موظفة التأمين بمركز مغربي للعيون

[omhamodi]

اعتذر للجميع اذا يبين ان الموضوع تافه او لا يستحق . لكن والله احيانا اشياء صغيرة تبط الجبد ويخترب بسببها كل اليوم.. باختصار لجأت للموظفة بخصوص سالفة صغيرة ان واحد من عيالي الاثنين اللي خذيتهم اكشف النضر اليوم ما حصلت كارت التأمين ماله على تساس تدلني وايش اسوي او تحاول تتاكد من شركة التأمين ان البطاقة صالحة لان معي بطاقة الهوية .. المهم كان تعاملها جدا جاف وبك برود تقولي لازم الكارت يكون موجود ادري يا اختي لكن انتي تقدرين تساعديني الحين لان ما اقدر اترك ولد واروح اجيب الكارت حق الثاني واذا اتصلتي بشركة التأمين راح يقولون لك البطاقة صالحة ويرسلون لك صورتها انا اقولها جذي وهي تواصل في ردها البارد ما اقدر اسويلك شي لا وقالت لي هم معطينكم الكارت حتى تقدمونه حق المركز يعني تعلمني ليش الشركة معطيانا كروت . اللي يحر ان الموضوع طلع سهل جدا الدكتور نفسه يوم دخلت عنده بابني سالني عن ابني الثاني ويوم عرف اني مضيعة كارته قالي نزلي تطبيق الشركة وراح تحصلين الكارت ... والله اني من الحرة طول اليوم معصبة وحسيت ضغطي ارتفع حاولت اتواصل مع الادارة احكي لهم تصرف الموظفة اللي مفروض انها تتعامل مع الجمهور رفضو يعطوني اي رقم لشخص مسؤول وعطوني رقم حرمة قالو مكان المدير رفضت ترد على مكالماتي من الساعة ٩ الصبح مع اني كتبت لها بالواتس .. صايرين كأنهم عصابة يغطون حق بعض و يمنعون اي شخص انه يوصل شكواه للمسؤولين . اللي شايف ان السالفة فارغة وانا مكبرتها اقول له والله انها تكدر الواحد وتتعبه نفسيا . وانا متأكدة ان لو الادارة علمت بالموضوع راح يحاسبونهم كلهم . سامحوني على الاطالة لكن والله احس بالغبن والقهر كثير

[style]

هدي أعصابك ،،الموضوع مايستاهل كل هالهذره

[S.T.Y.L.E]

للمستقبل ، صوري كل البطاقات الضرورية والجوازات
وخليها في ملف خاص على جوالج ، يوم من الايام تحتاجينها ترجعين لها

[omhamodi]

تسلم اخوي style على النصيحة ..لكن اقول لك شي حنا عندنا مشكلة كبيرة بالموظفين اللي يفترض انهم يتعاملون مع الجمهور . التعامل مع الجمهور له اساليبهوطرقه الي تدرس مفروض ان العميل اذا جا للموظف وهو غاضب مثلا يمتص غضبه ويحسسه انه فاهم مشكلته ويوعده بالحل حتى لو يقص عليه. حنا تروح للموظف وانت هادئ وكول تحكيله سالفتك ورده يخليك تعصب وتنرفز

[حمــد]

من الموارد البشرية يلي عندكم بالشغل بامكانك اخذ جميع ارقام التواصل مع الشركه

[ابوالعبد]

اول شي سلامه العيال ثاني شي الموظفه مب غلطانه لانه لازم يكون كرت تامين معك هي المفروض تكون اكثر حنكه بالكلام. بس يا اخوى البطاقه شخصيه او صحيه ايظا تامين من ضروريات فالمفروض اقل مافيها عشان ماتنسى تصورهم بجوالك وبكل امانه الموظفه مب ملزومه تتصل حق تامين وتسئل لهم عن بطايقك لانه الان الدنيا ماشيه بكل هالببطاقات حاول ماتنساهم
وتخياتي لك

[qatarman8008]

في مثل هذي الحالات لازم ترفع صوتك بشكل مسموع..
حتى يجي واحد من المسؤولين ويحل المشكلة..
المهم ان وجهة نظرك لازم تكون واضحة بان هالموظفة مش متعاونة..
اذا اكثر من شخص سوى معاها هالشي راح يشيلونها من مكانها بالتاكيد..
احنا مانحب نقطع رزق حد لكن لازم ادارة المستشفى يعرفون انها ماقاعدة تسوي شغلها..

[مضارب دوسري]

اكيد الموظفه ماعندها خبره من ناحية ان في تطبيق تنزله وكذا

لان هالشي يعتمد على معرفة الشخص ومب كل الناس يفهمون فالتكنولوجيا الحديثه


موضوع انها ما تقدر تساعد في هذه الحاله معاها حق

لان شركات التامين ما تقبل اي اوراق تكون منقوصه ف لازم في ورقه وحده يتم طباعة صوره من بطاقة التامين وصوره من البطاقه الشخصيه او الصحيه عشان تنرفق مع الطلب
وبعض شركات التامين تطلب توقيع الشخص والتاريخ ايضا على الورقه اللي فيها صوره من كرت التامين والبطاقه


فتلقونها مب قادره تجازف فالمساعده لان الغلطه
العياده اللي تشتغل فيها بيخصمون المبلغ من راتبها

اما الاسلوب في التعامل ف كان لازم يرتفع الصوت لان هذا الاسلوب اللي يخليهم ينتفضون

[!.!]

أسأل الله السلامة لعيالك ولك ولكل المسلمين
والحمد الله
يبدوا أنّ الموضوع كله يتمحور علي سوء المعاملة
صدقًا والله حتي وتكوت الموظفةصادقة1000% رغم أنها صادقةالأن ! لكن معاملة البرود ما أحبها ولازم يبتسم ، علاش هو موظف أصلا في الإستقبال هل هو جماد ؟؟؟ لازم يبتسم ويتعاطف ويساعد ، لا أن يكون ألة ..كثيرنا يعاني من هذا لما تشوف المستقبل كأنه لا يعنيه الأمر ، مادام يغطون علي أنفسهم فيه أنّ ..
أستخفوا بك 🤔 لا حول ولا قوة الا بالله
ربي يهديهم ..ما نحتاج الي معرفة السبب والرأي الأخر ، غالبا المستقلبين يتملقوا السائلين ويتعاسروا عليهم مكر

[sara jsm]

في مثل هذي الحالات لازم ترفع صوتك بشكل مسموع..
.
:


اما الاسلوب في التعامل ف كان لازم يرتفع الصوت لان هذا الاسلوب اللي يخليهم ينتفضون

فعلا هالاسلوب يناسب هالفئة ..
بس كونها امراة فشوي الموضوع صعب ومحرج ترفع صوتها في مكان عام بهالشكل ..
:
المفروض واجباري اللي بيحطونهم في هالوظائف يكون عندهم لباقه وحسن تصرف مع الجمهور ..

[سالم الزهران]

اشين ما في الموضوع هو لما موظف الاستقبال يعطيك كورس في فوايد البطاقة.. ليش اعطيت لك (عشان تقدمها لنا)! هذي البلادة.. نتعرض لها كثير.. لكن احياناََ يكون الواحد رايق وممكن يهزأ الموظف وهو رايق واحياناََ متنرفز ومب فاضي يجر شكل مع أي أحد..

المهم عطوك البطاقة عشان تقدمينها للسيدة! لا يكون تنسين؟
عشان تقدمينها لحضرتها! مبروك على العيادة ومبروك ع الاستقبال وجود هذي الشخصية الاعتبارية.. مفروض يسوون موعد مع موظفة الاستقبال هذي؟
شنو الفخامة ذي؟

[omhamodi]

اخوي سالم زهران جفت؟ تعلمني ليش الشركات تعطي البطايق حق العملاء . صحيح احيانا يكون الواحد رايق ويمشيها بس بمستشفى والعيال مرضى صعب ... والله يا خوي ما قول غير حسبي الله ونعم الوكيل

[omhamodi]

اخوي ابو العبد والله ادري ان البطاقة لازم تكون موجودة بس سبحان الله يوم دورتها ما حصلتها . وهي ممكن تساعد هي نو موظفة استقبال انا طلبت اروح لهم بقسم التأمين وهي موظفة تأمين ..

[omhamodi]

اخوي qatarman انا اللي حرني بعدها انهم مثل ما قلت تصرفو نفس العصابة اول شي رفضو يعطوني اي رقم ويوم اصريت عطوني رقم وحدة ماترد رغم اني كتبت لها على الواتس وقرت الرسالة

[omhamodi]

اخوي حمد المدارس دوام الاسبوع الياي اشوف اذا لين يوم الدوام ماحد اتصل اسأل عن ارقامهم.. بس شكلي راح انسى السالفة

[omhamodi]

اخوي !..! والله مافهمت كلامك اخاف انك تتطنز علي 😥

[!.!]

اخوي !..! والله مافهمت كلامك اخاف انك تتطنز علي 😥
لا والله حاشا أختي
أنا متعاطف معك 😥 شعرت أنهم أستخفو بك
قبل أن يوظفو موظف عليهم ادخاله في اختبار وامتحانه كيف يمتص انفعال السائل ، أو تهدئة روعه وتبديد حيرته ، ليس مجرد أن يمر علي interview أعجبهم في تلك اللحظة ، قالوا هو مناسب ، كم من منافق يبتسم تلك البسمة في المقابلات زيفًا !
علي الموظف يكون طبيب للسائلين..وعلاجًا للحائرين ..ويتعاطف ويرشدهم

[ماجد البدر]

واضح سوء،تصرف من الموظفه وتصرف شخصي واصلا صورة من التامين اكيد موجود في الملف غير ان من التطبيق تحطين الرقم الشخصي لو رجعتي للطبيب راح يدلج على المسؤولين بتاكيد لان شكله كلامه معقول ومتفهم وفعلا الموظفه غلطانه ولابد ان تتعامل باسلوب الطف خاصة ان المريض يحتاج من يساعده وليس من يعقد عليه المسائل الله يهدي النفوس ان شاء الله

تم الإرسال من SM-N950F باستخدام Tapatalk

[khaldoon]

الموظفه هذه مثل الحصان يوم يحطون لها سواتر عند عينيها علشان تظل تمشي بخط مستقيم لا تروح يمين و لا يسار و لا تشغل مخها ابدا.... يعني هذه مريحة نفسها من مجرد التفكير... مثلها مثل البهايم و انتوا بكرامة ...هي حبت تكون مثل البهايم ولا تكون مرنه و لا تشغل مخها مثل الدكتور....لو حاطين روبوت كان افضل منها و دلك بكل سهوله ايش تسويين او كيف تحلين المشكله

او خلني أقول مثل افضل هذه مثل قطعة الشطرنج تحطيها بمكان ما تتحرك منه طول العمر...... هذه غير قابلة للتطور و التفكير... مثلها مثل الكرسي و الطاوله في المكتب لا تتطور ولا تتغير و لا تصلح ان تقابل بشر... هذه مكانها الطبيعي في المخازن او في المستودعات او الأرشيف او بالبيت علشان ما تقابل احد من الناس مع احترامي لاصحاب هذه الوظائف

اما لو كنت يا اختي الكريمة تظنين انه الإدارة راح تتخذ موقف من شكوتك فاحب ان اقولك انك غلطانه ما راح يسوون شي الا لو قعدتي كل يوم تتصلي عليهم حتى تشعري انت بالملل و سخافة الموضوع اللي بتتصلي علشانه كل يوم مع انه مب سخيف و معاكي كل الحق و تقولي بالاخير حسبي الله و نعم الوكيل فيكم

صدقيني هم ما راح يغيرون الموظفه او يسوون لها شي علشان شكوتك الا لو وصلتهم شكاوي كثيره عليها فأزعجتم و اصبحوا هم ما يبونها

[khalid Qtr]

بحكم تعاملي مع مركز مغربي، بصراحة تعامل الموظفين (غير الدكاترة) جاف غالبًا، يحتاجون ضبط في التعامل مع الزوار.

[شموخ دائم]

,

,


مرحبا


شكرا على الموضوع

مقدرين موقفك وضيقتك وجميعا نمر بهذه الظروف
سوء تعامل الموظف
( كانه مبرمج على الكمبيوتر )
وليس انسان يقدر الظروف ويساعد

افضل حل لهذه المواقف

( تويتر )
لو حد يكتب تغريده ويكتب اسم المكان
توصل الى المدير مباشره
وهم يتصلون فيك
يعتذرون شي غريب


احنا بزمنا ( المظاهر )
كل مكان يهمه مظهره امام الناس
وهذه الأماكن ( تنكسر )
في تويتر
ويحاولون يحلون أي مشكله توصل في التواصل الاجتماعي

بما نا الدكتور تعاون معاك

الشكوى تكون على الموظفه


طولي بالك ووسعي صدرك أحيانا التجاوز يكون افضل للنفس واريح
بما انك طلعتي الي بخاطرك هنا فصوتك وصل ان شاء الله




,

,

[يمامـة]

يحق لج تتضايقين..
المفروض الموظفة ابسط شي تحاول تتصل بمكتب شركة التأمين
او أقلها يكون عندها اسلوب افضل في التعامل لاحتواء المشاكل بشكل لطيف.

حتى لو افترضنا انج انتي اللي غلطانة و ما في حل لمشكلتج الا بوجود البطاقة..

في مثل هالحالات
محاولة الاتصال بالشركة و تقدي شكوى رسمية ضد المعاملة و التعطيل اللي حصل.
و حاولي مرة ثانية انج تحتفظين بنسخ من بطاقات التأمين في جوالج..

مع اني حاليا البطاقات الشخصية تغني عن بطاقات التأمين.