شرايكم في هالدعوة لليوغا

[الحياة الخالدة]

السلام عليكم ورحمة الله وبركاته

وصلني هالمسج عن طريق رقم في الواتساب :


عملائنا الكرام ، اسعد الله اوقاتكم بكل خير
يسعدنا مركز اليوغا ....... ان نوفر لكم كلاس مجاني بإرسال مدربين مختصين الى بيوتكم دون أي عناء
لمساعدتكم على ( الاسترخاء، الهدوء،فقدان او إكتساب الوزن ، تنظيم التنفس...) وذلك عن طريق مدربات/ للنساء ، ومدربين / للرجال .
شاركنا هذه التجربه بالتواصل على الرقم ...... وسنكون سعداء للتواصل معكم


شخصياً استغربت من هالرسالة وبالاخص اقتراح إرسال المدربين أو المدربات للبيوت مجاناً

انتو شرايكم ؟؟
وبالمناسبة ايش رايكم في تعلم اليوغا ؟؟

[مرتبش]

دعاية ..مافي شي مجاني
اظن اليوغا زينة وحتى شريت كتاب تاي شي سنة 99 وان شالله باقراه واتعلم بعض حركات الاسترخاء وتقليل التوتر

[sara jsm]

وعليكم السلام يالغاليه ..

هذا الله يسلمج ( طعم ) :pic: ويجهزون للصيده الكبيرة ..
مستحيل حد يسوي شي ببلاش .. حتى الجمعيات يوم يسون عرض للسلعه والثاني مجاني يكون قرب تنتهي صلاحيته :looking:
:
:
اما بخصوص اليوغا .. كـ رأي شخصي اعتبره نفس البوذا ..
وايد عندنا امور ترخي وتريح الواحد ..
تمارين الاسترخاء تسوي ليونه في العضلات وتعطيج شعور بالمرونه كانج فراشه ..
صوت اذان الفجر او القران الكريم يعطي طاقه ايجابيه ..
صلاة الوتر وبعدها الواحد ينام يحس براحة نفسيه ..

[عضو قديم]

السلام عليكم ورحمة الله وبركاته

وصلني هالمسج عن طريق رقم في الواتساب :


عملائنا الكرام ، اسعد الله اوقاتكم بكل خير
يسعدنا مركز اليوغا ....... ان نوفر لكم كلاس مجاني بإرسال مدربين مختصين الى بيوتكم دون أي عناء
لمساعدتكم على ( الاسترخاء، الهدوء،فقدان او إكتساب الوزن ، تنظيم التنفس...) وذلك عن طريق مدربات/ للنساء ، ومدربين / للرجال .
شاركنا هذه التجربه بالتواصل على الرقم ...... وسنكون سعداء للتواصل معكم


شخصياً استغربت من هالرسالة وبالاخص اقتراح إرسال المدربين أو المدربات للبيوت مجاناً

انتو شرايكم ؟؟
وبالمناسبة ايش رايكم في تعلم اليوغا ؟؟

ما صلني شي ممكن الرقم محتاج لليوغا

[ابوالعبد]

ممتازه اليوقا انا اتمرن يوقا جايب لي مدرب خاص يدربني

[الروقي]

السلام عليكم لقد أفتى العلماء بحرمة اليوغا لانها عباده روحانيه للهندوس ولايجوز ممارستها وهذا الرابط

https://www.islamweb.net/ar/fatwa/1043/

[معماري قطري]

حصة وحدة مجانية وبعدها لو حاب لازم تدفع

[khaldoon]

اعتقد لو جبتي كتاب ممكن تدربي على تمارين اليوغا و الله اعلم

[سالم الزهران]

التمارين من اهم الاشياء اللي فقدناها.. و اي تمارين خفيفة تفيد المفاصل وتلينها.. مب شرط يكون لها طريقة وشكل محدد مثل اليوغا. فليش يسوونها سالفة ويحطون مدرب؟ اليوغا مب كلها تمرين.. بل فيها وضعيات ممكن تضرك لو انت مسوي عمليات او عندك خشونة!

لذلك المشي هو سيد التمارين... وما في شيء يستاهل اني اجيب مدرب للبيت.. في نظري

[الحياة الخالدة]

صبحكم الله بالخير جميعاً .. وشكراً على تفاعلكم الطيب

أنا عارفة إنها دعاية وأكيد مافي شي مجاني .. بس أنا استغربت إنهم ممكن يبعثون مدربين أو مدربات للبيت حسب الطلب .. مادري حسيت إن فيها شي مريب عشان جذي بغيت أشوف الآراء والظاهر أنا الوحيدة اللي طلعت متشككة في الأمر

أما من ناحية إن اليوغا بنفسها تعتبر حرام فهذا بالفعل اللي سمعته من أكثر من شخص .. وأخونا الروقي جزاه الله خير حط لنا الفتوى من إسلام ويب
والله أعلــــــم

والسموحة من الأخ اللي طلب الرقم .. أنا تعمدت أمسح اسم المركز ورقم التليفون لسببين :
أولاً عشان ما تكون دعاية
وثانياً احتمالية صحة حرمة اليوغا وبالتالي مابي آخذ الذنب

أختي سارة كلامج صح مية بالمية
ولا يهونون بقية الإخوان

[ابوالعبد]

ترى رياضه هي ارفع رجولك ارفع يدك وهكذا

[شموخ دائم]

,

,

مرحبا

شكرا لك على الموضوع

انا اشوف ان شي ( مريب ومستغرب ) وهل تعطى التراخيص لمثل هذي الأمور
وشنو نوع ( الموظفات ) وجنسياتهم واعمارهم
الي بيروحون البيوت والموظفين
وهل هناك رقابه على هذه الأمور
مثلها مثل
المساج وهذي الأماكن الي ممكن يكون ( طريق ) ومدخل
لامور كثيره احنا في غناء عنها من ( البعض )

,

,

[Dana’1]

الدعايه على أساس أول كلاس بالمجان لكن بعدين أكيد بيدفع حسب كم كلاس بالأسبوع

أما اليوغا نفسها ما افتي أبدا فيها بس اتكلم كمفهوم بالعموم فيها جانبين فكري فلسفي مستمد من الهندوسيه و أحد الطوائف المسيحيه و هي تعتمد عالتأمل بالمقام الأول ومن ثم باقي الأمور الفلسفيه
و التأمل و التفكر بالنفس أو بمخلوقات الله سبحانه بحد ذاته أمر محبب حتى لو ماكان بستايل اليوغا ومفهومه
والحركات الرياضيه إلي فيها قريبه من حركات التمدد أو تمارين الإطاله و يعتمد على لييونه و خفة النفس والجسد.
و أبداً ما تشبه الهدؤ والسهوله إلي تبان وتظهر على الممارسيين لها من سنيين لأن جدا جدا صعبه هالرياضه
لدرجة حتى بعض مدربات البيلاتس و الأيروبيك تصعب عليهم أداء بعض حركات اليوغا فما بالك بالناس الغير رياضيه!

مبدأ الرياضه بالبيت فيه نساء يكونون مع بناتهن بالبيت وما يبغون يروحون النادي بعضهم حتى الأجهزه بالبيت متوفره ويبغون بس يتعلمون على إستخدامها بطريقه سليمه فـ تكون فيه خدمه من بعض النوادي الرياضيه المصرح بعملها بالدوله توفر هالخدمه مدفوعه طبعا مافيه شي مجاني.
أذكر فيه وحده مشهوره بالسوشال ميديا كانت تجيب مدربه لين شقتها تتمرن معها... هذا والنادي قريب من شقتها وتروح للنادي القريب منها بس بشي معين حابه تجيده جابت مدربه من مكان ثقه

القصد في حال حبت أي وحده تستفيد من مثل هالخدمات إنها تروح بنفسها لنادي نسائي مكانه و إسمه معروفين وعندهم تصريح من الدوله بأن يوفر هالخدمه وإذا عجبها العرض تاخذه من النادي نفسه.
أبدا ما يكون عن طريق إعلان مثل كذا أو غيره.

[ماجد البدر]

وعليكم السلام يالغاليه ..

هذا الله يسلمج ( طعم ) :pic: ويجهزون للصيده الكبيرة ..
مستحيل حد يسوي شي ببلاش .. حتى الجمعيات يوم يسون عرض للسلعه والثاني مجاني يكون قرب تنتهي صلاحيته :looking:
:
:
اما بخصوص اليوغا .. كـ رأي شخصي اعتبره نفس البوذا ..
وايد عندنا امور ترخي وتريح الواحد ..
تمارين الاسترخاء تسوي ليونه في العضلات وتعطيج شعور بالمرونه كانج فراشه ..
صوت اذان الفجر او القران الكريم يعطي طاقه ايجابيه ..
صلاة الوتر وبعدها الواحد ينام يحس براحة نفسيه ..كلام منطقي وصحيح هي تعبد هندوسي لامعنى له وكيف يرسلون ناس الى المنزل مجانا غير ما يؤذونكم اذيه بالتجسيل او تمهيد للسرقة

تم الإرسال من SM-N950F باستخدام Tapatalk

[MAZEN37]

وعليكم السلام يالغاليه ..

هذا الله يسلمج ( طعم ) :pic: ويجهزون للصيده الكبيرة ..
مستحيل حد يسوي شي ببلاش .. حتى الجمعيات يوم يسون عرض للسلعه والثاني مجاني يكون قرب تنتهي صلاحيته :looking:
:
:
اما بخصوص اليوغا .. كـ رأي شخصي اعتبره نفس البوذا ..
وايد عندنا امور ترخي وتريح الواحد ..
تمارين الاسترخاء تسوي ليونه في العضلات وتعطيج شعور بالمرونه كانج فراشه ..
صوت اذان الفجر او القران الكريم يعطي طاقه ايجابيه ..
صلاة الوتر وبعدها الواحد ينام يحس براحة نفسيه ..

احسنتي

[R 7 A L]

ايقولون المدرب يجيك مجاني بس الجلسة بفلوس ودبل الدبل

[nooora]

شكرا على الموضوع أختي ،،،،
وأول مره أعرف ان اليوغا حرام ،،،،ومشكور على هذه المعلومه ،،،،
ارسال المدربين الى البيوت أشوفها خدمه رائعة وبالدول الغربية كل شي توصل لك الى البيت وكل خدمه أصبحت ديليفري وهذا شي جميل ولكن يكون مصرح من الدوله،، لكن لو شخص يتعلم بعض الحركات بحيث يساعده لعلاج من مشاكل العظام لا أظن ان محرم اذا تجنب المصطلحات اليوغا وبعض الحركات كسجود الخ ،، يركز فقط في حركات فيها فايدة للعظام والجسم ،، والله اعلم

[مرتبش]

في تدريب شخصي في البيت .. موجود من زمان

[بوخالد911]

أي خدمة تقدم بالبيت
يكون السعر مبالغ فيه.

مثل غسيل السيارة بالبيت !!