بيع الماء عند الاشارات الضوئية [الأرشيف] - منتديات شبكة الأسهم القطرية

مشاهدة النسخة كاملة : بيع الماء عند الاشارات الضوئية

am51071

17-07-2019, 10:18 AM

ظاهرة غريبة حصلت معي وأنت واقف عند الاشارة تتفاجأ بشخص معاه كيس يبيع الماء حصلت معي مرتين

khaldoon

18-07-2019, 06:41 AM

كثير دول سياحية تسوي هالشي .... يبيعون الماي في كل مكان بالشارع... المشكله تمشي تعطش و تضطر تشتري ماي و بعدين تبي تروح الحمام و انتوا بكرامة و تدور على حمامات عمومية و تدفع فلوس علشان تدش الحمام هههه

الاستاندر

18-07-2019, 07:09 AM

امس وانا طالع من الدوام صادفت هالموقف
والله عورني قلبي حر وشمس ورجال كبير في السن الله يساعده يارب

R 7 A L

18-07-2019, 07:23 AM

اليوم وانا طالع من الصيدلية cvs حصلت عيال وبنات معهم اكياس فيها ماي وعند الرصيف ثلاجة لهم ياخذون منها الماي
المكان: امريكا

sara jsm

18-07-2019, 07:36 AM

فريج النجادة

18-07-2019, 09:05 AM

المفروض اذا شفت انسان في عز الحر واقف يبيع

جرايد ماي

المفروض تشتري منة كل الموجود عندة

حتى يروح ويترك الشمس قبل ما تجية ضربة شمس

ناس مساكين ويحتاجون من يساعدهم

والله شفت هذا المنظر قدامي من كم يوم

وحدة تشتري جميع الجرايد حتى صاحب الجرايد يترك الشمس

الله يكتب اجرها يارب

مرتبش

18-07-2019, 09:19 AM

غريبة.. نبي نفتك من بياعين الجرايد في هالحر.. يطلعون لنا بياعين ماي
نتمنى الداخلية تشوف الموضوع..
واتمنى كذلك توزيع الماي مجانا على رواد الاماكن العامة والاسواق -( تحية لمجمع ازدان حيث يوفر الماء للجميع )- وتوفير برادات الماء بشكل اكبر مثل قبل في كل مكان.. قبل كانت البرادات في الفرجان منتشرة ومن صارت تغييرات كهرماء انقرضت البرادات وماتبقى منها تحولت لاستخدام عمال الشركات اللي من الصبح يستهلكون كل الماء البارد ( الشركات الصغيرة لاتهتم بتوفير الماء للعمال فيضطرون لملء مطارات الماء وحملها لمواقعهم من اقرب براد ) .. الدنيا حر وافضل الصدقات سقيا الماء

MAZEN37

18-07-2019, 10:00 AM

مرتبش

18-07-2019, 10:17 AM

انا مع مافيها شي
عند الاشارات
هذا رائيي والماء صحي ومافيه شوائب
اجوائنا حارة ولو انا صاحب قرار اخلي سوق الخضرة وكل شي والزباين بالسيارة
امس رحت سوق الخضرة تقول لاهوب وما قدرت انزل من السيارة واشتريت اغراضي وانا بالشارع
يجب مراعاة ظروف وبيئة كل دوله
في بلاد الجو الزين انت بروحك ما ودك تركب مواصلات وتمشي بالشارع حتى الشمس مقبوله

صحيح حر ولذلك اللي يبيعون نتعاطف معاهم وماودنا يوقفون في الشمس ويبيعون الماء.. بسهولة تحط لك غرشة ماء في السيارة احتياط .. او توقف عند اي دكان وبيحضر لك الماء بدون تعريضهم للشمس

معماري قطري

18-07-2019, 10:20 AM

انا ضد هالشي وبقوة ..
اصلا سالفه بيع الجرايد للحين تحرق قلبي ..
من اشوفهم في هالحر او البرد استضييييق هذا وهم مصرحين ..

اما بيع الماي ولا المسباح والمسواك هالشي مانحب نشوفه ..
الحمدلله دولتنا مب سياحيه انك تشوف السياح في الشوارع والسكيك ..
ومحطات وقود منثرة في كل مكان .. بس هذا نوع من الطراره

ما تتابعين تقارير السياحة عندنا؟

وهذي شغلة شريفة وطيبة للمحتاج والله يوفقهم سواء سياح أو مقيمين في البلاد .. يمكن نفتقد مظلات ثابتة وقوية مثل الحديدية لحماية المارة والواقفين من وطأة الشمس

khaldoon

18-07-2019, 10:24 AM

انا مع بيع زجاجات مياه مغلقه من المصنع و ضد بيع عصاير و ايس كريم اللي يسوونها في الشارع من باب النظافة

مع بيع أي شي معلب و مغلف و مغلق مصنعيا في الجو الحار

يمامـة

18-07-2019, 12:02 PM

لا اله الا الله

صار بيع الماي ظاهرة غريبة لان اللي يبيعها انسان محتاج؟

طيب لو هالماي تم توزيعها مجاني بيكون عادي؟

لذلك ما فيها شي يبيعون ماي ما حدهم للامر ذيه الا اللي امر منه..

فاللي متعاطف معاهم يحاول يشتري بدل مطارة ماي ١٠ و يوزعها على العمال في الشوارع.

اما ان نضيق على اللي يسترزق .. تراني ضد التضييق هذا..
هذه وجهة نظري ما افرضها على احد..

و شكرا لكم

Rider

18-07-2019, 12:37 PM

هو الفكره مب فالبيع والشغل لكن السؤال هل هذا الشي مسموح من الجهات المختصه

مرتبش

18-07-2019, 12:42 PM

يمامـة

18-07-2019, 12:45 PM

انسان محتاج.. نسأل انفسنا ليش محتاج؟ جابته شركة وسرحته في الشارع يسترزق لا معاش ولا رعاية .. مو المفروض نعالج سبب المشكلة والا نعالج نتيجة المشكلة.. هالشركات عادي تسيئ معاملة العمال؟ ..من يملك هالشركات؟ احنا نملكها والا ناس من كوكب اخر.. تناقض نبي نسوي خير ونساعد محتاج 10 ريالات واحنا نحضره من بلاده ويدفع دم قلبه هناك عشان يجي ارض الميعاد ويحصل معاش يستره وينفع اهله ويتفاجئ لا وظيفة والشركة وهمية او لازم يدفع للشركة بدل ماتدفع له.. هذا مصدر الغرابة في الموضوع.

المشكلة من بيعالجها؟
و متى بتعالج؟
و من بيحاسب المتسبب في وجودهم من غير عمل؟

الى حين حل كل الاسئلة المذكورة..

هل على العامل هذا انه يموت من الجوع؟
و لا ممكن نبحث عن افكار ثانية تحفظ للدولة بريقها الغني
و تمنعهم من بيع الماي وتعينهم " الافكار" على سد جوعهم لين حل مشاكلهم؟

sara jsm

18-07-2019, 12:45 PM

ما تتابعين تقارير السياحة عندنا؟
وهذي شغلة شريفة وطيبة للمحتاج والله يوفقهم سواء سياح أو مقيمين في البلاد .. يمكن نفتقد مظلات ثابتة وقوية مثل الحديدية لحماية المارة والواقفين من وطأة الشمس

انا مااقصد انها عيب او مب شريفه بس انا معورني قلبي عليهم ..
في هالشموس يمرون على السيارات واحنا قاعدين في البراد ..
لو لهم مظلات بنقول اشوى حتى اللي يبيعون الجرايد لازم يكون لهم كباين صغيرة ..
والله حررر وشموووس ومرات بررررد موووت 💔

يمامـة

18-07-2019, 12:47 PM

هو الفكره مب فالبيع والشغل لكن السؤال هل هذا الشي مسموح من الجهات المختصه

لا تضوقونها و هي وسيعة..

ماي و ينباع في مطاطير مسكرة حالها حال الماي اللي تشتريه من الدكان او الجمعية
او الهايبر ماركت او السوبر ماركت..
الاختلاف انه اللي يبيعك واحد واقف تحت حرارة الشمس في الشارع.

يمامـة

18-07-2019, 12:49 PM

انا مااقصد انها عيب او مب شريفه بس انا معورني قلبي عليهم ..
في هالشموس يمرون على السيارات واحنا قاعدين في البراد ..
لو لهم مظلات بنقول اشوى حتى اللي يبيعون الجرايد لازم يكون لهم كباين صغيرة ..
والله حررر وشموووس ومرات بررررد موووت ��

ما يصير تكون لهم كباين.. طريقة تسويقهم لبضايعهم تحتم عليهم الحركة و التوجه لين السيارات

فلو خصصوا لهم الكباين.. من اللي بينزل من سياراته علشان يروح يشتري من عندهم
و يعطل المرور و يوقف السيد؟

Flowers

18-07-2019, 01:04 PM

بطلع شوى عن الموضوع ، بس انا ضد غراش الماي الصغيره بشكل عام لانها تلوث البيئه تخيل تشرب غرشه ماي بنص ريال وتقطها، هالغرشه البلاستيك تحتاج حوالي ميه سنه لين تتحلل !! كميه بلاستك مب طبيعيه نستهلكها واعاده التدوير للبلاستك مب عمليه بسيطه ، الافضل توفير غراش زجاج او كل واحد يشيل معاه غرشته الخاصه ويعبيها من برادات الماي مثلا .. يحطون برادات ماي بكل مكان بالشارع بحيث يشجعوا العالم على هالثقافه..

sara jsm

18-07-2019, 01:30 PM

ما يصير تكون لهم كباين.. طريقة تسويقهم لبضايعهم تحتم عليهم الحركة و التوجه لين السيارات

فلو خصصوا لهم الكباين.. من اللي بينزل من سياراته علشان يروح يشتري من عندهم
و يعطل المرور و يوقف السيد؟

ممكن تكون لهم كبينه صغيرة او حتى مظله عن الشمس واللي يبي يهرن .. يروحون لهم نفس الدكاكين ..
انا مب ضد فكرة البيع بس الطريقه غلط .. بين السيارات اليوم شفتهم عند اشارات السينما 2 يبيعون ..
حتى ممكن حد بالغلط يدعمهم لان هالشي في الاساس مب عندنا فمحد يتوقع في انسان في نص الشارع ..
الله يكون في عونهم والله منظر مؤلم

سالم الزهران

18-07-2019, 03:18 PM

مظهر غير حضاري.. قبل خمسطعش سنة قبل لا يسوون جسور.. كانت الاشارة تطول ويجون عيال يبيعون ماء.. تكلمت عنهم مع احدى الجهات ما عطوني وجه!

يوم ثاني زهمت واحد من اللي يبيعون ماي.. كان طفل يمكن بو 13 سنة.. قلت له عندي لك شغلةفي مستودع وعندي بضايع خربانه وعندي .. قل اللي تبيه اسويه.. اشتغل اي شيء قلت زين... . رحت حق قسم التحريات وبلغتهم بالمكان واختفى بيع الماي عند الاشارات.. حتى ظهر عقب باعة ورد و فل و عطور سيارات من جديد.. ويبغي لهم مواطن يتعب نفسه من جديد لانه وباختصار اي فاسد ممكن يستغلهم... فالموضوع جداََ جداََ حساس

سالم الزهران

18-07-2019, 03:21 PM

نسيت أقول.. الجهة الامنية اتصلوا علي و كرموني وعطوني شهادة شكر.. الموضوع ذيه سنة 2003

Rider

18-07-2019, 11:21 PM

لا تضوقونها و هي وسيعة..

ماي و ينباع في مطاطير مسكرة حالها حال الماي اللي تشتريه من الدكان او الجمعية
او الهايبر ماركت او السوبر ماركت..
الاختلاف انه اللي يبيعك واحد واقف تحت حرارة الشمس في الشارع.

اختي السالفه مب نضيق على حد بس مايصير بلد متطور نحصل ناس بيعون ماي عند الاشارات اذا مسموح من الجهات المختصه ماقالنا شي

سالم الزهران

19-07-2019, 06:46 AM

طالما في اخوان متعاطفين.. معناته المجتمع لازال يبي له توعية.. لازلنا نشوف الشريحة اللي تتصرف من عاطفة؟ بصراحة انتم في اي مجتمع تزيدون الظواهر السلبية.. هذا تعطونه عشرة ريال وذاك تشترون منه لانه يبيع عند الاشارة.. فعلاََ هذيلا الباعة عارفين نقطة ضعفكم!

يا اخوان هذه الاشياء مزعجة حتى في الاماكن السياحية.. فما بالكم في الشوارع العامة.

الله يهديكم.. هذا بس الجانب الحضري
الجانب الأمني (وهو الأخطر) محد متصور شممكن تطلع به لو وقفت اسبوع في شارع عام تناظر السيارات.. من بتشوف وشنهي سيارته والساعة كم يطلع؟

أمن البلد ينفتح فيه ثغره بيدك يالمتعاطف.. الله يصلحك بس.

سهم فضة

19-07-2019, 09:06 PM

الشرهه مو علية الشرهه على اللي جايبهم من بلادهم وهادهم بالشوارع لاشغل ولا مشغلة

Rider

19-07-2019, 10:59 PM

الشرهه مو علية الشرهه على اللي جايبهم من بلادهم وهادهم بالشوارع لاشغل ولا مشغلة

وهذا الكلام فعلا اما ندفع عن شي غلط ونقول مسكين من جابه وهده فالبلاد

طبيب قطري

19-07-2019, 11:24 PM

انا ضد هالظاهره، بيع الماي عالاشارات راح يشجع على اي شي ، علوج ورد فاين !
وغير ان بعض النفوس المريضه ممكن تتاجر بالاطفال بحيث يخلونهم يبيعون لكم وتنتشر ظاهره اطفال الشوارع والمتسوليين والباعه الجائليين واللي يفرشون وينامون عالارض تحت الجسور .. اذا تمينا نقول شنو المشكله ومساكين ويترزقون صدقوني بتكون هذي النهايه الطبيعيه !

يمامـة

20-07-2019, 11:31 AM

قطر دولة قانون

ما اعتقد ان راح يسمحون باستغلال الاطفال في الشوارع..

لذلك الربط ما بين بيع الماء في الشوارع
و ما بين تجارة الاطفال ربط غير موفق.

و من ثم..

اشوف مشكلة البعض بيع الماء من شخص محتاج..

طيب لو عندي مشروع تجاري ابيع فيه الماي
في الشوارع.. فهل هالشي بعد غلط و غير حضاري ؟

و لو قلنا ان هناك فاعل غير متكفل بتوزيع الماي
البارد في الشوارع.. بعد بنقول هالامر غير حضاري؟

قليل من الرحمة حلوة يا اخوان
اذا عندنا جهاز امن في الدولة و غافلين عيونهم
عن اللي يبيعون .بنيي احنا و بنتهمهم و نتبلى عليهم
علشان وضعهم و هم يبيعون الماي شكله مب حضاري؟

عن نفسي اتعاطف مع هالناس و احط نفسي مكانهم

لو الباب تسكر في ويهي شاسوي؟
انتظر صدقات الناس او احرك عمري و اشوف لي شغلة؟
فاذا بيع الماي مصدر رزق لي فالحمدلله..
لكن اييني شخص يقول لي شكلك غير حضاري

خير ان شاء الله.........> ما اتحسون اني معصبة؟
هل الحضارة تجعلنا نتجمل على حساب الرحمة؟
اذا س و ص و ع و غ و ق و ط
مقتدرين و الحياة من حولهم حضارية
شنهو ذنب ق و ح و ك و ش انهم مب مقتدرين؟

اذا انت تنام على سرير و المكيف يهف على صلعتك
او كرشتك .. فهناك اللي ينام و امطار تنزل من على صلعته
من شدة الحر و كرشته اختفت من العوز و الحاجة.
(عذرا على ضرب المثل)..

هذه وجهة نظري حبيت اعبر عنها و هي غير ملزمة على الاخرين.

و شكرا لكم

khaldoon

20-07-2019, 11:51 AM

بوخالد911

21-07-2019, 01:09 AM

انا ضد بيع الماي وغيره عند الاشارات.

sweet qatar

21-07-2019, 10:42 AM

ضد

لما تعطف وقلبك يحن على شخص .. طالب بتوفير أبسط حقوقه في هالبلد كمستقدم وهي وظيفة وسكن
بدل القبول بتواجده في مكان خطر و جو قاسي بحجة طيبة القلب وطلب الرزق

عشر ريال أو ألف .. هل بتحل مشكلة الرجال ؟

وبالنسبة لتصرف الأخت جزاها الله خير في شراء الصحف

كنت أفكر مثلها اني لما اشتري اساعد الرجال يخلص الي عنده أسرع
لكن الواقع يقول اذا كل الجرايد تم بيعها معناها وجود العامل في الجو القاسي بيستمر
الشغلة نفسها غير انسانية ليش اتقبلها واساعد على استمرارها؟

في مجال متصل أتمنى تنتشر ثقافة الابتعاد عن غراش البلاستيك و استبدالها بالمطارة :thumbup:

معماري قطري

21-07-2019, 12:16 PM

من ردودكم اقتنعت انها ظاهرة غير حضارية وخطرة ولازم تنمنع بالكامل وبكل أشكالها

يمامـة

23-07-2019, 11:22 AM

احترم وجهة نظر الاخوان اللي قاولوا انه هالشي غلط و غير حضاري ....

طيب سؤال ....نشوف اعمال كثيره يقوم بها شباب و بنات تحت سن العشرين في دول الغرب....مثل الجرسونات اللي يستلمون طلبات الزياين وهم بسياراتهم و جليسات الأطفال و اللي يقص العشب....طيب هالشي ليش ما نقول انه استغلال للأطفال و ليش مسموح فيه

يعني الخلاصه ممكن نسمح بهذه الوظيفه بشرط انه كل طفل يحمل رخصة عمل ...أي نعمل لها ضوابط امنية و ترخيص لمنع الاستغلال و النصب و حدوث ثغرات امنية لا قدر الله

تدري يا ستو يا خلدون
ان لندن احد اكبر المدن العالمية جلبا للسياح
و اللي تقع في اكبر الدول العالمية حضارة و شعبها
معروفين بالتحضر عبر سنيين طووويلة..

تلقى عندهم ما يعرف بالهوم لس.. او الاشخاص اللي
ما يمتلكون مسكن تلقاهم محذفين في الشوارع يقتادن من الزبالة "تكرم انت و القراء " اذا استدعى الامر.. او انهم يطرون " يشحذون"..
رغم ان الدولة توفر لهم مسكن و راتب شريطة انهم
ما يدقون السم الهاري" خمور او مخدرات" الا انهم يرفضون الشروط و يفضلون ينامون في الشوارع مثل اكياس الزبالة تكرم..
تدري اني في مثل هالعاصمة الحضارية سمعت عن المسيرات المطالبة بحقوق الحيوان لكن ما سمعت عن مسيرات مطالبة بحقوق هالناس؟

تدري يا ستو يا خلدون في لندن العاصمة الحضارية
المرموقة و مثلها سائر عواصم الدول المتحضرة..
عادي تلقى واحد ماسك الناي او الكمنجا او الاورغ
او البان فلوت في عز البرد القارس اللي يحجب الناس عن الخروج الا انك تلقاه في الشارع و الثلوج تتساقط عليه يعزف لك و قحفيته او كرتونته او سلته جدامه ينتظر منك
تعطف عليه و تحط له المقسوم؟

تدري يا ستوو يا خلدوووون
ان في مثل هالعواصم
تلقى شيييبة يبيع مجلات او اوراق و اقف على ريوله
طول يومه يلحق المارة يستجديهم يشترون من عنده
ما بين ١٠٠ واحد تلقى يعطفون عليه ٣ بس...

تدري يا ستوووو يا خلدووون
ان في هالعواصم الحضارية تلقى وحدة شباب
على قد حالها تقضي ١٦ ساعة و هي ترسم على اوراق
في الممرات من غير مظلة او برنيطة تحميها من الامطار تبيع رسمها في الشوارع او الطرقات يا تشتري منها او
تخليها..

عاد تدري ان هالناس اللي ذكرتهم لك يلقون تصفيق
و اعجاب من العالم لانهم يرسمون او يرقصون او يطبلون
او يعزفون او يسوون حركات خفة يد او يهرجون
و تلقاهم محذفين على طول الطريق برد كان او حر
شمس او ظل صقيع او امطار ..
تدري ليش هذيلا يسوون هالشي؟
وقفتهم هذي سببها حاجتهم الى الاموال..

عاد تخيل وضع اللي يبيع الماي في الدوحة الدولة
الخليجية الغنية اللي الناس يدورون على الشكل الحضاري
بينما تلقى كثيرين من هالشعب يصفق للمذكورين اعلاه
و يتم تصويرهم و نشر فيديوهاتهم في السوشال ميديا على انهم معلم من معالم الدول المتحضرة اللي يزورونها.

تدري يا ستتتور خلدون ان النتيجة الاخيرة شتقول؟

النتبجة تقول
ان اللي ذكرتهم فوق نفس اللي يبيع الماي في قطر ..

اثنينهم في الشوارع
عندنا حر و عندهم برد يصلخ الجلد
و امطار و ثلوج .. و مع هذا منتشرين في كل مكان.

لذلك احب اوضح
ان محد فينا يرفض تحسين اوضاع هالناس المحتاجة في قطر .. فاللي مقتدر انه يساهم في تحسين وضعهم و يوفر لهم اعمال خير و بركة .. اما اذا ما عنده غير انه يعبر عن وجهة نظره المتحضرة.. فليتخيل ان هالرجل قوت يومه من ارباح بيعه للماي.. فلو طبقتوا تحضركم عليه و قعد في البيت من غير هالشغلة بتكونون سويتوا فيه خير؟

يمامـة

23-07-2019, 11:29 AM

في مجال متصل أتمنى تنتشر ثقافة الابتعاد عن غراش البلاستيك و استبدالها بالمطارة :thumbup:

هلا سويت صباح الخير..
اسمحي لي اوضح ان

الغرشة تطلق على القزاز او الزجاج
اما مطارة تطلق على البلاستك.
قنينة زجاجية = غرشة
قنينة بلاستيكية= مطارة
فمن الواضح انج تطالبين بتوفير ماي في غراش "قزاز"
بدل الوضع الحالي الموجود عندنا في مطاطير من بلاستيك.

eXpert*

23-07-2019, 01:29 PM

انا ضد المظاهر الغير حضارية .

بكرة ناقص يبيعون حب وبستك بالشوارع ..

sweet qatar

23-07-2019, 03:01 PM

هلا سويت صباح الخير..
اسمحي لي اوضح ان

الغرشة تطلق على القزاز او الزجاج
اما مطارة تطلق على البلاستك.
قنينة زجاجية = غرشة
قنينة بلاستيكية= مطارة
فمن الواضح انج تطالبين بتوفير ماي في غراش "قزاز"
بدل الوضع الحالي الموجود عندنا في مطاطير من بلاستيك.

اشكرج على الشرح

استخدمت المصطلحات مثل ما تعودت عليها

من يوم كنت أودي مطارة الماي للمدرسة :o

يمامـة

23-07-2019, 04:56 PM

اشكرج على الشرح

استخدمت المصطلحات مثل ما تعودت عليها

من يوم كنت أودي مطارة الماي للمدرسة :o

العفوو..

بس انتي تبين الماي في مطاطير
و لا في غراش؟

مضارب دوسري

23-07-2019, 08:10 PM

بوخميس

23-07-2019, 08:55 PM

بسيارتك ومكيف
وشفت واحد صغير فالعمر (اقل من 18 تقريبا) او كبير فالسن يترزق الله
ما سوى هالشي الا من الحاجه

ف لا تقصر معاه باللي تقدر عليه 5 او 10 ريالات ماراح تدمر مستقبلك المادي

هذا رايي الشخصي

اما سالفة منظر حضاري ومنظر غير حضاري

اشوف ماله خص

اللي اصغر من 18 سنة ممنوع يشتغل

اللي اكبر من 18 لازم عنده جهة كافلته وملزمة بتوفير عمل وراتب ولا ترجعه بلاده

الموضوع له اكثر من جانب:

قانوني: ان البيع في الشارع ما يسمح له القانون الا بترخيص بائع متجول

صحي: انك ما تعرف مصدر هالماي او طريقة تخزينه او تاريخ صلاحيته

انساني: ان الجو عندنا ما يسمح ان الواحد يشتغل في مكان مكشوف خاصة في الصيف

khaldoon

23-07-2019, 10:07 PM

تدري يا ستو يا خلدون
ان لندن احد اكبر المدن العالمية جلبا للسياح
و اللي تقع في اكبر الدول العالمية حضارة و شعبها
معروفين بالتحضر عبر سنيين طووويلة..

تلقى عندهم ما يعرف بالهوم لس.. او الاشخاص اللي
ما يمتلكون مسكن تلقاهم محذفين في الشوارع يقتادن من الزبالة "تكرم انت و القراء " اذا استدعى الامر.. او انهم يطرون " يشحذون"..
رغم ان الدولة توفر لهم مسكن و راتب شريطة انهم
ما يدقون السم الهاري" خمور او مخدرات" الا انهم يرفضون الشروط و يفضلون ينامون في الشوارع مثل اكياس الزبالة تكرم..
تدري اني في مثل هالعاصمة الحضارية سمعت عن المسيرات المطالبة بحقوق الحيوان لكن ما سمعت عن مسيرات مطالبة بحقوق هالناس؟

تدري يا ستو يا خلدون في لندن العاصمة الحضارية
المرموقة و مثلها سائر عواصم الدول المتحضرة..
عادي تلقى واحد ماسك الناي او الكمنجا او الاورغ
او البان فلوت في عز البرد القارس اللي يحجب الناس عن الخروج الا انك تلقاه في الشارع و الثلوج تتساقط عليه يعزف لك و قحفيته او كرتونته او سلته جدامه ينتظر منك
تعطف عليه و تحط له المقسوم؟

تدري يا ستوو يا خلدوووون
ان في مثل هالعواصم
تلقى شيييبة يبيع مجلات او اوراق و اقف على ريوله
طول يومه يلحق المارة يستجديهم يشترون من عنده
ما بين ظ،ظ*ظ* واحد تلقى يعطفون عليه ظ£ بس...

تدري يا ستوووو يا خلدووون
ان في هالعواصم الحضارية تلقى وحدة شباب
على قد حالها تقضي ظ،ظ¦ ساعة و هي ترسم على اوراق
في الممرات من غير مظلة او برنيطة تحميها من الامطار تبيع رسمها في الشوارع او الطرقات يا تشتري منها او
تخليها..

عاد تدري ان هالناس اللي ذكرتهم لك يلقون تصفيق
و اعجاب من العالم لانهم يرسمون او يرقصون او يطبلون
او يعزفون او يسوون حركات خفة يد او يهرجون
و تلقاهم محذفين على طول الطريق برد كان او حر
شمس او ظل صقيع او امطار ..
تدري ليش هذيلا يسوون هالشي؟
وقفتهم هذي سببها حاجتهم الى الاموال..

عاد تخيل وضع اللي يبيع الماي في الدوحة الدولة
الخليجية الغنية اللي الناس يدورون على الشكل الحضاري
بينما تلقى كثيرين من هالشعب يصفق للمذكورين اعلاه
و يتم تصويرهم و نشر فيديوهاتهم في السوشال ميديا على انهم معلم من معالم الدول المتحضرة اللي يزورونها.

تدري يا ستتتور خلدون ان النتيجة الاخيرة شتقول؟

النتبجة تقول
ان اللي ذكرتهم فوق نفس اللي يبيع الماي في قطر ..

اثنينهم في الشوارع
عندنا حر و عندهم برد يصلخ الجلد
و امطار و ثلوج .. و مع هذا منتشرين في كل مكان.

لذلك احب اوضح
ان محد فينا يرفض تحسين اوضاع هالناس المحتاجة في قطر .. فاللي مقتدر انه يساهم في تحسين وضعهم و يوفر لهم اعمال خير و بركة .. اما اذا ما عنده غير انه يعبر عن وجهة نظره المتحضرة.. فليتخيل ان هالرجل قوت يومه من ارباح بيعه للماي.. فلو طبقتوا تحضركم عليه و قعد في البيت من غير هالشغلة بتكونون سويتوا فيه خير؟

كلام جميل جدا و كله درر و مواعظ و حكم و فهم عميق غير مستغرب منك يا ستو .... بس انا أصلا موافق من اول وما اعترضت مثل كثير من الاخوة و الاخوات ....حاسس انه الكلام موجه لي و اسمع يا جار هيهيهيهي ....الله يسامحك ..خخخخخخ

سؤال لجميع المعترضين عن هذا الشي.... هل لما تقولون انه موقف مب حضاري ...هل عيونكم تأذت من هذا المنظر و تحسون انه السياحة انضربت عندنا لما الناس يشوفون بعض الناس يبيعون ماي على الإشارات و بالشوارع؟

هل في أي ضرر ناتج عن شرب الماء اللي ينباع على الإشارات و سبب حوادث و مشاكل و دخول للمستشفيات لانه الماي ملوث او متضرر بسبب وجوده تحت اشعة الشمس الحارقة

هل حسيتوا بنفس الامتعاظ و الانزعاج يوم شوفتوا ناس مثلهم يبيعون ماي في دول أوروبا و امريكا؟ والا حسيتوا انه هالشي عادي بره....حلال عليهم حرام عندنا؟

يوم سافرتوا بره و شوفتوا ناس تعزف و ترقص و قدامهم صندوق لجمع الأموال...هل وقفتوا تتفرجوا و تسليتوا و قدمتوا فلوس لهم و الا مشيتوا بسرعه من كثر الانزعاج من هذا المشهد المقزز غير الحضاري؟

هل تعاملتوا مع البنت او الشاب اللي يرسم الناس بالشارع بأوروبا و الا مشيتوا بسرعه و صديتوا عنه؟.....

انا يوم شوفت اثنين أوروبيين يرسمون الناس في اللؤلؤة رسم كاريكاتيري من عشر سنوات رحت و خليتهم يرسموني ...كانت شركة المتحده معينتهم في اللؤلؤة في بورتوا ارابيا يوم فتحت للجمهور علشان يرسموا الناس و اللي يحب يدفع او ما يدفع بكيفه لانهم موفرين لهم شقة باللؤلؤة و راتب مجزي من باب السياحة و جذب الناس و نزلت صورتي في البروفايل في المنتدى لفترة كبيرة ...ما حسيت وقتها انه هالشي غير حضاري بالمره

هل تعتقدون انه هالناس اللي تسوي هالشي احنا نمثل جزء من مشكلتهم و معاناتهم و الا حسيتوا انكم ما لكم خص و مسؤولية الدولة بس؟

و بث

Rider

23-07-2019, 11:09 PM

بصراحه كبر الموضوع المنظر غير حضاري ببلد بيستضيف كأس العالم ياجماعه قلنا فعل الخير والشغل مب عيب لكن فيه موافقه من جهة فالدوله

عاهد بن علي

24-07-2019, 07:21 AM

البدعة الجديدة بيع المسابيح عند إشارات مستشفى ( استر ) في المطار الجديد
وأيضا بيع أقلام حبر جاف

sweet qatar

25-07-2019, 11:42 AM

العفوو..

بس انتي تبين الماي في مطاطير
و لا في غراش؟

شالي يفرق معاج ؟

خلدون

السموحة ما اقتبست ردك لأني ماقريته كامل .. كلمتين من كل سؤال :pardon:

ليش تقارن قطر بدول رأسمالية غربية الي تتكلم عنهم اما مواطنين مفلسين أو مهاجرين غير شرعيين أو فئات ثانية مالها أي تشابه بالفئات الموجودة في مجتمعنا

نظام الاستقدام عندنا بكفالة و وصلت ان عضو المجلس البلدي يناقش توفير سكن للمستقدم قبل وصوله للبلاد !!!

كل هذا لأن توجه الدولة حفظ حقوق العمال ومع التغييرات في نظام الكفالة لا زال تبرير وجود فئات الشوارع غير مقنع

شوف الأمثلة الي انت حطيتها تتكلم عن ناس واقفين في ساحات ( مكان آمن ) و دول أوروبية ( يعني جو حلو أو على الأقل بعيد عن القيظ )

شنو يعني الشي هذا موجود في لندن ولا نيويورك ؟ هل هذا دليل على انه مظهر حضاري ؟
هل تتمنى تشوف المشردين في شوارع الدوحة لأنهم موجودين في دول متحضرة ؟

اظن الأخوان ماقصدوا بكلمة غير حضاري استهزاء او حتقار الفئة المحتاجة

الدولة المتحضرة دولة المؤسسات تقوم على توفير متطلبات الحياة الكريمة للي يعيش على اراضيها .. كذلك شوارع المدينة انعكاس لمدى تحضر ساكنيها

آسفة جدا لطول مشاركتي .. :oops:

khaldoon

25-07-2019, 12:33 PM

شالي يفرق معاج ؟

خلدون

السموحة ما اقتبست ردك لأني ماقريته كامل .. كلمتين من كل سؤال :pardon:

ليش تقارن قطر بدول رأسمالية غربية الي تتكلم عنهم اما مواطنين مفلسين أو مهاجرين غير شرعيين أو فئات ثانية مالها أي تشابه بالفئات الموجودة في مجتمعنا

نظام الاستقدام عندنا بكفالة و وصلت ان عضو المجلس البلدي يناقش توفير سكن للمستقدم قبل وصوله للبلاد !!!

كل هذا لأن توجه الدولة حفظ حقوق العمال ومع التغييرات في نظام الكفالة لا زال تبرير وجود فئات الشوارع غير مقنع

شوف الأمثلة الي انت حطيتها تتكلم عن ناس واقفين في ساحات ( مكان آمن ) و دول أوروبية ( يعني جو حلو أو على الأقل بعيد عن القيظ )

شنو يعني الشي هذا موجود في لندن ولا نيويورك ؟ هل هذا دليل على انه مظهر حضاري ؟
هل تتمنى تشوف المشردين في شوارع الدوحة لأنهم موجودين في دول متحضرة ؟

اظن الأخوان ماقصدوا بكلمة غير حضاري استهزاء او حتقار الفئة المحتاجة

الدولة المتحضرة دولة المؤسسات تقوم على توفير متطلبات الحياة الكريمة للي يعيش على اراضيها .. كذلك شوارع المدينة انعكاس لمدى تحضر ساكنيها

آسفة جدا لطول مشاركتي .. :oops:

خلاااااااااااااااااااااص ...انا مستسلم ...رفعت الرايه البيضا....ما اقدر اعلق او اضيف أي شي... اقتنعت ..... انا تبنيت وجهة نظركم ..... استسلاااااااااااااااااااااااام

يمامـة

27-07-2019, 11:22 AM

شالي يفرق معاج ؟

مب موضوع شلي يفرق معاي..

الموضوع اني لاحظت تطالبين بالضدين في طلب واحد

في مجال متصل أتمنى تنتشر ثقافة الابتعاد عن غراش البلاستيك و استبدالها بالمطارة*
فهناك فرق
ما في شي اسمه غراش بلاستيك
الغراش كلمة قطرية تطلق على القنينة
المصنوعة من الزجاج او حسب لهجتنا القزاز..
اما المطارة فهي كلمة تطلق على القنينة
المصنوعة من البلاستيك..

فاذا حابة توضحين مطلبج بعد تعديل
استخدام الكلمات اكون شاكرة لج..
اما اذا ما تبين فاحترم قرارج.

يمامـة

27-07-2019, 11:38 AM

خلاااااااااااااااااااااص ...انا مستسلم ...رفعت الرايه البيضا....ما اقدر اعلق او اضيف أي شي... اقتنعت ..... انا تبنيت وجهة نظركم ..... استسلاااااااااااااااااااااااام

لاااا

وين؟
الحين من عليه بارد اذا انت بتنسحب و بتقط الراية؟
مب المفروض داشين سباق 200 متر تتابع ؟

المهم بما انك تبنيت وجهة نظر الاطراف الثانية
عاد هالمرة ما تقدر تقول لي ليش وجهتي الكلام لي..

شوف يا ستو خلدون..
الحضارة تعني الرحمة و الشفقة و تقدير ظروف
الناس..
احنا ما نقول ان المدن العالمية المتحضرة فيها تشرد
تعالوا ناخذ هالظاهرة من عندهم..

و لا نقول ان هالمدن فيها ظواهر سلبية تعتبر نوع
من انواع التحضر فلنقبلها في دولنا..

اللي نقوله ان احد ركائز التحضر الرحمة

خلنا في موضوع بيع الماي
وشوف المعترضين اشلون اختلفت نظرتهم

احدهم يقول ممكن الماي منتهية صلاحيته او فيه شي.
طيب هل لما نشتري الماي من الدكان او نطلبه في المطعم
اول شي نسويه نتشيك على الصلاحية؟
بالذمة في حد يسويه علشان نوجه اتهام انه اللي يبيع
الماي ممكن يكون فيه شي؟

ثانيا تلقى من يقول ان في الدول الاوروبية اللي يغنون
او يعزفون او يهرجون بدافع حاجتهم للأموال فهم يسوون هالشي تحت اجواء مريحة .. يعني لو بياع الماي باع الماي
من عقب الساعة 5 العصر اهنيه الامر ممكن يكون عادي و حصل حقه اللي المفروض احنا نبحث له عليه؟

و في اللي يقول يبيع من غير تصريح!!
طيب لو باع بتصريح هالامر عادي؟

طيب اللي بقول حر و واقف في الشمس..طيب ما افتكرتوا في حريم سوق واقف و هم قاعدين يخبزون جدام هالفرن و انتوا تشترون منهم خبز الرقاق في ساحة لا هي مظللة و لا مكيفة ؟

و الاهم من كل هذا هل القانون في قطر يمنع بيع الماي؟
يعني لو اني قطرية و ابي ابيع ماي في اي مكان
هل القانون يمنعني من بيع الماي عند باب حوشي؟
او في مواقف فيلاجيو.. او في مواقف الستي؟

اذا كان القانون يمنع.. اتمنى من كل شخص معترض
على وجود رجل محتاج يبيع الماي في الشوارع
انه يستخدم تطبيق المطراش او تطبيق البلدية
و يصور اللي يبيع و يطرش الصورة و يبلغ عليه.

فاللي مقتنع ان الامر هذا غلط.. يساند الدولة
في القضاء على الظواهر السلبية .. بدل ما ينتقد
و ينتظر الدولة تتحرك بدل عنه..
و شكرا لكم.