استفسار عن تصميم الديكور

[jaidana]

السلام عليكم
اخواني واخواتي ..حابة استفسر عن التصميم الداخلي (الديكور الداخلي) هل عندنا وايد قطريين مصممين او لا ؟ وياترا هل اشتغلوا بشهاداتهم في اعمال خاصة ؟؟ اقصد عندهم شركات او عمل خاص فيهم ؟؟ وهل المربح جيد في التصميم الداخلي ؟؟
لان اللي اعرفه الاسعار نار عندنا في قطر لمجرد تعديل ديكور بالصالة مثلا ،، فحابة اعرف قبل ما ادرس التصميم الداخلي ولكم جزيل الشكر

[Azizuk]

للأسف كل شي غالي وصعب التنفيذ لان المرسوم بالتصميم غير متوفر بالسوق المحلي

وإذا متوفر قليل منه وغالي

في مصممه اسمها بدريه كافود عندها حساب بالانستغرام

https://6.top4top.net/p_1337bbdny0.png (https://up.top4top.net/)



الله يعينج

[jaidana]

للأسف كل شي غالي وصعب التنفيذ لان المرسوم بالتصميم غير متوفر بالسوق المحلي

وإذا متوفر قليل منه وغالي

في مصممه اسمها بدريه كافود عندها حساب بالانستغرام

https://6.top4top.net/p_1337bbdny0.png (https://up.top4top.net/)



الله يعينج
شكرا اخوي عالرد بس اعتقد مافهمت قصدي ..احنا عندنا في جامعة فرجينيا قسم تصميم داخلي فهل ياترا فيه مصممين قطريين لان احنا اعتمادنا عالمقيمين وانا حابة ادرس هالتخصص لاني حاولت اطلع من النت بس ماحصلت الا كم وحدة ..وشنو تقصد بكون الخامات مش موجوده ليش هم مايعتمدون على الخامات المتوفرة بالسوق المحلي ؟؟ وبنفس الوقت هل هالتخصص فيه نسبة ربح عالية بحالة اني فتحت مشروع او الربح ضعيف ؟ عالاقل اتجنب اني ادرسه وعقب اكتشف ان القطريين وايد بهالمجال وفوق هاي اخسر فلوسي بدراسة ما بتفيدني بشي بسوقنا المحلي ...
وشكرا لك عالرد

[Azizuk]

شكرا اخوي عالرد بس اعتقد مافهمت قصدي ..احنا عندنا في جامعة فرجينيا قسم تصميم داخلي فهل ياترا فيه مصممين قطريين لان احنا اعتمادنا عالمقيمين وانا حابة ادرس هالتخصص لاني حاولت اطلع من النت بس ماحصلت الا كم وحدة ..وشنو تقصد بكون الخامات مش موجوده ليش هم مايعتمدون على الخامات المتوفرة بالسوق المحلي ؟؟ وبنفس الوقت هل هالتخصص فيه نسبة ربح عالية بحالة اني فتحت مشروع او الربح ضعيف ؟ عالاقل اتجنب اني ادرسه وعقب اكتشف ان القطريين وايد بهالمجال وفوق هاي اخسر فلوسي بدراسة ما بتفيدني بشي بسوقنا المحلي ...
وشكرا لك عالرد



مراحب اسف توني فاهم قصدج

بالعكس لا يوجد قطرين في هالمجال الا القليل وأكثرهم عنصر نسائي عدد محدود يدخل هالتخصص ويعتبر من التخصصات الناجحه لعدة أسباب

شح في هالتخصص بالسوق القطري وبشكل عام الخليجي

بوجود بالكويت والسعوديه والإمارات اكثر عدد من المصممات لديكورات الداخليه والأسباب السوق كبير عندهم المواد متوفره بالسوق المحلي وسهل تنفيذها والتكلفة مناسبه لجميع الأذواق والمستويات

في مصممه كويتيه اسمها نور بن عيدان تعتبر المنتشرة بالسوق لها مكتب بقطر والكويت ولندن وراح تفتح بالسعودية قريبا

وهذا سنابها

https://3.top4top.net/p_1338g7p5y0.png (https://up.top4top.net/)


مشكله السوق المحلي المواد مب متوفره وإذا متوفره غالي سعرها ومعظم المحلات والمصممين يجيبون من برا يامن الصين او من الدول الأخرى

طبعا اكثر المصممين يسون وخاصه الاثاث يشبه البراندات العالمية من غير لوغو

بعض المصممين يصمم لج بسعر بالمتر يحسبه وبعد التصميم انت تنفذ عااااد روح دور من ينفذ لك بنفس اللي بالرسم والصور يمكن فقط الجبس والأرضيات تقدر تنفذ الباقي بتهلك لين تحصل المواد اللي بالتصميم والمواصفات

وبعض المصممين اذا بغيته يصمم ويشرف وينفذ هذا عااااد سعره واو خيالي لان كل شي على حسابك من تذكرته وسكنه ومواصلاته ومعيشته كلها عليك بالإضافة الى 10% الى 20% ويمكن اكثر من سعر التنفيذ على المالك

هو تخصص يعتبر نادر بالسوق القطري ثاني شي مطلوب وغير هذا ان السوق والنَّاس تبي تغير وتحدث مفهوم البناء والبيوت تغيرت حاليا

الله يوفقج والتخصص هذا حلو ويعتبر راقي


شوفي ردود باقي الأعضاء بالمنتدى ويمكن لو تنقلين الموضوع في قسم استراحة المنتدى وأيد افضل لج لان قسم البناء عدد قليل من يشارك في !!!!

قسم الاستراحة راح تحصلين أعضاء افهم مني في هالمجال راح يفيدونج اكثر وراح يتفاعلون بالردود والنصائح

اهم شي اول تصميم لي يكون بسعر خااااص انا وباقي أعضاء هذا القسم :whistling:

[sara jsm]

وعليكم السلام اختي ..
لو تبينا نتكلم بصراحة .. الناس هني تعتمد على جنسيات معينه في هالمجال ..
يمكن بعض الناس تجيها الفرص وبعضهم لا .. المدخل عالي جدا .. لكن هل في طلب في السوق عليه ام لا !!؟
اكثر المصممين يوفرون الخامات من برع عشان جذي السعر عالي .. لان سوقنا المحلي فقير جدا بالخامات ومافيه تنوع ،.
والشي اللي تحصلينه في هالبيت تلقينه في نص بيوت هل قطر .. ومع العصر الجديد والانفتاح الناس قامت تشوف اشياء غير ومستوى الذوق يرتفع ويرقى .. فاللي في السوق مايملي العين ..
:
:
الله يوفقج ان شاءالله لكن فكري بعدة جوانب واستخيري وشاوري هلج بعد ..
بالتوفيق عزيزتي

[jaidana]

مشكورين وماقصرتوا بس عندي استفسار في مواد معينة لازم تدرسها مثل الاوتوكاد وهو اهم برنامج في التصميم وللاسف مافي احد يدرسه الا قليل وباسعار عالية مثلا واخد طلب مني 3500 qr بس عشان 8 حصص خلال 4 ايام والمعاهد للاسف ماتطرح ومشكلتي ما اقدر ادرس في جامعة فرجينيا كومنلوث لانه دوام كامل وانا موظفة لكن اذا اتعرفون مكان او موقع يعطي دورات عدلة في الاوتوكاد وبعد في التصميم مع شهادة عالمية ياريت اتفيدوني �� واخوي عزيز شكرا للمعلومات واذا عندك امثر بعد اكتب لي واختي سارة فعلا مثل ماقلتي احنا اهني نعتند على الجنسيات الثانية وكأن عيال البلاد مامنهم رجا���� وما في ثقة فيهم ��

[Azizuk]

وعليكم السلام اختي ..
لو تبينا نتكلم بصراحة .. الناس هني تعتمد على جنسيات معينه في هالمجال ..
يمكن بعض الناس تجيها الفرص وبعضهم لا .. المدخل عالي جدا .. لكن هل في طلب في السوق عليه ام لا !!؟
اكثر المصممين يوفرون الخامات من برع عشان جذي السعر عالي .. لان سوقنا المحلي فقير جدا بالخامات ومافيه تنوع ،.
والشي اللي تحصلينه في هالبيت تلقينه في نص بيوت هل قطر .. ومع العصر الجديد والانفتاح الناس قامت تشوف اشياء غير ومستوى الذوق يرتفع ويرقى .. فاللي في السوق مايملي العين ..
:
:
الله يوفقج ان شاءالله لكن فكري بعدة جوانب واستخيري وشاوري هلج بعد ..
بالتوفيق عزيزتي


كلام الاخت سارة عين العقل

بشكل عام دراسة التصميم الداخلي تخصص راقي والمدخول جدا ممتاز بصرف النظر عن المواد متوفره بالسوق المحلي ام لا

حاليا وأيد مصممين فاتحين لهم مكاتب في لندن وان الطبقه المخملية كله تختار المصممين من الخارج سوى كان تصميم داخلي او فستان زفاف او اثاث

بالعربي ربعنا يحبون يدفعون للأجنبي اكثر من المواطن

بس اذا جه مواطن وكسر هالحاجز وقدر يوفر المواد وكل المتطلبات وبأسعار مناسبة الفكر راح يتغير

مره طلبت من شركة باب قزاز يفتح زي الاكرودين يتسفط من غير ريل تحت شايفه في مطاعم وبيوت بأوروبا الا يقول صعب تنفيذه وإذا طلبنا لك الأشياء الميكانيكية غالي سعرها وراح تكلف خمس آلاف ريال بس القطع غير تكلفة الباب

فصعب التنفيذ عندنا والتجار المحلين مايحبون يغامرون وكل شي يصعبونه قدام الواحد اذا حاب يجيب فكره والا تصميم غريب كله غير متوفر

وأيد أمور فنية غير متوفره في البلاد عكس أشوفها متوفره في دول الحصار وخاصه دبي دايمن السوق متجدد فيها

في السابق ممكن يتصنع ويتوفر في دول الحصار والتكلفة اقل وفِي خلال سبوع البضاعة متوفره بس حتى لو تم الصلح ماتوقع راح ترجع الامور زي قبل حتى الناس راح ترفض اَي شي من هالدول

فالامور تداخلت وأيد ومن هالامور اقتصادي اجتماعي نفسي ورفض التعامل مع هالدول او منتجاتهم

الواحد مايبي يخوض في مثل هالامور في هالقسم بس الظروف تحكم الواحد يتكلم

نرجع ونقول التخصص جدا راقي ومدخوله عالي توكلي على الله وبتوفيق

يمكن الاخ معماري قطري له نظره غير كونه مهندس ويعرف احوال السوق اكثر أتوقع ان هو مشغول هالأيام او مسافر من جذي مايشارك بالمنتدى صار له فتره والا راح يقدم لج النصح

[شموخ دائم]

,

,


مرحبا


تصميم الديكور الداخلي من اجمل التخصصات وأكثرها متعه وفيها دخل ممتاز
ويفتح مجال كبير للإنسان انه يعمل ( بزنز ) يفتح عمل خاص مسائي او دخل إضافي لنفسه


الأفضل الدراسه في جامعه او دبلوم معترف فيه
وليس مجرد دورات صغيره فهذا التخصص يحتاج المام شامل فيه بكل جوانبه
اما اخذ دوره صغيره والعمل بالتصميم فهذا لا يلبي الحاجه للسوق ولا راح يكون فيه ثقه او اقبال عليك
لان هذا شغل مبتدئين وليس شغل ( مصممين ) !!

الاتوكاد
اهم برنامج وهو رقم 1 ومن الضروري لكل مهندس او مصمم ايجادته
والمفروض الواحد يأخذ دورات عليه ( اساسيه ) وبعدها الانسان يطور نفسه في معاهد
مثل معهد ( العطيه ) ويجي معاه شهادات

اما الطريقه التقليديه
فهو التعامل مع ( مهندس ) هندي قديم في قطر
يعطي دروس خصوصيه ويجي للبيت في وقت فتره فراغه بعد انتهاء دوامه
ويكون مدرس خاص يعطيك كل معلومات العمليه لهذا البرنامج

ومن البرامج المهمه 3 d max
من اهم البرامج بالتصميم لانها تعطي الشكل النهائي والحقيقي للمكان بعد التصميم
والزبون يشوف مشروعه بصوره مكتمله ومتكامله وفكره شامله تساعده في اتخاذ القرار او التعديل عليه
من ارضيات ومن حوائط ومن شغل الاسقف والاضاءه
ويقرب الصوره امام من بيعمل في التنفيذ
من نجارين وصباغين واهل الجبس واهل الأثاث واضاءه وارضيات

اما الشي الأهم
فهل شخصيتك انتي قادره على ( اداره عمل خاص ) ومقابله الزبائن وأصحاب المشاريع
وعندك سعه الصدر للنقاشات والاخذ والعطاء معاهم مثل الفلل الخاصخ والقصور
وتحمل طلباتهم !! والعمل تحت الضغط في اكثر من مشروع مع بعض !!!
وكذلك الاعمال التجاريه من ديكورات لواجهات الشركات الداخليه والخارجيه
والمحلات


هذا السؤال محد يقدر يجيب عليه الا انت !!

هل عندك الشغف والمتعه بهذا العمل !!!!

السوق محتاج لهذا النوع من التخصصات بل على العكس يوجد نقص وشح
في المصممين القطريين بالذات

وكل اهل المكاتب والشركات صاحبه قطري وممكن يوظف عنده جنسيات أخرى بالمكتب
فالعمل ممتع فيه اذا صاحبه عنده الطموح في هذا المجال



,

,

[Azizuk]

مشكورين وماقصرتوا بس عندي استفسار في مواد معينة لازم تدرسها مثل الاوتوكاد وهو اهم برنامج في التصميم وللاسف مافي احد يدرسه الا قليل وباسعار عالية مثلا واخد طلب مني 3500 qr بس عشان 8 حصص خلال 4 ايام والمعاهد للاسف ماتطرح ومشكلتي ما اقدر ادرس في جامعة فرجينيا كومنلوث لانه دوام كامل وانا موظفة لكن اذا اتعرفون مكان او موقع يعطي دورات عدلة في الاوتوكاد وبعد في التصميم مع شهادة عالمية ياريت اتفيدوني ï؟½ï؟½ واخوي عزيز شكرا للمعلومات واذا عندك امثر بعد اكتب لي واختي سارة فعلا مثل ماقلتي احنا اهني نعتند على الجنسيات الثانية وكأن عيال البلاد مامنهم رجاï؟½ï؟½ï؟½ï؟½ وما في ثقة فيهم ï؟½ï؟½



برنامج الاوتو كارد جدا غالي سعره في حدود 30 الف ريال لو حابه تشترين البرنامج

ممكن تنزلين برنامج اسمه فيور ممكن تتعلمين عليه

https://6.top4top.net/p_13380p42q0.png (https://up.top4top.net/)

بس للأسف ماعرف حد يدرس مثل هالمواد

في ممكن تشتغلين متدربه عند احد مكاتب المصممات وتتعلمين منهم

جامعة فرجينيا في قطر والا في ولاية اتلانتا بأمريكا

[jaidana]

صح اختي شموخ لازم يا اما دبلوم واقل شي 3 سنوات او 4 والبكالريوس 5-6 سنوات هاي في عمان بس بحط لكم النقاط وانتو فهموني عدل قبل كل شي عشان استفيد منكم

1- اخوي عزيز اشلون انقل الموضوع للحوار العام لاني من زمان ماكتبت بالمنتديات :happy::happy: تعلمنا على السناب والانستا :D:D
2- انا استفسرت عن دورات الاوتوكاد مثل ما قالت شموخ لكن للأسف العطية ما يطرحونها والباقي ماعتقد انهم اوك لان هالتخصص يبي 2D+3D وبالاضافة لل 3D max وهالاشياء ما تنطرح الا قليل واعتقد ما يعطون كامل ،، كلمت واحد انجليزي وطلع من اصل هندي وقالي كبداية بيعطيني 8 حصص بمبلغ 3500 QR وفي 4 ايام وقالي انه تعاون بلوسيل والريل الخط الاخضر وسدرة فاذا احد يعرف هناك احد اسأل عنه وطبعا فرق بينه وبين المراكز الثانية لان الساعات اكثر هناك والسعر تقريبا 2500 ان كان خاص والباقي 1800 ريال و 3 مرات بالاسبوع بمقدار 3 ساعات تقريبا ومادري اي المراكز معتمدة من الدولة تدرون بهالمشكلة ..وهذاقال بيعطيني شهادة معتمدة من جامعة بريطانية لانه مدرس فيها
3-وانا ماقدر اسافر للدراسة بره واهني مثل ما قلت انا موظفة وهالدراسة يبيلها تفرغ كامل وبالاضافة اسعار جامعة فرجينيا عالية فافضل معهد ادخل عليه اونلاين ويعطي شهادة معتمدة واني اصمم ويشوفونها كhome work لان لازم الرسم والتخطي عشان يصير نجاح تمام من وجهة نظري …فاذ احد يعرف جامعات اونلاين ياريت يكتب لي مثل جامعة بيرشام البريطانية اللي معترف فيها من التعليم العالي بس مادري هل اونلاين او لا https://www.bircham.me

فاذا ممكن احد يقدر يفيدني فلكم جزيل الشكر:app2::app2:

[jaidana]

اخوي عزيز قالي المدرس ان ممكن انزله كطالب student يكون افضل

[Azizuk]

اخوي عزيز قالي المدرس ان ممكن انزله كطالب student يكون افضل

اذا قصدج البرنامج ممكن ينزل لطالب مادري عنه بالضبط !!! باقي الأعضاء يفيدونج !!! انا نزلته عشان افتح خرائط البيت ونفعني وأيد

بالنسبة لنقل الموضوع الى الحوار العام لازم تكتبين موضوع جديد في قسم الحوار العام

عندج الاخت ساره ممكن تنفتح خبيرة بالمنتدى

انا اكثر مشاركاتي في هالقسم تخصص خرسانه وصبيه :strong

[sara jsm]

,
اما الشي الأهم
فهل شخصيتك انتي قادره على ( اداره عمل خاص ) ومقابله الزبائن وأصحاب المشاريع
وعندك سعه الصدر للنقاشات والاخذ والعطاء معاهم مثل الفلل الخاصخ والقصور
وتحمل طلباتهم !! والعمل تحت الضغط في اكثر من مشروع مع بعض !!!
وكذلك الاعمال التجاريه من ديكورات لواجهات الشركات الداخليه والخارجيه
والمحلات


هذا السؤال محد يقدر يجيب عليه الا انت !!

هل عندك الشغف والمتعه بهذا العمل !!!!
,


الصراحة هاي اهم شي اللي ذكره اخوي شموخ ..
سعة الصدر وطوله البال ... بالعربي يبي لهم راس ..
التعامل مع الجمهور من مختلف الطبقات والاعراق والاطباع ..
وفي اللي مايعجبهم العجب ويغيرون في الديكور اكثر من مرة ..
حسب حبج للشي راح تتغلبين عليه باذن الله .. 🌷

:


بالنسبة لنقل الموضوع الى الحوار العام لازم تكتبين موضوع جديد في قسم الحوار العام
عندج الاخت ساره ممكن تنفتح خبيرة بالمنتدى
انا اكثر مشاركاتي في هالقسم تخصص خرسانه وصبيه :strong

عزيز :court:
:
ان شاءالله المهتمين في هالموضوع يدخلون هني ..
عندنا سويت قطر بعد فنانه في هالمجال اكيد ان شافت هالموضوع بترد عليج

[jaidana]

انشالله يردون 🤲🏻🤲🏻🤲🏻 وبحاول افتحه مره ثانية في القسم العام وانا توني مادرست 😂😂 فالله يعيني عقب عالعملاء 🤣🤣

[sara jsm]

الله يعينج من الحين:taunt: اشوف واحد من الناس يبي تصميم خااص :secret:

[Azizuk]

الصراحة هاي اهم شي اللي ذكره اخوي شموخ ..
سعة الصدر وطوله البال ... بالعربي يبي لهم راس ..
التعامل مع الجمهور من مختلف الطبقات والاعراق والاطباع ..
وفي اللي مايعجبهم العجب ويغيرون في الديكور اكثر من مرة ..
حسب حبج للشي راح تتغلبين عليه باذن الله .. ��

:


عزيز :court:
:
ان شاءالله المهتمين في هالموضوع يدخلون هني ..
عندنا سويت قطر بعد فنانه في هالمجال اكيد ان شافت هالموضوع بترد عليج

ياويلي ويلاه شكلي بنطق على راسي مادام حطيتي المطرقة وايش اللي حشرني بالموضوع معلوماتي على قدي مب من واقع دراسه من واقع تجربه بالسوق والبهدلة :rolleyes2:

نقلي الموضوع صوب استراحة المنتدى :victory: في تفاعل اكثر هناك هني أكثرنا شياب*

وشكل الموضع ماخذ حقه بالقسم وفِي تفاعل من باقي الأعضاء نتمنى المزيد من التفاعل

[jaidana]

🤣🤣🤣🤣 ماله دخل بشياب ولا عيايز
بس هذا عموما يصير باي تجارة الزباين بلوة

[QAR1]

السلام عليكم

كيف حالك أختي jaidana

أولاً أنا لم أفهم نوع الدراسة الي بتدرسيها هل هي حضور المحاضرات والفصول الدراسية أو الدراسة أونلاين.

- أذا بتسجلين في الجامعة وبتحضرين الفصول الدراسية، فدراسة الأوتوكاد أو غيرة من ضمن المقررات الدراسية، لأن التصميم الداخلي يعتمد علية 100% ولا تحتاجين أخذ دورات عليها.

- أما أذا بتدرسين أونلاين، فالله يعينك بتتعبين فيها كثيراً.

المجال جميل، لكن يحتاج الى إطلاع كثير على المتغيرات وأنواع التصاميم.

بخصوص برامج الرسم يوجد برامج كثيرة جداً وممكن تكون أفضل من الأوتوكاد، مثال "يرجى متابعة اليوتيوب بالأسفل".


https://www.youtube.com/watch?v=v-rkxifmiMk&t=31s

أما بخصوص دراسة الأوتوكاد وغيرة فهو متوفر بكثرة على اليوتيوب مجاناً وشروحات كثيرة بالتفصيل عربية وأجنبية عليكي بالبحث فقط.

ملاحظة أنا لست مصمم وإنما أبدي رأيي الشخصي فقط.

وأتمنى أني أفدتك.

[مرتبش]

يوجد الكثير من البنات خريجين فيرجنيا تخصص تصميم ومنها الديكور لكن يشتغلون خاص اولا ماعندي فكرة...
منتجات شركة اتودسك (اوتوكاد وريفيت وثري دي ماكس ) للطلاب مجانية.. هذي برامج رسم في النهاية.. والديكور اشمل من رسم ومخططات

[jaidana]

يوجد الكثير من البنات خريجين فيرجنيا تخصص تصميم ومنها الديكور لكن يشتغلون خاص اولا ماعندي فكرة...
منتجات شركة اتودسك (اوتوكاد وريفيت وثري دي ماكس ) للطلاب مجانية.. هذي برامج رسم في النهاية.. والديكور اشمل من رسم ومخططات

ممكن اتوضح لي اخوي شنو تقصد من انها برامج رسم والديكور اشمل ؟؟

[مرتبش]

ممكن اتوضح لي اخوي شنو تقصد من انها برامج رسم والديكور اشمل ؟؟

كنت اقصد ان فكرة التصميم تعتمد على المواد وتحديد المناسب من كل مادة للغرض المطلوب والتناسق بين المواد المختلفة والالوان والتنسيق مع المبنى وخدماته وغيرها من افكار ودراسة قبل الوصول للتصور اللي يظهر في الرسم

[jaidana]

انا لما دورت بالنت ما كان له دخل بالديكور لاني توقعت انه هندسة لكن طلع غير والمصمم لازم يكون لام بشغل المهندس المعماري عشان افياش الكهرباء وغيره من المواد اللي تطلع من المبنى مثل الجدار (الطوفة) اما الباقي كله رسومات بالبرامج

[sweet qatar]

ان شاءالله المهتمين في هالموضوع يدخلون هني ..
عندنا سويت قطر بعد فنانه في هالمجال اكيد ان شافت هالموضوع بترد عليج

شهادة أعتز فيها حبيبتي ساره :o

ان شالله برد في الموضوع الثاني عشان اختنا ما تتشتت

[معماري قطري]

شكرا اخوي عالرد بس اعتقد مافهمت قصدي ..احنا عندنا في جامعة فرجينيا قسم تصميم داخلي فهل ياترا فيه مصممين قطريين لان احنا اعتمادنا عالمقيمين وانا حابة ادرس هالتخصص لاني حاولت اطلع من النت بس ماحصلت الا كم وحدة ..وشنو تقصد بكون الخامات مش موجوده ليش هم مايعتمدون على الخامات المتوفرة بالسوق المحلي ؟؟ وبنفس الوقت هل هالتخصص فيه نسبة ربح عالية بحالة اني فتحت مشروع او الربح ضعيف ؟ عالاقل اتجنب اني ادرسه وعقب اكتشف ان القطريين وايد بهالمجال وفوق هاي اخسر فلوسي بدراسة ما بتفيدني بشي بسوقنا المحلي ...
وشكرا لك عالرد


عرفت مرة واحد وزوجته من خريجي هذي الجامعة وشغالين للنخاع في الديكور وشغلهم ماشي .. من زمان ما ادري شصار معاهم الحين

[jaidana]

عرفت مرة واحد وزوجته من خريجي هذي الجامعة وشغالين للنخاع في الديكور وشغلهم ماشي .. من زمان ما ادري شصار معاهم الحين


يعني الحين أي مكان افضل www.bircham.me جامعة معتمدة بقطر كدبلوم او بكالريوس وتاخذ 4 سنوات او الموقع www.nyiad.edu اللي قالت عنه شموخ مع بعض الميزات اللي هي عضوية بامريكا وعرض للتصاميم الخاصة بمدة سنة ونص ؟؟

[معماري قطري]

يعني الحين أي مكان افضل www.bircham.me جامعة معتمدة بقطر كدبلوم او بكالريوس وتاخذ 4 سنوات او الموقع www.nyiad.edu اللي قالت عنه شموخ مع بعض الميزات اللي هي عضوية بامريكا وعرض للتصاميم الخاصة بمدة سنة ونص ؟؟

يا اختي ما عندي خبرة أكيدة في الجامعات ولا الدراسة أونلاين أو دبلوم .. شوفي شالأسهل لج واللي يناسب .. انا فتحت موقع شموخ وشموخ دوم نصايحه طيبة وهو اونلاين وممكن أسهل لج تتعاملين معاه بس تحتاجين مكتب وكمبيوتر شاشته كبيرة .. سوي مثلي مركب شاشة تلفزيون 49 بوصة ومخليها بعيدة عني حول متر

الثانية لو معترف بشهادتها في قطر بعد جيدة .. والله اتمنى تشاركينا الدراسة هنا ويمكن نناقش المواضيع وتترسخ أكثر .. 130 وحدة دراسية قصدهم ساعة دراسية وهذا كل كورس بياخذ نفس النظام التقليدي من شهرين لثلاث شهور ولو خذتي مثلاً عشرين ساعة في كورس تحتاجين تشاركين المحاضرات 20 ساعة اسبوعياً حسب الجدول

ما ادري شلون تسجيل الحضور والمتابعة اونلاين وأكيد العملية وايد أسهل بس أكيد فيه لها ضوابط والتزام ومقاربة للنظام التقليدي

الله يوفقج في اي خيار

[معماري قطري]

انا لما دورت بالنت ما كان له دخل بالديكور لاني توقعت انه هندسة لكن طلع غير والمصمم لازم يكون لام بشغل المهندس المعماري عشان افياش الكهرباء وغيره من المواد اللي تطلع من المبنى مثل الجدار (الطوفة) اما الباقي كله رسومات بالبرامج

كلام صحيح هندسة الديكور تختلف عن التصميم الداخلي وهندسة الديكور علم قديم وهو علم يختص بتصميم أثاث أكثر منه من تصميم الحيز اللي بنعيش فيه أو بنستخدمه للشغل أو الصناعة أو معرض مبيعات .. التصميم الداخلي يحتاج خلفية هندسية بدون تعمق كبير مثل التخصصات الهندسية والمصمم الداخلي يفترض يكون جزء من فريق التصميم وكلهم المفروض تحت قيادة المعماري لأنه هو الأساس .. لكن الحاصل عندنا نحصل مهندس كهربة يقود فريق التصميم ولازم تحصل مشاكل تصميمية أو ادارية في المشروع وقت التنفيذ .. الخلفية العلمية ما تؤهله ببساطة وممكن يتابع مع معماري مغلوب على أمره وينفذ أوامر أو خبرته ضعيفة وهذي معادلة فشل كبيرة اتمنى من المسؤولين فهمها

[jaidana]

والله مادري اشلون لاني فعلا محتارة بس بشوف شموخ شتقولي وعلى اساسه بختار انشالله

[معماري قطري]

والله مادري اشلون لاني فعلا محتارة بس بشوف شموخ شتقولي وعلى اساسه بختار انشالله

شموخ دائم شخص مب شخصه ما تشوفينه خبرة في الطابوق والبلاط والحجر .. هذي الشخصات ما يشيلونها

[jaidana]

شموخ دائم شخص مب شخصه ما تشوفينه خبرة في الطابوق والبلاط والحجر .. هذي الشخصات ما يشيلونها

تفشلت هههههه وحلوه شخص مب شخصه اوك وانشالله اكون بعد انا خبرة واستعين فيكم بيوم من الايام