+ هل انت مع او ضد انواع الزيجات +

[شبح الصمت]

تزوج من بعيد وروح سالم وتعال سالم

اش رايكم

اتحفونا

هل الزواج من غير الاقارب افضل من نواحي كثيرة .

نبي الايجابيات والسلبيات


كان معكم شبح الصمت
:shy:

؟

[ابو عبدالله.]

كلا الزيجات معرض للنجاح او الفشل

يعتمد على الزوجين اذا قرروا عدم تدخل العائله في امورهم

زواج الاقارب فيه ايجابيات كثيره مثل قرب البيوت و معرفه تامه بالشخصين و دخول و خروج المحارم العم و الخال الخ

زواج من غير الاقارب فيه ايجابيات ايضا

اعطاء الزوجه احترامها و حقوقها و حشمه لبنت الناس و الام ما تتدخل كثير في امور الزوجين

السلبيات لن ادخل فيها و كلا النوعين من الزواج فيه سلبيات لكن ممكن الغائها بحسب الزوجين و عقلياتهم

دمت بود

[شموخ دائم]

,

,


مرحبا


شكرا على الموضوع

الي اشوفه من خلال الأصدقاء الي حولنا وتجارب الاهل والقرايب

ان الموضوع ( نصيب ) وتوفيق من الله

أحيانا الزواج من القرايب يصير كثير مشاكل وخلافات مالها اول ولا اخر
واحيانا تكون الأمور طيبه والحمدالله

ونفس الشي ينطبق على الزواج من بعيد


بالنسبه لي ووجه نظري الخاصه

ان الموضوع حتى ينجح يعتمد على عده عوامل

منها التوفيق


مواصفات و ( وطينه ) الزوج والزوجه ( شخصيتهم )
وكذالك شخصيه اهل الزوج واهل الزوجه

تلاقي أحيانا ( ناس فيهم خير ينحط على الجرح يبرا )
واحيانا ناس عشرتهم صعبه

بغض النظر عن قرابهم او بعدهم او اسم العائله

الي يخاف من الله ويراعي الله ويكون انسان يحمل بقلبه الانسانيه والرحمه ورجال فيه خير ينحط على يمناك
ماعنده لف ودوران ولا كذب وخداع وكذلك البنت

هذا ( طينه جنه ) هذا دواء للجرح

سواء كان قريب او بعيد

هذا الي لازم الانسان يسئل عنه قبل ما يسئل عن ( وضعه المادي او شهادته او اسم عائلته )


بالنسبه لي الموضوع ما يفرق قريب او بعيد
الي يفرق ( الشخصيه ) ونوع البيت الي رايح له



الي يفرق للاسف
ان سبب المشاكل ماحد فهم البيت الي رايح له شنو طبعه وشنو نوعه ( ماتعمق ) في السؤال وما اخذ الوقت الكافي حتى تطلع العيوب
وكل الأمور كانت سطحيه جدا وبانت العيوب بالفتره ما بعد الزواج


,

,

[khaldoon]

انا عن نفسي افضل الزواج من وحده اعرفها من قبل....مسألة اني اتزوج وحده ما عندي أي علم عنها من قبل فكرة غريبة جدا جدا مب متخيلها ..لا أقول انها غلط بس ما تناسبني ابدا.....ما اعرف مثلا كم عملية تجميل عملت قبل لا اشوفها في الإصدار النهائي....مب متخيل وحده عمرها مثلا فوق العشرين يوم كنت صغير و جيت اتزوج عاشت اكثر من عشرين سنة و بتتزوج من شخص ما تعرف عنه أي شي ولا هو يعرف عنها أي شي .....انا مع زواج الأقارب او بنت اعرف شيء عن ماضيها

[سالم الزهران]

هلا بالشبح.. لو بغيت نصيحتي فعلى حسب ولدي بخطب له.. اذا هو عاقل و راكز رحنا بعيد.. واذا هو مهفوف بنخلي سمنا في دقيقنا.. على الاقل ولد عمي وعياله يعرفون ولدي قبل لا ناخذ منهم.

اشوف بعض الناس يعكسها.. يعرف ولده انه مب كفو.. ويلمعه و يزوجه من بعيد.. لانه عارف النسبة للنجاح متأرجحة.. فيضحي بالبعيد.. و هكذا انغشينا وانغش وايد ناس مثلنا.

[Dana’1]

كحياة زوجيه ما أظن فيه فرق لان الزوجين هم الي يحطون الحدود لغيرهم من التدخل بخصوصياتهم مهما كان قريب منهم.
لكن المشكله الوحيده الي ممكن تصير بزواج الاقارب هو في حال الخلافات و الوصول للطلاق ممكن تتقاطع الأرحام وحساسيات بينهم حتى إن صار فيه تواصل
قليل الي ترد علاقتهم كأهل عادي جدا مثل قبل مع ان الطرفين يدرون إن هذا كان قرار الزوجين أنفسهم ولا أحد له دخل بهالقرار ولا هو عاجب الأهل حتى و مع ذالك ماخذين بخاطرهم .

الأجنبي خلاص ماعاد هم ملزومين بالتواصل مع بعض إلا اذا فيه أبناء بيكوون في الامور الي تخص هالأبناء فقط*.

[Dana’1]

هلا بالشبح.. لو بغيت نصيحتي فعلى حسب ولدي بخطب له.. اذا هو عاقل و راكز رحنا بعيد.. واذا هو مهفوف بنخلي سمنا في دقيقنا.. على الاقل ولد عمي وعياله يعرفون ولدي قبل لا ناخذ منهم.

اشوف بعض الناس يعكسها.. يعرف ولده انه مب كفو.. ويلمعه و يزوجه من بعيد.. لانه عارف النسبة للنجاح متأرجحة.. فيضحي بالبعيد.. و هكذا انغشينا وانغش وايد ناس مثلنا.


استغربت بصراحه من هالمنطق منطق إنه إذا الرجال صار كفو للغريبه
لكن إذا إنه رجال عادي وله هفوات تعالي يابنت عمه وبنت خاله استري على ولدنا وتحمليه

طبعا لو بنت عمه تعرفه وتعرف الهفوات وراضيه بكذا كيفها والله يجزاها خير وممكن الله يهديه من يعرف
لكن اذا ما تعرف ليش أورطها،،، وليش بالاساس ما تستاهل الكفو ؟!

[سعود.]

التوفيق من رب العالمين

[سالم الزهران]

استغربت بصراحه من هالمنطق منطق إنه إذا الرجال صار كفو للغريبه
لكن إذا إنه رجال عادي وله هفوات تعالي يابنت عمه وبنت خاله استري على ولدنا وتحمليه

طبعا لو بنت عمه تعرفه وتعرف الهفوات وراضيه بكذا كيفها والله يجزاها خير وممكن الله يهديه من يعرف
لكن اذا ما تعرف ليش أورطها،،، وليش بالاساس ما تستاهل الكفو ؟!

هلا فيك دانه و ما غريب الا الشيطان.. لا شك ان العاقل محد محتار فيه من قريب او من بعيد.. لانه ما بيسوي أزمه.. لكن الشباب الطايش.. هنا المشكلة.

يعني يكون عندك شاب طايش ويقول دوروا لي عروس.. وفي نفس الوقت يكون عندك صديق أو زميل عمل تعرف أن عنده بنتين خريجات وقاعدات و هو رجل قمة في الادب.. ما اعرفهم على بعض مهما كان..

اقول.. روح لبنت خالتك او اقاربنا.. خذتك.. الله يهنيكم.. اما ابلي الناس باخوي او ولدي وانا اعرف انه سيء سلوك.. ما اقدر.

[سالم الزهران]

القصد ان الشغلة تكون مكشوفه اهم شيء عندي.. بنت عمك بنت خالك تعرفك او تسمع عنك من اخوانها... تقبل فيك او ما تقبل على وضح النقاء..

فالشاب عموماََ بيتزوج لكن مستحيل اوديه لغرب واقول والله ولدنا يصلي و محافظ على شغله.. لكن يروح لعمه.. عشان هو عارفه.. الاقربون اولى بالمعروف :)

[سالم الزهران]

(فيه شيء متوارث مثل العادة، ان اللي يخطب بعيد يقعدون يسألون.. ليه ما خذا من اقرباءه!) تعتبر سلبية في حقه وكثير يرفضونه.

المشكله لا زالت.. القريب الكفو نعرفه وبنزوجه وبيزوجونه عمامه.. لكن الرديء حاشاكم.. اكيد بيتعلم في بنات المسلمين.. فلذلك من الانصاف اني ما اروح مع واحد مب عاقل اخطب له من بعيد.. غش للناس بصراحة

[Dana’1]

هلا فيك دانه و ما غريب الا الشيطان.. لا شك ان العاقل محد محتار فيه من قريب او من بعيد.. لانه ما بيسوي أزمه.. لكن الشباب الطايش.. هنا المشكلة.

يعني يكون عندك شاب طايش ويقول دوروا لي عروس.. وفي نفس الوقت يكون عندك صديق أو زميل عمل تعرف أن عنده بنتين خريجات وقاعدات و هو رجل قمة في الادب.. ما اعرفهم على بعض مهما كان..

اقول.. روح لبنت خالتك او اقاربنا.. خذتك.. الله يهنيكم.. اما ابلي الناس باخوي او ولدي وانا اعرف انه سيء سلوك.. ما اقدر.



انا الي استغربته هذي الجمله ( إذا كان عاقل وراكز رحنا بعيد)
القصد ايش الاسباب إنك تصفط الراكز والعاقل للبعيده مو لبنت عمه او خاله.

والا صحيح العاقل محد محتار فيه لا قريب بس يتقدم هو بالاول!

عالعموم وضحت وجهة النظر ^_^

[R 7 A L]

الزواج قسمه ونصيب
حتى لو كان غير موفق فهذا اختبار وابتلاء من الله

[Rider]

نصيبك هو لي كاتبه الله لك سؤ من الاقارب او غيرهم

[يمامـة]

انا مع قاعدة روح بعيد و تعال سالم.

لكن اذا هم يبون القريب ما امنعه و لا ارفضه.

[!.!]

حديث النبي : تباعدوا تصحوا ..
زواج الاقارب ...طلاق وعقارب !
أكبر خطر في تزاوج الأقارب = السمنة والتشوهات الخلقية + تشوهات في الغدة " افرازات العرق الخلقي بكثرة"
أنظروا الأقربون اليكم وقيسوا علي ذلك ، أو أنت !

[Qataractor]

���� الموضوع مو كذا في بعض العوائل عندهم تكبر ويرفضون يناسبون أحد وقال ايش واحنا الدم الملكي الي ما نرضى دم غريب يدش بينا بذمتكم هاي كلام

ولا انا مثلا ناس احبهم واعزهم وعشرة عمر وافتخر فيهم ولكن �� يرفضون المصاهرة الله المستعان

قال تعالى (( وخلقنا من انفسكم أزواجنا لتسكنوا إليها )) (( وجعلناكم شعوبا وقبائل لتعارفوا))

لاسف احنا مسلمين بالاسم وما نطبقه ومازلنا متعصبين لقبيلة او فئة معينه