دورات تصميم

[jaidana]

اشلونكم ،، حييت استفسر عن مكان يعطون فيه دورات كاملة معتمدة في كلا من autocad/photoshop/3D max... لاني دورت وماحصلت للاسف 😔 بس طبعا ابيها تطبيق عملي ،،، ولكم كل الشكر

[sara jsm]

شوفي في مركز نيوهورايزن اظن عندهم ..

الله يوفقج ��

[khaldoon]

حاولي مبدئيأ تشوفي النت و الويوتيوب....في النت ممكن تاخذي دورات اون لاين و يرسلونك لك شهادة معتمدة و الأسعار رخصيه جدا و بيكون في تفاعل و نقاشات بينك و بينهم تمام مثل لو تاخذي دورات بنفسك عندهم و الفرق انه هالمحاضرات مسجلة و ممكن تشوفيها اكثر من مرة و اسعارهم بسيطه جدا جدا جدا يعني لا تتعدى 70 دولار و يمكن اقل بكثير

اما شراء دورة عن النت كمحاضرات فقط فبيكون تقريبا 10 دولار

و يوتيوب ببلاش

مركز اكسبريشن اللي هو نفسه نيوهرايزون ما اعجبني تعاملهم ابدا ابدا ابدا .... يوعدون و يخلفون و اضل ارسل لهم مسجات و اذكرهم انهم وعدوني يعطوني نماذج امتحانات و يسحبون علي و ما اعطوني علشان ابني و يقولون لي راح نخليه يجيب بالايليتس 7 ...اقولهم لا ما ابي 7... يجيب 5.5 وكثر خيركم ....جاب خمسة للأسف الشديد

تعامل سيء جدا جدا

[المانع 63]

شوف انا تعلمت من النت اهم شي تعرف الاداه وايش وظيفتها لو تروح اي مركز او شخص بيعلمك اشياء بسيطه عندك اليوتيوب كل برنامج لهم قناه وصدقني تستفيد اكثر من المراكز اللي ما يعرفون غير الاساسيات فقط وفر فلوسك:)

[sweet qatar]

انا دورت من زمان وما لقيت

الافضل تشوفين مدرس

[!.!]

اليوتوب فيه دورات قوية
عموما لا أومن بالمدفوعات نفس الجهد المبذول نفس المجاني في اليوتوب
الحكمة كلها : أنت !
وسهلا ان شاء الله

[jaidana]

انا دورت من زمان وما لقيت

الافضل تشوفين مدرس

للأسف اخوي المدرس اللي حصلته بيعطيني مجرد المبادئ بمبلغ 3500 ريال وساعتين باليوم مدة 4 أيام احس وايد خاصة ان السؤال اللي ماحبه من الأجانب هل انتي قطرية اووووووووووف يملل ابتزاز عيني عينك

[الاستاندر]

السلام عليكم
انا كنت مصمم قديم
تعلمت على الفوتوشوب بروحي على ايامها مافي يوتويب تعلمت من المنتديات
المهم تركت الفوتوشوب من 2005

المهم في 2013 طرت علي هواية جديدة واللي هي التصوير
والتصوير يحتاج شغل فوتوشوب
رجعت تعلمت على الفوتوشوب
دخلت دورة فوتوشوب اساسيات واللذي منه ماستفدت حتى 10 بالامية
عقب اعتمدت اعتماد كلي على اليوتيوب
كنت كل يوم اشوف دروس واطبق اشوف واطبق
والحمد لله احين راضي جدا عن المستوى اللي وصلت له

المراد اذا الشخص ماتهمه الشهاده يعتمد على اليوتويب لانه كنز معلومات
ويبتعد عن المحتوى العربي لانه ضعيف جدا جدا
الاجانب وبالاخص الهنود اقوى ناس في الفوتوشوب وشروحهم واضحه ومايبخلون في المعلومات

والسموحه اذا تكلمت وايد

[jaidana]

صباحكم خير

بالنسبة للفوتوشوب حاليا سجلت بالعطية وانشالله استفيد لكن باقي البرامج ماعرف وين احصلها خاصة ان الاعتماد عليها هي