مكيفات دكت جنرال او ميتسوبيشي

[ALJokar]

انا في مرحلة الاختيار بدري حاليا ماقبل*البناء
عشان التخطيط ف الخريطة مع مصمم داخلي.
محتار اركب جنرال او ميتسوبيشي دكت سبيلت.
والمصمم راح يورد ويركب المكيف دكت في الطابق الارضي فقط
حسب لي 21 طن كلف علي 78750 الف ميتسوبيشي الكترونيك
والي اكتشفتة مع البحث والتسعير طلع لي ان المكتب التصميم ارخص لي
من شركة او الموزع للمكيفات.
حتى طلع مكيف غري سبيلت يونت 2.5 طن من عند المصمم 3800 ريال ومن الشركة التعاضد 4150 ريال
اتوقع يعطون خصم للمكاتب التصميم الشركات عشانهم يجيبون لهم زبائن.

فياليت تفيدوني اختار اي شركة مكيفات دكت جنرال او ميتسوبيشي للعلم سعرهم متقارب جدا.

حبيت افيدكم بالبحث الي توصلت له وفي نفس الوقت ابي استشيركم في الاختيار.

[عتيج الصوف]

اخوي الجوكر نوع المكيفين جنرال او ميتسوبيشي ماعليهم كلام ومن الافضل في السوق ,,وممكن تشوف اراء بعض الفنيين او المستخدمين للمكيفين في المواقع الاجنبية او العربية حتى تكون اوضح في الصورة ,,والله يبارك لك في البيت ويوفقك

[معماري قطري]

واحد من الربع مركب متسوبيشي حديث للحين ما سكن ولا ادري من مركبه له .. يقول للغرفة الرئيسية وصالتها وملحقاتها مركزي بس يشتكي إن باقي المكيفات تشتغل زين هذا يبند فترة بعد ما تبرد الغرفة فترة التبنيد توصل 4 ساعات وتحتر الغرفة

المهم قال لمسؤول الشركة قال له السبب ما ركبت باب والهواء الراجع يروح للصالة .. ركب باب بسرعة وشاف الوضع مثل ما هو ويقول خايف يقولون مشكلة في الدكت ولا يبدلون المكينة فوق ممكن منها الخلل

انا اشوف الحل يطلب مساعدة من الشركة الأُم ويجون يشيكون المكينة الخارجية وبعدها يشوفون لو فيه خلل في الدكت أو لا

[قطر833]

جنرال 1 وكيل قوي 2 صيانه مضمونه وممكن يطلبون لك أي قطعه في المستقبل 3 شركة معروفه
ميتسوبيشي 1 شركه معروفه 2 ماعرف لها وكيل محتكرها أو معتني فيها 3 موضوع الصيانه ?
*الاثنين إنشاءالله ممتازين لكن *
*موضوع الدكتات لازم تنشغل بطريقة صحيحه وعزل صحيح ( صاج حديد معزول)
*موضوع الصيانه مستقبلا ( حط اكبر عدد طن ممكن لان تشغيل التكييف على جهد بسيط بيطولك في عمرهم واقل صيانه وخراب وراحة راس ولو اخترب واحد الثاني يشيل المكان)
انا ارشح الأفضل سعر+الافضل في الصيانه وسعر الصيانة (: موفق

[معماري قطري]

أكثر شيء يخوفني موضوع التكييف دكت سبلت ومركزي والمفروض فيه مختصين من حماية المستهلك يحمونا من شركات الغش والعليمية في السوق

أو نقول جمعية خاصة للتكييف

[سعود.]

أكثر شيء يخوفني موضوع التكييف دكت سبلت ومركزي والمفروض فيه مختصين من حماية المستهلك يحمونا من شركات الغش والعليمية في السوق

أو نقول جمعية خاصة للتكييف

والله قلبي متروسه من ناحيه الغش والضمانات . لازم فيه حقوق وضمانات للمشتري بصفه عامة بناء ولاغيره

[بو عبدالرحمن]

انا مركب 20 مكيف ميتسوبيشي الكتريك 2 طن + 2.5 طن وصار لهم حوالي 8 سنوات.

2 من ال 20 مكيف غيرت لهم الكمبريسر والسبب كانون تقريبا شغالين 24 ساعه!!

اهم شي الصيانه الدوريه وخاصة تنظيف الفلتر الداخلي بانتظام وتنظيف الوحده الخارجيه بالماي من الغبار(على الأقل مره في الشهر).

[Azizuk]

اهم شي بالنسبة لمكيف الدكت او المركزي حجم الدكت يكون مناسب حجم المساحه

توزيع ممر وحجم ومقاسات الدكت تكون مدروسه

ايش الفايده يتركب مكيف حجم طنين ونص وحجم الدكت حق مكيف اربعه طن هنا راح يضيع الهواء بالدكت والا راح تحصل على بروده في المكان

مره دخلت بيت لقيت مركب دكتات حجمها كبير جدا والسقف نازل وبعد ماسكن راعي البيت حس ان المكيف مايبرد وبعد الاستفسار مع المهندسين اتضح ان حجم الدكت مايتناسب مع حجم أطنان وحدة التكيف

لو تلاحظ بعض دكتات التكيف تشوف حجم الدكت اول مخرج التكيف حجم كبير ولما يوصل الى اخر نقطه تشوفه ضيق

في جدول حسبه لقدرة التكيف وحجم الدكتات حتى ضجيج الصوت ودفع الهواء لها حسبه على حجم فتحات الاغرلات صفه او صفتين او ثلاث او اربع وبعضعها يوصل الى ست صفات وسبع

شكل الاغرلات اذا لينير بالطول او المركب

وطبعا الينير الطولي افضل من المربع في عمليه توزيع التبريد للمساحة وسعره أغلى من فتحات المربعة او الجداريه

بعد قوة دفع الهواء لها حسبه او راح ينتج منه صوت مزعج

حتى في طريقة وضع الدكتات اذا كان الدفع على الأسفل راسي او افقي

طبعا اذا جيت لعمية التبريد الدفع الراسي ابرد اما الأفقي من الجوانب تختلف عمليه التبريد

اما بالنسبة لنوع المكيف يعتمد على حسب جوده الكمبرسر اذا كان حلزوني او بستن او روتري او سكرو يستخدم الشلارات الكبيرة وتبرد بالماء البارد ويضخ لوحدة التكيف الداخليه عكس الغاز

مكيفات التي تعمل بالغاز حجم المسافة لا تتعدى 15 متر اما التبريد بالماء يضخ ويستخدم للأبراج والقاعات والمباني الضخمه


انا انصح بنظام ألفي آر في VRFor VRV الجديد ممتاز سعره شوي غالي بس يسوى كلهم نفس النظام بس المسمى يختلف من شركة الى شركة

نظامه وحدة خارجية وحدة تتكون من عدد ثنين كمبرسر يشتغلو بالتناوب او عدد ثلاثة كمبرسر عند بعض الشركات المصنعة على حسب حجم الأطنان

تعتبر وحدة خارجية وحدة تتركب عليها عدت وحدات داخليه ونظام الكمبرسر فيها حلزوني يشتغل على حسب الطلب طبعا نظامه وبرمجته معقده شوي لانه جديد بالسوق وقليل من الفنين يعرف يشتغل عليه لان كله كمبيوترايز وبرامج
بيب نحاس يطلع منه ويتوزع على الوحدات التبريد الداخليه

يبتدي من 8 طن الى 20 طن وأكثر على حسب الأحمال والقدرة المطلوبة للمساحة

حاليا في السوق شفت شركة توشيبا ممتازين في مكيفات VRV

معظم الشركات متوفر عندها هذا المنتج بس لازم تنتبة لعملية الصيانة اهم شي هل الشركة عندها المقدرة لصيانة هالنوع من المكيفات

[ALJokar]

والله اني احترت كثير ودخلت شركة معاهم ثالثه فوجي من الريس
والاسعار كتالي بترتيب كاعلى سعر:
فوجي
جنرال
ميتسوبيشي

محتار جدا في الشركات هذي وميولي الحالي ل ميتسوبيشس وفوجي كثرة الناس تمدح خدمة العملاء كصيانة

[Azizuk]

والله اني احترت كثير ودخلت شركة معاهم ثالثه فوجي من الريس
والاسعار كتالي بترتيب كاعلى سعر:
فوجي
جنرال
ميتسوبيشي

محتار جدا في الشركات هذي وميولي الحالي ل ميتسوبيشس وفوجي كثرة الناس تمدح خدمة العملاء كصيانة

تأكد اخوي ان المواصفات كل الشركات وحده نفس الشي او تختلف

نوع الدكت نوع الاغرلات نوع الكمبريسر الدكت معزول من الخارج

الدكت نوعه شنو فلين والا صاج كل هالمواصفات لها سعر

حتى الاغرلات يختلف سعرها حسب جودة التصنيع

بعض الاغرلات تنصبغ صبغ عادي وبعضها صبغ بودره اجود والا يتغير لونه في المستقبل

كل الشركات اللي ذكرتها ممتازه شوف اللي يناسبك انت والشركة اللي ترتاح لها لا تأخذ آراء الغير

مر شركة غري وتدمر عندهم دايكن الدرويش عندهم هايسنس عندك شركة كرير وشركة يورك وجنرال كول عندهم ميديا خط الإنتاج الثقيل وتوشيبا وشركة كولكس وكلهم الجابر وأيد شركات موجوده بالسوق المحلي طب وتخير

بالتوفيق اخري الجوكر

[معماري قطري]

هذي طب وتخير هي اللي تعبنا يا بو سعود

صج شيء يحير

[sara jsm]

عزيز ماقصر بالشرح الوافي ..
الحين دور صلاة الاستخارة :p

:

اخوي الجوكر نقطه الصيانه مابعد البيع مهمة جدا ..
وانت من ردورك مايل للميتسوبيشي .. فتوكل على الله ..
وربي يسهل عليك ..

[ALJokar]

ماقصرتو الله يجزاكم خير ع الردود

[ALJokar]

اخوي عزيز الله يجزاك خير ولا قصرت لا في الرد ولا في الشرح
ونبهتني ع عدة نقاط
الحين حجم الدكت يختلف ع حسب كبر اليونت اقصد اذا مكيف 5 طن الدكت غير عن الدكت حجم اليونت 2.5 طن.
غير هذا العزل الخارجي شلون طريقتة يكون عزل صبغ او بودرة. شنو الافضل الي فهمتة منك البودر افضل.
نوع الدكت صناعتة تقصد اذا فلين او صاج
لا كلهم صاج الشركات الي ذكرتها مو فلين لكن نوع الصاج مش عارف او صناعة وين ما ادري

[ALJokar]

وكلهم صناعة تايلند

[Azizuk]

هذي طب وتخير هي اللي تعبنا يا بو سعود

صج شيء يحير

يامعماري لي صديق زار مصنع ميديا في الصين

يقول يوجد في المصنع خطوط انتاج لجميع الشركات متسوبيشي وتوشيبا وسامسونغ وترين بالإضافة الى مكيفات شركة ميديا

عندهم كذا خط انتاج

خط انتاج الثقيل وخط انتاج الخفيف

حتى خط انتاج الثقيل عندهم انواع النوع خط الإنتاج التجاري المتوسط والتجاري الثقيل

خط الإنتاج الاتحادي الثقيل إللى هو خط انتاج للمشاريع الكبرى

التجاري المتوسط اللي هو عمرات منازل معمل قصدي خط انتاج تجاري متوسط بين طن ونص الى 8 طن اللي هو المكيف الدولاب

خط انتاج الخفيف إللى هو مكيفات سبلت وندو وكله يعتمد على وحدة التكيف الخارجي على حسب الكمبريسر

لان نظام وحدة التكيف VRV الخارجي ممكن يركب عليها كذا وحدة داخليه تبي كست او سبلت او دكت

مصنع مبديا يركب لك اَي مواصفات انت تطلبها وكل شي بسعره

اَي كمبريسر مصنع ميديا تبي يركب لك بالوحدة الخارجية يركب تبي كمبريسر سانيو تبي شركة كوبلاند او شركة دنفس كل شي ينفذونه لك على حسب متطلباتك وكل شي بسرعة

معظم الشركات عندهم عقود مع مصانع حول العالم

أساس شركة ميديا تتبع شركة كرير في الأساس ومعظم المدراء أمريكان فيها

شركة كرير عندهم خط انتاج في جمهورية مصر والمكسيك والهند والكثير من الدول

وفِي الصين عندهم قانون نظام التجارة المفتوحه

المنتج يصنع في الصين ويكتب عليه صنع في امريكا او تايلند او صنع في اَي دولة

وعندك شركة دينهم بوش الألمانية تصنع في ماليزيا وهي متخصصه في انتاج الشيلارات وخاصه للمطارات والمصانع والملاعب والمنشئات الرياضية والمشاريع الضخمه

http://www.dunham-bush.com/

[Azizuk]

اخوي عزيز الله يجزاك خير ولا قصرت لا في الرد ولا في الشرح
ونبهتني ع عدة نقاط
الحين حجم الدكت يختلف ع حسب كبر اليونت اقصد اذا مكيف 5 طن الدكت غير عن الدكت حجم اليونت 2.5 طن.
غير هذا العزل الخارجي شلون طريقتة يكون عزل صبغ او بودرة. شنو الافضل الي فهمتة منك البودر افضل.
نوع الدكت صناعتة تقصد اذا فلين او صاج
لا كلهم صاج الشركات الي ذكرتها مو فلين لكن نوع الصاج مش عارف او صناعة وين ما ادري


معظم الصاج في قطر صناعة هنديه

في السابق كان احسن وأفضل شركة على مستوى العالم من شركة سابك السعوديه

في صاج امريكي نوع الصاج كم سماكة المعدن كم مم

عملية عزل الصاج تكون بالصوف الصخري ويتغلف بشاش قطني وفوقه جبس زي الجبيرة هذا العزل الكامل بعد الشركات مايغلف الصاج الداخليه

ميزة تغليف الدكت يحافظ على البرودة تكون داخل الدكت والميزة الثانيه ان المكيف مايندي وينقط على الجبس ويخرب الجبس

وفِي نقطه مهمه بدايت خروج الدكت من الوحدة الداخليه لازم تتركب قطعه من الربر المطاطي تمتص الاهتزاز والندى لان بداية خروج الهواء البارد يتكثف ويتحول الى ماي القطعة هذي وضيفتها الاولى والأهم امتصاص الاهتزاز

حتى تركيب الوحده الداخليه تتركب لها كراسي مطاطية تمتص الاهتزاز

الحديث عن مواصفات التكيف طويله ومعقده صعب الخوض والنقاش فيها

في أمور فنيه عصب على الشخص يفهما بالساهل

بس الواحد يركز على المواصفات مثل نوع تغليف الدكت نوع الدكت والكمبريسر والوحده الخارجية شنو نوعها

اهم نقطه ان اَي كمبريسر حلزوني متوفر اَي شركة من 3 طن وأعلى

يعني مافي مكيف كمبريسر حلزوني اقل من 3 طن ومكيف الدكت لا حد يركب مكيف كمبريسر روتري ماينفع يابستن او حلزوني

نوع الوحدة الخارجية الدسشارج ( تفريغ الهواء الى الخارج ) الهواء الى الأعلى او الجانبي

معظم الدسشارج الامريكي يكون وحدة خارجيه مربعه المراوح الى الأعلى

https://2.top4top.net/p_1266g1vog0.jpeg (https://up.top4top.net/)

[Azizuk]

عزيز ماقصر بالشرح الوافي ..
الحين دور صلاة الاستخارة :p

:

اخوي الجوكر نقطه الصيانه مابعد البيع مهمة جدا ..
وانت من ردورك مايل للميتسوبيشي .. فتوكل على الله ..
وربي يسهل عليك ..



نصائح الاخت سارة جدا مهمه اخذها بعين الاعتبار موضوع الصيانة مابعد البيع

[معماري قطري]

شرح وافي يا بو سعود ما قصرت .. صراحة أذكر معظمه من خلال مشاركتي التصميم مع مهندسين الميكانيكل .. وللأسف درسنا تكييف لكن بدون تركيز والمعلومات كلها تبخرت تكييف وتدفئة وتهوئة مع دكتور شيبة يالله يالله يشوف .. كنا كله 100 من 100 العرب مكتسحين المراكز الأُولى بس كله تعاون على البر والتقوى

كانوا 4 بس اللي يحلون يتفقون كل واحد مسالة وتنتقل الحلول بيننا والمدرس مسكين ما يدري شيصير ورا

[معماري قطري]

كان مدرسنا فوقارتي اسمه يجيب الفقر طلبوه يشتغل في الكويت

[معماري قطري]

الفي ار في أحدث نظام ويمكن أحدث منه تبريد المناطق

الفي ار في بدأ في اليابان قريب والظاهر انتشر بس لو اختربت الوحدة الخارجية كل التكييف يتعطل اختصارها يعني VRV = Verstile Refrigeration and Ventilation

[الزجاجي]

انا توني مركب مستوبيشي واثناء التركيب سالت الفني شرايك فيه وبين جنرال قالي الفرق الوحيد ان جنرال اقل صوت من المستوبيشي لكن الاثنين ممتازين
للعلم مركب 2.2 و 5 طن دكت سبلت فقط

[سعود.]

شرح وافي يا بو سعود ما قصرت .. صراحة أذكر معظمه من خلال مشاركتي التصميم مع مهندسين الميكانيكل .. وللأسف درسنا تكييف لكن بدون تركيز والمعلومات كلها تبخرت تكييف وتدفئة وتهوئة مع دكتور شيبة يالله يالله يشوف .. كنا كله 100 من 100 العرب مكتسحين المراكز الأُولى بس كله تعاون على البر والتقوى

كانوا 4 بس اللي يحلون يتفقون كل واحد مسالة وتنتقل الحلول بيننا والمدرس مسكين ما يدري شيصير ورا

ههههههههههههههه

اهم شي على البر والتقوى

[سعود.]

يعطيك العافيه ( ابا سعود )

شرح وافي وعلمي وتقني وميكانيكي وعزلي

الف شكر لك

[ALJokar]

اي واالله شرح وافي جزالله خير هو من معه من اثرى الموضوع بالردود

توني متاكد من نوع المكيف طلع سكرول حلزوني ويقول فيه البائع منه حتى لو 1.5 طن سكرول

العازل قالي بيستخدم k-flex وبغطي متر من داخل بشيت وبيكون نفس هذا طرشلي هالصورة هو

102573

وبيكون الدكت كله داخلي في السقف مافيه شي معرض للشمس والعزل عليه هذا الشيت

102574

اسمه ارم فليكس فما ادري بيكون ممتاز او لا بطريقة عزلة

[ALJokar]

وتاكدت منه بعد بخصوص حجم الدكت يختلف ع حسب كبر المكينة اليونت يعني كل يونت يختلف حجم الدكت

[سعود.]

1.5 سكرول

غريبة اول مرة اسمع كذا اخبره السكرول للاحجام الكبيرة سوا دكت او سبيلت او ستاند او كاسيت !!! بس كل شي جايز

[معماري قطري]

ههههههههههههههه

اهم شي على البر والتقوى

كورس يلوع الجبد يا اخوي والامتحان طويل وكتاب مفتوح لكن خطتنا دوم تنفع نسخ سريع بدون ما ندري شالسالفة .. الكوبيين يتعاونون بس مب مثلنا ويطلعون b غالبيتهم .. الأمريكان يطلعون أوقات بي ماينس ويزعلون لأنه مجهود فردي والمدرس تفرق عنده ال 1% بين درجة ودرجة يعني اللي يجيب 95 مستحيل يحصل a

[معماري قطري]

يا ليت اخوي الجوكر تمدنا بتفاصيل كاملة حتى نتفق مع نفس الشركة واقصد اسم الموزع وتفاصيل الشغل

[معماري قطري]

اي واالله شرح وافي جزالله خير هو من معه من اثرى الموضوع بالردود

توني متاكد من نوع المكيف طلع سكرول حلزوني ويقول فيه البائع منه حتى لو 1.5 طن سكرول

العازل قالي بيستخدم k-flex وبغطي متر من داخل بشيت وبيكون نفس هذا طرشلي هالصورة هو

102573

وبيكون الدكت كله داخلي في السقف مافيه شي معرض للشمس والعزل عليه هذا الشيت

102574

اسمه ارم فليكس فما ادري بيكون ممتاز او لا بطريقة عزلة

فقد برودة التبريد مب شرط يتعرض للشمس حتى وهو داخل لذلك العزل للدكت ضروري وضروري يكون كافي وزين

[ALJokar]

شركة الريس مريتهم قالو لي بنركب لك فوجي بعد الديسكونت 22.5 طن لسكرول ب 87000 الف ريال
نوع صاج ومع عزل.
والحين مابين شركة ميتسوبيشي وفوجي.
استبعدت العمادي جنرال لسببين المبلغ مقارب للشركتين
كثرة الشكاوى على خدمة العملاء مايجيونك براحة طبعا من واقع تجربة مركبين في البيت الحالي سبيلت يونت جداري.
والمكيفات تنقط ماء مع عدة زبائن

[Azizuk]

هذا القطعة اللي تتركب بعد مخرج الهواء من الوحده الداخليه لمتصاص الاهتزاز والدكت مش معزول


https://5.top4top.net/p_12669hjmr1.jpeg (https://up.top4top.net/)

وهذا بعد العزل يكون شكله

https://1.top4top.net/p_1266esjf23.jpeg (https://up.top4top.net/)

طريقة العزل يضاف مادة غراء خضره ويتلزق عليها الصوف الصخري حليا افضل شركة عزل كمكو كويتيه الصنع تجي صوف صخري وعليه طبقة من القصدير وعليها يتركب الشاش وبعدها تتجبر بجبيرة زي جبيرة الكسر

طبعا مع التأكد من تسكير اَي فتحات بالسليكون الخاص عشان مايصير تهريب

ومثل ماقال اخوي معماري مب شرط ان العزل فقط الدكت الخارجي حتى الدكت الداخلي يجب عزله عشان مايفقد برودة

وإذا في حد عنده معلومات عن التكيف يفيدنا مهما ان كان كلنا نتعلم

بس غريبة ان قال لك في في كمبريسر حلزوني طن ونص لان الكمبريسر غالي ومحد يركب دكت طن ونص قيمة الدكت أغلى من المكيف مايسوى اركب مكيف حجمه صغير دكت لان نظام الحلزوني مايشتغل الا على احجام أطنان من 3 طن وفوق حتى 30 طن ويمكن اعلى

لو احتاج مكان صغير ويحتاج تكيف صغير ممكن اركب مكيف حجم أطنان اكبر ويتوزع على صاله او غرفه ويبرد غرفة الملابس او الممرات


وهذا مراحل تغليف الدكت

https://1.top4top.net/p_12663m0tv0.jpeg (https://up.top4top.net/)


https://2.top4top.net/p_1266fbo8g1.jpeg (https://up.top4top.net/)

https://3.top4top.net/p_1266huwia2.jpeg (https://up.top4top.net/)

https://4.top4top.net/p_1266ol6kn3.jpeg (https://up.top4top.net/)


هنا يلاحظ حجم الدكت يصغر اخر الدكت

https://5.top4top.net/p_1266ryz6q4.jpeg (https://up.top4top.net/)

وهنا يلاحظ الامبليميم بوكس مكان مخرج الهواء مكان يتركب الاغرلات

https://6.top4top.net/p_1266gbe5u5.jpeg (https://up.top4top.net/)

https://2.top4top.net/p_1266h5vk17.jpeg (https://up.top4top.net/)


وهذا الوفر تتحكم بقوة دفع وتوزيع الهواء على الممرات

https://1.top4top.net/p_12667j83q0.jpeg (https://up.top4top.net/)

[معماري قطري]

شغل ممتاز

[ALJokar]

هذا القطعة اللي تتركب بعد مخرج الهواء من الوحده الداخليه لمتصاص الاهتزاز والدكت مش معزول


https://5.top4top.net/p_12669hjmr1.jpeg (https://up.top4top.net/)

وهذا بعد العزل يكون شكله

https://1.top4top.net/p_1266esjf23.jpeg (https://up.top4top.net/)

طريقة العزل يضاف مادة غراء خضره ويتلزق عليها الصوف الصخري حليا افضل شركة عزل كمكو كويتيه الصنع تجي صوف صخري وعليه طبقة من القصدير وعليها يتركب الشاش وبعدها تتجبر بجبيرة زي جبيرة الكسر

طبعا مع التأكد من تسكير اَي فتحات بالسليكون الخاص عشان مايصير تهريب

ومثل ماقال اخوي معماري مب شرط ان العزل فقط الدكت الخارجي حتى الدكت الداخلي يجب عزله عشان مايفقد برودة

وإذا في حد عنده معلومات عن التكيف يفيدنا مهما ان كان كلنا نتعلم

بس غريبة ان قال لك في في كمبريسر حلزوني طن ونص لان الكمبريسر غالي ومحد يركب دكت طن ونص قيمة الدكت أغلى من المكيف مايسوى اركب مكيف حجمه صغير دكت لان نظام الحلزوني مايشتغل الا على احجام أطنان من 3 طن وفوق حتى 30 طن ويمكن اعلى

لو احتاج مكان صغير ويحتاج تكيف صغير ممكن اركب مكيف حجم أطنان اكبر ويتوزع على صاله او غرفه ويبرد غرفة الملابس او الممرات


وهذا مراحل تغليف الدكت

https://1.top4top.net/p_12663m0tv0.jpeg (https://up.top4top.net/)


https://2.top4top.net/p_1266fbo8g1.jpeg (https://up.top4top.net/)

https://3.top4top.net/p_1266huwia2.jpeg (https://up.top4top.net/)

https://4.top4top.net/p_1266ol6kn3.jpeg (https://up.top4top.net/)


هنا يلاحظ حجم الدكت يصغر اخر الدكت

https://5.top4top.net/p_1266ryz6q4.jpeg (https://up.top4top.net/)

وهنا يلاحظ الامبليميم بوكس مكان مخرج الهواء مكان يتركب الاغرلات

https://6.top4top.net/p_1266gbe5u5.jpeg (https://up.top4top.net/)

https://2.top4top.net/p_1266h5vk17.jpeg (https://up.top4top.net/)


وهذا الوفر تتحكم بقوة دفع وتوزيع الهواء على الممرات

https://1.top4top.net/p_12667j83q0.jpeg (https://up.top4top.net/)



اخوي ابوسعود ممكن اعرف هل هذا استاندر في قطر معين ظروري يتبع في الشركات كلها او اجتهاد شخصي من مثلا المالك يقول لهم او يطلب منهم هذا الشي؟
غير هذا هل الشركات الي عندنا نفس مثلا الي ذكرتهم مثل جنرال او ميتسوبيشي او فوجي يركبون نفس كذا في طريقة العزل او لا؟
يعني احد منكم ركب بالطريقة الي انت ذكرتها اشوفها ممتازة
واشوفها نوع ما ممكن تكلف على الشركة في طريقة العزل عشان كذا مش اي شركة تعزل بالطريقة ذي الي ذكرتها.
اذا مافي ولا شركة في قطر تعزل بالطريقة هذي كيف العالم كيف مركبين مكيفاتهم؟

ليش اقول الكلام هذا عشان ما اظلم الشركة في طريقة التركيب مثلا اني اجبرهم بطريقة معينة غير عن شغلهم او يكون العكس يكون انهم يركبون لي اي كلام دام اني مش عارف العزل او طريقة العزل.

[sara jsm]

الله ينور عليك اخوي عزيز ..
ماشاءالله فنان في الشرح مع الصور .. :victory:

[Azizuk]

اخوي الجوكر على حسب الاتفاق مع الشركة تتفق معاهم

بعض الشركات تتجنب تشرح لك كل شي وكل التفاصيل وخاصه حق الشخص اللي مايعرف في هالامور

وبعض الشركات لو تنفذ كل هالتفاصيل بيرتفع السعر والعميل بيقارن الشركات الثانيه وبيقول ليش السعر عالي وهو مب عارف ان حتى الشركات الثانية مش نفس التفاصيل يخافون العميل يروح منهم

وبعض الشركات ماعندهم مختصين والا كل مختص فاهم شغله ولو تطلب من الموظف بيرد عليك لا مايحتاج وهذا نظام قديم والنظام الجديد غير ومن هالكلام المعسول وغير وغير ويفر مخك

وبعض الشركات تشتغل حق ناس وناس يعني تهتم في عميل لها مصلحه منه او انها تهاب شخص يعرفون ان وراه ظهر او شخص صاحب منصب

وانا لاحظة شي في بعض الشركات اللي يشتغل في مكان خدمي يحترمونه ويخافون منه

وبعض الفورمنيه يسرقون الشركات حتى لو الشركة توفر المواد المطلوبة يسرقه ويبيعها

الا اذا الله وفقك بشخص ناصح وأمين

احنا لازم تكون عندنا ثقافة بعض الامور اللي تخص البناء

لو تلاحظون في الدول الأخرى مثل أوروبا وأمريكا والدول الغربية اهل البيت والعائلية هم اللي يقومون بصيانة البيت من صبغ وسمكرة وتركيب وتصليح الأعطال المنزليه بسبب غلاء الأيدي العامله

الحمدالله عندنا موجود من يخدمك وبسعر مناسب

انت اهم شي حط شروطك حسب الاتفاق وعليك انك تباشرهم وتمر عليهم اثناء التنفيذ

الله يوفقك بشركة وعمال أمينين

[Azizuk]

الله ينور عليك اخوي عزيز ..
ماشاءالله فنان في الشرح مع الصور .. :victory:


ومنكم نستفيد ماقصرتي الله يخلي top4top


عاد انتي بالشرح احسن مني :victory:

[معماري قطري]

صحيح كلام اخوي عبدالعزيز كل شركة في الغالب وكل شغلة لها مواصفاتها وموادها وطريقة التركيب .. كل هذي تفاصيل لازم نوثقها في العقد ولازم عقدنا يكون عن طريق استشاري مختص وعنده مصمم تكييف لو بنتجه لهذا الخيار .. أقلها يشرف على تدقيق العقد والرسومات المقدمة من الشركة

الحديد وشو سمكه ونوعيته ووشي طبقات العزل وتفاصيل الوصلات والتحويلات والمفاتيح الخاصة وتفاصيل المكينة الخارجية والمروحة الداخلية .. القصة طويلة وتحتاج مختص يتابعها والعقد لازم يكون دقيق ولازم تكون عندنا عينات موقعة حتى احنا نقارن الشغل في الواقع واي مشرف ينتبه لهذي الأُمور

[معماري قطري]

مستغرب ليش مصنع الحديد عندنا ما ينتج هذي النوعيات من الحديد خصوصاً شفت شينكو 7 سم معزول انتاج قطر وكان مسكت .. مغطي به صالة تابعة لحوض السباحة من سنين ومثبت وجوده لا يخر ولا يقرقع ومبرد المكان

[ALJokar]

مرحبا الله يجزاكم خير على النصايح الطيبة
مريت الريس وقريت العقد وقعدت معاه لكن كلامه يقول ممكن لو ركبت لك المكينة في المغاسل او الحمام راح تسبب ريحة فالافضل تدفع فرقية بسيطة نحط لك خط راجع عشان ماينتقل فيها الريحة وهذا تحصل 1%. في المية وخايف لايصير معاك فالافضل تسوي الطريقة.
العقد يخوف تدفع 50% اثناء توقيع العقد ومكتوب فيه انها قابلة لزيادة وقابلة للتغيير نوع المكيف كمواصفات وكبلد منتج للجهاز ممكن يتغير السعر فانا معارض ع الموضوع هذا نهائيا وهو يقول بموافقة الوزارة حطينها الشركة فاشوف الموضوع سرقة يمكن اتفق معاك على مبلغ بعدها يتغير المبلغ ويصير اكثر
ويمكن يتغير مواصفات الجهاز وبلد المنتج وانا مقتنع من الجهاز وشارية على اساس انا قاري عنه وعن مواصصفاته.

غير هذا انا ابي يكتب ضمان على مساحة المكان الي هو شافها في المخطط بنى عليها كم محتاج كم طن واذا نقص هو المسؤول عن النقصان ويتحمله على حسابة.
ويكتب ضمان انه مايجي فيه ريحة دامة اقترح اني ادفع زيادة حق الدكت الراجع في الحمام او المغاسل يضمن في المستقبل ماتجي ريحة.

[معماري قطري]

والله مأساة

كلم محمد ناصر الريس هو المدير والمالك وما يقصر كم مرة واصله ما قصر معاي وتعامله طيب وأجهزتهم وايد جيدة وأشوف السعر مشجع .. باقي الشروط اللي يحطونها هم بسبب طول المدة وما يضمنون شيصير في سياسة المصنع وبلد التصدير ولا حتى الأسعار

حل وسط تقدر تدفع وتشتري ألحين وتخزن انت بمعرفتك وتخلي مبلغ للتركيب يتحدد في الفاتورة .. وحل ثاني تشترط الزيادة ما تكون فوق 10% أو 5% مثلاً .. انا اشوف بو نواف بيقدر يسهل أُمورك

[Azizuk]

واحد من الربع مركب مكيفات دكت من شركة غري وماءشالله ممتازه

وإذا تبي عاااااد الزين والتوب خذ مكيفات ترين الامريكية ماعليها كلام بس عيب مكيف ترين ال 5 طن بيبات النحاس لازم تكون مستقيمه ماتنحني ويتركب عليها فاصل t إذا في انحناء او توزيع

او عليك بتوشيبا vrv ممتاز مركب بمستشفى حمد وبعض الفلل والمجالس

على فكره حتى لو في شرط توقف المصنع او منتج اخر الوكيل ماراح يغامر ويجيب منتج رديء

حاليا معظم الشركات تحط هالشروط بس معظم الشركات ماطبقها على الزبائن وخاصه اللي دافع كامل القيمة

[معماري قطري]

https://youtu.be/8f6Ih09uaDw

هذا فيديو عن تصميم تكييف وتهوئة في منطقة هيوستن .. بو سعود سويت لك هرن في موضوع يوتيوبيات البناء .. حاطين مكيف في ار في ميتسوبيشي مع جهاز شفط الرطوبة مع جهاز تهوئة خارجية مع نظام فلاتر متطور

[Azizuk]

https://youtu.be/8f6Ih09uaDw

هذا فيديو عن تصميم تكييف وتهوئة في منطقة هيوستن .. بو سعود سويت لك هرن في موضوع يوتيوبيات البناء .. حاطين مكيف في ار في ميتسوبيشي مع جهاز شفط الرطوبة مع جهاز تهوئة خارجية مع نظام فلاتر متطور

حلوووووه هرن :thumbup:


الغريب بالفيديو يتكلم عن حجم المكيف يعطي 30 btu انا عندي مكيف سبلت حجمه 32 btu وأبو 3 طن اكبر من هذا ومع هذا عندهم يكفي يعطي يبرد ،،،،، الحر اللي عندهم غير عن اللي عندنا

هذا air handling unit يحتاج يتركب بغرفة وشغله معقد وتهويه خارجيه وداخليه يستخدم اكثر شي في المباني الل تحت الارض او بين الأدوار والطوابق المرتفعة بالأبراج الشاهقة

شوي معقد لان كل الوحدة الداخليه والخارجية تجي قطعه واحد طبعا تجي اجزاء وتتركب او تتركب ويجي وصله وحده وتنقل الى مكان الاستخدام

وتحتاج تنظيف مستمر الفلاتر ودايمن سعرها مرتفع

الشركات ماتنصح به الا للحاجة وحسب ظروف المبنى

[معماري قطري]

حلوووووه هرن :thumbup:


الغريب بالفيديو يتكلم عن حجم المكيف يعطي 30 btu انا عندي مكيف سبلت حجمه 32 btu وأبو 3 طن اكبر من هذا ومع هذا عندهم يكفي يعطي يبرد ،،،،، الحر اللي عندهم غير عن اللي عندنا

هذا air handling unit يحتاج يتركب بغرفة وشغله معقد وتهويه خارجيه وداخليه يستخدم اكثر شي في المباني الل تحت الارض او بين الأدوار والطوابق المرتفعة بالأبراج الشاهقة

شوي معقد لان كل الوحدة الداخليه والخارجية تجي قطعه واحد طبعا تجي اجزاء وتتركب او تتركب ويجي وصله وحده وتنقل الى مكان الاستخدام

وتحتاج تنظيف مستمر الفلاتر ودايمن سعرها مرتفع

الشركات ماتنصح به الا للحاجة وحسب ظروف المبنى

هذا البيت معزول عزل مضاعف وضعف الحاجة المطلوبة من السلطات أو ضعفين ومساحة البنيان أكيد بحدود 200 متر مربع وتعتبر صغيرة مقارنة بمساحة بنياننا اللي 400 نعتبرها صغيرة .. فيه فيديو سابق حطيته عن العزل لنفس البيت والعزل عامل مهم لتقليل قدرة المكيف وطاقة التكييف

[معماري قطري]

هيوستن حارة وايد وتوصل حرارتها للأربعينات في الصيف ورطبة نفس الوقت جوها مقارب للخليج

[Azizuk]

هيوستن حارة وايد وتوصل حرارتها للأربعينات في الصيف ورطبة نفس الوقت جوها مقارب للخليج

انا سمعته بالفيديو يقول سعر التكلفة توصل 5% من سعر البيت يعني اذا سعر البيت نص مليون دولار

هذا اللي مركب بالفيديو سعره 20 الف دولار وحجم التكيف صغير تقريبا 72 الف ريال

[معماري قطري]

انا سمعته بالفيديو يقول سعر التكلفة توصل 5% من سعر البيت يعني اذا سعر البيت نص مليون دولار

هذا اللي مركب بالفيديو سعره 20 الف دولار وحجم التكيف صغير تقريبا 72 الف ريال

عدة أجزاء وأكيد غالي خصوصاً متسوبيشي مستورد عندهم والمستخدم في الغالب ماركات أمريكية .. حق حوض السباحة تقريباً بمساحة 100 متر مربع قالوا لي تحتاج مكينتين شفط للرطوبة سعر الوحدة 25000 وهذي مع السيستم عنده

[ALJokar]

كلمت اليوم موزع الجيد للهندسة عندهم توشيبا وميتسوبيشي

عطاني سعر ل توشيبا اشوفه مناسب نوعا ما قال ميزتة ان المكاين صوتها هادي مقارنة بشركات الاخرى
بس ماسمعت احد تكلم عن توشيبا دكت سبيلت
قالي الاسعار عنه ب
5
16 الف
3.7
14000

3
10200
2.5
8400 ريال

طبعا المكاين سكرول الضمان سنة وخمس سنوات ع الكمبروسر


احد سمع بالموزع هذا او ركب توشيبا دكت؟

[Azizuk]

كلمت اليوم موزع الجيد للهندسة عندهم توشيبا وميتسوبيشي

عطاني سعر ل توشيبا اشوفه مناسب نوعا ما قال ميزتة ان المكاين صوتها هادي مقارنة بشركات الاخرى
بس ماسمعت احد تكلم عن توشيبا دكت سبيلت
قالي الاسعار عنه ب
5
16 الف
3.7
14000

3
10200
2.5
8400 ريال

طبعا المكاين سكرول الضمان سنة وخمس سنوات ع الكمبروسر


احد سمع بالموزع هذا او ركب توشيبا دكت؟

نعم انا سمعت عنه ونصحت كم شخص واقتنعو بالشركة

هذا واحد كان شغال في شركة المناعي لان المناعي وكيل توشيبا وانفصل من عندهم وفتح له شركة مع شريك قطري طبعا ويشتغل

بس لازم تتاكد من شروط العقد معاه من ناحية نوع الدكت صاج والا فلين

والصاج مغلف والا بدون تغليف وانا متاكد اذا مغلف بيرتفع السعر

عنده موقع بالانستغرام والاسناب ودايمن ينزل أعماله

موقعه بشارع العزيزية التجاري جنب فودا فون محله صغير جدا بس الشاهد الله ممتاز المحل

خذ منه عرض سعر بالمواصفات وهو دايمن يركب نظام vrv توشيبا ومكيفاته ياخذها من الوكيل المناعي

انا انصح بتركيب نظام ال vrv للمستقبل

نقطه مهمه بعض الشركات الكبيرة عندهم هذا النظام بس للأسف غير مبدعين في تركيبه بسبب عدم الخبره

بس بعض الشركات الصغيرة تبدع فيه لانها متمرسة في تركيبه

توكل على الله اذا السعر والمواصفات عجبتك

[بوخالد911]

لو يرجع الزمن
بختار غررررررررررري
وانا مغمض

خدمة ما بعد البيع
وسرعة في التركيب

[ALJokar]

بو خالد شنو مركب
مكيفات جنرال دكت عندك؟
او مكيفات شركة غير؟

[ALJokar]

المكيفات طلعت مش vrv التوشيبا يقول vrv غالية مش السعر الي عطاني اياه ولا ينصح فيها على مساحات صغيرة.
غير هذا يقول المكيفات المكاين مش جديده اقصد مصنعة سنة 2017 هل لزوم تكون مصنوعة سنة 2019 او عادي اركب المكينة دام فيها ضمان 5 سنوات وصيانة لمدة سنة.

[ALJokar]

السعر الي عطاني اياه حق دكت صاج معزول بشي بالابيض مش فلين

[Azizuk]

السعر الي عطاني اياه حق دكت صاج معزول بشي بالابيض مش فلين

بيتك كم طن يجي 70 / 75 طن او اكثر في حدود كم عطاك السعر

هم في النهائية جميع المحلات يبون يوصلون الى سعر في بالهم وإذا بتقعد لهم على كل صغيرة وكبيرة بيلفون ويدورون

لان اذا بتحسب بسعر المتر والتكلفة والفائدة اللي ماخذينها بتطلع اقل من سعر اللي بيعطيك أيها

المحلات مب بس تأخذ قيمة التكلفة تأخذ ثلاث أضعاف التكلفة

الواحدات الداخليه والخارجية ماتجي 7 الى 8 آلاف ريال بالكثير 10 آلاف بس يلعبون بسعر الدكت والاغرلات

الدكت أغلى من سعر المكائن

فا يطلع السعر الإجمالي لبيت حجمه 75 طن في حدود 350 الى 400 الف ريال

[معماري قطري]

يعني التكييف بحدود 10% من تكلفة البناء عندنا لو نبيه دكت سبلت وبحدود 3% لو نبيه سبلت عادي وتتناقص قيمته كل سنة بسبب الصيانة ويتهالك .. على 20 سنة توقع تكون مبدل كل المكاين

انا عجبني التصميم الأمريكي الدكتات تكون أقل شيء والوحدة الداخلية واقفة في كبت خاص لها وتوزع لكم مكان وتصريف مياهها لحمام قريب ولا تخر على السقف وتخربه .. مع اللي شفناه سحب الرطوبة بعد بيكون نظام فعال لآخر درجة ومع هواء خارجي نقي تجديد الهواء مضمون

[معماري قطري]

الفنادق ياخذون في الاعتبار كل هذي الأُمور وبعضها تحصلون فيها غرفة جانبية فيها تجهيزات التكييف اللي نحطها احنا فوق السطح .. هذي يدخل لها عامل الصيانة وتكون مهواة بمروحة شفط كبيرة تجدد الهواء وتسحب حرارة التكييف وصيانتها سهلة تكون .. بالنسبة لبيوتنا نقدر نسويها فوق السطح أو تكون مظلات أقل شيء

[ALJokar]

بيتك كم طن يجي 70 / 75 طن او اكثر في حدود كم عطاك السعر

هم في النهائية جميع المحلات يبون يوصلون الى سعر في بالهم وإذا بتقعد لهم على كل صغيرة وكبيرة بيلفون ويدورون

لان اذا بتحسب بسعر المتر والتكلفة والفائدة اللي ماخذينها بتطلع اقل من سعر اللي بيعطيك أيها

المحلات مب بس تأخذ قيمة التكلفة تأخذ ثلاث أضعاف التكلفة

الواحدات الداخليه والخارجية ماتجي 7 الى 8 آلاف ريال بالكثير 10 آلاف بس يلعبون بسعر الدكت والاغرلات

الدكت أغلى من سعر المكائن

فا يطلع السعر الإجمالي لبيت حجمه 75 طن في حدود 350 الى 400 الف ريال

بيتي محتاج فقط الدور الارضي 23.5 طن + المجلس الخارجي 33 طن تقريبا

فحسب لي السعر الفيلا تقريبا في حدود 79000 الف

[Azizuk]

بيتي محتاج فقط الدور الارضي 23.5 طن + المجلس الخارجي 33 طن تقريبا

فحسب لي السعر الفيلا تقريبا في حدود 79000 الف

اشك بالسعر شوي قارن الشركات الثانية كم عطوك السعر قريب منه

يعني انا طالب وحدة خارجية حمولة 5 طن غري ماعندهم هالحموله عندهم 4 طن فقط بالنسبة لمكيف التوب دسجارج

والسعر يطلع قريب من سعر مكيف من شركة ثانية حمولة 5 طن

على سبيل المثال بعض الغرف عندي تحتاج 2 طن ونص بس الوحدات الخارجية كمبرسر سكرول مايجي الا حجم 3 طن وطالع فا اخترت اركب مكيف سكرول حمولة 3 طن

دايمن السعر الغالي والتكلفة تكون بسبب الدكتات مهب سعر الوحدات الميكانكيه

تاكد من الأسعار وبنود العقد

انت مر على جميع الشركات والشركة اللي ترتاح منها اختارها

انا اخذة عرض من جميع الشركات وجميعها أسعارهم متقاربه وأفضل شركة حسّيت اني مرتاح لها قبلت عرضهم

انا يهمني الشركة اذا قعدة مع الموظف يكون فاهم وازور ورشهم واشوف مخازنهم وزرت كم فيلا شفت شغلهم

انت بعد تقدر تزور الفلل اللي اشتغلو فيها

شركة الجديد يُبين على شغلهم ممتاز انا انصح فيهم او حول على غري بعد ممتازين ومثل ماقال بوخالد قال لك لو يحصلي بأخذ غررررري

[Azizuk]

يعني التكييف بحدود 10% من تكلفة البناء عندنا لو نبيه دكت سبلت وبحدود 3% لو نبيه سبلت عادي وتتناقص قيمته كل سنة بسبب الصيانة ويتهالك .. على 20 سنة توقع تكون مبدل كل المكاين

انا عجبني التصميم الأمريكي الدكتات تكون أقل شيء والوحدة الداخلية واقفة في كبت خاص لها وتوزع لكم مكان وتصريف مياهها لحمام قريب ولا تخر على السقف وتخربه .. مع اللي شفناه سحب الرطوبة بعد بيكون نظام فعال لآخر درجة ومع هواء خارجي نقي تجديد الهواء مضمون


عاااااد يامعماري البيوت الامريكية مساحاتها صغيرة والأجواء عندهم مهب مثل جونا وطبقة العزل عندهم غير

فإذا ركب مكيف دولابي وتم توزيعه على البيت راح يبرد لهم البيت

انت عندك المكيف يطحن طول السنة حتى في الشتاء أوقات تشغل مكيف :yu:

[ALJokar]

اشك بالسعر شوي قارن الشركات الثانية كم عطوك السعر قريب منه

يعني انا طالب وحدة خارجية حمولة 5 طن غري ماعندهم هالحموله عندهم 4 طن فقط بالنسبة لمكيف التوب دسجارج

والسعر يطلع قريب من سعر مكيف من شركة ثانية حمولة 5 طن

على سبيل المثال بعض الغرف عندي تحتاج 2 طن ونص بس الوحدات الخارجية كمبرسر سكرول مايجي الا حجم 3 طن وطالع فا اخترت اركب مكيف سكرول حمولة 3 طن

دايمن السعر الغالي والتكلفة تكون بسبب الدكتات مهب سعر الوحدات الميكانكيه

تاكد من الأسعار وبنود العقد

انت مر على جميع الشركات والشركة اللي ترتاح منها اختارها

انا اخذة عرض من جميع الشركات وجميعها أسعارهم متقاربه وأفضل شركة حسّيت اني مرتاح لها قبلت عرضهم

انا يهمني الشركة اذا قعدة مع الموظف يكون فاهم وازور ورشهم واشوف مخازنهم وزرت كم فيلا شفت شغلهم

انت بعد تقدر تزور الفلل اللي اشتغلو فيها

شركة الجديد يُبين على شغلهم ممتاز انا انصح فيهم او حول على غري بعد ممتازين ومثل ماقال بوخالد قال لك لو يحصلي بأخذ غررررري

مافهمت شنو قصدك تشك في السعر انه غالي او سعره مناسب ؟
غري دكت سمعت عنه مهوب زين انا بيتي كله غري حاليا سبيلت وممتاز جدا جدا وصيانتة بتلفون واحد يحظر عندي
لكن سمعت ان دكت فيه مشاكل ما ادري.
بالنسبة للمقارنة قارنته مع فوجي فرق بينهم قريب 15 الف
وقارنتة مع ميتسوبيشي تقريبا نفس السعر
وقارنتة مع جنرال تقريبا بعد نفس السعر نوعا ما.
غري عندي عرض سعر عليه من موزع ارخصهم تقريبا.

بس حاليا يقولون فيه مكيفات ع نظام القديم يتعبأ بغاز حاليا مانعينة كثير دول ومنهم قطر
ومش عارف اي نوع هالمكينة هذي اخاف يغشوني فيها شركات فقلت احاسب واسأل لين ما ارتاح

[Azizuk]

عندك شركة اسمها لفان بشارع التجاري الجديد بالعزيزية

عندهم كرير امريكي وعندهم كرير صناعة دوله ثانيه والاغرلات من شركة اير ماستر من افضل الشركات اللي تصنع الاغرلات شركة أمريكيه لها مقر بدبي ومقر بالهند

بعد شركة لفان ممتازه

[ALJokar]

اخوي عزيز تعرف نوعيتة المكائن المكيف الدكت الي تعبئي بالغاز هذا القديم الممنوع؟
او كيف أعرفها؟
وهل لزوم المكائن المكيف الدكت سنة الصنع ضروري تكون 2019 او عادي تكون 2018 او 2017؟

[Azizuk]

اخوي عزيز تعرف نوعيتة المكائن المكيف الدكت الي تعبئي بالغاز هذا القديم الممنوع؟
او كيف أعرفها؟
وهل لزوم المكائن المكيف الدكت سنة الصنع ضروري تكون 2019 او عادي تكون 2018 او 2017؟

الله يسلمك المكيفات القديمة تشتغل على نوع غاز r22 ومازال ينزل بالسوق جديد ،،،، هذا الموديل لاحد الان الدولة لم تمنع دخولة بالسوق،،، والغاز هذا يقال والله اعلم ان راح يتم توقف تصنيعه في سنة 2030 عالميا

في نقطه وحدة الواحد لازم ماينساها تتوقع الهند والصين اللي مازالت تستخدم هذا النوع من المكيفات راح توقف تصنيعه واستخدامه وبعض الدول الفقيرة ماتوقع دولتين بتعداد هالسكان راح تبدل مكيفاتها بس لان ضار بالبيئة وطبقة الازون !!!! حاليا الغاز يتصنع بالهند والصين

ومازال يستخدم بامريكا المكيف بنوع الغاز r22 ميزة الغاز هذا يدفع وينضغط ويبرد افضل من نوع الغاز الجديد اللي هو a410

يعني اَي مكيف يستخدم الغاز a410 يعتبر نوع الغاز الجديد

هذا مايعني ان المكيفات r22 نوع قديم بعد يعتبر مكيف جديد اذا تشتريه ويعطيك عليه ضمان 5 سنوات

وعندك المكيفات الشيلارات ماتشتغل الا على نوع الغاز القديم

كل مافي الامر ان اَي وكيل مكيفات اتجه نحو نوع الغاز الجديد

طبعا بتروح لأصحاب المحلات راح يمدح بنوع الغاز الجديد ويذم القديم وهو أصلا مب عارف شنو الفرق بينهم الا عدد قليل جدا فاهم بس بيقول لك نجوم وعدد وصرف كهرباء اقل ومن هالكلام المعسول

عندك بعد نوع غاز A404 بعد يستخدم لبعض المكيفات

لا تحاتي حتى لو تم توقف تصنيع مكيف يعمل على الغاز القديم R22 راح يتم تصنيع نوع غاز يعمل على المكيفات القديمة وحاليا يوجد نوع غاز يستخدم بديل R22 ماعرف اَي نوع بالضبط

وهذا كل مافي الامر

[معماري قطري]

زين بو سعود الغاز الجديد موفر للطاقة وحتى أسعار المكيفات الجديدة وتكلفتها أرخص هذا يعني إن دول مثل الصين والهند بيكون أفضل لها الجديد وبتتحول له

انا جربت القديم والجديد ولا اشوف فرق في التبريد وهذا المهم بالنسبة لي

[Azizuk]

زين بو سعود الغاز الجديد موفر للطاقة وحتى أسعار المكيفات الجديدة وتكلفتها أرخص هذا يعني إن دول مثل الصين والهند بيكون أفضل لها الجديد وبتتحول له

انا جربت القديم والجديد ولا اشوف فرق في التبريد وهذا المهم بالنسبة لي

بالنسبة لهم يعتبر غالي في الهند والصين صحيح موفر لطاقة على كلامهم شي قليل مايستدعي اني أغير مكيفات بيتي او فندق او مبنى عشان موفر لطاقة وبالنسبة للغاز الجديد سعره أغلى من القديم فرق وأيد بالسعر حتى الخصائص الغاز الجديد ماينضغط زي القديم ،،،، القديم يعمر سنوات ،،، هذا الجديد بعده ماتجرب سنوات زي القديم بعدين دايمن ينقص ويحتاج اعادة تعبئة بين فترة وفترة

[معماري قطري]

بالنسبة لهم يعتبر غالي في الهند والصين صحيح موفر لطاقة على كلامهم شي قليل مايستدعي اني أغير مكيفات بيتي او فندق او مبنى عشان موفر لطاقة وبالنسبة للغاز الجديد سعره أغلى من القديم فرق وأيد بالسعر حتى الخصائص الغاز الجديد ماينضغط زي القديم ،،،، القديم يعمر سنوات ،،، هذا الجديد بعده ماتجرب سنوات زي القديم بعدين دايمن ينقص ويحتاج اعادة تعبئة بين فترة وفترة

عيل ورطونا فيه البلدية

[ALJokar]

اخوي الغالي عزيز مارديت علي بخصوص غري تنصح فيه دكت؟
غير هذا هل مكائن القديمة الصنع سنة 2017 او 2018 مافيها مشكلة لو يبركيها او لزوم تكون المكينة صنع سنة 2019

[Azizuk]

اخوي الغالي عزيز مارديت علي بخصوص غري تنصح فيه دكت؟
غير هذا هل مكائن القديمة الصنع سنة 2017 او 2018 مافيها مشكلة لو يبركيها او لزوم تكون المكينة صنع سنة 2019


مكيفات غري ممتازة وماعليها كلام وكل المحلات تصلحها حتى لو انتهاء ضمان الشركة اَي محل يصلحها بسبب انتشارها بالسوق

الشي الثاني 2017 2018 مايعتبر قديم ان الضمان اَي مكيف من عند الوكيل ضمانه لك 5 سنوات من تاريخ التشغيل

شي لازم تعرفه انت الحين في اَي مرحله في البناء توك بالخرائط او توك تبني

1- انا بعطيك نصيحه اذا انت توك في مرحله البناء او الخرائط الأماكن اللي راح تركب فيها مكيفات دكت خل الكهرباء 3 فيز اذا المكيف 5 طن وطالع لان يحتاج هذي القوة من الكهرباء 2- خل فتحت تهوية الراجع والدكت مترين وارتفاع نص متر وذا مكيف 3 طن ونازل خل فتحت التهوية متر ونص وطبعا حمولة الكهرباء سنغل فير 3- خل المكينه الداخليه مكانها الحمام او الممر ومدد لها سليف قطر ثنين إنش مع خط الكهرباء من الأعلى الوحدة الخارجية الى تحت في الوحدة الداخليه ومن الوحده الداخليه الى مجمع الكهرباء مع بيبات تصريف الماي

معليه استحمل شرحي شوي لان بالطريقة هذي انت راح تفتك من عقد المكيفات ومايدفعونك قيمة 40% من قيمة العقد


وبعدين متى ماقربت انك بتشطب البيت تروح تعاقد مع اَي شركة وأي مكيف ويكون انتاج السنة

اهم شي انك مسوي تأسيس صح

او انك تتعاقد مع شركة تأسس لك شي مرتب وعدل وبعدين وتختار اللي يعجبك

ليش انا انصحك على سبيل المثال انا اخترت شركة المكيف من بداء الخرائط ولزمني العقد التكيف ادفع 40% من قيمة التكيف كامله والكلام هذا 2013 ونزلت مكيفات غير ومواصفات غير وانا ماركبت مميفاتي لحد الان والا اقدر أغير بس لو ماسس صح كان الحين قدرت أغير اَي شركة مع المكيفات المحادثه صحيح ان راح يضمن لي المكيفات 5 سنوات بس انا دفعت قيمة 75 % من قيمة المكيف وتم تركيب انابيب الغاز مع الوحده الداخليه والدكتات باقي الوحدات الخارجية

راجع امورك اذا انت توك في مرحلة الخرائط خل الاستشاري يأسس لك على الخرائط من البدايه بالأحمال الكهربائية على انها تكيف دكت والسباك والكهربائي والبناي يشتغلون سوى من غير شركة التكيف

والله يوفقك اهم شي مثل ماقلت لك فتحة تمرير الدكت مع التهوية 5 طن وطالع فتحة مترين مع توصيل كهرباء 3 فيز ومكيف 3 طن ونازل فتحه متر ونص
وحمولة كهرباء حمولة سنغل فيز

تدري مسجات بالمنتدى ماينفع راسلني على الخاص وعطني رقمك بتصلك اشرح لك احسن واسرع

[Azizuk]

هذا مكيف اسمه التجاري يوان سوبر صناعة صينية من اَي مصنع من مصنع غري

https://5.top4top.net/p_12928phub0.jpeg (https://up.top4top.net/)

اكبر ثلاث مصانع بالصين هو رقم واحد مكيفات ميديا وتصنع لجميع الشركات العالمية من متسوبيشي وسامسمونغ ترين وكرير ويورك وجميع الشركات تصنع عند ميديا وهو بالأصل تابع ومتحد مع شركة كرير بالأساس وانضمت معاهم شركة توشيبا ،،،،، مصنع يصنع لك على حسب الطلب اَي نوع كمبريسر ودايمن الكمبريسرات عنده كوبلاند او سانيو او او سي جي سي كمبرسرات يصنعها مصنع ميديا او اَي منتج انت حاب تشكل وتصنع في مكيفاتك المصنع يصنعا لك على حسب طلبك ويوجد خطوط انتاج ومخازن خاصه لجميع الشركات

المصنع الثاني واصغر حجم وإنتاجيه هو مصنع غري ويصنع لبعض الشركات الثانية زي اللي بالصورة فوق يوان سوبر او اَي اسم انت تختاره ينحط على المكيف بس هو منتج من مصنع غري بالآخر

المصنع الثالث هو مصنع هاي سينس وهو مصنع تابع لشركة هيتاشي بالأصل

فغالب السوق الموجود هو صناعة صينية

مصنع كرير مستثمر بالصين ومصر والهند وجنوب امريكا في المكسيك وجنوب أفريقيا

معظم مدراء مصنع ميديا أمريكين الأصل قسم المكيفات لان مصنع ميديا ينتج أشياء اخره مثل الادوات المنزليه افران ،،، غلايات ،، غسالات ملابس اواني ثلاجات والكثير هي مجموعة شركات متحدة مع بعض تصنع في مصنع ميديا

اذا تدخل موقع ميديا وتدخل على خانة الأخبار راح تحصل الشركات اللي تم الاتحاد معها وتوقيع عقود الشراكة راح تنصدم وبعض الشركات لم تعلن الشراكة للخصوصيه

[بوخالد911]

بو خالد شنو مركب
مكيفات جنرال دكت عندك؟
او مكيفات شركة غير؟

عندي جنرال
سبيلت

ماحبيت الدكت كللللش

[ALJokar]

مكيفات غري ممتازة وماعليها كلام وكل المحلات تصلحها حتى لو انتهاء ضمان الشركة اَي محل يصلحها بسبب انتشارها بالسوق

الشي الثاني 2017 2018 مايعتبر قديم ان الضمان اَي مكيف من عند الوكيل ضمانه لك 5 سنوات من تاريخ التشغيل

شي لازم تعرفه انت الحين في اَي مرحله في البناء توك بالخرائط او توك تبني

1- انا بعطيك نصيحه اذا انت توك في مرحله البناء او الخرائط الأماكن اللي راح تركب فيها مكيفات دكت خل الكهرباء 3 فيز اذا المكيف 5 طن وطالع لان يحتاج هذي القوة من الكهرباء 2- خل فتحت تهوية الراجع والدكت مترين وارتفاع نص متر وذا مكيف 3 طن ونازل خل فتحت التهوية متر ونص وطبعا حمولة الكهرباء سنغل فير 3- خل المكينه الداخليه مكانها الحمام او الممر ومدد لها سليف قطر ثنين إنش مع خط الكهرباء من الأعلى الوحدة الخارجية الى تحت في الوحدة الداخليه ومن الوحده الداخليه الى مجمع الكهرباء مع بيبات تصريف الماي

معليه استحمل شرحي شوي لان بالطريقة هذي انت راح تفتك من عقد المكيفات ومايدفعونك قيمة 40% من قيمة العقد


وبعدين متى ماقربت انك بتشطب البيت تروح تعاقد مع اَي شركة وأي مكيف ويكون انتاج السنة

اهم شي انك مسوي تأسيس صح

او انك تتعاقد مع شركة تأسس لك شي مرتب وعدل وبعدين وتختار اللي يعجبك

ليش انا انصحك على سبيل المثال انا اخترت شركة المكيف من بداء الخرائط ولزمني العقد التكيف ادفع 40% من قيمة التكيف كامله والكلام هذا 2013 ونزلت مكيفات غير ومواصفات غير وانا ماركبت مميفاتي لحد الان والا اقدر أغير بس لو ماسس صح كان الحين قدرت أغير اَي شركة مع المكيفات المحادثه صحيح ان راح يضمن لي المكيفات 5 سنوات بس انا دفعت قيمة 75 % من قيمة المكيف وتم تركيب انابيب الغاز مع الوحده الداخليه والدكتات باقي الوحدات الخارجية

راجع امورك اذا انت توك في مرحلة الخرائط خل الاستشاري يأسس لك على الخرائط من البدايه بالأحمال الكهربائية على انها تكيف دكت والسباك والكهربائي والبناي يشتغلون سوى من غير شركة التكيف

والله يوفقك اهم شي مثل ماقلت لك فتحة تمرير الدكت مع التهوية 5 طن وطالع فتحة مترين مع توصيل كهرباء 3 فيز ومكيف 3 طن ونازل فتحه متر ونص
وحمولة كهرباء حمولة سنغل فيز

تدري مسجات بالمنتدى ماينفع راسلني على الخاص وعطني رقمك بتصلك اشرح لك احسن واسرع

ماقصرت يا اخوي شيك على الخاص

[ita(10)lia]

حد جرب Coolex

[معماري قطري]

حد جرب Coolex

نصيحتي للي ناوي يركب دكت سبليت ويبي نظام جيد يشوف استشاري جيد فيه مهندس تكييف بخبرة كافية حتى يحط المواصفات ويتابع العقد ومن ثم الاشراف على التركيب لأن شركات التركيب أوقات ما تلتزم بالعقد وتحاول تختصر شغلة معينة تطلع على صاحب البيت مثل الثرموستات وتدفق الهواء والتحكم في كل مساحة

هذي أغلب المشاكل اللي لاحظت الكثيرين طاحوا فيها

بعدين الرطوبة ونزولها على الجبس وتخريب الأسقف حتى لو كانت أسقف حمامات شيء مزعج نقدر نتفاداه بتصميم نظام النوع الواقف وفي تجويف خاص في الجدار مثل الكبت وتحته تكون قطعة معدنية تجمع أي رطوبة وتنزلها في بايب لجهة الصرف .. حتى للصيانة يفتح الباب وينظف الفلتر أو يبدله وهو واقف جدام الوحدة الداخلية وحتى مجرى الغاز يكون أُفقي من الوحدة الخارجية لو سواها على جانب الحائط أو ارضية الحوش

[Azizuk]

حد جرب Coolex

كولكس منتج مصنع بالكويت هو تجميع الحلو فيه ان مصمم لأجواء الخليج الاسبلت مادري عنه بس البكج ماعليه كلام والجو في ان مكينته دايركت درايف من غير سيور هو يعتبر نفس شركة ام سي كي كان اتحاد بينه وبين الشركة الام هيتاشي وبعد الغزو انتقلت الى الشارقة وتأسست شركة كولكس بروحها وشركة ام سي كي بروحها

هيتاشي تصنع باسماء شركات ثاني في عدة دول من ضمنها هايسنس

وعلى فكره الدرويش اخذ وكالة هايسنس لانها داخله في بطولة كاس العالم 2018 وبطولة 2022 ان شاءالله بقطر

الكمبريسر في كولكس من شركة كوبلند امريكي مصنع بالهند وبس احجام البكج الكبيرة امريكي الصنع

[Azizuk]

حد جرب Coolex

كولكس منتج مصنع بالكويت هو تجميع الحلو فيه ان مصمم لأجواء الخليج الاسبلت مادري عنه بس البكج ماعليه كلام والجو في ان مكينته دايركت درايف من غير سيور هو يعتبر نفس شركة ام سي كي كان اتحاد بينه وبين الشركة الام هيتاشي وبعد الغزو انتقلت الى الشارقة وتأسست شركة كولكس بروحها وشركة ام سي كي بروحها

هيتاشي تصنع باسماء شركات ثاني في عدة دول من ضمنها هايسنس

وعلى فكره الدرويش اخذ وكالة هايسنس لانها داخله في بطولة كاس العالم 2018 وبطولة 2022 ان شاءالله بقطر

الكمبريسر في كولكس من شركة كوبلند امريكي مصنع بالهند وبس احجام البكج الكبيرة امريكي الصنع

[عايش فرحان]

الجنرال جيد .. بس ما يمدحون خدمتهم.. دايما مزحومين و يسحبون عليك عادي ..

بالنسبة لمتسوبيشي ما جربتهم بس اللي اعرفه انه فيه في قطر ثلاث شركات يوردون مكيفات متسوبيشي و كل واحد ماله خص بالثاني