استشارة و استفسار بركة سباحة

[Fahad Alqahtani]

السلام عليكم ورحمة الله وبركاته
عندي مساحة في البيت وناوي ابني بركة سباحة (4x6)
ويكون من ضمنها الله يعزكم دورة مياه
وتكون مغطاة ( مسلح أو كيربي) ومكيفة
فاللي عنده شركة أو مهندس قد تعامل معه يفيدنا بها

[سعود.]

باذن الله يفيدونك الشباب

نصيحتي لك بغض النظر عن الامور المادية والصيانة برك السباحة الغلطه فيها بمليار .

[معماري قطري]

عليكم السلام ورحمة الله وبركاته

انا سويت وحدة 7 في 5 وكلفني بنيانها 65000 عن طريق تدمر بالشوتنغ كريت .. بس التمديدات وشغل السقف والتكييف والدفان حولها لأني مخلي الارض نازلة من الأساس .. كله على بعض كلف 240000 مع إن شغل الحديد اقتصدت فيه وسويته عادي والا حصلت مغلف بألمنويم وقزاز ب 300000 وفوق

نصيحتي لو بتسويها سوها مرتفعة عن الارض بنيان خرسانة وسوها اوفر فلو على جانب واحد وقناة مفتوحة يتجمع فيها الغبار وورق الشجر وتشيله بالشبك بعدين .. تحتاج فلتر وزين لو تركب فلتر أشعة فوق بنفسجية أو اوزون صحي أكثر مع رملي بدون كلور وتحتاج صخان قوي

لو سويتها بهذي الطريقة ما فيه داعي تغطيهاوخل العمق 1.2 متر وعمق واحد مع مسكة ستانلس ستيل للتمارين في الماي .. لود الكهربة بيكون بعد أخف عليك لو ما خططت لها من البداية .. انا مركب دكت ومددنا بسهولة وكانت الكهربة محسوبة وركبت مكيفات لكن ما لها داعي حتى في الصيف تلفح اللي يسبح تمرضه

لو حاب تغطيها سوها خرسانة وقزاز وألمنيوم .. يسوون لك حديد لو مساحات كبيرة ويغلفونه ألمنيوم أو يوبي في سي ويجي مربعات وايد حلو شكله ولا يتأثر بالرطوبة .. بس تحتاج رخصة وتصميم هندسي

[معماري قطري]

حتى مقوس السقف يسوونه لك شركة الدوحة يو بي في سي بحديد ستانلس ستيل ووسطه بلاستيك يجي أزرق فاتح يدخل النور وطبقتين يعزل الحرارة مع إنك ما تحتاج تعزل الحرارة الماي يبرد حتى وقت الصيف

[سالم الزهران]

معماري ما صار مسبح اللي سويته.. هذا ونت مقتصد.. يالربع اولاََ لا تحطونه غزير.. و خلوه عادي مفتوح و ركب عليه من طرف ظلاله مثل اللي تستخدم لطبليات السيارات.. خلك اقتصادي وان بدى ما بدى ادفنه

[سالم الزهران]

https://2.top4top.net/p_12827f1gp0.jpg (https://up.top4top.net/)

هذا قصدي بشان المظله.. بغض النظر عن المساحة

[ابو عبدالله.]

انا سويت عقد مع هايدرو ماستر مكانهم بمحطه بترول المانع او المناعي. الاشاره الي قبل رمادا

محترمين و خذ شغل زين

بركه 5x7
سكيمر مش اوفر فلو

مع شلال كبير و اضاءه متعدده الالوان بالريموت
مع فل سستم و فلتر كريستال ما تحتاج تغيره كلش

عليك الحفر و عليهم كل شي
الشلال و المسبح موزاييك و اختار اي تشكيله. دولفين او نادي تشجعه. الخ وايد رسمات عندهم

دبل عازل مائي

126 الف ريال

و الروبوت ينظف بروحه ب 4 او 5 الاف زياده

تبي تغطي. عندهم انواع للتغطيه بسعر اضافي

الكلور داخل فلتر مش قطعه ترميها بالمسبح او سائل ممكن يتركز و يضر اليهال

ولد عمي مقاول و تعاقد معاهم ع ثلاث مسابح و يقول هذا لو بشركه ثانيه معروفه كان سواها لك ب 180 الف بنفس مواصفاتك


بالتوفيق

[معماري قطري]

معماري ما صار مسبح اللي سويته.. هذا ونت مقتصد.. يالربع اولاََ لا تحطونه غزير.. و خلوه عادي مفتوح و ركب عليه من طرف ظلاله مثل اللي تستخدم لطبليات السيارات.. خلك اقتصادي وان بدى ما بدى ادفنه

قلت حسبة التكلفة الاجمالية وحطيت لها تفاصيل في موضوع الحوض قبل مع صور وأكيد انمسحت ألحين من بداية التأسيس لين النهاية .. شيء على شيء يتراكم السعر مع إن تكلفة الحوض وعدته بس 65 ألف ريال زدت عليه فايبر اوبتكس إنارة كئيبة يفرق عنها الال اي دي ألحين بوايد نسيت كم كلفت وسويت حمام مبني مع شاور وستيم وحتى سقفه سندويش بانل .. مع صالة مفتوحة على الحوض بعد بسقف حديد لكن يوم حسبت التكلفة كاملة انصدمت والشغل خذ حول شهرين

[معماري قطري]

https://2.top4top.net/p_12827f1gp0.jpg (https://up.top4top.net/)

هذا قصدي بشان المظله.. بغض النظر عن المساحة

هذي حلوة نص تظليل

اللي تجي قزاز فوق وقزاز شفاف الشمس تدخلها وتقدر تفتح ابواب وقت الحاجة وتقدر تقفلها ولا تغبر وهذي ميزة كبيرة

[سالم الزهران]

ياخوي انا تهمني الميزانية... حضرتك عطيت خوينا تصميم جميل واعتقد شفناه في موضوع تصاميمك.. وهو فعلاََ روعه حتى لو ما استخدم لغرض السباحة.. وفق الله الجميع

[معماري قطري]

ياخوي انا تهمني الميزانية... حضرتك عطيت خوينا تصميم جميل واعتقد شفناه في موضوع تصاميمك.. وهو فعلاََ روعه حتى لو ما استخدم لغرض السباحة.. وفق الله الجميع

حتى تضبط الميزانية قلل المتطلبات وسو نظام مفتوح

[Fahad Alqahtani]

مشكورين على النصائح وما قصرتوا
والبركة ابيها جلسة و بركة يعني ضروري تكون مغطاة
يعني احتزم ب ظ¢ظ*ظ* الف و أتوكل على الله

[بوخالد911]

كل التوفيق.

[Fahad Alqahtani]

تسلمون جميع و الله ما قصرتوا و قريب ان شاء و ابداء في التصميم و ان شاء الله اخليكم معكم اول باول
بس تتعدل الميزانية و نشوف الشركات
حاليا تواصلت مع شركة الجبر و بشوف اكثر من شركة ان شاء الله

[معماري قطري]

تسلمون جميع و الله ما قصرتوا و قريب ان شاء و ابداء في التصميم و ان شاء الله اخليكم معكم اول باول
بس تتعدل الميزانية و نشوف الشركات
حاليا تواصلت مع شركة الجبر و بشوف اكثر من شركة ان شاء الله

شوف جيمكو أو جامكو هي التوب ورا وكالة البورش على طريق المطار ما ادري اذا نقلوا والا تدمر مقابل تقريباً شركة الجبر على الجهة الثانية .. وفيه شركة نسيت اسمها بعد مركز العسيري نصحني مهندسهم باستعمال الاوزون للبيت أو الأشعة فوق البنفسجية لا ريحة ولا مواد اضافية

انا كانت فكرتي اسويها مغلقة لكن العيال أقنعوني بالمفتوحة والشمس وأعدت التخطيط لمفتوحة .. بيكون معاها مجلس وملحقاته مغلقين بس مفتوحين عليها