استفسار عن دراسة التصميم الداخلي للديكور

[jaidana]

اخواني واخواتي ..حابه استفسر عن التصميم الداخلي (الديكور الداخلي) هل عندنا وايد قطريين مصممين او لا ؟ وياترا هل اشتغلوا بشهاداتهم في اعمال خاصة ؟؟ اقصد عندهم

شركات او عمل خاص فيهم ؟؟ وهل المربح جيد في التصميم الداخلي ؟؟

لان اللي اعرفه الأسعار نار عندنا في قطر لمجرد تعديل ديكور بالصالة مثلا ،، فحابه اعرف قبل ما ادرس التصميم الداخلي .. وهاي بعض الأشياء اللي ممكن توضح لكم موضوعي اكثر لاني

نزلته بقسم ثاني وماقصروا الأعضاء عطوني آرائهم

دبلوم واقل شي 3 سنوات او 4 والبكالريوس 5-6 سنوات هاي في عمان بس بحط لكم النقاط وانتو فهموني عدل قبل كل شي عشان استفيد منكم

1-انا استفسرت عن دورات الاوتوكاد لكن للأسف العطية ما يطرحونها والباقي ماعتقد انهم اوك لان هالتخصص يبي 2D+3D وبالاضافة لل 3D max وهالاشياء ما تنطرح الا قليل واعتقد ما

يعطون كامل ،، كلمت واحد انجليزي وطلع من اصل هندي وقالي كبداية بيعطيني 8 حصص بمبلغ 3500 QR وفي 4 ايام وقالي انه تعاون بلوسيل والريل الخط الاخضر وسدرة فاذا احد يعرف

هناك احد اسأل عنه وطبعا فرق بينه وبين المراكز الثانية لان الساعات اكثر هناك والسعر تقريبا 2500 ان كان خاص والباقي 1800 ريال و 3 مرات بالاسبوع بمقدار 3 ساعات تقريبا ومادري

اي المراكز معتمدة من الدولة تدرون بهالمشكلة ؟؟..وهذاقال بيعطيني شهادة معتمدة من جامعة بريطانية لانه مدرس فيها.

2-وانا ماقدر اسافر للدراسة بره واهني في فرجينيا وهالدراسة يبيلها تفرغ كامل وبالاضافة اسعار جامعة فرجينيا عالية فافضل معهد او جامعة معتمدة في التعليم ادخل عليه اونلاين ويعطي

شهادة معتمدة واني اصمم ويشوفونها كhome work لان لازم الرسم والتخطي عشان يصير نجاح تمام من وجهة نظري …فاذ احد يعرف جامعات اونلاين ياريت يكتب لي مثل جامعة

بيرشام البريطانية اللي معترف فيها من التعليم العالي بس مادري هل اونلاين او لا https://www.bircham.me

3-هل هالدراسة ناجحة كبزنس لاني ابيها كبزنس خاصة ان اللي عندنا اغلبهم أجانب ويبون جنسيات معينة وما يعترفون بالقطريين واللي اعرفه ان اسعارهم نار ..

4- ابي مراكز اتعلم اوتوكاد (3D+2D) ومعتمدة من التعليم بالإضافة ل 3D Max والعطية ماعندهم للأسف ونفس الشي غرفة التجارة ولا الجزيرة ..

5-ابي جامعات اتدرس اونلاين وبجامعات معتمدة عندنا..


فياريت اتفيدوني

[ابو عبدالله.]

اذا بفيدك بشي فهو كالتالي

وزاره التربيه سمحت بتخصصات اون لاينفأسألي اذا هالمجال من ضمنهم واذا موجود فأكيد محددين جامعات معينه و عندهم لسته بالاسماء

عن البريطاني اذا متأكده من نزاهه شهادته و بيسجلك في احد الجامعات مثلا كوني مطلعه ع التسجيل بنفسك ولا تقبلين شهاده هو يحضرها لك باليد

اي شهاده بيعطيك لازم تكون عبر معهد او كليه ولك تسجيل طالب او ملتحق و رسوم تسجيل و دراسه فتأكدي من وجود هالامور

انا اشوف المجال واعد لكن الحذر من كونه التخصص الوحيد او مصدر الدخل الوحيد لك

يعني خلي لك خط رجعه و وجود مهنه او شهاده توظفك في كل مكان و ليس فقط التصميم الداخلي

توجد اسواق لهذا التصميم غير فلل القطريين

تصميم الابراج و المباني داخليا كتوزيع المكاتب و القاعات الخ

المخازن للشركات و المحلات الكبيره لوكالات المنتجات الفخمه

اليخوت و الشقق الفخمه

بوثات المعارض العامه و اقصد بها. مقرات الشركات في المعارض التجاريه و البيئيه و العقاريه

ما ادري اذا المجال يشمل تصاميم الحدائق او لا لكن ايضا لها زبائنها

اذا حصل و دخلتي المجال. احرصي ان تشمل دراستك على عناصر السلامه المهنيه و الصحه لانها متطلب مهم اثناء التصميم الداخلي خصوصا للابراج و المخازن و طرق التهويه و المخارج اثناء الطوارئ

هالشغله توفر ملايين على الملاك عند طلب رخصه دفاه مدني لاي مبنى و منها التصميم الداخلي للمبنى و توزيعاته

بالتوفيق

[ابو عبدالله.]

حتى البلديه لها اشتراطات للتصميم الداخلي للمباني فكوني مطلعه عليها قبل البدأ بفتح مكتب للتصميم

[مهندس مقيم 2]

برأيي الشخصي فالتصميم الداخلي مهنة حلوة و خصوصا لو الشغل لحسابك الخاص مما يعطيك المرونة في الوقت و الجهد المخصصين للعمل. و لو كانت هده خطتك فما اتوقع ان الشهادة مهم مصدرها مثل ما هو مهم يكون عندك بورتفوليو (ملف عرض اعمالك) تقدري تورجيه للزبون عشان يقتنع بامكانياتك. الزبون ما راح يهمه من وين حصلتي الشهادة.

الأخ اللي علق فوق عنده خلط بين المهندس المعماري و المصمم الداخلي. أغلبية النقاط الي دكرها مهمة جدا لكنها ليست من اختصاص المصمم الداخلي. شغل المصمم الداخلي يتعلق بالمفروشات و التشطيب من دهان و ورق جدران و غيره بشكل اساسي، و معظم دخلك راح يكون من العمولات الي بتحصليها من المحلات اللي اتدلي الزبون يشتري منها و هدا يعني انه المصصم الداخلي لازم يكون قادر على بناء علاقات جيدة مع التجار.

آمل اني افدتك و اعتدر انه حرف الدال بنقطة خربان عندي ههههه

[jaidana]

مشكورين اخواني وتسلمون عالاشياء الحلوة اللي حمستني وايد لكن عندي بعض الاستفسارات بعد طيب اللي اعرفه ان الافضل يكون الشرح واقعي مش اونلاين خاصة بالنسبة للخامات لمعرفتها لاني سألت في كذا جامعة وبنفس الشيء وخاصة اني ابي بالعربي والجامعة اللي حطيت موقعها معتمدة من التعليم لكن مش عارفة اونلاين ولانهم يدرسون بالعربي انا اذا ابي انجليزي بس المصطلحات المهمة ..
وطيب اتعرفون موقع ممكن لو ادفع فيه بس يعطيني شهادة معتمدة وتكون الدراسة فيه مثل الدراسة الجامعية يعني اخذ دبلوم او بكالريوس ؟؟
واخوي بوعبدالله تبي الصراحة انا متخوفة من هالهمد س يقولي انه عنده ماستر لكن الخوف من كونه انه عادي ومثلماذكرت قال انه تعامل بالريل وسدرة لكن مادري خاصة ان سعره خلال 4 ايام توووومتش. لان اهم برنامج هو الاوتوكاد و4 ايام بس عشان اخلص كمبتدأ 🤔🤔🤔 خاصة ان فيه اوامر اشكثر لكن نقطتك نبهتني ولله الحمد... واخوي المهندس المقيم اذا امكن التواصل معاي عالخاص ؟؟
واذا عندكم بعد مواقع اتفيدني ياريت اتحطونها .. وتسلمون

[qatarman8008]

الدراسة اعتقد ممكن تكون عند احد المعاهد المشهورة بهالمجال..
طبعا بيكون التدريب يركز على كيف استخدام البرنامج ..
ثم المهم والاهم وهو استلهام الفكرة والتصاميم هذي لازم تشتغلين في شركة متخصصة بهالمجال حتى لو براتب رمزي..

[sweet qatar]

يا هلا و مرحبا


هل عندنا وايد قطريين مصممين او لا ؟ وياترا هل اشتغلوا بشهاداتهم في اعمال خاصة ؟؟ اقصد عندهم

شركات او عمل خاص فيهم ؟؟ وهل المربح جيد في التصميم الداخلي ؟؟

نعم عندنا مجموعة من القطريين في هالمجال ولكن ما اثبتوا وجودهم في السوق او دخلوا وخرجوا بخسارة لأسباب

منها ان واقع العمل مختلف عن الدراسة .. والبعض تسرع وفتح مكتب والمفروض ياخذون خبرة في شغل المقاولات قبل لا تتحطم تصاميمهم بسوء التنفيذ

لكن لا زال البعض منهم صامدين و في طور التعلم والتطور والله يوفقهم

اختي المصمم الداخلي مب شرط يتعامل مع برامج التصميم

الاساس رغبة العميل و تقييم المكان والميزانية وتحقيق تناغم ما بينهم اما المخططات ممكن يسوونها الرسامين

طبعا الشغل الاحترافي يتطلب معرفة بسيطة بالهندسة وهو رسم المخطط floor plan و رسم sketch وهذا تقدرين تسوينه باليد

التصميم يتطلب فهم الالوان و عمقها و الخامات واستعمالاتها

المنتج الاساسي للمصمم الداخلي هو design board عبارة عن تجميع الافكار والخامات وعرضها على العميل

و المنتج النهائي عبارة عن مخططات موضحة بالسانتي للأثاث والاضاءة و الافياش و تصميم الطوفة وتصميم السقف وتصميم الارضية لضمان تنفيذ التصميم بطريقة صحيحة


التصميم الداخلي مثل الرسم ممكن الواحد يدرسه بشكل اكاديمي ويمكن يمارسه

او ممكن يشتغل مندوب مبيعات و مسوق مثل ما قال الاخ مهندس مقيم لأن هذا الدارج والي يحقق ربح

[sweet qatar]

نسيت اذكر اني درست دبلوم التصميم الداخلي online

عن طريق هالموقع

https://www.nyiad.edu

تاخذين منه شهادة عملية وليست اكاديمية

بالتوفيق ان شالله

[blueZircon]

والله الاسعار للتصميم الداخلي مبالغ فيها صحيح، وفوق هذا كله اسعارهم ماتشمل خدمة المتابعه مع المقاول اللي راح ينفذ التصميم. عن نفسي انا صممت بيتي مع مهندس تصميم داخلي بالاوروغواري وكلفني التصميم للبيت كامل تقريبا اقل من عشرين الف.

[jaidana]

نسيت اذكر اني درست دبلوم التصميم الداخلي online

عن طريق هالموقع

https://www.nyiad.edu

تاخذين منه شهادة عملية وليست اكاديمية

بالتوفيق ان شالله

شكرا يا سويت على المعلومات ،،وممكن اتواصل معاج عالخاص عشان موضوع الدراسة

[jaidana]

والله الاسعار للتصميم الداخلي مبالغ فيها صحيح، وفوق هذا كله اسعارهم ماتشمل خدمة المتابعه مع المقاول اللي راح ينفذ التصميم. عن نفسي انا صممت بيتي مع مهندس تصميم داخلي بالاوروغواري وكلفني التصميم للبيت كامل تقريبا اقل من عشرين الف.

والله زين عطني عيل عنوانه عشان اشوف شغله

[معماري قطري]

اختي التخصص قوي ومطلوب ومرغوب وموجود في جامعة فرجينيا بس قوي ومتعب والفرص للعمل كثيرة سواء حكومي أو خاص

عن الاوتوكاد انا سويت دورة هنا في المنتدى قبل بس محد كان مهتم يتابع بالتجريب وصراحة الاوتوكاد بحر غزير يحتاج لممارسة دايمة وكذلك يحتاج لخبرة في التصميم .. انا درسته بروحي سنة 1995 اعتقد مع اصدار 12 وقريت كتاب كامل وتابعت فيه للمؤلف المشهور اومورا في هذا المجال .. الكتاب كان من 1200 صفحة وبعدها نزلوا اصدارات كثيرة آخرها عندي 2018

درست في الاردن في دورة اوتوكاد 2 دي و 3 دي بس صراحة كنت اعرف أشياء أكثر من المدرس وكنت اجرب طرق ثانية وهو يشرح طريقة مطولة حق مسئلة وانا اتدخل واشرح الطريقة الأقصر .. مرة قال لي لو كلامك طلع صح بتكون علمتني شيء ما عرفته من قبل وكنت واثق من نفسي لأني مجرب من دقايق وطلع صح

هذي نصيحتي استثمري في نفسج وفي قراءتج لكتاب والمتابعة مع البرنامج ولازم تكون عندج مباديء التصميم ولو تبين تسئلين عن شيء معين انا حاضر الامور سهالات .. الكتب بتحصلينها في موقع 4shared.com سوي بحث باسم الاوتوكاد بتطلع عشرات الكتب

[jaidana]

شكرا اخوي بس دراسته عربي او انجليزي انا ماحب اقرا انجليزي واهني اللي يعلمون كلهم بالانجليزي في المراكز اقصد وشكلي باخذ دورة بنفسي اونلاين مع انها انجليزي بعد بس يكون افضل 😔 وبالنسبة للجامعة انا ما اقدر لاني موظفة والدراسة هناك بعد انجليزي ..ولا حابة اتخصص فيه عشان الخامات لاني صراحة ماعرف شي فيها لكن حابة التخصص لانه قليل بالبلاد

[معماري قطري]

شكرا اخوي بس دراسته عربي او انجليزي انا ماحب اقرا انجليزي واهني اللي يعلمون كلهم بالانجليزي في المراكز اقصد وشكلي باخذ دورة بنفسي اونلاين مع انها انجليزي بعد بس يكون افضل �� وبالنسبة للجامعة انا ما اقدر لاني موظفة والدراسة هناك بعد انجليزي ..ولا حابة اتخصص فيه عشان الخامات لاني صراحة ماعرف شي فيها لكن حابة التخصص لانه قليل بالبلاد

هذي البرامج والدراسات ما تنفع عربي لو لج نية وعندج عزيمة طوري نفسج وابدي بدراسة الانجليزي بتعمق أو تعلمي هذي البرامج كهواية بالانجليزي بعد .. فيه كتب بالعربي بس غش وما افضلها حسب تجربتي اللي نقلتها

ميزة هذي الدراسة ودراسة العمارة وهي فرع من العمارة إنها دراسة تنحب وتنعاش وتحتكين بها دوم وفيها فن وذوق وعلم وتراكم خبرات .. حتى الشغل الخاص أو البزنس انا اشوفه بعد الخبرة أو عشر سنين في الشغلة زين لكن من بعد التخرج غلط وغلط كبير

[ابو عبدالله.]

برأيي الشخصي فالتصميم الداخلي مهنة حلوة و خصوصا لو الشغل لحسابك الخاص مما يعطيك المرونة في الوقت و الجهد المخصصين للعمل. و لو كانت هده خطتك فما اتوقع ان الشهادة مهم مصدرها مثل ما هو مهم يكون عندك بورتفوليو (ملف عرض اعمالك) تقدري تورجيه للزبون عشان يقتنع بامكانياتك. الزبون ما راح يهمه من وين حصلتي الشهادة.

الأخ اللي علق فوق عنده خلط بين المهندس المعماري و المصمم الداخلي. أغلبية النقاط الي دكرها مهمة جدا لكنها ليست من اختصاص المصمم الداخلي. شغل المصمم الداخلي يتعلق بالمفروشات و التشطيب من دهان و ورق جدران و غيره بشكل اساسي، و معظم دخلك راح يكون من العمولات الي بتحصليها من المحلات اللي اتدلي الزبون يشتري منها و هدا يعني انه المصصم الداخلي لازم يكون قادر على بناء علاقات جيدة مع التجار.

آمل اني افدتك و اعتدر انه حرف الدال بنقطة خربان عندي ههههه

عفوا اخوي اذا تعليقي ظهر مخلوط بين المعماري و الداخلي

ما اعتقد فهمت قصدي

المصمم الداخلي ليس فقط الفرش و الاناره و هالامور

ايضا يصمم بارتشنات و توزيع المكاتب بالابراج لافضل استخدام و مساحه

وهذا يتطلب درايه بأمور الدفاع المدني من حيث توزيع المكاتب بحسب كفائه مرشات الماء للاطفاء و التهويه و ضغط الهواء بين المكاتب و الابواب و الممرات

هناك تفتيش مخصص لضغط الهواء بأي برج فأذا المصمم الداخلي خطط المكاتب و توزيعها و ابوابها بطريقه خطأ فسيفشل اخبتار ضغط الهواء

هالامور انا مطلع عليها و عارف ان المعماري يصمم مع امور الدفاع المدني لكن البارتشنات و تغييرها و المساحات تكون مع المصمم الداخلي و مكاتب تاخذ 75 الف ريال بس عشان تختم لاي شركه تحط بارتشنات بحسب حاجتها

يمكن انت تفهم اكثر مني بالمجال لكن انا امشي رخص الدفاع المدني لجهه عملي و الموافقات من الدفاع المدني و البلديه وكلن له متطلباته

تصميم البارتشن يتطلب تصميم داخلي للمبنى و للممرات و ارتفاع الحواجز بالتناسب مع مرشات الماء و حساسات الدخان و لوحات المخارج المضيئه و البانل لوحه تجمع اسلاك انظمه السلامه. و كلها تتغير مع التصميم الداخلي للمبنى بحسب حاجه الشركات المستأجره للادوار

[Azizuk]

اختي التخصص قوي ومطلوب ومرغوب وموجود في جامعة فرجينيا بس قوي ومتعب والفرص للعمل كثيرة سواء حكومي أو خاص

عن الاوتوكاد انا سويت دورة هنا في المنتدى قبل بس محد كان مهتم يتابع بالتجريب وصراحة الاوتوكاد بحر غزير يحتاج لممارسة دايمة وكذلك يحتاج لخبرة في التصميم .. انا درسته بروحي سنة 1995 اعتقد مع اصدار 12 وقريت كتاب كامل وتابعت فيه للمؤلف المشهور اومورا في هذا المجال .. الكتاب كان من 1200 صفحة وبعدها نزلوا اصدارات كثيرة آخرها عندي 2018

درست في الاردن في دورة اوتوكاد 2 دي و 3 دي بس صراحة كنت اعرف أشياء أكثر من المدرس وكنت اجرب طرق ثانية وهو يشرح طريقة مطولة حق مسئلة وانا اتدخل واشرح الطريقة الأقصر .. مرة قال لي لو كلامك طلع صح بتكون علمتني شيء ما عرفته من قبل وكنت واثق من نفسي لأني مجرب من دقايق وطلع صح

هذي نصيحتي استثمري في نفسج وفي قراءتج لكتاب والمتابعة مع البرنامج ولازم تكون عندج مباديء التصميم ولو تبين تسئلين عن شيء معين انا حاضر الامور سهالات .. الكتب بتحصلينها في موقع 4shared.com سوي بحث باسم الاوتوكاد بتطلع عشرات الكتب


ماشاءالله عليك يامعماري والله اني عارف انك راح تشارك وراح تنفع أعضاء المنتدى وصاحبة الموضوع

[jaidana]

طيب اخوي معماري قطر الأخت sweet Qatar كتبت موقع امريكي شفته لكن هالدراسة اتكفي مدة تقريبا سنة ونص لأن اللي
شفته بالجامعات كدبلوم 5 سنوات والبكالريوس 6 سنوات فهل يا ترا هالمدة كافية لانها تعطي عضوية RIDQC بالإضافة ل DSA ومن أمريكا اعتقد ولا ابدل للجامعة البريطانية تقريبا 3 سنوات للدراسة اعتقد كدبلوم فما اعرف .. وهل الأفضل ادرس
اوتوكاد و 3D Max وعقب اكمل التصميم ولا كلهم مع بعض

[معماري قطري]

عفوا اخوي اذا تعليقي ظهر مخلوط بين المعماري و الداخلي

ما اعتقد فهمت قصدي

المصمم الداخلي ليس فقط الفرش و الاناره و هالامور

ايضا يصمم بارتشنات و توزيع المكاتب بالابراج لافضل استخدام و مساحه

وهذا يتطلب درايه بأمور الدفاع المدني من حيث توزيع المكاتب بحسب كفائه مرشات الماء للاطفاء و التهويه و ضغط الهواء بين المكاتب و الابواب و الممرات

هناك تفتيش مخصص لضغط الهواء بأي برج فأذا المصمم الداخلي خطط المكاتب و توزيعها و ابوابها بطريقه خطأ فسيفشل اخبتار ضغط الهواء

هالامور انا مطلع عليها و عارف ان المعماري يصمم مع امور الدفاع المدني لكن البارتشنات و تغييرها و المساحات تكون مع المصمم الداخلي و مكاتب تاخذ 75 الف ريال بس عشان تختم لاي شركه تحط بارتشنات بحسب حاجتها

يمكن انت تفهم اكثر مني بالمجال لكن انا امشي رخص الدفاع المدني لجهه عملي و الموافقات من الدفاع المدني و البلديه وكلن له متطلباته

تصميم البارتشن يتطلب تصميم داخلي للمبنى و للممرات و ارتفاع الحواجز بالتناسب مع مرشات الماء و حساسات الدخان و لوحات المخارج المضيئه و البانل لوحه تجمع اسلاك انظمه السلامه. و كلها تتغير مع التصميم الداخلي للمبنى بحسب حاجه الشركات المستأجره للادوار

يا بو عبدالله اللي شفته في برج التخطيط العمراني بعيد كل البعد عن موافقات الدفاع المدني وعن حتى الاحساس بمخاطر الحريق .. دخلت دور فيه مكاتب وفيه بارتشنات وفيه ساحة وسطية تمر منها لمخرج الطواريء ومنه للدرج .. لكن مع استمرار الشغل سكروا هذا الممر ببارتشنات اضافية تبين من تركيبها إنها إضافة عشوائية وأجهزة تصوير وطابعات كبار .. المخرج بصعوبة تقدر تشوفه والمبنى يزورونه مئات الغرب عنه

من جانب ثاني الروضة اللي جنب بيتي حوشها كله صفوف من ورا الا من جدام فيها حوش مستغرب شلون الدفاع المدني ما يفتش تفتيش دوري ويطلب تصليح هذي الأُمور

من النكت اللي صارت معاي في شغلي طلبت جهة عمل مخزن رحت لهم ووديت معاي مخطط المباني والطرق وزين كنت دارسه سريع وعارف تفاصيله .. يوم وصلت سئلت عن المكان الا يوجهني المسؤول لمهبط هيليكوبتر قال نبيه هنا .. قلت له هذا مهبط هيليكوبتر قال عمرها ما نزلت هنا .. قلت حتى ولو بعدين انتوا لازم تخلون المكان نظيف وخالي من أي شيء ممكن يطير ويضرب حد والا الطيارة لو نزلت .. كانت فيه أخشاب وتواير .. الناس عايشين على البركة والله عندنا

[معماري قطري]

ماشاءالله عليك يامعماري والله اني عارف انك راح تشارك وراح تنفع أعضاء المنتدى وصاحبة الموضوع

قلت تجربتي الله يسلمك وانا ما تعمقت وايد وصراحة مليت من تغيير كل اصدار .. قبل حتى الثري دي تمكنت منه وسويت تشبيه للظل واتجاهه على مدار اليوم وتأثير الشمس على المبنى وهذا قليل يعرفون هذي الميزة في الاوتوكاد .. وكذلك وضعه في أي مكان في الكرة الأرضية وتشوف تأثير الشمس في أوقات مختلفة من السنة

[معماري قطري]

طيب اخوي معماري قطر الأخت sweet Qatar كتبت موقع امريكي شفته لكن هالدراسة اتكفي مدة تقريبا سنة ونص لأن اللي
شفته بالجامعات كدبلوم 5 سنوات والبكالريوس 6 سنوات فهل يا ترا هالمدة كافية لانها تعطي عضوية RIDQC بالإضافة ل DSA ومن أمريكا اعتقد ولا ابدل للجامعة البريطانية تقريبا 3 سنوات للدراسة اعتقد كدبلوم فما اعرف .. وهل الأفضل ادرس
اوتوكاد و 3D Max وعقب اكمل التصميم ولا كلهم مع بعض

والله يا اختي ما عندي فكرة .. طول الفترة في الدراسة خصوصاً في أمريكا بسبب إن البرنامج الدراسي طويل أصلاً .. السنة ونص قد تكون للبرنامجين فقط وهذي فترة معقولة وأكيد ما بتكونين ملمة بكل خبايا البرنامج

بعدين هذي البرامج أدوات للتصميم لكن مهم تكون عندج أبجديات التصميم وأساسياته .. والأفضل لو لج نية تدرسين التصميم سواء تصميم معماري أو داخلي بعدين تتجهين لهذي البرامج أو بالتزامن مع دراستج .. إحنا جامعتنا كانت جامعة ميامي ودرست فيها هندسة مدنية وهندسة معمارية ووقتها كان الكورس الوحيد للكمبيوتر كورس الفورتران وهي لغة برمجة للكمبيوتر للاستخدام الهندسي وكورس غبي وصعب ما له داعي في تطور البرامج ووجود برامج جاهزة ما نحتاج نبتكرها ألحين

في سنة 1990 الى 1993 كان الاوتوكاد قليل مشتهر وكورسات الرسم كلها يدوية في الجامعات وألحين الوضع يختلف أتوقع يدرسون اوتوكاد أول بأول

[ابو عبدالله.]

يا بو عبدالله اللي شفته في برج التخطيط العمراني بعيد كل البعد عن موافقات الدفاع المدني وعن حتى الاحساس بمخاطر الحريق .. دخلت دور فيه مكاتب وفيه بارتشنات وفيه ساحة وسطية تمر منها لمخرج الطواريء ومنه للدرج .. لكن مع استمرار الشغل سكروا هذا الممر ببارتشنات اضافية تبين من تركيبها إنها إضافة عشوائية وأجهزة تصوير وطابعات كبار .. المخرج بصعوبة تقدر تشوفه والمبنى يزورونه مئات الغرب عنه

من جانب ثاني الروضة اللي جنب بيتي حوشها كله صفوف من ورا الا من جدام فيها حوش مستغرب شلون الدفاع المدني ما يفتش تفتيش دوري ويطلب تصليح هذي الأُمور

من النكت اللي صارت معاي في شغلي طلبت جهة عمل مخزن رحت لهم ووديت معاي مخطط المباني والطرق وزين كنت دارسه سريع وعارف تفاصيله .. يوم وصلت سئلت عن المكان الا يوجهني المسؤول لمهبط هيليكوبتر قال نبيه هنا .. قلت له هذا مهبط هيليكوبتر قال عمرها ما نزلت هنا .. قلت حتى ولو بعدين انتوا لازم تخلون المكان نظيف وخالي من أي شيء ممكن يطير ويضرب حد والا الطيارة لو نزلت .. كانت فيه أخشاب وتواير .. الناس عايشين على البركة والله عندنا

صبحكم بالخير

يا حبك للنقاش و قصص الذاكره. قلبه محروقه ههههه

فديت خشمك. يمكن قبل كانت العمليه مش مضبوطه عدل

الحين رخصه الدفاع كل سنتين يفتشون المباني ومن ضمنها الممرات و عوائقها. حتى لو حد غير. بعد انتهاء الترخيص يجدد و يفتش عليهم

حتى السجل التجاري لا يجدد بدون رخصه الدفاع
و البلديه لهم اشتراطات لتوزيع المكاتب لكن مش بتعقيدات رخصه الدفاع لان مطالبهم تختلف عن مطالب الدفاع المدني فكلن يغطي متطلباته

انا مطلع تماما بشروط الدفاع و اعرف ان بعض الحالات تحول للنيابه بسبب اخلال شروط الرخصه

للعلم اخوي معماري الدفاع المدني و اجهزه الدوله تطورت بأنظمه عالميه وفعلا شغلهم على مستوى

عشان ارخص مستودع كيماويات اخذت ثمان شهور بس عشان شرطين ناقصين

و مبنى تم وقف رخصته لين عدلوا امور بمئات الالاف خلال مده سنتين شغل جامد يعني

لو تشوف الي شفته في كثير من الوزارات بتعرف حجم التطور الي احنا فيه. والله نعمه الله يديمها

بس روح مركز فحص الاغذيه بالصحه وكيف يفحصون كل منتج يدخل الدوله او ينتج بقطر

على فكره. قطر تجاوزت دول متقدمه في المعايير و الخدمات وبعضهم يجون يشوفون تجارب قطر في ميادين متعدده

[معماري قطري]

الله يحفظك يا بو عبدالله

هذا من فترة مب طويلة .. كذلك التكدس والزحمة في بعض الأبراج وانتظار المصاعد هذا شيء يبي له حل .. الطاقة الاستيعابية لممر ضيق كل دقيقة تنحسب ولها حسابات هندسية لتجديد الهواء ولطريقة الخروج السريع

الحضانة اللي جنب بيتي ملاصقة فيه اشوف حوشها من فوق كله مسكر بشينكو محد يشوف الشمس ومكيفات سبلت لا تدوير هواء نقي ولا نفس صحي .. واللي اشتغلوا في التوسعة اشتغلوا آخر الليل مثل عصابات السرقة

الجملة الأخيرة صعبة طول ما العقاب لو حد خالف بسيط وبعضهم ما عليهم عقاب

أمس رحت فندق ازدان بالاس معزوم على عرس ووقفت سيارتي في البيسمنت .. تعال معاي لو حاب تشوف المخالفات الواضحة لأُسس تشغيل المبنى .. صحيح مركزين على اطفاء الحريق ومضخات كبيرة جاهزة تحت بس شفت كيبل منزل من السقف وممدد على الأرض لين لوحة المفاتيح .. شغل ارتجالي وممكن يتسبب في كارثة والكيبل مب صغير .. هذا غير عن تغييرات كثيرة حصلت في البيسمنت ووصاخة وغبار وكتمة

بعض البنايات والعمارات ما تحتاج تركب فيها مضخة اطفاء ذاتي تشتغل بديزل ونظام مكلف ومعقد ويحتاج خبرة خاصة .. لو يوفرون نقاط تحرك سريع قريبة وآليات اطفاء حكومية بتكون العملية أسهل وأوفر للمجتمع .. الانذار والطفايات اليدوية وأبواب الحريق هذي تكفي لبداية الحدث

إحنا عانينا من مشاكل هذي المضخات ولا مرة اشتغلت تلقائياً .. حتى باب الحريق اللي المفروض من يفتحه الواحد يشتغل الانذار مفتوح في طواريء مستشفى حمد للي يبي يدخن برا .. ومساء الخير للصديق العزيز حمد بن عثمان الدهيمي والله يعينه ويوفقه في تطوير الدفاع المدني

[jaidana]

وانت يا معماري قطر صج قلبك محروقه يا معماري ههههه بالنسبة لجهاز الانذار انا ملاحظة ان عندنا بالشغل كل يوم

والثاني يشتغل حتى ان المطافي ملوا منا كل هذا للاسف ان مافي اي تخطيط عدل لكن اتوقع المباني

الجديدة تكون الرقابة عليها اقوى من قبل ...

[معماري قطري]

وانت يا معماري قطر صج قلبك محروقه يا معماري ههههه بالنسبة لجهاز الانذار انا ملاحظة ان عندنا بالشغل كل يوم

والثاني يشتغل حتى ان المطافي ملوا منا كل هذا للاسف ان مافي اي تخطيط عدل لكن اتوقع المباني

الجديدة تكون الرقابة عليها اقوى من قبل ...

شغل غش وشركات كئيبة ومهندسين أي كلام يلعبون والتخطيط يمشي لعبهم وحتى الدفاع المدني .. مسوين لمنطقة جديدة للحين ما فيها صرف صحي تمديد لمياه الحريق المضغوطة .. تخيلت إني داخل منطقة صناعية أو خطر الحريق فيها عالي وهي منطقة سكنية 10% مبنية تقريباً .. المشكلة الطرق مؤقتة وممكن يستوي توسيع أو تغيير وروس البايبات طالعة من مكان لمكان حتى بعض اللي يسوقون عادي ينزل حصى وممكن يصطدم بالراس اللي يشبكون معاه خرطوم المياه لمكافحة الحريق .. حسسوني إني في نيويورك أو منطقة الأبراج

سيارة جاهزة ستاند باي تكفي وجنبها غرفة كمركز صغير لإستراحة سايق أو اثنين للتحرك السريع .. وهذي البيبات محد يفتحها ويشبكها الا رجال الدفاع المدني المختصين يعني بتجي السيارة بتجي

[jaidana]

هذا انت قلت مهندسين اي كلام احنا نبي بلادنا 👍🏻👍🏻👍🏻

مانبي غش بالشركات قلازم نصير شي حلو ومثال يقتدى فيه

ولله الحمد البلاد اشكثر فيها من خريجيين هندسة لكن للاسف

لحد الحين يعينون بالواسطة ويجيبون ...... والباقي بالبيت

لكن احنا نبي البلاد تقوم لكن بشركات مش همها الفلوس وبس

فلازم التشييك الكامل من كل انواع المهندسين لكل المباني والتعاون مع

بعض وانشالله يتم

[sweet qatar]

شكرا يا سويت على المعلومات ،،وممكن اتواصل معاج عالخاص عشان موضوع الدراسة

تم الرد عالخاص .. حاضرين لطلبة العلم في أي وقت :)


سوق التصميم الداخلي في قطر سيء

ممكن الواحد يقتدي بتجربة المصممين في الخليج الي سوقوا نفسهم واعمالهم عن طريق السوشيال ميديا

[معماري قطري]

تم الرد عالخاص .. حاضرين لطلبة العلم في أي وقت :)


سوق التصميم الداخلي في قطر سيء

ممكن الواحد يقتدي بتجربة المصممين في الخليج الي سوقوا نفسهم واعمالهم عن طريق السوشيال ميديا

مع هذا الرأي والسبب في اعتقادي غلاء الأسعار الفاحش وعدم حصول العميل على ما تم تصميمه كتنفيذ .. الشركات بروحها شغلها تعيس والمكاتب ما تعمقت في المهنة صح بحيث يعرضون ما هو موجود في السوق وسهل الحصول عليه وسعره معروف

أتابع كم مصمم كويتي يشتغلون بذمة ويشترون من السوق المحلي وحطيت مقاطع يوتيوب لهم في موضوع يوتيوبيات البناء في منتدى البناء والديكور .. موضوع إختنا سارة جاسم فيه صور وعروض لمواد كثيرة والمفروض أي مصمم داخلي تكون عنده عينات وصور حتى للخشب المستعمل والقماش حتى يسهل على العميل الاختيار والاتفاق وكل ياخذ حقه

[معماري قطري]

مرة منجرة النور سووا لي برواز باب موضح في الرسم إن فيه حفر ينتهي قبل مسافة معينة لكن جابوه لي مستمر لتحت وشكله طالع مب لين هناك .. عارف الشغلة شوي صعبة وأسهل يسوونه سحبة وحدة ورفضت العينة وأصريت يكون نفس الرسم

بعضهم حتى الخشب مخزن غلط وفيه ارضة ويسوي كرثة للبيت .. أنصح بفحصه وبطلب طلاءه بمادة مبيدة للارضة ولو بشكل بسيط .. فيه مواد ينغمس فيها الخشب فترة

عارف طلعت رصيف بس شوي وللإفادة لمن يتابعون مع مناجرنا التعيسة

[معماري قطري]

هذا انت قلت مهندسين اي كلام احنا نبي بلادنا ������������

مانبي غش بالشركات قلازم نصير شي حلو ومثال يقتدى فيه

ولله الحمد البلاد اشكثر فيها من خريجيين هندسة لكن للاسف

لحد الحين يعينون بالواسطة ويجيبون ...... والباقي بالبيت

لكن احنا نبي البلاد تقوم لكن بشركات مش همها الفلوس وبس

فلازم التشييك الكامل من كل انواع المهندسين لكل المباني والتعاون مع

بعض وانشالله يتم

هذا التمديد اللي قصدته مب سوء تخطيط هذا قرار اداري .. بس لو هم مركزين على شالأهم أول كان صح .. أو استخدام البديل وهي محطات الاطفاء الموزعة والصغيرة لسرعة الاستجابة ثم يأتي الدعم من محطات رئيسية كبرى .. الأهم لو بنسوي خط إطفاء نسوي شارع عدل ودائم وتنبني المنطقة وبعدين سكنية شضرورة يكون عندنا خط اطفاء مضغوط وممتد على مسافات طويلة؟