عطوني رايكم افضل اشتري سيارة كروزر او نيسان

[فريج النجادة]

عطوني رايكم افضل اشتري سيارة كروزر او نيسان

ما هي المميزات والعيوب لكل سيارة على حسب تجاربكم

اتحفوني :nice:

[sara jsm]

اخوي فريج ترى تقريبا كل بيت في قطر عندهم كروزر :nice:
فـ لاتفكر ولا تحتار من حيث السعر / قطع الغيار / نقاط الصيانه / صرف البترول :nice:

والقرار لك :thumbup1:

[مرتبش]

كروزر
على كلام بعض المعارف اللي يستخدمون السيارتين

[Rider]

النيسان شكله بيتغير على شهر 9 او 10 جاي على كلام واحد فالشركة

[مرتبش]

النيسان شكله بيتغير على شهر 9 او 10 جاي على كلام واحد فالشركة

والكروزر؟ متى اذا عندك معلومة

[Rider]

والكروزر؟ متى اذا عندك معلومة

الكروزر لي بينزل شهر 9 او 10 بيكون نفس الشكل التغيير بيكون بين سنة 2020 او 2021

[SouthK]

النسيان عندي موديل 2012 و مرتاح معاه و ما اشتكي منه ابدا .. الكروزر حلو لكن ما حبيته .. القرار لك!

[عبدالعزيز 9]

كروزر

[naklan]

ابعد عن الاثنين في الوقت الحالي
كلهم بيتغيرون

[mar1]

كروزر

[Dana’1]

أفضل شي تجرب سواقة السيارتين و أكثر من مره بالشوارع المزدحمه وغيرها شوفها من النواحي الي من أولوياتك مثلا الأمان ، سعتها و اريحية الجلوس ،صرفيتها، تكييفها الأعطال إلي ممكن تتعرض لها
وسمعة الوكاله العروض والخدمات المقدمه بعد البيع .
بالتوفيق

[Rider]

امس اشوف مقطع سلمان عبدالغني يقول الكروزر وللكزس التغير بيكون في 2022

[qatarman8008]

ماراح تفرق واجد معاك نيسان او تويوتا غير بذوقك ورغبتك..
السيارتين ممتازتين..
وانا عجبني النيسان .اكثر من تويوتا .

[سعود.]

ماراح تفرق واجد معاك نيسان او تويوتا غير بذوقك ورغبتك..
السيارتين ممتازتين..
وانا عجبني النيسان .اكثر من تويوتا .

اتفق معك

[SouthK]

ماراح تفرق واجد معاك نيسان او تويوتا غير بذوقك ورغبتك..
السيارتين ممتازتين..
وانا عجبني النيسان .اكثر من تويوتا .

النيسان ممتاز لكن فكرة المستهلك عنه سيئة

[سعود.]

النيسان ممتاز لكن فكرة المستهلك عنه سيئة

صادق اخوي

النيسان من تغير شكلة 2010 الى الان بصراحه ( جبار ) من كم سنة فيه مختص بسيارات سعودي سوى مقارنة بين الاندكروزر و النيسان مابالغ يمكن اكثر من 20 نقطة وكان الافضلية للنيسان ماعدا الهاند بريك تفوق للاند بسبب انه باليد واسهل
مقارنه بنيسان

[Jspec]

انا جربت الاثنين ...

ميزات النيسان باترول 400:
- مكينه نشيطه ويستجيب معك
- عالخط اقتصادي جدا
- الكراسي مريحه
- المكيف الامامي ممتاز (الخلفي يمشي الحال)
- الدركسون خفيف وسهل
- البريك عمره طويل واحسن من التويوتا
- وسيع جدا ويتقارن بحجم الامريكي

عيوب الباترول 400:
- البريك احيانا يطلع صوت صرصره (صوت فقط)
- الداخليه كئيبه نوعا ما
- يطيح سعره بسرعه وقت البيع


ميزات التويوتا لاندكروزر:
- يتحمل حصى قطر
- صيانته اسهل
- مكيف ثلج
- الانوار الاماميه قويه جدا
- سعره وقت البيع افضل من كل السيارات

عيوب الاندكروزر:
- الكراسي غير مريحه مقارنة مع غيره من نفس الفئه
- استجابة المحرك كسرعه وقوه سحب لك عليها
- الدركسون ثقيل ويحتاج جهد معه خصوصا وقت المواقف او كثرة الانعطافات
- البريك ضعيف وبسرعه يخلص




بالاخير القرار لك اخوي شوف شنو تفضل .... انا حاليا سيارتي لانكروزر وسابقا باترول وفيه اشياء حلوه وسيئه في السيارتين عموما (الكمال لله فقط)