شموضوع جسر تقاطع الشمال ( سوق العلي )

[معماري قطري]

وصلني فيديو عن هبوط طولي في الجسر مع بعض الفتحات والوضع يبين لي خطير .. دورته في اليوتيوب ما حصلته للأسف وشغلة اني انزله وأكيد وصل الكثيرين منكم

التفسير الهندسي للشق الطولي أما تحت بايب ومنكسر ومسبب هذا الهبوط وهذا شبه مستبعد لأن لو انكسر البايب بيكون الهبوط في مكان الكسر مب طولي هشكل .. الإحتمال الثاني وهو الأرجح إنه حصل ميلان في الجدار الإستنادي الحامل للجسر وهذا شيء يخوف ويستدعي حلول هندسية ودراسات مستفيضة لحل المشكلة .. والإحتمال الثالث والبسيط وبعد استبعده بسبب طول فترة استعمال الجسر ولا ظهر هذا الشق القوي الا الحين وهو الدفان تحت لم يكن جيداً ولم يدك صح ولم توضع خرسانات تقوية

لاحظت المشكلة في جسر العسيري وأعلى النفق والشق يجي طولي كذلك وكتبت عن ملاحظتي عدة مرات ولو الجدار الاستنادي ضعف أو مال الوضع بيكون خطير جداً واحتمال الانهيار المفاجيء وارد لو ما اتخذت حلول سريعة

من ضمن الحلول عمل دعامات حديدية أو خرسانية تمسك وتربط أعلى لحائط الاستنادي بالحائط المقابل له أو عمل تشكيلة بوابة خرسانية أكتافها تمسك الحائط الاستنادي حتى لا يتحرك جهة الفراغ الوسطي اللي فيه النفق .. حتى لو الضعف من التربة أسفل قاعدة الحائط الاستنادي بنكون ضمننا تقويته من أعلى ومن الأطراف ولا يتحرك بميلان وقد يزيد ويكون هناك انهيار لا قدر الله

اللي يحصل الفيديو يحطه مشكوراً

[R 7 A L]

ما قصر كم سنه صار له خلاص وقته الافتراضي انتهى

[ابوالعبد]

شكله من شمس

[سعود.]

تراه مايعتبر قديم يمكن فيه خطأ انشائي. وفيه جسر عندنا اقدم منه ( الجيدة )
وعندكم مثال جسر ( البحرين ) في منتصف الثمانينات تم بناءه وللحين قايم وهو بالبحر ( حر ورطوبة )

باذن الله تكون مشكلته بسيطه

[معماري قطري]

ما قصر كم سنه صار له خلاص وقته الافتراضي انتهى

هو بقى ينبني حول 5 سنين واستوت عليه ترقيعات حول سنتين وما كمل 20 سنة كبينة عمرها الافتراضي أكثر منه .. الجسر المفروض 50 - 100 أو 200 سنة بحث بسيط بيوصلك لهذي المعلومة

[معماري قطري]

تراه مايعتبر قديم يمكن فيه خطأ انشائي. وفيه جسر عندنا اقدم منه ( الجيدة )
وعندكم مثال جسر ( البحرين ) في منتصف الثمانينات تم بناءه وللحين قايم وهو بالبحر ( حر ورطوبة )

باذن الله تكون مشكلته بسيطه

شفت صور للاصلاح وشكلهم شالين الدفان تحت وناوين يحقنون خرسانة .. إذا هذي القصة بس احتمال بكرة نشوفه مفتوح

[معماري قطري]

شكله من شمس

ممكن عوامل الجو من مطر وغيره وفيه عندك تأثير اهتزازات السيارات هذا المفروض يحطونه في الاعتبار ولا يسون دفان خرسانة أو خرسانة

[معماري قطري]

يجوز التحليلات السابقة اللي حطيتها كلها خاطئة وحركة السيارات والاهتزاز المستمر نزل الدفان تحت وسوى فجوات وهذي اصلاحها سهل

المهم الجهات المختصة باشرت العمل بمهنية وحرفية عالية وأتوقع بكرة نشوفه مفتوح بإذن الله

[معماري قطري]

تراه مايعتبر قديم يمكن فيه خطأ انشائي. وفيه جسر عندنا اقدم منه ( الجيدة )
وعندكم مثال جسر ( البحرين ) في منتصف الثمانينات تم بناءه وللحين قايم وهو بالبحر ( حر ورطوبة )

باذن الله تكون مشكلته بسيطه

الخطأ الإنشائي والتصميمي في هذي الجسور إن ارتفاعات عالية تم دفنها دفان مدكوك وتم عمل منهولات كذلك فيها على الأقل من الجوانب .. حسب نقاشي مع مهندس طرق لبناني كان يدافع عن التصميم وعن ادارة أشغال الأُولى يقول رقاب المنهولات عمقها رقم ما اذكره بالضبط في خانة العشرات 14 متر اعتقد لذلك لازم تبرز وترتفع من كثر الدوس حولها .. وكذلك لازم يحدث هبوط لهذا الدفان العميق

[سعود.]

شفت صور للاصلاح وشكلهم شالين الدفان تحت وناوين يحقنون خرسانة .. إذا هذي القصة بس احتمال بكرة نشوفه مفتوح


الخطأ الإنشائي والتصميمي في هذي الجسور إن ارتفاعات عالية تم دفنها دفان مدكوك وتم عمل منهولات كذلك فيها على الأقل من الجوانب .. حسب نقاشي مع مهندس طرق لبناني كان يدافع عن التصميم وعن ادارة أشغال الأُولى يقول رقاب المنهولات عمقها رقم ما اذكره بالضبط في خانة العشرات 14 متر اعتقد لذلك لازم تبرز وترتفع من كثر الدوس حولها .. وكذلك لازم يحدث هبوط لهذا الدفان العميق


باذن الله بسيطه واغلاق الجسر لفترة طويلة بيسبب ازمة كبيرة

موب ناقصين زحمة بعد وزين انه حاليا اجازه

[R 7 A L]

بوعبدالله
لا تنسى انه الطريق الوحيد الواصل بين الشمال والجنوب
لاتنسى المشاريع الكبيرة كتارا اللؤلؤة الوسيل والتريلات من وين كانت تجي وتروح
فكر وتذكر ترا الي جاء هالجسر ماجاء غيرة

[khaldoon]

انا اشوف الدفان اللي تحت الاسفلت هرب و تحرك و صار هبوط في طبقة الاسفلت.... اما الخرسانات للجسر فما فيها شي

[ابو جمال]

اعتقد انه في نفس المكان الي كان يخر منه الماي من المطر من كم سنه يعني مشكله قديمه لم تحل !!

[Dana’1]

يوو يا معماري أنا وترتني هالمعدات والسيارات الي تشتغل و مخلينها بطريقه أحس فيها خطورة على الي يمرون من تحتها ،، لو صار خطأ و طاحت،،، الظاهر كله من فيلم فاينل دستنيشن :(
الله يحفظ الجميع

[بو عبدالرحمن]

https://www5.0zz0.com/2019/06/08/10/999490865.jpg (https://www.0zz0.com)

[معماري قطري]

بوعبدالله
لا تنسى انه الطريق الوحيد الواصل بين الشمال والجنوب
لاتنسى المشاريع الكبيرة كتارا اللؤلؤة الوسيل والتريلات من وين كانت تجي وتروح
فكر وتذكر ترا الي جاء هالجسر ماجاء غيرة

حتى الله يسلمك يفترض تصميم الجسور لتبقى من 50 الى 100 وألحين حتى زادوا العمر الافتراضي بسبب التقنية الحديثة والمواد الحديثة حتى الصيانة تكون شبه معدمة فقط كشط الطبقة العليا من الاسفلت واستبدالها ال ( wearing course )

[معماري قطري]

انا اشوف الدفان اللي تحت الاسفلت هرب و تحرك و صار هبوط في طبقة الاسفلت.... اما الخرسانات للجسر فما فيها شي

هذا ممكن وان شاء الله حله سهل وسريع

شفت تلبيس للخرسانات بمادة مثل اليو بي في سي بس لامعة والهدف منها المنظر العام وتعكس النور وتبين واضحة في مختلف الأجواء والأهم حماية الخرسانة .. هذي جديدة بدوا فيها في أمريكا واللون أبيض .. حتى أسلاك حمل اشارات المرور اللي كانت تهتز وقت الهواء تم ادخالها في تيوبات بلاستيكية بيضاء تعطيها ثبات وشكل حلو

[معماري قطري]

اعتقد انه في نفس المكان الي كان يخر منه الماي من المطر من كم سنه يعني مشكله قديمه لم تحل !!

حي الله رفيجنا القديم الغائب

عيدك مبارك

توقعك في محله والماي يحرك معاه التربة ويجرفها وتستوي فراغات

[معماري قطري]

يوو يا معماري أنا وترتني هالمعدات والسيارات الي تشتغل و مخلينها بطريقه أحس فيها خطورة على الي يمرون من تحتها ،، لو صار خطأ و طاحت،،، الظاهر كله من فيلم فاينل دستنيشن :(
الله يحفظ الجميع

حي الله الشيخة دانة

هذي الله يسلمج الجسور مصممة لأوزان أثقل بكثير من هذي الآليات وفيها معامل أمان عالي .. اللي يخوف بس هو تأثر الأجزاء الانشائية وإحنا ما ندري بحجم المشكلة فنتخيل انها سيئة لحد إنه ممكن يصير انهيار .. أكيد كشفوا كشف أولي ويشتغلون صح

نبذة بسيطة عن معامل الأمان .. يكون ينحسب الوزن الثابت أو ما يسمى بالميت وهو للخرسانات وكل محتويات الجسر لرقم معين وهذا يكون فيه شوية مبالغات أيضاً ويضربونه في 1.4 يعني يزيدونه 40% ويحسب الوزن المتحرك والمتوقع للسيارات على الجسر ويتم افتراض تكدس شاحنات عليه كل شاحنة مخالفة ووزنها رقم معين .. هذا الوزن يضاعف في 1.7 يعني يزيدونه 70% .. كما في المباني

ثم هنالك ما يسمى بدفع الهواء الجانبي وهذا شبه 0 لأن تأثيره لا يذكر .. وزن المطر أو الثلج لو في دولة فيها ثلج وأخيراً مؤثر مهم وهو الدايناميك لود وهو الاهتزازات والضربات المتكررة لمرور السيارات .. وتأثير الزلازل أخيراً لو في منطقة زلازل

[معماري قطري]

https://www5.0zz0.com/2019/06/08/10/999490865.jpg (https://www.0zz0.com)

مشكور اخوي بو عبدالرحمن على الصور وإن شاء الله الوضع بسيط وتحت السيطرة وينفتح قريب

[معماري قطري]

باذن الله بسيطه واغلاق الجسر لفترة طويلة بيسبب ازمة كبيرة

موب ناقصين زحمة بعد وزين انه حاليا اجازه

ذكرت قبل الحادثة اللي صارت لجسر في تامبا وتامبا مدينة تعتبر الثالثة أو الرابعة في فلوريدا .. كنت يومياً أمر على معمل الردي مكس اللي يسوي أبيام البريكاست أو جسور البريكاست الطويلة واللي توصل لعشرين متر للجسور وللعمارات ولمواقف السيارات متعددة الأدوار .. وأوقات اشوف شاحنة طالعة وراها وجدامها سيارة شرطة بسبب الطول الزايد تسحب جسر واحد فقط التواير الخلفية بمحورها مثبتة في الجسر والجسر يشكل جسم الشاحنة الوسطي

الحادثة اللي صارت شاحنة غير ضربت جسر حركت الجسور تحته وخافوا من خطر سقوط مفاجيء لأن هذي الجسور الخرسانية تكون مقواة بأسلاك مشدودة من داخلها وبنشوفها بإذن الله تستعمل في تقاطع طريق المجد مع طريق سلوى

اللي صار تم استبدال هذي الأجزاء وبالطبع ازالة الطريق بالكامل فوق الجسر وبدوا الشغل الساعة 11 الظهر بعد الحادثة مباشرة والطريق مب حيوي مثل الوضع عندنا .. الحلو صار حدث كبير والتلفزيون يعطيك تحديث للي صاير أول بأول وكان متوقع يخلص المقاول خلال 12 ساعة تأخر لين 1 الليل واعتذر وأصلاً لو باقي لين الفجر ما عنده مشكلة يكمل براحته .. استبدل كل الأسفلت فوق وما فيه دفان شغلهم مب غش كله خرسانات تركيب والاساسات في الغالب أوتاد مضروبة في الارض مع إن ارض فلوريدا كلها فجوات وضعيفة .. فوقها يثبتون جسر رئيسي بعد بريكاست وفوقه الجسور اللي تجي بالطول مع الشارع وتوصل لمسافات طويلة بسبب الكيبلات المشدودة وتكون مجوفة وخفيفة تنشال وتتركب بكرين في الليل

[khaldoon]

حي الله الشيخة دانة

هذي الله يسلمج الجسور مصممة لأوزان أثقل بكثير من هذي الآليات وفيها معامل أمان عالي .. اللي يخوف بس هو تأثر الأجزاء الانشائية وإحنا ما ندري بحجم المشكلة فنتخيل انها سيئة لحد إنه ممكن يصير انهيار .. أكيد كشفوا كشف أولي ويشتغلون صح

نبذة بسيطة عن معامل الأمان .. يكون ينحسب الوزن الثابت أو ما يسمى بالميت وهو للخرسانات وكل محتويات الجسر لرقم معين وهذا يكون فيه شوية مبالغات أيضاً ويضربونه في 1.4 يعني يزيدونه 40% ويحسب الوزن المتحرك والمتوقع للسيارات على الجسر ويتم افتراض تكدس شاحنات عليه كل شاحنة مخالفة ووزنها رقم معين .. هذا الوزن يضاعف في 1.7 يعني يزيدونه 70% .. كما في المباني

ثم هنالك ما يسمى بدفع الهواء الجانبي وهذا شبه 0 لأن تأثيره لا يذكر .. وزن المطر أو الثلج لو في دولة فيها ثلج وأخيراً مؤثر مهم وهو الدايناميك لود وهو الاهتزازات والضربات المتكررة لمرور السيارات .. وتأثير الزلازل أخيراً لو في منطقة زلازل

Wu= 1.4 xDL + 1.7 x LL

Wu= ultimate weight
DL= dead load
LL= live load

[معماري قطري]

Wu= 1.4 xDL + 1.7 x LL

Wu= ultimate weight
DL= dead load
LL= live load

:nice: بتزاكر من ورانا والا ايه يا بش مهندس

[السكين]

الجمعة أكلتها وكنت مستغرب من الزحمة وللأسف طول الوقت اليوم الصبح اذكر نفسي ما أقرّبه وانزل عن طريق لعبيب ومنها عالكورنيش بس للاسف نسيت وعلقت اليوم الصبح هناك !

نتمنى يتصلح بأقصى سرعة لأنه مصالح الناس راح تتعطل وخاصة مدارس وامتحانات وعودة من الإجازات من بكراً .

[معماري قطري]

حظ الجميع جات المشكلة في وقت الإجازة ووقت الدوام الله يعين

انا اشوف إن الجسر حتى يتماشى مع التقاطع الحديث صوب اللاندمارك لازم يطور ليكون 3 مسارات في كل اتجاه أو 4 نسيت كم مسار حالياً .. بعدين ضروري ضبط السيارات البطيئة جداً هي اللي تسبب ربكة في السير .. في دول كثيرة هؤلاء يخالفون وبعضهم من كبار السن يحالون للطبيب لتحديد أهليتهم للسواقة

[MAZEN37]

الجسر تقفل يومين ولا حفارة شتغلت يوم المفروض اشغال بحالة طوارىء بهالمكان

[معماري قطري]

الجسر تقفل يومين ولا حفارة شتغلت يوم المفروض اشغال بحالة طوارىء بهالمكان

اللي مستغرب منه الأمريكان وكثير من الدول غيرهم عندهم خطة طواريء وعمل بحيث ما يكون فيه تعطيل مباشرة من بعد الحادث تحصل المقاول جاهز

الموضوع اللي ذكرته عن الحادث فوق ما خذ وقت كل شيء سريع مع إن لازم فيه فحص وفيه تحقيق في الحادث وفيه تعيين مقاول وكله تم في دقائق معدودة .. شغل اداري جبار آليته أكيد متفق عليها من قبل .. شفت شغلهم عندنا ما يعتمدون كلامي وكلامك كله وثائق وفحص وتجريب .. مثلاً سووا مسح ميداني للمسافات والتنقل حسب سرعة الطرق الرسمية من مسيعيد للدوحة للشمال ولغيرها من نقاط محددة وهذا أبسط شيء

شفت عند واحد جهاز قياس الحرارة وقال لي من ترتفع عن درجة معينة لازم نوقف شغل البنيان .. يشتغلون دوم بسيستم واضح ومحدد ولا ينتظرون أوامر مزاجية

[النهار]

حظ الجميع جات المشكلة في وقت الإجازة ووقت الدوام الله يعين

انا اشوف إن الجسر حتى يتماشى مع التقاطع الحديث صوب اللاندمارك لازم يطور ليكون 3 مسارات في كل اتجاه أو 4 نسيت كم مسار حالياً .. بعدين ضروري ضبط السيارات البطيئة جداً هي اللي تسبب ربكة في السير .. في دول كثيرة هؤلاء يخالفون وبعضهم من كبار السن يحالون للطبيب لتحديد أهليتهم للسواقة

ليش يابوك تبيهم يسحبون الشتي منا ههههههههههههه والله يابوعبدالله من يوم ماقاموا يعطون االالياسن لكل من هب دب تحصله في بلاده اقصى مايتمنى يسوق سيكل وعندنا يجي على طول ليسن والله لو سوا نظام ماتأخذ رخصة السواقه الابعد دخولك للبلاد مده 3 سنوات وشرط ثاني تبي ليسن قير عادي مهب توماتيك شرط ماتحصل واحد منهم في الطريج شوف مواترهم كلها مدعمه من الخلف بسبب السواقه الوسخه وضرب في هالبريكات بسبب وبدون سبب وخاصه عندالاشارات الاشاره خضره تحصله يخفف خايف تصير حمراء وعيالنا مشاءالله عليهم تشوفهم جاين مستنين يلبسون فيهم تعال الحين فجج المرور يقول لك الغلط عليك لازم تترك مسافة امان ووووو خلها على الله

[بوخميس]

حظ الجميع جات المشكلة في وقت الإجازة ووقت الدوام الله يعين

انا اشوف إن الجسر حتى يتماشى مع التقاطع الحديث صوب اللاندمارك لازم يطور ليكون 3 مسارات في كل اتجاه أو 4 نسيت كم مسار حالياً .. بعدين ضروري ضبط السيارات البطيئة جداً هي اللي تسبب ربكة في السير .. في دول كثيرة هؤلاء يخالفون وبعضهم من كبار السن يحالون للطبيب لتحديد أهليتهم للسواقة

الشرهة على المرور اللي لحين حاطين لوح السرعة على 80

تعال فهم الهنود ان السرعة تغيرت، ما في امل

[معماري قطري]

ليش يابوك تبيهم يسحبون الشتي منا ههههههههههههه والله يابوعبدالله من يوم ماقاموا يعطون االالياسن لكل من هب دب تحصله في بلاده اقصى مايتمنى يسوق سيكل وعندنا يجي على طول ليسن والله لو سوا نظام ماتأخذ رخصة السواقه الابعد دخولك للبلاد مده 3 سنوات وشرط ثاني تبي ليسن قير عادي مهب توماتيك شرط ماتحصل واحد منهم في الطريج شوف مواترهم كلها مدعمه من الخلف بسبب السواقه الوسخه وضرب في هالبريكات بسبب وبدون سبب وخاصه عندالاشارات الاشاره خضره تحصله يخفف خايف تصير حمراء وعيالنا مشاءالله عليهم تشوفهم جاين مستنين يلبسون فيهم تعال الحين فجج المرور يقول لك الغلط عليك لازم تترك مسافة امان ووووو خلها على الله

انا وانت الله يطول في أعمارنا على طاعته يدخلونا رالي والا حلبة الوسيل أفضل قصدي بعض الأجانب .. تحصله فوق ال 70 ولا يشوف عدل وسيارته منتهية استمارتها من 10 سنين ويسوق بطيء ويلفلف وفيه من هذي العينات كثير

الليلة واحد هندي الظاهر يمشي بالعدال على طريق سلوى والمشكلة خلاص بيدخل المخرج ومجبور اكون وراه مسار واحد وقبل لفة المخرج سيارة واقفة يمين متعطلة وهو من الخرعة منها خذ يسار بغى يدخل بالكامل في مسار اللي جنبه لا وبلفة سريعة متفاجيء ومفاجيء لغيره .. بعد شوي واحد ثاني يبي يطلع من المواقف ويدخل طريق السيارات ومدرعم ما هموه من في الطريق

يا اخوي عاهات مب سواقين هذيلا لازم يلتفت لهم المرور

[معماري قطري]

الشرهة على المرور اللي لحين حاطين لوح السرعة على 80

تعال فهم الهنود ان السرعة تغيرت، ما في امل

على طريق الشمال يا اخوي المرور لازم يكونون حازمين وصادقين انا للحين احسب السرعة 80 ومقتنع باللافتات بس اسرع مع الناس واخفف عند الرادارات

عاد يا ليت اللي بيشوف 80 بيمشي 80 لا لازم يسوي تنزيلات ويمشي 60 أوقات

بعضهم يمشي نفس السرعة وين ما يروح حتى لو يدخل فريج مع إن سرعته تعتبر خطرة في الفريج أو في أماكن تتوجب الحذر والمشي حتى 30 تحصله دايس يمشي 60 وفوق

[معماري قطري]

بعد اليوم على شارع طويل ضيق من مسار واحد واحد يمشي بطيء حول 45 وثاني وراه وصل عند لفة سيارة بتطلع منها وجاية شوي مسرعة ووقفت على طرف اللفة ما دخلت .. ما ادري هو شخصه يصك بريك ويوقف تقريباً مع انه مر ولا دخل ذاك الطريق .. زين استوعب وامش يا بو رمش وزيد السرعة شوي ناس وراك وقف مدهوش فترة بعدين مع الليتات وراه مشى

[معماري قطري]

ما ندري شأخبار الجسر صلحوه والا بيسوون جديد بداله لأن قطر تستحق الأفضل

[بوخالد911]

ما ندري شأخبار الجسر صلحوه والا بيسوون جديد بداله لأن قطر تستحق الأفضل

اللي مر مناك
يا ريت يقول لنا.

[لطيف الروح]

الغريب ان الجرائد المحلية ما كتبت عن المشكلة
تعتقدون شنهو السبب

[سعود.]

ما ندري شأخبار الجسر صلحوه والا بيسوون جديد بداله لأن قطر تستحق الأفضل


مريت عليه الليله حول الساعه 01:30 am
وشفت عمال شغالين

[السكين]

لا زال مغلق اليوم الساعة 9 الصبح مريت هناك ..

للأسف حتى التحويلة حادة وبزاوية وممكن تسبب حوادث لما تحول من الخط اليسار لليمين ، والطريق كذلك السفلي اللي أمام سوق العلي جداً خطر ..نسأل الله السلامة بس ، بكرا مدارس ودوامات بتبداً الحرب العالمية من الصبح !

[بو عبدالرحمن]

هالموضوع يخلينا نتسائل:
هل هناك معاينه وفحص دوري لجميع الشوارع/الجسور/الانفاق في قطر؟؟؟؟
سعادة وزير البلديه واشغال متى راح يتم الاهتمام بالسوق المركزي الرئيسي في قطر؟؟ هل يرضيكم هالمنظر؟؟؟؟؟



http://www.gulf-up.net/do.php?imgf=156015135189821.jpg (http://www.gulf-up.net/)

[معماري قطري]

الغريب ان الجرائد المحلية ما كتبت عن المشكلة
تعتقدون شنهو السبب

من شوي يبشرون في التلفزيون بأن الاغلاق بيبقى شهر

اتوقع الحائط الاستنادي انحنى للخارج واستوى الدفان غير مدعوم ويحتاج حل جذري وشهر شوي على شركاتنا عادي بياخذون ضعف هالمدة

[معماري قطري]

هالموضوع يخلينا نتسائل:
هل هناك معاينه وفحص دوري لجميع الشوارع/الجسور/الانفاق في قطر؟؟؟؟
سعادة وزير البلديه واشغال متى راح يتم الاهتمام بالسوق المركزي الرئيسي في قطر؟؟ هل يرضيكم هالمنظر؟؟؟؟؟



http://www.gulf-up.net/do.php?imgf=156015135189821.jpg (http://www.gulf-up.net/)

هذا المنظر متكرر في كل مكان وكل فريج الناس بروحهم يسوون لهم طريق وموقف على الحصى والمفروض من يخطط ومن ينفذ ومن يأمر يقدر حاجة الناس ويسوي اللي يبون

في الفرجان يعجزون عن مترين على جانبي الطريق يخلونها دفان وكشرة والسيارات توقف في حفر طبيعية .. والمفروض يكملون الشارع من طوفة لطوفة وتتخطط مواقف جانبية سهلة وأماكن محددة وواضحة وبمواصفات خاصة لحاويات القمامة

[معماري قطري]

لا زال مغلق اليوم الساعة 9 الصبح مريت هناك ..

للأسف حتى التحويلة حادة وبزاوية وممكن تسبب حوادث لما تحول من الخط اليسار لليمين ، والطريق كذلك السفلي اللي أمام سوق العلي جداً خطر ..نسأل الله السلامة بس ، بكرا مدارس ودوامات بتبداً الحرب العالمية من الصبح !

يبي لك شهر أقل شيء ولو خلصوا قبل بيوم بيذلونا

[معماري قطري]

مريت عليه الليله حول الساعه 01:30 am
وشفت عمال شغالين

الله يعينهم والله ما نتمنى هالشيء لهم ولو فيه محاسبة كان تنسحب الادارة اللي قامت على هذا الشغل وتستوي محاسبة قوية خصوصاً للمصممين والمشرفين على هذا المشروع وقتها لأنه واضح لي فشل وما خدم عشرين سنة

[معماري قطري]

بخصوص الفحص الدوري أتوقع يتم بطريقة سريعة ولا يكون فحص مستفيض ودقيق .. صبروا على مبنى البريد سنوات طويلة وكنت امر عليه والاحظ آثار تجمع المياه والرطوبة عند التقاء الأعمدة بالأرضيات وعارف إن تأثيرها سيء وتتعب حديد التسليح وبتظهر الشلوخ .. يوم ظهرت قوية وقفوا السيارات من الركوب فوق بدون تحقيق هندسي اعلامي واضح وبدون حلول سهلة وسريعة لمواطن الضعف اللي صارت وشكلهم ينتظرون الأمر بالهدم والا صيانة مليارية

يمكنهم صب أعمدة جنب الموجودة بطريقة تغليف للموجودة .. كذلك يمكنهم عمل ما يسمى بالجاكيت المغلف الحديد والأهم عزل أسفل الأعمدة عن الرطوبة وبيعيش المبنى عشرات السنين القادمة

[معماري قطري]

يوم اتكلم عن فشل الجسر الفشل التصميمي والتنفيذي مب هذا الأول ولا الثاني ولا الأخير وقبله فشل جسر العسيري مرات ومرات بالمنهولات المرتفعة وبالسيارة اللي طاحت وأكيد بالتكدس والزحمة

[Dana’1]

حي الله الشيخة دانة

هذي الله يسلمج الجسور مصممة لأوزان أثقل بكثير من هذي الآليات وفيها معامل أمان عالي .. اللي يخوف بس هو تأثر الأجزاء الانشائية وإحنا ما ندري بحجم المشكلة فنتخيل انها سيئة لحد إنه ممكن يصير انهيار .. أكيد كشفوا كشف أولي ويشتغلون صح

نبذة بسيطة عن معامل الأمان .. يكون ينحسب الوزن الثابت أو ما يسمى بالميت وهو للخرسانات وكل محتويات الجسر لرقم معين وهذا يكون فيه شوية مبالغات أيضاً ويضربونه في 1.4 يعني يزيدونه 40% ويحسب الوزن المتحرك والمتوقع للسيارات على الجسر ويتم افتراض تكدس شاحنات عليه كل شاحنة مخالفة ووزنها رقم معين .. هذا الوزن يضاعف في 1.7 يعني يزيدونه 70% .. كما في المباني

ثم هنالك ما يسمى بدفع الهواء الجانبي وهذا شبه 0 لأن تأثيره لا يذكر .. وزن المطر أو الثلج لو في دولة فيها ثلج وأخيراً مؤثر مهم وهو الدايناميك لود وهو الاهتزازات والضربات المتكررة لمرور السيارات .. وتأثير الزلازل أخيراً لو في منطقة زلازل

حياك الله وبياك أخونا معماري
يجوز ما عرفت أعبر عن الي شفته من هول ما رأيت
الجسر الي أقصده ما كان مكتمل يعني من فوق السيارات فاضي مابعد يوصلونه راح استعين بصوره من النت للتوضيح

https://6.top4top.net/p_1256wvyu00.png (https://up.top4top.net/)
انسى كل المعدات الي بالصوره لان ماكان فيه معدات بنفس الطريقه طبعا
بس شفت كيف الجسر من فوق ما بعد يكتمل وما بعد وصلوه بالي جاي من يسار
نفس الفكره احنا بطريقنا تحت رايحين شمال وفوقنا هالفتحه الي ما أكتملت ممكن لأن الطريق من تحته عمران ويحبون يشتغلون بوقت يكون فاضي يقدرون يسكرونه عشان يوصلون الطريق ببعض.
المهم تحديدا محل الخط الأخضر يعني على حافة الجسر كان معلق فيه زي الصندوق حديد مخروط او مخرم ممكن يكون دعامه يوقف عليها العامل المختص او شي زي كذا ما أعرف بالضبط بإيش تستخدم لكن كانت على الحافه معلقه و هالجزء أكثر شي أربكني
ومحل النقطه كان فيه معدات او سيارة لان عالي فمو واضح ايش الي موجود بصراحه .

فالمنظر بالعموم ماكان مقبول ويروع لو طاح هالحديد المعلق او المعدات الي عالجسر نفسه عالسيارات إلي تمر من تحت خصوصا وإنه مفتوح يعني كل شي وارد !

[MAZEN37]

اليوم اشغال تقول الجسر بيتقفل حول الشهر

[لطيف الروح]

الحمدلله انه تم اكتشاف المشكلة قبل حصول كارثة إنسانية
اعتقد انه حان الوقت لإنشاء هيئة تسمى هيئة ضبط الجودة
و يكون تخصصها التأكد من أن جميع الإجراءات المتخذة و الخدمات المقدمة و الأعمال المنفذة بالدولة بجودة عالية

[معماري قطري]

الحمدلله انه تم اكتشاف المشكلة قبل حصول كارثة إنسانية
اعتقد انه حان الوقت لإنشاء هيئة تسمى هيئة ضبط الجودة
و يكون تخصصها التأكد من أن جميع الإجراءات المتخذة و الخدمات المقدمة و الأعمال المنفذة بالدولة بجودة عالية

وتكون مستقلة هو قسم موجود اتوقع في أغلب الهيئات خصوصاً المختصة بالبناء وحتى الشركات العادية .. هيئة استشارية عليا بتكون أفضل وتبت في المشاريع وطريقة ارسائها وكل ما يتعلق بها أول بأول

[معماري قطري]

حياك الله وبياك أخونا معماري
يجوز ما عرفت أعبر عن الي شفته من هول ما رأيت
الجسر الي أقصده ما كان مكتمل يعني من فوق السيارات فاضي مابعد يوصلونه راح استعين بصوره من النت للتوضيح

https://6.top4top.net/p_1256wvyu00.png (https://up.top4top.net/)
انسى كل المعدات الي بالصوره لان ماكان فيه معدات بنفس الطريقه طبعا
بس شفت كيف الجسر من فوق ما بعد يكتمل وما بعد وصلوه بالي جاي من يسار
نفس الفكره احنا بطريقنا تحت رايحين شمال وفوقنا هالفتحه الي ما أكتملت ممكن لأن الطريق من تحته عمران ويحبون يشتغلون بوقت يكون فاضي يقدرون يسكرونه عشان يوصلون الطريق ببعض.
المهم تحديدا محل الخط الأخضر يعني على حافة الجسر كان معلق فيه زي الصندوق حديد مخروط او مخرم ممكن يكون دعامه يوقف عليها العامل المختص او شي زي كذا ما أعرف بالضبط بإيش تستخدم لكن كانت على الحافه معلقه و هالجزء أكثر شي أربكني
ومحل النقطه كان فيه معدات او سيارة لان عالي فمو واضح ايش الي موجود بصراحه .

فالمنظر بالعموم ماكان مقبول ويروع لو طاح هالحديد المعلق او المعدات الي عالجسر نفسه عالسيارات إلي تمر من تحت خصوصا وإنه مفتوح يعني كل شي وارد !

فهمت قصدج إختي وهذي صج كارثة

أولاً لأن المقاول والإدارة الهندسية يهمهم يكون فيه تأمين على المشروع يعني لو ماتوا 10 التأمين يدفع واهتمامهم بتأمين الموقع قليل وشفنا وسمعنا عن ناس ماتوا بسقوط في حفر ولا حتى تعوضوا .. الكل رابح الا المواطن والمقيم اللي ما وراه سفارة قوية تسنده

ثانياً كل شيء ملاحظ للمتتبع الواعي اللي يقارن بين اجراءات تتم في دولة ثانية واجراءات تتم عندنا

ما ابي اكون نظرتي سوداوية وتحسنت الشروط الأمنية كثيراً لكن تبقى فيه ثغرات حتى لو بسيطة وفي كل مكان من ضمنها المنظر المقزز لأعمدة الحماية الخرسانية عند بعض الاشارات

[معماري قطري]

اليوم اشغال تقول الجسر بيتقفل حول الشهر

ما دام قالوا شهر ممكن يفتحونه قبل بس افتتاح جزئي وشغلهم بيكمل في فترة أطول من الشهر

[السكين]

الصورة اللي فيها جسر غير مكتمل من الوسط أمس لاحظتها وتسائلت بالفعل عن خطورتها ..الجسر اللي وانت رايح الشمال مقابل كيو مول تحديداً ..الفتحة فوق السيارات ..

[Dana’1]

فهمت قصدج إختي وهذي صج كارثة

أولاً لأن المقاول والإدارة الهندسية يهمهم يكون فيه تأمين على المشروع يعني لو ماتوا 10 التأمين يدفع واهتمامهم بتأمين الموقع قليل وشفنا وسمعنا عن ناس ماتوا بسقوط في حفر ولا حتى تعوضوا .. الكل رابح الا المواطن والمقيم اللي ما وراه سفارة قوية تسنده

ثانياً كل شيء ملاحظ للمتتبع الواعي اللي يقارن بين اجراءات تتم في دولة ثانية واجراءات تتم عندنا

ما ابي اكون نظرتي سوداوية وتحسنت الشروط الأمنية كثيراً لكن تبقى فيه ثغرات حتى لو بسيطة وفي كل مكان من ض كان مستحيل أتخيل إن عامود الإشاره أغلى من أرواح البشر !
منها المنظر المقزز لأعمدة الحماية الخرسانية عند بعض الاشارات

بصراحه كان مستحيل أتخيل إن عامود الإشاره أغلى من أرواح البشر !

حرامات والله كل شي ممكن يتعوص لو كان الخراب مادي لكن النفس غاليه وتعويضها صعب في حالة الإصابات الي تسبب إعاقات دائمه أو حتى عاديه إلا ما تأثر على الشخص و حياته بكل تفاصيلها ،، طعبا غير خسارة النفس و الوفاة ما تتعوض أبدا حتى لأهل الميت .
ضروري تلتزم هالشركات بأقصى درجات شروط السلامه المعتمده لدى الدوله.

[معماري قطري]

بصراحه كان مستحيل أتخيل إن عامود الإشاره أغلى من أرواح البشر !

حرامات والله كل شي ممكن يتعوص لو كان الخراب مادي لكن النفس غاليه وتعويضها صعب في حالة الإصابات الي تسبب إعاقات دائمه أو حتى عاديه إلا ما تأثر على الشخص و حياته بكل تفاصيلها ،، طعبا غير خسارة النفس و الوفاة ما تتعوض أبدا حتى لأهل الميت .
ضروري تلتزم هالشركات بأقصى درجات شروط السلامه المعتمده لدى الدوله.

المشكلة هذي متطلبات مسؤولين في الدولة وهم آمرين بها

في تصميم الإشارات وأعمدتها يركزون على الأمان للمشاة وللسيارات ويتركون العمود الحامل لها شوي قابل للانحناء حتى تمر السيارة عليه

نفس الوضع لتصميم أعمدة الإنارة القريبة من الطريق واللي ممكن انحراف سيارة يتسبب في اصطدام مباشر بها وفي حال محتاجين عمود خرسانة قوي وصلب يشيل اشارة كبيرة يكون بعيد نسبياً أو يعملون حوله طوق حديد قابل للانحناء وامتصاص جزء معين من الصدمة

[معماري قطري]

اليوم ركزت في شغلهم في أعمدة تقاطع طريق صباح الأحمد مع شارع الوعب اجراءات سلامة عالية وواضح شغلهم مرتب .. هناك ما ادري شصاير والله يعين ادارة أشغال الحالية تصلح ما أفسدته الإدارات السابقة

[Dana’1]

دام فيه تدارك للوضع وتعديل للأخطاء هذا بحد ذاته إنجاز يحسب لهم ومنها للأعلى بإذن الله

[معماري قطري]

دام فيه تدارك للوضع وتعديل للأخطاء هذا بحد ذاته إنجاز يحسب لهم ومنها للأعلى بإذن الله

بس مليارات تندفع ووقت ثمين ينقطع من حياة الناس وهم يعانون أثناء بناء المشروع ويتوقعون يخدم فترة طويلة سواء استيعباياً وتخطيطياً بدون تغيير جذري وتعديلات عليه .. أو خدمياً بحيث يخدم طول عمره الإفتراضي والصيانة تكون هي الاعتيادية المتعارف عليها من ازالة القشرة القابلة للاهتراء وتخطيط الطريق .. لكن صيانة عظمى وتعديل على التصميم باضافة تحويلة أو شغلة كبيرة هذي تعتبر فشل هندسي بالنسبة لي ولكثيرين مهندسين ملمين بالمشاريع وأُسسها

[khalid Qtr]

الجسر له سنوات طويلة شغال وتعبره يوميًا آلاف السيارات، أعتقد أن حدوث مشكلة فيه أمر طبيعي، ويحسب لأشغال سرعة تدارك الأمر والاسراع في اصلاحه.

[بوخالد911]

اليوم بالجرايد كاتبين ان الزحمة من جسر الخريطيات ليين جسر الجوازات.

[سعود.]

اليوم بالجرايد كاتبين ان الزحمة من جسر الخريطيات ليين جسر الجوازات.

لحول والله مصيبة ماقد صارت كذا

بس الخط مسكر وانت جاي من شمال بتجاه الدوحه مع دوار جسر الدحيل اجباري تتدخل يمين على الغرافة

[معماري قطري]

لحول والله مصيبة ماقد صارت كذا

بس الخط مسكر وانت جاي من شمال بتجاه الدوحه مع دوار جسر الدحيل اجباري تتدخل يمين على الغرافة

من زمان كان يفترض عمل طرق محورية موازية بطاقة استيعاب كبيرة لأن تطوير مناطق الشمال السكنية يعني زيادة حركة على هذي الخطوط والزيادة ما بتوقف

طرق محورية سريعة تكون بلا توقف وبعدة مسارات ولازم استملاكات والا ناس صعب تستملك منهم الدولة برخيص وناس سهل ويقولون للصالح العام ويشوفونه في مناطق معينة ولا يشوفونه في ثانية

[معماري قطري]

الفرصة موجودة وسهلة لمناطق كثيرة يتم تطويرها حالياُ لعمل طرق سريعة تخترق تجمعات سكنية مثل الريان ومعيذر والسيلية وعين خالد .. أشوف مناطق الوكرة رتبوها صح والخور ما ادري شالوضع بس اتوقع أحسن من هذي المناطق

[معماري قطري]

اليوم بالجرايد كاتبين ان الزحمة من جسر الخريطيات ليين جسر الجوازات.

لازم أشغال تكون فريق مختص للصيانة السريعة والمتابعة والفحص المستمر شوارع كثيرة محفرة ولا تترقع صح واللي يسوق سيارة نازلة وتوايرها صغيرة بيعرف شاقصد

[معماري قطري]

الجسر له سنوات طويلة شغال وتعبره يوميًا آلاف السيارات، أعتقد أن حدوث مشكلة فيه أمر طبيعي، ويحسب لأشغال سرعة تدارك الأمر والاسراع في اصلاحه.

ما نشوف هذا الأمر الطبيعي يحصل وحصل على سبيل المثال في جسر طويل مثل اللي بين السعودية والبحرين

الجسر عمره الافتراضي مب مثل البيت وتكلفته كبيرة وتصميمه لازم ليدوم حول 100 سنة وتوجد جسور عاشت كثيراً فوق ال 100 سنة بدون صيانات كبيرة

[النهار]

ما نشوف هذا الأمر الطبيعي يحصل وحصل على سبيل المثال في جسر طويل مثل اللي بين السعودية والبحرين

الجسر عمره الافتراضي مب مثل البيت وتكلفته كبيرة وتصميمه لازم ليدوم حول 100 سنة وتوجد جسور عاشت كثيراً فوق ال 100 سنة بدون صيانات كبيرة

اكبر مثال لكلامك جسر راس ابوعبود له الان حوالي 50 او 51 سنه عمرنا ماسمعنا صارت فيه اي مشكله الشركه المنفذه اعتقد اسمها شركة بلاك كات Cat تابعه لشركة العطيه
هذا اول جسر يقام في قطر

[MAZEN37]

اكبر مثال لكلامك جسر راس ابوعبود له الان حوالي 50 او 51 سنه عمرنا ماسمعنا صارت فيه اي مشكله الشركه المنفذه اعتقد اسمها شركة بلاك كات Cat تابعه لشركة العطيه
هذا اول جسر يقام في قطر

اول جسر في قطر هو جسر الجيده

[مرتبش]

اكبر مثال لكلامك جسر راس ابوعبود له الان حوالي 50 او 51 سنه عمرنا ماسمعنا صارت فيه اي مشكله الشركه المنفذه اعتقد اسمها شركة بلاك كات Cat تابعه لشركة العطيه
هذا اول جسر يقام في قطر

صحيح اول جسر وكانت الدوحة لعهد قريب مافيها الا كم جسر.. راس بوعبود والجيدة ونفق المناعي وخليفة وجسر الشمال.. الى ان تم تجديد راس بوعبود من 5 سنين تقريبا والجيدة ايضا.. والحين جسر الشمال يتم تجديده

[الحاقول]

اول جسر في قطر هو جسر الجيده


لا طبعا اول جسر في قطر كان جسر راس بوعبود في منطقة شرق ..
وكنا نجلس تحت الجسر نلعب الورقه عندما كنا أطفال وهذا من اكثر من 43 سنه

يعني هذا الجسر كان في بداية السبعينيات

[Dana’1]

بس مليارات تندفع ووقت ثمين ينقطع من حياة الناس وهم يعانون أثناء بناء المشروع ويتوقعون يخدم فترة طويلة سواء استيعباياً وتخطيطياً بدون تغيير جذري وتعديلات عليه .. أو خدمياً بحيث يخدم طول عمره الإفتراضي والصيانة تكون هي الاعتيادية المتعارف عليها من ازالة القشرة القابلة للاهتراء وتخطيط الطريق .. لكن صيانة عظمى وتعديل على التصميم باضافة تحويلة أو شغلة كبيرة هذي تعتبر فشل هندسي بالنسبة لي ولكثيرين مهندسين ملمين بالمشاريع وأُسسها

صحيح فيها خساير واضحه للجميع بعيد عن تفاصيل الأرقام بالضبط
لكن إن يتعدل الوضع بشكل صحيح أفضل من إنه يتم مثل ماهو والله يعوض خير
الأهم إنهم فعلا يهتمون بكل التفاصيل للمشاريع الحاليه والمقبله

[MAZEN37]

يعطيك العافيه

[معماري قطري]

اكبر مثال لكلامك جسر راس ابوعبود له الان حوالي 50 او 51 سنه عمرنا ماسمعنا صارت فيه اي مشكله الشركه المنفذه اعتقد اسمها شركة بلاك كات Cat تابعه لشركة العطيه
هذا اول جسر يقام في قطر

بغيت اذكره كمثال طال عمرك بس تذكرت إنه تجدد ولا ادري متى بالضبط .. وتجدد ليس بسبب خلل قوي مثل ذيه مبهم ويتسكر لمدة شهر شكل المشكلة قوية قوية .. توقعت يوم أو يومين بالكثير

[معماري قطري]

اول جسر في قطر هو جسر الجيده

الجيدة مثال ثاني

في رايي الجسور ما تحتاج تصميم تحتاج تحديد طاقة استيعابية وتصميم مسار فقط ومواصفات من حيث المتانة والعمر الافتراضي وتجي شركة مختصة تعطينا تصورها وتفاصيل الشغل وتكلفته .. نقدر نحدد المناقصة في ثلاث شركات عالمية قوية فقط ويسوون دراستهم سريع وتكون متاحة لهم امكانيات جلب عمالهم ومعداتهم وحتى مواد بناؤهم وتخليص الشغلة بسرعة

توجد شركات جبارة في الهند والصين وكوريا واليابان وتايلند وغالبيتنا شفنا نوعية الجسور هناك

أذكر يوم صارت الهبوطات في أطراف الجسر هذا من افتتحوه طلع لنا أحد المدراء يقول بأن هذا أول مشروع جسر كبير ونفق في قطر ولازم تحدث أخطاء .. نسى إننا جزء من العالم وإن الظروف أكثر قساوة في أجزاء ثانية بس صمموا جسور لتبقى ونسى إن قطر بنت الشيراتون قبل والبريد بعقود دولية مباشرة وعاشت للحين وإن قطر بنت جسور ثانية صح صحيح أصغر بس مبنية صح

[معماري قطري]

صحيح فيها خساير واضحه للجميع بعيد عن تفاصيل الأرقام بالضبط
لكن إن يتعدل الوضع بشكل صحيح أفضل من إنه يتم مثل ماهو والله يعوض خير
الأهم إنهم فعلا يهتمون بكل التفاصيل للمشاريع الحاليه والمقبله

التعديل اجباري وليس اختياري

[معماري قطري]

لا طبعا اول جسر في قطر كان جسر راس بوعبود في منطقة شرق ..
وكنا نجلس تحت الجسر نلعب الورقه عندما كنا أطفال وهذا من اكثر من 43 سنه

يعني هذا الجسر كان في بداية السبعينيات

على طاري هالجسر صارت نكتة حقيقية عليه

أول ما جاني ولي العهد وكان صغير كله نخليه في السيارة ورا وكنت اسوق بأُمه ونقضي مشاويرنا .. خلصنا من مكان وهو لاهي ورا وغافل وسالتها وين ألحين قالت روح صوب جسر بو عبود .. الصغير حسبها سبة له وعصب قال لها راسج انتي وهو قاعد ورا واحنا ضحك عليه واستوت سالفة ما تنسى

[سعود.]

اعمال الصيانة لمدة شهر تقريبآ . والمشكلة فقط في الطبقه الاسفلتية والدفان
المصدر حساب اشغال بتويتر + جريدة الراية

[معماري قطري]

اعمال الصيانة لمدة شهر تقريبآ . والمشكلة فقط في الطبقه الاسفلتية والدفان
المصدر حساب اشغال بتويتر + جريدة الراية

مب مسوين شيء جديد وحل جذري نفس المنوال القديم بيحطون دفان وبيجيهم زلمة بيقول البودرة كويسة بيقولون له صدقت وبيحط بودرة وبيدك لين تصرخ الارض تحته تقول ارحموني

بعدها بيسوون اختباراتهم وبيقولون الدفان يتحمل ضغط ألف فيل يافع

بعدين بيحطون طبقات الاسفلت وبيخلص الموضوع

كل هذا لو فيه جدية وعجلة في الموضوع ما ياخذ يومين أو ثلاثة لكن المشكلة أكبر ومحد يوضح

[سعود.]

الله يعين

[السكين]

الموضوع ما ياخذ يومين أو ثلاثة لكن المشكلة أكبر ومحد يوضح

صدقت شوف الفيديو


https://www.youtube.com/watch?v=wWmNrI2MIWg

[سعود.]

صدقت شوف الفيديو


https://www.youtube.com/watch?v=wWmNrI2MIWg

كوكب اليابان :nice:

[معماري قطري]

صدقت شوف الفيديو


https://www.youtube.com/watch?v=wWmNrI2MIWg

شغل نظيف .. هذا حطيته في السابق ونسيته وزين ذكرتني به

البشر نفس البشر هنا وهناك .. نتوقع مثلاً تأخير يومين ثلاثة لكن شهر .. وذكرت اللي في تامبا وبواسطة مقاول محلي 14 ساعة فقط شلوا جزء طوله 18 متر وركبوا عارضات جديدة خايفين القديمة تضررت .. مع إن الحادث سخيف شاحنة مرتفعة احتكت أسفل الجسر وحركت العارضة الحاملة شوي ولو عندنا كان قزروا به .. العارضات هذي تكون في العادة ثابتة بسبب وزنها وتترك بدون ربط حتى تتمدد وتنكمش قليلاً

إستغربت من العارضات الجديدة كانت مغلفة بلاستيك لامع أبيض لا تحتاج صبغ ولا حماية محمية وتعيش عمر طويل ما تتغير .. ببساطة نبي ناس مفتحين ينقلون لنا هذي التكنولوجيا الحديثة ونبي شركات تستثمر فيها حتى لو كانت مساهمة

[معماري قطري]

لو الوضع في قطر مشابه للوضع في الفيديو بياخذون 10 سنين حتى يخلصونه

[jajassim]

لو الوضع في قطر مشابه للوضع في الفيديو بياخذون 10 سنين حتى يخلصونه

يعني أنت ناوي قطع الأرزاق ،،:telephone:

[معماري قطري]

يعني أنت ناوي قطع الأرزاق ،،:telephone:

نشوف عجايب يا اخوي جاسم حولنا في العالم مب في كوكب ثاني ومستغرب ليش هذا التأخير وهل بيحل المشكلة بدون ما ترجع مرة ثانية بعد سنة أو سنتين أو ثلاث؟ هل بتنتهي مشاكل هذا الجسر والا بنستمر شغل ومن وقت لوقت اغلاقات أو تعطيل مصالح الناس والبلاد؟

كل ما امر في منطقتنا واشوف السيارات تجيني وجه لوجه لافة عن المنهول اللي مستوي حفرة ومصيدة للسيارات اعرف إن الشغل ردي وهو ماله قرون أو عشرات السنين من خلص يعورني قلبي على بلادي

[naklan]

الموضوع بسيط ويمكن حله باقصى سرعة
الحفر في الثقب نفسة للتاكد من حجم الدحل
الي عملته المياة وصبه خرسانة واليوم
الثاني قار وبعده خطوط وانتهى

بس ربعنا المقاولين الحرامية يهولون من
حجم المشكلة للحصول على أموال ضخمة
ويمدون فترة التصليح ليتاكد المسئول
ان كل ريال اندفع في محله

[بوخميس]

الموضوع بسيط ويمكن حله باقصى سرعة
الحفر في الثقب نفسة للتاكد من حجم الدحل
الي عملته المياة وصبه خرسانة واليوم
الثاني قار وبعده خطوط وانتهى

بس ربعنا المقاولين الحرامية يهولون من
حجم المشكلة للحصول على أموال ضخمة
ويمدون فترة التصليح ليتاكد المسئول
ان كل ريال اندفع في محله

اخوي شلون دحل في الجسر؟

هذا جسر مافي تحته شي، وين يروح الدفان لما ينزل؟

[معماري قطري]

اخوي شلون دحل في الجسر؟

هذا جسر مافي تحته شي، وين يروح الدفان لما ينزل؟

كلام نكلان صحيح مبدئياً .. المشكلة احنا ما ندري وين حصل هالهبوط هل هو في منتصف الجسر والجزء المرتفع منه عن التربة أو في بداياته حيث الدفان تحته والأرض داعمة للدفان ولطبقات الجسر .. خطأ إننا نوثق في قوة الأرض ولا نقويها بمواد اسمنتية حتى لشوارع الفرجان .. وخطأ إننا نحفر للشارع ونخرب تركيبة الأرض ونرجع ندك ونستخدم دفان دخيل ورديء مهما يكون والعيب اننا نخليه بدون حماية من أسفل ضد الرطوبة ومن الجوانب فيتسرب الماي قليل قليل ويدخل للتربة المدكوكة والمعمولة مثل البسكوت المحمص من يوصله الماي يلين ويرتخي

المشكلة عانيت منها في بيتي القديم ومرضوا عيالي وقتها ومنعت يطلعون في الحوش .. جنب بيتنا سووا شارع بعد ما كان وسيع ضيقوه بارصفة ما لها داعي ودكوا التربة شهور براحتهم حتى حبات الرمل تتكسر لأجزاء صغيرة وتطير في الجو تستوي عالقة من خفتها وتدخل مجاري التنفس خصوصاً للأطفال وتسوي عمايلها

[معماري قطري]

في الحالتين الفشل هندسي ومحسوب على اللي اشتغلوا في الجسر في السابق .. وانا اتكلم بحيادية ولا لي مصلحة لا مع ذيلا ولا ذيلاك فقط من منطلق التحليل الهندسي وسياق الأحداث اللي متابعها من 1993 وقبل انشاء أشغال

أكيد الإدارة الحالية تحاول جاهدة تحل الخلل صح وبطريقة جذرية والله يعينهم .. أوقات الشق أكبر من الرقعة

[معماري قطري]

الموضوع بسيط ويمكن حله باقصى سرعة
الحفر في الثقب نفسة للتاكد من حجم الدحل
الي عملته المياة وصبه خرسانة واليوم
الثاني قار وبعده خطوط وانتهى

بس ربعنا المقاولين الحرامية يهولون من
حجم المشكلة للحصول على أموال ضخمة
ويمدون فترة التصليح ليتاكد المسئول
ان كل ريال اندفع في محله

لو في الدفان وقبل الجزء المعلق المشكلة حلها مثل ما قلت ولا منها خوف

بديت احس إن المشكلة في الدعامات الحاملة للجسر وتحتاج استبدال وصيانة عظمى .. من يوم شفت الحواجز الجانبية معمولة بحديد عادي قابل للصدأ ودعمة سيارة صغيرة كسرتها عرفت إن الشغل الانشائي للجسور عندنا دون المستوى المطلوب .. شيخوخة سريعة لها أسبابها

وينك يا مهندس زنتوت كنت تدافع عن تصميم الجسر بكل ما اوتيت من قوة نتمنى نسمع تعليقك ألحين

[معماري قطري]

كل ما نمر على جسر الجيدة وهو واقف شامخ طول هالسنين نتذكر إن الظروف نفسها مرت على الجسرين

[معماري قطري]

يعني أنت ناوي قطع الأرزاق ،،:telephone:

والله يا اخوي جاسم انا همي قطر تستوي أفضل وأفضل وانتقدت أداء أجهزة حكومية كثيرة

طالبت بترخيص العمالة وتدريبها وهذا شيء مهم وطالبت بفحص المهندسين خصوصاً الأجانب والتأكد من شهاداتهم وتخصصاتهم وما نخلي مهندس بترول يشتغل معماري والا مدني بس ناخذ اسمه على إنه مهندس

أكيد انا إخو الإخوان في أشغال والتخطيط والريل والمكتب الهندسي الخاص ويهمني نركز على مواضع الخلل البسيطة والسهلة

مدير شركة كبرى يشتكي بحرقة يقول دخلت مناقصة وفزت بها ومستانس بانتظار التوقيع النهائي من كبير المسؤولين .. يقول فجأة بعد ما تابعنا وتعبنا اتضح لنا إنهم عطوها شركة محسوبة عليهم وحديثة ولا عندها خبرة كفاية ولا عمال متمكنين .. وشوف على هذا القياس كم شركة كبرى أما سكرت أو انباعت وانتعشت بعد ما انباعت بس لأن الشاري واصل .. هذا بحد ذاته يمنع المنافسة الشريفة

[معماري قطري]

حتى احنا كقطريين انحرمت من كتابة لقب مهندس في بطاقة الشغل سنين مع إن اللقب مقترن بإسمي وباجراءات تدقيقية حكومية قوية وكنت مبتعث .. وكنت اتمنى يكتبون التخصص الهندسي واضح .. متى صار هالشيء من كم سنة يوم رحت اجدد بطاقتي كتبت لقبي كالمعتاد واستغرب اللي على الكمبيوتر وهو قطري وسألني متأكد ان هذا لقبك قلت ايه وغيره على مسؤوليته .. كانوا حاسدينا عليه لأن ينكتب مع اسمنا المعلق على ملابسنا وبعضهم قالوا يخلصون معاملاتهم في الدوائر الحكومية وتم منع كتابة اللقب

غيرنا المشكوك في أمرهم يجيك فورمن يسمي نفسه مهندس ويمشي اللقب عليه دوم .. وبعدين طلعوا دكاترة وكشخوا باللقب قبل اسمهم واستوى مسموح للبقية والعفاطي الصغار مثلنا

[naklan]

اخوي شلون دحل في الجسر؟

هذا جسر مافي تحته شي، وين يروح الدفان لما ينزل؟


هلا يابوخميس
الصورة الي منشورة توضح حفرة زادت
مع دخول المياة وما دام فيه دخول للمياة للأرض
معناتها ذوبان الكلس وعمل فجوات دحول في
المكان الي تحت هذه الحفرة
وحلها تتبع المياة وين تتسرب للأرض
وهنا بنصيد المشكلة وبنحدد الحل

الجسر المعلق مافيه مشكلة المشكلة تحت قواعده
والأماكن المتصلة بالأرض
وفي مكان دخول المياة الي تبدا في إنهاك الجسر
وتقويضه لعدم ثبات التربة حواليه

أمتع تسرب المياة تحت الجسر
اضمن لك سلامة الجسر

تحياتي

[naklan]

لو في الدفان وقبل الجزء المعلق المشكلة حلها مثل ما قلت ولا منها خوف

بديت احس إن المشكلة في الدعامات الحاملة للجسر وتحتاج استبدال وصيانة عظمى .. من يوم شفت الحواجز الجانبية معمولة بحديد عادي قابل للصدأ ودعمة سيارة صغيرة كسرتها عرفت إن الشغل الانشائي للجسور عندنا دون المستوى المطلوب .. شيخوخة سريعة لها أسبابها

وينك يا مهندس زنتوت كنت تدافع عن تصميم الجسر بكل ما اوتيت من قوة نتمنى نسمع تعليقك ألحين


حيالله شيخنا معماري
زنتوت صار زينون وفنيخ على قولة المصريين
اذا فيه مشكلة في القواعد لازم يصلب صاحب الشركة
المنفذة على الجسر نفسة العملية دخلت في الغش
وعدم المبالاة و الحل شركة مقاولات حكومية

متخصصة للجسور باحدث الطرق وبيوفرون
ملايين فرق أرباح المقاولين

اما الحديد درابزين للجسر صراحة يذكرني بايام الفنر والجولة
قبل النفط لو كنت مكان الحكومة المصميين لجسورنا يصيفون
كل سنة في بلد متقدم وعلى حساب الحكومة علشان
يشوفون التطور اول باول

تحياتي شيخ معماري
اهتمامك وحرصك دليل محبة وتفاني
لأجل الوطن الله يكثر من امثالك
يا زعيم

[معماري قطري]

حيالله شيخنا معماري
زنتوت صار زينون وفنيخ على قولة المصريين
اذا فيه مشكلة في القواعد لازم يصلب صاحب الشركة
المنفذة على الجسر نفسة العملية دخلت في الغش
وعدم المبالاة و الحل شركة مقاولات حكومية

متخصصة للجسور باحدث الطرق وبيوفرون
ملايين فرق أرباح المقاولين

اما الحديد درابزين للجسر صراحة يذكرني بايام الفنر والجولة
قبل النفط لو كنت مكان الحكومة المصميين لجسورنا يصيفون
كل سنة في بلد متقدم وعلى حساب الحكومة علشان
يشوفون التطور اول باول

تحياتي شيخ معماري
اهتمامك وحرصك دليل محبة وتفاني
لأجل الوطن الله يكثر من امثالك
يا زعيم

تسلم اخوي نكلان وما على الجميع قصور

الارض تقوية تربتها بالمواد الاسمنتية ومحسنات التربة هذا شيء معروف والمفروض خلال البناء وبواسطة المختصين أثناء التصميم أو الاشراف أو الادارة الهندسية

لي ولد عم كبير مهندسين ومتقاعد وشغال بزنس خاص حالياً يقول مقولة أعجبتني .. إحنا المهندسين نشوف المشكلة من بعيد ونحللها ونحتاط لها .. كلامه واقعي لكن كثيرين ما يطبقون أساسيات الهندسة ويتبعون الدجل والحلول التقليدية أو حتى غير مؤهلين علمياً

أتوقع عند أشغال عدة اختبار دقيقة ومختصين بهذي الاختبارات وما أغلقوا الشارع الا المشكلة كبيرة

الدفنة تم دفنها في السابق بمحسنات تربة ومواد اسمنتية عاشت للحين وكنا نسمع ذاك الوقت إن الارض بتكون ضعيفة لأنها بحر وهذي هي لها عمر طويل يوصل 40 سنة أعتقد بدون مشاكل .. مب غلط نحط محسنات تربة ومواد اسمنتية تحت كل الطرق تغنينا عن الدك وخلطها بماي قليل وتعمر عمر طويل .. حتى في الارض الضعيفة والصباخ يستعملون ألحين حبال بلاستيكية غليضة تتماسك معاها الخلطة الاسمنتية وتعوض ضعف الأرض تحت

العلم نور لكن من ينتبه للديمومة ويركز عليها كمتطلب رئيسي

[معماري قطري]

على طاري تقوية الارض

شفت شارع ينعمل أكيد خلص ألحين من طريق الشمال الرئيسي لداخل الخور ويمر أكيد في مناطق صبخية .. شمسوين له المهندسين الأفذاذ .. حاطين حواجز اسمنتية من الجنبين ودافنين وسطها ويدكوك بدكاكات ضخمة .. زين هم قالوا للحواجز اثبتي وبتثبت مثلاً .. مع الدك متأكد إنها تتحرك شوي يعني تستوي خلخلة أثناء الدك

فكرت شبيسوون بعدين بيشيلون الحواجز؟ أو بيخلونها والطريق بيكون مرتفع حول 60 الى 70 سم .. صراحة ودي اعرف شنتيجة هالمشروع وشلون صار .. زين نفترض كل شيء مشى برفكتو الحواجز اللي حاجزة الدفان رفعت الطريق واستوت أي سيارة بتمر عليه عليها خطورة لو لفت لأي سبب قهري وطاحت من ارتفاع 70 سم وشلون بيركبون حواجز بعدين وهل بتبقى ثابتة على الحواجز الاسمنتية

وضع غريب ما اتخيل عقل مهندس يفكر بهذي الطريقة الا يكون مستهتر أو ما وراه متابعة أو مسكين يرضي مسؤولينه وهو ما يعرف يفرق بين التيس والعنز عادي يبدأ يحلب الأول

معليش باسوي طريق مرتفع على دفان باحط ستاندات خاصة مغروسة في التربة حديد أو خرسانة مصممة حتى تتحمل الضغط الجانبي للدفان .. ثم منها وفيها حاجز الطريق العلوي أو يركب عليها لاحقاً بس تكون قوية وثابتة مب قطع مفككة وأثناء الدك تتفكك .. ذكروني بالساقية اللي تاخذ من النهر وتصب في نفس النهر

[السكين]

وأخيييراً تم الافتتاح أمس مساءاً واليوم الصبح دشنته🤓

[معماري قطري]

وأخيييراً تم الافتتاح أمس مساءاً واليوم الصبح دشنته��

مريت عليه من أيام وكان الشغل شبه خالص سيارات واقفة ولا عامل وزين إنه تم اصلاح جذري شكل ما يبين لي لكن ما زلت اقارن بين اللي صار في كوكب أمريكا وفي قطر واشوف الفرق شاسع .. 13 ساعة هناك ونقل متواصل من الأخبار المحلية وهنا أيام طويلة .. واللي هناك شالوا جزء كبير وأبيام أو جسور حاملة للجسر بطول 18 متر واستبدلوها بجديدة .. المسافة من معمل خرسانة البريكاست الخاصة لين موقع الجسر حول 25 كيلو ومقاربة للمسافة عندنا .. المنطقة أرض منبسطة وأي تلة تنعمل لتدعيم الجسر تكون صناعية وفوق هذا الأرض هناك أضعف من قطر وتصير فجوات كبيرة تبتلع بيوت كاملة حطيت فيديوهات عنها في السابق

عندنا كان يوجد معمل لصنع قطع الجسور وصبها في المنطقة الواقعة غرب السد يعني المسافة سوبر قريبة لو محتاجين لهذي القطع

ما ادري شسووا بالضبط بس خذوا وقت طويل

[سعود.]

مريت عليه من أيام وكان الشغل شبه خالص سيارات واقفة ولا عامل وزين إنه تم اصلاح جذري شكل ما يبين لي لكن ما زلت اقارن بين اللي صار في كوكب أمريكا وفي قطر واشوف الفرق شاسع .. 13 ساعة هناك ونقل متواصل من الأخبار المحلية وهنا أيام طويلة .. واللي هناك شالوا جزء كبير وأبيام أو جسور حاملة للجسر بطول 18 متر واستبدلوها بجديدة .. المسافة من معمل خرسانة البريكاست الخاصة لين موقع الجسر حول 25 كيلو ومقاربة للمسافة عندنا .. المنطقة أرض منبسطة وأي تلة تنعمل لتدعيم الجسر تكون صناعية وفوق هذا الأرض هناك أضعف من قطر وتصير فجوات كبيرة تبتلع بيوت كاملة حطيت فيديوهات عنها في السابق

عندنا كان يوجد معمل لصنع قطع الجسور وصبها في المنطقة الواقعة غرب السد يعني المسافة سوبر قريبة لو محتاجين لهذي القطع

ما ادري شسووا بالضبط بس خذوا وقت طويل


شيك وتساب

[مرتبش]

حلو ..الله يعطيهم العافية والاشارة تحت الجسر متى يفتحونها

[معماري قطري]

شيك وتساب

ما قصرت اخوي سعود شفته .. إصلاح جذري وتدعيم للتربة والارض بدعامات واصلة 14 متر وشفت اليوم تقرير مفصل في التلفزيون عنه

التدعيم يفترض ينعمل من الأساس ومن تأسيس الجسر ما يجي بعد سنوات وكذلك ما يحتاج لكل هذا الوقت

هذا يعني الهبوطات اللي صارت في جوانب جسر العسيري تحتاج تدعيم أيضاً وصب خرسانات

[MAZEN37]

تم تجديد الطبقه الاسفلتيه لكامل الجسر
كان بالمرة صبغوا البنكيت اسود واصفر وجددوه

[معماري قطري]

تم تجديد الطبقه الاسفلتيه لكامل الجسر
كان بالمرة صبغوا البنكيت اسود واصفر وجددوه

عمرك شفت يتم افتتاح مشروع بالكامل مرة وحدة؟

بعد كم يوم بتشوف الصباغين يصبغون وحاطين حواجز مطاطية صغيرة ومسكرين مسار كامل ومسببين ازعاج والصبغ تغير من زمان للأبيض والأسود ( قطر كلها سداوية ) .. الظاهر معايير عالمية تغيرت .. الزمان الماضي صحيح كانت أبيض وأصفر وميامي مائل للوردي يسمونه كورال بنك

[MAZEN37]

عمرك شفت يتم افتتاح مشروع بالكامل مرة وحدة؟

بعد كم يوم بتشوف الصباغين يصبغون وحاطين حواجز مطاطية صغيرة ومسكرين مسار كامل ومسببين ازعاج والصبغ تغير من زمان للأبيض والأسود ( قطر كلها سداوية ) .. الظاهر معايير عالمية تغيرت .. الزمان الماضي صحيح كانت أبيض وأصفر وميامي مائل للوردي يسمونه كورال بنك

هههههه
جلاد بوعبدلله ماعندك

[معماري قطري]

هههههه
جلاد بوعبدلله ماعندك

أذكر الواقع يا اخوي

لكن خله يكون شارع مهم والا بطولة كاس العالم بكرة بتحصل كل شيء تم على أفضل وجه .. القطريين والمقيمين مب أهم من الزوار اللي بيحضرون شهر وشوي

[سعود.]

اليوم الجسر عكس السابق مغلق بالكامل من اتجاة الجنوب الى الشمال .
omen

[جراسا]

اليوم الفجر قلت اجرب التقاطع الجديد ,دوامي في مستشفى سدرة
وصلت التقاطع و الا هو مغلق بالكامل و التحويلة اخذتني يمين باتجاه مدينة خليفة الشمالية
و بعدين طلعت الجسر الواصل لشارع الاتحاد في الغرافة و التحويلة هناك اجباري يمين باتجاه شارع المرخية ,اشارتين مغلق فيهم اليوتيرن
دخلت يسار من الدحيل لغاية مواقف لاندمارك
و بعدين طريق الخدمات باتجاه الشمال لغاية تقاطع الخريطيات و الف ارجع لغاية دوار الشمال سابقا و يمين باتجاه مستشفى سدرة و شارع الاتحاد من اخره
كاني كنت في متاهة لغاية ما وصلت الدوام الله يكون في عون سكان هديك المناطق,كل يوم تحويلة جديدة

[khaldoon]

امس شارع 22 فبراير زحمة شديدة حتى قبل جسر المسيلة عند السد بسبب جسر الجوازات

[ابوالعبد]

شسالفه هالجسر ترى ايام عيد مره يسكرونه ومره يفتحونه والا ن مسكر مسيب اختناق مروري قوس

[!.!]

ما صادفت أختناق منه ..🤔

[Dana’1]

أمس مرينا عليه بإتجاه الشمال زحممممه كله عشان التحويله إجباري لان الطريق عليه تصليحات فشي طبيعي
اهم شي إذا خلصوا و فتح الطريق يكون تمام

[جاسم الدوحة]

تمخض الجبل فولدَ فأراً

بعد كل هالصبر ، تم افتتاح دوار الجوازات ليلة العيد
ولكن .. يا فرحة ما تمت

بعض السائقين (المعتبَرين) لقوا نفسهم في حيص بيص
وصار أكثر من حادث ، أحدها بين ثلاث سيارات ..

بالضبط صاير نفس نظام (دوار المجنون) .. تذكرونه ؟

عقبها بيومين ثلاثة .. تم إغلاق الدوار مرة ثانية ، دون أي
إشعار أو إعلان للناس ، وللحين ، محد عارف شالطبخة !!!

[سعود.]

ابشركم من شوي مار صوب الجسر والواضح ان القار بالكامل جديد اتوقع بس باقي خطوط المسارات تنصبغ

هذا والله اعلم

[سعود.]

توني مار صوبه مفتوح الجسر :app:

[جاسم الدوحة]

مريت عليه البارحة الساعة 12
الجسر كله كان مغلق :con2: