تسجيل الدخول

مشاهدة النسخة كاملة : الخرسانات الجاهزة او بناء صديق البيئة


ALJokar
12-06-2019, 10:42 AM
استفسار عن الشركات بناء تبني لك خرسانات جاهزة تركيب للبيت كامل في خلال شهرين دور ارضي اول بنت هاوس.
ضمان اكثر من 25 سنة حماية.
عازل حراري اكثر من 70% من الطابوق العادي والصب الخرساني.
مقاوم للحريق لحد 4 ساعات او اكثر.
ارخص من البناء التقليدي.
اخف وزن من الخرسانة العادية وتتشكل معاك ع اي شكل معماري بغيت.

اغلبية المشاريع الحالية من مجمعات تسويق مولات او مجمعات سكنية او مساجد شغالين عليها.

هل فيه احد جربها؟ نبي نجربها في الملاحق الخارجية مطابخ اواسوار بيت او غرفة سائق.

موضوع من كم يوم شاغل بالي ليش العالم مايتجهون لها ايش المانع؟
معماري قطري
12-06-2019, 11:40 AM
المانع الله يسلمك قلة التسويق والأسعار العالية

لي تجربة مع بيت أرضي خرسانة جاهزة من شركة العطية بس نوع محسن عن اللي في الدفنة .. بناه لي الوالد في حوش بيته الله يغفر له في سنة 1988 في شهرين خلصوه وللحين عايش ومؤجر هذا الوقت .. كان محسن وعازل فوم بين طبقتين خرسانة أعتقد الحوائط الخارجية 25 سم .. بس المكيف يثلج بالغرفة وكنت كله الثرموستات مقصر وفي الشتاء دافيء جداً

طلعت شركة العلي للمشاريع وشركة ناصر بن خالد تبني بالسيبوريكس وهو طابوق خفيف بخلطة فيها فجوات هوائية وعزله بعد مسكت وشفت لهم مشاريع يبنونها وكلها مجمعات كبيرة

كذلك شركة خالد المسند تسوي الهيكل بس والقواطع تقدر تسويها حسب الرغبة .. حطيت قبل صور حق كتلوجهم
سعود.
12-06-2019, 12:26 PM
فيه شركات تسوي البيت خلال 48 ساعة تقريبا ( عظم ) . يسمونها طباعه d3
مدري في الدوحه عندنا ولا !!!
معماري قطري
12-06-2019, 06:50 PM
فيه شركات تسوي البيت خلال 48 ساعة تقريبا ( عظم ) . يسمونها طباعه d3
مدري في الدوحه عندنا ولا !!!

يسمونه بيت غصب والا هو اقتصادي واقتصادي جداً ونماذج محددة وصعبة برمجتها وأكيد تكنولوجيا غالية خصوصاً في بداياتها .. وتستخدم مواد اسمنتية خاصة وخلطات خاصة شوفها في يوتيوبيات البناء تشتغل في السعودية
سعود.
12-06-2019, 09:28 PM
يسمونه بيت غصب والا هو اقتصادي واقتصادي جداً ونماذج محددة وصعبة برمجتها وأكيد تكنولوجيا غالية خصوصاً في بداياتها .. وتستخدم مواد اسمنتية خاصة وخلطات خاصة شوفها في يوتيوبيات البناء تشتغل في السعودية

والله شي عجيب

ينفع للي مايقدر يدفع فوق قرض بنك التنمية . بس كيف الجودة !!!
معماري قطري
12-06-2019, 10:00 PM
والله شي عجيب

ينفع للي مايقدر يدفع فوق قرض بنك التنمية . بس كيف الجودة !!!

أكيد جودة عالية

بيتي السابق الخرسانة الجاهزة انبنى في شهرين وكان قمة الجودة بس فيه عيب بسيط .. الزوايا التقاء حائط وحائط تتثبت بحديد متداخل في بعض هذي مع التمدد تطق طقة قوية تسمعها .. قليل تصير وأكيد لها حلول لكن متروكة كوصلة تمدد

كلف بحدود 100 الف ومساحته 10 متر في 11 تقريباً غرفتين ومجلس وصالة صغيرة عبارة عن ممر ومطبخ وحمامين .. لعائلة صغيرة ممتاز .. هالوقت أكيد أغلى وعندهم نماذج لدورين وأكبر بس ما ادري لو للحين شغالين أو فضوا الشركة
معماري قطري
12-06-2019, 10:02 PM
اللي يبغي يشوف السيبوريكس من يطلع من تقاطع الرياضة بعد مستشفى حمد باتجاه الريان فيه مجمع مرتفع حول 3 أدوار مصبوغ كم لون هذا مبني بالسيبوريكس حتى الأرضيات وشفته وهو ينبني وفيه في المرخية مجمع كبير اعتقد 500 بيت