جدول غذائي للتخسيس

[كلاسيك قطر]

السلام عليكم ورحمه الله وبركاته

اخواني الكل عنده جدول تخسيس

الي عنده الجدول معليكم امر يرسله اهني او الخاص

للضروره

[sara jsm]

وعليكم السلام

اخوي روح اي مركز دايت قولهم بس ابي جدول غذائي
على وزني وطولي .. هم بيسون لك فحوصات يحسبون كتله جسمك من وشو تتكون ووشو بتحتاج ،.
وتالي فحص دم وعقبها تقدر تبتدي نظام غذائي بدون خوف ...

:
هذي مسؤوليه وممكن بعض الانظمة تسوي للشخص هبوط ويروح فيها ..
فالافضل تروح مركز دايت او مركز صحي او حتى مستشفى حمد عند اخصائي التغذية ..

[كلاسيك قطر]

اي مكان وين احسن مكان

[سعود.]

وعليكم السلام

اخوي روح اي مركز دايت قولهم بس ابي جدول غذائي
على وزني وطولي .. هم بيسون لك فحوصات يحسبون كتله جسمك من وشو تتكون ووشو بتحتاج ،.
وتالي فحص دم وعقبها تقدر تبتدي نظام غذائي بدون خوف ...

:
هذي مسؤوليه وممكن بعض الانظمة تسوي للشخص هبوط ويروح فيها ..
فالافضل تروح مركز دايت او مركز صحي او حتى مستشفى حمد عند اخصائي التغذية ..

كلام جميل 100%

[sara jsm]

https://4.top4top.net/p_127982eiy0.png (https://up.top4top.net/)

هالمركز في شارع المعاضيد
ممتازين عن تجربه
:
وعندهم اشتراك في الوجبات بعد وسعرهم اقل من اغلب المراكز في الدوحة ..
ويوصلون لكً الاكل وين ماتكون ..

[sara jsm]

كلام جميل 100%

اشكرك :strong

[كلاسيك قطر]

بارك الله فيكم

وعساكم ع القوه

[qatarman8008]

والله ياخوي ما انصحك بنظام غذائي تلتزم فيه..
سواءا وجبات تجيك للبيت او قائمة مكتوبة تلتزم فيها..
لكن انصحك تبتعد عن الاكل السيئ مثل العيش واخبز والمكرونه والبطاطس وتستبدله بالسلطات والمشاوي او المسلوق..
مع مراعاة كمية ووقت الاكل طبعا..
بهالطريقة تقدر تاكل في اي مكان وباي وقت ولا انك تلتزم بنظام غذائي يحرمك من اشياء كثيرة ولاتقدر تلتزم فيه لفترة طويلة..
طبعا اي شي فيه سكر استوووووووب..
بالذات الحلويات او مشروبات غازية..
شاي بدون سكر قهوة بدون سكر..
السكر هذا سم ولو قريتوا عنه شيسوي بالجسم بتستغربون انتوا اشلون للحين عايشين..
يقول احد اخصائيين التغذية ان المعدل الطبيعي لاستهلاك السكر في الجسم هو خمس ملاعق يوميا ..
لكن كوب عصير برتقال فرش فيه ملعقتين الى ثلاث بحسب نوع البرتقالة وعندكم الحسبة..
انا حاليا افطر بيضة مسلوقة وخيارة او جزرة وقلاص حليب واعطيها تركش كوفي بدون سكر..
اتغدى سلطة وخضار مسلوقه مع قطعه صغيرة سمك او لحم او دجاج مشوي او مسلوق..
والعشى يكون كورن فليكس او روب مع فواكه مجففة لو مكسرات ..
الخيارات عديدة للاكل الصحي وبتحصلها في كل وقت وكل مكان..
اما يجيبون لك اكل في بوكس يحسسونك انك مريض ليش..!!
الله يبعد الشر عنا وعنكم..

[sara jsm]

^
^
الله يرحم الجباتي كل خميس :nea:

[qatarman8008]

هههههه وقفته من عقب رمضان..
حتى اني جوائزج صارت مندرين صيني ..!!

[sara jsm]

هههههه وقفته من عقب رمضان..
حتى اني جوائزج صارت مندرين صيني ..!!

بالعكس الحين صيف جوايزي كلها اشياء تسرسح على القلب وتوفر الجيب .. :dance

:

بخصوص نظامك الغذائي يمكن مايصلح له ..
اهم شي يسوي تحليل دم عشان يشوف ماعنده نقص فيتامين او معادن ..
لان نقص فيتامين دال يأخر نزول الوزن ومرات ممكن يكون في احتباس سوائل ..
او خلل في بعض وظائف الجسم ..

[ابوعلي]

والله ياخوي ما انصحك بنظام غذائي تلتزم فيه..
سواءا وجبات تجيك للبيت او قائمة مكتوبة تلتزم فيها..
لكن انصحك تبتعد عن الاكل السيئ مثل العيش واخبز والمكرونه والبطاطس وتستبدله بالسلطات والمشاوي او المسلوق..
مع مراعاة كمية ووقت الاكل طبعا..
بهالطريقة تقدر تاكل في اي مكان وباي وقت ولا انك تلتزم بنظام غذائي يحرمك من اشياء كثيرة ولاتقدر تلتزم فيه لفترة طويلة..
طبعا اي شي فيه سكر استوووووووب..
بالذات الحلويات او مشروبات غازية..
شاي بدون سكر قهوة بدون سكر..
السكر هذا سم ولو قريتوا عنه شيسوي بالجسم بتستغربون انتوا اشلون للحين عايشين..
يقول احد اخصائيين التغذية ان المعدل الطبيعي لاستهلاك السكر في الجسم هو خمس ملاعق يوميا ..
لكن كوب عصير برتقال فرش فيه ملعقتين الى ثلاث بحسب نوع البرتقالة وعندكم الحسبة..
انا حاليا افطر بيضة مسلوقة وخيارة او جزرة وقلاص حليب واعطيها تركش كوفي بدون سكر..
اتغدى سلطة وخضار مسلوقه مع قطعه صغيرة سمك او لحم او دجاج مشوي او مسلوق..
والعشى يكون كورن فليكس او روب مع فواكه مجففة لو مكسرات ..
الخيارات عديدة للاكل الصحي وبتحصلها في كل وقت وكل مكان..
اما يجيبون لك اكل في بوكس يحسسونك انك مريض ليش..!!
الله يبعد الشر عنا وعنكم..

:ok::ok::ok:

صدقت اخوي

والي نلاحظه ان الي يشتركون التزام فترة وعقب ترد حليمه لعادتها القديمة

[كلاسيك قطر]

بارك الله فيكم

ان شا\ءالله

[بوخالد911]

ومنكم نستفيد

[مرتبش]

اي مكان وين احسن مكان

احسن واضمن مكان.. المركز الصحي
الحين في المراكز الجديدة يقدمون خدمات اكثر ويهتمون في امور ماكانت لها اولوية سابقا.. عندهم مختصين تغذية يسوون تحاليل قبل لاتبدا ومتابعة للوزن ونسبة الدهون وتمارين رياضية عندهم حسب الحاجة.
انصحك تراجعهم وتشوف شغلهم ..والكل لازم يتثقف ويصلح المفاهيم الغذائية الخاطئة والرياضية ايضا .

[qatarman8008]

ياجماعة الربع لو تلاحظون شي غريب قاعد يصير عندنا وهو ان احنا الاعلى مدخولا في العالم ولكن اسوأ نظام غذائي وسوأ ثقافة صحية..
الحين لو هالاشياء تصير مع فقير مو مشكلة لكن مع غني ومرتاح شلون..!!
المطلوب فقط اختيار نوع وكمية ووقت الطعام..
وتخصيص اوقات لممارسة التمارين الرياضية..
مثل نص ساعة عند الاستيقاض من النوم ثم ساعة الى ساعتين في المساء..

[فريج النجادة]

لا للحرمان

نعم للوجبات الصحية المفيدة

لا للسكريات والمقالي

لا للوجبات بين الوجبات ولو كانت خفيفة لانها تهيض البنكرياس

نعم للصوم بين الوجبات

يعني في افطرت لا تاكل حتى وجبت الغداء واذا تغديت لا تاكل حتى وجبت العشاء

ما عداء الماء والشاي بدون سكر او سكر خفيف جدأ

الرياضة ثم الرياضة ثم الرياضة

اليوم والحمدلله الدولة وفرت في اربع مراكز صحية

مركز متكامل للتدريب على اللياقة البدنية والسباحة

وكذالك تقدم خدمة المساج والكاكوزي والسونا

وكل ذالك مجانأ ومع الاسف الحضور قليل جدآ

والمراكز تقدر تروح لها حتى لو كانت ليست قريبة منك

لانها للقطري فقط والقطري مطنش مع الاسف