لاتحاتي .. اختيارك طيب

شكرًا عالرد الكريم و النصيحة
سعود.
05-08-2019, 10:16 PM
اهم شي ان مايتعرض للحرارة والشمس والماي حتى الخشب الطبيعي نفس الشي لازم مايتعرض للعوامل الجويه


تسلم عالرد يالغالي
بالنسبة للشمس و الجو مافي مشكلة بس الماي ..هو باب حمام بطبيعة الحال و لازم يتبلل
تحياتي

اخو عايش فرحان كلام azizuk سليم 100%

الابواب الخشبية ماتصلح للحمامات بسبب رطوبة الحمام وتعرضه للمياة ولا تكون خارجية بسبب الحرارة والامطار والرطوبة كل هذي الاسباب تأثر فيها
sara jsm
05-08-2019, 10:19 PM
بس اللي هو اختاره اصلا مش خشب .. بس ماخذ شكل الخشب ..
وعادي يتعرض للماي نفس الالمنيوم ..
سعود.
05-08-2019, 10:24 PM
بس اللي هو اختاره اصلا مش خشب .. بس ماخذ شكل الخشب ..
وعادي يتعرض للماي نفس الالمنيوم ..

اها ok اذآ
ابو جمال
06-08-2019, 12:20 AM
عن نفسي ركب ابواب البيت من المتحده و اكرمكم الله الحمامات من عندهم وشغل ولا اروع وخدمات بعد البيع رائعه
ابوابالحمامات تجي معزولة ضد الرطوبة صار لي اكثر من سنه مركبهم ومافي مشاكل ابدا غير ساعات احتاج ميزانية فقط لا غير واتصال واحد لهم يجونك بعد يومين او ثلاث ايام متعاونين لابعد الحدود
Azizuk
06-08-2019, 06:51 AM
مشكلة المتحدة اَي باب مقوس ماينفذونه ومب حلوه اركب ابواب مرقعه من شركة او من منجرة ثانيه وابواب السحاب عندهم لازم مقاس معين

والا الابواب عندهم ممتازة

الواحد قبل مايسوى الخرائط البيت يمر المحلات يشوف المقاسات

انا انصح اَي واحد يبي يبني يبتعد عن شي اسمه قوس او دائري راح يرتاح من وأيد أشياء

حتى الشبابيك يبتعد عن التشكيلات لان ماراح تنضبط قصت فريم الشباك التشكيلة اذا كانت دائريه او تشكيله مغربية او اَي شي ثاني لازم راح يكون في فراغات وتنسد بالسيلوكون

بس المستطيل والمربع العزل فيها مضمون اذا مركب عدل
عايش فرحان
06-08-2019, 09:59 AM
بس اللي هو اختاره اصلا مش خشب .. بس ماخذ شكل الخشب ..
وعادي يتعرض للماي نفس الالمنيوم ..

هلا اختي
انا رحت معرضهم ولقيت عندهم نوعين من الأبواب ..نوع يو بي في سي كامل ( تركي ) و هذا ماعليه خوف من الماي .. بس شكله ما عجبني كأنه بلاستيك

و في نوع ثاني عبارة عن خشب ملبس ب 2 او 3 مليمتر يو بي في سي ( نفس اللي في الصور اللي طرشتيها ) و هذا شكله احسن و لكن اذا اليوبي في سي تقشر نفس الفورميكا .. خشب الباب ممكن يخترب بالماي..
عايش فرحان
06-08-2019, 10:08 AM
عن نفسي ركب ابواب البيت من المتحده و اكرمكم الله الحمامات من عندهم وشغل ولا اروع وخدمات بعد البيع رائعه
ابوابالحمامات تجي معزولة ضد الرطوبة صار لي اكثر من سنه مركبهم ومافي مشاكل ابدا غير ساعات احتاج ميزانية فقط لا غير واتصال واحد لهم يجونك بعد يومين او ثلاث ايام متعاونين لابعد الحدود

هلا اخوي ..كلامك عدل
انا ماخذ الغرف من عندهم ..بس الحمامات (جلك الله ) حرام ادفع فيها أسعار المتحدة .. وايد عليها :anger1:
sara jsm
06-08-2019, 12:22 PM
معليه يااخوي ماراح يصير فيهم شي ..
في النهايه انت مب مسبح الباب .. اذا جا عليه بينزل بروحة لان الطبقه نفس البلاستك .. :nice:
معماري قطري
07-08-2019, 09:42 AM
معليه يااخوي ماراح يصير فيهم شي ..
في النهايه انت مب مسبح الباب .. اذا جا عليه بينزل بروحة لان الطبقه نفس البلاستك .. :nice:

كلام منطقي ومهم يكونون الابواب متقاربين في التصميم وبشكل ولون واحد وحتى مادة وحدة ولازم العناية بالخشب بابعاد الماي عنه وبصبغه بصبغ حماية كل وقت تقريباً كل سبع سنين مرة
sweet qatar
28-08-2019, 10:08 AM
هلا اخوي ..كلامك عدل
انا ماخذ الغرف من عندهم ..بس الحمامات (جلك الله ) حرام ادفع فيها أسعار المتحدة .. وايد عليها :anger1:

اتفق معاك

مب شرط تتكلف في ابواب الحمامات (مكرم القارئ) والبدايل متوفرة

السيولة مهمة في مرحلة التشطيب يعني تقدر توفر و تجرب و العمر قدامك ان شالله
تقدر تغير و تطور بعض الخيارات الي خذتها للتوفير

بالتوفيق والله ييسر لك
بوخالد911
09-09-2019, 07:13 AM
حلاته الباب تكون فيه درايش مقوسة
شكله بيكون حلوو