مشاهدة النسخة كاملة : أبناؤنا الطلاب مستمرون بالذهاب الى المدارس لما بعد 15 يونيو!
khaldoon
13-06-2019, 08:54 AM
السلام عليكم و رحمة الله و بركاته
شيء جميل جدا ان تهتم الدولة بحقوق العمال اللي يشتغلون تحت الشمس و تمنع العمل تحت الشمس بين الساعه 11:30 ظهرا و حتى الساعة الثالثه عصرا من تاريخ 15 يونيو و حتى 31 اغسطس من كل عام نتيحة دراجات الحرارة المرتفعه في هذه الفترة.
بس هل يعقل انه ابناءنا و بناتنا الطلاب ان يستمروا في الخروج من البيت حتى نهاية هذا الشهر تقريبا و خصوصا طلاب المرحلة الابتدائيه؟!!!...هل هناك ما يستوجب اطالة عمر السنة الدراسية لطلاب المدارس و خصوصا طلاب المرحلة الابتدائية لما بعد رمضان و العيد و حتى لما بعد منتصف هذا الشهر؟
معماري قطري
13-06-2019, 09:28 AM
قليل من الشمس يا خلدون يقويهم وتونا في شهر 6 وصحيح بدأ الحر بقوة والله يعين الأبناء وأولياء أُمورهم
حمــد
13-06-2019, 11:07 AM
انا بنتي في اول ابتدائي ولحد الحين الزامي تروح المدرسه مع انهم مخلصين المنهج من قبل العيد وختباراتهم يوم الاربعاء القادم !!
سالم الزهران
13-06-2019, 11:52 AM
تفاجأت انكم ما عطلتوا للحين.. آخر دوام عندنا كان ثمانية وعشرين شعبان و بيتمون مأجزين حتى شهر محرم، اربعة اشهر نوم
معماري قطري
13-06-2019, 12:24 PM
تفاجأت انكم ما عطلتوا للحين.. آخر دوام عندنا كان ثمانية وعشرين شعبان و بيتمون مأجزين حتى شهر محرم، اربعة اشهر نوم
ابتزاز للمدرسين وللطلاب مانين عليهم باجازة الصيف الا يحفظونهم المنهج كامل
لو حابين يقدرون يسوون صيفي اختياري مكثف يخلص فيه اللي يبي سنة
معماري قطري
13-06-2019, 12:28 PM
تفاجأت انكم ما عطلتوا للحين.. آخر دوام عندنا كان ثمانية وعشرين شعبان و بيتمون مأجزين حتى شهر محرم، اربعة اشهر نوم
وبعدين تعال لهم يتخرجون يتحرفون العربي وصعب يقرون ويكتبون والعلوم الاسلامية يعرفون منها أقل القليل وفذين في باقي السوالف ويعطلونهم في الجامعة لأن سوق العمل متشبع ولين تخرجوا بطلعة روح يقولون ما فيه وظائف والا ارضوا بوظيفة أي كلام وخارج التخصص .. واللي طموح ويكمل ماجستير وممكن حتى دكتوراة يقولون له انت Over Qualified المشكلة اللي يقولها يقولها بأكسنت كأنه أمريكي أو انجليزي وهو خريج جامعة أي كلام ويكتب عربي مكسر
الحاقول
13-06-2019, 12:47 PM
الحرارة المرتفعة لها تأثير على القدرة الإنتاجية والسلوكية وطريقة التفكير والقدرة على التعلم والاستيعاب حيث تبين أن للحرارة تأثيراً على الحالة النفسية ومن ثم على الأفكار والسلوك مؤدية إلى اضطراب المزاج والشعور بعدم الارتياح وصعوبة التحمل أو الصبر وقلة التركيز
لذلك أتوقع ارتفاع حالات الرسوب هذا العام بسبب عدم اختيار الموعد المناسب للامتحانات وتأثير حرارة الجو على مستوى تفكير الطالب
بوخالد911
13-06-2019, 01:29 PM
ياريت الامتحانات خلصت قبل العيد
MAZEN37
13-06-2019, 01:35 PM
كم اسبوع اجازة ايام الشتاء تم تعطيل الطلاب
لو كانت من ايام التمدرس كان الطلاب خالصين وباجازة من شهرين
انا صرت اشك الوزارة قلقانه تعطي المدرسين اجازة وبالتالي اولياء الامور والطلاب كلوها
كان الله في عون الأطفال وذويهم إن شاء الله
فعلًا هاتهِ الأيام حر مو طبيعي خاصة ونحنُ في شهر الحر والجاي هذهِ الأيام أكثر حرًا ..
صبركم الله وأعانكم وحفِظ أبنائكم
سالم الزهران
13-06-2019, 08:03 PM
ابتزاز للمدرسين وللطلاب مانين عليهم باجازة الصيف الا يحفظونهم المنهج كامل
لو حابين يقدرون يسوون صيفي اختياري مكثف يخلص فيه اللي يبي سنة
والله يبو عبدالله حرام.. وللعلم انا اعطيكم خمس نجوم.. بس فيه فلسفة وايد التعليم هالأيام.. ما تشوف الآباء يروحون الحكومي.
من حق الطالب والمدرس أنه يرقد و ترى ولدي الكبير الله يصلحة ويصلح لكم ذرياتكم.. كان عند ولد جارنا محل جوالات وصيانة وحب يبيعه.. فجاني الولد كلمني وقال ابغي اخذه المحل اشتغل فيه و الح علي.. قمت خذيته له لان باقي فيه خمس اشهر اجار مدفوع و قلت نجربه في الصيفية و اذا المحل ما تحسن نبيعه عقب ونخسر عشرين الف ولا حولها.. واضطريت اجيب معه موظف خبير عشان يشغل المحل او على الأقل يعلم الولد.. وفي النهاية هي مغامرة لو ببيع المحل بنص سعرة بيجيب لي عشرين الف حولها.
مدري ليش كتبت السالفة هني لكن الحاصل ان الطلاب والمعلمين مفروض يشمعون ابواب المدرسة ثلاث شهور أقل شيء... واللي فيه نشاط يتحول للتدريب و الانشطة الخ
ابوالعبد
13-06-2019, 09:58 PM
صراحه الجو حار جدا وتو ناس الله يعينا شهر سبع وثمانيه درجات الحراره مرتفعه ختى الواحد مايبي يطلع من البيت
معماري قطري
14-06-2019, 12:06 AM
والله يبو عبدالله حرام.. وللعلم انا اعطيكم خمس نجوم.. بس فيه فلسفة وايد التعليم هالأيام.. ما تشوف الآباء يروحون الحكومي.
من حق الطالب والمدرس أنه يرقد و ترى ولدي الكبير الله يصلحة ويصلح لكم ذرياتكم.. كان عند ولد جارنا محل جوالات وصيانة وحب يبيعه.. فجاني الولد كلمني وقال ابغي اخذه المحل اشتغل فيه و الح علي.. قمت خذيته له لان باقي فيه خمس اشهر اجار مدفوع و قلت نجربه في الصيفية و اذا المحل ما تحسن نبيعه عقب ونخسر عشرين الف ولا حولها.. واضطريت اجيب معه موظف خبير عشان يشغل المحل او على الأقل يعلم الولد.. وفي النهاية هي مغامرة لو ببيع المحل بنص سعرة بيجيب لي عشرين الف حولها.
مدري ليش كتبت السالفة هني لكن الحاصل ان الطلاب والمعلمين مفروض يشمعون ابواب المدرسة ثلاث شهور أقل شيء... واللي فيه نشاط يتحول للتدريب و الانشطة الخ
كلام منطقي التعليم مب شرط يكون بس في المدرسة
الله يوفقك ويوفق ولدك وهذي شغلة ذكية تنمي فيه حب إن يشغل نفسه ويتعلم شيء يفيده .. ما تدري ممكن تكون فاتحة خير له ولك
يمامـة
15-06-2019, 02:58 PM
للامانة ما اشوف فيها شي..
شلي اختلف هالسنة عن العام؟
ليش دايما نبي نوفر لاطفالنا افضل الظروف
المناخية و البيئية و اذا باجر تعرضون لاقل ظرف
مناخي مب متعودين عليه انهاروا؟
الطفل طالع و نازل من مكيف الى مكيف..
ما اعتقد الاطفال مسرحين في ساحات المدارس
او اختباراتهم في الملاعب المفتوحة للمدارس!!
لذلك اعذروني احس بحالة غضب لما
اشوف التطبطب على طلاب المدارس.
و شكرا لكم
khaldoon
16-06-2019, 08:42 AM
قليل من الشمس يا خلدون يقويهم وتونا في شهر 6 وصحيح بدأ الحر بقوة والله يعين الأبناء وأولياء أُمورهم
الأطفال في المرحلة الابتدائية يعني هالشمس و الحر يهلكم و يهد أجسادهم و فوق هذا مذاكرة و استعداد لامتحانات اخر العام ....هذا هو المقصود بالموضوع يا صديقي العزيز
khaldoon
16-06-2019, 08:44 AM
انا بنتي في اول ابتدائي ولحد الحين الزامي تروح المدرسه مع انهم مخلصين المنهج من قبل العيد وختباراتهم يوم الاربعاء القادم !!
بالله عليكم هذا عدل و منطق انه بنت في اول ابتدائي للحين تروح المدرسة .....وين وزارة التعليم عن هذا الكلام ...اشلون يفكرون!!!! ....انا انهيت اختبارات الثانوية العامة على أيامنا يوم 03/06/209... و كان هذا اليوم المعتمد دائما كاخر يوم امتحانات لعدة سنوات في الثانوية العامة
khaldoon
16-06-2019, 08:49 AM
تفاجأت انكم ما عطلتوا للحين.. آخر دوام عندنا كان ثمانية وعشرين شعبان و بيتمون مأجزين حتى شهر محرم، اربعة اشهر نوم
والله انا اللي تفاجأت يوم عرفت اول رمضان انه اخوانا بالسعودية خلصوا مدارس قبل رمضان و تمنيت إجازة طلابنا تكون مثلهم.... المشكله انه على أيامنا كنا نداوم ست أيام في الأسبوع مب خمس أيام مثل الحين يعني في توفير 52 يوم... و إجازة منتصف العام بس أسبوعين مب شهر يعني توفير 14 يوم تقريبا و ما في إجازة ربيع عشر أيام ....و لهالسبب كنا ننهي الامتحانات قبل هالايام و اجازتنا كانت تقريبا اربع شهور.... الحين بس شهرين
khaldoon
16-06-2019, 08:51 AM
ابتزاز للمدرسين وللطلاب مانين عليهم باجازة الصيف الا يحفظونهم المنهج كامل
لو حابين يقدرون يسوون صيفي اختياري مكثف يخلص فيه اللي يبي سنة
ايه والله انك صادق.... خاصة يوم يقولون أيام تمدرس....نفسي اعرف من هذا اللي جاب هالاختراع العجيب....ما اعرف ايش فايدتها انه الطلاب خلصوا امتحانات و خلاص طارت الطيور بارزاقها...نجح من نجح و رسب من رسب و بعدها يقولون للطلاب تعالوا احضروا حصص ما عليها امتحانات
حسبي الله عليهم من وزارة ما سوو فينا خير لا احنا و لا عيالنا والا شدعوه مخلينهم لين الحين يداومون وما خلصوا و المدارس الاجنبية مفتلين ومخلصين و اصلا كثير من الدول الخليجية خلصوا مدارس قبل رمضان :anger2:
بصراحه شي يحر و ينرفز عمرهم ما طلعوا قرار يبرد قلوب الطلاب و الاهالي
قطريه ماركه
16-06-2019, 09:36 AM
حسبي الله و نعم الوكيل درجات الحرارة في الخمسين و للحين ما امتحنوا الطلاب :omg:
الدول الباردة اوقات الثلوج يصكرون المدارس و الجامعات و الطرق بالمقابل في الحر الشديد
من المفترض اغلاق المدارس و الجامعات !!!
مرتبش
16-06-2019, 10:26 AM
الموضوع له جانبين مهمين.. الحرارة وطول فترة التمدرس .. الحرارة مالها ان شالله اي تأثير على الطلاب او اولياء الامور.. الحمدلله كل شي مكيف والحرارة مابتختفي لو الطالب قعد في البيت.
اما طول الدوام وفترة التمدرس فهذا عذاب يومي للطالب.. بسهولة تقدر وزارة التعليم تقليص فترة الدراسة شهر .. تقدر بالغاء الدوام بعد امتحانات الفصل الاول وبدء اجازة الربيع وتوفر اسبوع او اكثر وكذلك اسبوع بعد امتحانات نصف الفصل الثاني واجازة منتصف الفصل... وغيرها من ترتيبات كبدء الدراسة من الاحد بدل الاربعاء وضياع يومين وانتهاء الامتحانات الخميس بدل منتصف الاسبوع.
ايضا الوزارة مطالبة بايجاد حل لطول اليوم المدرسي.. الطلاب ينامون في المدرسة وفي الباص من طول الدوام.. ما اذكر ايامنا حد ينام في الصف.. المسؤولين عن التعليم المفروض يراعون الجوانب الغير مدرسية في التعلم ونمو الطفل والطالب بشكل شامل .. ممارسة الانشطة بعد المدرسة ضرورية مثلا تحفيظ القرآن والاندية اللي حاليا طول الدوام يقلل من فرص المشاركة فيها.
R 7 A L
16-06-2019, 12:00 PM
للاسف
وزارة التعليم عندنا في الحظيظ وين كنا وكيف صرنا
مدارس حديثة ورواتب عالية ولكن المحصلة زيرو
اختفى المعلم /ة القطري/ة وقد لايكادالا في الوظائف الإدارية ويمكن بكرة مانحصلة فيها
الحصص وقتها طويل
الموسم السنوي طويل جداًعلى الطلاب والمدرسين
المنهج الله بالخير واغلبة حشو
ياليت يرجعون لنا وزارة التربية والتعليم ايام بداية التسعينيات وقبلها بكل مافيها
Abdulraman
16-06-2019, 12:31 PM
المدارس الخاصه اجازه ومفتلين والمدارس الحكوميه من اسوأ الى اسوأ
الحل يبيلنا وزير قوي مش وزير ضايع ومسوي نفسه بالعريف والافضل يكون من الاسره الحاكمه
يمامـة
16-06-2019, 01:34 PM
الموضوع له جانبين مهمين.. الحرارة وطول فترة التمدرس .. الحرارة مالها ان شالله اي تأثير على الطلاب او اولياء الامور.. الحمدلله كل شي مكيف والحرارة مابتختفي لو الطالب قعد في البيت.
اما طول الدوام وفترة التمدرس فهذا عذاب يومي للطالب.. بسهولة تقدر وزارة التعليم تقليص فترة الدراسة شهر .. تقدر بالغاء الدوام بعد امتحانات الفصل الاول وبدء اجازة الربيع وتوفر اسبوع او اكثر وكذلك اسبوع بعد امتحانات نصف الفصل الثاني واجازة منتصف الفصل... وغيرها من ترتيبات كبدء الدراسة من الاحد بدل الاربعاء وضياع يومين وانتهاء الامتحانات الخميس بدل منتصف الاسبوع.
ايضا الوزارة مطالبة بايجاد حل لطول اليوم المدرسي.. الطلاب ينامون في المدرسة وفي الباص من طول الدوام.. ما اذكر ايامنا حد ينام في الصف.. المسؤولين عن التعليم المفروض يراعون الجوانب الغير مدرسية في التعلم ونمو الطفل والطالب بشكل شامل .. ممارسة الانشطة بعد المدرسة ضرورية مثلا تحفيظ القرآن والاندية اللي حاليا طول الدوام يقلل من فرص المشاركة فيها.
اخوي المرتبش..
بقول لك حكاية من الحكايات ......> اشعندها ديدا حبابة؟
سمعت و من مصادر موثوقة بما فيهم عيالي
ان طلاب مدرسة شويفات اللي ينقبلون في جامعات
المدينة التعليمية الشطار منهم ما شاء الله
يعدي رياضيات ١ و ٢ و يمكن ٣
و يعدون فيزياء ١ و ٢ و يمكن ٣
و يعادلون لهم ساعات في مواد ثانية
طلاب شويفات وطلاب مدرستين هنديتين في قطر.
للعلم مدرسة شويفات مرات دوامهم لين ٤ العصر
و الطلاب عايشين في قطر مب في فينا.
اما الطالب المتفوق خريج المدارس الحكومية
و صاحب نسبة ٩٩% يدخل هالجامعات بواسطة شهادة
ايلدز ونتيجة اختبار الايه سي تي.
و ياخذ كل شي من الصفر الا اذا تعدى اختبار الرياضيات
الخاص في الجامعة.
الواحد لما يشوف مخرجات المدارس هذه مقارنة
مع مخرجات مدارسنا الحكومية يتحسر على المليارات
اللي ضاعت على التعليم.
لذلك اشوف ان نترك الوزارة تشوف شغلها
و احنا نشوف شغلنا..
الطالب اللي يعيش في وسط هالكمية من السلبية
تجاه الجهة المختصة في التعليم ما بيتطور و لا بينتج
حتى لو نفذت الوزارة كل طلبات اولياء الامور.
عيالنا ما تشوهوا من ارتفاع درجة الحرارة..
و لا المدارس تبخر من هالارتفاع..
في افريقيا و العراق و الدول الفقيرة الطالب يتمرمط
بالساعات مشي علشان يحصل له كرسي يدرس عليه.
من جذيه اشوف مبالغة كبيرة من اولياء الامور
و تدخل اكبر في التعليم.
كل يشتكي من نقطة حسب مصلحته و مصلحة ولده.
اعذرني الكلام مب موجه لك.. لكن هالتدخلات الكبيرة
في قرارات الوزرة اتأثر سلبا على التعليم.
يمامـة
16-06-2019, 01:38 PM
للاسف
وزارة التعليم عندنا في الحظيظ وين كنا وكيف صرنا
مدارس حديثة ورواتب عالية ولكن المحصلة زيرو
اختفى المعلم /ة القطري/ة وقد لايكادالا في الوظائف الإدارية ويمكن بكرة مانحصلة فيها
الحصص وقتها طويل
الموسم السنوي طويل جداًعلى الطلاب والمدرسين
المنهج الله بالخير واغلبة حشو
ياليت يرجعون لنا وزارة التربية والتعليم ايام بداية التسعينيات وقبلها بكل مافيها
اخوي رحال..
مسكت الكتاب اللي تتهمه انه حشو؟
هل مرت عليك كتب المدرسة الاردنية او المصرية
و قارنتها مع كتب الوزارة؟
هل مرت عليك كتب المدارس الاجنبيةالانترناشينول؟
هل عيالنا مطالبين بابحاث و دوامات اضافية في المدرسة؟
هل عيالنا مطلوب منهم يقرون كتب خارجية
علشان يقدمون بحثهم اللي بناء عليه ينجح او يرسب في المادة؟
يمامـة
16-06-2019, 01:40 PM
المدارس الخاصه اجازه ومفتلين والمدارس الحكوميه من اسوأ الى اسوأ
الحل يبيلنا وزير قوي مش وزير ضايع ومسوي نفسه بالعريف والافضل يكون من الاسره الحاكمه
في رمضان المدارس الخاصة ساعات الدوام كانت اكثر
نن الحكومي
الحكومية من ظ9 لين 1
الخاصة من 8¨ لين 1
ساعات التمدرس عندهم كانت اكثر
في مدارس اجنبية ما خلصوا للحين.
khaldoon
16-06-2019, 02:26 PM
وبعدين تعال لهم يتخرجون يتحرفون العربي وصعب يقرون ويكتبون والعلوم الاسلامية يعرفون منها أقل القليل وفذين في باقي السوالف ويعطلونهم في الجامعة لأن سوق العمل متشبع ولين تخرجوا بطلعة روح يقولون ما فيه وظائف والا ارضوا بوظيفة أي كلام وخارج التخصص .. واللي طموح ويكمل ماجستير وممكن حتى دكتوراة يقولون له انت Over Qualified المشكلة اللي يقولها يقولها بأكسنت كأنه أمريكي أو انجليزي وهو خريج جامعة أي كلام ويكتب عربي مكسر
ايه والله كلامك صحيح ....اقولك شي بيني و بينك.... بنتي في الثانوية العامة من يومين ما عرفت ايش معنى كلمة امتعظ بامتحان العربي ....فكرت معناها ادرك ولا عرفت حتى تقرأها ...قرأتها اماتاعاظا و معدلها بالفصل الأول في التسعينات و لله الحمد... تدري ليش... لانه ما تعلموا يقروأ قصص و روايات مثلا ....التكنولوجيا دمرت عقولهم و ثقافتهم لانه تعاملوا معها بطريقة خاطئه ...للتسلية و الألعاب بس
khaldoon
16-06-2019, 02:28 PM
الحرارة المرتفعة لها تأثير على القدرة الإنتاجية والسلوكية وطريقة التفكير والقدرة على التعلم والاستيعاب حيث تبين أن للحرارة تأثيراً على الحالة النفسية ومن ثم على الأفكار والسلوك مؤدية إلى اضطراب المزاج والشعور بعدم الارتياح وصعوبة التحمل أو الصبر وقلة التركيز
لذلك أتوقع ارتفاع حالات الرسوب هذا العام بسبب عدم اختيار الموعد المناسب للامتحانات وتأثير حرارة الجو على مستوى تفكير الطالب
يا سلام عليك...قولت كل اللي ابي أقوله بالزبط.... عبرت عن ما يدور في نفسي .... ارفع لك القبعه ...يا ريت بس احد يستوعب و يقدر يغير هذا الوضع في العام القادم
khaldoon
16-06-2019, 02:28 PM
ياريت الامتحانات خلصت قبل العيد
ايه والله خصوصا طلاب المرحلة الابتدائيه و الإعدادية على الأقل
khaldoon
16-06-2019, 02:33 PM
كم اسبوع اجازة ايام الشتاء تم تعطيل الطلاب
لو كانت من ايام التمدرس كان الطلاب خالصين وباجازة من شهرين
انا صرت اشك الوزارة قلقانه تعطي المدرسين اجازة وبالتالي اولياء الامور والطلاب كلوها
شوف يا صديقي العزيز.....انا من زمان احس انه الوزارة ما تبي تعطي المدرسين اربع شهور إجازة مثل قبل و تخلي مواعيد العمل متضاربه مع اجازات العيد علشان ما يتهنون على الاجازات و يقضونها مع عائلاتهم في بلادهم و الحل انهم طلبوا منهم يداومون ...طيب كيف يداومون بدون طلاب...اخترعوا اختراع عجيب لم يسبقهم اليه لا مخترع بشري ولا بيطري من قبل و هو أيام التمدرس... وهي انه الطالب خلص امتحانات و يستمر بالحضور الى المدرسة علشان يقضيها لعب في الصف من غير أي فايدة... اعتقد ما يبون الطلاب يتمللون و يكسلون في بيوتهم او يستغلون أوقات الفراغ في أمور غير سوية .... شايف كيف ظلمناهم و هم يبون مصلحة أولادنا
khaldoon
17-06-2019, 08:49 AM
كان الله في عون الأطفال وذويهم إن شاء الله
فعلًا هاتهِ الأيام حر مو طبيعي خاصة ونحنُ في شهر الحر والجاي هذهِ الأيام أكثر حرًا ..
صبركم الله وأعانكم وحفِظ أبنائكم
بارك الله فيك يا اخوي العزيز على هذا الشعور الطيب و الدعم ..كل الشكر والتقدير
khaldoon
17-06-2019, 08:53 AM
والله يبو عبدالله حرام.. وللعلم انا اعطيكم خمس نجوم.. بس فيه فلسفة وايد التعليم هالأيام.. ما تشوف الآباء يروحون الحكومي.
من حق الطالب والمدرس أنه يرقد و ترى ولدي الكبير الله يصلحة ويصلح لكم ذرياتكم.. كان عند ولد جارنا محل جوالات وصيانة وحب يبيعه.. فجاني الولد كلمني وقال ابغي اخذه المحل اشتغل فيه و الح علي.. قمت خذيته له لان باقي فيه خمس اشهر اجار مدفوع و قلت نجربه في الصيفية و اذا المحل ما تحسن نبيعه عقب ونخسر عشرين الف ولا حولها.. واضطريت اجيب معه موظف خبير عشان يشغل المحل او على الأقل يعلم الولد.. وفي النهاية هي مغامرة لو ببيع المحل بنص سعرة بيجيب لي عشرين الف حولها.
مدري ليش كتبت السالفة هني لكن الحاصل ان الطلاب والمعلمين مفروض يشمعون ابواب المدرسة ثلاث شهور أقل شيء... واللي فيه نشاط يتحول للتدريب و الانشطة الخ
شيء رائع انه يفكر ابنك الله يحفظه و يخليه لك انه يدخل التجاره من عمر صغير..... تفكير واعي و ناضج و جريء......كثير ناس تنجح في حياتها الدراسية و تفشل في حياتها العمليه و العكس صحيح ...انا متفق معاك انه لازم ندرب الأبناء من عمر صغير على ممارسة التدريب العملي الى جانب الدراسة.... تزيد مداركه و فهمه للحياة مبكرا
khaldoon
17-06-2019, 08:55 AM
صراحه الجو حار جدا وتو ناس الله يعينا شهر سبع وثمانيه درجات الحراره مرتفعه ختى الواحد مايبي يطلع من البيت
ايه والله معاك حق ...خصوصا على الأطفال في المرحلة الابتدائية
khaldoon
17-06-2019, 11:50 AM
للامانة ما اشوف فيها شي..
شلي اختلف هالسنة عن العام؟
ليش دايما نبي نوفر لاطفالنا افضل الظروف
المناخية و البيئية و اذا باجر تعرضون لاقل ظرف
مناخي مب متعودين عليه انهاروا؟
الطفل طالع و نازل من مكيف الى مكيف..
ما اعتقد الاطفال مسرحين في ساحات المدارس
او اختباراتهم في الملاعب المفتوحة للمدارس!!
لذلك اعذروني احس بحالة غضب لما
اشوف التطبطب على طلاب المدارس.
و شكرا لكم
:eek5::eek5::eek5::eek5::eek5:
و انا اللي أقول ستو اليمامة راح تكون هي اكبر داعم في الموضوع......
crazycrazycrazycrazycrazy
طيب انت اخذتي رأي ولدج خوسيه قبل ما تردي بالموضوع .... انا قابل برأي خوسيه من قبل اشوفه
طيب على الأقل خلينا نطبطب على الأطفال في المرحلة الابتدائية لانه توهم صغار بالسن.....
انا معاج انه ما نبي ندلع طلاب المدارس علشان يشتد عودهم بس صدقيني كانوا يقدرون يخلصون مدارسهم من شهر بس اللي صار كلها عملية مماطلة في انهاء المنهج مثل كأنه مسلسل تركي و الا مكسيكي
khaldoon
17-06-2019, 11:52 AM
حسبي الله عليهم من وزارة ما سوو فينا خير لا احنا و لا عيالنا والا شدعوه مخلينهم لين الحين يداومون وما خلصوا و المدارس الاجنبية مفتلين ومخلصين و اصلا كثير من الدول الخليجية خلصوا مدارس قبل رمضان :anger2:
بصراحه شي يحر و ينرفز عمرهم ما طلعوا قرار يبرد قلوب الطلاب و الاهالي
ما ابي ازيد البنزين فوق النار و اكتفي بردك الكريم ..... الله المستعان
khaldoon
17-06-2019, 11:52 AM
حسبي الله و نعم الوكيل درجات الحرارة في الخمسين و للحين ما امتحنوا الطلاب :omg:
الدول الباردة اوقات الثلوج يصكرون المدارس و الجامعات و الطرق بالمقابل في الحر الشديد
من المفترض اغلاق المدارس و الجامعات !!!
ايه والله انج صادقة...حسبي الله و نعم الوكيل في اللي كان السبب
مرتبش
17-06-2019, 01:57 PM
اخوي المرتبش..
بقول لك حكاية من الحكايات ......> اشعندها ديدا حبابة؟
سمعت و من مصادر موثوقة بما فيهم عيالي
ان طلاب مدرسة شويفات اللي ينقبلون في جامعات
المدينة التعليمية الشطار منهم ما شاء الله
يعدي رياضيات ظ، و ظ¢ و يمكن ظ£
و يعدون فيزياء ظ، و ظ¢ و يمكن ظ£
و يعادلون لهم ساعات في مواد ثانية
طلاب شويفات وطلاب مدرستين هنديتين في قطر.
للعلم مدرسة شويفات مرات دوامهم لين ظ¤ العصر
و الطلاب عايشين في قطر مب في فينا.
اما الطالب المتفوق خريج المدارس الحكومية
و صاحب نسبة ظ©ظ©% يدخل هالجامعات بواسطة شهادة
ايلدز ونتيجة اختبار الايه سي تي.
و ياخذ كل شي من الصفر الا اذا تعدى اختبار الرياضيات
الخاص في الجامعة.
الواحد لما يشوف مخرجات المدارس هذه مقارنة
مع مخرجات مدارسنا الحكومية يتحسر على المليارات
اللي ضاعت على التعليم.
لذلك اشوف ان نترك الوزارة تشوف شغلها
و احنا نشوف شغلنا..
الطالب اللي يعيش في وسط هالكمية من السلبية
تجاه الجهة المختصة في التعليم ما بيتطور و لا بينتج
حتى لو نفذت الوزارة كل طلبات اولياء الامور.
عيالنا ما تشوهوا من ارتفاع درجة الحرارة..
و لا المدارس تبخر من هالارتفاع..
في افريقيا و العراق و الدول الفقيرة الطالب يتمرمط
بالساعات مشي علشان يحصل له كرسي يدرس عليه.
من جذيه اشوف مبالغة كبيرة من اولياء الامور
و تدخل اكبر في التعليم.
كل يشتكي من نقطة حسب مصلحته و مصلحة ولده.
اعذرني الكلام مب موجه لك.. لكن هالتدخلات الكبيرة
في قرارات الوزرة اتأثر سلبا على التعليم.
اختي يمامة القضية مب طلبات اولياء امور او طلاب.. القضية وين كنا ووين وصلنا.. كيف الوزارة تصرف اكثر من المدارس الخاصة وتنتج اقل وتبينا نتركهم يشوفون شغلهم.. اعتقد لو نسكت عنهم انهم بيخلون الطلاب يدامون طول السنة .. زين اذا الشويفات منهجهم يوصل الطلاب الى مستويات اعلى من مدارس الوزارة شنو المانع نستفيد منهم ونتبع المنهج والا الوزارة تتبع بس طول الدوام وتنسى الباقي.. اتوقع مدرسة الشويفات عندهم انشطة ترفيهية وموسيقى ومسرح وانشطة رياضية حقيقية ومختبرات الطالب يستخدمها وليست ديكور ولو نحسب الاوقات اللي يقضونها في هذي الانشطة نشوفها اكثر من الفرق في طول اليوم المدرسي وبالتالي الدوام نفس مدارس الحكومة لكن الادارة مختلفة.
يمامـة
17-06-2019, 02:24 PM
:eek5::eek5::eek5::eek5::eek5:
و انا اللي أقول ستو اليمامة راح تكون هي اكبر داعم في الموضوع......
crazycrazycrazycrazycrazy
طيب انت اخذتي رأي ولدج خوسيه قبل ما تردي بالموضوع .... انا قابل برأي خوسيه من قبل اشوفه
طيب على الأقل خلينا نطبطب على الأطفال في المرحلة الابتدائية لانه توهم صغار بالسن.....
انا معاج انه ما نبي ندلع طلاب المدارس علشان يشتد عودهم بس صدقيني كانوا يقدرون يخلصون مدارسهم من شهر بس اللي صار كلها عملية مماطلة في انهاء المنهج مثل كأنه مسلسل تركي و الا مكسيكي
ستو خلدون..
اذا على عيالنا تراهم يبون الشهادات وهم رقود
في البيت ما بين الايباد و السوني و طلبات المعاصر
و محلات الكرك و الكوفي و البرجر..
شوف خلني اعطيك على البلاطة
اولياء الامور هم اللي يتشكون
الاطفال مب مستوعبين الموضوع
تقعدهم اقعدوا و تريقوا و شلوا شناطهم
و راحوا المدرسة..
ركبوا سيارة مكيفة و نزلوا في مدارس مكيفة.
حلووو؟
الشكاوي و الحنة و الزنة من منه؟
من اولياء الامور
انتهى رمضان و يبون المدرسة تتكيف مع رمضان
و يضربون في السعودية خير مثال.
طيب السعودية اختباراتهم بعد عيد الفطر السنة
الياية.. الحين نمشي مع السعودية و لا نمشي مع الوزارة
في قطر؟
يعني حتى انت كاتب الموضوع ما عطيتني
سبب مقنع يخليني اقول معاه حق!!
فاشلون تقول هناك مماطلة في انهاء المنهج؟
السنة تخلص مرات و المنهج ما يخلص..
فهل الاطفال خلصوا السنة و هم ملمين و محققين
المعاير و الاهداف المطلوبة من المنهج؟
اذا ايه بوقف معاك
اذا لاء
جزاهم الله كل خير الوزارة انهم متمسكين
في عيالنا و يعطونهم هالدروس افضل
من النوم و السهر و اللعب في البيت.
يمامـة
17-06-2019, 03:14 PM
اختي يمامة القضية مب طلبات اولياء امور او طلاب.. القضية وين كنا ووين وصلنا.. كيف الوزارة تصرف اكثر من المدارس الخاصة وتنتج اقل وتبينا نتركهم يشوفون شغلهم.. اعتقد لو نسكت عنهم انهم بيخلون الطلاب يدامون طول السنة .. زين اذا الشويفات منهجهم يوصل الطلاب الى مستويات اعلى من مدارس الوزارة شنو المانع نستفيد منهم ونتبع المنهج والا الوزارة تتبع بس طول الدوام وتنسى الباقي.. اتوقع مدرسة الشويفات عندهم انشطة ترفيهية وموسيقى ومسرح وانشطة رياضية حقيقية ومختبرات الطالب يستخدمها وليست ديكور ولو نحسب الاوقات اللي يقضونها في هذي الانشطة نشوفها اكثر من الفرق في طول اليوم المدرسي وبالتالي الدوام نفس مدارس الحكومة لكن الادارة مختلفة.
بخصوص انها تصرف اكثر و تنتج اقل
شوف الوزارة من ايام المجلس الاعلى
خصصت ٢٨ الف ريال كأكبر سعر لقسيمة التعليم
للطالب في المدارس المستقلة.
يعني الطالب حسب القسيمة يكلف الدولة ٢٨ الف لو وصل الثانوية العامة
المدارس الدولية في قطر الطالب يبتدي من ٢٢ الف من الروضة
و يوصل الى ٧٠ او ٨٠ في بعض المدارس لين يخلص
١٢ سنة او ١٣ سنة..
اذا قلنا بالفعل الصرف على التعليم وفق الارقام المعلنة
يعتبر قليل قياسا مع المدارس الدولية..
لكن تبقى المباني عندنا افضل و اكبر و بروفشينال في مقاييس جودة التعليم..
الحين بخصوص الانشطة و المسابقات ما بين الطلاب و المدارس.. هذه نقطة سلبية لازم المدارس الحكومية تحطها
في عين الاعتبار...
المدارس الاجنبية تقدم تعليم متطور و تعليم ترفيهي للطلاب..
الطالب من اول ابتدائي لين يخلص الثانوية مطالب بقراءة القصص و تلخيصها و البحث في المعجم الانجليزي الانجليزي للبحث عن الكلمات و معانيها .
الطالب في المدارس الاجنبية يشارك في انسطة رياضية و تربوية و فنية .. حتى القرطاس يشبه من الارض يكرم و يحصل عليه نقاط..
حتى احترامه لزيه المدرسي له نقاط عليه.
ف
طالبوا بطريقة للتواصل مع وزارة التعليم توصلون لهم اقتراحاتكم فقط لتطوير العملية التعليمية.. مب شكاويكم..
يعني الاقتراحات و الافكار لها قسم خاص بعيد عن الشكاوي.. و اتركوا لهم المجال يختارون الافضل.
و من ثم اسمح لي اوجه لك سؤالي هذا
الحين بما انك تشتكي من طول السنة الدراسية
هل فكرت تعرف او تستفسر عن المنهج اللي يحتاج
كل هالشهور لتغطيته؟
هل فتحت الكتاب وشفت ولدك مستوفي المعايير
و الاهداف المطلوب منه يحققها ولو بنسبة 70%
في الوقت اللي هناك طلاب يعدون المعايير هذي
ويحققون معايير سنة اعلى منهم.
يا اخوي المرتبش ما ابي اكون ضدكم لكني اشوف ان احنا
كأولياء امور نضخم الامور لاننا نبيها حسب راينا احنا و
حسب قناعاتنا.. فالوقت اللي التعليم ماسكينه ناس لهم قناعات بناء على خبرتهم و المسؤولية الملقاة على عاتقهم.
و بناء عليه طالبوا بانشطة تعليمية ترفيهية للطلاب
ركزوا على نقاط النقص في العملية التعليمية في قطر.
الضجة الحاصلة و المظلومية من المدرسات في قطر
امر غير مقبول.. و الامر زاد هاليومين من اولياء الامور و كل هذا يعود سلبا عل عيالكم .. لان ايام التمدرس معروفة من بداية السنة فليش تضغطون على عيالكم حزة الاختبارات بدل ما تعززونهم و تحثونهم حث على احترام و تقبل القرارات الوزراية اللي ما تكلمتوا عليها لما انصدرت؟
اليوم المدرسة تتخرج من الجامعة و تستسلم راتب ما يستلمه خريج هندسة الله يزيدها و يبارك لها و تم تقليل الحصص
عن قبل الا اني يوميا استقبل على الوتس اب سيل من المظلوميات و هالايام ادمجوا امتحانات اليهال و طول السنة الى مظلومياتهم..
فاعذرني اذا لي راي يخالف رايكم..
بس بجد عيالنا في الحكومي ضعاف .. فلا تقول طول السنة هي السبب.. لان لو قللوا السنة الدراسية المصيبة بتصير اكبر..
الحاقول
17-06-2019, 03:58 PM
هناك صراع بين الكم والكيف نجده بوضوح في التعليم ، فمثلاً بالغت مناهجنا في عدد صفحاتها على حساب ما يكتسبه ويتعلمه الطالب من مهارات وقدرة على التفكير. بل إن فيروس الكم طال حتى الرسائل العلمية الجامعية ، فبعضها يصل عدد صفحاتها إلى الألف، في المقابل تذكروا أن عدد صفحات الرسالة العلمية التي حصل بموجبها العالم الفذ أنشتين على جائزة نوبل لم يتجاوز تقريرها ثلاثين صفحة.
حمــد
17-06-2019, 06:24 PM
عدل كلامك اخوي الحاقول .. حتى في الجامعات والاعتراف بها يستفسرون كم ساعات في العام الجامعي شفايده الكم اذا كانت النتيجه ......... وهل لو قل الكم معناها انه المستوى التعليمي فاشل او غير معترف وهل الجامعات العالميه تقيس الامور بالكم ولا بقيمه عقل الناتج !!
R 7 A L
17-06-2019, 07:45 PM
اخوي رحال..
مسكت الكتاب اللي تتهمه انه حشو؟
هل مرت عليك كتب المدرسة الاردنية او المصرية
و قارنتها مع كتب الوزارة؟
هل مرت عليك كتب المدارس الاجنبيةالانترناشينول؟
هل عيالنا مطالبين بابحاث و دوامات اضافية في المدرسة؟
هل عيالنا مطلوب منهم يقرون كتب خارجية
علشان يقدمون بحثهم اللي بناء عليه ينجح او يرسب في المادة؟
بختصر لج كل هالاسئلة
هل تعلمين ان مدة اجازة الطلاب عندنا في قطر 65 يوم بالكثير يعني يداومون عشر شهور في السنة تقريباً
هل تعلمين ان اطول فترة دراسة في العالم للطلاب عندنا في قطر
يعني غيرنا المناهج عندهم ناقصة وحنا صح ؟
موب عيب الواحد يجرب وموب عيب يغلط
لكن ان يستمر في الغلط هو العيب
يمامـة
18-06-2019, 01:12 AM
بختصر لج كل هالاسئلة
هل تعلمين ان مدة اجازة الطلاب عندنا في قطر 65 يوم بالكثير يعني يداومون عشر شهور في السنة تقريباً
هل تعلمين ان اطول فترة دراسة في العالم للطلاب عندنا في قطر
يعني غيرنا المناهج عندهم ناقصة وحنا صح ؟
موب عيب الواحد يجرب وموب عيب يغلط
لكن ان يستمر في الغلط هو العيب
مع انك ما جاوبتني على سؤالي يا اخوي رحال
الا انني متأكدة ان عامنا الدراسي في الحكومة مب
اطول الاعوام الدراسية في العالم.
فحسب تصريحات وزارة التعليم فايام
التمدرس هي ١٧٧ يوم دراسي.
على الطالب التواجد فيها في المدرسة
على كراسي الدراسة.
اما بخصوص الاجازة
راح احط لك ارقام ايام التمدرس
حول العالم و ساعات التمدرس اليومية " من النت"
مقارنة سريعة بين دول العالم من حيث عدد أيام الدراسة:
تأتي كوريا الجنوبية في المرتبة الأولى ب 220 يوما دراسيا، فالدنمارك بـ 200 يوم، وأستراليا بـ 198يوما وتشيكيا بـ 194، وألمانيا بـ 193، فتشيلي وسلوفينيا بـ 192، ونيوزلندا وإنجلترا والنرويج بـ 190، وفنلندا بـ 187، واليونان والمجر بـ 185، والنمسا بـ 180، فبلجيكا بـ 178، وأستونيا وآيسلندا بـ 175، والمكسيك والبرتغال بـ 172، وإيطاليا وإيرلندا بـ 167، ولكسمبورغ بـ 157 يوماً.
*
مقارنة سريعة بين دول العالم من حيث عدد الساعات المخصصة للتدريس في اليوم:
تأتي اليابان في المرتبة الأولى بـ 8 ساعات، فاليونان بـ 7.2 ساعة، يليهما المكسيك وإيطاليا بـ 05 .6 ساعة، وتشيلي بـ 3 .6 ساعة، فالمجر بـ 6 ساعات، فإسبانيا والبرتغال بـ 7 .5 ساعة، وإيرلندا وبلجيكا بـ 3 .5 ساعة، فأستراليا بـ 2 .5 ساعة، وآيسلندا بـ 1 .5 ساعة، فكوريا وإنجلترا بـ 5 ساعات، وتشيكيا وفنلندا بـ 9 .4 ساعة، فأستونيا بـ 8 .4 ساعة، وسلوفينيا وألمانيا بـ 7 .4 ساعة، والدنمارك والنرويج ولوكسمبورج بـ 4 .3 ساعة دراسية في اليوم.
الجدولين يوضحون ان لا احنا اطول سنة دراسية
بعدد الايام و لا الاكثر بعدد الساعات..
و الحين ممكن تجاوبني على سؤالي السابق لو تكرمت.
R 7 A L
18-06-2019, 01:36 AM
مع انك ما جاوبتني على سؤالي يا اخوي رحال
الا انني متأكدة ان عامنا الدراسي في الحكومة مب
اطول الاعوام الدراسية في العالم.
فحسب تصريحات وزارة التعليم فايام
التمدرس هي ظ،ظ§ظ§ يوم دراسي.
على الطالب التواجد فيها في المدرسة
على كراسي الدراسة.
اما بخصوص الاجازة
راح احط لك ارقام ايام التمدرس
حول العالم و ساعات التمدرس اليومية " من النت"
مقارنة سريعة بين دول العالم من حيث عدد أيام الدراسة:
تأتي كوريا الجنوبية في المرتبة الأولى ب 220 يوما دراسيا، فالدنمارك بـ 200 يوم، وأستراليا بـ 198يوما وتشيكيا بـ 194، وألمانيا بـ 193، فتشيلي وسلوفينيا بـ 192، ونيوزلندا وإنجلترا والنرويج بـ 190، وفنلندا بـ 187، واليونان والمجر بـ 185، والنمسا بـ 180، فبلجيكا بـ 178، وأستونيا وآيسلندا بـ 175، والمكسيك والبرتغال بـ 172، وإيطاليا وإيرلندا بـ 167، ولكسمبورغ بـ 157 يوماً.
*
مقارنة سريعة بين دول العالم من حيث عدد الساعات المخصصة للتدريس في اليوم:
تأتي اليابان في المرتبة الأولى بـ 8 ساعات، فاليونان بـ 7.2 ساعة، يليهما المكسيك وإيطاليا بـ 05 .6 ساعة، وتشيلي بـ 3 .6 ساعة، فالمجر بـ 6 ساعات، فإسبانيا والبرتغال بـ 7 .5 ساعة، وإيرلندا وبلجيكا بـ 3 .5 ساعة، فأستراليا بـ 2 .5 ساعة، وآيسلندا بـ 1 .5 ساعة، فكوريا وإنجلترا بـ 5 ساعات، وتشيكيا وفنلندا بـ 9 .4 ساعة، فأستونيا بـ 8 .4 ساعة، وسلوفينيا وألمانيا بـ 7 .4 ساعة، والدنمارك والنرويج ولوكسمبورج بـ 4 .3 ساعة دراسية في اليوم.
الجدولين يوضحون ان لا احنا اطول سنة دراسية
بعدد الايام و لا الاكثر بعدد الساعات..
و الحين ممكن تجاوبني على سؤالي السابق لو تكرمت.
خلي السؤال على جنب
معقولة العله والبلاء في طلابنا بس مقارنه مع جميع طلاب العالم ؟
معماري قطري
18-06-2019, 02:14 AM
بختصر لج كل هالاسئلة
هل تعلمين ان مدة اجازة الطلاب عندنا في قطر 65 يوم بالكثير يعني يداومون عشر شهور في السنة تقريباً
هل تعلمين ان اطول فترة دراسة في العالم للطلاب عندنا في قطر
يعني غيرنا المناهج عندهم ناقصة وحنا صح ؟
موب عيب الواحد يجرب وموب عيب يغلط
لكن ان يستمر في الغلط هو العيب
الحريم يا رحال يوم عطوهم الخيط والمخيط في التعليم صار هذا التخبط اللي ما زلنا فيه .. التعليم عندنا يبي له تربية ويبي له حلول جذرية
معماري قطري
18-06-2019, 02:18 AM
مع انك ما جاوبتني على سؤالي يا اخوي رحال
الا انني متأكدة ان عامنا الدراسي في الحكومة مب
اطول الاعوام الدراسية في العالم.
فحسب تصريحات وزارة التعليم فايام
التمدرس هي ظ،ظ§ظ§ يوم دراسي.
على الطالب التواجد فيها في المدرسة
على كراسي الدراسة.
اما بخصوص الاجازة
راح احط لك ارقام ايام التمدرس
حول العالم و ساعات التمدرس اليومية " من النت"
مقارنة سريعة بين دول العالم من حيث عدد أيام الدراسة:
تأتي كوريا الجنوبية في المرتبة الأولى ب 220 يوما دراسيا، فالدنمارك بـ 200 يوم، وأستراليا بـ 198يوما وتشيكيا بـ 194، وألمانيا بـ 193، فتشيلي وسلوفينيا بـ 192، ونيوزلندا وإنجلترا والنرويج بـ 190، وفنلندا بـ 187، واليونان والمجر بـ 185، والنمسا بـ 180، فبلجيكا بـ 178، وأستونيا وآيسلندا بـ 175، والمكسيك والبرتغال بـ 172، وإيطاليا وإيرلندا بـ 167، ولكسمبورغ بـ 157 يوماً.
*
مقارنة سريعة بين دول العالم من حيث عدد الساعات المخصصة للتدريس في اليوم:
تأتي اليابان في المرتبة الأولى بـ 8 ساعات، فاليونان بـ 7.2 ساعة، يليهما المكسيك وإيطاليا بـ 05 .6 ساعة، وتشيلي بـ 3 .6 ساعة، فالمجر بـ 6 ساعات، فإسبانيا والبرتغال بـ 7 .5 ساعة، وإيرلندا وبلجيكا بـ 3 .5 ساعة، فأستراليا بـ 2 .5 ساعة، وآيسلندا بـ 1 .5 ساعة، فكوريا وإنجلترا بـ 5 ساعات، وتشيكيا وفنلندا بـ 9 .4 ساعة، فأستونيا بـ 8 .4 ساعة، وسلوفينيا وألمانيا بـ 7 .4 ساعة، والدنمارك والنرويج ولوكسمبورج بـ 4 .3 ساعة دراسية في اليوم.
الجدولين يوضحون ان لا احنا اطول سنة دراسية
بعدد الايام و لا الاكثر بعدد الساعات..
و الحين ممكن تجاوبني على سؤالي السابق لو تكرمت.
في قطر ساعات اليوم الدراسي من 7 الى ثنتين وبعضهم يتأخرون شوي يعني مب شوي ولا قريب من المعدل بل من ضمن الأعلى
معماري قطري
18-06-2019, 02:20 AM
ليش نطالع الأكثر والأتعب والارهق لطلابنا ولا نكون مثل اللي يعطون 3 أو 4 ساعات .. من 7 لين 11 تدليع ما بعده تدليع يروح الطالب مفتح ويطلع مفتح
R 7 A L
18-06-2019, 08:53 PM
الحريم يا رحال يوم عطوهم الخيط والمخيط في التعليم صار هذا التخبط اللي ما زلنا فيه .. التعليم عندنا يبي له تربية ويبي له حلول جذرية
مانقدر انعمم اخوي معماري
بس الاكيد ان الخلل في الاستشاريين والمستشاريين
معماري قطري
18-06-2019, 09:49 PM
مانقدر انعمم اخوي معماري
بس الاكيد ان الخلل في الاستشاريين والمستشاريين
قصدي من عينوا الوزير حرمة وقتها تغير كل شيء
الحياة الخالدة
19-06-2019, 12:10 AM
قصدي من عينوا الوزير حرمة وقتها تغير كل شيء
بس وزير التعليم هو الدكتور الحمادي .. اشدخل الوزير حرمة ؟؟!!
انت مخربط بين التعليم والصحة أخوي بوعبدالله
يمامـة
19-06-2019, 12:29 AM
خلي السؤال على جنب
معقولة العله والبلاء في طلابنا بس مقارنه مع جميع طلاب العالم ؟
شوف تراني بجاوب عليك للمرة الثانية على التوالي و انت للحين ما رديت على سؤالي..
بالنسبة لسؤالك
من قال لك ان البلا بس في طلاب قطر؟
فلا الكويت و لا الامارات و لا البحرين و السعودية اعلى منا في مخرجات التعليم الحكومي.
قد تكون لهم أسباب ما اقدر ادعي معرفتها.. لكن عندنا في قطر
راح اذكر لك امثلة
كانت عندنا المدارس النموذجية ماشية مثل الفل قياسا مع مخرجات المدارس المستقلة
اقلها الطالب محصوله في اللغة العربية و الشرعية اكبر و افضل كأقل تقدير لمخرجات التعليم في كل المواد.
من طبقوا فكرة المدارس العلمية على الطلاب المتفوقين في قطر في المرحلة الثانوية
افتحو لهم مدارس للابتدائية و الاعداداية..
و الفكرة كانت جذب واختيار المتفوقين او أصحاب القدرات العالية..
اشويات الا الناس يطالبون ان عيالهم يدخلون هالمدارس فليش ولد فلان دخل و علان دخل و ولدي ما دخل
وليش يسوون اختبارات .. هذي مدارس حكومية و من حق عيالنا يدخلون و... و.... و...
راحوا ايامها و طبقوا نظام المدارس المستقلة.. و سجلوا الطلاب حسب التوزيع الجغرافي
يعني حتى مدارس البيان و عمر صاروا ياخذون الأطفال و الطلاب جيران المدرسة
يعني ما في شي اسمه مدارس للمتفوقين بمناهج قوية..
بل اللي صار الى المعايير نزلوها علشان اللي مستواهم ضعيف يقدرون عليها.
و فوقه رضخوا تحت طلبات أولياء الأمور اللي ما يبون واجبات كثيرة حق عيالهم
و اشوي و اشوي و اشوي في مدارس مستقلة بعض الطلبة وصلوا 4 ابتدائي و انصدموا انهم
ما يعرفون يكتبون كلمة مثل الناس.
و الغوا تقريبا كل ما يتبع نظام المدارس المستقلة و ردوا على الكتب .. و ما بين كل فترة و فترة يطلع لنا واحد
يشتكي على درس من الدروس او كتاب من الكتاب و يقولون ما نعرف نحله..
او صعب.. و عيالنا ما يقدرون و عيالنا اتعبوا.. و احنا نعاني و ... و....
و هالسنة العالم زعلانين ليش عيالنا يداومون بعد العيد و المفروض يأجزون!!
و نسمع دعاوي وتحسب على الوزارة :omen2:
اذا بتقول لي لو كنتي وزيرة اشبتسوين؟
بقول لك الحل ان الدولة تخصص مدارس ب 3 مستويات
مدارس النخبة
مدارس المتفوقين
المدارس العادية
المدارس العادية لاولياء الأمور اللي يبحثون عن دوامات مخففة و منهج مخفف و يحنون ويزنون في كل سنة.
مدارس المتفوقين للطلاب اللي دواماتهم و مناهجهم تكون كما هي الحين في الوزارة مع تعديلات فيها.
اما مدارس النخبة هذه للطلاب اللي قدراتهم عالية و بحاجة الى تعليم يحترم قدراتهم فمناهجهم تكون على قدر
المناهج الدولية و اطور منها ..
مع فتح الباب للانتقال ما بين هالمدارس عند تفوق المستويات الدنيا او تعثر المستويات العليا..
اعتقد بالطريقة هذه وايد ناس بيخجلون من وجود عيالهم في مدارس مستوياتها نازلة
و بيفهمون ليش الوزارة كانت تحاول اتطور عيالهم بس هم كانوا يبون المنهج و الدوام على كيفهم.
وأخيرا
ممكن ترد على سؤالي اللي تتجاوزه:(؟
يمامـة
19-06-2019, 12:54 AM
في قطر ساعات اليوم الدراسي من 7 الى ثنتين وبعضهم يتأخرون شوي يعني مب شوي ولا قريب من المعدل بل من ضمن الأعلى
طول ساعات الدوام اليومي في المدرسة
ما يعني ان احنا أطول سنة دراسية و لا اقل الأيام في الاجازات..
احنا عندنا أسبوعين عطلة الربيع + أسبوع شهر ابريل+ أسبوع عيد الفطر+ شهرين و خريدات الاجازة الصيفية.
ترى الأرقام المحطوطة فوق .. بعضها يعتبر متوسط الساعات 6 ساعات لان في مدارس يابانية
تعدي ال 8 ساعات..
في أمريكا طلاب الابتدائية يداومون 7 ساعات من غير ساعة الفسحة و الاكل.
فلما انت تقول ان ساعات الدوام اليومي عالي.. قول لي كم عدد الأطفال اللي مرضوا من طول يومهم المدرسي؟!!
لا تقول لي انا احس بولدي تعبان او بنتي متضايقة.. قول لي شنهو اللي افقده ولدك في حياته و صحته لما
داوم 6 او 7 ساعات في المدرسة.. وشنهي الامراض اللي عانى منها بسبب هالدوام!!
ولدي ممكن يلعب 9 ساعات في اليوم تحت المكيف وفي الحوش ويراكض و يلعب في الطين و الرمل
لكن انه يكون في مكان يسمونه مدرسة.....> نقول الولد دوامه طويل؟
اخوي معماري شخصيا احترم عقليتك و نوعية ردودك بحكم انك انسان مطلع و مستوعب حاجة البلاد
الى التطور و التغيير..
ما تتطلع له انت مستحيل نحصل عليه في ظل وجود أولياء أمور متذمرين يبون التعليم يمشي حسب مزاجهم.
مستحيل هالشي يصير.
اليوم الدنيا تطورت.. قبل 30 سنة لما تستلم الشهادة كانوا يسئلونك هاا ناجح و لا ساقط؟
بعد 30 سنة من السؤال الموجه لك السؤال صار.. هااه كم نسبتك في الشهادة؟
بعد 10 سنين صار حققت متطلبات الجامعة؟
الحين تعدينا مرحلة حققت متطلبات الجامعة الى التركيز على نوعية الجامعات اللي لازم نحث عيالنا انهم ينتسبون لها.
و كيف نحث عيالنا انهم يتخلصون من هموم مواد في مرحلة دراستهم الثانوية علشان يركزون في مواد اكثر أهمية
و في صميم الدراسة الجامعية.
يمكن البعض يختلف معاي و هذا حق لهم.. و من حقي اني أطالب بتطوير التعليم في البلاد حتى نوصل للمرحلة
اللي تكلمت عنها.. و وصلونا للمرحلة هذه ما بيتم على مستوى الدولة دام ان هناك تذمر مستمر من الوزارة او الجهة
المخولة لتعليم الناس في قطر.
معماري قطري
19-06-2019, 02:04 AM
والله يا اختي يمامة بشوفة عيوني اشوف الأطفال يرجعون من مدارسهم مشي أوقات اداوم متأخر لسبب ما واشوفهم يمشون فوج ومعاهم واحد شيبة شايل علم أحمر وفي يده علامة قف وصفارة .. أكيد عنده ضبط قضائي ويقدر يخالف .. كنت استغرب السرعة اللي يردون بها بيوتهم .. والا فترة الصيف الطويلة عندهم طول ما يحتاج شرح
إجازاتهم وإحنا ثرى تبعناهم فيها بس بمسميات تختلف .. الكرسمس والايستر والله يستر مما خفي .. باختصار اجازات طويلة ودوام مريح
بالصدفة فيه مدرسة كبار بعد كنت اشوفهم اظن الساعة 8 يروحون على ما اذكر وثنتين يرجعون أو قبل مب متأكد
تعالي للجامعة وداومنا فيها ولا فيها تشديد للدوام جاني ظرف وتأخرت ادخل الصف بهدوء ولا حد يسأل أو ينشغل ولو ما جيت واجبي اتابع
اللي نتكلم فيه تشديد وتشريد من التدريس للقطريين وبنفس الوقت طول دوام مرهق وبنفس الوقت عيالنا ما يعرفون يكتبون ولا يعتمدون على نفسهم وحتى مخشوشين عن أشعة الشمس الصحية .. والقصد قليل من جرعات الشمس الصباحية
في النهاية ما نتكلم من فراغ وقائع مارة علينا كلنا والكلام يطول ويطول
R 7 A L
19-06-2019, 02:07 AM
شوف تراني بجاوب عليك للمرة الثانية على التوالي و انت للحين ما رديت على سؤالي..
بالنسبة لسؤالك
من قال لك ان البلا بس في طلاب قطر؟
فلا الكويت و لا الامارات و لا البحرين و السعودية اعلى منا في مخرجات التعليم الحكومي.
قد تكون لهم أسباب ما اقدر ادعي معرفتها.. لكن عندنا في قطر
راح اذكر لك امثلة
كانت عندنا المدارس النموذجية ماشية مثل الفل قياسا مع مخرجات المدارس المستقلة
اقلها الطالب محصوله في اللغة العربية و الشرعية اكبر و افضل كأقل تقدير لمخرجات التعليم في كل المواد.
من طبقوا فكرة المدارس العلمية على الطلاب المتفوقين في قطر في المرحلة الثانوية
افتحو لهم مدارس للابتدائية و الاعداداية..
و الفكرة كانت جذب واختيار المتفوقين او أصحاب القدرات العالية..
اشويات الا الناس يطالبون ان عيالهم يدخلون هالمدارس فليش ولد فلان دخل و علان دخل و ولدي ما دخل
وليش يسوون اختبارات .. هذي مدارس حكومية و من حق عيالنا يدخلون و... و.... و...
راحوا ايامها و طبقوا نظام المدارس المستقلة.. و سجلوا الطلاب حسب التوزيع الجغرافي
يعني حتى مدارس البيان و عمر صاروا ياخذون الأطفال و الطلاب جيران المدرسة
يعني ما في شي اسمه مدارس للمتفوقين بمناهج قوية..
بل اللي صار الى المعايير نزلوها علشان اللي مستواهم ضعيف يقدرون عليها.
و فوقه رضخوا تحت طلبات أولياء الأمور اللي ما يبون واجبات كثيرة حق عيالهم
و اشوي و اشوي و اشوي في مدارس مستقلة بعض الطلبة وصلوا 4 ابتدائي و انصدموا انهم
ما يعرفون يكتبون كلمة مثل الناس.
و الغوا تقريبا كل ما يتبع نظام المدارس المستقلة و ردوا على الكتب .. و ما بين كل فترة و فترة يطلع لنا واحد
يشتكي على درس من الدروس او كتاب من الكتاب و يقولون ما نعرف نحله..
او صعب.. و عيالنا ما يقدرون و عيالنا اتعبوا.. و احنا نعاني و ... و....
و هالسنة العالم زعلانين ليش عيالنا يداومون بعد العيد و المفروض يأجزون!!
و نسمع دعاوي وتحسب على الوزارة :omen2:
اذا بتقول لي لو كنتي وزيرة اشبتسوين؟
بقول لك الحل ان الدولة تخصص مدارس ب 3 مستويات
مدارس النخبة
مدارس المتفوقين
المدارس العادية
المدارس العادية لاولياء الأمور اللي يبحثون عن دوامات مخففة و منهج مخفف و يحنون ويزنون في كل سنة.
مدارس المتفوقين للطلاب اللي دواماتهم و مناهجهم تكون كما هي الحين في الوزارة مع تعديلات فيها.
اما مدارس النخبة هذه للطلاب اللي قدراتهم عالية و بحاجة الى تعليم يحترم قدراتهم فمناهجهم تكون على قدر
المناهج الدولية و اطور منها ..
مع فتح الباب للانتقال ما بين هالمدارس عند تفوق المستويات الدنيا او تعثر المستويات العليا..
اعتقد بالطريقة هذه وايد ناس بيخجلون من وجود عيالهم في مدارس مستوياتها نازلة
و بيفهمون ليش الوزارة كانت تحاول اتطور عيالهم بس هم كانوا يبون المنهج و الدوام على كيفهم.
وأخيرا
ممكن ترد على سؤالي اللي تتجاوزه:(؟
في المشاركة رقم 25 عدة اسألة للامانة موب عارف اي سؤال تقصدين
،
اشكرج جزيل الشكر على هذا الرد الي اتضح لي شي اول مره اعرفه الي ب سببه تكونت المدارس المستقلة
ماضيع التعليم عندنا الا ( النخبه ) او الي مستوياتهم عالية
ليش يخلونهم بروحهم ؟
ايام كنا ندرس صحيح ان مستوياتنا عادية ومعنا طلاب ماشاءالله مستوياتهم عالية في نفس الصف ونفس المدرسة
مافرقوهم عنا وكان التعليم والدراسة ميه بالميه
ليش الجماعة يكابرون ومايرجعون نفس اول ؟
معماري قطري
19-06-2019, 02:09 AM
في النهاية طلعوا عيالنا مفتحين يشوفون اللي يقنصون واللي يقولون شعر ماكلين الجو ومحصلين اللي ما حصلوه المتعلمين يختصرون الطريق من بدايته
R 7 A L
19-06-2019, 02:34 AM
بس وزير التعليم هو الدكتور الحمادي .. اشدخل الوزير حرمة ؟؟!!
انت مخربط بين التعليم والصحة أخوي بوعبدالله
لنكون واقعيين
بغض النظر عن الاسماء والنوع
وزارة الصحة والصحة في قطر اليوم احسن من قبل بعكس التعليم
يمامـة
19-06-2019, 11:43 PM
في المشاركة رقم 25 عدة اسألة للامانة موب عارف اي سؤال تقصدين
مي سوري طلعت مجموعة أسئلة بس اجابتها بتكون وحدة
اخوي رحال..
مسكت الكتاب اللي تتهمه انه حشو؟
هل مرت عليك كتب المدرسة الاردنية او المصرية
و قارنتها مع كتب الوزارة؟
هل مرت عليك كتب المدارس الأجنبية الانترناشينول؟
هل عيالنا مطالبين بابحاث و دوامات اضافية في المدرسة؟
هل عيالنا مطلوب منهم يقرون كتب خارجية
علشان يقدمون بحثهم اللي بناء عليه ينجح او يرسب في المادة؟
متى ما جاوبت على هالاسئلة بتعرف ان عيالنا في الحكومي مرتاحين قياسا مع الطلاب في النظم المتطورة
فلا قصص مطلوب منهم يلخصونها.. و لا بحوث مطلوب منهم يحضرونها و يكتبونها.. و روايات مطلوب منهم
يطلعون منها خامس للكلمة باللغة الفصيحة و لا التعليم نصه في الكتب و نصه في المصادر المفتوحة يروح الطفل يبحث عنها.
وكل ذيه بسبب صراخ أولياء الأمور بسبب ان المناهج ذبحت عيالنا وصعبة عليهم و ما يلحقون يتنفسون!!
اشكرج جزيل الشكر على هذا الرد الي اتضح لي شي اول مره اعرفه الي ب سببه تكونت المدارس المستقلة
ماضيع التعليم عندنا الا ( النخبه ) او الي مستوياتهم عالية
ليش يخلونهم بروحهم ؟
ايام كنا ندرس صحيح ان مستوياتنا عادية ومعنا طلاب ماشاءالله مستوياتهم عالية في نفس الصف ونفس المدرسة
مافرقوهم عنا وكان التعليم والدراسة ميه بالميه
ليش الجماعة يكابرون ومايرجعون نفس اول ؟
اعفوك جزيل العفو على الشكر..
و خلني اسئلك بكل أمانة..
لو عندك طفل قدراته الاستيعابية عالية.. و له اخ توأم قدرته الاسيتعابية بطيئة
حتى مستوى الذكاء و التكتيك و التكنيك و طرق معالجة الأمور بينهم بينها فرق واضح
فهل بتسجلهم اثنينهم في نفس المدرسة اللي منهجها تدعم طفلك الضعيف..
و لا بتسجل ولدك الضعيف في المدرسة اللي تستوعب قدراته .. و تسجل الثاني في المدرسة اللي تطور قدراته؟
اترك لك الإجابة لك و ابيك تأخذ وقتك قبل ما تجاوب و من ثم اجابتي على اسئلتك
وضحت في احد الردود السابقة ان اليوم المفاهيم تغيرت.. لا تقارن تفكيرنا في عام 1980
بتفكيرنا في عام 2000 و بتفكيرنا في عام 2010 و تفكيرنا في عام 2019..
الدنيا تتطور في كل مجالات الحياة و انت اتطالب التعليم يبقى مثل ما هو على ايامك و ايامي؟
اليوم لو تشوف المدارس الأجنبية بكل ما فيها من عيوب او مميزات
اول شي يسوونه بعد تحديد مستوى الطلاب انهم يقسمون الفصل الواحد لمستويين او 3
و عقب الفصل الأول يعيدون فرز الطلاب حسب مستواهم.
فهناك عندهم طلاب 3 مستويات
المتطورين......> هذيلا لما اييون يتخصصون و يختارون المواد للاختبارات الدولية يسمحون لهم
يختارون الفئة الأصعب من الاختبار مثل ( رياضيات 1 و اللغة الأولى في اللغة الإنجليزية و الأولى في العربي او الفرنسي
او الكيمياء او الفيزياء او ... او .....)
العاديين يختارون الفئة الانزل
الضعاف هذيلا طول السنة ينصحون أولياء الأمور بالحاقهم في دروس تقوية في المدرسة
لانهم بمستواهم هذا ما بيعدون الاختبارات الدولية..
بتقول لي شنهي فايدة هالتصنيف
الطلاب في الدول اللي تعليمها متطور تقدر أهمية الحصول على درجات اعلى في فئات اعلى
لأنهم بالطريقة هذه يكونون احق في القبول في الجامعات المرموقة في بلادينهم..
مب نفس ما نسمع في قطر صراخ أولياء الأمور بتخفيض نسب القبول و عدم وضع شروط!!
فلما انت تبي تتكلم عن تعليم متطور .. التطور هذا ما يكون عن طريق الحصول على رضا الطالب
بتخفيض دوامه او تقليل صعوبة اختباراته او تقليل المنهج..
لذلك نصيحتي شاركوا في تطوير العملية التعليمية من غير تذمر و تشكي على اللي تعرفونه و اللي ما تعرفونه
.
فالمساهمة في دفع عجلة التنمية في بلادنا يحتاج الى تقديم العون مب كثرة الانتقاد عمال على بطال.
وشكرا لك.
يمامـة
19-06-2019, 11:46 PM
في النهاية طلعوا عيالنا مفتحين يشوفون اللي يقنصون واللي يقولون شعر ماكلين الجو ومحصلين اللي ما حصلوه المتعلمين يختصرون الطريق من بدايته
حتى اللي يشعر و يقنص تراه ينظر للمتعلم انه وصل للي هو ما قدر يوصل له ويشعر بالنقص
و يتمنى انه مكمل دراسته و محصل شهادته. و يفتخر بنفسه انه متعلم.
فالدولة لما تصرف هالمليارات على الشعب علشان يتطور و يتعلم أكيد مب عيزانة تخصص
هالمبلغ تطلع أجيال من الشعراء..
بس التعليم مهم في تطور الأمم بينما الشعر رزق ربنا ساقه للي الله حباهم في اتقانه.
يمامـة
19-06-2019, 11:49 PM
والله يا اختي يمامة بشوفة عيوني اشوف الأطفال يرجعون من مدارسهم مشي أوقات اداوم متأخر لسبب ما واشوفهم يمشون فوج ومعاهم واحد شيبة شايل علم أحمر وفي يده علامة قف وصفارة .. أكيد عنده ضبط قضائي ويقدر يخالف .. كنت استغرب السرعة اللي يردون بها بيوتهم .. والا فترة الصيف الطويلة عندهم طول ما يحتاج شرح
إجازاتهم وإحنا ثرى تبعناهم فيها بس بمسميات تختلف .. الكرسمس والايستر والله يستر مما خفي .. باختصار اجازات طويلة ودوام مريح
بالصدفة فيه مدرسة كبار بعد كنت اشوفهم اظن الساعة 8 يروحون على ما اذكر وثنتين يرجعون أو قبل مب متأكد
تعالي للجامعة وداومنا فيها ولا فيها تشديد للدوام جاني ظرف وتأخرت ادخل الصف بهدوء ولا حد يسأل أو ينشغل ولو ما جيت واجبي اتابع
اللي نتكلم فيه تشديد وتشريد من التدريس للقطريين وبنفس الوقت طول دوام مرهق وبنفس الوقت عيالنا ما يعرفون يكتبون ولا يعتمدون على نفسهم وحتى مخشوشين عن أشعة الشمس الصحية .. والقصد قليل من جرعات الشمس الصباحية
في النهاية ما نتكلم من فراغ وقائع مارة علينا كلنا والكلام يطول ويطول
اخوي معماري..
هل لقيتني قلت ان نظامنا التعليمي كامل من مجاميعه؟
اكيد هناك سلبيات ما نقدر ننكرها و نتمنى ان تنحل و تتغير..
بس نقطة التذمر من وجود عيالنا للحين في فترة الاختبارات و صراخ المعلمات من الظلم
اللي يعانون منه.. و انهم انهد حيلهم و انهم يداومون و ينكرفون و ما عندهم وقت يتنفسونه
و طول السنة شكاوي في كل مكان .. حتى مع نهاية السنة بدل الطالب يدخل الاختبارات بدعم و تشجيع
يدخل و كم كبير من الشحنات السلبية تزفه زف للاختبارات و ناطر تعزيز من الاهل و المحيطين لالقاء اللوم
على الوزارة في أي تراجع يسجله في النتايج.
معماري قطري
20-06-2019, 01:56 AM
بس وزير التعليم هو الدكتور الحمادي .. اشدخل الوزير حرمة ؟؟!!
انت مخربط بين التعليم والصحة أخوي بوعبدالله
الدكتور الحمادي ضحية سياسة الوزيرة السابقة من وقتها بدأ هذا التغيير اللي ما ترقعنا بعده
معماري قطري
20-06-2019, 02:09 AM
اخوي معماري..
هل لقيتني قلت ان نظامنا التعليمي كامل من مجاميعه؟
اكيد هناك سلبيات ما نقدر ننكرها و نتمنى ان تنحل و تتغير..
بس نقطة التذمر من وجود عيالنا للحين في فترة الاختبارات و صراخ المعلمات من الظلم
اللي يعانون منه.. و انهم انهد حيلهم و انهم يداومون و ينكرفون و ما عندهم وقت يتنفسونه
و طول السنة شكاوي في كل مكان .. حتى مع نهاية السنة بدل الطالب يدخل الاختبارات بدعم و تشجيع
يدخل و كم كبير من الشحنات السلبية تزفه زف للاختبارات و ناطر تعزيز من الاهل و المحيطين لالقاء اللوم
على الوزارة في أي تراجع يسجله في النتايج.
عيل ليش التعنت في هذي السياسة التعليمية
قبل كنت اشوف اللي حولي من مدرسات بنسخون دفاتر التحضير نسخ ويجددونها .. لماذا وليشٌ كل هذا؟
شفت مدرسين الجامعة في أمريكا يكررون الامتحانات ويمكن يغيرون شيء بسيط ويكررون الوظائف أو المشاريع وبعض الطلبة عندهم القديم وعارفين خارطة الطريق .. في يدهم دفتر أو ملف التحضير مهتري من سنوات ما تغير يضيفون عليه بس ويشخبطون .. مستغرب ليش ما يخلون معلمينا مثلهم
في الصيف كانت الاجازة توصل 4 شهور بس فيه فصل صيفي قليل من المعلمين باختيارهم يعطون حصص فيه وقليل من الطلاب يداومون فيه بعد باختيارهم .. حتى المدرسين لهم ساعات عمل محددة وحصص معينة بعدها فيه أوقات مكتبية لمراجعة الطلاب وباقي الوقت بعض المدرسين يشتغلون شغل غير في شركات وبعضهم يعطون ساعات زيارة هناك في مقر شغلهم .. يعني عادي نشوف مدرس يداوم يومين بس وكل يوم كم ساعة
شوفي عندنا كيف الابتزاز فيه مدرسين يعطون حصة ويقعدون باقي الوقت دوام كرسي فقط ولو كلفوا بشغلات ثانية اتوقع مب من واجبهم يسوونها
الحياة الخالدة
20-06-2019, 02:11 AM
الدكتور الحمادي ضحية سياسة الوزيرة السابقة من وقتها بدأ هذا التغيير اللي ما ترقعنا بعده
ياخوي الدكتور الحمادي مستلم الوزارة من 2013 يعني كل الإخفاقات بنقطها في راس الوزيرة السابقة ؟؟
معماري قطري
20-06-2019, 02:16 AM
ياخوي الدكتور الحمادي مستلم الوزارة من 2013 يعني كل الإخفاقات بنقطها في راس الوزيرة السابقة ؟؟
هذي ملاحظتي وهو مستمر في تنفيذ السياسة السابقة سياسة المجلس الأعلى المهم القائمين عليها نساء وكانوا يروجون لها .. هذي ببساطة جزء من نتائجها
معماري قطري
20-06-2019, 02:19 AM
انتقادي حتى لأُم عيالي هي مع هذي المنظومة ومقتنعة بوجهة نظري شلوا التربية كلش وركزوا على العلوم وخلوا اللغة العربية وألحين افاقوا من خطأهم وقرروا التعديل باستحياء
معماري قطري
20-06-2019, 02:23 AM
الحكومة خسرت على مدارس جيدة بس مظلمة ما تدخلها الشمس وما خسرت على سياسة تعليمية فيها حتى شوية عقاب .. دخلت مدرسة ثانوية كل حوائطها الداخلية صوب الصفوف مرسوم عليها ومشخبطين .. شوي الا اثنين يتراكضون كل واحد يرش حبر على الثاني .. سألت المشرف شيصير قال هذا شيء بسيط ولو نحاسبهم تنقلب المسالة علينا .. عذرتهم .. هذا مب تعليم وضع صعب جداً على المدرسين والاداريين مقيدين ومطلوب منهم الشيء الكبير
khaldoon
25-06-2019, 12:02 PM
الموضوع له جانبين مهمين.. الحرارة وطول فترة التمدرس .. الحرارة مالها ان شالله اي تأثير على الطلاب او اولياء الامور.. الحمدلله كل شي مكيف والحرارة مابتختفي لو الطالب قعد في البيت.
صحيح بس نقدر نتجنب خروج الطلاب و الطالبات خصوصا الأطفال خلال النهار لو خلصوا امتحاناتهم قبل العيد مثلا علسان ما نخرب عليهم فرحة العيد ولا يستمرون في جو الدراسة حتى نهاية شهر يونيو...
اما طول الدوام وفترة التمدرس فهذا عذاب يومي للطالب.. بسهولة تقدر وزارة التعليم تقليص فترة الدراسة شهر .. تقدر بالغاء الدوام بعد امتحانات الفصل الاول وبدء اجازة الربيع وتوفر اسبوع او اكثر وكذلك اسبوع بعد امتحانات نصف الفصل الثاني واجازة منتصف الفصل... وغيرها من ترتيبات كبدء الدراسة من الاحد بدل الاربعاء وضياع يومين وانتهاء الامتحانات الخميس بدل منتصف الاسبوع.
ايضا الوزارة مطالبة بايجاد حل لطول اليوم المدرسي.. الطلاب ينامون في المدرسة وفي الباص من طول الدوام.. ما اذكر ايامنا حد ينام في الصف.. المسؤولين عن التعليم المفروض يراعون الجوانب الغير مدرسية في التعلم ونمو الطفل والطالب بشكل شامل .. ممارسة الانشطة بعد المدرسة ضرورية مثلا تحفيظ القرآن والاندية اللي حاليا طول الدوام يقلل من فرص المشاركة فيها.
الرد بالاحمر.... و الباقي متفق تماما معاك يا صديقي العزيز
khaldoon
25-06-2019, 12:06 PM
للاسف
وزارة التعليم عندنا في الحظيظ وين كنا وكيف صرنا
مدارس حديثة ورواتب عالية ولكن المحصلة زيرو
اختفى المعلم /ة القطري/ة وقد لايكادالا في الوظائف الإدارية ويمكن بكرة مانحصلة فيها
الحصص وقتها طويل
الموسم السنوي طويل جداًعلى الطلاب والمدرسين
المنهج الله بالخير واغلبة حشو
ياليت يرجعون لنا وزارة التربية والتعليم ايام بداية التسعينيات وقبلها بكل مافيها
الموسم الدراسي طويل جدا بسبب عطلة السبت و الجمعه هذه لوحدها 52 يوم زيادة و إجازة منتصف العام تقريبا زادت أسبوعين يعني صارت أطول و اخترعوا إجازة الربيع عشر أيام يعني 52+14+10=76 يوم اجازات تقريبا خلال السنة الدراسية ... زمان على أيامنا كنا نعطل من شهر مايو و حتى 14 سبتمبر... يعني اربع شهور الى اربع شهور و نصف
الحين المدارس ما خلصت للابتدائي و الاعدادي و المدارس بتفتح يمكن اخر شهر أغسطس يعني تقريبا شهرين الا إجازة الصيف
khaldoon
25-06-2019, 12:10 PM
المدارس الخاصه اجازه ومفتلين والمدارس الحكوميه من اسوأ الى اسوأ
الحل يبيلنا وزير قوي مش وزير ضايع ومسوي نفسه بالعريف والافضل يكون من الاسره الحاكمه
:secret:
khaldoon
25-06-2019, 12:37 PM
اخوي المرتبش..
بقول لك حكاية من الحكايات ......> اشعندها ديدا حبابة؟
سمعت و من مصادر موثوقة بما فيهم عيالي
ان طلاب مدرسة شويفات اللي ينقبلون في جامعات
المدينة التعليمية الشطار منهم ما شاء الله
يعدي رياضيات ١ و ٢ و يمكن ٣
و يعدون فيزياء ١ و ٢ و يمكن ٣
و يعادلون لهم ساعات في مواد ثانية
طلاب شويفات وطلاب مدرستين هنديتين في قطر.
للعلم مدرسة شويفات مرات دوامهم لين ٤ العصر
و الطلاب عايشين في قطر مب في فينا.
طلاب شويفيات يحلون واجباتهم داخل المدرسه يعني ما يروحون البيت علشان يسوون homework لاخر الليل
اما الطالب المتفوق خريج المدارس الحكومية
و صاحب نسبة ٩٩% يدخل هالجامعات بواسطة شهادة
ايلدز ونتيجة اختبار الايه سي تي.
و ياخذ كل شي من الصفر الا اذا تعدى اختبار الرياضيات
الخاص في الجامعة.
الواحد لما يشوف مخرجات المدارس هذه مقارنة
مع مخرجات مدارسنا الحكومية يتحسر على المليارات
اللي ضاعت على التعليم.
يا ستو ما تنسي انه الطالب في الشويفات يكلف ابوه مبلغ كبير جدا اكبر مما يكلف الحكومه للطالب الواحد بالمدارس المستقله
لذلك اشوف ان نترك الوزارة تشوف شغلها
و احنا نشوف شغلنا..
كيف نخلي الوزارة تشوف شغلها و احنا نشوف شغلنا و حضرتك مب راضية عن المخرجات..... معناته في عنا مشكله في المخرجات التعليميه معناته الوزاره مب شايفه شغلها صح ولا تبينا نقولها شوفي تجارب الاخرين مثل شويفات و احنا نشوف شغلنا و طريقتك يا ستو في انك تشوفي شغلك هي انك استغنيتي عن التعليم الحكومي و رحتي على التعليم الخاص... هذا حل passive not active يعني حل سلبي و ليس فعال و لا يستطيع الغالبية اللجوء اليه و بذلك لا جدوى مما تقوم به الوزاره طالما قولنا لها ما نبي شي منكم ....الله الغني عنكم و عن تعليمكم و مخرجاتكم ....معناته هذا اهدار للمال العام ....الدولة تصرف فلوس على التعليم الحكومي و احنا أصلا مستغنيين تماما عنه وشوفنا شغلنا مع التعليم الخاص... يعني ينفع أقول لامي اطبخي الاكل و انا ناوي أصلا اكل من بره؟
الطالب اللي يعيش في وسط هالكمية من السلبية
تجاه الجهة المختصة في التعليم ما بيتطور و لا بينتج
حتى لو نفذت الوزارة كل طلبات اولياء الامور.
عيالنا ما تشوهوا من ارتفاع درجة الحرارة..
و لا المدارس تبخر من هالارتفاع..
في افريقيا و العراق و الدول الفقيرة الطالب يتمرمط
بالساعات مشي علشان يحصل له كرسي يدرس عليه.
الله يديم النعمه على قطر و أهلها ولا يغير عليهم يا رب
من جذيه اشوف مبالغة كبيرة من اولياء الامور
و تدخل اكبر في التعليم.
كل يشتكي من نقطة حسب مصلحته و مصلحة ولده.
اعذرني الكلام مب موجه لك.. لكن هالتدخلات الكبيرة
في قرارات الوزرة اتأثر سلبا على التعليم.
الرد بالاحمر يا ستو...كل الشكر و التقدير
khaldoon
25-06-2019, 12:43 PM
اخوي رحال..
مسكت الكتاب اللي تتهمه انه حشو؟
هل مرت عليك كتب المدرسة الاردنية او المصرية
و قارنتها مع كتب الوزارة؟
هل مرت عليك كتب المدارس الاجنبيةالانترناشينول؟
هل عيالنا مطالبين بابحاث و دوامات اضافية في المدرسة؟
هل عيالنا مطلوب منهم يقرون كتب خارجية
علشان يقدمون بحثهم اللي بناء عليه ينجح او يرسب في المادة؟
هل تعلمي طريقة التدريس في المدارس الاردنيه؟ ما راح أتكلم عن المدارس المصريه لاني ما اعرف عنها شي لاني مب مصري.... هل تعلمي انه لا يجوز الترسيب حتى الثانويه العامه... يعني صحيح الكتب حشو و شكلها مقرف و يغث من سوء الإخراج لتخفيض التكاليف بس بالنهاية ما احد يرسب.... معناته في الأخير الواحد عارف حاله رايح الجنه في جميع الأحوال و لهالسبب الطالب غير الشاطر (انتبهي قولت غير الشاطر مب الغير شاطر...متعوب عليها) ناجح ناجح و بترفع لصفوف اعلى و بالنهاية هو لا يستحق المكان او الصف اللي هو فيه و لهالسبب بس يوصل الثانويه العامه يبتدي الجد ولهالسبب نسب النجاح بتكون 18% مثلا.... خلاص غربلة و تنخيل للحقيقه
بخصوص الأبحاث فانا أتمنى تسكر كل مكاتب النسخ السريع اللي تسوي أبحاث جاهزة لطلاب المدارس و الجامعات و أتمنى حملات تفتيش و عمل كمائن لهم
khaldoon
25-06-2019, 01:02 PM
اختي يمامة القضية مب طلبات اولياء امور او طلاب.. القضية وين كنا ووين وصلنا.. كيف الوزارة تصرف اكثر من المدارس الخاصة وتنتج اقل وتبينا نتركهم يشوفون شغلهم.. اعتقد لو نسكت عنهم انهم بيخلون الطلاب يدامون طول السنة .. زين اذا الشويفات منهجهم يوصل الطلاب الى مستويات اعلى من مدارس الوزارة شنو المانع نستفيد منهم ونتبع المنهج والا الوزارة تتبع بس طول الدوام وتنسى الباقي.. اتوقع مدرسة الشويفات عندهم انشطة ترفيهية وموسيقى ومسرح وانشطة رياضية حقيقية ومختبرات الطالب يستخدمها وليست ديكور ولو نحسب الاوقات اللي يقضونها في هذي الانشطة نشوفها اكثر من الفرق في طول اليوم المدرسي وبالتالي الدوام نفس مدارس الحكومة لكن الادارة مختلفة.
متفق تماما معاك
khaldoon
25-06-2019, 01:13 PM
ستو خلدون..
اذا على عيالنا تراهم يبون الشهادات وهم رقود
في البيت ما بين الايباد و السوني و طلبات المعاصر
و محلات الكرك و الكوفي و البرجر..
شوف خلني اعطيك على البلاطة
اولياء الامور هم اللي يتشكون
الاطفال مب مستوعبين الموضوع
تقعدهم اقعدوا و تريقوا و شلوا شناطهم
و راحوا المدرسة..
ركبوا سيارة مكيفة و نزلوا في مدارس مكيفة.
حلووو؟
الشكاوي و الحنة و الزنة من منه؟
من اولياء الامور
انتهى رمضان و يبون المدرسة تتكيف مع رمضان
و يضربون في السعودية خير مثال.
طيب السعودية اختباراتهم بعد عيد الفطر السنة
الياية.. الحين نمشي مع السعودية و لا نمشي مع الوزارة
في قطر؟
يعني حتى انت كاتب الموضوع ما عطيتني
سبب مقنع يخليني اقول معاه حق!!
فاشلون تقول هناك مماطلة في انهاء المنهج؟
السنة تخلص مرات و المنهج ما يخلص..
فهل الاطفال خلصوا السنة و هم ملمين و محققين
المعاير و الاهداف المطلوبة من المنهج؟
اذا ايه بوقف معاك
اذا لاء
جزاهم الله كل خير الوزارة انهم متمسكين
في عيالنا و يعطونهم هالدروس افضل
من النوم و السهر و اللعب في البيت.
هل جاب تمسكهم نتيجه و الا بس مماطله و تمدرس و عذاب
انا متفق مع اللي كل قولتيه فوق و انا اشوف من زمان انه حضرتك مب راضيه عن التعليم الحكومي و من زمان حطيتي اولادج الله يحفظهم في مدارس خاصه و دائما تطرحين مقارنه بين التعليم الخاص و الحكومي لو شوفتي موضوع عن التعليم ..ما اختلفنا و متفق معاكي انه مخرجات التعليم الخاص لبعض المدارس اقوى.... بس في نقطه مهمه ..... كيف نقارن فيراري بتويوتا مثلا..... شوفي كم سعر الفيراري و كم سعر التويوتا
الدوله قالت ما اقدر اوفر لكم فيراري بس اقدر اوفر تويوتا ببلاش للمواطنين و هو غالي مكلف بعد و بسعر مدعوم للمقيمين بحيث يدفعون بس ما يعادل 10% تقريبا او اقل مما يكلف الدوله و هذا المبلغ بس بدأ من هذه السنه
2018/2019
يعني لما احد يقول انا وفرت لك تعليم و جبت لك احسن جامعات العالم أقوله اوكي بس how much I have to pay?
فأعتقد من غير العدل و الانصاف انه نقارن بين التعليم الخاص المحترم العالي و التعليم الحكومي
يمامـة
26-06-2019, 10:45 AM
ستو خلدون.. صباحك زعتر بزيت الزيتون مع الخبز الطازج الخارج من عمق التنور البلدي..
و من ثم*
الموضوع هذا ابدا ماله علاقة بالمقارنة ما بين مدارس حكومية او خاصة..
و اذا بتكلم بشكل شخصي بما انك دققت علي اني امدح التعليم الانترناشونال و اللي يطبقونه بعض المدارس الخاصة .. هذا له اسبابه بتكتشفها لما يدخل ولدك في الجامعة و تشوف ان التعليم اللي حصل عليه في المدرسة اسقطت عنه مواد و حسبت له مواد و ساعات بسببها..
اما موضوعنا هذا و ساعات الدوام الطويلة او ايام تمدرس طويلة..
شخصيا شلت عيالي من مدارس حكومية عادية و زجيت فيهم في مدارس علمية على الرغم من اني اعرف ان المدارس العلمية أصعب كما و كيفا .. و دوامهم اطول.
و حتى لما عيالي كانوا في الحكومي .. ما كان عندي شي اسمه يقضي الصيف رقاد و لعب .. فمستحيل ما كانوا يشاركون في مراكز صيفية علمية و ترفيهية و رياضية .. بالاضافة الى جزئية التقوية في البيت سواء في اللغة العربية او الانجليزية او الرياضيات بوجود مدرسين خصوصيين او التسجيل عبر الانترنت او التسجيل في مراكز لتعليم التصميم و الكمبيوتر ..
فتخيل عيالي ما كانوا يشتكون من طول الدوام المدرسي و لا اشتكوا لما انتقلوا لمدارس اصعب.. مب لانهم نوابغ بس لان في البيت ما يسمعون حنة و رنة بسبب طول السنة الدراسية او صعوبتها..
و لما اكبروا الله يحفظهم* اثنين منهم من ادخلوا الجامعات قالوا لي خوسيه ما يدخل مدارس حكومية و احنا مستعدين نساهم في دفع رسوم مدرسته و من الخيارات كانت مدرسة الشويفات.. تخيل انت انهم ما ابحثوا عن مدرسة دوامها عادي و لا سهل .. حطوا عيونهم على مدرسة دوامها لين ٤ العصر اذا استدعى الامر انه يتم فيها...
الدولة بالمسؤولين عن التعليم قاعدين يجاهدون لتوفير تعليم متطور في البلاد.. لكن للاسف الناس ما يساعدون و لا يبون يساهمون في تطوير التعليم .. طبعا ما اعمم على الكل كلامي هذا لكن كثر الشكاوي من كل شي يخلي الذهب يصدي.. و ما بالك في تطبيق اهداف واضعتها الوزارة لتطوير التعليم!!
ما ادري متى الناس يتعلمون ان كثرة الحنة تقل البركة و تييب الاكتئاب؟
متى يتعلمون ان الانتقاد الكثير يخرب النفسيات ؟
متى يتعلمون انهم يتسببون بشكل مباشر في التأثير على نفسيات عيالهم بالسلب لما ينتقدون كل شي متعلق بالعملية التعليمية؟
الدولة موفرة فيراري للتعليم لكن من غير مكينة ( هيهيهي )
فلو الوزارة ركبت مكينة الفيراير مثل التعليم الدولي المتبع في نظام التعليم البريطاني او الدبلوم الدولي .. صدقني بتلقى ناس وايد بيخترقون قانون البلاد و بيطلعون مظاهرات هم و عيالهم ضد الوزارة.
فلا تظن ان التعليم الدولي سهل و الطالب في مدرسته يلعب بينما طلاب الحكومي مكروفين.
ترى طلاب الخاصة اللي يبي نتايج زينة ينكرف كرف اليهد و يدرس مقررات اقوى و اصعب من الحكومي فالوزارة مب مرتاحة من حنة المدرسين قبل اولياء الامور مع الوضع الحالي بعد تبي مكينة فيراري على التعليم!!؟
ما اشوف حد يشتكي و يتساءل ليش الشهادة
الثانوية الحكومية في قطر حتى لو الطالب جاب ١٠٠
في كل المواد .. نتايجه ما تشفع له باسقاط ساعات او معادلاتها في جامعات دولية؟
شلي ناقصنا في التعليم الحكومي؟
بينما نفس الطالب لو تخرج من مدرسة دولية
شهادته و نتايجه تشفع له بكل ما تم ذكره !؟
مرتبش
26-06-2019, 10:48 AM
هانت
اليوم اخر امتحان لصفوف النقل.. وننتظر النتايج وخصوصا الثانوية العامة لقبول الجامعات وسيئ الحظ اللي بيحتاج دور ثاني لمرض او لرسوب لن يتمكن من دخول جامعة قطر لان اعلان القبول فيها سيكون 28 يوليو اي قبل نهاية امتحانات الدور الثاني.
نشكر وزارة التعليم والتعليم العالي على التنسيق الرائع
يمامـة
26-06-2019, 10:58 AM
هانت
اليوم اخر امتحان لصفوف النقل.. وننتظر النتايج وخصوصا الثانوية العامة لقبول الجامعات وسيئ الحظ اللي بيحتاج دور ثاني لمرض او لرسوب لن يتمكن من دخول جامعة قطر لان اعلان القبول فيها سيكون 28 يوليو اي قبل نهاية امتحانات الدور الثاني.
نشكر وزارة التعليم والتعليم العالي على التنسيق الرائع
اخوي مرتبش.. صباحك خير
في شي يسمونه قبول مبكر..
الطالب من يخلص اختبارات الفصل الاول
يقدم شهادته و اوراقه للجامعات و ينتظر القبول.
بمعنى.. اللي يبي بتخصص هندسة في جامعة قطر
عليه انه يجيب الايلتز و الايه سي تي قبل
ما يخلص اختبارات الثانوية العامة.
علشان يضمن انه ما يخذ تأسيسي..
اما اذا عادي عنده ياخذ تأسيسي من يخلص
اختبارات الفصل الاول يقدم اوراقه للجامعة..
هذي هي بنت اخوي حصلت قبول في جامعة قطر
و هي بعدها ما استلمت نتايج الفصل الثاني..
اما جامعات المدينة التعليمية.. باب التسجيل
ينفتح من يناير لين مارس اعتقد
و عقبها يغلقون باب التسجيل..
فالمفروض الناجحين اكثر من الراسبين
فمحد يفوته تسجيل في اي جامعة..
اما اذا الطالب ما عنده علم بالامور هذي
و اسرته ما عندهم علم بالامور هذي..
هناك خلل في الموضوع تتحمل ادارة المدرسة
و الطالب و اسرته سبب الخلل هذا..
ادارة المدرسة كان عليها توضيح هالامور في اجتماع اولياء الامور.
الطالب المفروض يكون على علم بما ان ربعه في المدرسة مقدمين.
الاسرة تتحمل المسؤولية اذا كانت المدرسة
نبهت اولياء الامور في اجتماع اولياء الامور
او بإخطارات رسمية.
مرتبش
26-06-2019, 11:47 AM
اخوي مرتبش.. صباحك خير
في شي يسمونه قبول مبكر..
الطالب من يخلص اختبارات الفصل الاول
يقدم شهادته و اوراقه للجامعات و ينتظر القبول.
بمعنى.. اللي يبي بتخصص هندسة في جامعة قطر
عليه انه يجيب الايلتز و الايه سي تي قبل
ما يخلص اختبارات الثانوية العامة.
علشان يضمن انه ما يخذ تأسيسي..
اما اذا عادي عنده ياخذ تأسيسي من يخلص
اختبارات الفصل الاول يقدم اوراقه للجامعة..
هذي هي بنت اخوي حصلت قبول في جامعة قطر
و هي بعدها ما استلمت نتايج الفصل الثاني..
اما جامعات المدينة التعليمية.. باب التسجيل
ينفتح من يناير لين مارس اعتقد
و عقبها يغلقون باب التسجيل..
فالمفروض الناجحين اكثر من الراسبين
فمحد يفوته تسجيل في اي جامعة..
اما اذا الطالب ما عنده علم بالامور هذي
و اسرته ما عندهم علم بالامور هذي..
هناك خلل في الموضوع تتحمل ادارة المدرسة
و الطالب و اسرته سبب الخلل هذا..
ادارة المدرسة كان عليها توضيح هالامور في اجتماع اولياء الامور.
الطالب المفروض يكون على علم بما ان ربعه في المدرسة مقدمين.
الاسرة تتحمل المسؤولية اذا كانت المدرسة
نبهت اولياء الامور في اجتماع اولياء الامور
او بإخطارات رسمية.
يحصل قبول .. شرط انه ينجح ويقدم شهادته الثانوية قبل الاعلان في 28 يوليو
يمامـة
26-06-2019, 05:02 PM
يحصل قبول .. شرط انه ينجح ويقدم شهادته الثانوية قبل الاعلان في 28 يوليو
و ان شاء الله نتايج بتطلع قبل ..
و بيمديهم الطلاب يخلصون اوراقهم..
و يارب يفرح قلوبكم و قلوبنا بنتايج عيالكم.
معماري قطري
26-06-2019, 11:37 PM
ستو خلدون.. صباحك زعتر بزيت الزيتون مع الخبز الطازج الخارج من عمق التنور البلدي..
و من ثم*
الموضوع هذا ابدا ماله علاقة بالمقارنة ما بين مدارس حكومية او خاصة..
و اذا بتكلم بشكل شخصي بما انك دققت علي اني امدح التعليم الانترناشونال و اللي يطبقونه بعض المدارس الخاصة .. هذا له اسبابه بتكتشفها لما يدخل ولدك في الجامعة و تشوف ان التعليم اللي حصل عليه في المدرسة اسقطت عنه مواد و حسبت له مواد و ساعات بسببها..
اما موضوعنا هذا و ساعات الدوام الطويلة او ايام تمدرس طويلة..
شخصيا شلت عيالي من مدارس حكومية عادية و زجيت فيهم في مدارس علمية على الرغم من اني اعرف ان المدارس العلمية أصعب كما و كيفا .. و دوامهم اطول.
و حتى لما عيالي كانوا في الحكومي .. ما كان عندي شي اسمه يقضي الصيف رقاد و لعب .. فمستحيل ما كانوا يشاركون في مراكز صيفية علمية و ترفيهية و رياضية .. بالاضافة الى جزئية التقوية في البيت سواء في اللغة العربية او الانجليزية او الرياضيات بوجود مدرسين خصوصيين او التسجيل عبر الانترنت او التسجيل في مراكز لتعليم التصميم و الكمبيوتر ..
فتخيل عيالي ما كانوا يشتكون من طول الدوام المدرسي و لا اشتكوا لما انتقلوا لمدارس اصعب.. مب لانهم نوابغ بس لان في البيت ما يسمعون حنة و رنة بسبب طول السنة الدراسية او صعوبتها..
و لما اكبروا الله يحفظهم* اثنين منهم من ادخلوا الجامعات قالوا لي خوسيه ما يدخل مدارس حكومية و احنا مستعدين نساهم في دفع رسوم مدرسته و من الخيارات كانت مدرسة الشويفات.. تخيل انت انهم ما ابحثوا عن مدرسة دوامها عادي و لا سهل .. حطوا عيونهم على مدرسة دوامها لين ظ¤ العصر اذا استدعى الامر انه يتم فيها...
الدولة بالمسؤولين عن التعليم قاعدين يجاهدون لتوفير تعليم متطور في البلاد.. لكن للاسف الناس ما يساعدون و لا يبون يساهمون في تطوير التعليم .. طبعا ما اعمم على الكل كلامي هذا لكن كثر الشكاوي من كل شي يخلي الذهب يصدي.. و ما بالك في تطبيق اهداف واضعتها الوزارة لتطوير التعليم!!
ما ادري متى الناس يتعلمون ان كثرة الحنة تقل البركة و تييب الاكتئاب؟
متى يتعلمون ان الانتقاد الكثير يخرب النفسيات ؟
متى يتعلمون انهم يتسببون بشكل مباشر في التأثير على نفسيات عيالهم بالسلب لما ينتقدون كل شي متعلق بالعملية التعليمية؟
الدولة موفرة فيراري للتعليم لكن من غير مكينة ( هيهيهي )
فلو الوزارة ركبت مكينة الفيراير مثل التعليم الدولي المتبع في نظام التعليم البريطاني او الدبلوم الدولي .. صدقني بتلقى ناس وايد بيخترقون قانون البلاد و بيطلعون مظاهرات هم و عيالهم ضد الوزارة.
فلا تظن ان التعليم الدولي سهل و الطالب في مدرسته يلعب بينما طلاب الحكومي مكروفين.
ترى طلاب الخاصة اللي يبي نتايج زينة ينكرف كرف اليهد و يدرس مقررات اقوى و اصعب من الحكومي فالوزارة مب مرتاحة من حنة المدرسين قبل اولياء الامور مع الوضع الحالي بعد تبي مكينة فيراري على التعليم!!؟
ما اشوف حد يشتكي و يتساءل ليش الشهادة
الثانوية الحكومية في قطر حتى لو الطالب جاب ظ،ظ*ظ*
في كل المواد .. نتايجه ما تشفع له باسقاط ساعات او معادلاتها في جامعات دولية؟
شلي ناقصنا في التعليم الحكومي؟
بينما نفس الطالب لو تخرج من مدرسة دولية
شهادته و نتايجه تشفع له بكل ما تم ذكره !؟
ستو تعني السيدة .. بتزعلين المهندس علينا .. هو يقولها لج تمشي للرجال شيقولون نسيت
معماري قطري
26-06-2019, 11:46 PM
كلنا أو من عاصر ذاك الوقت نتذكر ايام عبدالعزيز بن عبدالله بن تركي وأيام محمد بن حمد كيف كان التعليم والتربية متماشين مع بعض وكيف كان الدوام معقول والإجازة مريحة .. والراتب الأخير للإجازة للمعلم همجة يتسمتع بها في سفرته أو اجازته اللي تقارب 4 شهور
الطلاب نفس الشيء .. مجلس الشورى إجازته 5 شهور أعتقد .. سهلوا على الناس تلقون نتائج أفضل ومعلمين قطريين وحتى غير القطري يستحق شوية راحة كل سنة يسافر بلاده
معماري قطري
26-06-2019, 11:52 PM
ما نذم ولا ننكر فضل أحد من المعلمين ولا الاداريين لكن السياسة التعليمية وايد متشددة .. وما ننسى الطالب اللي يداوم يوم طويل وسنة طويلة وراه واجب في البيت يسويه وتجهيز للامتحانات طويل ومرهق .. لا ويجيه سؤال اثبت إن التدخين غير مضر بالصحة؟
هذا اللي حط مثل هذا السؤال واللي وافقوا عليه المفروض يحضرونهم في مكان عام ويجمعون كل طالب كان عليه يجاوب ويسمعون تبريرهم لهذا السؤال والإجابة النموذجية عليه .. انا ببساطة للحين ما اعرف شالحل
يمامـة
27-06-2019, 01:03 PM
ستو تعني السيدة .. بتزعلين المهندس علينا .. هو يقولها لج تمشي للرجال شيقولون نسيت
ويه
و انا كل ظني ان ستو يعني جدتي
فمن باب اني جدتك اقول لك يا ستو
يعني مثل ما نقول حق عيالنا
شوف يا يمى.. او لا و الله يايبه انت غلطان.
اما طلعت ستو تعني السيدة.
اعذرني و اسحب ستو واحط لك سيدي
بس يارب ما انسى ..
يمامـة
27-06-2019, 01:09 PM
اخوي معماري
كل شي تغير زمن قبل عن الحين
قبل حتى وسائل التعليم كانت غير
و اليوم كل شي تقني و متطور و حديث
و مرتبط بالكمبيوتر و اجهزة احدث.
و بناء عليه بغض النظر عن شكاوى طول الفترة الدراسية.
ليش الذم في العملية التعليمية
بينما ادوار كثيريين معدومة مع عيالهم.
ليش نغفل عن سوء دور الاسرة؟
لا تعتقدون لو قللوا الدوام المدرسي عيالنا
بيطلعون عباقرة.. و لا اقول ان تطويل المدة
كفيلة بتطويرهم.
فكلامي ان قبل ما نحاسب الوزارة خلونا نراجع نفوسنا
و نشوف احنا كأولياء امور وين دورنا في تطوير
عيالنا؟
شخصيا مب مقتنعة ان الطلاب ما عندهم وقت في
بيوتهم..
عيل المتعلقين في جواويلهم و تطبيقات الشات
و السوشال ميديا و تصوير و لعب ببجي
من عياله؟
و هل هم طلاب مدارس و لا طلاب اهاليهم مب مسجلينهم
في المدارس؟
khaldoon
27-06-2019, 01:49 PM
ستو تعني السيدة .. بتزعلين المهندس علينا .. هو يقولها لج تمشي للرجال شيقولون نسيت
لا لا ما في زعل ابدا يا الغالي ..... هي صح.... فعلا هي تقصد انها جدتي....سالفه قديمة ههههه
khaldoon
28-06-2019, 12:41 AM
بخصوص انها تصرف اكثر و تنتج اقل
شوف الوزارة من ايام المجلس الاعلى
خصصت ٢٨ الف ريال كأكبر سعر لقسيمة التعليم
للطالب في المدارس المستقلة.
يعني الطالب حسب القسيمة يكلف الدولة ٢٨ الف لو وصل الثانوية العامة
المدارس الدولية في قطر الطالب يبتدي من ٢٢ الف من الروضة
و يوصل الى ٧٠ او ٨٠ في بعض المدارس لين يخلص
١٢ سنة او ١٣ سنة..
لازم يقدمون لأولياء الأمور reasonable breakdown لهذه الأرقام علشان يقتنع أولاء الأمور انه التعليم بهذه الأسعار يستحق هذه الميالغ المدفعوه
بالله عليكي تشوفي هذه الأسعار منطقيه و تستحق الدفع؟؟!! عن نفسي لو ما عرفت التفاصيل لهذه الأسعار تظل ارقام فلكية غير مفهومه بالنسبة لي و لكثير من الناس
اذا قلنا بالفعل الصرف على التعليم وفق الارقام المعلنة
يعتبر قليل قياسا مع المدارس الدولية..
لكن تبقى المباني عندنا افضل و اكبر و بروفشينال في مقاييس جودة التعليم..
الحين بخصوص الانشطة و المسابقات ما بين الطلاب و المدارس.. هذه نقطة سلبية لازم المدارس الحكومية تحطها
في عين الاعتبار...
المدارس الاجنبية تقدم تعليم متطور و تعليم ترفيهي للطلاب..
الطالب من اول ابتدائي لين يخلص الثانوية مطالب بقراءة القصص و تلخيصها و البحث في المعجم الانجليزي الانجليزي للبحث عن الكلمات و معانيها .
الطالب في المدارس الاجنبية يشارك في انسطة رياضية و تربوية و فنية .. حتى القرطاس يشبه من الارض يكرم و يحصل عليه نقاط..
حتى احترامه لزيه المدرسي له نقاط عليه.
ف
طالبوا بطريقة للتواصل مع وزارة التعليم توصلون لهم اقتراحاتكم فقط لتطوير العملية التعليمية.. مب شكاويكم..
يعني الاقتراحات و الافكار لها قسم خاص بعيد عن الشكاوي.. و اتركوا لهم المجال يختارون الافضل.
و من ثم اسمح لي اوجه لك سؤالي هذا
الحين بما انك تشتكي من طول السنة الدراسية
هل فكرت تعرف او تستفسر عن المنهج اللي يحتاج
كل هالشهور لتغطيته؟
شوفنا المنهج خلص من بداية رمضان على الأقل فليش ما خلصوا قبل العيد خاصة للمرحلة الابتدائية
هل فتحت الكتاب وشفت ولدك مستوفي المعايير
و الاهداف المطلوب منه يحققها ولو بنسبة 70%
في الوقت اللي هناك طلاب يعدون المعايير هذي
ويحققون معايير سنة اعلى منهم.
يا اخوي المرتبش ما ابي اكون ضدكم لكني اشوف ان احنا
كأولياء امور نضخم الامور لاننا نبيها حسب راينا احنا و
حسب قناعاتنا.. فالوقت اللي التعليم ماسكينه ناس لهم قناعات بناء على خبرتهم و المسؤولية الملقاة على عاتقهم.
و بناء عليه طالبوا بانشطة تعليمية ترفيهية للطلاب
ركزوا على نقاط النقص في العملية التعليمية في قطر.
الضجة الحاصلة و المظلومية من المدرسات في قطر
امر غير مقبول.. و الامر زاد هاليومين من اولياء الامور و كل هذا يعود سلبا عل عيالكم .. لان ايام التمدرس معروفة من بداية السنة فليش تضغطون على عيالكم حزة الاختبارات بدل ما تعززونهم و تحثونهم حث على احترام و تقبل القرارات الوزراية اللي ما تكلمتوا عليها لما انصدرت؟
اليوم المدرسة تتخرج من الجامعة و تستسلم راتب ما يستلمه خريج هندسة الله يزيدها و يبارك لها و تم تقليل الحصص
عن قبل الا اني يوميا استقبل على الوتس اب سيل من المظلوميات و هالايام ادمجوا امتحانات اليهال و طول السنة الى مظلومياتهم..
فاعذرني اذا لي راي يخالف رايكم..
بس بجد عيالنا في الحكومي ضعاف .. فلا تقول طول السنة هي السبب.. لان لو قللوا السنة الدراسية المصيبة بتصير اكبر..
الرد بالاحمر
khaldoon
28-06-2019, 12:43 AM
هناك صراع بين الكم والكيف نجده بوضوح في التعليم ، فمثلاً بالغت مناهجنا في عدد صفحاتها على حساب ما يكتسبه ويتعلمه الطالب من مهارات وقدرة على التفكير. بل إن فيروس الكم طال حتى الرسائل العلمية الجامعية ، فبعضها يصل عدد صفحاتها إلى الألف، في المقابل تذكروا أن عدد صفحات الرسالة العلمية التي حصل بموجبها العالم الفذ أنشتين على جائزة نوبل لم يتجاوز تقريرها ثلاثين صفحة.
اشكرك على الإضافة القيمة كالعادة
khaldoon
28-06-2019, 12:43 AM
عدل كلامك اخوي الحاقول .. حتى في الجامعات والاعتراف بها يستفسرون كم ساعات في العام الجامعي شفايده الكم اذا كانت النتيجه ......... وهل لو قل الكم معناها انه المستوى التعليمي فاشل او غير معترف وهل الجامعات العالميه تقيس الامور بالكم ولا بقيمه عقل الناتج !!
كلام سليم
khaldoon
28-06-2019, 12:44 AM
بختصر لج كل هالاسئلة
هل تعلمين ان مدة اجازة الطلاب عندنا في قطر 65 يوم بالكثير يعني يداومون عشر شهور في السنة تقريباً
هل تعلمين ان اطول فترة دراسة في العالم للطلاب عندنا في قطر
يعني غيرنا المناهج عندهم ناقصة وحنا صح ؟
موب عيب الواحد يجرب وموب عيب يغلط
لكن ان يستمر في الغلط هو العيب
متفق معاك.....عنا كمية حشو بالمناهج خرافيه غير مبرره
khaldoon
28-06-2019, 12:46 AM
مع انك ما جاوبتني على سؤالي يا اخوي رحال
الا انني متأكدة ان عامنا الدراسي في الحكومة مب
اطول الاعوام الدراسية في العالم.
فحسب تصريحات وزارة التعليم فايام
التمدرس هي ١٧٧ يوم دراسي.
على الطالب التواجد فيها في المدرسة
على كراسي الدراسة.
اما بخصوص الاجازة
راح احط لك ارقام ايام التمدرس
حول العالم و ساعات التمدرس اليومية " من النت"
مقارنة سريعة بين دول العالم من حيث عدد أيام الدراسة:
تأتي كوريا الجنوبية في المرتبة الأولى ب 220 يوما دراسيا، فالدنمارك بـ 200 يوم، وأستراليا بـ 198يوما وتشيكيا بـ 194، وألمانيا بـ 193، فتشيلي وسلوفينيا بـ 192، ونيوزلندا وإنجلترا والنرويج بـ 190، وفنلندا بـ 187، واليونان والمجر بـ 185، والنمسا بـ 180، فبلجيكا بـ 178، وأستونيا وآيسلندا بـ 175، والمكسيك والبرتغال بـ 172، وإيطاليا وإيرلندا بـ 167، ولكسمبورغ بـ 157 يوماً.
*
مقارنة سريعة بين دول العالم من حيث عدد الساعات المخصصة للتدريس في اليوم:
تأتي اليابان في المرتبة الأولى بـ 8 ساعات، فاليونان بـ 7.2 ساعة، يليهما المكسيك وإيطاليا بـ 05 .6 ساعة، وتشيلي بـ 3 .6 ساعة، فالمجر بـ 6 ساعات، فإسبانيا والبرتغال بـ 7 .5 ساعة، وإيرلندا وبلجيكا بـ 3 .5 ساعة، فأستراليا بـ 2 .5 ساعة، وآيسلندا بـ 1 .5 ساعة، فكوريا وإنجلترا بـ 5 ساعات، وتشيكيا وفنلندا بـ 9 .4 ساعة، فأستونيا بـ 8 .4 ساعة، وسلوفينيا وألمانيا بـ 7 .4 ساعة، والدنمارك والنرويج ولوكسمبورج بـ 4 .3 ساعة دراسية في اليوم.
الجدولين يوضحون ان لا احنا اطول سنة دراسية
بعدد الايام و لا الاكثر بعدد الساعات..
و الحين ممكن تجاوبني على سؤالي السابق لو تكرمت.
:eek5::eek5::eek5: والله يا ستو انك بتخوفي
khaldoon
28-06-2019, 12:49 AM
الحريم يا رحال يوم عطوهم الخيط والمخيط في التعليم صار هذا التخبط اللي ما زلنا فيه .. التعليم عندنا يبي له تربية ويبي له حلول جذرية
ايه والله بمناسبة الحريم انا منقهر من سالفة ممنوع الدخول لاوياء الأمور في مدارس الحريم علشان ما يبون يلبسون الحجاب....يعني اللي ما تبي تلبس الحجاب في المدرسة المفروض تقعد بالبيت.....انا ما ابي الرجال يدخلون ليل نهار مدارس الحريم بس مرات ما نعرف نوصل لهم بشكل صحيح ولو حتى الى الاستقبال بسبب هالموضوع و يوم تتصل عليهم ما يردون على التليفونات ....ايش الحل لو تعذر ذهاب ام الطالب او الطالبة الى المدرسة....التواصل عن طريق السيكوريتي صعب جدا جدا
معماري قطري
28-06-2019, 12:49 AM
لا لا ما في زعل ابدا يا الغالي ..... هي صح.... فعلا هي تقصد انها جدتي....سالفه قديمة ههههه
تمشي بعد معنى الجدة والإخت يمامة جدة الكل الله يحفظها
khaldoon
28-06-2019, 12:50 AM
في قطر ساعات اليوم الدراسي من 7 الى ثنتين وبعضهم يتأخرون شوي يعني مب شوي ولا قريب من المعدل بل من ضمن الأعلى
يرجعون منتهيين و عندهم واجبات مدرسية و حفظ و دراسه كان الله في عونهم
khaldoon
28-06-2019, 12:51 AM
ليش نطالع الأكثر والأتعب والارهق لطلابنا ولا نكون مثل اللي يعطون 3 أو 4 ساعات .. من 7 لين 11 تدليع ما بعده تدليع يروح الطالب مفتح ويطلع مفتح
يفكرون بالكم و ليس بالكيف
khaldoon
28-06-2019, 12:52 AM
مانقدر انعمم اخوي معماري
بس الاكيد ان الخلل في الاستشاريين والمستشاريين
مليون بالمية
معماري قطري
28-06-2019, 12:52 AM
ايه والله بمناسبة الحريم انا منقهر من سالفة ممنوع الدخول لاوياء الأمور في مدارس الحريم علشان ما يبون يلبسون الحجاب....يعني اللي ما تبي تلبس الحجاب في المدرسة المفروض تقعد بالبيت.....انا ما ابي الرجال يدخلون ليل نهار مدارس الحريم بس مرات ما نعرف نوصل لهم بشكل صحيح ولو حتى الى الاستقبال بسبب هالموضوع و يوم تتصل عليهم ما يردون على التليفونات ....ايش الحل لو تعذر ذهاب ام الطالب او الطالبة الى المدرسة....التواصل عن طريق السيكوريتي صعب جدا جدا
يخلون أقلها ادارية كبيرة في السن تتولى مناقشة أولياء الأُمور وتحل مواضيعهم
khaldoon
28-06-2019, 12:54 AM
يخلون أقلها ادارية كبيرة في السن تتولى مناقشة أولياء الأُمور وتحل مواضيعهم
بالزبط....هذا اللي لازم يسوونه....يخلون مكان في الاستقبال مب انه الرجال يوصلون لاعمق نقطه بالمدرسه.....هذا اقل شي ممكن يسوونه مب يظل واقف بره سور المدرسة و هو ولي امر ...كأنه مراهق يبي يتحرش بالحريم
معماري قطري
28-06-2019, 01:00 AM
اخوي معماري
كل شي تغير زمن قبل عن الحين
قبل حتى وسائل التعليم كانت غير
و اليوم كل شي تقني و متطور و حديث
و مرتبط بالكمبيوتر و اجهزة احدث.
و بناء عليه بغض النظر عن شكاوى طول الفترة الدراسية.
ليش الذم في العملية التعليمية
بينما ادوار كثيريين معدومة مع عيالهم.
ليش نغفل عن سوء دور الاسرة؟
لا تعتقدون لو قللوا الدوام المدرسي عيالنا
بيطلعون عباقرة.. و لا اقول ان تطويل المدة
كفيلة بتطويرهم.
فكلامي ان قبل ما نحاسب الوزارة خلونا نراجع نفوسنا
و نشوف احنا كأولياء امور وين دورنا في تطوير
عيالنا؟
شخصيا مب مقتنعة ان الطلاب ما عندهم وقت في
بيوتهم..
عيل المتعلقين في جواويلهم و تطبيقات الشات
و السوشال ميديا و تصوير و لعب ببجي
من عياله؟
و هل هم طلاب مدارس و لا طلاب اهاليهم مب مسجلينهم
في المدارس؟
ما دام كل شيء تغير ليش نسبح ضد التيار
نقلل الدوام اليومي ونقلل السنة الدراسية .. نعطي فرصة للأهالي يشوفون عيالهم ويشاركون في تربيتهم وتعليمهم كذلك .. هم خذوا الطالب طاقة فل وتركوه طاقته بالماينس .. نفس الوضع للأهل اللي يداومون .. الإنسان يحتاج شوية وقت يبند مكينته شوي
بعدين يقولون تعليم على البحث والتحري والمناقشة وتعليم حديث غير عن التلقيني والحفظ لكن الواقع غير .. التعليم اللي كانوا يتكلمون عنه يعني مشاركة وكتب مفتوحة ووسائل متاحة للحصول على المعلومة .. إذا المدرس كل سنة ينسخ المنهج في دفتر جديد بس حتى يشوفونه ملون ومزركش .. ليش ما يستخدم القديم ويضيف عليه ويطور من وقت لوقت حسب ما يستجد
معماري قطري
28-06-2019, 01:11 AM
بالزبط....هذا اللي لازم يسوونه....يخلون مكان في الاستقبال مب انه الرجال يوصلون لاعمق نقطه بالمدرسه.....هذا اقل شي ممكن يسوونه مب يظل واقف بره سور المدرسة و هو ولي امر ...كأنه مراهق يبي يتحرش بالحريم
ذكرت سالفة لي أول ما تخرجت وكانت زوجتي تدرس وانا موصلها المدرسة ايام ما فيه تلفونات .. قالت ساعتين وارجع لي وكان ما فيه طلاب وقتها .. رجعت وانتظرت محد طلع بس شفت ناس ينتظرون واقفين عند الباب وشفت عمال شايلين عدة وداخلين .. قلت هذيلا رجال ودخلوا خلني ادخل وراهم ومشيت وراهم لين تعمقت لين ليوان مفتوح كل وحدة تمر بين العمال كأنها مارة جنب شجرة .. صدقني ما ابالغ شفت أمر غريب في النساء .. الشعر مفتوح وبعضهم لابسات لباس راص
وحدة رمقتني من بعيد وشافت الغترة والعقال وقامت تركض وهي ترسل رسائل تحذير رجال رجال .. وشوي طلعت لي وحدة لو تضرب مايك تايسون بقس يعتزل الملاكمة وهو في عزه .. فراشة بس عن ثلاث رجال وقالت انت شمدخلك قلت ابي زوجتي وشفت عمال داخلين درعمت وراهم .. قالت ومنهي زوجتك قلت لها وتفهمت الوضع شوي بس قالت لي اطلع برا وبنناديها لك والكلام كله من بعيد لو قربت مني كان انا من زمان غير موجود
معماري قطري
28-06-2019, 01:12 AM
لو كنت لابس رياضة وداخل ورا العمال متوغل للداخل كلش كان حسبوني شجرة تمشي ومشوا جنبي وتظللوا
khaldoon
28-06-2019, 06:35 AM
بس وزير التعليم هو الدكتور الحمادي .. اشدخل الوزير حرمة ؟؟!!
انت مخربط بين التعليم والصحة أخوي بوعبدالله
ما عندي علم بالموضوع فما راح افتي و التزم الصمت ...حضرتك ادرى مني
khaldoon
28-06-2019, 06:44 AM
شوف تراني بجاوب عليك للمرة الثانية على التوالي و انت للحين ما رديت على سؤالي..
بالنسبة لسؤالك
من قال لك ان البلا بس في طلاب قطر؟
فلا الكويت و لا الامارات و لا البحرين و السعودية اعلى منا في مخرجات التعليم الحكومي.
قد تكون لهم أسباب ما اقدر ادعي معرفتها.. لكن عندنا في قطر
راح اذكر لك امثلة
كانت عندنا المدارس النموذجية ماشية مثل الفل قياسا مع مخرجات المدارس المستقلة
اقلها الطالب محصوله في اللغة العربية و الشرعية اكبر و افضل كأقل تقدير لمخرجات التعليم في كل المواد.
من طبقوا فكرة المدارس العلمية على الطلاب المتفوقين في قطر في المرحلة الثانوية
افتحو لهم مدارس للابتدائية و الاعداداية..
و الفكرة كانت جذب واختيار المتفوقين او أصحاب القدرات العالية..
اشويات الا الناس يطالبون ان عيالهم يدخلون هالمدارس فليش ولد فلان دخل و علان دخل و ولدي ما دخل
وليش يسوون اختبارات .. هذي مدارس حكومية و من حق عيالنا يدخلون و... و.... و...
راحوا ايامها و طبقوا نظام المدارس المستقلة.. و سجلوا الطلاب حسب التوزيع الجغرافي
يعني حتى مدارس البيان و عمر صاروا ياخذون الأطفال و الطلاب جيران المدرسة
يعني ما في شي اسمه مدارس للمتفوقين بمناهج قوية..
بل اللي صار الى المعايير نزلوها علشان اللي مستواهم ضعيف يقدرون عليها.
و فوقه رضخوا تحت طلبات أولياء الأمور اللي ما يبون واجبات كثيرة حق عيالهم
و اشوي و اشوي و اشوي في مدارس مستقلة بعض الطلبة وصلوا 4 ابتدائي و انصدموا انهم
ما يعرفون يكتبون كلمة مثل الناس.
و الغوا تقريبا كل ما يتبع نظام المدارس المستقلة و ردوا على الكتب .. و ما بين كل فترة و فترة يطلع لنا واحد
يشتكي على درس من الدروس او كتاب من الكتاب و يقولون ما نعرف نحله..
او صعب.. و عيالنا ما يقدرون و عيالنا اتعبوا.. و احنا نعاني و ... و....
و هالسنة العالم زعلانين ليش عيالنا يداومون بعد العيد و المفروض يأجزون!!
و نسمع دعاوي وتحسب على الوزارة :omen2:
اذا بتقول لي لو كنتي وزيرة اشبتسوين؟
بقول لك الحل ان الدولة تخصص مدارس ب 3 مستويات
مدارس النخبة
مدارس المتفوقين
المدارس العادية
المدارس العادية لاولياء الأمور اللي يبحثون عن دوامات مخففة و منهج مخفف و يحنون ويزنون في كل سنة.
مدارس المتفوقين للطلاب اللي دواماتهم و مناهجهم تكون كما هي الحين في الوزارة مع تعديلات فيها.
اما مدارس النخبة هذه للطلاب اللي قدراتهم عالية و بحاجة الى تعليم يحترم قدراتهم فمناهجهم تكون على قدر
المناهج الدولية و اطور منها ..
مع فتح الباب للانتقال ما بين هالمدارس عند تفوق المستويات الدنيا او تعثر المستويات العليا..
اعتقد بالطريقة هذه وايد ناس بيخجلون من وجود عيالهم في مدارس مستوياتها نازلة
و بيفهمون ليش الوزارة كانت تحاول اتطور عيالهم بس هم كانوا يبون المنهج و الدوام على كيفهم.
وأخيرا
ممكن ترد على سؤالي اللي تتجاوزه:(؟
شيء جميل انه يكون في مدارس للنخبة و العباقره بس اعتقد انه هالمدارس راح تسبب عقد نفسية لبعض الطلاب اللي فيها....تخيلي واحد معدله %93 و هو يعتبر اتيس طالب بالصف و انتوا بكرامة
انا شوفت هالشي كمثال من جيرانا في الأردن.....ابنهم الكبير كان ابوه يقوله انت راح تطلع عامل نظافه قبل الثانويه بسنة و الله العظيم فاجأهم انه جاب معدل يدخله طب في اهم جامعة بالأردن... 94% ...الجامعه الأردنية.....و درس طب غصب عنه مب بكيفه و هو كان طالب بمدرسة حكومية
اخوه الأصغر منه و المتفوق على طول و بمدرسة افضل و فرنسية كانوا متوقعين انه يطلع من العشر الأوائل على المملكة طالما ابنهم الهامل دخل طب ...راح جاب معدل 93.7% ....والله كأنه راسب ...احتقار من اهله و هو محطم نفسيا و مكتئب يوم طلعت النتيجة و درس صيدله في جامعة العلوم و التكنولوجيا يا حرام ههههههه
khaldoon
28-06-2019, 06:52 AM
طول ساعات الدوام اليومي في المدرسة
ما يعني ان احنا أطول سنة دراسية و لا اقل الأيام في الاجازات..
احنا عندنا أسبوعين عطلة الربيع + أسبوع شهر ابريل+ أسبوع عيد الفطر+ شهرين و خريدات الاجازة الصيفية.
ترى الأرقام المحطوطة فوق .. بعضها يعتبر متوسط الساعات 6 ساعات لان في مدارس يابانية
تعدي ال 8 ساعات..
في أمريكا طلاب الابتدائية يداومون 7 ساعات من غير ساعة الفسحة و الاكل.
فلما انت تقول ان ساعات الدوام اليومي عالي.. قول لي كم عدد الأطفال اللي مرضوا من طول يومهم المدرسي؟!!
لا تقول لي انا احس بولدي تعبان او بنتي متضايقة.. قول لي شنهو اللي افقده ولدك في حياته و صحته لما
داوم 6 او 7 ساعات في المدرسة.. وشنهي الامراض اللي عانى منها بسبب هالدوام!!
ولدي ممكن يلعب 9 ساعات في اليوم تحت المكيف وفي الحوش ويراكض و يلعب في الطين و الرمل
لكن انه يكون في مكان يسمونه مدرسة.....> نقول الولد دوامه طويل؟
اخوي معماري شخصيا احترم عقليتك و نوعية ردودك بحكم انك انسان مطلع و مستوعب حاجة البلاد
الى التطور و التغيير..
ما تتطلع له انت مستحيل نحصل عليه في ظل وجود أولياء أمور متذمرين يبون التعليم يمشي حسب مزاجهم.
مستحيل هالشي يصير.
اليوم الدنيا تطورت.. قبل 30 سنة لما تستلم الشهادة كانوا يسئلونك هاا ناجح و لا ساقط؟
بعد 30 سنة من السؤال الموجه لك السؤال صار.. هااه كم نسبتك في الشهادة؟
بعد 10 سنين صار حققت متطلبات الجامعة؟
الحين تعدينا مرحلة حققت متطلبات الجامعة الى التركيز على نوعية الجامعات اللي لازم نحث عيالنا انهم ينتسبون لها.
و كيف نحث عيالنا انهم يتخلصون من هموم مواد في مرحلة دراستهم الثانوية علشان يركزون في مواد اكثر أهمية
و في صميم الدراسة الجامعية.
يمكن البعض يختلف معاي و هذا حق لهم.. و من حقي اني أطالب بتطوير التعليم في البلاد حتى نوصل للمرحلة
اللي تكلمت عنها.. و وصلونا للمرحلة هذه ما بيتم على مستوى الدولة دام ان هناك تذمر مستمر من الوزارة او الجهة
المخولة لتعليم الناس في قطر.
انا راح اقترح اقتراح يعمل به في كثير من دول العالم و هو ببساطة اعطي الخبز لخبازه حتى لو اكل نصه .... بمعنى بدل ما نحاول نقلد المدارس الدولية اللي حضرتك تتكلمي عنها و نفشل و نتعب من التقليد و يمكن نمارسه بطريقة خطا لكذا سنة يتعلمون في الطلاب و يصير عنا جيل ضحية حتى يطلعوا بالمخرجات المطلوبه....ليش ما يتفقون مع أصحاب المدارس الدولية اللي حضرتك تقصديها و هم يقومون بإدارة التعليم في المدارس الحكوميه
ليش ما نتعامل مع وزارة التعليم مثل ما نتعامل مع إدارة الجمارك لما تجيبي مؤسسات متخصصة بهالمجال كما يحدث في بعض الدول و هم يديرون الجمارك او مؤسسات الكهرباء و الماء و الطيران و المستشفيات و الرعاية الصحية الأولية ..الناس راح تتحلذم شوي و بعدين غصب عنهم يتقبلون ذالما ما في بديل...المدارس الحكومية و الخاصه تدرس نفس الشي
مثل ما شكينا من أسلوب الرعاية الصحيه اللي صارت كلها مواعيد و فاضية دايما و الحين غصب عنا تأقلمنا مع الوضع الجديد
يمامـة
01-07-2019, 01:37 PM
ما دام كل شيء تغير ليش نسبح ضد التيار
نقلل الدوام اليومي ونقلل السنة الدراسية .. نعطي فرصة للأهالي يشوفون عيالهم ويشاركون في تربيتهم وتعليمهم كذلك .. هم خذوا الطالب طاقة فل وتركوه طاقته بالماينس .. نفس الوضع للأهل اللي يداومون .. الإنسان يحتاج شوية وقت يبند مكينته شوي
بعدين يقولون تعليم على البحث والتحري والمناقشة وتعليم حديث غير عن التلقيني والحفظ لكن الواقع غير .. التعليم اللي كانوا يتكلمون عنه يعني مشاركة وكتب مفتوحة ووسائل متاحة للحصول على المعلومة .. إذا المدرس كل سنة ينسخ المنهج في دفتر جديد بس حتى يشوفونه ملون ومزركش .. ليش ما يستخدم القديم ويضيف عليه ويطور من وقت لوقت حسب ما يستجد
اخوي معماري
ترى الموضوع قايمين عليه ناس فاهمين الامور حسب مكانتهم في التعليم..
فما اعتقد اللي يطبق السياسة التعليمية الحالية في البلاد ناس اطباء او مهندسين
او حرفيين علشان ما يستوعبون شنهي قدرات الطلاب و شنهي طاقتهم الاستيعابية في الفهم
و الحل في المدرسة او في البيت..
كل المطلوب ان نعطي الوزارة فرصة و نحث عيالنا على لعب دور الانسان اللي يبي يتعلم
لما عيالنا طووول السنة هاملين كتبهم و انيي حزة الاختبارات نبيهم يحلون اسئلة قدرات عالية
بالذمة هذي اشلون تصير؟
يمامـة
01-07-2019, 01:42 PM
انا راح اقترح اقتراح يعمل به في كثير من دول العالم و هو ببساطة اعطي الخبز لخبازه حتى لو اكل نصه .... بمعنى بدل ما نحاول نقلد المدارس الدولية اللي حضرتك تتكلمي عنها و نفشل و نتعب من التقليد و يمكن نمارسه بطريقة خطا لكذا سنة يتعلمون في الطلاب و يصير عنا جيل ضحية حتى يطلعوا بالمخرجات المطلوبه....ليش ما يتفقون مع أصحاب المدارس الدولية اللي حضرتك تقصديها و هم يقومون بإدارة التعليم في المدارس الحكوميه
ليش ما نتعامل مع وزارة التعليم مثل ما نتعامل مع إدارة الجمارك لما تجيبي مؤسسات متخصصة بهالمجال كما يحدث في بعض الدول و هم يديرون الجمارك او مؤسسات الكهرباء و الماء و الطيران و المستشفيات و الرعاية الصحية الأولية ..الناس راح تتحلذم شوي و بعدين غصب عنهم يتقبلون ذالما ما في بديل...المدارس الحكومية و الخاصه تدرس نفس الشي
مثل ما شكينا من أسلوب الرعاية الصحيه اللي صارت كلها مواعيد و فاضية دايما و الحين غصب عنا تأقلمنا مع الوضع الجديد
خلدو
هذه هي الدولة ما قلدت المدارس الدولية و الناس تصرخ من الحكومي
بينما لما عطوهم الكوبونات شلوا عيالهم للمدارس الدولية و يبون المدارس
الدولية تسمع كلامهم و تطبق لهم اللي يبونه حق عيالهم!!
فأنت اليوم تتكلم عن الوزارة كأنك عاش في اروقتها" اعذرني"
لا انا و لا انت نقدر نحدد مقدار المجهودات اللي تقوم بها الوزارة او نحدد
اذا كانت هناك شركات استشارية او غيرها تدعمها ..
احنا كل اللي نسويه ان ننتقد وبس. ونبي عيالنا من غير واجبات و نبي دوامهم اليومي يقل
و دوامهم السنوي يقل.. و ما نركز في نقاط اهم من هذه الا وهي
هل ولدي محقق المعايير؟
كيف هي مخرجات ولدي قياسا مع مخرجات س من الابناء في مدرسة خاصة؟
ما هي المميزات اللي اكتسبها ولدي في عامه الدراسي؟
كل هالامور مب موجودة في حساب اولياء الامور.
و اذا شفت طلاب متفوقين في المدارس الحكومية او الخاصة
تأكد ان هالطلاب وراهم اسر تدعمهم و تزيدهم فوق منهجهم المدرسي
علشان الطالب يتطور.
يمامـة
01-07-2019, 02:45 PM
شيء جميل انه يكون في مدارس للنخبة و العباقره بس اعتقد انه هالمدارس راح تسبب عقد نفسية لبعض الطلاب اللي فيها....تخيلي واحد معدله %93 و هو يعتبر اتيس طالب بالصف و انتوا بكرامة
انا شوفت هالشي كمثال من جيرانا في الأردن.....ابنهم الكبير كان ابوه يقوله انت راح تطلع عامل نظافه قبل الثانويه بسنة و الله العظيم فاجأهم انه جاب معدل يدخله طب في اهم جامعة بالأردن... 94% ...الجامعه الأردنية.....و درس طب غصب عنه مب بكيفه و هو كان طالب بمدرسة حكومية
اخوه الأصغر منه و المتفوق على طول و بمدرسة افضل و فرنسية كانوا متوقعين انه يطلع من العشر الأوائل على المملكة طالما ابنهم الهامل دخل طب ...راح جاب معدل 93.7% ....والله كأنه راسب ...احتقار من اهله و هو محطم نفسيا و مكتئب يوم طلعت النتيجة و درس صيدله في جامعة العلوم و التكنولوجيا يا حرام ههههههه
النخبة اعتقد راح يعملون لهم اختبارات قبول
يعني الجامعات المرموقة تجيب لهم شهادتك 100% عيني عليك باردة وانا جدتك
هم يختبرونك اذا نجحت في اختبارهم و حققت المعايير المطلوبة للقبول قالوا لك حياك الله
اما انك تكون يايب لهم شهادة فل مارك في كل شي و ترسب في تحقيق ابسط المعايير
بيقولون لك للخلف در..
فلاحظ يا ستو يا خلدون الله يرضى عليك
ان ابسط هالامور احنا كأولياء امور ما ندري عنها.. و للاسف نتكلم و نفتي فيها
و فوقه نبي نتدخل في شغل ناس مختصين في التعليم و مسؤولين عن تحديد ما يناسب
التعليم في قطر.
khaldoon
05-07-2019, 01:12 AM
حتى اللي يشعر و يقنص تراه ينظر للمتعلم انه وصل للي هو ما قدر يوصل له ويشعر بالنقص
و يتمنى انه مكمل دراسته و محصل شهادته. و يفتخر بنفسه انه متعلم.
فالدولة لما تصرف هالمليارات على الشعب علشان يتطور و يتعلم أكيد مب عيزانة تخصص
هالمبلغ تطلع أجيال من الشعراء..
بس التعليم مهم في تطور الأمم بينما الشعر رزق ربنا ساقه للي الله حباهم في اتقانه.
صراحة لاحظت انه ناس وايد مب متعلمة بس نجحت في حياتها العملية و جمعت فلوس اكثر من المتعلمين...كان معي صديق و ابن جيرانا و انا و هو نجلس جنب بعض على مقاعد الدراسه....انا خلصت هندسة و هو خلص ثانوية بس او يمكن ما خلص لا اذكر
المهم يوم تخرجت لقيته يشتغل مع ابوه خمس سنوات اللي انا قضيتهم بالهندسة في ورشة حدادة و صار معاه فلوس بحكم شغل ابوه الخاص و انه متوصي فيه لانه ابنه الوحيد لحد الكذب و المبالغه......يعني يقولي مثلا سيارتي الكورفيت هذه ما في منها الا ثلاثه بقطر ....و كل شوي يقولي انه هو يحصل احسن من خمس مهندسين و يضل يحاول يحسسني انه هو الصح و انا معاي شهادة هندسة بس كم راتبي و كم معي بالبنك.....و هذا بس دليل على عقد نقص و حقد من داخله لانه يعرف انه ممكن مستقبلا يصير معاي فلوس بس هو ولا يمكن يصير معاه شهادة جامعية
بسبب سلوكه العدواني معاي و الشعور الدائم بالنقص قطعت علاقتي معاه
انا متأكد انه كل انسان مب متعلم بيضل يشعر بعقدة التقص هذه مع احترامي للجميع.....ابن جيران اخر قال لنا مره في جلسة نقاش و صراحة انا صحيح مب متعلم و فاشل دراسيا مب مثلكم بس معاي فلوس ....لما اجلس بين ناس متعلمين في سهرة.....اروح متنكد و مهموم و منزعج بس ثاني يوم اصحى الصبح و أقول انا اقدر اشتري خمسه منهم و يواسي نفسه بهالكلام
في نظرية المربع المفقود بالسقف.... يعني لو السقف او false ceiling مسكر تماما الا من مربع واحد بتضل عينك متسلطة على هذا المربع الناقص
كل واحد مننا عنده هذا المربع الناقص اللي ما يشوف غيره او خلنا نقول اكثر شي يركز عليه في علاقته مع الاخرين ممن حوله...يعني مثلا السمين اول شي يشوفه هو نحافة من حوله.....القصير يشوف طول من حوله....الفاشل دراسيا يشوف نجاح من حوله...هذا اول شي يشوفه...الفقير بس يشوف انه الكل معاه فلوس .....لهالسبب قالوا القناعة كنز لا يفنى
khaldoon
05-07-2019, 01:17 AM
اخوي معماري..
هل لقيتني قلت ان نظامنا التعليمي كامل من مجاميعه؟
اكيد هناك سلبيات ما نقدر ننكرها و نتمنى ان تنحل و تتغير..
بس نقطة التذمر من وجود عيالنا للحين في فترة الاختبارات و صراخ المعلمات من الظلم
اللي يعانون منه.. و انهم انهد حيلهم و انهم يداومون و ينكرفون و ما عندهم وقت يتنفسونه
و طول السنة شكاوي في كل مكان .. حتى مع نهاية السنة بدل الطالب يدخل الاختبارات بدعم و تشجيع
يدخل و كم كبير من الشحنات السلبية تزفه زف للاختبارات و ناطر تعزيز من الاهل و المحيطين لالقاء اللوم
على الوزارة في أي تراجع يسجله في النتايج.
الكل يشتكي من طول أيام الدراسه و حشو المناهج باشياء غير ضروريه و ما في دخان من غير نار...هل المعقول ان الكل غلطان و الا انه الكل ما عنده ثقافة و عقل و تفهم ما تفضلتي به يا ستو؟
khaldoon
05-07-2019, 01:21 AM
عيل ليش التعنت في هذي السياسة التعليمية
قبل كنت اشوف اللي حولي من مدرسات بنسخون دفاتر التحضير نسخ ويجددونها .. لماذا وليشٌ كل هذا؟
شفت مدرسين الجامعة في أمريكا يكررون الامتحانات ويمكن يغيرون شيء بسيط ويكررون الوظائف أو المشاريع وبعض الطلبة عندهم القديم وعارفين خارطة الطريق .. في يدهم دفتر أو ملف التحضير مهتري من سنوات ما تغير يضيفون عليه بس ويشخبطون .. مستغرب ليش ما يخلون معلمينا مثلهم
في الصيف كانت الاجازة توصل 4 شهور بس فيه فصل صيفي قليل من المعلمين باختيارهم يعطون حصص فيه وقليل من الطلاب يداومون فيه بعد باختيارهم .. حتى المدرسين لهم ساعات عمل محددة وحصص معينة بعدها فيه أوقات مكتبية لمراجعة الطلاب وباقي الوقت بعض المدرسين يشتغلون شغل غير في شركات وبعضهم يعطون ساعات زيارة هناك في مقر شغلهم .. يعني عادي نشوف مدرس يداوم يومين بس وكل يوم كم ساعة
شوفي عندنا كيف الابتزاز فيه مدرسين يعطون حصة ويقعدون باقي الوقت دوام كرسي فقط ولو كلفوا بشغلات ثانية اتوقع مب من واجبهم يسوونها
ما يبون المدرسين يشتغلون شي ثاني علشان يركزون على التدريس في المدارس اللي يشتغلون فيها.....يبونهم دايما مشغولين بحالهم و مب ملحقين و سياسة حلب و عصر للمدرسين علشان يحللون رواتبهم .....الضغط على الجميع على المدرسين و التلاميذ
khaldoon
05-07-2019, 01:23 AM
ياخوي الدكتور الحمادي مستلم الوزارة من 2013 يعني كل الإخفاقات بنقطها في راس الوزيرة السابقة ؟؟
اكيد لا.....عيل ليش شالوها و جابوا واحد يكمل مسيرتها...وين بصمته...ايش أضاف للتعليم في هالحاله....ايش الفايدة من تغييرها ....
khaldoon
05-07-2019, 01:28 AM
انتقادي حتى لأُم عيالي هي مع هذي المنظومة ومقتنعة بوجهة نظري شلوا التربية كلش وركزوا على العلوم وخلوا اللغة العربية وألحين افاقوا من خطأهم وقرروا التعديل باستحياء
زمان كانت المدارس حكوميه و بعدين صارت مستقله و الحين رجعت حكوميه مثل اول .....ليش لسه اسمها مستقله للحين...مستقلة بايش بالزبط؟
الرجوع للخطط القديمة اعتراف صريح انه الخطط التغييريه الجديده اثبتت فشلها و عدم نجاعتها و الضحيه طبعا الطلاب و لهالسبب صعب الاعتراف بالخطأ لانه الضحية هي أجيال من ابناءنا يفترض بهم انهم يمسكوا مناصب مهمه و حساسه بالبلد مستقبلا وما نبي نقول انهم تعلموا غلط و انهم كانوا حقل تجارب
khaldoon
05-07-2019, 01:32 AM
الحكومة خسرت على مدارس جيدة بس مظلمة ما تدخلها الشمس وما خسرت على سياسة تعليمية فيها حتى شوية عقاب .. دخلت مدرسة ثانوية كل حوائطها الداخلية صوب الصفوف مرسوم عليها ومشخبطين .. شوي الا اثنين يتراكضون كل واحد يرش حبر على الثاني .. سألت المشرف شيصير قال هذا شيء بسيط ولو نحاسبهم تنقلب المسالة علينا .. عذرتهم .. هذا مب تعليم وضع صعب جداً على المدرسين والاداريين مقيدين ومطلوب منهم الشيء الكبير
ايه والله معاك حق......الضرب ممنوع و المدرس مكبل .....بس أيضا كان هناك ضرب ممنهج سابقا مثل التعذيب و الاذلال من بعض المدرسين....كان عنا مدرس رياضيات يخلي الطلاب يبوسون العصايه اللي ينضربون فيها و يسميها عزيزه و يقولهم اسمها ايه؟؟!! ....و بعدين ترك التعليم و عمل ممثل في برنامج الكاميرا الخفيه عرض في شهر رمضان في قطر.....مسخره
سالم الزهران
05-07-2019, 08:09 AM
كنت بقتبس كلام معماري اللي مفاده قلة حيلة المعلم قدام طالب قليل ادب؟ لكن انا يا عباد الله درست سنة وحده ضربت فيها طالبين بالعقال ، واحد كان يجي من الثانوي يستاذن لطالب ثاني اعدادي يطلعون يسربتون ! يوم عرفت انه مب اخوه ولا يقرب له ؟ قلت له ممنوع رائد يروح معك لانك منت اخوه ! عاندني لانه متعود يطول لسانه ، فرشته بالعقال لين أذن
المهم استويت مثال للمعلم (الرجعي والمخالف للأنظمه) ونا اشوف نفسي مفروض ابهاتهم يشكروني ولو بالتلفون لاني قمت بالواجب في غيابهم.
المدارس فيها نسبة من التعليم للطالب اللي يسمع الكلام ويتعاون مع المدرسة.. لكن البقية وضعهم وتحصيلهم العلمي بيكون باهت.
من وجهة نظر محايده ارى ان وضع تعليمكم في خير ، بس الوضع الاداري (رغم اني ما اشتغلت) معكم ، لكن لي مشاركات ودورات،، الوضع الاداري مش ولا بد ! وين المدير اللي يقدم مصلحة ورضى فريقه على مصلحته الخاصة و رضى اللي فوقه ! ارفع صبعك اذا انت مدير كفو و تعترف بتقصيرك وتحمل هم التعليم ع انه رسالة سامية وتوصل للجنة
يمامـة
17-07-2019, 04:09 PM
الكل يشتكي من طول أيام الدراسه و حشو المناهج باشياء غير ضروريه و ما في دخان من غير نار...هل المعقول ان الكل غلطان و الا انه الكل ما عنده ثقافة و عقل و تفهم ما تفضلتي به يا ستو؟
حشى لله ما قلت الكل ما عنده ثقاف و عقل و تفهم
كل الموضوع ان كل منا يعبر عن وجهة نظره
حسب ما يراه من امور حوله..
لذلك لما عبرت عن رايي ما اعتبرت ان اللي اختلف معاهم
ما يفهمون و ما يعقلون..
و لا يعني لو تكون انت الوحيد المخالف
بالضرورة تكون صح او ما تكون غلط..
لذلك ما زلت مصرة على نقاط في وجهة نظري.
مع كامل تقديري و احترامي لوجهة نظرك
مرتبش
18-07-2019, 02:05 PM
من فوائد رسائل الدعايات .. طازه
وصول تشكيلة العودة للمدارس في محلات ----
مساكين الفريخات توهم مخلصين والحين يتجهزون للمدارس والله يعين اولياء الامور .. العيد والعودة للمدارس
khaldoon
19-07-2019, 06:42 AM
ستو خلدون.. صباحك زعتر بزيت الزيتون مع الخبز الطازج الخارج من عمق التنور البلدي..
و من ثم*
الموضوع هذا ابدا ماله علاقة بالمقارنة ما بين مدارس حكومية او خاصة..
و اذا بتكلم بشكل شخصي بما انك دققت علي اني امدح التعليم الانترناشونال و اللي يطبقونه بعض المدارس الخاصة .. هذا له اسبابه بتكتشفها لما يدخل ولدك في الجامعة و تشوف ان التعليم اللي حصل عليه في المدرسة اسقطت عنه مواد و حسبت له مواد و ساعات بسببها..
اما موضوعنا هذا و ساعات الدوام الطويلة او ايام تمدرس طويلة..
شخصيا شلت عيالي من مدارس حكومية عادية و زجيت فيهم في مدارس علمية على الرغم من اني اعرف ان المدارس العلمية أصعب كما و كيفا .. و دوامهم اطول.
و حتى لما عيالي كانوا في الحكومي .. ما كان عندي شي اسمه يقضي الصيف رقاد و لعب .. فمستحيل ما كانوا يشاركون في مراكز صيفية علمية و ترفيهية و رياضية .. بالاضافة الى جزئية التقوية في البيت سواء في اللغة العربية او الانجليزية او الرياضيات بوجود مدرسين خصوصيين او التسجيل عبر الانترنت او التسجيل في مراكز لتعليم التصميم و الكمبيوتر ..
فتخيل عيالي ما كانوا يشتكون من طول الدوام المدرسي و لا اشتكوا لما انتقلوا لمدارس اصعب.. مب لانهم نوابغ بس لان في البيت ما يسمعون حنة و رنة بسبب طول السنة الدراسية او صعوبتها..
و لما اكبروا الله يحفظهم* اثنين منهم من ادخلوا الجامعات قالوا لي خوسيه ما يدخل مدارس حكومية و احنا مستعدين نساهم في دفع رسوم مدرسته و من الخيارات كانت مدرسة الشويفات.. تخيل انت انهم ما ابحثوا عن مدرسة دوامها عادي و لا سهل .. حطوا عيونهم على مدرسة دوامها لين ٤ العصر اذا استدعى الامر انه يتم فيها...
الدولة بالمسؤولين عن التعليم قاعدين يجاهدون لتوفير تعليم متطور في البلاد.. لكن للاسف الناس ما يساعدون و لا يبون يساهمون في تطوير التعليم .. طبعا ما اعمم على الكل كلامي هذا لكن كثر الشكاوي من كل شي يخلي الذهب يصدي.. و ما بالك في تطبيق اهداف واضعتها الوزارة لتطوير التعليم!!
ما ادري متى الناس يتعلمون ان كثرة الحنة تقل البركة و تييب الاكتئاب؟
متى يتعلمون ان الانتقاد الكثير يخرب النفسيات ؟
متى يتعلمون انهم يتسببون بشكل مباشر في التأثير على نفسيات عيالهم بالسلب لما ينتقدون كل شي متعلق بالعملية التعليمية؟
الدولة موفرة فيراري للتعليم لكن من غير مكينة ( هيهيهي )
فلو الوزارة ركبت مكينة الفيراير مثل التعليم الدولي المتبع في نظام التعليم البريطاني او الدبلوم الدولي .. صدقني بتلقى ناس وايد بيخترقون قانون البلاد و بيطلعون مظاهرات هم و عيالهم ضد الوزارة.
فلا تظن ان التعليم الدولي سهل و الطالب في مدرسته يلعب بينما طلاب الحكومي مكروفين.
ترى طلاب الخاصة اللي يبي نتايج زينة ينكرف كرف اليهد و يدرس مقررات اقوى و اصعب من الحكومي فالوزارة مب مرتاحة من حنة المدرسين قبل اولياء الامور مع الوضع الحالي بعد تبي مكينة فيراري على التعليم!!؟
ما اشوف حد يشتكي و يتساءل ليش الشهادة
الثانوية الحكومية في قطر حتى لو الطالب جاب ١٠٠
في كل المواد .. نتايجه ما تشفع له باسقاط ساعات او معادلاتها في جامعات دولية؟
شلي ناقصنا في التعليم الحكومي؟
بينما نفس الطالب لو تخرج من مدرسة دولية
شهادته و نتايجه تشفع له بكل ما تم ذكره !؟
ما شاء الله تبارك الله.... الله يهنيكي بأولادك يا ستو و ما شاء الله انت استثمرتي احسن استثمار و هو تعليم الأولاد تعليم صح و متكامل
انا اعرف انه التعليم الخاص اقوى من التعليم الحكومي عن تجربة لان احد اولادي دخلته مدرسة خاصة خلال كل المرحلة الابتدائية لانه من مواليد شهر أكتوبر و ما حبيت يتاخر سنة دراسية عن أولاد عماته اللي في مثل سنه مواليد قبل 30/09
كنت اشوفه يدرس اكثر من باقي اخوانه في المدارس المستقله كل يوم للساعه تسعه بالليل و هو بالابتدائي و كل دراسته بالانجليزي بس الصراحة كان ضعيف في العربي و قوي بالانجليزي....مع انه متفوق جدا في المدرسة و مجموعه قريب من 100% ....لاحظت اخته في المدرسة المستقله في الثاني ابتدائي تقرأ عربي احسن منه و هو بالسادس و كان ضعيف في الاملاء العربي
اما بخصوص الحنه و الشكوى فهي بسبب اننا نشتكي من شيء غير مجدي و غير نافع بل نشوفه يعود بالضرر على الأولاد ....خاصة أتكلم عن المرحلة الابتدائية......كانوا مخلصين المنهج من اول رمضان فما الداعي التاخير الى ما بعد العيد و حتى يوم 26/06/2019 أي بعد ما خلصوا تلاميذ المرحلة الثانوية كلهم الامتحانات
هنا كانت الشكوى و لب الموضوع
أيضا لازم أوضح اني أتمنى ان ادخل اولادي كلهم مدارس خاصة بس تعرفي اكثر مني كم هي مكلفة و مرهقة و تهد الحيل و للأسف الشغل ما يوفر بدل تعليم مثل بدل السكن و بدل المواصلات و أتمنى من الدولة انها تجبر أصحاب العمل على توفير بدل تعليم بمبلغ معقول لكل تلميذ مع كافة مستلزمات التلميذ خلال السنة الدراسية مثل ما تقوم بعض المؤسسات او الشركات
khaldoon
19-07-2019, 06:46 AM
هانت
اليوم اخر امتحان لصفوف النقل.. وننتظر النتايج وخصوصا الثانوية العامة لقبول الجامعات وسيئ الحظ اللي بيحتاج دور ثاني لمرض او لرسوب لن يتمكن من دخول جامعة قطر لان اعلان القبول فيها سيكون 28 يوليو اي قبل نهاية امتحانات الدور الثاني.
نشكر وزارة التعليم والتعليم العالي على التنسيق الرائع
الحمد لله انتهت الامتحانات و ظهرت النتائج و الحين يشوفون ايش سبب الخلل في الثانوية العامة بسبب عدم تمكن اكثر من 3000 تلميذ ناجحين من اصل اكثر من 11000 من دخول الجامعه لان معدلهم تحت السبعين اما أصحاب الدور الثاني فلو نجحوا فممكن تتوفر لهم فرصة انهم يدخلوا الجامعه في الفصل الثاني على الأقل
khaldoon
19-07-2019, 06:48 AM
اخوي مرتبش.. صباحك خير
في شي يسمونه قبول مبكر..
الطالب من يخلص اختبارات الفصل الاول
يقدم شهادته و اوراقه للجامعات و ينتظر القبول.
بمعنى.. اللي يبي بتخصص هندسة في جامعة قطر
عليه انه يجيب الايلتز و الايه سي تي قبل
ما يخلص اختبارات الثانوية العامة.
علشان يضمن انه ما يخذ تأسيسي..
اما اذا عادي عنده ياخذ تأسيسي من يخلص
اختبارات الفصل الاول يقدم اوراقه للجامعة..
هذي هي بنت اخوي حصلت قبول في جامعة قطر
و هي بعدها ما استلمت نتايج الفصل الثاني..
اما جامعات المدينة التعليمية.. باب التسجيل
ينفتح من يناير لين مارس اعتقد
و عقبها يغلقون باب التسجيل..
فالمفروض الناجحين اكثر من الراسبين
فمحد يفوته تسجيل في اي جامعة..
اما اذا الطالب ما عنده علم بالامور هذي
و اسرته ما عندهم علم بالامور هذي..
هناك خلل في الموضوع تتحمل ادارة المدرسة
و الطالب و اسرته سبب الخلل هذا..
ادارة المدرسة كان عليها توضيح هالامور في اجتماع اولياء الامور.
الطالب المفروض يكون على علم بما ان ربعه في المدرسة مقدمين.
الاسرة تتحمل المسؤولية اذا كانت المدرسة
نبهت اولياء الامور في اجتماع اولياء الامور
او بإخطارات رسمية.
متفق معاكي مية بالمية .....لا اقدر اضيف شي على هذا الكلام
khaldoon
19-07-2019, 06:49 AM
يحصل قبول .. شرط انه ينجح ويقدم شهادته الثانوية قبل الاعلان في 28 يوليو
مية بالمية...كلام سليم
khaldoon
19-07-2019, 06:50 AM
و ان شاء الله نتايج بتطلع قبل ..
و بيمديهم الطلاب يخلصون اوراقهم..
و يارب يفرح قلوبكم و قلوبنا بنتايج عيالكم.
امين يا رب العالمين
يا رب....ننتظر اعلان القبول ان شاء الله تاريخ 28/07/2019
khaldoon
19-07-2019, 06:58 AM
كلنا أو من عاصر ذاك الوقت نتذكر ايام عبدالعزيز بن عبدالله بن تركي وأيام محمد بن حمد كيف كان التعليم والتربية متماشين مع بعض وكيف كان الدوام معقول والإجازة مريحة .. والراتب الأخير للإجازة للمعلم همجة يتسمتع بها في سفرته أو اجازته اللي تقارب 4 شهور
الطلاب نفس الشيء .. مجلس الشورى إجازته 5 شهور أعتقد .. سهلوا على الناس تلقون نتائج أفضل ومعلمين قطريين وحتى غير القطري يستحق شوية راحة كل سنة يسافر بلاده
صحيح كلامك بس وقتها كنا ندرس ست أيام في الأسبوع و بعدين ظهرت فكرت توفير النفقات ليوم عمل كامل من تشغيل المباني و المواصلات و غيره و غيره فقرروا انهم يخلوا يوم إجازة مع زيادة ساعات الدوام ساعة على الأقل كل يوم و ياخذون الخميس و الجمعه إجازة و فعلا صار هالشي بعدين لقيوا انهم بياخذوا خميس و جمعه و أوروبا و أمريكا اجازتهم سبت و أحد يعني ما في تواصل مع العالم الخارجي اربع أيام في الأسبوع فخلوا الاجازة يوم الجمعة و السبت
وقتها المدرسين كانوا يقضون العيدين في بلادهم و يسافرون بر ومحملين بسياراتهم أولادهم و اغراضهم ....الحين مع الحصار الغاشم ناس كثير لغت السفر تماما بسبب انهم ما يقدرون يروحون اجازات مع ست او سبع أولاد بالجو و مع عدم توفر وسيلة مواصلات في بلادهم خلال موسم الاجازه الا لو استأجروا سيارات
يعني الاجازة أصبحت قصيرة جدا مقارنة بالسابق... اقل من شهرين مع تكاليف اعلى بكثير عن السابق و اقل نفعا و فائدة
khaldoon
19-07-2019, 07:00 AM
ما نذم ولا ننكر فضل أحد من المعلمين ولا الاداريين لكن السياسة التعليمية وايد متشددة .. وما ننسى الطالب اللي يداوم يوم طويل وسنة طويلة وراه واجب في البيت يسويه وتجهيز للامتحانات طويل ومرهق .. لا ويجيه سؤال اثبت إن التدخين غير مضر بالصحة؟
هذا اللي حط مثل هذا السؤال واللي وافقوا عليه المفروض يحضرونهم في مكان عام ويجمعون كل طالب كان عليه يجاوب ويسمعون تبريرهم لهذا السؤال والإجابة النموذجية عليه .. انا ببساطة للحين ما اعرف شالحل
ههههههههههههههههه والله معاك حق
khaldoon
23-07-2019, 10:58 AM
ما اشوف حد يشتكي و يتساءل ليش الشهادة
الثانوية الحكومية في قطر حتى لو الطالب جاب ١٠٠
في كل المواد .. نتايجه ما تشفع له باسقاط ساعات او معادلاتها في جامعات دولية؟
شلي ناقصنا في التعليم الحكومي؟
بينما نفس الطالب لو تخرج من مدرسة دولية
شهادته و نتايجه تشفع له بكل ما تم ذكره !؟
هل تقصدي IELTS, ACT and SAT؟ و الا في غيرهم
khaldoon
23-07-2019, 11:16 AM
ذكرت سالفة لي أول ما تخرجت وكانت زوجتي تدرس وانا موصلها المدرسة ايام ما فيه تلفونات .. قالت ساعتين وارجع لي وكان ما فيه طلاب وقتها .. رجعت وانتظرت محد طلع بس شفت ناس ينتظرون واقفين عند الباب وشفت عمال شايلين عدة وداخلين .. قلت هذيلا رجال ودخلوا خلني ادخل وراهم ومشيت وراهم لين تعمقت لين ليوان مفتوح كل وحدة تمر بين العمال كأنها مارة جنب شجرة .. صدقني ما ابالغ شفت أمر غريب في النساء .. الشعر مفتوح وبعضهم لابسات لباس راص
وحدة رمقتني من بعيد وشافت الغترة والعقال وقامت تركض وهي ترسل رسائل تحذير رجال رجال .. وشوي طلعت لي وحدة لو تضرب مايك تايسون بقس يعتزل الملاكمة وهو في عزه .. فراشة بس عن ثلاث رجال وقالت انت شمدخلك قلت ابي زوجتي وشفت عمال داخلين درعمت وراهم .. قالت ومنهي زوجتك قلت لها وتفهمت الوضع شوي بس قالت لي اطلع برا وبنناديها لك والكلام كله من بعيد لو قربت مني كان انا من زمان غير موجود
ذكرتني بسالفه صارت معاي من كم سنة في احدى الوزارات الحكومية بس حظي كان افضل من حظك طبعا لاني مب لابس غترة و عقال للأسف الشديد
يوم من الأيام كان في معاملة لمشروع فقالولي في فلانه هي اللي تتابعها.... لقيتها موجوده في قسم للحريم فقط و القسم بيكون في زاوية الطابق و القسم زجاجي و الباب مفتوح و داخله حريم كلهم بارتيشنات كل وحده بروحها ..... ناديت عند الباب على الأخت فلانه و الا قامت و ردت و قالت لي تعال... دخلت و وقفت معها عشر دقايق نتكلم في المعاملة و روحت
بعد كم يوم رحت اشوف معاملة لمشروع ثاني فلقيت اخ قطري الله يسهل عليه أقوله عند مين هذه المعاملة فقال عند فلانه (نفس الاسم)....و تبرع مشكورا انه يوصلني عندها و راح على باب القسم الزجاجي المفتوح و هو داير ظهره و ينادي على فلانه فقامت و ردت عليه و هي معطيته ظهرها و قالها فلان عنده معامله عندج و صار هو يتكلم من باب القسم و هي ترد عليه من مكتبها و الاثنين معطيين ظهرهم لبعض و انا وافق اتفرج و أقول بنفسي ليكون يا ولد دخلت من كم يوم عندها بالغلط وما كان المفروض تسوي هالشي و ربنا سترك وما انفضحت ولا تبهدلت ... يعني شكيت بحالي و قولت الحمد لله المرة الماضيه نفذت بأعجوبه
بعد أسبوع رجعت لنفس البنت في المعاملة الأولى و وقفت على باب القسم و ناديت على الأخت فلانه فقامت و ردت علي و قالت لي تعال و عرفت اني رجل طاوله ههههه و اني ما كنت غلطان ولا شي في المره الأولى
يحضرني مثل و انا اكتب هذه السطور لو واحد فيكم قاله راح اعضه ..... الصراحة انا زعلان من هذه السالفه على نفسي و على الأخ القطري في القصة
khaldoon
23-07-2019, 11:23 AM
خلدو
هذه هي الدولة ما قلدت المدارس الدولية و الناس تصرخ من الحكومي
بينما لما عطوهم الكوبونات شلوا عيالهم للمدارس الدولية و يبون المدارس
الدولية تسمع كلامهم و تطبق لهم اللي يبونه حق عيالهم!!
فأنت اليوم تتكلم عن الوزارة كأنك عاش في اروقتها" اعذرني"
لا انا و لا انت نقدر نحدد مقدار المجهودات اللي تقوم بها الوزارة او نحدد
اذا كانت هناك شركات استشارية او غيرها تدعمها ..
احنا كل اللي نسويه ان ننتقد وبس. ونبي عيالنا من غير واجبات و نبي دوامهم اليومي يقل
و دوامهم السنوي يقل.. و ما نركز في نقاط اهم من هذه الا وهي
هل ولدي محقق المعايير؟
كيف هي مخرجات ولدي قياسا مع مخرجات س من الابناء في مدرسة خاصة؟
ما هي المميزات اللي اكتسبها ولدي في عامه الدراسي؟
كل هالامور مب موجودة في حساب اولياء الامور.
و اذا شفت طلاب متفوقين في المدارس الحكومية او الخاصة
تأكد ان هالطلاب وراهم اسر تدعمهم و تزيدهم فوق منهجهم المدرسي
علشان الطالب يتطور.
الصراحه حيرتيني.... تقولين انه اللي قايمين على المدارس الحكوميه ما حققوا المعايير العالمية مثل أصحاب المدارس الدوليه ولا وصلوا أولادنا الى المخرجات المطلوبه المرغوب لها اقولك نروح نجيب أصحاب المدارس الدولية علشان نحقق هذه المعايير في المدارس الحكومية تعترضي و تقوليلي (بما معناه) لا تبخس في جهود المسؤولين عن المدارس الحكومية اللي ما نعرفها و لا تنتقد ولا تتفلسف و تفتي من عندك ..... خلاص انا مستسلم ههههههه
khaldoon
23-07-2019, 11:42 AM
كنت بقتبس كلام معماري اللي مفاده قلة حيلة المعلم قدام طالب قليل ادب؟ لكن انا يا عباد الله درست سنة وحده ضربت فيها طالبين بالعقال ، واحد كان يجي من الثانوي يستاذن لطالب ثاني اعدادي يطلعون يسربتون ! يوم عرفت انه مب اخوه ولا يقرب له ؟ قلت له ممنوع رائد يروح معك لانك منت اخوه ! عاندني لانه متعود يطول لسانه ، فرشته بالعقال لين أذن
المهم استويت مثال للمعلم (الرجعي والمخالف للأنظمه) ونا اشوف نفسي مفروض ابهاتهم يشكروني ولو بالتلفون لاني قمت بالواجب في غيابهم.
المدارس فيها نسبة من التعليم للطالب اللي يسمع الكلام ويتعاون مع المدرسة.. لكن البقية وضعهم وتحصيلهم العلمي بيكون باهت.
من وجهة نظر محايده ارى ان وضع تعليمكم في خير ، بس الوضع الاداري (رغم اني ما اشتغلت) معكم ، لكن لي مشاركات ودورات،، الوضع الاداري مش ولا بد ! وين المدير اللي يقدم مصلحة ورضى فريقه على مصلحته الخاصة و رضى اللي فوقه ! ارفع صبعك اذا انت مدير كفو و تعترف بتقصيرك وتحمل هم التعليم ع انه رسالة سامية وتوصل للجنة
شوف يا الغالي..... مب كل من صار اب او معلم او مسؤول عن التعليم يستحق هالشي اللي هو فيه و لا يكون قادر على التربيه و التعليم... يعني لم هم ينظرون لك نظرة انك رجعي هذا لانهم هم اللي ناقصين و ما يستحقون المكان اللي هم فيه
حاليا عندي مثال واضح عن اهتمام المدرسة بمصلحتها و مكانتها و ترتيبها بين المدارس على حساب الطالب و نفسيته و طموحه و تمنياته.... بمعنى أوضح في محسوبيات و ما يعطون فرصه لكل الطلاب يشاركون في الانشطه المدرسية المختلفه و المسابقات المدرسية علشان عندهم جاهزين محتكرين هذه المسابقه كل سنة وما يجيبون غيرهم
تيخل انه في ام لطالبه ما تشتغل فكل يوم تيجي المدرسة و ممكن تسوي ورش عمل في الصف الي فيه بنتها و ممكن كل كم يوم تجيب اكل لبنات الصف اللي في بنتها....و علاقتها ممتازه بكل مدرسات بنتها.... ايش المقابل
بنتها تشترك في كل شي.... تأخذ جوائز في كل شي حتى لو ما حققت المراكز الأولى.... والله العظيم الأولى ما تأخذ جائزة و هي تأخذ .... تشارك في كل الفعاليات و المسابقات و الكل (الطالبات في المرحلة الابتدائيه) يتفرج و يشوفون هالشي و يغارون و يحقدون و يحسدون و يشعرون بالظلم و القهر و ما في عدل و ينتظرون اي فرصة او تقصير من هذه البنت علشان يتشمتوا فيها و تعلموا معنى المحسوبيه و الواسطه و الكوسا و هم في المرحلة الابتدائيه ..... يعني عرفوا حقارة هذه الحياة من بدري قبل ما يصدموا فيها بعد 15 سنة لما يتخرجوا
حاولت انقل بنتي من الصف اللي فيه هذه البنت و قولت لهم ممكن لو تكرمتوا تبعدوا بنتي عن عالم هذه البنت و حلال عليكم هذه البنت و أمها و خلونا بعيد عنها ما ابي بنت تتعقد ... رفضوا طبعا و استهجنوا طلبي!!!
يمامـة
23-07-2019, 11:45 AM
هل تقصدي ielts, act and sat؟ و الا في غيرهم
لا و الله اني اقصد شي ثاني..
تخيل طالب يدرس في النظام البريطاني مثلا
او الامريكي او الدبلوم الدولي..
لو جاب مثلا a في الرياضيات
او b في الفيزيا او c في الكيمياء.
تخيل ان نتيجته ممكن تسقط منه
رياضيات 1 و 2 و 3
و نفس الشي بالنسبة للكيميا و الفيزيا..
تلقاه مثلا ما ياخذ كيميا في السنة الاولى
و تنحسب له ساعات الكيميا من نتيجته في المدرسة.
تلقاه يعدي مثلا مقررات الرياضيات
اذا هندسة اعتقد من 1 لين 5..
فتلقى تنحسب 1و 2 و يروح 3 على طول.
بينما طلاب المدارس الحكومية في قطر
الطالب اذا جاب 100% في الرياضيات مثلا
حتى لو عنده الايه سي تي
يسوون اختبار مستوى بناء عليه
يحددون مستواه.. و يرجع ياخذ تأسيسي
او انه يدرس الرياضيات من رقم 1 .
يعني ما في شي يشفع له في شهادته
يعامل معاملة مخرجات التعليم البريطاني
او الهندي او الامريكي.
ملاحظة ..
و اضافة بعد التعديل..
التوفل و الايلدز و الايه سي تي..
هذه متطلبات القبول في الجامعة..
مالها خص ابدا في معادلة مواد او ساعات..
فاللي ذكرتهم انت يا ستو خلدون تعتبر بمثابة
رخصة الدخول الى الجامعة..
لكن تخيل عندك رخصة لكن ما عندك سيارة؟
و علشان تكون عندك سيارة لازم تجمع اجزاءها في الجامعة.
تخلص رياضات واحد تحصل الرينج حق تاير تخلص من واحد لين خمس يصيرون عندك اربع رنجات و تاير.
تخلص كيمياء مع اللابات يصير عندك البدي.
على هالمنوال لين تتخرج و يسلمونك السيارة كاملة مكملة..
يمامـة
23-07-2019, 11:50 AM
الصراحه حيرتيني.... تقولين انه اللي قايمين على المدارس الحكوميه ما حققوا المعايير العالمية مثل أصحاب المدارس الدوليه ولا وصلوا أولادنا الى المخرجات المطلوبه المرغوب لها اقولك نروح نجيب أصحاب المدارس الدولية علشان نحقق هذه المعايير في المدارس الحكومية تعترضي و تقوليلي (بما معناه) لا تبخس في جهود المسؤولين عن المدارس الحكومية اللي ما نعرفها و لا تنتقد ولا تتفلسف و تفتي من عندك ..... خلاص انا مستسلم ههههههه
ستو خلدووون.
الحين مب انت تقول ان المدارس الخاصة اصعب من الحكومية؟
طيب مب القطريين اللي شالين عيالهم من الحكومي
حاطين عيالهم في مدارس اجنبية ما تدرس عيالهم بلغتهم
الام و مع هذا ما تشوف صراخ و عويل من اولياء الامور
بصعوبة المناهج في المدارس الخاصة الدولية؟
مثل منت تشوفها تعترض على المدارس الحكومية؟
تدري وين المشكلة؟
المشكلة في البيوت اللي صابرة على المناهج الاجنبية
اللي مب باللغة العربية حتى لو عيالهم ينجحون على الحفة
او يرسبون.. لكن عند الحكومي صوتهم عالي و صراخهم
واصل عنان السما.
فهمت علي الحين؟
و اللي ساعد ان البيوت يعلى صوتها تذمر
المدرسات القطريات طول السنة و مطالبتهم بحقوقهم
بتقليل ساعات الدوام او ايام التمدرس لان وظيفتهم
مرهقة.. ماتنسين انهم الاكثر اجورا من خريجي جميع الكليات في قطر.
khaldoon
22-08-2019, 08:03 AM
من فوائد رسائل الدعايات .. طازه
وصول تشكيلة العودة للمدارس في محلات ----
مساكين الفريخات توهم مخلصين والحين يتجهزون للمدارس والله يعين اولياء الامور .. العيد والعودة للمدارس
اه والله كلامك صحيح..... و الحين بيرجعون للدوام بعد كم يوم و سنة دراسية طويله.....شهر مايو و حتى سبتمبر فيهم مصاريف مالية كبيره.... رمضان و عيد فطر و عيد اضحى و إجازة صيفيه و تجهيز للمدارس و الجامعات
سالم الزهران
22-08-2019, 08:15 AM
اظنها دولة السويد اللي الغت الرسوب ، فابتلشوا بسويديين شباب مستهترين يتخرج بمعدل تعبان ولا ينفع للكثير من الوظايف.. لكن الفرق عندهم أن ثقافة المجتمع مختلفة، يعني هذا الخريج ممكن يشتغل عامل في خط إنتاج أو حارس أو سائق قطار.
عندنا ما كو هيجي ؟ كل عيالنا ممتازين ! اللي انكسرت رقبته يذاكر مثل اللي مختم العاب الكترونية طول الترم، كلهم طالعين بممتاز ؟
يجي زمن يفطس المريض في يد الطبيب اللي يده مسكت يد البلايستيشن أكثر من الكتاب، وتضيع القضية عند المحامي اللي كان مقضيها في الكوفي شوب اكثر من جلسته في المكتبه!
هذي مقتبسه من حكمة جنوب افريقية مع شوية بهار طبعاً
khaldoon
22-08-2019, 08:23 AM
لا و الله اني اقصد شي ثاني..
تخيل طالب يدرس في النظام البريطاني مثلا
او الامريكي او الدبلوم الدولي..
لو جاب مثلا a في الرياضيات
او b في الفيزيا او c في الكيمياء.
تخيل ان نتيجته ممكن تسقط منه
رياضيات 1 و 2 و 3
و نفس الشي بالنسبة للكيميا و الفيزيا..
تلقاه مثلا ما ياخذ كيميا في السنة الاولى
و تنحسب له ساعات الكيميا من نتيجته في المدرسة.
تلقاه يعدي مثلا مقررات الرياضيات
اذا هندسة اعتقد من 1 لين 5..
فتلقى تنحسب 1و 2 و يروح 3 على طول.
بينما طلاب المدارس الحكومية في قطر
الطالب اذا جاب 100% في الرياضيات مثلا
حتى لو عنده الايه سي تي
يسوون اختبار مستوى بناء عليه
يحددون مستواه.. و يرجع ياخذ تأسيسي
او انه يدرس الرياضيات من رقم 1 .
يعني ما في شي يشفع له في شهادته
يعامل معاملة مخرجات التعليم البريطاني
او الهندي او الامريكي.
ملاحظة ..
و اضافة بعد التعديل..
التوفل و الايلدز و الايه سي تي..
هذه متطلبات القبول في الجامعة..
مالها خص ابدا في معادلة مواد او ساعات..
فاللي ذكرتهم انت يا ستو خلدون تعتبر بمثابة
رخصة الدخول الى الجامعة..
لكن تخيل عندك رخصة لكن ما عندك سيارة؟
و علشان تكون عندك سيارة لازم تجمع اجزاءها في الجامعة.
تخلص رياضات واحد تحصل الرينج حق تاير تخلص من واحد لين خمس يصيرون عندك اربع رنجات و تاير.
تخلص كيمياء مع اللابات يصير عندك البدي.
على هالمنوال لين تتخرج و يسلمونك السيارة كاملة مكملة..
صراحة الموضوع تشعب جدا و الفضل بعد الله يكون لكم جميعا ....و ما شاء الله لك اسهامات كبيره جدا في الموضوع اثرته كثيرا يا ستو
لو استمر الموضوع في التشعب احتمال يكمل معاي حتى يخلصون الأولاد التعليم المدرسي و الجامعي و احتمال اورثه لهم يكملون فيه لو صحتي ما ساعدتني و بديت افكر بشكل جدي اني احوله لقسم منفصل في المنتدى تمهيدا انه يصير منتدى بروحه :looking::looking::looking:
الحين انا انتبهت لشي مهم من خلال مشاركتك هذه ... انا متفق معاكي بكل ما قولتيه في هذه المشاركة و نبهتني انه جامعة قطر مثلا ما تدعم طلاب المدارس المستقله.....اشلون؟.... يعني جامعة قطر لما تفرض على طلابها الجدد يدرسون مواد لغة عربيه و لغة انجليزيه كمتطلبات جامعة اجباريه و بدون حتى ما يكون في تفكير بعمل امتحانات مستوى لهم علشان يعفيهم من دراسة هذه المقررات ... معنى ذلك انهم يشوفون كجامعة قطر انه لا غنى للطالب الجامعي اللي جاي من مدرسة مستقلة عن دراسة هذه المقررات بغض النظر عن خلفيته العلميه السابقه و كأنها مواد مكملة لما درسه سابقا.... مب الأولى انهم يدعمون تعليم المدارس المستقلة بامتحان مستوى على الأقل.... يعني انا أقول يسوون امتحان ما أقول يجاملونهم و يعفوهم من دراسة العربي و الإنجليزي و بعدين يطلع الواحد ما يعرف يكتب املاء مثلا
الأولى انه جامعة قطر تدعم طلاب المدارس المستقله و الا لو هي ما دعمتهم فمن يدعمهم ... الامتحانات هذه اكيد راح تسلط الضوء على نقاط الضعف في التعليم المدرسي و راح تسهم في تطويره و تحسينه مستقبلا.... اما طالما لا توجد هذه الامتاحانات فمعنى ذلك هناك انفصال تام في الشخصية التعليميه بين المدراس المستقلة التابعه للدوله و امتداد مسيرة التعليم الجامعي في جامعة قطر ....يعني كأنه جامعة قطر هي جامعة لدولة أخرى ولا تعلم شيء عن التعليم في المدارس المستقلة التابعه للدولة
و نفس الحال بامتحانات مستوى للرياضيات و غيرها... وهذا الميدان يا حميدان... لو نجح بالامتحان يعفى من بعض المقررات و ولو ما نجح يدرسها.... احتمال كبير جدا جدا انه مب محتاج يدرسها و يضيع سنين عمره فيها و يستنزف جهده و وقته و ماله الا لو كان الهدف هو مالي بحت و ليس تعليمي هنا يسقط كل ما قولت
يمامـة
22-08-2019, 11:22 AM
خلدون
ما عندي فكرة عن جامعة قطر و اسسها
كنت اتكلم عن جامعات عالمية .
و من ثم
في السعودية عندهم اختبار قدرات
ما ادري شنهي فايدة هالاختبار عندهم يسويه الطالب
بعد تخرجه من الثانوية العامة.
احنا المجلس الاعلى سوى اختبارات وطنية
كانت في البداية مجانية يعني من غير علامات
كان مطلوب من الطلاب انهم يولونها اهمية
و يحلونها علشان القائمين على العملية التعليمية
في قطر يقيمون مستويات الطلاب و قدراتهم
اللي حصل استهتار كبير بالاختبارات هذه
و الاستهتار ادى الى فرض هالاختبارات
ضمن الامتحانات مثل ما هو حاصل حاليا..
يمامـة
22-08-2019, 11:26 AM
اظنها دولة السويد اللي الغت الرسوب ، فابتلشوا بسويديين شباب مستهترين يتخرج بمعدل تعبان ولا ينفع للكثير من الوظايف.. لكن الفرق عندهم أن ثقافة المجتمع مختلفة، يعني هذا الخريج ممكن يشتغل عامل في خط إنتاج أو حارس أو سائق قطار.
عندنا ما كو هيجي ؟ كل عيالنا ممتازين ! اللي انكسرت رقبته يذاكر مثل اللي مختم العاب الكترونية طول الترم، كلهم طالعين بممتاز ؟
يجي زمن يفطس المريض في يد الطبيب اللي يده مسكت يد البلايستيشن أكثر من الكتاب، وتضيع القضية عند المحامي اللي كان مقضيها في الكوفي شوب اكثر من جلسته في المكتبه!
هذي مقتبسه من حكمة جنوب افريقية مع شوية بهار طبعاً
حلو جلد الذات..
بالفعل اليوم الكل يشوف عياله من المتفوقين
لمجرد انه انهى الثانوية العامة..
بينما التفوق له مخرجات نعجز عن فهمها..
الطالب اللي يتخرج من الثانوية العامة
و عنده متطلبات دخول الجامعات و يسجل مواد
السنة الاولى في التخصصات هذا غير عن الطالب
اللي يدخل التأسيسي علشان يتأهل للسنة الاولى للتخصص.
و الطالب اللي نسبته 100% و عاجز يجيب المتطلبات
غير عن الطالب اللي نسبته 80% و محقق المتطلبات.
فموضوع ان نسبته في الثانوية تحدد مستواه هذا
الامر من علامات الرجعية الفكرية في زمن العلم تطور
و مقاييس الحكم على المخرجات تطورت.
لذلك اتفق معاك يا اخوي سالم في مشاركتك هذه.
سالم الزهران
22-08-2019, 12:03 PM
https://6.top4top.net/p_13293hk1u0.jpg (https://up.top4top.net/)
هذي هي الحكمة اللي عرفوها بجنوب افريقيا، ونحن العرب حاربناها بدعاوي اني انا فلان بن فلان و ولدي لازم يستوي فلان بن علان.. يالربع حمدوا الله على النعمة ولا تبتلون ولدكم او بنتكم اللي ناجحة بالدف بجامعة او تخصص مب قده. والله ان الواسطة جناية ع المجتمع، ولا تفهمني غلط يتللي تتوسط للكفوء من الجنسين، اقصد اللي يدخل ولده في شيء ما يحسنه ولا هو بفالح فيه.
سالم الزهران
22-08-2019, 12:05 PM
يالربع اللي قد مر عليه شهادات من جنوب افريقيا (مثلي) بيلقى فيها ملحق موقع من قاضي او جهة فحص في بريتوريا (عاصمتهم).. هذا مر علي لكن مدري كل التخصصات او بعضها.
سالم الزهران
22-08-2019, 12:09 PM
حلو جلد الذات.
لذلك اتفق معاك يا اخوي سالم في مشاركتك هذه.
وبعد اتفق مع تعقيبك ولو بعد نتفق في موضوع حمد الشارد مال التعدد.. نكون حققنا سلام في الشرق الاوسط.. بصراحة تعلمت من مشاركتج في ذاك الموضوع نقاط قوية، ابستعملها ضدكم يا (المتشفيات) و تشوفين الرجل الشرقي في أعتى صوره.
Powered by vBulletin® Version 4.2.5 Copyright © 2024 vBulletin Solutions Inc. All rights reserved.