الزواج بالسر عمار للبيت وليس خراب له

[حمد 2002]

السلام عليكم ورحمه الله وبركاته

الزواج بالسر عمار للبيت وليس خراب له

اذا تزوج الزوج على زوجته علننا من الممكن بل اكيد انها سوف تطلب الطلاق وستتشتت الاسره وسيضيعون الأبناء ، فالحل الزواج بالسر من الممكن ان يكون مفيدا في تلك الحاله لانه بيحافض على الاسره و سيمارس الرجال الحلال ويتجنب الحرام .

تحياتي ..

اخوكم

حمد 2002

[sara jsm]

من شروط صحة عقد النكاح هو الاشهار ..
خلك من خرابيط بالسر .. :nono:

يالخواف :p

[سالم الزهران]

الحين حمد .. انته شلون بتغيب ومحد يحاسبك.. ما توقع المدام تراقبك وتسوي لك مصيدة.

[سالم الزهران]

انا من زمان ابغي اعرس لاني اشتغل بعيد ولكن مب لاقي طريقة.. وبعدين.. قسم بالله ما للموضوع علاقه بحلال وحرام ولكن ذبحنا الجوع واكل المطاعم

[سالم الزهران]

وفي النهاية اذا تذكرت الهدف الاساسي من الزواج وهو بناء اسرة.. فلا قمنا بواجب الاسرة الاوله.. وشلون اجيب اسره ثانية.. يعني نعرف انها نزوة فقط.. لابو العرس لابو التعدد

واللي يقدر الله يقويه.. خربت بيوتنا الحضارة وحتى العيال كل واحد يرقد ع كيفه ويقعد متى ما بغى!

ولسه تقول لي زواج؟

الله يعين البنات هم اللي ما دروا.. يدورون السعادة في زمن لا يوفرها..

واعذروني

[khalid Qtr]

الزواج بالسر خيانة.

[Rider]

أخبرك ياحمد ماتزوجت الاولى مادري اذا تزوجت من ورانا بالسر اما بالنسبة للموضوع لي يبغي يتزوج مافيه داعي يكون الزواج سر اذا قادر يعدل بين حريمه يتزوج واتنمى يكون هناك سبب مقنع انه يتزوج على زوجته

[الحياة الخالدة]

أخبرك ياحمد ماتزوجت الاولى مادري اذا تزوجت من ورانا بالسر اما بالنسبة للموضوع لي يبغي يتزوج مافيه داعي يكون الزواج سر اذا قادر يعدل بين حريمه يتزوج واتنمى يكون هناك سبب مقنع انه يتزوج على زوجته
خبرك عتيج أخوي رايدر
الريال عرس وعيل من كم سنة ،، يمكن عياله دشوا المدرسة
بس للحين على نفس المواضيع سبحان الله

[يمامـة]

اللي مقتنع انه يعرس بالسر الباب مفتوح له..

اما اللي يشوف انه ما عنده الشجاعة انه يواجه زوجته و يتزوج عليها
ابرك له يتمسك في زوجته و ما يخرب بيته..

فاللي يبي يعدد لازم يكون مقتنع بالتعدد و قااادر على اتخاذ القرار..

اما انه خاطره يعدد بس جبان ما يقدر يتخذ القرار.. ينطم ابرك له..

اعجبتني كلمة ينطم..
لانه بما انه عاجز من اتخاذ قرار التعدد فليش يحث الناس على شي هو
فاشل فيه؟

[سالم الزهران]

خبرك عتيج أخوي رايدر
الريال عرس وعيل من كم سنة ،، يمكن عياله دشوا المدرسة
بس للحين على نفس المواضيع سبحان الله

ههههه هي المواضيع ذي ما تخلص ، والرجال ان عرس جهاراً رحتم تشتكون عليه ، ويبقى موضوع السر هو الطائرة الشبح اللي ما تدرون عنها ، لاحظي اني تحفظت على حمد من خوف الاكتشاف بس . ورديت شاركت باللي في خاطري ، والحين بنروح نرد على يمامه ومنصورين بعون الله.

[سالم الزهران]

اللي مقتنع انه يعرس بالسر الباب مفتوح له..

اما اللي يشوف انه ما عنده الشجاعة انه يواجه زوجته و يتزوج عليها
ابرك له يتمسك في زوجته و ما يخرب بيته..

فاللي يبي يعدد لازم يكون مقتنع بالتعدد و قااادر على اتخاذ القرار..

اما انه خاطره يعدد بس جبان ما يقدر يتخذ القرار.. ينطم ابرك له..

اعجبتني كلمة ينطم..
لانه بما انه عاجز من اتخاذ قرار التعدد فليش يحث الناس على شي هو
فاشل فيه؟

حياك الله الاخت الفاضلة يمامة، قصدج الباب المفتوح له باب المشاكل صح! واذا تقصدين باب البيت فهل بيتم مفتوح ولا تقفلونه ؟ تري هذا اللي يقصده حمد ،، يوم يقول تحافظ على بيتك الأول ! لكن العجيب ان الموضوع ينقلب تحدي ، والواقع ان الزواج ماله علاقه بالجرأة ولا بالقدرة فكم من غشيم خواف من صياح مرته وقع في شرك وحده تسمح لها بيئتها انها تتزوجه بالسر ، وفي النهاية بدل ما تكون ضرتك بنت ذوات واخت دنيا .. تحصلينها وحده تواطأت مع ابو العيال على زواج السر.

[سالم الزهران]

حمد لا تشرد قد انهد العراق / السور

[يمامـة]

حياك الله الاخت الفاضلة يمامة، قصدج الباب المفتوح له باب المشاكل صح! واذا تقصدين باب البيت فهل بيتم مفتوح ولا تقفلونه ؟ تري هذا اللي يقصده حمد ،، يوم يقول تحافظ على بيتك الأول ! لكن العجيب ان الموضوع ينقلب تحدي ، والواقع ان الزواج ماله علاقه بالجرأة ولا بالقدرة فكم من غشيم خواف من صياح مرته وقع في شرك وحده تسمح لها بيئتها انها تتزوجه بالسر ، وفي النهاية بدل ما تكون ضرتك بنت ذوات واخت دنيا .. تحصلينها وحده تواطأت مع ابو العيال على زواج السر.

شوف يا اخوي سالم

بكون صريحة معاك لابعد الحدود..

الرجل اللي يبي يتزوج و عنده قدرة على الزواج ما في شي يمنعه

لكن الرجل بشكل عام يحب يلعب دور الطاووس اللي يبي يلفت الانظار وانه مطلوب
واذا تزوج على زوجته بتموت من غيره.. مع انه تلقاه في قرارة نفسه ماديا مب قادر يتزوج..
لكنه يدندن على وتر التعدد..

فالموضوع محصور في قدرة الرجل و سطوته و قوته..
يا ما ريايل تزوجوا و حريمهم زعلوا و صرخوا و بهدلوهم و لكن في الاخير رضخوا
للامر الواقع..

فأنت ايها الرجل لا تتوقع زوجتك تنثر عليك ورود اذا بغيت تعدد ..
لذلك قرار التعدد يحتاج جرأة و قوة شخصية..

حتى اللي متزوج في السر.....> اشكثر ممكن يخش زواجه؟
عياله من اللي متزوجها .. وين بيخشهم؟
معقولة لهدرجة جبان؟

لذلك يفضل يا معشر الرجال انكم تبحثون عن حلول تساعدكم على التعدد
بدل ما تبررون عدم قدرتكم في اتخاذ القرار بسبب تخوفكم من زوجاتكم و خراب بيتكم الاول.

[يمامـة]

حمد لا تشرد قد انهد العراق / السور

الحين بالذمة.. الرجل قبل ما يفكر ياخذ الاولى هل يفكر في التعدد؟

يعني هل هناك في خيال الشاب قبل تجربة الزواج من الاولى
انه يتزوج الاولى و بعد طفلين منها يتزوج الثانية
وبعد اربع سنين مع الثانية يتزوج الثالثة؟

طيب ليش نسمع من الشباب المتزوجين نصايح لمن هم اصغر منهم
لا تغلط غلطتنا؟

طيب بما ان الزواج بحد ذاته غلطة بسبب المسؤولية الملقاة على عاتقهم
فهل يتوقع الشاب ان حياته مع زوجته الثانية بتكون اسطورة من اساطير
الحياة الرغيدة الهانئة المتجددة في المشاعر و الاحاسيس و الرغبات؟

[سالم الزهران]

شوف يا اخوي سالم

بكون صريحة معاك لابعد الحدود..

الرجل اللي يبي يتزوج و عنده قدرة على الزواج ما في شي يمنعه

لكن الرجل بشكل عام يحب يلعب دور الطاووس اللي يبي يلفت الانظار وانه مطلوب
واذا تزوج على زوجته بتموت من غيره.. مع انه تلقاه في قرارة نفسه ماديا مب قادر يتزوج..
لكنه يدندن على وتر التعدد..

فالموضوع محصور في قدرة الرجل و سطوته و قوته..
يا ما ريايل تزوجوا و حريمهم زعلوا و صرخوا و بهدلوهم و لكن في الاخير رضخوا
للامر الواقع..

فأنت ايها الرجل لا تتوقع زوجتك تنثر عليك ورود اذا بغيت تعدد ..
لذلك قرار التعدد يحتاج جرأة و قوة شخصية..

حتى اللي متزوج في السر.....> اشكثر ممكن يخش زواجه؟
عياله من اللي متزوجها .. وين بيخشهم؟
معقولة لهدرجة جبان؟

لذلك يفضل يا معشر الرجال انكم تبحثون عن حلول تساعدكم على التعدد
بدل ما تبررون عدم قدرتكم في اتخاذ القرار بسبب تخوفكم من زوجاتكم و خراب بيتكم الاول.

ما على كلامك زود.. جزاك الله خير ياليمامة

[سالم الزهران]

الحين بالذمة.. الرجل قبل ما يفكر ياخذ الاولى هل يفكر في التعدد؟

يعني هل هناك في خيال الشاب قبل تجربة الزواج من الاولى
انه يتزوج الاولى و بعد طفلين منها يتزوج الثانية
وبعد اربع سنين مع الثانية يتزوج الثالثة؟

طيب ليش نسمع من الشباب المتزوجين نصايح لمن هم اصغر منهم
لا تغلط غلطتنا؟

طيب بما ان الزواج بحد ذاته غلطة بسبب المسؤولية الملقاة على عاتقهم
فهل يتوقع الشاب ان حياته مع زوجته الثانية بتكون اسطورة من اساطير
الحياة الرغيدة الهانئة المتجددة في المشاعر و الاحاسيس و الرغبات؟

كثير من اسئلتك التعجبية هذي واقعية، فيه شباب ما يبون الزواج مول! حلوها يا رواد مجتمع.

[يمامـة]

كثير من اسئلتك التعجبية هذي واقعية، فيه شباب ما يبون الزواج مول! حلوها يا رواد مجتمع.

طبيعي ما يبي زواج لانه مستغني عن الزواج بالعلاقات عن بعد في عالم الانترنت
او التواصل الكتابي او الصوتي مع هذه و تلك و غيرها..

فهو في اليوم الواحد يتواصل مع اكثر من شخصية وحدة مرحة
و حدة حبيبة وحدة طيبة و حنونة عليه. وحدة نكدية يدورها اذا مل من الروتين.

شاب يعيش مثل هالاجواء مستحيل يورط نفسه في زواج يتعبه و ينقص عليه حريته.

[سالم الزهران]

سالفة في صميم الموضوع

رفيجي متزوج ومرته معها اعدادية بس، قالت له با اواصل.. قالها زين، واصلت خذت الثانوية وقالت ابي الجامعة.
رفيجنا في هذيك الفترة ظروفة المادية تعبانه لانه مقاول ومب موظف! يقول قلت لها ما بتستفيدين من الجامعة شيء، وبكرة لا تقولين ابغي اتوظف.. قالت له تم.
واصلت تخرجت.. قدمت على التدريس طلع اسمها.
قالت للرجال.. قال لها (مستحيل) انا الآن أوضاعي ممتازة واعطيك مثل راتبك بس اقعدي في البيت! زعلت راحت عند أهلها.. يقول رفيجنا عقب شهر تقريباََ.. جاني استدعاء من المحكمة!

فمثل الجامعية ذي ، فاهمة الدنيا غلط.. وهذي هي وصلت محاكم على موضوع وظيفة! كيف لو كان السالفة زوجة ثانية؟ فلا تستغربون ممكن تكون رجل عندك شخصية وعندك فلوس بس قدرك يجي في وحدة برمجتها تختلف! فيضطر الواحد أنه يكون بين خيارين إما يتنازل عن حقه (تعدد / أو أن زوجته ما تتوظف) او يطاوعها على اللي تبيه.

[سالم الزهران]

طبعاََ هذي مب مبررات انك تتزوج بالسر ولا اعرف احد تزوج بالسر لكن في المقابل هذا حال المجتمع الخليجي.. ونخشى من الجاي.

[مضارب دوسري]

الموضوع مش في التعدد
الموضوع الاهم هو العدل

للاسف شفت ناس ملتزمه ويعرفون الدين صح لا ويفقهون الناس بالدين بعد

ولكن غير عادلين بين زوجاتهم لا فالمصرف ولا الملبس حتى !


=============
اعتقد نقطة العدل بين الزوجات هي اصعب بالف مره من موضوع فكرة التعدد

[يمامـة]

طبعاََ هذي مب مبررات انك تتزوج بالسر ولا اعرف احد تزوج بالسر لكن في المقابل هذا حال المجتمع الخليجي.. ونخشى من الجاي.

دامه قادر يتزوج غيرها.. مع السلامة
دامه مب قادر يتحكم في بيته يذوق اللي يجيه منها..

احنا في زمن ما عاد الرجل هو الرجل.. و صار يعجز عن ادارة دفة بيته..
لذلك لا عجب من ان الزوجة تسير الرجل في البيت..

فالزوجة اللي فضلت الوظيفة على زوجها .. تعتقد تستحق ان يحتفظ فيها الزوج؟

سؤال يوجه للزوج نفسه..
اذا يشوفها تستحق فهو حر و اذا ما يشوفها تستحق فهناك من تستحق ان تكون زوجته.

فمن جذيه اشوف ان الرجل هو صاحب القرار ..
يحب زوجته و لكنه يبي يعدد.. وما يبي مشاكل..
ما يصير..
انت اذا تبي تعدد لازم تحط في بالك انك بتتعرض لمشاكل تنقص عليك حياتك
حتى لو زوجتك وافقت على التعدد..

خذ هالسالفة يا اخوي سالم

احدهم دخل على زوجته و هو نافش ريشه و يهددها انه بيتزوج عليها
قالت له ما عندي مانع تتزوج.
ظنها تغيضه.
رجع بعد ايام قال لها ابي اتزوج وحدة ثانية ..
قالت له من حقك.. روح تزوج..
قال لها منتي بزعلانة و لا بتثيرين هلج ضدي؟
قالت له وليش اثيرهم؟
اذا انا ما عندي مانع انك تتزوج!!
قال لها يعني عادي عندج؟
قالت له ايه عادي روح بأمانة الله و تزوج دامك تشعر انك محتاج تتزوج..

تعتقد الاخ راح تزوج؟

لا
الاخ انصدم من برود زوجته و صار يشك فيها انها تبي تتخلص منه علشان عندها علاقة..
فبدل ما يروح يتزوج صار يراقبها و يتجسس عليها.

فالرجل ما بيعجبه برود زوجته و موافقتها و حثه على التعدد
ولا يعجبه زعل زوجته و مشاكلها..

[يمامـة]

الموضوع مش في التعدد
الموضوع الاهم هو العدل

للاسف شفت ناس ملتزمه ويعرفون الدين صح لا ويفقهون الناس بالدين بعد

ولكن غير عادلين بين زوجاتهم لا فالمصرف ولا الملبس حتى !


=============
اعتقد نقطة العدل بين الزوجات هي اصعب بالف مره من موضوع فكرة التعدد

قول الظلم اللي يصير..

لو الزوجة تشوف زوجها ما يظلم البيت الاول بتلقاها سعيدة بتعدد الزوج
بغض النظر عن الغيرة..

بعض الزوجات مشاعرهم ميتة تجاه الزوج الا انها ما تبيه يعدد
لانها فوق مشاعرها الميتة صوبه راح تجني ظلمه لها و لعيالها..

والشواهد الاحداث و الوقائع عديدة من حولنا و نااااادر ما نشوف رجل مب ظالم
في حياته الزوجية المتعددة.

[النهار]

في ذمتك هاي موضوع تنزله بعد هالغياب ولد العرب وينك استلمه

[khaldoon]

اللي يعرف يسوي مثل رأفت الهجان ليش لا ههههههههههههههه....وجع راس و وجع قلب ....امشي سيدا يحتر عدوك فيك ....ما في شي بيتخبى فليش وجع القلب

[سالم الزهران]

كنت مستني مشاركتك يا خلدون، بس خربتها في الأخير هههه. بلاقيش فيكم أسد يا زلمه :con2:

[الحياة الخالدة]

الموضوع مش في التعدد
الموضوع الاهم هو العدل

للاسف شفت ناس ملتزمه ويعرفون الدين صح لا ويفقهون الناس بالدين بعد

ولكن غير عادلين بين زوجاتهم لا فالمصرف ولا الملبس حتى !


=============
اعتقد نقطة العدل بين الزوجات هي اصعب بالف مره من موضوع فكرة التعدد

هاذي زبدة الكلام

[khaldoon]

كنت مستني مشاركتك يا خلدون، بس خربتها في الأخير هههه. بلاقيش فيكم أسد يا زلمه :con2:

انا راح أقول رأيي بدون مثاليات .... بصراحة زوجة واحده لا تكفي ....بس المهم العدل بينهم و ما اقبل فكرة الزواج بالسر

[عابر سبيل]

الموضوع مش في التعدد
الموضوع الاهم هو العدل

للاسف شفت ناس ملتزمه ويعرفون الدين صح لا ويفقهون الناس بالدين بعد

ولكن غير عادلين بين زوجاتهم لا فالمصرف ولا الملبس حتى !


=============
اعتقد نقطة العدل بين الزوجات هي اصعب بالف مره من موضوع فكرة التعدد


8 دقايق عجيبه و مفيده
للرجال و النساء على السواء

https://youtu.be/ExjHwMDUzBI

[!.!]

ههههههه
سبحانك ربي سبحانك ما أعظم شأنك

[R 7 A L]

هههههههه
حمد انت مشكلة كبير
اتوقع لو صار ملتقى لاعضاء القروب بيشنقونك ويرجمونك

واحد من الجماعة الله يذكرة بالخير
اكبر منا وكنا انسميه شيخ الشباب وكان يجمعنا في المجلس والعزبة والرحلات الداخلية والخارجية
متزوج وعنده عيال وبنات
المهم كل مانجتمع يطري الزواج وانه بيتزوج
قبل تقريباً 15 سنه اغلبنا تزوج زواجنا الاول والاخير هههههه يمكن 6 او 5 من الشباب كل واحد مابينه وبين الثاني الا اسبوع او اسبوعين
المهم الرجال تشجع وتزوج الثانية اختفى ماعاد قمنا انشوفه الا نادر وكان متيهذل ومهموم تشجع واخذ الثالثة
الحين مانشوفه الا في الاعياد هههههههه لا صحة ولا فلوس وكله شكله مهموم
هالشخص عطانا درس من بعد الي شفنا فيه ان الزواج اكثر من مره في وقتنا الحالي دمار

[سالم الزهران]

التعدد يبي له هبة شعبية، و تعاون عشان نروح ناخذ المطلقة اللي طليقها كان عنده نفسية ، وناخذ المسكينة اللي محد خطبها لأن طولها 145 وناخذ بعد من البنات المساكين اللي محد خطبهم لأنهم ما كملوا دراسة !

لذلك يا الربع نحن مب رايحين للطيور الجارحة ، هذي أكيد خطوة عبثية .. نحن دافعنا مب اغاضة ام العيال (لهن القدر والحشيمة)، لكن بنسوي مثل الشيبان ..

يوم من الأيام ( بكت بنت عمرها 37 سنة ، سألتها رفيجتها ليش تبكين! قالت : اليوم اختي الكبيرة دشت ال40 سنة والله يعلم محد خطبها ولا أحد جانا قبل ولا يوم أحد تكلم فينا )

هذا يا الربع كلام حااااصل ، ويعور القلب ، لأن هالبنية ممكن تكون بنتك أو أختك يا أختي الفاضلة.

صحيح أنا ألتزم بشرط أن التعدد يكون للرجل العاقل اللي يحل مشاكل مب اللي يخلق مشاكل، والشرط الثاني تخفيض تكاليف الزواجات .

واختم مشاركتي بوصية للأخوات ،، وأقول (كوني على يقين أن الدين والشريعة ما فرضت التعدد الا وفيه جوانب توفر لك الراحة) اذا الزوج خير و أجودي فهذا هو عطاك مساحة أكبر و تقدير أكبر على موقفك .. وإن افترضنا إنه ذرية ينانوه فهذا انتي افتكيتي من حنته و في هالزمن حقك واصلك بطيب نفسه او بالنظام.

[شبح الصمت]

السلام عليكم ورحمه الله وبركاته

الزواج بالسر عمار للبيت وليس خراب له

اذا تزوج الزوج على زوجته علننا من الممكن بل اكيد انها سوف تطلب الطلاق وستتشتت الاسره وسيضيعون الأبناء ، فالحل الزواج بالسر من الممكن ان يكون مفيدا في تلك الحاله لانه بيحافض على الاسره و سيمارس الرجال الحلال ويتجنب الحرام .

تحياتي ..

اخوكم

حمد 2002



هه هه

هالمواضيع الي تجمع وأطلع الناس المنخشه

تعداد
فلوس
مشكلة


انا مب معاك يا حمد لانه بيصير مثل الحرامي الي بايق وخايف ينصاد ..

يبلغ زوجته ويحطها قدام الامر الواقع .
وأهم شيء يعدل بينهم وإلا يقصر .


من واقع ونظرة عن قرب ومكثفة

بعض المتعددين ( اسم مزواج ) لكنه غير عادل مع احترامي للمتعددين .

والله يهني سعيد بسعيده

[يمامـة]

هههههههه
حمد انت مشكلة كبير
اتوقع لو صار ملتقى لاعضاء القروب بيشنقونك ويرجمونك

واحد من الجماعة الله يذكرة بالخير
اكبر منا وكنا انسميه شيخ الشباب وكان يجمعنا في المجلس والعزبة والرحلات الداخلية والخارجية
متزوج وعنده عيال وبنات
المهم كل مانجتمع يطري الزواج وانه بيتزوج
قبل تقريباً 15 سنه اغلبنا تزوج زواجنا الاول والاخير هههههه يمكن 6 او 5 من الشباب كل واحد مابينه وبين الثاني الا اسبوع او اسبوعين
المهم الرجال تشجع وتزوج الثانية اختفى ماعاد قمنا انشوفه الا نادر وكان متيهذل ومهموم تشجع واخذ الثالثة
الحين مانشوفه الا في الاعياد هههههههه لا صحة ولا فلوس وكله شكله مهموم
هالشخص عطانا درس من بعد الي شفنا فيه ان الزواج اكثر من مره في وقتنا الحالي دمار

و تبي الصراحة

من زود ما يغيضوننا الرجال بسبب التعدد

صرت اشجع التعدد علشان ينهمون و ينغمون
لانه مب مقدر وجود وحدة في حياته و يشتكي
منها .. بعد يبي يعدد..

لذلك انا من نصيرة التعدد ليس حبا في راحة الرجال
و لكن حتى نشوف فيهم يوم ..

مشاركتي تعبر عن
الحقد في ابشع صوره:looking:

[شبح الصمت]

و تبي الصراحة

من زود ما يغيضوننا الرجال بسبب التعدد

صرت اشجع التعدد علشان ينهمون و ينغمون
لانه مب مقدر وجود وحدة في حياته و يشتكي
منها .. بعد يبي يعدد..

لذلك انا من نصيرة التعدد ليس حبا في راحة الرجال
و لكن حتى نشوف فيهم يوم ..

مشاركتي تعبر عن
الحقد في ابشع صوره:looking:


يعني كانك تقولين

أشوف فيك يوم على انت عملته فيا

لما انت غدرت بيا


وبتشتكي عشان اسامحك تشكيلي وانا

افضل اضحك وافرح من قلبي فيك


:cry2:

[فلتة زمانها]

شكلك من الجيل القديم اللي كل تفكيره تعدد وعقارات.. خلاص ماتوا اللي يفكرون بهالمواضيع هههههه

[R 7 A L]

هه هه

هالمواضيع الي تجمع وأطلع الناس المنخشه

تعداد
فلوس
مشكلة


انا مب معاك يا حمد لانه بيصير مثل الحرامي الي بايق وخايف ينصاد ..

يبلغ زوجته ويحطها قدام الامر الواقع .
وأهم شيء يعدل بينهم وإلا يقصر .


من واقع ونظرة عن قرب ومكثفة

بعض المتعددين ( اسم مزواج ) لكنه غير عادل مع احترامي للمتعددين .

والله يهني سعيد بسعيده



ههههههه
اتخيل اشكال بعض الاعضاء اول ماشافوا اسمه
كانوا متسدحين قعدوا قالوا اكيد جايب طامة ههههه

[R 7 A L]

و تبي الصراحة

من زود ما يغيضوننا الرجال بسبب التعدد

صرت اشجع التعدد علشان ينهمون و ينغمون
لانه مب مقدر وجود وحدة في حياته و يشتكي
منها .. بعد يبي يعدد..

لذلك انا من نصيرة التعدد ليس حبا في راحة الرجال
و لكن حتى نشوف فيهم يوم ..

مشاركتي تعبر عن
الحقد في ابشع صوره:looking:

سؤال بما انج من ضمنهم
الحين ليش اغلب الحريم يكرهون الي يعدد حتى الي ازواجهم ماعددوا عليهم ولا تزوجوا عليهم
حتى الي مالها علاقة ب زوجة المُعدد الاولى ولا تعرفها الا انها تقف معها وفي صفها ؟

[سالم الزهران]

سؤال بما انج من ضمنهم
الحين ليش اغلب الحريم يكرهون الي يعدد حتى الي ازواجهم ماعددوا عليهم ولا تزوجوا عليهم
حتى الي مالها علاقة ب زوجة المُعدد الاولى ولا تعرفها الا انها تقف معها وفي صفها ؟

ننطر اجابة مقنعة وشافية.. ليش المرة تسوي جذي وهي تعرف ان فيه مسكينة بتلبس الفستان الأبيض! وبتفرح؟ ليش ما تحبون ترسمون البسمة يالربع :nice:

ليش تتحالف اليمامه (رمز السلام) مع الهيمنة والإمبريالية

[qatarman8008]

احنا بالرجال نحب نرضي غرورنا ..
لما نحس ان الف وحدة تتمنانا هذا الشعور بحد ذاته كافي..
واللي يشوف ان فلوسه زايده يشطح وينطح انشالله ياخذ اربعه..
واللي فلوسه على قده يكتفي بذاك الاحساس ويفحط..

[شبح الصمت]

ههههههه
اتخيل اشكال بعض الاعضاء اول ماشافوا اسمه
كانوا متسدحين قعدوا قالوا اكيد جايب طامة ههههه



أكيد يغط ويجيك بموضوع ينشط الاعضاء ..

هههه

[يمامـة]

يعني كانك تقولين

أشوف فيك يوم على انت عملته فيا

لما انت غدرت بيا


وبتشتكي عشان اسامحك تشكيلي وانا

افضل اضحك وافرح من قلبي فيك


:cry2:

تقدر تقول شي جذيه..
فحملت الراية بدل كل النساء
لدفع الرجال في اتجاه حفرة التعدد و اطممها عقبها.:this:

[يمامـة]

سؤال بما انج من ضمنهم
الحين ليش اغلب الحريم يكرهون الي يعدد حتى الي ازواجهم ماعددوا عليهم ولا تزوجوا عليهم
حتى الي مالها علاقة ب زوجة المُعدد الاولى ولا تعرفها الا انها تقف معها وفي صفها ؟

اسباب متعددة
اولا اذا كانت تحبه فهي تغار عليه و ما تبي حد يشاركها فيه.
فالمرأة حالها كال الرجل ما اتحب شريك في شي ملكها
و ان كان الشرع حلل التعدد.. فسيدنا و حبيبنا محمد صلى الله عليه وسلم ما تقبل فكرة زواج سيدنا علي على بنته فاطمة رضي الله عنها ورفض ياخذ عليها وحدة ثانية
مهما كانت المبررات و التفسيرات الا ان زواج علي من بنت
ابي جهل كان بيؤذي فاطمة رضي الله عنها.

النقطة الاهم في الاصرار على الرفض
ان الرجل يظلم بيته الاول و يهمله بسبب
حاجته العيش حياة زهرية مع عروس جديدة
فهو لما يفكر يعدد.. يظن انه رجع 20 او 30 سنة ورى
اول ايام زواجه من زوجته الاولى ما عنده حد غيرها..
و يتناسى الواقع و يتهرب من بيته الاول علشان
الحياة الزوجية اليديدة. و من ثم يبتدي عدم العدل
في المشاعر و المعاملة حتى ما بين ابناء البيتين.
فالظلم المشاهد في حياة المعددين من اكبر الاسباب
في عدم تقبل التعدد..

اخيرا

النظرة الاجتماعية للزوجة اللي زوجها تزوج عليها

فيظهرون ان لو كان فيها خير ما تزوج عليها
لو كانت سنعة كان ما طار من يدها
لو...
لو...
لو....
فمثل هالنظرة تجعل كثيرات يرفضون فكرة
الزواج من ثانية حتى لو فيها عيب .. علشان تجنب
نفسها الوقوع في شماتة المجتمع و نظرته القاسية لها..
و قبل ما اختم
احب اوضح ان ما لقيت رجل تزوج على زوجته
من غير ما يظهر العذاريب و العيوب في زوجته
الاولى..
فعلشان يبرر حاجته الفطرية لزوجة ثانية
يسرد ماضي و حاضر زوجته و يكشفه للناس
علشان يتعاطفون معاه و يباركون له.

[7llo]

ياويلي ياحمد فتحت على نفسك باب مايتسكر ههههههههههههه

[نفسي عزيزه]

حمد هرب ولم يعد

[المانع 63]

الى تعرف الزوجه في حينها قبل لايجون اولادك من الزوجه الثانيه بعد وفاتك يفلون احنا اخوانكم وتبدا المشاكل على الورث
الزواج بشر مشاكله كثيره وصدمه لزوجه الاولى وعيالك
ما تقدر تعلنه لاتزوج وتبهدل بنات الناس واللي ترضى بزواج السر هذي ماعندها سالفه

[مرتبش]

اعتقد انه مناسب للبعض

[Abdulraman]

قطر صغيره والكل يعرف الثاني واذا ماعرفك اعرف ولد عمك يعني الزواج بالسر وفي قطر حده شهر او شهرين وعقب الكل بيعرف

[khaldoon]

حمد هرب ولم يعد

اشدعوه حمد ...ولا رد في الموضوع؟؟!!!!