+++ المواقف الطولية بمنطقة الأبراج +++

[jajassim]

أزمة مواقف السيارات بمنطقة الأبراج ، أرى بالإمكان تحويل 60% من المواقف الطولية الى مواقف مائلة، ومميزاتها سهولة الدخول والخروج منها وعدم تعطل حركة السير بالمنطقة واستغلال الأمثل للساحات الفاضية ، ناهيكم عن صعوبة الوقوف في المواقف الطولية ، أيش رأيكم؟


https://www3.0zz0.com/2019/07/10/10/389626621.jpg (https://www.0zz0.com)

https://www3.0zz0.com/2019/07/10/10/605714856.jpg (https://www.0zz0.com)

[مرتبش]

اكيد احسن وفي مواقف المجمعات ايضا.. اسهل للدخول والخروج ومساحة اقل

[khaldoon]

متفق تماما معاك ....بس هل ستؤثر على عرض الطريق ؟

[MAZEN37]

طبعا افضل
انا استغرب من مهندسين الطرق في رسم مخططات الشوارع
ليش التعقيد في التخطيط يوصل لحد الغباء
في حلول عمليه وامنه ومفيده لمواقف ومخارج ومداخل وكتوف ووو
لكن لا تؤخذ بالاعتبار مع العلم انها مفيده جدا وتوفر الجهد والوقت والانسيابيه
والامثله كثيره اقترح على المرور اضافة خانه في مطراش لافكار مستخدمين الطريق وراح يتفاجئوا من الحلول المنطقيه لكل مستخدم طريق ويدرسونها قبل التنفيذ لكن لازم يكون فيه مرونه وسرعه بالحلول

[@north_star@]

المواقف الجانبية أسهل بالوقوف لانك تدخل الموقف على طول اما الطولية مرات يبيلك تقدم وترجع تصف سيارتك بالريوس
والطولية أفضل عشان محد يوقف جنبك ويفتح الباب كنه رايح يحارب ويزلغ سيارة اللي واقف حذاه

[معماري قطري]

طبعا افضل
انا استغرب من مهندسين الطرق في رسم مخططات الشوارع
ليش التعقيد في التخطيط يوصل لحد الغباء
في حلول عمليه وامنه ومفيده لمواقف ومخارج ومداخل وكتوف ووو
لكن لا تؤخذ بالاعتبار مع العلم انها مفيده جدا وتوفر الجهد والوقت والانسيابيه
والامثله كثيره اقترح على المرور اضافة خانه في مطراش لافكار مستخدمين الطريق وراح يتفاجئوا من الحلول المنطقيه لكل مستخدم طريق ويدرسونها قبل التنفيذ لكن لازم يكون فيه مرونه وسرعه بالحلول

شوف من يحط متطلبات التصميم ومن يتابعه ومن يوافق عليه .. في الغالب ما له في التخصص وحتى يمكن مب جامعي

[معماري قطري]

المواقف الجانبية أسهل بالوقوف لانك تدخل الموقف على طول اما الطولية مرات يبيلك تقدم وترجع تصف سيارتك بالريوس
والطولية أفضل عشان محد يوقف جنبك ويفتح الباب كنه رايح يحارب ويزلغ سيارة اللي واقف حذاه

المجمعات التجارية يبدعون في توفير المواقف وكذلك العمارات السكنية يسوونها بزاوية قائمة وحتى ضيقة بصعوبة تقدر تفتح باب سيارتك .. لو خذنا في الاعتبار موقف طولي يوصل ل 7 أمتار في الغالب أو موقفين جنب بعض كل موقف بعرض 3 متر بنقدر نوفر موقفين مكان موقف واحد وشوي زيادة

[معماري قطري]

من جانب آخر المواقف المائلة أسهل للدخول والخروج ونقدر نسويها مائلة 30 درجة فقط بدال 45 أو 60 وتكون شبه طولية ويتم اعتماد 3 متر كعرض للموقف حتى يكون مريح لنزول الركاب وعندنا أرصفة مبالغ في مساحتها ولا حد يمشي عليها ممكن نعمق الموقف شوي داخلها

انا لاحظت تصاميم حتى البيوت يسوون موقف السيارة أوقات مترين في 4 متر طول .. اتحدى اللي سوى الموقف يدخل هوندا صغيرة فيه .. إذا السيارات عرضها في الغالب 1.8 ويزيد وبعضها توصل 2.2 متر وبعضها طولها يوصل 6.7 كما في البنتلي الصالون طويل القاعدة .. السوبربان أظن 6.4 واللكزس 5.7 بس مستحيل توقف سيارة طولها 5.7 في عمق 5.7 لازم تحتاج مسافة ورا وجدام

[سهم فضة]

اتذكر سبق واقترحت نفس الاقتراح قبل كم سنة لهيئة الاشغال الله يجزاهم خير اخذو الاقتراح لكن لم يتم الععمل به لتوفير اكبر عدد ممكن للمواقف في منطقة الابراج خاصة ان هناك مساحات ضايعة اغلبها رصيف وفيه عمق كبير دون فائده مما يضطر بعض اصحاب السيارات الفورويل للوقوف فوقه .

[معماري قطري]

لمنطقة الأبراج ما تنفع المواقف جنب الطريق .. المفروض الطريق حوله تشجير وتجميل ويكون واسع والحل للمواقف يكون دور ثاني فوق الطرق فيها مواقف مرتبة ومداخل منها مباشرة للبنايات اللي جنبها .. ممكن تنعمل حديد أو حتى بريكاست وتتركب في فترة قياسية وفيه شركات عالمية مختصة فيها