مكاتب استقدام الخدم [الأرشيف] - منتديات شبكة الأسهم القطرية

مشاهدة النسخة كاملة : مكاتب استقدام الخدم

khaldoon

01-09-2019, 02:19 PM

السلام عليكم و رحمة الله و بركاته

ممكن ترشحولي مكاتب ممتازه لاستقدام الخدم ما يتأخرون علينا و كم المدة اللي يحتاجونها...هل تزيد عن شهرين

و بأريكم ايش افضل جنسية يمكن استقدامها (طبعا لغير القطريين)

و جزاكم الله كل خير سلفا

khaldoon

02-09-2019, 08:33 AM

وينكم يا جماعة الخير.....معقول ما في مكاتب ترشحونها لي

Rider

02-09-2019, 10:58 AM

عندك ياخوي مكتب الشراع ومكتب الغيث في سوق العلي اتعامل معاهم من سنيين وفيه مكتب البيان في العزيزه

QATAR 77

02-09-2019, 07:31 PM

ايش الجنسيات المسموحة للاستقدام للقطريين

khaldoon

03-09-2019, 12:50 PM

عندك ياخوي مكتب الشراع ومكتب الغيث في سوق العلي اتعامل معاهم من سنيين وفيه مكتب البيان في العزيزه

بارك الله فيك يا اخوي العزيز.... فعلا مكتب الشراع تعاملت معهم و كانوا زينين وما عندس أي ملاحظات عليهم بس الخدامة سيئه جدا جدا

khaldoon

03-09-2019, 12:51 PM

ايش الجنسيات المسموحة للاستقدام للقطريين

ما عندي فكرة والله..... اتصل مباشره على أي مكتب لجلب الايدي العاملة بقولون لك

تحياتي

مرتبش

04-09-2019, 11:05 AM

khaldoon

06-09-2019, 12:12 AM

من تجاربي المكاتب كلها نفس الشي.. تجيهم طلبات العمل من شركات التوظيف في الدول المصدرة للعمالة وهم يعرضونها .. انت وحظك البيانات في الطلبات مضروبة تشوف العمر مكتوب شي والصورة تقول شي ثاني والخبرة الله بالخير.
المهم اي مشكلة مع مكاتب الخدم تقدر تشتكي في وزارة العمل وشوف الاكشن الصح

والله يا اخوي يختلفون في الأسعار و المدة الزمنية لاستقدام الخادمة...بعضهم قالي شهرين او ثلاثه و بعضهم شهر و نص او شهرين ....اتصلت من فترة على مكتب قالي 15500 و من يومين اتصلت على مكتب ثاني قالي 13500...تخيل....فرق الفين ريال مب بسيطة

يعني الفرق يجي حسب كل مكتب و تعامله مع المكاتب اللي بالخارج و بجشعه طبعا

اما البيانات مضروبة فحدث و لا حرج....جواز السفر كله مضروب علشان في سن معين ممنوع يجيبون فيه الخادمة تكون صغيره فيعطونها سن اكبر من سنها او صورة ثانية لخادمة ثانية ....الخ

جزاك الله كل خير على النصيحة الغاليه .....يمكن احتاجها فعلا ...كل الشكر و التقدير يا صديقي العزيز