سؤال لمسؤولي مؤسسة الرعاية الصحية الاوليه بخصوص المواعيد

[khaldoon]

شي جميل انه الدولة تخطط انها تبني خمسين مركز صحي على الأقل و تم الانتهاء من عدد منهم لتحسين الخدمات و تغطية كل المناطق بالدوله

بس اليوم تفاجأت و انا احجز موعد اسنان في مركز صحي جديد انه اقرب موعد هو بيوم ....18/09/2019 .... سألت كم عيادة اسنان تشتغل قالوا ثمانية عيادات و انا متأكد انه تم بناء ثمان عيادات بس ما تشتغل كلها

سؤالي للمسؤولين في مؤسسة الرعاية الصحية الاوليه...... انتظار موعد لشهرين على الأقل في مركز صحي يخدم مناطق محدده و ليس كل البلد مثل المستشفيات هل هذا شيء مقبول و راضيين عنه و يتماشى مع المقاييس العالميه و يتناسب مع طموحاتكم و تطلعاتكم يوم تم تصميم المراكز الصحيه ام ان التخطيط قبل التنفيذ لم يأتي بالنتائج المرجوة و المتوقعه؟

انا اشوف انكم تدفعونا الى الاتجاه الى القطاع الخاص ....مع عدم توفر التأمين الصحي للاسنان في القطاع الخاص و العام

[qatari911]

انت موعدك اسنان بسيطة
انا ولد اخوي موعد حق القلب واتصلنا شهر 2 ومستعجل وعطونا اقرب موعد شهر 12 حاولت اقرب الموعد ردهم كان هذا اقرب موعد قلت لهم هذا قلب مو اسنان ولا مرض عادي قالو هذا اقرب موعد ومانقدر نقرب الموعد ههههههه شر البلية مايضحك

[مرتبش]

شدعوة شهرين لموعد في مركز صحي.. نظام تطفيش

[khaldoon]

انت موعدك اسنان بسيطة
انا ولد اخوي موعد حق القلب واتصلنا شهر 2 ومستعجل وعطونا اقرب موعد شهر 12 حاولت اقرب الموعد ردهم كان هذا اقرب موعد قلت لهم هذا قلب مو اسنان ولا مرض عادي قالو هذا اقرب موعد ومانقدر نقرب الموعد ههههههه شر البلية مايضحك


لا حول ولا قوة الا بالله..... الله يشفيه و يعافيه و يطمنكم عليه و يكون بعونكم

شوف هالقصه....تم تشخيص حالة مريض بيجيه صداع دائم... الدكتور شك انه عنده سرطان بالمخ ..... قاله اعمل موعد mir... يعني بمعرفتك مب الدكتور اللي حجز له كموعد مستعجل

فحجز المريض موعد مستعجل بالواسطه و الموعد بعد شهر من مقابلة الدكتور ... بعدين عمل واسطه فوق الواسطه و قرب الموعد أسبوعين و خلص ال MIR
و بالواسطه عرف من ثاني يوم نتيجة الفحص و الحمد لله سليمة ما في شي

الحين مسوي موعد عند الدكتور علشان يقابله بعد شهرين يعني في سبتمبر علشان يقوله نتيجة الفحص

يعني تخيل انه اول مره شافه الدكتور بشهر يونيو و بعدين راح يقابله مرة ثانية بشهر سبتمبر علشان يقوله نتيجة الفحص و ما ننسى انه الواسطه هي اللي قربت الموعد لشهر سبتمبر.... هذا لو عنده سرطان بيموت قبل ما يشوفه الدكتور و يكتشف حالته

[qatari911]

لا حول ولا قوة الا بالله..... الله يشفيه و يعافيه و يطمنكم عليه و يكون بعونكم

شوف هالقصه....تم تشخيص حالة مريض بيجيه صداع دائم... الدكتور شك انه عنده سرطان بالمخ ..... قاله اعمل موعد mir... يعني بمعرفتك مب الدكتور اللي حجز له كموعد مستعجل

فحجز المريض موعد مستعجل بالواسطه و الموعد بعد شهر من مقابلة الدكتور ... بعدين عمل واسطه فوق الواسطه و قرب الموعد أسبوعين و خلص ال MIR
و بالواسطه عرف من ثاني يوم نتيجة الفحص و الحمد لله سليمة ما في شي

الحين مسوي موعد عند الدكتور علشان يقابله بعد شهرين يعني في سبتمبر علشان يقوله نتيجة الفحص

يعني تخيل انه اول مره شافه الدكتور بشهر يونيو و بعدين راح يقابله مرة ثانية بشهر سبتمبر علشان يقوله نتيجة الفحص و ما ننسى انه الواسطه هي اللي قربت الموعد لشهر سبتمبر.... هذا لو عنده سرطان بيموت قبل ما يشوفه الدكتور و يكتشف حالته

امين
الله يجزاك خير

بمستشفيات الخارج لما يروح لطواري يعملو له فحص شامل وهني تنتظر ساعتين ثلاث علشان يشوفك ويقولك بندول او شراب فوار او يقولك اعمل تحليل بول الله يعزك ويرجع يخليك تنتظر ساعتين ثلاث
الشكوى لله

[يمامـة]

لازم نعرف شي مهم جدا..

ان المريض اللي يستدعي تدخل طبي سريع

الطوارئ افضل مكان له.. و من خلال الطوارئ
المريض ممكن يضمن الحصول على العلاج المناسب
اللي يجعل من حالته مستقرة.. و اذا استدعت الحالة
احجزوه و جابوا له الاطباء لين عنده..

اما تأخر المواعيد غالبا يصير بسبب الضغط الكبير
على المرافق الطبية بسبب الاعداد الكبيرة من الوافدين.

و ايضا الواسطة تلعب دور.. فالاقربون اولى
بالمعروف عند حجز المواعيد..
و للامانة مستشفى حمد يبذلون جهد جبار لتوفير
مواعيد للمرضى و خاصة لو حالاتهم مستعجلة.

لكن يبقى الواحد يراجع نفسه.. هل لو تأخر موعدي بيضرني شي؟
اذا ما يضرني خلونا نطالب بعيادات اكثر لكن
في الوقت نفسه خلونا نستوعب ان الاعداد فوق القدرات.

[يمامـة]

امين
الله يجزاك خير

بمستشفيات الخارج لما يروح لطواري يعملو له فحص شامل وهني تنتظر ساعتين ثلاث علشان يشوفك ويقولك بندول او شراب فوار او يقولك اعمل تحليل بول الله يعزك ويرجع يخليك تنتظر ساعتين ثلاث
الشكوى لله

في بريطانيا و انت عندك تأمين صحي
تدخل مستشفياتهم ينقعونك 3 ساعات
و انت فيك الحرارة .. عقب يقول لك خذ بندول
و روح بيتكم و اذا استمرت الحرارة اكثر من 3
و شفت انك بتموت ارجع..

اهنيه صاحبت عيالي و امي و ابوي
و حتى لما امرض بروحي..
من ادخل الطواري بفضل من الله و كرمه
و من ثم الخدمات الطبية المقدمة لنا
و لا مرة دخلت لقيت اهمال او قالوا لي
اطلعي ما فيكم شي.. حتى لو الحالة عادية..

خوسيه من سنتين طاح علينا في البيت
كل قياساته الحيوية عادية..
احجزوه في الطواري 5 ساعات
ما خلوا شي ما سووا له و اعادوا بعض
التحاليل .. و ما رخصوه الا عقب شافوا
ان ما فيه شي..
و عقب خذناه حق استشاريين خاصيين حتى رجعونا حمد نستفيد من بعض الاجهزة هناك .. في الاخير تشخيصهم كان اعادة لتشخيص طواري حمد..

[khaldoon]

شدعوة شهرين لموعد في مركز صحي.. نظام تطفيش

ايه والله صدقت نظام تطفيش

[khaldoon]

امين
الله يجزاك خير

بمستشفيات الخارج لما يروح لطواري يعملو له فحص شامل وهني تنتظر ساعتين ثلاث علشان يشوفك ويقولك بندول او شراب فوار او يقولك اعمل تحليل بول الله يعزك ويرجع يخليك تنتظر ساعتين ثلاث
الشكوى لله

لما نروح الطوارئ هالايام يقولون لنا اترك المريض و روحوا بيتكم و بس هو يخلص بيتصل عليكم لانه لازم تعمل حسابك انه بيتم ست او سبع ساعات على الأقل و الله العظيم هذا كلامهم

لو شافوا الحاله مب حرجة بيتموا يقدموا الناس عليه و هو ينتظر لحد ما يموت ههههههه

[R 7 A L]

لازم نعرف شي مهم جدا..

ان المريض اللي يستدعي تدخل طبي سريع

الطوارئ افضل مكان له.. و من خلال الطوارئ
المريض ممكن يضمن الحصول على العلاج المناسب
اللي يجعل من حالته مستقرة.. و اذا استدعت الحالة
احجزوه و جابوا له الاطباء لين عنده..

اما تأخر المواعيد غالبا يصير بسبب الضغط الكبير
على المرافق الطبية بسبب الاعداد الكبيرة من الوافدين.

و ايضا الواسطة تلعب دور.. فالاقربون اولى
بالمعروف عند حجز المواعيد..
و للامانة مستشفى حمد يبذلون جهد جبار لتوفير
مواعيد للمرضى و خاصة لو حالاتهم مستعجلة.

لكن يبقى الواحد يراجع نفسه.. هل لو تأخر موعدي بيضرني شي؟
اذا ما يضرني خلونا نطالب بعيادات اكثر لكن
في الوقت نفسه خلونا نستوعب ان الاعداد فوق القدرات.

اتفق معاك

ياجماعة انا حالياً في امريكا
الوضع بالنسبة للمواعيد سيم سيم عندنا

[khaldoon]

لازم نعرف شي مهم جدا..

ان المريض اللي يستدعي تدخل طبي سريع

الطوارئ افضل مكان له.. و من خلال الطوارئ
المريض ممكن يضمن الحصول على العلاج المناسب
اللي يجعل من حالته مستقرة.. و اذا استدعت الحالة
احجزوه و جابوا له الاطباء لين عنده..

اما تأخر المواعيد غالبا يصير بسبب الضغط الكبير
على المرافق الطبية بسبب الاعداد الكبيرة من الوافدين.

و ايضا الواسطة تلعب دور.. فالاقربون اولى
بالمعروف عند حجز المواعيد..
و للامانة مستشفى حمد يبذلون جهد جبار لتوفير
مواعيد للمرضى و خاصة لو حالاتهم مستعجلة.

لكن يبقى الواحد يراجع نفسه.. هل لو تأخر موعدي بيضرني شي؟
اذا ما يضرني خلونا نطالب بعيادات اكثر لكن
في الوقت نفسه خلونا نستوعب ان الاعداد فوق القدرات.

كلامك سليم يا ستو وما عليه خلاف بس انا قصدت نقطه معينة و هي ان المسؤولين يوم سووا المراكز الصحية الجديده كانوا مخططين انه المواعيد فيها تكون بعد شهرين و هي مراكز تخدم مناطق محددة فقط و ليس كل البلد...يعني هذا الشي كان أصلا مخطط له تماما و يلبي اقصى طموحاتهم و افضل ما عندهم يقدمونه للشعب ؟؟؟!!......

مواعيد اسنان لا تحتمل كل هذا التأخير ......انتظر لحد ما السن يضرب علي مثلا بشكل مفاجئ و اروح الطوارئ و العلاج بيكون اصعب و يبي مضاد حيوي ليهدي الالتهاب و بعدين يبدأ العلاج بعد أسبوع على الأقل لان في بكتيريا تنشط و تنام حسب الاكل و بارد و سخن اللي يتعرض له السن و ما يحفز البكتيريا و ينشطها و حسب الاهتمام و العناية بنظافة الاسنان

هل هذه المده طبيعية و لا تستدعي الاستياء و الشكوى و تتماشى حسب المقاييس العالمية و تناسب اعداد المرضى او المراجعين التابعين لهذا المركز حسب توزيعاتهم الجغرافيه اللي وضعها المسؤولين؟ ام ان هناك قصور و خطأ في التخطيط و التصميم؟

مسألة الواسطه تلعب دور فهذا حرام و لا يجوز لانهم بياخذون دور ناس اكثر حاجة منهم او على الأقل احق من أصحاب الواسطات بحكم اسبقيتهم في حجز المواعيد..... يعني ما يصير الشغل يكون خيار و فقوس مثل ما يقولون بالمثل .....

أيضا مثل ما تفضلتي: في الوقت نفسه خلونا نستوعب ان الاعداد فوق القدرات
ليش ما في قدرات لا سمح الله يوم بنوا هذه المراكز الجديده؟؟!!!

[معماري قطري]

يمامة تحاول ترقع ما لا يقبل للترقيع

بعض المراكز صج يكون الواحد محظوظ فيها .. انا متوفق مع مركز العسيري حتى في علاج اللثة حاول الدكتور ومحاولته كانت جيدة لأن مواعيد رميلة تتأخر .. وموعد العلاج عطوني ثاني يوم

ولدي مودي بنته للتطعيم وقالوا له خذ لها موعد عطلوه وعطلوا نفسهم بهذي الطريقة الوقحة وفي مركز الوعب وكنت مفكر اسجل فيه وزين ما غيرت

[ALJokar]

ياجماعة انتم الي تقولون دول الثانية نفس الشي
العدد يختلف ترى كلنا مانجي 2 مليونين

فدول الي تكلمون عنها فيها عدد كبير ولا تلحق شعبهم كبير جدا مقارنتة في قطر
المشكلة عندنا العدد الاستاف من الدكاترة الكافي براحة وزود وعندنا عدد من المستشفيات والملاحق الخارجية لها والمراكز الصحية هذي الي كلها اندفع لها شنو فايدتها اذا ماخدمتني طول هالسنين كلها وشقاعد يسوون المسؤولين عن التخطيط الي في وزارة الصحة او مستشفى حمد وش ذا التخبط الى متى؟

[khaldoon]

في بريطانيا و انت عندك تأمين صحي
تدخل مستشفياتهم ينقعونك 3 ساعات
و انت فيك الحرارة .. عقب يقول لك خذ بندول
و روح بيتكم و اذا استمرت الحرارة اكثر من 3
و شفت انك بتموت ارجع..

اهنيه صاحبت عيالي و امي و ابوي
و حتى لما امرض بروحي..
من ادخل الطواري بفضل من الله و كرمه
و من ثم الخدمات الطبية المقدمة لنا
و لا مرة دخلت لقيت اهمال او قالوا لي
اطلعي ما فيكم شي.. حتى لو الحالة عادية..

خوسيه من سنتين طاح علينا في البيت
كل قياساته الحيوية عادية..
احجزوه في الطواري 5 ساعات
ما خلوا شي ما سووا له و اعادوا بعض
التحاليل .. و ما رخصوه الا عقب شافوا
ان ما فيه شي..
و عقب خذناه حق استشاريين خاصيين حتى رجعونا حمد نستفيد من بعض الاجهزة هناك .. في الاخير تشخيصهم كان اعادة لتشخيص طواري حمد..

سلامات ان شاء الله ما تشوفوا شر .....الله يحفظكم جميعا.....عندي شوية تحفظات على الطوارئ بس ما راح أتكلم عنها هنا .... انا مركز على المراكز الصحيه فقط في هذا الموضوع ....كل الشكر و التقدير

[khaldoon]

اتفق معاك

ياجماعة انا حالياً في امريكا
الوضع بالنسبة للمواعيد سيم سيم عندنا

يا صديقي العزيز....كم عدد المراجعين التابعين للمراكز الصحيه في أمريكا مقارنة بعدد المراجعين عندنا في قطر حتى تكون المقارنة عادلة و سيم سيم؟

(يؤخذ مساحة المركز في عين الاعتبار علشان تكون الحسبة دقيقه بس خلنا نهملها في هذا الموضوع)

قطر عدد سكانها تقريبا 2.7 مليون.... أمريكا عدد سكانها تقريبا 331 مليون

[khaldoon]

يمامة تحاول ترقع ما لا يقبل للترقيع

بعض المراكز صج يكون الواحد محظوظ فيها .. انا متوفق مع مركز العسيري حتى في علاج اللثة حاول الدكتور ومحاولته كانت جيدة لأن مواعيد رميلة تتأخر .. وموعد العلاج عطوني ثاني يوم

ولدي مودي بنته للتطعيم وقالوا له خذ لها موعد عطلوه وعطلوا نفسهم بهذي الطريقة الوقحة وفي مركز الوعب وكنت مفكر اسجل فيه وزين ما غيرت

يا ساتر ....انا توني مسجل في مركز الوعب.... ايش فيه قولي ههههه

سلامات ما تشوفوا شر و الله يحفظكم جميعا ان شاء الله

[khaldoon]

ياجماعة انتم الي تقولون دول الثانية نفس الشي
العدد يختلف ترى كلنا مانجي 2 مليونين

فدول الي تكلمون عنها فيها عدد كبير ولا تلحق شعبهم كبير جدا مقارنتة في قطر
المشكلة عندنا العدد الاستاف من الدكاترة الكافي براحة وزود وعندنا عدد من المستشفيات والملاحق الخارجية لها والمراكز الصحية هذي الي كلها اندفع لها شنو فايدتها اذا ماخدمتني طول هالسنين كلها وشقاعد يسوون المسؤولين عن التخطيط الي في وزارة الصحة او مستشفى حمد وش ذا التخبط الى متى؟

يا اخوي انت وضعت يدك على الجرح و اثرت نقطه مهمه جدا جدا جدا..... في نظام مؤسسة حمد يسمحون للدكاتره اللي مب سينير انهم يشتغلون خاص و طبعا بيصير يتغيب علشان يلحق على الوظيفتين و بيكون شغل الخاص مربح اكثر بس مب دائم مثل راتب الحكومه .. و من هنا تبدأ المسخره و الشعب كمواطنين و مقيمين يدفعون الثمن

في احد الأيام كان عندي موعد في عيادة الاسنان في مستشفى الرميلة و كان الساعه السابعه مساء..... انتبه أقول السابعه مساء

بالغلط فكرت موعدي الساعه خمسة مساء و رحت بعد نهاية الدوام ... قالولي موعدك الساعه سبعه ليش جاي الحين.... قولت لهم طيب ممكن أحاول اشوف الدكتور لانه بيتي بعيد يمكن يقبل يشوفني الحين.... قالولي الدكتور مش موجود!!!!!!.... بيجي الساعه السابعه مساء..... متخيل متى بيداوم في عيادة الاسنان بالرميلة

طلعت لقيت غرفته فعلا مسكره.... رجعت قبل الساعه سبعه... و الله العظيم جاء الداوم الساعه سبعه و عشر و فتح الغرفه امامي ...يعني السؤال هذا لما يداوم الساعه سبعة مساء في عيادة الاسنان في الرميلة.... متى بيروح مثلا و الا وين كان أصلا قبل هذا الموعد؟؟.....هل في احد يشتغل في مستشفى الرميلة او بالمواعيد و يقدر يفهمنا ايش السالفه بعيدا عن فكرة انه يمكن عنده شي طارئ و خاص و من هالسوالف هذه

[بو عبدالرحمن]

وبلغ إجمالي مخصصات قطاع الصحة في الموازنة العامة لسنة 2019، ما يقارب 22.7 مليار ريال، والتي تمثّل 11.0% من إجمالي المصروفات، ومن أهم المشاريع في مجال تطوير الرعاية الصحية التي تشهدها الدولة خلال هذه المرحلة: توسّعات في المنشآت والمرافق التابعة لمؤسسة حمد الطبية، ومبنى المختبرات الوطنية، والانتهاء من إنشاء 4 مراكز صحية جديدة (الوجبة معيذر جامعة قطر الوعب)، والبدء في إنشاء 5 مراكز صحية جديدة (جنوب الوكرة المشاف السد الخور عين خالد).


22 مليار مخصصات القطاع الصحي في ميزانية 2019 ؟؟؟؟

يعني تقريبا مليار و 800 مليون ريال شهريا ويعني حوالي 60 مليون ريال يوميا(هذا لايشمل الرواتب لان هناك بند منفصل للرواتب والأجور في قطر)!!

وين ينصرف هالمبلغ الضخم؟؟؟؟

[يمامـة]

لما نروح الطوارئ هالايام يقولون لنا اترك المريض و روحوا بيتكم و بس هو يخلص بيتصل عليكم لانه لازم تعمل حسابك انه بيتم ست او سبع ساعات على الأقل و الله العظيم هذا كلامهم

لو شافوا الحاله مب حرجة بيتموا يقدموا الناس عليه و هو ينتظر لحد ما يموت ههههههه

و مات لما انتظر؟

تدري يا ستو ياا خلدون شنهو يعني طواري؟

يعني للحالات المستعجلة اللي المريض ما يقدر ينتظر فيها..

لكن الحاصل ان احنا فاهمين الموضوع بالمعكوس.
راسي عورني هذه حالة طارئة عندي تستدعي اني اعطل الناس في الطواري
و اخذ حق الحالات المستعجلة..

فطبيعي جدا ان الحالة الحرجة و المستعجلة تكون لها الاولوية حتى لو جات متأخرة..

لذلك الواحد عليه انه ما يلجأ للطواري في الحالات العادية.. و يفضل انه اذا راح
انه يستوعب انه حالته مب حرجة و في ناس اولى منه و يصبر لين يجي دوره.

( ستوو خلدوون.. ما ادري ليش حاسة ان جبدك منبطة مني .. عسى ما اشتكيت انت من شي
تلقاني اوقف ضد شكوتك)

[يمامـة]

اتفق معاك

ياجماعة انا حالياً في امريكا
الوضع بالنسبة للمواعيد سيم سيم عندنا

حفيدي الله يحفظه ابوه حب ياخذ له موعد كشف نظر في بريطانيا
عطوه اقرب موعد بعد ٦ شهور..

بنت اختي انكسرت ريلها نقعوها في الطواري الحكومي في ليدز فوق ال الثلاث ساعات
و عقب حولوها على لندن لان حالتها صعبة و سووا لها العملية في لندن
و كانت فاشلة.. و عقب فترة سووا لها عملية ثانية بسبب فشل العملية الاولى.

بنتي طرشوا لها سيارة اسعاف من قبل المكتب الطبي في لندن و راحت اقرب طواري
ما اكشفوا عليها الا عقب ثلاث ساعات و زود.
الحمدلله الواحد من يروح برع قطر يقعد و يقوم و هو يردد الله يعز بلادنا.

من جذيه خلدون لازم نسفره لندن او امريكا علشان يشوف خدماتهم الطبية الحكومية.

[يمامـة]

يمامة تحاول ترقع ما لا يقبل للترقيع

بعض المراكز صج يكون الواحد محظوظ فيها .. انا متوفق مع مركز العسيري حتى في علاج اللثة حاول الدكتور ومحاولته كانت جيدة لأن مواعيد رميلة تتأخر .. وموعد العلاج عطوني ثاني يوم

ولدي مودي بنته للتطعيم وقالوا له خذ لها موعد عطلوه وعطلوا نفسهم بهذي الطريقة الوقحة وفي مركز الوعب وكنت مفكر اسجل فيه وزين ما غيرت

لا و الله يا اخوي المعماري حشى ما ابي ارقع..

بس خلدون شكله يتكلم عن مركز الوعب الجديد.. اللي قد يكون مب شغال بكامل
طاقته هذا من ناحية و من ناحية ثانية قد يكون المركز هذا للقطري و غير القطري
و مثل هالمراكز يصير عليها ضغط كبير على عكس مركزنا مركز العسيري او مركز عمر بن الخطاب
فهي مخصصة للقطريين فالامور سهالات عندنا بفضل من الله و كرمه .

لكن ادخل مركز روضة الخيل و شوف عدد المرضى و الله انك ما تشعر انك في قطر
من زود اعداد المقيمين في هالمركز..

اما بخصوص التطعيم في سستم و في نظام يمشون عليه لازم احنا نحترم نظامهم

من شهر تقريبا طرشوا لي مسج يفيد ان فلان بن فلان الفلاني عنده تطعيم بعد كم يوم
كلمت ابوه قال لي لو سمحتي غيري له الموعد خليه اقرب موعد عقب العيد بيكونون في الدوحة.
اتصلت قلت لهم ابي اغير موعد التطعيم ..قال لي اعتذر منج تغيير التطعيمات في المركز..
طقيت لين المركز و من غير بطاقاته الصحية برقم جوالي عطوني الموعد اللي ابيه.

فهل لما اكون مقصرة في فهم النظام اتهمهم انهم معطليني؟

[يمامـة]

يا اخوي انت وضعت يدك على الجرح و اثرت نقطه مهمه جدا جدا جدا..... في نظام مؤسسة حمد يسمحون للدكاتره اللي مب سينير انهم يشتغلون خاص و طبعا بيصير يتغيب علشان يلحق على الوظيفتين و بيكون شغل الخاص مربح اكثر بس مب دائم مثل راتب الحكومه .. و من هنا تبدأ المسخره و الشعب كمواطنين و مقيمين يدفعون الثمن

في احد الأيام كان عندي موعد في عيادة الاسنان في مستشفى الرميلة و كان الساعه السابعه مساء..... انتبه أقول السابعه مساء

بالغلط فكرت موعدي الساعه خمسة مساء و رحت بعد نهاية الدوام ... قالولي موعدك الساعه سبعه ليش جاي الحين.... قولت لهم طيب ممكن أحاول اشوف الدكتور لانه بيتي بعيد يمكن يقبل يشوفني الحين.... قالولي الدكتور مش موجود!!!!!!.... بيجي الساعه السابعه مساء..... متخيل متى بيداوم في عيادة الاسنان بالرميلة

طلعت لقيت غرفته فعلا مسكره.... رجعت قبل الساعه سبعه... و الله العظيم جاء الداوم الساعه سبعه و عشر و فتح الغرفه امامي ...يعني السؤال هذا لما يداوم الساعه سبعة مساء في عيادة الاسنان في الرميلة.... متى بيروح مثلا و الا وين كان أصلا قبل هذا الموعد؟؟.....هل في احد يشتغل في مستشفى الرميلة او بالمواعيد و يقدر يفهمنا ايش السالفه بعيدا عن فكرة انه يمكن عنده شي طارئ و خاص و من هالسوالف هذه

طيب انت ما فكرت تشتكي عليه في الادارة؟
ترفع الموضوع للجهات الاعلى؟

و هل تأكدت اصلا ان هو وقته ما يبتدي الا الساعة سبعة بس؟
لان في اطباء يبتدون من الساعة 4 لين 8 و بعضهم من 6 لين 9..

و تقدر تتأكد من اسم الطبيب اذا عنده عيادة خاصة او لا..

لان مستحيل الدكتور اللي عنده عيادة خاصة يوفق ما بين العيادة الخاصة
بدوام مسائي مع عيادة حمد في المساء.

شي غير منطقي ابدا.. الا اذا كان سوبر هيرو..

[يمامـة]

يا ساتر ....انا توني مسجل في مركز الوعب.... ايش فيه قولي ههههه

سلامات ما تشوفوا شر و الله يحفظكم جميعا ان شاء الله

بقول لك اغلب الشكاوي على هالمركز

الكادر الاداري اللي يخدم المرتادين بعضهم علشان ما نظلمهم يفتقدون الى فن التعامل مع المراجعين
(احسني تعبت و انا اصيغ اللي كتبته فوق)
قد يكونون يعانون من قلة الخبرة او يفتقدون للكياسة في التعامل مع المراجعين..

عني و لله الحمد دخلت هالمركز حول الاربع مرات ما لقيت الا كل تقدير و احترام و تسهيل لامور
اللي رحت معاهم.
بس لقيتت احداهن تشتكي اكثر من مرة من النقاط المذكورة فوق.

[Rider]

بأختصار عندنا احداث المباني الطبية واحداث الاجهزه لكن ماعندنا دكاتره على مستوى وهذول اتمنى مراجعت شهاداتهم

[يمامـة]

كلامك سليم يا ستو وما عليه خلاف بس انا قصدت نقطه معينة و هي ان المسؤولين يوم سووا المراكز الصحية الجديده كانوا مخططين انه المواعيد فيها تكون بعد شهرين و هي مراكز تخدم مناطق محددة فقط و ليس كل البلد...يعني هذا الشي كان أصلا مخطط له تماما و يلبي اقصى طموحاتهم و افضل ما عندهم يقدمونه للشعب ؟؟؟!!......

مواعيد اسنان لا تحتمل كل هذا التأخير ......انتظر لحد ما السن يضرب علي مثلا بشكل مفاجئ و اروح الطوارئ و العلاج بيكون اصعب و يبي مضاد حيوي ليهدي الالتهاب و بعدين يبدأ العلاج بعد أسبوع على الأقل لان في بكتيريا تنشط و تنام حسب الاكل و بارد و سخن اللي يتعرض له السن و ما يحفز البكتيريا و ينشطها و حسب الاهتمام و العناية بنظافة الاسنان

هل هذه المده طبيعية و لا تستدعي الاستياء و الشكوى و تتماشى حسب المقاييس العالمية و تناسب اعداد المرضى او المراجعين التابعين لهذا المركز حسب توزيعاتهم الجغرافيه اللي وضعها المسؤولين؟ ام ان هناك قصور و خطأ في التخطيط و التصميم؟

مسألة الواسطه تلعب دور فهذا حرام و لا يجوز لانهم بياخذون دور ناس اكثر حاجة منهم او على الأقل احق من أصحاب الواسطات بحكم اسبقيتهم في حجز المواعيد..... يعني ما يصير الشغل يكون خيار و فقوس مثل ما يقولون بالمثل .....

أيضا مثل ما تفضلتي: في الوقت نفسه خلونا نستوعب ان الاعداد فوق القدرات
ليش ما في قدرات لا سمح الله يوم بنوا هذه المراكز الجديده؟؟!!!

في قدرات الله يحفظك يا ستو يا خلدووون
بس لربما المركز مب شغال بكامل طاقته الاسيتعابية مثل ما هو واضح من كلامك.
اقول لربما.. للحين ما في اطباء يسدون الشواغر.

و من ثم خلني اعطيك نصيحة اتبعها

خذ مواعيد كل ست شهور او اربع شهور للكشف على الاسنان لك و حق عيالك.

بالطريقة هذه انت تضمن حصولك على مواعيد من ناحية و من ناحية ثانية تشيك على اسنانك
و تجهز الدوا قبل الفلعة.. فلو هناك ضرس او سن فيهم شي يشتغلون عليهم و تدخل قائمة
الاحق بالمواعيد...........> هالشي موجود و يعطون المرضى مواعيد و يسمونها walk_in
يتبعونها في كل العيادات تقريبا خاصة لو حالتك تستدعي.

الواسطات فيمثل هالحالات حرام.. لكن انت اشممكن تسوي؟

[khaldoon]

( ستوو خلدوون.. ما ادري ليش حاسة ان جبدك منبطة مني .. عسى ما اشتكيت انت من شي
تلقاني اوقف ضد شكوتك)


لاااااااا....معقول؟........مستحيل طبعا..... الله يسامحك...كيف تظني هالشكل يا ستو...... ولا عمري اذكر انك بيوم من الأيام انك دخلتي موضوع اشتكي فيه من شي و وقفتي ضدي .... ابدا ابدا مستحيل.......حتى لو شوفت الدليل ما راح اصدق ولا حتى اذكر في يوم من الأيام قولتيلي نتلكم و نفتي في أمور لا نعرفها ولا و فوقه نبي نتدخل في شغل ناس مختصين و مسؤولين عن تحديد ما يناسب

صدقيني لا اذكر في يوم من الأيام انك قولتيلي ما ادري متى الناس يتعلمون ان كثرة الحنة تقل البركة و تييب الاكتئاب؟
و متى يتعلمون ان الانتقاد الكثير يخرب النفسيات ؟

crazycrazycrazycrazy:omen2:

[يمامـة]

لاااااااا....معقول؟........مستحيل طبعا..... الله يسامحك...كيف تظني هالشكل يا ستو...... ولا عمري اذكر انك بيوم من الأيام انك دخلتي موضوع اشتكي فيه من شي و وقفتي ضدي .... ابدا ابدا مستحيل.......حتى لو شوفت الدليل ما راح اصدق ولا حتى اذكر في يوم من الأيام قولتيلي نتلكم و نفتي في أمور لا نعرفها ولا و فوقه نبي نتدخل في شغل ناس مختصين و مسؤولين عن تحديد ما يناسب

صدقيني لا اذكر في يوم من الأيام انك قولتيلي ما ادري متى الناس يتعلمون ان كثرة الحنة تقل البركة و تييب الاكتئاب؟
و متى يتعلمون ان الانتقاد الكثير يخرب النفسيات ؟

crazycrazycrazycrazy:omen2:

الحمدلله

شهادة اعتز فيها..

اشكرك و بعنف يا ستو خلدون.. شكلي بسوي لك صحن كنافة بالقشطة.

[khaldoon]

22 مليار مخصصات القطاع الصحي في ميزانية 2019 ؟؟؟؟

يعني تقريبا مليار و 800 مليون ريال شهريا ويعني حوالي 60 مليون ريال يوميا(هذا لايشمل الرواتب لان هناك بند منفصل للرواتب والأجور في قطر)!!

وين ينصرف هالمبلغ الضخم؟؟؟؟



ما شاء الله.... مبلغ ضخم...... هو المعدات الطبيه غاليه جدا جدا.... شوف المراكز الصحيه الجديده شوفتها ثلاث أنواع.... الصغير يعني طابق واحد في المناطق النائيه يكلف تقريبا 50 مليون ريال مع المعدات الطبية ... الوسط مثل الثمامه يكلف 100 مليون بدون معدات .... الكبير مثل روضة الخيل و الدحيل يكلف الواحد منهم تقريبا 120 مليون بدون معدات

طبعا هذه التكاليف تدفع على اكثر من سنة لحين الانتهاء من المشروع .... غير المستشفيات و مراكز التدريب و التأهيل ....مازال الرقم كبير مب عارف ارقعه ههههه

[الحاقول]

اليوم خدمتنا ما عطينها موعد اسنان في الخليج الغربي 1- 10 معقوله ذلك
قلت حق زوجتى حرام خلها تروح عياده خاصه

[khaldoon]

الحمدلله

شهادة اعتز فيها..

اشكرك و بعنف يا ستو خلدون.. شكلي بسوي لك صحن كنافة بالقشطة.

صحن كنافة؟؟؟!!!!..... بس؟؟؟!!!... لا معلش الموضوع كبير و اقل شي صينية كنافة نص ناعمه و نص خشنة من العكر...ترى الجرح عميق و غائر و واصل للمعدة :weeping::weeping::weeping::deal::deal::deal:

[مضارب دوسري]

شي جميل انه الدولة تخطط انها تبني خمسين مركز صحي على الأقل و تم الانتهاء من عدد منهم لتحسين الخدمات و تغطية كل المناطق بالدوله

بس اليوم تفاجأت و انا احجز موعد اسنان في مركز صحي جديد انه اقرب موعد هو بيوم ....18/09/2019 .... سألت كم عيادة اسنان تشتغل قالوا ثمانية عيادات و انا متأكد انه تم بناء ثمان عيادات بس ما تشتغل كلها

سؤالي للمسؤولين في مؤسسة الرعاية الصحية الاوليه...... انتظار موعد لشهرين على الأقل في مركز صحي يخدم مناطق محدده و ليس كل البلد مثل المستشفيات هل هذا شيء مقبول و راضيين عنه و يتماشى مع المقاييس العالميه و يتناسب مع طموحاتكم و تطلعاتكم يوم تم تصميم المراكز الصحيه ام ان التخطيط قبل التنفيذ لم يأتي بالنتائج المرجوة و المتوقعه؟

انا اشوف انكم تدفعونا الى الاتجاه الى القطاع الخاص ....مع عدم توفر التأمين الصحي للاسنان في القطاع الخاص و العام

ولما يجي الموعد يحطون حشوه مؤقته
والحشوه الدائمه فالموعد القادم اللي ممكن بعد شهرين ويكون وقتها الحشوه المؤقته طاحت :)

[khaldoon]

ولما يجي الموعد يحطون حشوه مؤقته
والحشوه الدائمه فالموعد القادم اللي ممكن بعد شهرين ويكون وقتها الحشوه المؤقته طاحت :)

ههههههه ايه والله معاك حق....مرة كان الموعد الثاني يصادف اول يوم إجازة العيد ...يعني غلطتهم..... قالولي بنتصلك بعد العيد ...الكلام عن مستشفى الرميلة و ما اتصلوا و انتظرت والله شهرين او اكثر لحد ما صار السن يوجعني....رحت لهم الصباح الساعه سبعه و انا ابي اتهاوش.... قالي الدكتور تقدر تيجي اليوم الساعه 12 الظهر قولت نعم اجيك... وفعلا رحت و خلصت الموعد الثاني وافتكيت منهم

[khaldoon]

اليوم خدمتنا ما عطينها موعد اسنان في الخليج الغربي 1- 10 معقوله ذلك
قلت حق زوجتى حرام خلها تروح عياده خاصه

ايه معقوله و نص.... اول كان الموعد بنفس الأسبوع و بعدين صار الأسبوع الثاني و بعدها الثالث..... راح يصير اخر السنة بعد و المصيبة انه الموعد بالمركز الصحي مب بالمستشفيات

الله يكون في العون

[بوخميس]

الاسنان على طول اروح مركز الربيع بعد اشارات المنتزه، تدخل على طول

حشوة بـ 200 ريال وفك عمرك

[khaldoon]

الاسنان على طول اروح مركز الربيع بعد اشارات المنتزه، تدخل على طول

حشوة بـ 200 ريال وفك عمرك

جزاك الله كل خير على هذه النصيحة الجميلة

كل الشكر و التقدير

[معماري قطري]

يا ساتر ....انا توني مسجل في مركز الوعب.... ايش فيه قولي ههههه

سلامات ما تشوفوا شر و الله يحفظكم جميعا ان شاء الله

أمس وديت قريب لي مركز العسيري وهو تابع للريان ولا قصروا عالجوه عنده انفلونزا وحتى ما يقدر يمشي من التعب .. المفروض كل المراكز نفس الشيء وأي مركز قريب منك تدخله ما ادري ليش التعقيد ولكل مركز قوانين خاصة به

مركز الوعب جديد واحس ادارتهم فيها خلل

[السكين]

الاسنان على طول اروح مركز الربيع بعد اشارات المنتزه، تدخل على طول

حشوة بـ 200 ريال وفك عمرك

صادق حتى الزراعة عندهم رخيصة السن الوحدة بـ 3500 ريال أنا دايم أروح عندهم بعد ما نكبني دكتور رأفت الخراشي شغله لا يعلى عليه بس سعره يبيله قرض

مكانهم المنتزه مقابل جمعية مرضى السكري

[khaldoon]

صادق حتى الزراعة عندهم رخيصة السن الوحدة بـ 3500 ريال أنا دايم أروح عندهم بعد ما نكبني دكتور رأفت الخراشي شغله لا يعلى عليه بس سعره يبيله قرض

مكانهم المنتزه مقابل جمعية مرضى السكري

هل تعلم انه زراعة الاسنان في الرميلة من كم سنة لقيتها 6800 ريال للسن الواحد؟؟!!!...الحين ما اعرف كم

بارك الله فيك على المعلومات الطيبة

[يمامـة]

أمس وديت قريب لي مركز العسيري وهو تابع للريان ولا قصروا عالجوه عنده انفلونزا وحتى ما يقدر يمشي من التعب .. المفروض كل المراكز نفس الشيء وأي مركز قريب منك تدخله ما ادري ليش التعقيد ولكل مركز قوانين خاصة به

مركز الوعب جديد واحس ادارتهم فيها خلل

بس القطري مسموح له يتعالج في اي مركز
خاص بالقطريين..

مثلا
عمر بن الخطاب او اللي نسميه العسيري
هو في الاساس مركز للقطريين في كل قطر مب بس المناطق التابعة للمركز.. من جذيه اقبلوا دخوله..

[يمامـة]

صحن كنافة؟؟؟!!!!..... بس؟؟؟!!!... لا معلش الموضوع كبير و اقل شي صينية كنافة نص ناعمه و نص خشنة من العكر...ترى الجرح عميق و غائر و واصل للمعدة :weeping::weeping::weeping::deal::deal::deal:

ما احب اللي يتشرط..
عقابا لك..باسحب عرضي..
دبر نفسك مع العكر :fight:

[معماري قطري]

لا و الله يا اخوي المعماري حشى ما ابي ارقع..

بس خلدون شكله يتكلم عن مركز الوعب الجديد.. اللي قد يكون مب شغال بكامل
طاقته هذا من ناحية و من ناحية ثانية قد يكون المركز هذا للقطري و غير القطري
و مثل هالمراكز يصير عليها ضغط كبير على عكس مركزنا مركز العسيري او مركز عمر بن الخطاب
فهي مخصصة للقطريين فالامور سهالات عندنا بفضل من الله و كرمه .

لكن ادخل مركز روضة الخيل و شوف عدد المرضى و الله انك ما تشعر انك في قطر
من زود اعداد المقيمين في هالمركز..

اما بخصوص التطعيم في سستم و في نظام يمشون عليه لازم احنا نحترم نظامهم

من شهر تقريبا طرشوا لي مسج يفيد ان فلان بن فلان الفلاني عنده تطعيم بعد كم يوم
كلمت ابوه قال لي لو سمحتي غيري له الموعد خليه اقرب موعد عقب العيد بيكونون في الدوحة.
اتصلت قلت لهم ابي اغير موعد التطعيم ..قال لي اعتذر منج تغيير التطعيمات في المركز..
طقيت لين المركز و من غير بطاقاته الصحية برقم جوالي عطوني الموعد اللي ابيه.

فهل لما اكون مقصرة في فهم النظام اتهمهم انهم معطليني؟

هلا ستو يمامة .. ستتنا الكبيرة

ما عليج مني دوم اسلوبي استفزازي .. بس يا اختي النظام لازم تسهيل ولا تصعيب .. مثل الموعد لازم تطقين طريق وتوصلين وتطلبينهم صدقة .. بيل ما ادري شسمه اخترع التلفون لتسهيل هالمواضيع .. بعدين نسوي مركز صحي ونفتتحه بدون خطة متكاملة ليش؟ هذا سوء ادارة عليا وادارة مركزية في المركز

حتى الرسائل اللي طرشوهم لنا بمناسبة الافتتاح وقربه للتسجيل خلتنا نحس إنه بيكون أفضل وزين قدرت ارجع واطلب من موظفة الاستقبال تخليني في العسيري وتوني اعرف إنه للقطريين فقط مع إني اشوف فيه غيرهم بس قليل كلش .. بعدين حتى لو يصير ضغط كبير لازم فيه حلول عملية مب الطرد بطريقة قانونية

في أمريكا كنت اتابع في مركز طبي كبير تابع للشغل ومواعيدهم شوي تتأخر خصوصاً مع الكايروبراكتك لأنه واحد وعليه ضغط لكن تعالي للباقي كل قسم فيه عدد كافي ويستحمل ضغط عمل كبير ونظامهم مرتب أول شيء تروحين للطب العام ومنه تتحولين للتخصصي وتسجيل المواعيد والاستقبال سهل جداً بالتلفون أو بالمقابلة على الكاونتر

المشكلة في الصيدلية لأن كثير متقاعدين بالآلاف يجون يصرفون دواء مدعوم ورخيص أو ببلاش وممكن تنتظرين ساعة الى ساعتين لكن الأطباء هناك يقولون للمريض قدم طلب الدواء للصيدلية وخلص باقي شغلك وتسجيل المواعيد وروح خذ دواك حتى لو جاء دورك وراح يبقى دواك موجود وتاخذه متى ما جيت تدخل بين الارقام .. حل ثاني لو تبي تكلم الصيدلية الخارجية فيها تسليم للسيارة درايف ثرو ويمكن 10 خطوط تسليم يقولون دواك بيكون جاهز بعد ساعة للمريض .. يروح يتسوق لو يحب عندهم سوق كبير فيه كل شيء وبسعر مخفض .. نظام محترم وانساني حاسبين فيه كل شيء .. أي فحص اسويه خارجي بس اوقع ورقة ينسحب من أي مكان من العالم مب بس من أمريكا .. مشكلتنا قلتها قبل واكررها ادارية طبية وقانونية بس

[يمامـة]

اخوي معماري ..
اولا للامانة ما شفت اسلوبك استفزني ابدا..
لكني حطيت نفسي مكانك و شفت الموضوع
من طريقك و عقب بحثت عن الخلل

فلقيتني غلطانة لو انحطيت بنفس موقفك.

هناك امور احنا ما نعرفه مثل معلومة
المراكز الخاصة للقطريين فقط و المراكز المختلطة.
فكيف بباقي المعلومات؟
تراني مثلك اتمنى الافضل من الخدمات
اللي تصب في صالحي و من ثم في صالح المقيم..
اتمنى ان كل الخدمات ترتقي و تتطور احسن
من اكثر الدول تطورا منا في هالمجال.
هالشي يزيدني فخر ببلادي و بكوني انتمي
للبلاد هذه.

لكن ليش نحمل الدولة بعض القصور منا؟

هذا من ناحية و من ناحية ثانية..
ليش نبي كل شي كامل حسب حاجتنا
بينما قد تكون هناك عوائق تمنع الكمال هذا في الوقت الحالي!
لربما مركز الوعب بعده مب شغال بطاقته
الاستيعابية.. فليش التذمر من الامر هذا؟
لو قلنا الاسنان فقط غير مكتمل قسمه فهذا خلل
بس بيقولون لك بيكتمل في الخطة ب للمركز.
لكن هل كل شي في المركز شغال على خطة أ و ناطرين
تنفيذ خطة ب و ج مستقبلا عليهم؟

احب انبه لنقطة مهمة و اعتقد انك بتفهمني
لا تنتظر من تطوير الخدمات مالم الماس يتطورون
و الفكر يتطور و التفكير يتطور و التعليم يتطور..

لان اللي يمسك هالاماكن في الاخير ناس يطبقون
ما يؤمنون فيه انه صح.. بينما بتحصل تذمر
من ناس يفهمون و ناس ما يفهمون.
و كل خطة عمل تحتاج الى فترة من الزمن
للحكم عليها .. عقبها يتم تقييمها..

فعودة الى مركز الوعب حطوا شكاويكم
و قدموها و قدموا حلول لو عندكم ضمن الشكوى

[معماري قطري]

أتفق معاج اختي يمامة ما ننتقد الا لإصلاح الخلل أو القصور وبنفس الوقت ننقل تجاربنا في الدول الثانية ونقول المنطق وراء الإجراء .. يعني بنت رضيعة عمرها ما وصل شهرين يجيبها ابوها ويردونه بسبب ما عنده موعد لتطعيمها هذا ضد المنطق السليم .. سووا لنفسهم شغلة ادارية مكررة وبنفس الوقت سووا لأهلها شغلة روح ورد ونقول ليش الزحمة بدون داعي

[معماري قطري]

يمكن انا من القلائل اللي شكروا مستشفى حمد قسم عيادة السكر ونصحت ووضحت عن هذا المرض في موضوع خاص به ما له كم شهر

[khaldoon]

لا و الله يا اخوي المعماري حشى ما ابي ارقع..

بس خلدون شكله يتكلم عن مركز الوعب الجديد.. اللي قد يكون مب شغال بكامل

الله اعلم ما اعرف اذا شغال بكامل طاقته ام لا بس الأكيد انهم بيسوون 8 عيادات مثلا و ما يشغلونها كلها بس مب منطقي بعد يشغلون 2 من 8 ..طالما ما تبون تشغلون غالبية الغرف ليش سووتوها.....مب هذا اهدار للمال العام للدوله؟
طاقته هذا من ناحية و من ناحية ثانية قد يكون المركز هذا للقطري و غير القطري

فعلا هو للجميع ليخدم بعض المناطق ضمن توزيع جغرافي حسب المناطق اللي تتبع هذا المركز
و مثل هالمراكز يصير عليها ضغط كبير على عكس مركزنا مركز العسيري او مركز عمر بن الخطاب
فهي مخصصة للقطريين فالامور سهالات عندنا بفضل من الله و كرمه .

لكن ادخل مركز روضة الخيل و شوف عدد المرضى و الله انك ما تشعر انك في قطر
من زود اعداد المقيمين في هالمركز..

انا اشتغلت في مركز روضة الخيل مدير مشروع و ما صحلي اسجل فيه ولا شفعلي شغلي فيه اني أكون من مراجعيه للأسف الشديد و كتبت قبل عن هذا الموضوع اني ساكن في النصر و ابعد عن مركز روضة الخيل اقل من خمسة كيلو و مسجليني على مركز أبو نخلة اللي يبعد عن مركز روضة الخيل او مركز الدوحة تقريبا 29 كيلو ...

اما بخصوص التطعيم في سستم و في نظام يمشون عليه لازم احنا نحترم نظامهم

من شهر تقريبا طرشوا لي مسج يفيد ان فلان بن فلان الفلاني عنده تطعيم بعد كم يوم
كلمت ابوه قال لي لو سمحتي غيري له الموعد خليه اقرب موعد عقب العيد بيكونون في الدوحة.
اتصلت قلت لهم ابي اغير موعد التطعيم ..قال لي اعتذر منج تغيير التطعيمات في المركز..
طقيت لين المركز و من غير بطاقاته الصحية برقم جوالي عطوني الموعد اللي ابيه.

كتبت من كذا سنة في المنتدى عن هذا النظام الاعوج و هو انك ما تقدر تسوي موعد اسنان بالتليفون ولازم تحضر المركز الصحي بنفسك علشان تأخذ الموعد بورقة .. و كأنه مضمون اكثر انك تيجي الموعد لو حضرت بينما غير مضمون لو سويت موعد بالتليفون ...خاصة انه في الحالتين ما راح تدفع فلوس و لا شي اللهم بس انك تطق مشوار ممكن تسويه بالتليفون وما نعرف ايش وجه الحكمه فيه و الناس تتقدم و تتطور و هم ......

المهم الحمد لله هالايام صرنا نقدر نسوي موعد الاسنان بالتليفون..... ايش اختلف امس عن اليوم في تغيير السياسه مالتهم...الله اعلم.... يمكن بس الحفاظ على البيئه و توفير قطع الاشجار و طباعة الورق



فهل لما اكون مقصرة في فهم النظام اتهمهم انهم معطليني؟

لو في قصور في فهم النظام انا أتمنى توضحون لي أوجه القصور يا ستو ....ما عندي مشكله بالعكس استفيد و اتعلم


الرد بالاحمر

[khaldoon]

طيب انت ما فكرت تشتكي عليه في الادارة؟
ترفع الموضوع للجهات الاعلى؟

و هل تأكدت اصلا ان هو وقته ما يبتدي الا الساعة سبعة بس؟
لان في اطباء يبتدون من الساعة 4 لين 8 و بعضهم من 6 لين 9..

و تقدر تتأكد من اسم الطبيب اذا عنده عيادة خاصة او لا..

لان مستحيل الدكتور اللي عنده عيادة خاصة يوفق ما بين العيادة الخاصة
بدوام مسائي مع عيادة حمد في المساء.

شي غير منطقي ابدا.. الا اذا كان سوبر هيرو..

ستوا انا كتبت ما حدث معاي بالزبط لا زيادة و لا نقصان ... الدكتور جاء عيادته في الرميلة الساعه سبعه و عشره امامي وفتح الغرفه بالمفتاح و انار الاضاءه ...هو وين كان قبل انا ما اعرف ..انا جاي اكل عيش و اتعالج مب جاي اشتكي ههههه

ما عندي ادلة انه مقصر و الا مزوغ و الا مب ماخذ اذن علشان اشتكي عليه

ولا ابي أكون محقق كونان علشان استفسر لو عنده عيادة خاصة او لا و لهالسبب جاء عيادته الساعه سبعه و عشره لانه هو أصلا ما تأخر علي الا عشر دقايق لانه موعدي على الساعه سبعه يعني ما ضرني بشي

[بوخميس]

مرة كان عندي موعد الساعة 9 في المركز الصحي

انا موجود قبل الـ 9 وقاعد قدام غرفة الدكتور

اشوف واحد طلع من الغرفة وراح، عاد انا ما ادري ان هو الدكتور

رجع الساعة 9:40 دقيقة

سألت عنه الفراش قال كان رايح يتريّق !!

طيب اذا انا موعدي الساعة 9 ومحد جا غيري لين 9:40 دقيقة، ليش ما خلصني قبل لا يروح يتريق؟

وانا اصلا كنت بس ابي تحويل للعيادات الخارجية، يعني خلصني في 5 دقايق !!

هل كل مريض له ساعة مثلاً؟! ليش هو بسو عملية؟

مرة رحت نسيم الربيع حق دكتور العيون في الليل، قدامي 16 مريض، وخلصت في ساعة وربع تقريباً، لو في مركز صحي كان قعد عليهم اسبوع كامل

[khaldoon]

مرة كان عندي موعد الساعة 9 في المركز الصحي

انا موجود قبل الـ 9 وقاعد قدام غرفة الدكتور

اشوف واحد طلع من الغرفة وراح، عاد انا ما ادري ان هو الدكتور

رجع الساعة 9:40 دقيقة

سألت عنه الفراش قال كان رايح يتريّق !!

طيب اذا انا موعدي الساعة 9 ومحد جا غيري لين 9:40 دقيقة، ليش ما خلصني قبل لا يروح يتريق؟

وانا اصلا كنت بس ابي تحويل للعيادات الخارجية، يعني خلصني في 5 دقايق !!

هل كل مريض له ساعة مثلاً؟! ليش هو بسو عملية؟

مرة رحت نسيم الربيع حق دكتور العيون في الليل، قدامي 16 مريض، وخلصت في ساعة وربع تقريباً، لو في مركز صحي كان قعد عليهم اسبوع كامل

صادق والله و يقولك تعال قبل لربع و الا نص ساعه من الموعد لاني اشوف وايد هالاشياء.... كثير كنت انتظر الدكتور اللي رايح يسلم على زميله في غرفة ثانية و يشرب معاه نسكافيه و الا شاي و الا رايح يصلي تراويح و احنا مب بشهر رمضان ...طبعا أسوأ شي مثلا لما الواحد يروح وقت صلاة المغرب و العشاء..... اقل شي نص ساعه بينتظر بسبب الصلاة..... الدكتور لا يكتفي بالصلاة المفروضه و السنه بل لابد من التهجد علشان يكمل نص ساعه على الأقل

غير انك تلاقي المريض قبلك طلع و الدكتور بيقعد خمس دقايق على الأقل لحد ما يكبس زر استدعاء المريض التالي اللي هو انت ...و الا كيف يعني بينهي ساعات الدوام ؟؟!!!!

ما اعرف ليش دايما المرضى اللي قبلي يطولون وايد عند الدكتور و انا يخلصني بسرعه...ما اعرف ليش ....

[khaldoon]

امس اتصلت احجز موعد لاني ابي بس اخذ تحويل للعلاج الطبيعي..... قالي الموظف على الكول سنتر 107 موعدك بعد أسبوع......لهدرجة الدنيا زحمة عندهم.... الله يرحم أيام كنا ندخل المركز الصحي بأي وقت و بدون ما نتكلم و لا نقول شي و نعطي البطاقه و الموظفه تعطينا رقم للدور ولا هي حتى سألت ايش السالفه

[khaldoon]

احسن انجاز عملوه القائمين على المراكز الصحيه في القضاء على الزحمة سابقا انهم طفشوا الناس من الحضور للمركز الصحيه و دفعهم للذهاب الى العلاج الخاص لانهم ما راح يتحملوا الألم و الانتظار لفترات طويلة جدا جدا

لو الموضوع ما في كادر طبي او إمكانيات و مراكز و مستشفيات طبية فنحن نتكلم عن دولة غنية ما شاء الله والله يديم عليها النعمة و الرخاء ..... اذن ايش سبب التأخير غير الطبيعي في المواعيد

و اللي يقهر انهم يرسلون لك طلب استبيان ايش رأيك بمستوى الخدمات......بالله عليكم ايش رأيكم انتم

[بوخميس]

آخر مرة اتصلت فيهم كان يوم سبت وحصلت موعد الخميس

رحت الموعد عشان يحولني العظام او الروماتيزم، قالي بيتصلون فيك

اتصلوا فيني الثلاثاء اللي بعده وعطوني موعد 28 / 10 :no:

عاد انا بعدها بثلاث ايام ما كنت اقدر امشي من الألم، رحت مستشفى العمادي وقابلت الدكتور وسويت رنين مغناطيسي وعطاني ادوية (كل ذي خلال ساعتين) وطلع عندي ديسك في فقرتين، وبديت العلاج الطبيعي1
و لحين موعدي في مستشفى حمد بعد شهر و15 يوم :playball:

[khaldoon]

آخر مرة اتصلت فيهم كان يوم سبت وحصلت موعد الخميس

رحت الموعد عشان يحولني العظام او الروماتيزم، قالي بيتصلون فيك

اتصلوا فيني الثلاثاء اللي بعده وعطوني موعد 28 / 10 :no:

عاد انا بعدها بثلاث ايام ما كنت اقدر امشي من الألم، رحت مستشفى العمادي وقابلت الدكتور وسويت رنين مغناطيسي وعطاني ادوية (كل ذي خلال ساعتين) وطلع عندي ديسك في فقرتين، وبديت العلاج الطبيعي1
و لحين موعدي في مستشفى حمد بعد شهر و15 يوم :playball:

بارك الله فيك على هذا الرد الرائع اللي يثبت كلامي فوق و هو انك ما قدرت تصبر على الألم و المرض و رحت للعلاج الخاص....و هذا اللي يبونه....

الف سلامة و الله يشفيك و يعافيك و يحفطك يا رب

[المانع 63]

انا كلمتهم شهر 7 علشان موعد عظام عطوني موعد شهر 11 علما انه بس ابي تقرير وفحص عادي

[khaldoon]

انا كلمتهم شهر 7 علشان موعد عظام عطوني موعد شهر 11 علما انه بس ابي تقرير وفحص عادي

اخوي العزيز ما عليه لازم نتحمل لانه الرعاية الصحية عندنا يتعاملون معانا و كأننا بالصين و مب ملحقين علينا..... امس رحت المركز الصحي على الموعد ما شوفت عدد المراجعين في الطابق الأرضي يزيد عن عشرين شخص و الله يمكن اقل و فوق بالطابق الثاني لقيت مراجعة واحده بس تأخذ موعد مب تتعالج .... خلها على الله