ملاحضة مهمة..

[حمد911]

السلام عليكم لاحضت ان في مواضيع تطلب عقارات بالمليارات وبالغالب ذي طلبات وهمية اللي يبي يشتري خصوصا بالمبالغ ذي ماراح ايدش المنتدى اساسا بيروح السوق او بيحط اعلان بالجرايد علشان جذي ارجو من الاعضاء اخذ الحيطة والحذر من هل مواضيع.. بعضهم يعرض شي وتكلمة يقولك البيت مباع شلون راح وتوك عارضة وبعضهم تجربة وتعطية عقار او ارض ومايرد وبصراحة مادري ايش الهدف من ذي السوالف هل ذيلا يحسون بنقص مثلا الله المستعان.. المشرفين ماقصرو وحذفو موضوع من ذي المواضيع اللي ذكرتها.. حبيت انبهكم لاني بالمنتدى من سنة 2005 ومرت علي ذي المواضيع قبل واختفت واحين اشوفهم ارجعو.

[معماري قطري]

هذيلا وانا اخوك يبون يرفعون سوق العقار غصب .. نفس الإشاعات اللي نسمعها من وقت لوقت بخصوص ازالة مناطق كاملة للصالح العام .. نشر هذي الإشاعات يخلي الناس يبون يشترون وتزيد أسعار مناطق ومناطق تكون غير مرغوبة وتنزل أسعارها

[المخفي]

اتمنى من الادارة اغلاق مواضيع الشراء الوهمية

[حمد911]

الاخوان معماري قطر و المخفي مشكورين على المرور.. تقريبا من 7 سنوات مرت على المنتدى نوعيات مثل ذيلا واخرتها اطلعو دلالوة والهدف ايجمعون عقارات واراضي علشان يعرضونها مرة ثانية وفية واحد من ذي النوعيات يدش بكل موضوع على انة ملياردير وانا تواصلت معاة بالواقع ضاربة الفلس ويبي عمولة ولو يقرا كلامي بيعرف نفسة فا يا اخوان اللي ايحطون طلبات بالمليارات اسحبو عليهم هم خلو ايسددون اقساط سياراتهم وعقب ايحطون طلبات بمثل هل مبالغ الضخمة.. موفقين جميعا