توقعات الشهر ل اغسطس 2019

[مضارب دوسري]

السلام عليكم ورحمة الله وبركاته

[احمد77]

وعليكم السلام ورحمه الله وبركاته اخوي مضارب توقعاتك للخليج الدولية والبيع اللي صاير فيه

[مضارب دوسري]

اللي صاير
سهم يتفاعل ايجابا قبل اعلانه بكم يوم
ويجي الاعلان ايجابي ويستانسون المضاربين انه بيشترون بكره اول الصباح

ويجي التفاعل يا ثابت يا سلبي

ليش ؟
لانه تفاعل اساسا قبل اعلانه
بنقول ماشي وعادي وتصير !!



يجيك سهم يتفاعل سلبا قبل اعلانه بكم يوم
لما يصدر الاعلان يكون سلبي
ينزل بسرعة الصاروخ

يا جماعه ليش ما نقول تفاعل سلبا قبل اصدار اعلانه ومب لازم يهبط هبوط قوي !!!

[بوجاسـم]

الفدرالي الأميركي يخفض معدلات الفائدة بـ 0.25%

[حمــد]

يتاثر قطاع البنوك بالاخص الربويه مع هذا القرار
التاثير سيكون ظاهر مع ارباح الربع الرابع والله اعلم

[بوخميس]

اليوم واحد من مطلعي البنك الاول شاري 2.8 مليون سهم

في العادة يبيعون ما يشترون

وفي واحد طالب عالاغلاق 11 مليون سهم ؟!

[الـمـرقاب]

اليوم واحد من مطلعي البنك الاول شاري 2.8 مليون سهم

في العادة يبيعون ما يشترون

وفي واحد طالب عالاغلاق 11 مليون سهم ؟!

لا تغتر فيها ممكن تكون مصيده علشان يوهمون صغار المستثمرين ان في
طلب كبير على السهم :deal:

[معماري قطري]

بيكون شهر في المجمل احمر وممكن نشوف 9500 فيه

[ابومحمد 123]

بتاريخ 12 اغسطس فيه اجتماع لمورغان من ناحية اضافة او حذف شركات

التفعيل سيكون بيوم 2 سبتمبر .

[ابو العبد]

اعلان الصناعات وايضا ترقب اجتماع مورغان ممكن يترك اثر سلبي على السوق في شهر 8

[مضارب دوسري]

بيكون شهر في المجمل احمر وممكن نشوف 9500 فيه

على حسب النتايج للاسف سوقنا لا يستحق اساسيا الا ما بين 9300_9000 نقطه


اما فنيا ف اتوقع المستهدف في حال استمرار الهبوط 10000_9800

ولكن ممكن يمطون السالفه للتصريف كما حصل من منتصف يوليو الى نهايته يوم فوق ويوم تحت وهكذا

[بوجبر]

اللي يقول بكرة ارتفاااااع معتبر له مني 2500 ريال نوط ينطح نوط:yes2:

[الـمـرقاب]

ترامب فرض رسوم اضافيه على الصين واغلب الاسواق العالميه بالاحمر
الله يستر على سوقنا هالفتره

[معماري قطري]

اللي يقول بكرة ارتفاااااع معتبر له مني 2500 ريال نوط ينطح نوط:yes2:

كله تسبح ضد التيار وتدور حد يسبح معاك وحتى بتعطيه فلوس .. استوى نظامك غرب سلوى ستاني

[احمد77]

اللي يقول بكرة ارتفاااااع معتبر له مني 2500 ريال نوط ينطح نوط:yes2:

اخوي بوجبر ليش سوقنا من كم يوم كان يعني اخضر

[احمد77]

كله تسبح ضد التيار وتدور حد يسبح معاك وحتى بتعطيه فلوس .. استوى نظامك غرب سلوى ستاني
هههههههاي بوجبر يبي يدفع اي شي بس يبي سوقنا ينزل عشان يشتري

[السد العالمي]

مجرد سؤال
مع قرب استضافة قطر لاحداث 2022 واللي متوقع حضور اكثر من مليون ونص مشجع ، شركاتنا المحلية خاصة الخدمية كالميرة وودام والعقارية كازدان ومزايا والمتحدة شنو خططهم ولا ع البركه

[السد العالمي]

النتائج السلبية لبعض الشركات ما هي اسبابها :
سوء ادارة من مجالس الادارات أو ان هذه النتائج طبيعية بفعل متغيرات السوق المحلي والعالمي؟

[معماري قطري]

هههههههاي بوجبر يبي يدفع اي شي بس يبي سوقنا ينزل عشان يشتري

بو جبر يعرف السوق ويدري إنه بينزل بس يتحدى الجميع

[معماري قطري]

مجرد سؤال
مع قرب استضافة قطر لاحداث 2022 واللي متوقع حضور اكثر من مليون ونص مشجع ، شركاتنا المحلية خاصة الخدمية كالميرة وودام والعقارية كازدان ومزايا والمتحدة شنو خططهم ولا ع البركه

والله يا اخوي بو أحمد ( إن ما خانتني الذاكرة ) كثيرين حطوا أمل على البطولة .. الغريب شركاتنا لا إعلانات ولا خطط ولا توضيح .. عارف العتب على مجالس الادارات بس أكثر على اللجان الخاصة بكاس العالم .. بدينا نشوف تركيز على السياحة وعلى المشاريع لكن بنفس الوقت نشوف خساير لكبرى الشركات وهذا شيء يقلق أي مستثمر

[مضارب دوسري]

كاس العالم 30 يوم فقط

ذروة الحضور الجماهيري تكون اول اسبوعين مع دور لمجموعات
بعدها النص بيطيرون
ويبدا العد التنازلي مع الادوار الاقصائيه


فالموضوع مش محتاج ترتيبات من الان لانه بسيط والخطط الموجوده بس ما يحتاجون يبدون في وضعها وللحين باقي 3 سنوات زاكثر شوي


كاس العالم للانديه لما كان فالجاره المنهاره كان الاقبالىمن اجل البطوله ما يطون ذاك الزود اساسا وما يسافرون في تاريخ اعي الميلاد عندهم من اجل نهائي غالبا يكون الفايز من اوروبا
ف يعني ممكن ما يتجاوزون ذيك الاعداد المعقولهوفي الحضور فقط ممكن المقيمين الاجانب يترسون الملعب


واحد اعرفه فنح له مشروع مطعم ليش يا فلان قال
جاينا كاس العالم ومن هالكلام ولماشاف الخساير تتراكم ع 6 شهور قال هذا لو وصل كاس العالم بكون فالسجن من كثر الديون


فعليا هناك ركود اقتصادي فالمنطقه ككل

[مضارب دوسري]

اللي صاير
سهم يتفاعل ايجابا قبل اعلانه بكم يوم
ويجي الاعلان ايجابي ويستانسون المضاربين انه بيشترون بكره اول الصباح

ويجي التفاعل يا ثابت يا سلبي

ليش ؟
لانه تفاعل اساسا قبل اعلانه
بنقول ماشي وعادي وتصير !!



يجيك سهم يتفاعل سلبا قبل اعلانه بكم يوم
لما يصدر الاعلان يكون سلبي
ينزل بسرعة الصاروخ

يا جماعه ليش ما نقول تفاعل سلبا قبل اصدار اعلانه ومب لازم يهبط هبوط قوي !!!

المثال الثاني
صار اليوم في الخليج الدوليه عينك عينك

من 1.88 الى 1.75 قبل الاعلان بكم يوم الى يوم الاعلان
وبعد الاعلان اغلاق على اللمت داون اليوم


سلموا لي على الشفافيه يا هيئة السوق سلام وايد

[عابر سبيل]

400 نقطه ف حلسه وحده ..كثير..

الله المستعان..

خلونا نشوف-لمن يحب-
منهو شرا اليوم و منهو باع..
و ايش السهم/الاسهم اللي تعامل فيها..
و ليش؟


شخصيا تفاجأت من شدة نزول المصرف اول الصبح
ولما شفته ارتد ف وسط الجلسه..

تشجعت آخذ فيه (للاسف) بسعر اكثر مما اغلق عليه

[مضارب دوسري]

400 نقطه ف حلسه وحده ..كثير..

الله المستعان..

خلونا نشوف-لمن يحب-
منهو شرا اليوم و منهو باع..
و ايش السهم/الاسهم اللي تعامل فيها..
و ليش؟


شخصيا تفاجأت من شدة نزول المصرف اول الصبح
ولما شفته ارتد ف وسط الجلسه..

تشجعت آخذ فيه (للاسف) بسعر اكثر مما اغلق عليه

لا تمسك السكين وهي ساقطه

خلها لين تضرب الارض وتقول طققققق
بعدين يصير خير

[بوخميس]

يا شماتة بو جبر فينا

[بوخميس]

زين ان 92% من محفظتي مزايا وصكرت خضرا

[مضارب دوسري]

النزول اللي صار اليوم

اسميه
نزول كسر النفسيات

وهو ياتي من وضع ما متسرب

ما يندرى هل وضع ايران بيولع
ولا
مورغن واجتماعهم 12_8
فيها شي

او مجرد تخفيض الفايده وتبعاتها !!

او ايش بالضبط



الايام الجايه بيبان بشكل اكثر الوضع

[عابر سبيل]

لا تمسك السكين وهي ساقطه

خلها لين تضرب الارض وتقول طققققق
بعدين يصير خير

الحمد لله ما شريت كل الكميه..
طبعي ما ادش الا على 3-4 مراحل..

فهذا المفروض انه بيخفف من طقة السكين اليوم على
المحفظه و ما بتتشقق مره حده..
يمكن الله يهدا الخبل ترامب
و يغرد بشي يرفع الاسواق

[عابر سبيل]

يا شماتة بو جبر فينا

الكاش ملك..
هديه لبوجبر عشان تخف قهقهته

[عابر سبيل]

النزول اللي صار اليوم

اسميه
نزول كسر النفسيات

وهو ياتي من وضع ما متسرب

ما يندرى هل وضع ايران بيولع
ولا
مورغن واجتماعهم 12_8
فيها شي

او مجرد تخفيض الفايده وتبعاتها !!

او ايش بالضبط



الايام الجايه بيبان بشكل اكثر الوضع


او يمكن بسبة تغريدات ناصر خان
يوم انه يعلق على مهرجان الرطب
و بعض العرب اللي خبر "كان"

خبرك هالايام طخة ترامب و جونسون هم
اللي في صدارة المشهد فلا تستبعد ان ناصر خان
يأثررعلى بورصتناomen

[باتريوت]

هل من تفسير لهذا النزول المظلي لاسعار الأسهم اليوم ؟

[مضارب دوسري]

او يمكن بسبة تغريدات ناصر خان
يوم انه يعلق على مهرجان الرطب
و بعض العرب اللي خبر "كان"

خبرك هالايام طخة ترامب و جونسون هم
اللي في صدارة المشهد فلا تستبعد ان ناصر خان
يأثررعلى بورصتناomen

شفافية سوقنا فالحضيض

اصبح صيت سوق الخضره افضل من بورصة قطر

تسريبات وضحك على الذقون اما اعين الجميع

وبلا حسيب !

[السد العالمي]

نزول قوووووى وبدون ما يكون هناك اخبار سلبيه بقوة نزول المؤشر
نقول باقي جلسات الاسبوع اجمل باذن الله

[احمد77]

نزول قوووووى وبدون ما يكون هناك اخبار سلبيه بقوة نزول المؤشر
نقول باقي جلسات الاسبوع اجمل باذن الله
اجمل ولا رصاصي ماينفع اخوي نتفائل ونصبر نفسنا بكرة احسن وبعده يكون احسن الكلام الحلو مايجيب شي بالعكس الأسهم نزول من فترة طويله والكل يصبر نفسه باهالكلان بكرة احسن لو بايع من زمان وتعود تشتري اهني يكون افضل سوقنا اضرب واشرد عيل انيهار مرة وحدة ليش سوقنا مب مال استثمار ولا حد يقص على نفسه بيع واشتر حتى لو درهم ولا تعترف بأرباح الشركات ووعودها سوقنا لا شفت سهم بيع قوي فيه بيع ولا شفت شرى قوي اشتر هاي الآي عندهم الاخبار لا تقول لي تحليل وأرباح اشتر وبيع نفس اليوم

[الـمـرقاب]

النزول اللي صار اليوم

اسميه
نزول كسر النفسيات

وهو ياتي من وضع ما متسرب

ما يندرى هل وضع ايران بيولع
ولا
مورغن واجتماعهم 12_8
فيها شي

او مجرد تخفيض الفايده وتبعاتها !!

او ايش بالضبط



الايام الجايه بيبان بشكل اكثر الوضع

ماعتقد في تسريب من مورغان لان اعلانهم حتى اللي مشترك اشتراك سنوي مايعرف بشي
الا مع الاعلان العام، اتوقع ان سوقنا هالفتره متأثر بترامب والصين اكثر

[الـمـرقاب]

المشكله حتى محللين عدلين في الاعلام المحلي ماعندنا يستضيفونهم ويتكلمون عن وضع السوق بشكل يومي او اسبوعي
مثل هالتحليل يساعد في رفع الوعي عند المساهمين وعلمهم بوضع السوق ومايدور خلف الكواليس في الشركات وادارة السوق
الاسواق الامريكيه والاوروبيه بعد كل جلسة يستضيفون مدراء شركات واسواق ومحللين حتى يتناقشون ويحللون بشكل يومي

لكن هذا يبغي مستوى شفافيه معدوم عندنا للأسف!!

[معماري قطري]

كاس العالم 30 يوم فقط

ذروة الحضور الجماهيري تكون اول اسبوعين مع دور لمجموعات
بعدها النص بيطيرون
ويبدا العد التنازلي مع الادوار الاقصائيه


فالموضوع مش محتاج ترتيبات من الان لانه بسيط والخطط الموجوده بس ما يحتاجون يبدون في وضعها وللحين باقي 3 سنوات زاكثر شوي


كاس العالم للانديه لما كان فالجاره المنهاره كان الاقبالىمن اجل البطوله ما يطون ذاك الزود اساسا وما يسافرون في تاريخ اعي الميلاد عندهم من اجل نهائي غالبا يكون الفايز من اوروبا
ف يعني ممكن ما يتجاوزون ذيك الاعداد المعقولهوفي الحضور فقط ممكن المقيمين الاجانب يترسون الملعب


واحد اعرفه فنح له مشروع مطعم ليش يا فلان قال
جاينا كاس العالم ومن هالكلام ولماشاف الخساير تتراكم ع 6 شهور قال هذا لو وصل كاس العالم بكون فالسجن من كثر الديون


فعليا هناك ركود اقتصادي فالمنطقه ككل

كلامك صحيح بس انا قصدت لازم تستغل هذي المناسبة صح وبدوا يستغلونها في الجانب السياحي والبنية التحتية

صحيح اللي بيجون 30 يوم وشوي بس شوف شكثر سياح وشوف الترانزيت في مطار حمد وشوف حركة الاستيراد والتصدير الحقيقية عن طريق موانيء ثلاث وكم مطار حسب علمي اثنين أقل شيء والثالث مطار الدوحة ممكن شغال وممكن لا

[معماري قطري]

المشكله حتى محللين عدلين في الاعلام المحلي ماعندنا يستضيفونهم ويتكلمون عن وضع السوق بشكل يومي او اسبوعي
مثل هالتحليل يساعد في رفع الوعي عند المساهمين وعلمهم بوضع السوق ومايدور خلف الكواليس في الشركات وادارة السوق
الاسواق الامريكيه والاوروبيه بعد كل جلسة يستضيفون مدراء شركات واسواق ومحللين حتى يتناقشون ويحللون بشكل يومي

لكن هذا يبغي مستوى شفافيه معدوم عندنا للأسف!!

ضحكتني المذيعة تخلط بين الاسلامية القابضة والاسلامية للتأمين .. قالت من فترة القابضة أغلقت على 5 وكسور .. وهي ريالين وخردة

[احمد77]

احس قرار االتجزئه فشل لا جيب سيوله ولا جاب شي بالعكس العالم شغالين بيع من يوم التجزئه

[معماري قطري]

النزول اللي صار اليوم

اسميه
نزول كسر النفسيات

وهو ياتي من وضع ما متسرب

ما يندرى هل وضع ايران بيولع
ولا
مورغن واجتماعهم 12_8
فيها شي

او مجرد تخفيض الفايده وتبعاتها !!

او ايش بالضبط



الايام الجايه بيبان بشكل اكثر الوضع

الوضع العالمي كله تعبان سوق اليابان وايد نزل وسوقنا تابع وكريم في النزول .. وباقي بعد وراه مشوار نزول كتوقع وليس تحليل

[مضارب جديد]

احس قرار االتجزئه فشل لا جيب سيوله ولا جاب شي بالعكس العالم شغالين بيع من يوم التجزئه

صدقت والله

[atiq]

ترمب ما عاد عنده الا المؤشرات الاقتصادية و الأسواق خصوصا بعد الحملة ضده في الجرايم الي صارت في أوهايو و البيسو.

الرجال داخل على انتخابات و لازم يلعب بكرته الاقتصادي القوي

اتوقع بيتفق مع الصينيين و الايرانيين و يدفع الأسواق

[atiq]

احس قرار االتجزئه فشل لا جيب سيوله ولا جاب شي بالعكس العالم شغالين بيع من يوم التجزئه

ليش

السيولة اليوم فوق 300 :strong2:

[atiq]

نزول قوووووى وبدون ما يكون هناك اخبار سلبيه بقوة نزول المؤشر
نقول باقي جلسات الاسبوع اجمل باذن الله

ترحيب برجوعك يا بو احمد

[احمد77]

ليش

السيولة اليوم فوق 300 :strong2:

ماقلنا شي اخوي بس كله بيع مب شراء بتقول لي في شراء بقولك اي المغلوب على امرهم مساكين كل ماسو معدل نزل السوق السوق بيع بالجملة واللي كانو حاطين طلبات شراء انصدمو عطوهم يعني مااعتقد متوقعين هالاسعار والنزول القاسي لازم نتعرف في هالشي من يوم التجزئه ماشفنا اي شي غير خساير

[السد العالمي]

ترحيب برجوعك يا بو احمد

تسلم يالغالي atiq

[السد العالمي]

اجمل ولا رصاصي ماينفع اخوي نتفائل ونصبر نفسنا بكرة احسن وبعده يكون احسن الكلام الحلو مايجيب شي بالعكس الأسهم نزول من فترة طويله والكل يصبر نفسه باهالكلان بكرة احسن لو بايع من زمان وتعود تشتري اهني يكون افضل سوقنا اضرب واشرد عيل انيهار مرة وحدة ليش سوقنا مب مال استثمار ولا حد يقص على نفسه بيع واشتر حتى لو درهم ولا تعترف بأرباح الشركات ووعودها سوقنا لا شفت سهم بيع قوي فيه بيع ولا شفت شرى قوي اشتر هاي الآي عندهم الاخبار لا تقول لي تحليل وأرباح اشتر وبيع نفس اليوم

متفائل بجلسة بكره اخضررر للي شروا اليوم

[atiq]

متفائل بجلسة بكره اخضررر للي شروا اليوم

بكرة باذن الله بداية احمر و بعدين إغلاق اخضر

[بوجبر]

بكرة باذن الله بداية احمر و بعدين إغلاق اخضر

يعني بكرة ممكن نشوف غالي رخيص

[مضارب دوسري]

شي طبيعي بكره يكون بداية السوق خضراااء ومن هالكلام
ليس بالشيء الواااو او الارتداد الفعلي

وممكن يغلق اخضر ايضا

هل هذا مهم ؟

لا

المهم
من هنا الى نهاية اغسطس وين بنكون ؟؟؟؟؟؟

لذلك المويجه المضاربيه المتسارعه ليس تاكيدا لايجابيه قادمه

ننتظر نقطة نهاية السطر ( اقصد الشهر ) !

[atiq]

يعني بكرة ممكن نشوف غالي رخيص

لا للحين

مب وقته

بعد العيد نشوف القاع الأخير لكن باذن الله لن يبتعد كثيرا

[qatar 86]

زين ان 92% من محفظتي مزايا وصكرت خضرا

والـ 8‎%‎ شنو ؟

[qatar 86]

اعلان مراجعة مورغان الاربعاء 7-8-2019

التفعيل 27-8-2019 إحتمال يكون هناك تخفيض في نسبة بعض الشركات

[احمد77]

بكرة باذن الله بداية احمر و بعدين إغلاق اخضر

اخوي عتيق الى متى واحنا نصبر نفسنا شي طبيعي يكون اخضر ويمكن احمر يعني مافي ي جديد يا احمر او اخضر في النهايه سوقنا ماينفع

[احمد77]

شي طبيعي بكره يكون بداية السوق خضراااء ومن هالكلام
ليس بالشيء الواااو او الارتداد الفعلي

وممكن يغلق اخضر ايضا

هل هذا مهم ؟

لا

المهم
من هنا الى نهاية اغسطس وين بنكون ؟؟؟؟؟؟

لذلك المويجه المضاربيه المتسارعه ليس تاكيدا لايجابيه قادمه

ننتظر نقطة نهاية السطر ( اقصد الشهر ) !

اشكرك اخوي الدوسري هاي الكلام الصح شنو يعني اخضر يعني شي جديد ماجبنا شي جديد وانت اكثر واحد كلامك موزون مع احترامي لباقي المحليلين مايطلعون الا في وقت النزول او الطلوع اما انت طول الوقت مع الكل وتذكر كلامي يوم اقول لك بخصوص الدوليه والشخص اللي كان شغال بيع سوقنا للاسف سوق خضار

[احمد77]

الحمدلله طلعت امس من الدوليه ورجعت لمزايا واوي الدوسري يوم قلت نمسك العصى من النص بعت ورجعنا لحبيب القلب مزمز

[atiq]

اخوي عتيق الى متى واحنا نصبر نفسنا شي طبيعي يكون اخضر ويمكن احمر يعني مافي ي جديد يا احمر او اخضر في النهايه سوقنا ماينفع

والله ياخوي موضوع السوق ما ينفع ...اختلف معاك
سوقنا حاله من حال أسواق العالم
ف النهاية في ناس تربح و ناس تخسر
ناس محافظهم تدبلت و ناس محافظهم ادمرت
لكن السؤال لا نرده على السوق و طيحته ...نرده على أنفسنا واختيارنا الشركات
ناس عندها أخبار الشركات ( تسريب) وناس تعتمد على التحليل المالي و ناس على التحليل الفني و ناس تعتمد على التصريحات و ناس تشتري على امل وبعدها تقعد تشجع السهم

الاسبوع الي راح تابعت جلسات التداول وشفت بعض الإخوة يشترون اسهم من قمم .....على سبيل المثال الرعاية و الخليج التكافلي :waiting:

هل اذا هبط السهم لمنا السوق و مجلس الادارة والا نلوم أنفسنا

اسهم قيعان لا ينظرون لها و اسهم قمة يقولون فرصة :nop:

[جبر ال جبر]

والله ياخوي موضوع السوق ما ينفع ...اختلف معاك
سوقنا حاله من حال أسواق العالم
ف النهاية في ناس تربح و ناس تخسر
ناس محافظهم تدبلت و ناس محافظهم ادمرت
لكن السؤال لا نرده على السوق و طيحته ...نرده على أنفسنا واختيارنا الشركات
ناس عندها أخبار الشركات ( تسريب) وناس تعتمد على التحليل المالي و ناس على التحليل الفني و ناس تعتمد على التصريحات و ناس تشتري على امل وبعدها تقعد تشجع السهم

الاسبوع الي راح تابعت جلسات التداول وشفت بعض الإخوة يشترون اسهم من قمم .....على سبيل المثال الرعاية و الخليج التكافلي :waiting:

هل اذا هبط السهم لمنا السوق و مجلس الادارة والا نلوم أنفسنا

اسهم قيعان لا ينظرون لها و اسهم قمة يقولون فرصة :nop:

كلام سليم ومنطقي

[atiq]

شي طبيعي بكره يكون بداية السوق خضراااء ومن هالكلام
ليس بالشيء الواااو او الارتداد الفعلي

وممكن يغلق اخضر ايضا

هل هذا مهم ؟

لا

المهم
من هنا الى نهاية اغسطس وين بنكون ؟؟؟؟؟؟

لذلك المويجه المضاربيه المتسارعه ليس تاكيدا لايجابيه قادمه

ننتظر نقطة نهاية السطر ( اقصد الشهر ) !

لا طبعا بو محمد محد قال واااااو

النقطة في الموضوع يعطي تشكيل الموجة و نعرف وين احنا بالضبط

نستطيع بعدها معرفة منطقة الدخول الجديدة وترقيمها و طولها و مستوى ارتدادها وهل هي رئيسية او فرعية

فقط لا غير

[بوخميس]

والـ 8‎%‎ شنو ؟

بنك قطر الاخير

[مضارب دوسري]

لا طبعا بو محمد محد قال واااااو

النقطة في الموضوع يعطي تشكيل الموجة و نعرف وين احنا بالضبط

نستطيع بعدها معرفة منطقة الدخول الجديدة وترقيمها و طولها و مستوى ارتدادها وهل هي رئيسية او فرعية

فقط لا غير

هذا الكلام الصحيح اخوي عتيج
ولا اقصدك بكلامي المقتبس والله

102683

الواقع يقول شكلنا هناك نوايا للاتجاه صوب 9513

بس مستبعد مادام للحين ما كسر 9800
ممكن يكون هناك مويجه من 9800 باتجاه 10100 او اقل بخمسين نقطه

ولكن هل اجازه العيد ستخدم ان تكون هالمويجه قبل العيد او سيتم تاجيلها لبعده

اذا قبله ف اعتقد الان مناسب لهم لبداها

اذا بعده وقتها ستتغير مقاييسها

[مضارب دوسري]

اشكرك اخوي الدوسري هاي الكلام الصح شنو يعني اخضر يعني شي جديد ماجبنا شي جديد وانت اكثر واحد كلامك موزون مع احترامي لباقي المحليلين مايطلعون الا في وقت النزول او الطلوع اما انت طول الوقت مع الكل وتذكر كلامي يوم اقول لك بخصوص الدوليه والشخص اللي كان شغال بيع سوقنا للاسف سوق خضار

واللي يرحم والديك ابعدنا عن القدح باحد

كلنا نخطي ونصيب

من فتره اكملت سنه وانا ادعم بالناس طوووف
السوق يوم لك وعشره عليك
يوم يضبط معاك وعشره ضدك
وهكذا
===========
مثلا
من شهر تقريبا عتيق
حاط ف موضوعه شارتات وقال بالفم المليان اغسطس شهر تصحيح من اوله الى اخره

ف انا عن نفسي كثير احيان اعتمد على كلامه وعقب اقيس على مقاييسي اللي استخدمها احيان نتفق واحيان اخرى نختلف وكلن وله نظرته

بس دايما وابدا يد وحده ما تصفق
المحلل يحتاج يشوف نظرة الاخرين لقياس المزاج العام للسوق والنفسيات

[احمد77]

والله ياخوي موضوع السوق ما ينفع ...اختلف معاك
سوقنا حاله من حال أسواق العالم
ف النهاية في ناس تربح و ناس تخسر
ناس محافظهم تدبلت و ناس محافظهم ادمرت
لكن السؤال لا نرده على السوق و طيحته ...نرده على أنفسنا واختيارنا الشركات
ناس عندها أخبار الشركات ( تسريب) وناس تعتمد على التحليل المالي و ناس على التحليل الفني و ناس تعتمد على التصريحات و ناس تشتري على امل وبعدها تقعد تشجع السهم

الاسبوع الي راح تابعت جلسات التداول وشفت بعض الإخوة يشترون اسهم من قمم .....على سبيل المثال الرعاية و الخليج التكافلي :waiting:

هل اذا هبط السهم لمنا السوق و مجلس الادارة والا نلوم أنفسنا

اسهم قيعان لا ينظرون لها و اسهم قمة يقولون فرصة :nop:

اخوي عتيق انا أتكلم عن السوق عامه مااقصد شركة اوشركتين اللي يشتري في القمم ياجديد في السوق او فلوسه ماتهمه سوقنا من زمان فيه مشاكل مثلا كم كانت ازدان قبل كن سنه وكم كانت المستثمرين وكم كانت الاسلاميه القابضة واشلون كان التداول عليها مثلا الاسلاميه من 27 الى 230 والحين 22 واليوم الانهيار اللي صار منو المسؤل عنه مثلا الدوليه اللي كان يبيع اسهم بالملاين قبل الإعلان بكم بوم واليوم بعد مااعلن عن ارباح مب خسايرينزل لمت دارن

[احمد77]

من المسول عن هالشي وليش هالنزول القوي وين المحافظ اللي تمسك السوق وبعدين ويش استفدنا مت قرار التجزئة
غير الخساير اي سوق في العالم نفس سوقنا يرتفع 100 نقطه وينزل الف بتقول لي جني أرباح متى الأسهم ارتفعت عشان يجنون ارباح سوق متخبط مافي توازن

[احمد77]

اخوي الدوسري انا مب جديد في البورصه لاكني جديد في المنتدى كنت اتابع يوميا المنتدى ولا به قصور في اخوانا المحللين بس كلمه الحق تنقال

[qatar 86]

ليش معصبين اليوم

400 نقطه ولا شي

[qatar 86]

9400 - 9600

هذا القاع انتهى الكلام

[احمد77]

9400 - 9600

هذا القاع انتهى الكلام

مب سالفه قاع ولا مب قاع سوق مخربط اخوي كل ماارتفعنا نزلنا بقوة

[بوخميس]

الداو نازل اكثر من 850 نقطة

[الاسطوره]

الداو نازل اكثر من 850 نقطة

هلا هلا بوخميس

كيف المعنوية معاك في السوق

[مضارب ولهان]

الداو نازل اكثر من 850 نقطة

قسم بالله اقول الداو شكله اليوم بينزل خمسمية ولا ستميه بس ماترقعت يوصل ثمانيه وخمسين لا رحنا وطي

[فيصل ع]

قسم بالله اقول الداو شكله اليوم بينزل خمسمية ولا ستميه بس ماترقعت يوصل ثمانيه وخمسين لا رحنا وطي

حط رررررجلك :fight:

[احمد77]

اخوي ويش دخلنا بالداو وإلا الماوا سوقنا ماله اي علاقه بس المحافظ والهوامير يستغلون الحين الوضع وينزلون سوقنا اكثر وطبعا سوقنا بنفسه منتهي

[atiq]

هذا الكلام الصحيح اخوي عتيج
ولا اقصدك بكلامي المقتبس والله

102683

الواقع يقول شكلنا هناك نوايا للاتجاه صوب 9513

بس مستبعد مادام للحين ما كسر 9800
ممكن يكون هناك مويجه من 9800 باتجاه 10100 او اقل بخمسين نقطه

ولكن هل اجازه العيد ستخدم ان تكون هالمويجه قبل العيد او سيتم تاجيلها لبعده

اذا قبله ف اعتقد الان مناسب لهم لبداها

اذا بعده وقتها ستتغير مقاييسها

احنا نزولنا اليوم مبالغ فيه وخاصة من الوطني

لكن مع الاوضاع الحالية و الهبوطات القوية الي قاعدة تصير فلا استبعد

[atiq]

هلا هلا بوخميس

كيف المعنوية معاك في السوق

السوق مخمس و سهمه اخضر
شنو تتوقع معنوياته :dance

[بوجبر]

عاصفة هوجاء تضرب أسواق العالم بلا استثناء وكذالك النفط

لكن الذهب هو اللي مشعلل 1473 دولار للأوقية

[بوخميس]

السوق مخمس و سهمه اخضر
شنو تتوقع معنوياته :dance

خخخخخخ

اي بس خسارتي مب شوي

بس خلاص صارت عندنا مناعة، نزل ولا ارتفع اناااا مااااافييي خووووف

[qatar 86]

اغلاق الداو كم

-750 ؟

[مضارب ولهان]

اخوي ويش دخلنا بالداو وإلا الماوا سوقنا ماله اي علاقه بس المحافظ والهوامير يستغلون الحين الوضع وينزلون سوقنا اكثر وطبعا سوقنا بنفسه منتهي
احنا ياخوي مالنا خص ولا نتدخل لكن القليصه سوقنا يموت ويتبع الداو فقط ف حالة النزول كانه مايصدق خبر واتمنى ان يخالف.هالنزول العالمي الله يكتب اللي فيه الخير

[بوجبر]

خخخخخخ

اي بس خسارتي مب شوي

بس خلاص صارت عندنا مناعة، نزل ولا ارتفع اناااا مااااافييي خووووف


هالايام يمدحون العقارات خصوصا الاراضي اللي بين 400 و 500 متر يقولون مشعلله بعض الشي

[محيوس]

.
المثل يقول لا تلوم السوق ولكن ثقف وطور من مهاراتك للتداول افضل لك

بالنسبه للسوق اشوف ان النزول طبيعي جدا خصوصا ان النزول كان بسبب قطاع البنوك وكلنا نعرف ان اسعار اسهم البنوك متضخمه بالنسبه لارباحها ثم قطاع الصناعات ثم قطاع الاتصالات وتقريبا معظم اسهم البنوك وصلوا الى الدعوم و علشان جذي اتوقع والله اعلم احتمال كبير ان يكون بكره فالبدايه احمر وعلى نهاية التداول يكون اخضر

والسبب الثاني للنزول هو التداول بالهامش

للمساهمين اذا كانت شركاتكم ربحانه تابعوا اسهمكم بحيث اذا كانت اسهمكم فالاتجاه الصحيح/الارتفاع فالبيع ماله داعي واذا اسهمكم ماشيه مع اتجاه السوق نزول فعل وقف الخساره

بالتوفيق للجميع

.

[مضارب ولهان]

هالايام يمدحون العقارات خصوصا الاراضي اللي بين 400 و 500 متر يقولون مشعلله بعض الشي
الا انك صادق ارتفعت ولا حد يبيع الا بسعر فوق وشكلها بتطلع مره

[بوخميس]

هالايام يمدحون العقارات خصوصا الاراضي اللي بين 400 و 500 متر يقولون مشعلله بعض الشي

انا فقير ما عندي فلوس حق اراضي وعقارات :no2:

[الـمـرقاب]

.
المثل يقول لا تلوم السوق ولكن ثقف وطور من مهاراتك للتداول افضل لك

بالنسبه للسوق اشوف ان النزول طبيعي جدا خصوصا ان النزول كان بسبب قطاع البنوك وكلنا نعرف ان اسعار اسهم البنوك متضخمه بالنسبه لارباحها ثم قطاع الصناعات ثم قطاع الاتصالات وتقريبا معظم اسهم البنوك وصلوا الى الدعوم و علشان جذي اتوقع والله اعلم احتمال كبير ان يكون بكره فالبدايه احمر وعلى نهاية التداول يكون اخضر

والسبب الثاني للنزول هو التداول بالهامش

للمساهمين اذا كانت شركاتكم ربحانه تابعوا اسهمكم بحيث اذا كانت اسهمكم فالاتجاه الصحيح/الارتفاع فالبيع ماله داعي واذا اسهمكم ماشيه مع اتجاه السوق نزول فعل وقف الخساره

بالتوفيق للجميع

.

مشكلة اللي يتداولون بالهامش عندهم مهلة اسبوع بس ولازم يسدد الهامش اللي عليه
يعني اول مايشوف السهم نزل مايقدر يصبر وايد

[الـمـرقاب]

كالعادة صعود المؤشر مايتم إلا بالاسهم القيادية اللي ماكله نصيب الاسد!

[محيوس]

كالعادة صعود المؤشر مايتم إلا بالاسهم القيادية اللي ماكله نصيب الاسد!

تابع الشركات اللي تداول فيها فنيا وطنش المؤشر

[الـمـرقاب]

تابع الشركات اللي تداول فيها فنيا وطنش المؤشر

هذا اللي صاير
لكن المشكلة المؤشر يلعب في النفسيات :waiting:

[مضارب ولهان]

اخوي مضارب دوسري واهل الخبره تتوقعون صناعات تكسر ميه ولا تثبت بسبب اعلانها والنزرل اللي صاير ايش تتوقعون لها مركز عليها

[مضارب دوسري]

النزول اللي صار اليوم

اسميه
نزول كسر النفسيات

وهو ياتي من وضع ما متسرب

ما يندرى هل وضع ايران بيولع
ولا
مورغن واجتماعهم 12_8
فيها شي

او مجرد تخفيض الفايده وتبعاتها !!

او ايش بالضبط



الايام الجايه بيبان بشكل اكثر الوضع


اعلان مراجعة مورغان الاربعاء 7-8-2019

التفعيل 27-8-2019 إحتمال يكون هناك تخفيض في نسبة بعض الشركات

اجتماع مورغن بكره
وبتبدا تاثيراته تظهر بعد العيد

اعتقد بعد نزول اليوم ان العين صوب مورغن ربما يكون هو السبب المرجح للي حاصل في سوقنا

وربما هناك تخفيض للسوق مثل ما تم نشر تقارير في مارس الماضي عن نيتهم تخفيف تواجدهم بالسوق بعد تحقيق ارباح ومن هالكلام

هذي كلها مجرد توقعات لا اكثر

[مضارب دوسري]

اخوي مضارب دوسري واهل الخبره تتوقعون صناعات تكسر ميه ولا تثبت بسبب اعلانها والنزرل اللي صاير ايش تتوقعون لها مركز عليها

محد يقدر يتوقع او يضع رؤيه الى حين تتاكد الاسباب وتتضح الصوره اكثر

حاليا السوق نزل في يومين تداول 578 نقطه

[مضارب ولهان]

الله كريم على العموم العين عليها وشكلي بدخل تدريجي ومهما صار هذي صناعات لابد اخر السنه تطلع الا اذا تحقق خساير الله اعلم

[الـمـرقاب]

الغريب ان الدولي من الاسهم القليله اللي اصمدت مع نزول المؤشر!
اما ان الصانع سانده او الملاك قلبهم قوي وما أثر فيهم الترند :polling:

[عضو مشاكس]

اجتماع مورغن بكره
وبتبدا تاثيراته تظهر بعد العيد

اعتقد بعد نزول اليوم ان العين صوب مورغن ربما يكون هو السبب المرجح للي حاصل في سوقنا

وربما هناك تخفيض للسوق مثل ما تم نشر تقارير في مارس الماضي عن نيتهم تخفيف تواجدهم بالسوق بعد تحقيق ارباح ومن هالكلام

هذي كلها مجرد توقعات لا اكثر

هل هو تخفيف الاوزان فقط ام تخفيف مع زيادة
وايش الشركات المهتمة فيها مورجن اذا عندك فكرة اخوي مضارب دوسري

[مضارب دوسري]

هل هو تخفيف الاوزان فقط ام تخفيف مع زيادة
وايش الشركات المهتمة فيها مورجن اذا عندك فكرة اخوي مضارب دوسري

الله اعلم ياخوك
نشوفهم الليله

[محمد بن أحمد]

أسعار النفط تنخفض أكثر من 5%

‏خام برنت ينخفض 4.7% ليبلغ 56.15 دولار للبرميل
‏كما انخفض الخام الأمريكي 5.6% ليبلغ 50.59 دولار للبرميل

[Not Qatari]

تعلن بورصة قطر أنه قد تقرر أن تكون عطلة عيد الأضحى المبارك لهذا العام 2019 ثلاثة أيام عمل
تبدأ من يوم الأحد الموافق 11 أغسطس 2019 وحتى يوم الثلاثاء الموافق 13 أغسطس 2019
على أن يستأنف العمل يوم الأربعاء الموافق 14 أغسطس 2019، وذلك بناء على تعميم هيئة قطر للأسواق المالية.

[atiq]

كل عام و الجميع بخير و عافية

[الاسطوره]

كل عام وأنتم بخير وعيدكم مبارك

[ابومحمد 123]

كل عام وانتم بخير وتقبل الله طاعتكم .

[بوخميس]

عيدكم مبارك وتقبل الله طاعتكم

[مضارب دوسري]

عيدكم مبارك

[atiq]

ترمب ما عاد عنده الا المؤشرات الاقتصادية و الأسواق خصوصا بعد الحملة ضده في الجرايم الي صارت في أوهايو و البيسو.

الرجال داخل على انتخابات و لازم يلعب بكرته الاقتصادي القوي

اتوقع بيتفق مع الصينيين و الايرانيين و يدفع الأسواق

مباشر: أعلنت الولايات المتحدة حذف بعض السلع من قائمة الواردات الصينية التي ستخضع لتعريفات جمركية، كما أجلت تطبيق الرسوم على سلع أخرى حتى منتصف ديسمبر/كانون الأول المقبل.

وقال مكتب الممثل التجاري الأمريكي في بيان اليوم الثلاثاء، إنه تم إزالة بعض المنتجات من قائمة التعريفات المقترحة بناءً على الصحة والسلامة والأمن القومي وعوامل أخرى ولن تواجه رسوماً إضافية بنسبة 10 بالمائة.


وأضاف البيان أنه سيتم تأجيل تطبيق التعريفات على بعض المنتجات الصينية إلى 15 ديسمبر/كانون الثاني منها "الهواتف المحمولة وأجهزة الكمبيوتر المحمولة وأجهزة ألعاب الفيديو وبعض الألعاب وشاشات الكمبيوتر وبعض السلع من الأحذية والملابس".

وكان الرئيس الأمريكي دونالد ترامب أعلن عزمه فرض تعريفات بنحو 10 بالمائة على سلع صينية بقيمة 300 مليار دولار بداية من 1 سبتمبر/أيلول المقبل.

وأوضح البيان أنه سيتم الإعلان في أقرب وقت ممكن عن قائمة السلع التي سوف تتأثر بالتعريفات المحتملة على الصين.

وبشكل منفصل، قالت وزارة التجارة الصينية إن نائب رئيس مجلس الدولة ليو خه أجرى مكالمة هاتفية مع الممثل التجاري الأمريكي روبرت لايتهايزر ووزير الخزانة ستيفن منوشين مع وافق الطرفان على إجراء مكالمة أخرى خلال أسبوعين.

ومن المتوقع أن تتم الجولة التالية من محادثات التجارة في سبتمبر/أيلول المقبل.

[الـمـرقاب]

هالكم شهر راح يكونون شهور عجاف على بورصتنا
بعض صناع الاسهم لا في شده ولا في رخا يدعمون الاسهم :whistling:

[Not Qatari]

مع هبوط الداو حالياً +650 نقطه, اعتقد امامنا يوم دامي غداً.

[bin hazza3]

الداو هبوط قاسي فوق 780 نقطة هل نحن بصدد ركود اقتصادي ....؟
طبعا مستحيل سوقنا يعاكس الداو ينزل نقطة سوقنا 100 والعكس غير صحيح
قناة سي ان بي سي عربية تقول التخوف من عوائد السندات الامريكية شي يخوف وهبوط قوي هل هي بداية الازمة ....؟

[رحال]

الداو جونز نازل : 750
النازدك : 231
ستاندر اند بور : 88

الله يعدي بكرة على خير

[مضارب دوسري]

النزول اللي صار اليوم

اسميه
نزول كسر النفسيات

وهو ياتي من وضع ما متسرب

ما يندرى هل وضع ايران بيولع
ولا
مورغن واجتماعهم 12_8
فيها شي

او مجرد تخفيض الفايده وتبعاتها !!

او ايش بالضبط



الايام الجايه بيبان بشكل اكثر الوضع


شي طبيعي بكره يكون بداية السوق خضراااء ومن هالكلام
ليس بالشيء الواااو او الارتداد الفعلي

وممكن يغلق اخضر ايضا

هل هذا مهم ؟

لا

المهم
من هنا الى نهاية اغسطس وين بنكون ؟؟؟؟؟؟

لذلك المويجه المضاربيه المتسارعه ليس تاكيدا لايجابيه قادمه

ننتظر نقطة نهاية السطر ( اقصد الشهر ) !


هذا الكلام الصحيح اخوي عتيج
ولا اقصدك بكلامي المقتبس والله

102683

الواقع يقول شكلنا هناك نوايا للاتجاه صوب 9513

بس مستبعد مادام للحين ما كسر 9800
ممكن يكون هناك مويجه من 9800 باتجاه 10100 او اقل بخمسين نقطه

ولكن هل اجازه العيد ستخدم ان تكون هالمويجه قبل العيد او سيتم تاجيلها لبعده

اذا قبله ف اعتقد الان مناسب لهم لبداها

اذا بعده وقتها ستتغير مقاييسها

وصل 9441

وسوقنا اساسيا حسب النتايج الماليه يستحق ما بين 9000_9300
(وربما اقل من ذلك قليلا)


لذلك ممكن يصير رد فعل ويرتد السوق اليوم

ولكن هل ارتداد فعلي قوي ؟
او هل بداية موجه ايجابيه جديده ؟

عن نفسي استبعد لذلك بتم متفرج


ممكن يحصل ارتداد مضاربي الى 9800_9900

المهم الان اليوم الخميس مانبي اغلاق تحت 9513 !!!!!!!!!!!!!!!

[الـمـرقاب]

راحت فلوسك ياصابر!
بدون شي والسوق مب مترقع والحين هبوط الداو والسندات عطا سوقنا سبب جديد للنزول
لا اسهم قياديه ولا غيرها :court:

[الـمـرقاب]

صانع الطبيه عنده جلسة رفع جديدة للسهم :pilot:

[بوجبر]

يحليله السوق مرتفع

[مضارب دوسري]

وصل 9441

وسوقنا اساسيا حسب النتايج الماليه يستحق ما بين 9000_9300
(وربما اقل من ذلك قليلا)


لذلك ممكن يصير رد فعل ويرتد السوق اليوم

ولكن هل ارتداد فعلي قوي ؟
او هل بداية موجه ايجابيه جديده ؟

عن نفسي استبعد لذلك بتم متفرج


ممكن يحصل ارتداد مضاربي الى 9800_9900

المهم الان اليوم الخميس مانبي اغلاق تحت 9513 !!!!!!!!!!!!!!!

وصل لل9900 وفوقها

نتابع باقي ايام الاسبوع لنعرف ما هو القادم

[atiq]

الساعه 9 اجتماع الفيدرالي للحديث عن قرار خفض الفائدة في الشهر الماضي وتطلعاته لمستقبل الاقتصاد

نراقب الأسواق

[الـمـرقاب]

يوم نزل المؤشر شفنا الاسهم كلها نازله
ويوم طلع ماتشوف الا الاسهم القياديه فوق!! :con2:

[رشودي]

الساعه 9 اجتماع الفيدرالي للحديث عن قرار خفض الفائدة في الشهر الماضي وتطلعاته لمستقبل الاقتصاد

نراقب الأسواق

وأشار محضر الفيدرالي أن خفض معدل الفائدة في يوليو/تموز الماضي كان "تعديل في منتصف الدورة" وليس تحولاً نحو دورة تيسيرية جديدة، لكنه أظهر أيضاً انقساماً بين أعضاءها بشأن القرار وما إذا كان يجب خفض أم تثبيت معدل الفائدة.

وذكر*الفيدرالي أن خفض الفائدة*من شأنه أن يؤدي إلى تحسين وضع الموقف العام للسياسة للمساعدة في مواجهة الآثار المترتبة على ضعف النمو العالمي وعدم اليقين بشأن التجارة، والتأمين ضد أي مخاطر سلبية أخر

كما حذر البنك المركزي الأمريكي من استمرار الحرب التجارية كعقبة مستمرة أمام النمو الاقتصادي.

مؤشرات وأرقام

وحققت الأسهم*الأمريكية مكاسب قوية بنهاية التعاملات*حيث ربح "داو جونز" أكثر من 240 نقطة بعد محضر الفيدرالي.

ويتوقع*جولدمان ساكس*خفض معدلات الفائدة الأمريكية مرتين بنهاية العام الجاري، فيما يرى بنك "باركليز" إمكانية القيام*بـ3 عمليات خفض*لتكاليف الاقتراض.

وكشفت بيانات*أمريكية عن ارتفاع مبيعات المنازل القائمة*بالولايات المتحدة بنحو 2.5 بالمائة خلال الشهر الماضي لتتجاوز تقديرات المحللين.

كما ارتفعت*مؤشرات الأسهم الأوروبية*بوتيرة قوية بنهاية الجلسة بقيادة قطاع السيارات مع صعود*البورصة الإيطالية*تزامناً مع الاضطرابات السياسية

[احمد77]

بورصتنا في النزول سريع بس الطلوع يبنشرنشوف الاحد التفاعل

[aaalkuwari]

السلام عليكم ورحمة الله وبركاته.
هل بإمكاني بيع جميع أسهم شركة مسيعيد التي تم شراؤها في الاكتتاب وأيضا ً بالنسبة لأبنائي القاصرين؟

[مضارب دوسري]

السلام عليكم ورحمة الله وبركاته.
هل بإمكاني بيع جميع أسهم شركة مسيعيد التي تم شراؤها في الاكتتاب وأيضا ً بالنسبة لأبنائي القاصرين؟

ابنائك القاصرين لا

فقط تقدر تبيع لهم النص

والنص الثاني لين يكملون 18 سنه

[atiq]

الساعه 9 اجتماع الفيدرالي للحديث عن قرار خفض الفائدة في الشهر الماضي وتطلعاته لمستقبل الاقتصاد

نراقب الأسواق

رئيس الفيدرالي تغريدات ترمب هزت الأسواق

[محمد بن أحمد]

شهالسوق

[atiq]

شهالسوق

اليوم الظاهر خفيف خفيف

بكرة المحك

[بوجبر]

اليوم الظاهر خفيف خفيف

بكرة المحك

مابقى محك ياعتيق

لفلووووووس غالية جدا لملاكها

[الاسطوره]

كاااااااش ، وانتظر فرصة مضاربيه (:

[atiq]

مابقى محك ياعتيق

لفلووووووس غالية جدا لملاكها

يمكن بو ايفانكا يفك اشوي

[Investor89]

الاسواق صارت بيد ترامب

الوضع صار متكرر يوم يطلع يرفع الرسوم او يكتب تغريده ان المباحاثات متعطله والصين والصين ولما اطيح الاسواق يطلع بعد يومين يصرح المفاوضات جاريه وماشيه صح

اللحين السوق الامريكي مرتفع بعد تصريحاته بعد ما طاحت من يومين بسبب رفع الرسوم

[الـمـرقاب]

سوقنا معاهم معاهم عليهم عليهم
شكل المساهمين متابعين حساب ترامب في تويتر :pilot:

[ذيب الأسهم]

خلوا الخبل ترامب يرفع العقوبات من الصين عشان ترتفع الأسهم خصوصاً قامكو

[بوجبر]

اخضر ب 241 نقطة بقيادة الوطني كثير من الاسهم لم تهتز الى الأعلى مقارنة بسيولة القوية

[adell]

السلام عليكم اخ عتيق السوق جاب فوق 9932 وبقوه ما الجديد وشكرا

[atiq]

السلام عليكم اخ عتيق السوق جاب فوق 9932 وبقوه ما الجديد وشكرا

نشوف الاغلاق الاسبوعي و الشهري

يعني يوم الخميس يتضح كل شي و السيولة لا تقل عن 200 مليون بكرة و بعده

[رحال]

سوق مجنون ماعرفنا راسه من كرياسه

راح الشتا وجانا الصيف .. وانا انتظاري لين متى ..؟

[رحال]

سوق مجنون ماعرفنا راسه من كرياسه

راح الشتا وجانا الصيف .. وانا انتظاري لين متى ..؟

[بحر شرق]

سوق مجنون ماعرفنا راسه من كرياسه

راح الشتا وجانا الصيف .. وانا انتظاري لين متى ..؟

تذكر نصيحتك لي بشراء مسيعيد احسن من المتحده ؟ليتني سمعت النصيحه :(

[adell]

تذكر نصيحتك لي بشراء مسيعيد احسن من المتحده ؟ليتني سمعت النصيحه :(

اذا بعدك بالمتحدة اصبر شوي راح تطلع قريب ان شاء الله

[رحال]

تذكر نصيحتك لي بشراء مسيعيد احسن من المتحده ؟ليتني سمعت النصيحه :(

كعائد المتحدة افضل بمليون مرة
عدد اسهم المتحدة قليل مقارنة بمسيعيد
لكن الحظ عند مسيعيد دخلت في مؤشر msi

مالك الا الصبر .. وربك عالم وداري
يمكن الله يهدي الصانع
والمتحدة تستاهل العشرين

[atiq]

نشوف الاغلاق الاسبوعي و الشهري

يعني يوم الخميس يتضح كل شي و السيولة لا تقل عن 200 مليون بكرة و بعده

خوش اغلاق

[رشودي]

خوش اغلاق

نتمنى يكون في نماذج ايجابية جدت على المؤشر