ملاحقة مواطن بريطاني-أسترالي من قبل الإنتربول قطر

[nooora]

بسم الله الرحمن الرحيم


ملاحقة مواطن بريطاني-أسترالي بسبب ديون بطاقات الائتمان



يواجه المواطن الآن رجل بريطاني - أسترالي سُجن في براغ لمدة شهرين ، تسليمه إلى قطر بسبب ديون بطاقات الائتمان.

الان ستيفنسون اعتقل في يونيو / حزيران أثناء مروره في المدينة الأوروبية وهو في طريقه لزيارة والدته المريضة في المملكة المتحدة.
ظهر اسمه في قائمة الانتربول بعد أن أبلغه المسؤولون القطريون عن دين بطاقة ائتمان مستحقة قام بتجميعها خلال إقامة قصيرة في البلاد قبل ست سنوات.

https://news.yahoo.com/british-australian-man-in-prague-prison-faces-extradition-to-qatar-for-credit-card-debt-170833346.html

[nooora]

يعني ويش دخل خبر زيارته لامه المريضه ونزل وزنه في السجن وكل هذه الخراييط !! يعني نتعاطف معه ونسامحه يعني ولا ايش المطلوب ؟
يرجع الفلوس ويزور امه واخته وجدته على راحته

[ذهب]

يستاهل البنوك بتاخذ حقها لاكن احنا لعبو فينا يعطونا شيكات بدون رصيد وقعد طارده الشيكات والشكوى عندهم حطينا محامي ليقول سجنوه ولا نعرف السالفه وين وصلت

[!.!]

معزة وطارة 🤪
يستاهل ..رغم أنه لا يوجد قانون في العالم يدخل المجرم أو المقرض السجن مدة طويلة وغالبيتهم يتعاقبوا بوسائل أخرى ..
حسب قطر مثلهم 😁 وين راح جابوه
الأنتربول يا صاحبي

[ابو عبدالله.]

يستاهل خير

في ناس تسويها و تاخذ قروض و بطاقات و تضرب الاف و تسافر يقول مب راجع قطر نهائيا فليش ما اضرب فلوس

بعضهم يروحون اسيا عشان ما يدفع ضرائب في بلادهم و يعيش برخيص

فلما يضطر يرجع بلاده ينصاد بالانتربول. وهذولا الي تفوق مطالبتهم اكثر من 300 الف ريال و تذكرون بطلب الانتربول

الي اقل من هالرقم ما يستدعى دوليا

او قضيه بالمحاكم سواء جنائيه او مدنيه

فالي يبي يجيب شخص من اي دوله بالعالم. يرفع قضيه و يطالب بتعويض اكثر من 300 الف عشان يسحبونه من اي دوله ينصاد فيها ولو تعويض نفسي عن ضرر بمبالغ بسيطه يطالبه فيها وهو مطنش له

عموما. مثل هالاشخاص. بالعاده يضرب مبالغ و يهرب و يعتقد انه امن نفسه بمبلغ يبدا فيه حياه ثانيه برع

فلا يظن احد ان لا خلاص الله بيعاقبه و احنا الله يعوضنا


سحبوهم عشان الي يفكر ينهب يرتدع ولا بيكثرون ويسببون مشاكل اقتصاديه للكل

بنوك و افراد و مؤسسات و تجار الخ

مره شفت موضوع بمنتدى انجليزي. من كم سنه. وحده تسألهم. هل ممكن ينصاد الشخص اذا سافر دون دفع ديونه و بطاقاته

و البعض قال لا حاسبي و البعض قال عادي بسويها لو بسافر

يعني في فئات تفكر بهالطريقه

[ابو عبدالله.]

يستاهل البنوك بتاخذ حقها لاكن احنا لعبو فينا يعطونا شيكات بدون رصيد وقعد طارده الشيكات والشكوى عندهم حطينا محامي ليقول سجنوه ولا نعرف السالفه وين وصلت


مره سواها واحد معاي عطيته مقدم لشغله و اختفى اربع شهور. سافر يتزوج ع حسابي هو واخوه

اول ما رجع قطر اشتكيت و وقفوه. اتصل اخوه قلت له ما ابي العشر الاف. ابي احط عليه قضيه و سجل جنائي عشان اي حد بيسوي تجاره معاه يبين انه محكوم عليه. و محد يتاجر معاه

رجع الفلوس كامله وحب خشمي مب عشان عيوني. عشان ما توقف تجارته

الله يحفظنا منهم

[qatarman8008]

كنت استغرب من بعض البيض الشقر وعيون زرق كيف انه يضرب به المثل بالاخلاق والامانة واحترام القانون..
رايت امثلة كثيرة هنا وهناك عكس هذا تماما..
الكثير منهم يحترمون القانون خوفا من العقاب..
واذا ما امنوا العقاب فانهم يكونون اكثر المخالفين للقانون..

[بوخميس]

وشلون البنوك ما سوت عليه منع سفر اول ما تعثر في السداد مثل ما تسوي مع غيره؟

ليكون عشان عيونه زرق وعنده جواز بريطاني؟

[ابو عبدالله.]

كنت استغرب من بعض البيض الشقر وعيون زرق كيف انه يضرب به المثل بالاخلاق والامانة واحترام القانون..
رايت امثلة كثيرة هنا وهناك عكس هذا تماما..
الكثير منهم يحترمون القانون خوفا من العقاب..
واذا ما امنوا العقاب فانهم يكونون اكثر المخالفين للقانون..

البعض عايش محترم عشان خوفه من العقوبه لكن خل الكهرباء تنقطع عنهم او تصير مظاهرات. الكل ينهب و يغتصب

وفي امور كنا نظنهم متحضرين فيها وهي الاختلاط لكنهم يتكلمون اكثر عن البنات و يعقرون فيهم و يخططون و يتوددون عشان قله الادب اكثر من العرب و للاسف في بنات يعتقدون انهم متفتحين وما يفكرون جذي

وايد شفت يتطلقون بسبب الخيانه و بعضهم يسفر زوجته و عياله و يكنسل اقاماتهم عشان يصادق وحده ثانيه
و زوجاتهم مب هينين. ضرب نص ثروته و يدفع فوقها نفقه لها و عيالها و تفلسه
واحد يدفع 60% من راتبه نفقه و لليوم ميت قهر لانه يدفع 18% فوقها ضرايب لبلاده

عايش ميت يعني. الله لا يبلانا

[ابو عبدالله.]

وشلون البنوك ما سوت عليه منع سفر اول ما تعثر في السداد مثل ما تسوي مع غيره؟

ليكون عشان عيونه زرق وعنده جواز بريطاني؟


بو خميس

الي بيسويها. ما يستقيل يسافر اجازه وما يرجع

او اذا عرف ان شغله ما يبونه خلاص. يطلع اجازه وما يرجع

تبي تشوف عينات. اقرأت بالجرايد اما استدعاء المحاكم او الاحكام الصادره

[khaldoon]

كنت استغرب من بعض البيض الشقر وعيون زرق كيف انه يضرب به المثل بالاخلاق والامانة واحترام القانون..
رايت امثلة كثيرة هنا وهناك عكس هذا تماما..
الكثير منهم يحترمون القانون خوفا من العقاب..
واذا ما امنوا العقاب فانهم يكونون اكثر المخالفين للقانون..

متفق تماما معاك

في مقوله مشهوره شوهتنا كمسلمين و هي: وجدت بلاد المسلمين بلا اسلام و بلاد الكفر ليس فيها اسلام و فيها مسلمين

أي ان الأجانب متمسكين بتعاليم دينا الإسلامي من اخلاق و امانه و شرف اكثر من المسلمين و هذه مقوله خاطئه كاذبه

هم متمسكين بالامانه و الشرف لان عندهم قانون يحاسبهم ما في تهاون و لما يأمنوا العقوبه تظهر حقيقتهم من سرقه و نصب و احتيال

[khaldoon]

يستاهل خير

في ناس تسويها و تاخذ قروض و بطاقات و تضرب الاف و تسافر يقول مب راجع قطر نهائيا فليش ما اضرب فلوس

بعضهم يروحون اسيا عشان ما يدفع ضرائب في بلادهم و يعيش برخيص

فلما يضطر يرجع بلاده ينصاد بالانتربول. وهذولا الي تفوق مطالبتهم اكثر من 300 الف ريال و تذكرون بطلب الانتربول

الي اقل من هالرقم ما يستدعى دوليا

او قضيه بالمحاكم سواء جنائيه او مدنيه

فالي يبي يجيب شخص من اي دوله بالعالم. يرفع قضيه و يطالب بتعويض اكثر من 300 الف عشان يسحبونه من اي دوله ينصاد فيها ولو تعويض نفسي عن ضرر بمبالغ بسيطه يطالبه فيها وهو مطنش له

عموما. مثل هالاشخاص. بالعاده يضرب مبالغ و يهرب و يعتقد انه امن نفسه بمبلغ يبدا فيه حياه ثانيه برع

فلا يظن احد ان لا خلاص الله بيعاقبه و احنا الله يعوضنا


سحبوهم عشان الي يفكر ينهب يرتدع ولا بيكثرون ويسببون مشاكل اقتصاديه للكل

بنوك و افراد و مؤسسات و تجار الخ

مره شفت موضوع بمنتدى انجليزي. من كم سنه. وحده تسألهم. هل ممكن ينصاد الشخص اذا سافر دون دفع ديونه و بطاقاته

و البعض قال لا حاسبي و البعض قال عادي بسويها لو بسافر

يعني في فئات تفكر بهالطريقه

متفق تماما معاك.... البنوك لما احد يأخذ منها قرض و يكون مبلغ بسيط او باقي على السياره شي بسيط يكلف رفع قضيه مثل تكلفة مطالبتهم ما يرفعون قضيه و خلاص ينسوون الموضوع

اما غير ذلك فراح يرفعون قضيه و تروح للانتربول

[khaldoon]

البعض عايش محترم عشان خوفه من العقوبه لكن خل الكهرباء تنقطع عنهم او تصير مظاهرات. الكل ينهب و يغتصب

وفي امور كنا نظنهم متحضرين فيها وهي الاختلاط لكنهم يتكلمون اكثر عن البنات و يعقرون فيهم و يخططون و يتوددون عشان قله الادب اكثر من العرب و للاسف في بنات يعتقدون انهم متفتحين وما يفكرون جذي

وايد شفت يتطلقون بسبب الخيانه و بعضهم يسفر زوجته و عياله و يكنسل اقاماتهم عشان يصادق وحده ثانيه
و زوجاتهم مب هينين. ضرب نص ثروته و يدفع فوقها نفقه لها و عيالها و تفلسه
واحد يدفع 60% من راتبه نفقه و لليوم ميت قهر لانه يدفع 18% فوقها ضرايب لبلاده

عايش ميت يعني. الله لا يبلانا

من كم يوم شوفت فيديو اعتقد عن أمريكا غالبا او بريطانيا بس غالبا أمريكا يبين انه عدد المواليد غير الشرعيين يصل الى 52% من عدد المواليد في البلاد و مسويين مؤسسة يضع فيها من يريد او تريد الاستغناء عن ابنها في صندوق مثل الصناديق الموجودة في قطر لوضع الملابس و غيرها عند المجمعات بدل ما يضعون اللقطاء عند حاويات القمامة و انتوا بكرامه و بس يضع الموضوع يضغط جرس انذار للتنبيه و يتم استلام المولود من الجهة الأخرى و تربيته او تبنيه ممن حرم من الأولاد

كل هذا بسبب انتشار الفاحشة في بلادهم

[nooora]

يستاهل البنوك بتاخذ حقها لاكن احنا لعبو فينا يعطونا شيكات بدون رصيد وقعد طارده الشيكات والشكوى عندهم حطينا محامي ليقول سجنوه ولا نعرف السالفه وين وصلت

اذا انت تطالب الشخص فلوس خلك واقف في الطابور
اما البنك او الدوله تطالب الفلوس يا ويلك ههههه
شوف الدول الكبرى ما تمشي عليهم قوانين المحاكم الدولية او المحكمه الجنائية الدولية ،،، اما الدول الضعيفه في لحظه تصدر قرار باتهام حاكم تلك الدوله بمجرم الحرب ومطلوب للمحكمه الدولية ،،،،
لن تجد العدل في العالم ،،، مثال خارج الموضوع أمس عثر على رجل الأعمال جيفري أبستين ميتا في زنزانته في سجن بنيويورك حيث كان ينتظر المحاكمة على خلفية اتهامات بتهريب بشر لاغراض جنسية ،، ان أبستين يتمتع بنفوذ وسطوة إلى درجة أنه عندما كانت تجري محاكمته في المرة الأولى، كان المدعي العام يخشاه فقد كان صديقا لكل من الرئيس السابق بيل كلينتون والرئيس الحالي دونالد ترامب والأمير أندرو، ابن ملكة بريطانيا وشقيق ولي العهد الحالي الأمير تشارلز، ظروف غامضه ،،،

[nooora]

من كم يوم شوفت فيديو اعتقد عن أمريكا غالبا او بريطانيا بس غالبا أمريكا يبين انه عدد المواليد غير الشرعيين يصل الى 52% من عدد المواليد في البلاد و مسويين مؤسسة يضع فيها من يريد او تريد الاستغناء عن ابنها في صندوق مثل الصناديق الموجودة في قطر لوضع الملابس و غيرها عند المجمعات بدل ما يضعون اللقطاء عند حاويات القمامة و انتوا بكرامه و بس يضع الموضوع يضغط جرس انذار للتنبيه و يتم استلام المولود من الجهة الأخرى و تربيته او تبنيه ممن حرم من الأولاد

كل هذا بسبب انتشار الفاحشة في بلادهم

عقد الزواج معقد عندهم ماحد يثق في الاخر ،، اما انجاب عيال حرام سهل ،، وبعدين في دعم من الحكومه للاطفال كل سنه يرجع لهم ضرائب اذا عندهم اطفال لو عندك طفلين او ثلاثه ودخلك قليل يرجع لك بين خمسة الاف الى 9 الاف دولار سنويه ،، يمشيهم سنه كامله مروانه وحشيش من فلوس الاطفال ،،، الحمدلله على نعمة الاسلام ،،،

[nooora]

مره سواها واحد معاي عطيته مقدم لشغله و اختفى اربع شهور. سافر يتزوج ع حسابي هو واخوه

اول ما رجع قطر اشتكيت و وقفوه. اتصل اخوه قلت له ما ابي العشر الاف. ابي احط عليه قضيه و سجل جنائي عشان اي حد بيسوي تجاره معاه يبين انه محكوم عليه. و محد يتاجر معاه

رجع الفلوس كامله وحب خشمي مب عشان عيوني. عشان ما توقف تجارته

الله يحفظنا منهم

المشكله ان اغلب الناس ما تخاف يعطونك الشيكات وما يهتمون ولا يخافون من المحاكم ،، عارفين الاجراءات ،، الى ان تطلع قرار المحكمه يكون اخذ له فوق سنتين ،،،،
على حسب علمي ان في رسوم للتأمين ،، مثلا تدفع رسوم التأمين وتاخذ القرض من البنك ، اذا شخص هرب التأمين يدفع للبنك وهم يقومون بمطاردتك ،،يشوفون لنا حل كهذه ،، مثلا شخص الي عطاك شيك ومافي رصيد تستلم فلوسك من التأمين ومن بعده الـتأمين يتصرف معه عن طريق انتربول او حبس ،، يكون وفر علينا الوقت ،، للأسف الاجراءات المحاكم تطول ،، واذا البنك يطالب بفلوس وانت موجود بالبلد يطلعون من تحت الارض !!!
لكن زين الي صار معاه ،،، معروفين البريطانيين حراميه

[ابو عبدالله.]

عقد الزواج معقد عندهم ماحد يثق في الاخر ،، اما انجاب عيال حرام سهل ،، وبعدين في دعم من الحكومه للاطفال كل سنه يرجع لهم ضرائب اذا عندهم اطفال لو عندك طفلين او ثلاثه ودخلك قليل يرجع لك بين خمسة الاف الى 9 الاف دولار سنويه ،، يمشيهم سنه كامله مروانه وحشيش من فلوس الاطفال ،،، الحمدلله على نعمة الاسلام ،،،

كل عام وانتم بخير

ازيدك من الشعر بيت

الي ما يشتغل يدفعون له بدل سكن و بطاقه اعانه يشتري الاكل و الملابس. و علاج مجاني
عن كل طفل 250 دولار غير الوالدين

لكن المكسيكان لعبوا فيهم يطلق و يمشون راتب للمطلقه و العيال و يضل الاب عايش معاهم ببلاش و يشترون مواتر كشخه بعد ههه

الوايت هم الي يدفعون ضرايب اكثر و اذا درس ع حساب الاعانه و تخرج يضل يسدد السلفه طول عمره

في بريطانيا البيض يعانون من الضرايب و المهاجرين عايشين ببلاش و يعطونهم رواتب

ما تشوفون البيض يسافرون برع بلادهم يشتغلون

لا ضرايب و راتب سينير اربعين و خمسين و زوجته يشغلها معاه بنفس الجهه

ولو قطري يبي يشغل زوجته بنفس الجهه يقول لك لا هذا واسطه و عدم تكافئ فرص وظيفيه لباقي القطريين


في كندا الي ما يشتغل له 2500 دولار راتب و سكن مجاني للعيله و توصل اربع غرف و خمس بحسب العدد

العلاج مجاني للجميع اشتغل او لا

لكن من يشتغل يحلبونه ضرايب لين يقول اح

الضرايب في امريكا 18 ونص فيدراليه و المحليه 20% تقريبا. يعني حول 38 الى 40% ع الراتب غير المشتريات

بريطانيا حول 35الى 38%

[ابو عبدالله.]

من كم يوم شوفت فيديو اعتقد عن أمريكا غالبا او بريطانيا بس غالبا أمريكا يبين انه عدد المواليد غير الشرعيين يصل الى 52% من عدد المواليد في البلاد و مسويين مؤسسة يضع فيها من يريد او تريد الاستغناء عن ابنها في صندوق مثل الصناديق الموجودة في قطر لوضع الملابس و غيرها عند المجمعات بدل ما يضعون اللقطاء عند حاويات القمامة و انتوا بكرامه و بس يضع الموضوع يضغط جرس انذار للتنبيه و يتم استلام المولود من الجهة الأخرى و تربيته او تبنيه ممن حرم من الأولاد

كل هذا بسبب انتشار الفاحشة في بلادهم


وصلوا مرحله معقده

الزواج يصير بعد ما يجيبون عيال و يتطمنون ان شريك العمر اوكي

و بنات الاعداديه عادي يجيبون عيال من كذا واحد

صاروا ما يعرفون قراباتهم من الدرجه الاولى

ما تشوف مقاطع عن اخت ما شافت اخوها او اختها من عشرين سنه

في بريطانيا حصلت حاله معقده

اخ مهمل رجع لامه و سكن عندها. و له اخت من امه ما شافها قبل و انعجب فيها و ضل يجيب عيال لين اربعه وكلهم معاقين

لين حكموا عليهم ما يجيبون عيال بسبب الاعاقه مش عشان اخته غير الشقيقه

استغفر الله و اتوب اليه امراض الله لا يبلا مجتمعاتنا

[بوجبر]

عندي شخص شريك في شركة مقاولات ومساجر بيتي للعمال من سنة 2017 الى الان لم يدفع الاجارات المتأخرة والقضية شيكات بدون رصيد الى الان البية حر طليق كل الإجراء اللي تم منع سفر

ادري بان ردي خارج الموضوع بس ابي الحل مع هذا النصاب

[nooora]

عندي شخص شريك في شركة مقاولات ومساجر بيتي للعمال من سنة 2017 الى الان لم يدفع الاجارات المتأخرة والقضية شيكات بدون رصيد الى الان البية حر طليق كل الإجراء اللي تم منع سفر

ادري بان ردي خارج الموضوع بس ابي الحل مع هذا النصاب
الله يفرجها عليك وتنحل القضية ،،،
تخيل لو البيت ملك للدوله او البنك ؟ بينتظرون هذه المده؟
كل واحد يطلع له دفتر شيكات وينصب على العالم ،، لانه يدري ان القضايا شيكات بدون رصيد تاخذ وقت ،، يشوفون لنا حل معاهم ،، ،،،
ماف ضمان غير الشيك ؟ لو يسمحون لشركات التأمين ان تتدخل في الموضوع يكون أفضل تستلم فلوسك من التأمين وهم يتصرفون معه ،، وسيط ،، يخترعون لنا شي لان المحاكم تطول والله اعلم من المستفيد من كل هذا !!!
بسكم خرابيط

[ابو عبدالله.]

عندي شخص شريك في شركة مقاولات ومساجر بيتي للعمال من سنة 2017 الى الان لم يدفع الاجارات المتأخرة والقضية شيكات بدون رصيد الى الان البية حر طليق كل الإجراء اللي تم منع سفر

ادري بان ردي خارج الموضوع بس ابي الحل مع هذا النصاب

بو جبر اول شي منازعه ايجاريه و اخلاء المسكن

خلال شهرين بيطلعونه بالقوه الجبريه

و الشيكات كان المفترض النيابه تحوله محكمه و ينحكم من اول جلسه او ثانيه اذا الزموك بأخطاره بريديا بالمحاكمه

الشركه الي منها الشيكات ترفع قضيه على صاحب السجل بوصفه مسؤول عن الضرر المادي عليك

و يحاسب لاعطائه تخويل بالتوقيع للشريك فأثنينهم يدفعون لك و ينسحب من راتبه بالبنك

اذا انحكم لك يصير لهم سجل جنائي و اي محكوم عليه يضل بلا حسن سيره و سلوك بحكم القضيه

[ابو عبدالله.]

اضافه

اذا انحكم عليه بوصفه شريك بالشركه يتوقف السجل التجاري ولايقدر يجدد اقامات او خروجيه او اي خدمه في حكومي لين يدفع بالكامل

[!.!]

عندي شخص شريك في شركة مقاولات ومساجر بيتي للعمال من سنة 2017 الى الان لم يدفع الاجارات المتأخرة والقضية شيكات بدون رصيد الى الان البية حر طليق كل الإجراء اللي تم منع سفر

ادري بان ردي خارج الموضوع بس ابي الحل مع هذا النصاب

نصيحة : قدم بلاغ
حكاية أخري : قضية منع السفر هذه قديمة يا أخي بوجبر
أصبح الهروب من الغرامات عن طريق البحر ، سمعت روايات هنا وهناك أنّ فيه سوريين يهربوا المغرمين نحو أمريكا ، فقط ب : 5000 ريال فقط ، أنا تفاجأة والله هل البحر وحدوده غير أمن في قطر ؟
أخبرتك وأنتهي حتي لا تتعاظم الضرائب وتتورط أنت و تكون الخاسر الأول ويغلق السجل
أي قطري نصيحة ليه والله من قلب
لو تعمل مع شريك حكاية الفيز والباسبور عندك مجرد حكاية خاسرة
راقبه تأكد منه أستخر الله فيه أعمل ضمانة من المحكمة قبل أن تشاركه
والله ثم والله التهريب هنا أسهل لأن الخبيث لو أراد شيئا سوف يفعله
أؤمن بالأمن القطري واحترافيته لكن الهمج الذين دخلوها مؤخرا أفسدوها ، علي الأمن ضرب بيد من حديد لا للرحمة
قبل أن تجعل شريكا لك راقبه من قريب من حيث لا يراك ، ازدياد الغرامات دليل علي تهاونه ويلعب الحيلة انك انت سوف تدفع وداعم له كشيخ قطري أصلي ! أحذر بالله عليك