جدول سياحي المانيا فينا سوسرا يوربارك [الأرشيف]

مشاهدة النسخة كاملة : جدول سياحي المانيا فينا سوسرا يوربارك

صباح

24-06-2019, 12:25 PM

السلام عليكم كيف اصبحتو
ارغب بالسفر مع العيال وارغب بزيارت يوربارك والسفره بتكون لمدة 10 يام وبالسياره وين تقترحون ابداء وووين انتهي ميونخ ولا زيورخ ولا جنيف ولا ولا
والمدن او القرى التى يمكن زيارتها على الطريف والفنادق التى تم زيارتها وافضل مكان يمكن التاجير من السياره الفان
مع الشكر والتقدير

ذكي جدااا

25-06-2019, 01:29 AM

اذا تبقى تزور زيلامسي والكابرون بالنمسا طبعا تنزل ميونخ وتخلي الرجوع من فرانكفورت اذا تبي تزور يورب بارك. الخط الثاني ممكن زيورخ ومنها الى انترلاكن والقرى اللي حولها بسويسرا ومنها الى يورب بارك وبادن بادن بألمانيا والرجوع من مطار فرانكفورت. الخط الثالث ممكن جنيف ومونترو بسويسرا وممكن تزور بحيرة انسي بفرنساعلى حدود جنيف ومن ثم تتوجه الى ألمانيا بادن بادن ويورب بارك والعوده من فرانكفورت. مجرد افكار أعطيتك اياها اختار اي خط تفضل وتشوف المسافات بين المدن. طبعا ينصح بالسواقة بأوروبا يعني تستأجر سيارة من مطار ميونخ او زيورخ وتقول لهم بسلم السيارة في مطار فرانكفورت. وبالتوفيق

monatee

25-06-2019, 09:02 AM

صباح

25-06-2019, 09:20 AM

عساك سالم
يا ذكي جدا
ويا مناتي

صباح

25-06-2019, 09:54 AM

ولا تهونننون يا اخوان وخاصة الاخوان ذكي ومناتي
بالنسبة للشركة الي تعاملت معها لاستاجار السياره وكيف تعاملها واستلمت السيارة في المطار ولا وصلوها لك في الفندق
واي الفنادق اللي مريت عليها تزكيها
ولكم الشكر

monatee

25-06-2019, 10:30 AM

دوم نتعامل مع يورب كار

وكان الاستلام من مطار جنيف، الصراحه مطار جنيف متعب بالنسبه لاستئجار السياره
لان السيارات موجودة في مبنى منفصل عن المطار ولازم تركبون الباص المخصص وهو يوديكم
السالفه صعبه اذا الاهل معاك وشناط او كان عددكم كبير
ماكنا ندري ان الموضوع بيكون بهالطريقه ولا كان خلينا استئجار السياره من داخل المدينه بدل المطار
وبالنسبه للتسليم سلمناها في مطار زيورخ والموضوع سهالات في زيورخ في الاستلام والتسليم جربناهم من قبل في الاستلام

اما بخصوص الفنادق فهي كثيره والخيارات وايد
اهم شي احنا ناخذ فندق في السنتر عشان نقضي كل شي مشي داخل المدينه
واذا كان عددنا كبير ندور الشقق حق السعه والراحه

واهم من ذي كله لازم تقرا الرفيو عن الفندق اللي تشوفه ممكن الصور تكون مخالفه للواقع
ف الرفيو مهم وتجارب الناس الي جربوه وشنو قالوا عنه
ومستحيل ناخذ فندق تقيمه اقل 8.5 ومن الاساس ادور اللي تقيمهم 9 وطالع وبعدين اشوف اللي تقيمه اقل
يعتمد حسب القيمه والموقع

صباح

25-06-2019, 10:42 AM

عساك سالم

ذكي جدااا

25-06-2019, 05:40 PM

مرحبا اخوي صباح. بالنسبة لي انا تعاملت مع كثير شركات بس كانت أفضلهم لي هيرتز من ناحية الدفع كانت افضل وأسهل من يورب بارك وسيكست. طبعا لازم يكون عندك الليسن القطري مع الدولي. الرخصة الدولية تطلعها من ريجنسي للسفريات. بالنسبة الفنادق كثيره. بس اول شي حدد خط السفر مثل ماذكرت لك فوق. بالنسبة لافضل وقت بزيارة اوروبا هو شهر خمسة مايو. ماانصح تزور اوروبا بشهر سبعه او ثمانيه لانها حرررررر وايد توصل أربعين درجة في مناطق مافيها تكييف. ونقطة مهمه عند اختيار الفندق تاكد انه عندهم مكيف لانه معظم فنادق الأربع نجوم بدون تكييف.

برشلوني قطر

09-07-2019, 07:24 AM

وعليكم السلام

كانت سفرتنا بالعيد بهالجدول

الوصول جنيف والسكن في مونترو وزرنا المدن المحيطه .. ( جنيف / شامونيه ومونت بلانك / لوزان / غشتاد / ايفيان )

السكن الثاني قرية جريندلوالد ، وزيارة الاماكن المحيطة ( انترلاكن / وادي لوتبرونن / بحيرة برينز وثون والشلالات )

ثم الذهاب الى ألمانيا تحديدا مدينة فريبورغ في الغابات السوداء والسكن بها ، ومنها زرنا ( يوربارك / بادن بادن / بحيرة تيتسي / سترازبورغ الفرنسيه وكولمار )

ثم التوجه مباشره من فريبورغ الي مطار زيورخ للعوده ( اقرب مطار بالنسبة لمدينة فريبورغ )

فكانت الدول الي زرناها بهالسفره ( سويسرا - المانيا - فرنسا )

والسفره من بدايتها الى نهايتها بالسياره

حلو الجدول وحلوه الاماكن وملاهي يوربارك لنا زياره مره ثانيه لها باذن الله

مرحبا

اخوي وين سكنت في جريندلوالد ؟؟ وهل يوجد فندق فيه تكييف ؟؟ الصراحه مره كنت ابي احجز بس الخيارات ماتشجع

اخوي صاحب الموضوع ممكن تنزل فرانكفورت وبعدها تروح فرايبورغ وتخليها مركز تروح العديد من الاماكن ومنها اليورب بارك

وبعدها اتروح انترلاكن وماحلوها والرجعه اتكون يا من زيورخ والا جنيف..بالتوفيق

صباح

09-07-2019, 08:30 AM

شكرا اخوي برشلوني
قالو لي ان فرانكفورت زحمه حق اللي بياخذ سياره وفرانكفورت حر يقولون

monatee

09-07-2019, 12:31 PM

مرحبا

اخوي وين سكنت في جريندلوالد ؟؟ وهل يوجد فندق فيه تكييف ؟؟ الصراحه مره كنت ابي احجز بس الخيارات ماتشجع

اخذنا هالشاليه Luftschloss
هو الخيار الوحيد اللي لقيناه عدل والباقي كله فل
سعر 3 ليالي طلع علينا حول 10.000 ريال

https://www.booking.com/hotel/ch/luftschloss.ar.html?aid=818933;sid=844a25602fec0ec 1915097edb161c49e;all_sr_blocks=461672402_17455986 8_8_0_0;bhgwe_bhr=2;bhgwe_cep=1;checkin=2019-11-05;checkout=2019-11-10;dest_id=-2552301;dest_type=city;dist=0;group_adults=2;group _children=0;hapos=1;highlighted_blocks=461672402_1 74559868_8_0_0;hpos=1;no_rooms=1;room1=A%2CA;sb_pr ice_type=total;sr_order=popularity;srepoch=1562664 461;srpvid=826c4286eb230123;type=total;ucfs=1&#hotelTmpl

لا مافيه تكييف ، الريف صعب تلاقي فنادق مكيفه لكن احنا كانت سفرتنا بداية شهر 6
ف ماكان حر ولا اضطرينا نفتح الدرايش فليل

ذكي جدااا

09-07-2019, 04:54 PM

قبل اسبوع وصلت الحرارة بباريس 46 وباقي المدن ب الأربعينات. السنه هذه حررر اكثر من العام وكل سنه اكثر من السنه اللي قبلها. نصيحة للإخوان السفر يكون بشهر خمسة او سته من واقع خبرة.

ذكي جدااا

09-07-2019, 04:56 PM

عيد الفطر سافرت سويسرا والحرارة كانت 15 بداية سته والحمدلله استأنست عقب مارجعت من السفره حسب الأخبار نهاية سته وصلت 35 بجرايندالوالد تخيلوا وهي منطقة مرتفعه فما بالكم بالمدن الثانيه. وحررهم اصلا غير عن الحر عندنا يلسع بطريقة غريبه.

برشلوني قطر

10-07-2019, 07:48 AM

شكرا اخوي برشلوني
قالو لي ان فرانكفورت زحمه حق اللي بياخذ سياره وفرانكفورت حر يقولون

بالنسبه للسيارة انصحكم يورب كار من افضل الشركات وسهالات في مطار فرانكفورت وانصح تسجل وتاخذ عضوية

لان لهم كونتر خاص والامور طيبه وسريعه..بالنسبه للجو ماتقدر تحكم ممكن تكون اوروبا كلها حاره ، وانت مب لازم

تسكن في فرانكورت اذا ماعندك مشكله في السواقه..اموفق اخوي

صباح

10-07-2019, 07:53 AM

الحر وين ماتروح بتلقاه قدامك ومن يوم 16 يوليو يدش قلب الحر الموت الحمر الا من رحمة الله اييينا هوى شمال وبتكون كل الدول تقريبا حر الا حول اعتقد جبال الالب من ناحية سويسرا والعلم عند الله بس يمدحون روسيا وايد

برشلوني قطر

10-07-2019, 07:56 AM

اخذنا هالشاليه Luftschloss
هو الخيار الوحيد اللي لقيناه عدل والباقي كله فل
سعر 3 ليالي طلع علينا حول 10.000 ريال

https://www.booking.com/hotel/ch/luftschloss.ar.html?aid=818933;sid=844a25602fec0ec 1915097edb161c49e;all_sr_blocks=461672402_17455986 8_8_0_0;bhgwe_bhr=2;bhgwe_cep=1;checkin=2019-11-05;checkout=2019-11-10;dest_id=-2552301;dest_type=city;dist=0;group_adults=2;group _children=0;hapos=1;highlighted_blocks=461672402_1 74559868_8_0_0;hpos=1;no_rooms=1;room1=A%2CA;sb_pr ice_type=total;sr_order=popularity;srepoch=1562664 461;srpvid=826c4286eb230123;type=total;ucfs=1&#hotelTmpl

لا مافيه تكييف ، الريف صعب تلاقي فنادق مكيفه لكن احنا كانت سفرتنا بداية شهر 6
ف ماكان حر ولا اضطرينا نفتح الدرايش فليل

وقتكم كان حلو..لاكن وقت موجة الحر :weeping:...شكرا ع الرد الوافي