محطات وقود لم توفي معايير السلامة حقها [الأرشيف]

البيروني

06-09-2019, 12:59 AM

انا أتوقع ان محطات وقود ستكون مثار جدل كبير خلال استضافه بطولة كأس العالم عندما يجتمع الصحفيين و النقاد و المشجعين بأعداد مهولة من جميع انحاء العالم ليشاهدوا كيف تتزاحم الشاحنات و السيارات الصغيرة بمكان واحد لتعبئه الوقود
شيء غير آمن تماما و لقد سرنا آلاف الكيلو مترات في أوروبا لم نشاهد محطة واحدة تتشارك الشاحنه و السيارة الصغيرة للتعبئه بمكان واحد
و بجانب المخاطر المحتملة بتحرك السيارات الصغيرة بجانب الشاحنات هناك تصميم تم انشائه لتكون المحطة للمركبات الصغيرة فقط ويظهر هذا بشكل واضح من حجم المحطه و أيضا عدم وجود مسارات مخصصه للشاحنات مختلفه عن المركبات الصغيرة ولكن مسؤلين وقود مصرين على اقحام المركبات الكبيرة مما تسبب بالاختناقات بالمداخل او المخاطر المحتملة للحوادث

في المحطات بدول العالم هناك محطات صغيرة بنفس حجم محطة وقود وهذه للمركبات الصغيرة فقط و هناك أيضا محطات كبيرة وهذه المحطات الكبيرة تشترك بها جميع المركبات ولكن عند المدخل هناك إشارات توضيحيه بالمسرب المخصص للمركبات الكبيرة و الشاحنات للتعبئة بمكان مختلف و أيضا مسرب آخر خاص بالمركبات الصغيرة و تستطيع ان تقول هذه المحطات الكبيرة عبارة عن محطتين منفصلتين داخل محطة واحدة

وهناك أيضا محطات مخصصه للشاحنات و المركبات الكبيرة بجوار المناطق الصناعية و المناطق التي تتحرك فيها هذه المركبات بكثرة أو الخطوط السريعه

qatarman8008

06-09-2019, 02:06 AM

ملاحظة دقيقة جدا منك اخوي وفعلا تحتاج لحل..
لكن ربما يكون الحل ليس بتغيير تصميم المحطة نفسها..
ولكن بمنع دخول الشاحنات لمثل هذه المحطات الصغيرة داخل المدينة في اوقات الذروة..

البيروني

06-09-2019, 03:53 AM

ملاحظة دقيقة جدا منك اخوي وفعلا تحتاج لحل..
لكن ربما يكون الحل ليس بتغيير تصميم المحطة نفسها..
ولكن بمنع دخول الشاحنات لمثل هذه المحطات الصغيرة داخل المدينة في اوقات الذروة..

صحيح تغيير التصميم للمحطات الموجودة لن يكون حل لأنها بالأساس صغيرة
التصاميم الجديدة لابد ان تكون اكبر بحجم مضاعف و لها مدخلين واحد مخصص للشاحنات و آخر للسيارات الصغيرة وكل قسم له محطته الخاصه
حاليا لابد من انشاء محطات جديدة مخصصه للشاحنات و المركبات كبيرة الحجم لمعالجه هذه القضيه وترك هذه المحطات الصغيرة لوقود للمركبات الصغيرة

البيروني

06-09-2019, 04:09 AM

أتمنى من الجهات المختصه وضع قائمه مراجعه جانب السلامه بهذه المحطات و المتطلبات الضروريه و يتم ارسال فنيين للتقييم و رفع التقارير و اتخاذ الاجرائات العقابيه القانونيه في حاله وجود مخالفه
وبخلاف موضوع الشاحنات هناك قضايا كثيرة لابد من مراجعتها مع المحطات
انا شخصيا لاحضت انه توجد بعض المحطات معدل رائحه الوقود مرتفع جدا و هذا خطر على صحه الافراد بأستنشاق هذه الغازات فوجود أجهزة قياس مهم جدا و أيضا لا اعلم ان كان هناك تسريب غير مرئي وهنا حتماله لخطر كبير
و كذلك لاحضت ان معظم أجهزة الهواء بالمحطات معطله فأذا تعرضت لمشكله بأنخفاض الهواء للاطار ليلا فأن المحلات مغلقه واذا توجهت للمحطه فالجهاز معطل بينما في جميع الدول الاوروبيه هذه تعتبر مخالفه كبيرة فكل المحطات حتى ولو كانت في قريه صغيرة مطالبه بتوفير جهاز هواء مضغوط للاطارات ولهذا لابد من الزامها بتوفير الجهاز و ان يكون شغال وهناك الكثير من الأجهزة بوقود قد تبدوا انها شغاله و هناك صوت هواء مضغوط ولكن عندما تضعه على الاطار فأن الضغط لا يتغير

@north_star@

06-09-2019, 03:09 PM

أصلا مداخل ومخارج وقود كلها غلط وما ادري إيش السبب اللي يخليهم بشكل عام يفتحون المحطات على تقاطعات الإشارات الضوئية وخلق مزيد من الزحام واستغرب من مساحاتها الصغيرة نسبيا

khaldoon

07-09-2019, 10:59 AM

أصلا مداخل ومخارج وقود كلها غلط وما ادري إيش السبب اللي يخليهم بشكل عام يفتحون المحطات على تقاطعات الإشارات الضوئية وخلق مزيد من الزحام واستغرب من مساحاتها الصغيرة نسبيا

فعلا معاك حق كلها غلط بغلط و ما فيها انسيابيه و هالشي يسبب زحمة و عطلة و يقلل عدد السيارات اللي راح تعبي بنزين او تروح للسوبر ماركت و بالتالي بقلل الأرباح

عندك مثلا السوبرماركت سدرة في وقود اللي بجزيرة اللؤلؤة..... مدخل واحد ضيق جدا علشان تعبي بنزين ما في مدخل خاص للسوبرماركت ...طيب انا ما ابي اعبي بنزين ابي اروح السوبرماركت ما اقدر...و اتعطل و انتظر اللي يعبون بنزين

أصلا محطات البترول في فطر من 25 سنة كان فيها خط للشاحنات غير خط السيارات الصغيره بس هالايام صارت سلطة

@north_star@

07-09-2019, 04:00 PM

فعلا معاك حق كلها غلط بغلط و ما فيها انسيابيه و هالشي يسبب زحمة و عطلة و يقلل عدد السيارات اللي راح تعبي بنزين او تروح للسوبر ماركت و بالتالي بقلل الأرباح

عندك مثلا السوبرماركت سدرة في وقود اللي بجزيرة اللؤلؤة..... مدخل واحد ضيق جدا علشان تعبي بنزين ما في مدخل خاص للسوبرماركت ...طيب انا ما ابي اعبي بنزين ابي اروح السوبرماركت ما اقدر...و اتعطل و انتظر اللي يعبون بنزين

أصلا محطات البترول في فطر من 25 سنة كان فيها خط للشاحنات غير خط السيارات الصغيره بس هالايام صارت سلطة

مداخل المحطات فعلا ضيقة واذا بتروح السوبرماركت او حتى بتغسل سيارتك ما تقدر تدخل الا اللي قدامك يتحرك لانها مزحومة وما فيها الا مدخل واحد ضيق وما يستوعب هالكم من السيارات

nooora

08-09-2019, 04:19 AM

تصميم فاشل والمشكله ما يتعلمون مستمرين بنفس التصميم

البيروني

08-09-2019, 11:04 PM

صور التقطها اليوم مساءا
مشاهد لاتليق في قطر ابدا

102740

102741

تقدر تلاحظ ان مسار السيارة هو مخصص لسيارة واحدة فقط و أيضا حجم المحطه و تصميمها لايتحمل اقحام الشاحنات و المركبات فيها

بوخالد911

09-09-2019, 06:54 AM

الاستاندر

09-09-2019, 07:29 AM

زيادة المحطات حل مشكلة الحمد لله
ولا قبل تاخذ لك ساعة عشان تعبي الحين الحمد لله ربع ساعه بس ههههههههههههههه
ولا اذا اعلنوا البترول بيرتفع تحصل اخر يوم في الشهر الشوارع فاضية العالم كلها في وقود

معماري قطري

09-09-2019, 11:25 PM

khaldoon

18-09-2019, 09:22 AM

محطة وقود اللي عند السوق البلدي مدخلها مزعج جدا و ما يطل على الشارع الرئيسي وما تفهم ايش السبب....يمكن علشان بانيين السوبرماركت سدرة عند الشارع الرئيسي يعني ظهؤه للشارع الرئيسي و ليس العكس أي ليس من جهة البلدي

ما علينا..... تروح الاشاره يمين و تلف و ترجع و تدخل من مدخل ضيق جدا يشارك فيه مرتادي البلدي و المحطه...

المهم بعد ما تعبي بنزين و تبي تطلع ما تقدر تطلع بسهوله لازم تلف و ترجع تخرج من نفس مدخل وقود بس تكمل على طول......تخيل الزحمة في الدخول لتعبئة البنزين و في الخروج أيضا من نفس المدخل تقعد تحاشر اللي يبون يدخلون علشان تطلع على طول

اللي صمم هذه المحطه لازم ينطخ بالنار ههههه

انا أقول لو هالكلام بكوريا الشماليه....كان المصمم و المقاول اعدام هههههه

اللوز

22-09-2019, 12:47 PM

مشكلة خرائط وقود عبارة عن ( كوبي - بيست )

مداخل ومخارج وقود هي العقبة الأكبر

مثال : محطة وقود على طريق الوكرة - مسيعييد
مسار واحد فقط !!!
وأثناء موسم التخييم الزحمة تصل للشارع العام
بالرغم من توفر مساحة فاضية غير مستغلة ؛ وبمكانهم جعل المسار مسارين
ولكهنم حبا في التوفير !!!

مشكلة أخرى عدد مضخات البترول يجب ألا تقل عن 9 لتخدم 18 سيارة بالاتجاهين ( يمين ويسار المضخة )

انا ما ادري من المصمم يمكن فلبيني عنده سيارة صغيرة
هنا سيارات تجر تيادر - كرفانات ايام المواسم - سكوترات - كروزرات - جماسي
مب معقولة خط واحد للمدخل
فرضا سيارة توقفت
يمينك يسارك حديد وين الواحد بيروح !!

اللوز

22-09-2019, 12:48 PM

khaldoon

22-09-2019, 01:02 PM

انا اقترح كل واحد منا يكتب مكان لمحطة وقود فيها مشكله في المدخل او المخرج مع اقتراح الحل لو امكن لتسليط الضوء على الخلل.... لاني اشوف انه هالمشكله موجوده في كثير من محطات وقود يعني مب غلطة و الا غلطتين و محطات وقود في مزيد من الانتشار يعني نفس المصمم العبقري مازال موجود ما انطخ للحين مثل ما اقترحت بالاعلى ههههه فلازم نفهمه غلطه على الأقل علشان هو مستمر في تعذيب البشريه بتصميماته العبقرية

ابو عبدالله.

22-09-2019, 09:49 PM

في المحطات الكبيرة واللي فيها خط للسيارات الكبيرة الكلام صحيح لكن في المحطات الصغيرة وفي الفرجان للسيارات الصغيرة وواسعة ممكن حد يمر بين السيارات بشرط وقوف السيارات صح .. بعضهم يوقفون بعيد مترين عن الرصيف

اللي سووها عندنا في الفريج متعة صب البترول منها حتى لو شوي زحمة

أما عن شروط الأمان انا اشوفها صارمة وعالية لكن في بعضها تنظيم الدخول والخروج لكم عليه وهذي مشكلة ادارية أو تخطيطية للمداخل والمخارج

مساكم بالخير

بختلف معاك معماري

و الي بقوله رأي شخصي و اتمنى يوسع صدر وقود للتعليق

سلندرات الغاز مصفوفه ع قواعد وبعضها بقفص حديد لكن معرضه ان حد يصطدم فيها ما في اعمده حمايه حولها مثل مضخه البترول

من سنين حرموا موزعي الغاز من توزيعها بالسوبرماركت و الهايبر ماركت بحجه السلامه و سكرت محلات ناس كانت تترزق منها لهسبب

الحين وقود توزعها عليهم مثل هايبرماركت دوار كنتاكي في الخريطيات. ليش وين موضوع السلامه. و حاطين مكان السلندرات جدام مدخل الهايبر. واذا دريول لاي سبب فقد التحكم و صدمها. كم سلندر بيتطرقع

هذا غير ان بعض السلندرات تسرب و انا مرجع واحد ما يطلع غاز. و واحد يسرب من الصمام المثبت مش التركيب

عمليه الزحام و اقدر اقول برأيي ان المسارات ما تساعد على التنظيم الصحيح
لو حصل حادث كم الاضرار مع تكدس السيارات بهالشكل وطبعا السائقين مش مدربين للتصرف في الحالات و لا العماله بالمحطات اذا ما خاب ظني

وقود عندها اداره للسلامه لكن هل تتابع كل الامور ولا بس المضخات
لان عند صيانه الاناره بالمحطه اشوف عاملين بسقالات ارتفاعها ما يتناسب مع عرض السقاله وهذه لها ستاندر
يعني ما يصير عرض مترين في متر و ارتفاعها فوق سته متر

لا و لها تواير مش قاعده حديد

هل حد فيكم شاف شي اسمه سبل كت عده تنظيف اي تسرب للبترول اذا انسكب
الخميس شفت عمال وقود ينظفون بقعه و راشين عليها ماي و يخمونها لين فتحه الصرف
هل الصرف الصحي يعاد تدويره او يروح بشبكه الصرف العموميه
التنظيف حصل بمحطه جديده و كبيره بين الوسيل و الخيسه بالطريق الجديد

خلصنا هالنقاط. تعال لي بالخدمات

خدمات اغلى من الوكالات ليش
زيت الجمس بالوكاله 228 بوقود 286
تورنا 400 ريال غير تبديل السفايف

ترى التيسير ارخص وين المنافسه عيل

كم شخص سمعتوه عانى من مكينه الموتر بسبب الزيوت بوقود. هل حد حقق بالموضوع

حد يعرف كم سعر خدمه التقريز يعني يحطون لك قريز باذرع السكان و الكرونه الخ

كم مره اسويها لكذا موتر ويقول عطني الي تبي. ليش وين قائمه الاسعار

اخر شي

ليش ما يسمحون لوكالات السيارات تفتح فروعها ببعض المحطات الكبيره حالهم حال المحطات الخاصه هل هو المنافسه لقسم الصيانه عندهم ولا لان الوكالات بعض خدماتها ارخص من وقود

مجرد رأي ابيه يوصل لوقود و بعد نشكرهم على التطور السريع و توفير خدمات مثل المغاسل و سدره بطريقه احترافيه

معماري قطري

23-09-2019, 12:12 AM

كلامك مقنع بو عبدالله خصوصاً مسئلة السلندرات ( بو جاكيت حمر سهل تحرق قطر )

لازم مكان مؤمن ومخزن فيه جهاز كشف التسرب والكهرباء بدون شرارة

مرتبش

25-09-2019, 01:57 PM

السلندرات مصممة ضد الانفجار لذلك ان شالله مافي خطورة من وجودها في المحلات او وقود.. الاسعار اغلى في وقود رغم انها شركة حكومية ومحتكرة لتوزيع الوقود .. نرجع لمواقع المحطات ومداخلها..تتميز وقود بشي ماشفته في اي محطة بترول في اي مكان الا وهو تواجدها في الشوارع الخلفية و المناطق السكنية والمدارس كأنهم يبون يوفرون في قيمة الارض.. في الدائري السادس وفي ام غويلينة مثلا المحطة موجودة في الصف الثاني من الاراضي.. في الثمامة محطة جديدة لاصقة في جمعية وسط الفريج .. شارع المرخية المحطة لاصقة في روضة اطفال

ابو عبدالله.

25-09-2019, 10:20 PM

معماري قطري

25-09-2019, 11:20 PM

عفوا اخوي. السلندرات مصممه بمعايير سلامه نعم لكن هل هي محميه من الاصطدام

يعني ما تنفجر او تسرب غاز اذا صدمها سائق امام السوبر ماركت او الهايبر ماركت او داخل محطات وقود عند الرصيف طوالي

ما ابي اولع الموضوع زياده ولا عادي بصور كم محطه فيها سلندرات و مكانها بدون اعمده خرسانيه كحمايه من اصطدام السيارات لو احد فقد التحكم خصوصا الهنود و البنات :)

كنت باقول نفس كلامك وسبقتني عساك من السباقين والفائزين برضوان رب العالمين

كل يوم يوصلنا مقطع أو صورة عن حد داش محل مشرف على اللي فيه بسيارته

من أُمور هندسة السلامة المهمة إنك تتوقع سيناريو حادث أو سقوط وإنك تكون ملم بهذي السيناريوهات وتطبقها عندنا حلقة الوصل بين الادارة اللي تستخدم المنشأة وبين مختصي أو مهندسي الأمن والسلامة مفقودة .. الأخير ما يكون شغله متواصل ويتابع بدوريات مستمرة ويوجه ملاحظات ملزمة والأول تحصله مختص حسابات أو إدارة محل يتورط وين يخزن يحصل رصيف فاضي يكدس عليه .. عاد شوفه جاي من بيئة شلون وبيقول لك عادي ما فيه مشكلة

معماري قطري

25-09-2019, 11:26 PM

معماري قطري

25-09-2019, 11:29 PM

شيصير وقت تكدس السيارات في المحطات لو صار حريق لا قدر الله؟

الهروب صعب لعدم وجود عدة مداخل ومخارج واسعة كفاية .. محطات أمريكا ما فيها أرصفة مثل اللي عندنا وتكون في الغالب على زاوية ولها مدخل وهو بنفس الوقت مخرج وواسع مخطط بس بدون رصيف الا في الأطراف وفي الزاوية الثانية نفس الشيء .. يعني امكانية الدخول والخروج من جهتين

ابو عبدالله.

26-09-2019, 07:30 AM

كنت باقول نفس كلامك وسبقتني عساك من السباقين والفائزين برضوان رب العالمين

كل يوم يوصلنا مقطع أو صورة عن حد داش محل مشرف على اللي فيه بسيارته

من أُمور هندسة السلامة المهمة إنك تتوقع سيناريو حادث أو سقوط وإنك تكون ملم بهذي السيناريوهات وتطبقها عندنا حلقة الوصل بين الادارة اللي تستخدم المنشأة وبين مختصي أو مهندسي الأمن والسلامة مفقودة .. الأخير ما يكون شغله متواصل ويتابع بدوريات مستمرة ويوجه ملاحظات ملزمة والأول تحصله مختص حسابات أو إدارة محل يتورط وين يخزن يحصل رصيف فاضي يكدس عليه .. عاد شوفه جاي من بيئة شلون وبيقول لك عادي ما فيه مشكلة

صباح الخير

الله يرضى علينا و عليك ياخوي

مهندسي السلامه مش بس نوع او نوعين في تخصصات كثيره منها دراسه المخاطر و مهندسي سلامه مروريه و معماريه و سلامه فرديه اندستريال هايجين الخ

تدري ايش المشكله

ان قانون الصحه و السلامه المهنيه لم يصدر حتى الان

في قانون جاهز من سنين لم يصدر وفيه فوق 40 بند يحدد مسؤوليه جهات العمل في توفير بيئه عمل سليمه و يغطي اغلب متطلبات السلامه و الصحه المهنيه. حتى لو كنت جهه تقدم خدمات.

هالقانون المفترض يكون للموارد البشريه. يعني ما يغطي الشركات الحكوميه الي مش على قانون الموارد

القطاع الخاص لهم قانون سلامه في اداره العمل وهذا اوكي
لكن قطاع جهات الموارد البشريه مثل الوزارات و الهيئات ما صدر لهم القانون

واذا. اذا صدر ما يغطي الشركات المساهمه او الي مش ع قانون الموارد

تدري لو هالقانون ساري ايش بيصير

كل موظفي الدوله بتكون عندهم ثقافه السلامه و مدربين و يتوفر لهم موظفي سلامه في جهاتهم يتابعون احتياجات الجهه

هذا يؤثر حتى على السلامه المروريه. تخيل انك تثقف كل موظفي الدوله و يفهم السلامه وواهميتها وكيفيه و حجم المخاطر في عدم التقيد بامور السلامه

حتى عيالهم بالبيوت بيتعلمون اذا شافوا الاب و الام مثقفين بالسلامه و حاطين طفايات حريق بالبيت و بطانيه السلامه للمطبخ و لائحه تعليم الانعاش للمغمى عليه

والله حاولت من سنين في موضوع تأسيس جهه مختصه في تعميم الصحه و السلامه المهنيه لكن ما وفقت في جذب بعض المسؤولين و لاسباب بسيطه لكن صعب حلها

عقليات اغلب المسؤولين مش مستوعبه اهميه الصحه و السلامه المهنيه بس يكررون انه امر مهم لكن بلا اندفاع لتطبيقها. لانها خارج مهامهم الوظيفيه

نرجع لسالفتنا

سالفه تكديس المنتجات سواء داخل او خارج المحل تعتبر مخاطره وحتى داخل المحل لازم تستخدم معايير التخزين السليم لمنع اغلاق ممرات الهروب من المخاطر او انتشار حريق بشكل غير مرغوب وفقد التحكم و تصعيب عمل رجال الاطفاء

ما في مهندسي سلامه او تدريب لموظفي البلديه و وزاره الاقتصاد عند التفتيش عشان يراقبون هالاخطاء. مهامهم محدوده بامور ثانيه

تفتيش السلامه ملقى ع الدفاع المدني و الدفاع ما يقدر يغطي تفتيشات دوريه لكل محل بقطر. فقط اثناء الترخيص او تجديده بعدها صاحب المحل يعفس الدنيا وحتى يفصل انذار الحريق و بطاريات لمبات الطوارئ

ابو عبدالله.

26-09-2019, 07:52 AM

من ملاحظاتي على أُمور السلامة كانت تكديس أخشاب في موقع هبوط هيليكوبتر لا ويبون يبنون مبنى كامل هناك .. والأعمدة الخرسانية والحديدية القاسية اللي حاطينها حماية للاشارات وبتعدم أي سيارة منحرفة قسرياً صوبها .. وحماية أماكن العمل والحفر وعمل حاجز على جسر وقبله رصيف يخلي السيارة اللي بتصطدم بالحاجز تصطدم وهي مرتفعة بسبب الرصيف وتعامل معاملة مقذوف يستحيل ايقافه وغيرهم كثير

التنظيم مفقود للاسف

تخيل جهات حكوميه تستخدم حواجز غير مرخصه و السبب قله وعي بقانون المرور

مره صدمت عامود متحرك طاير لونه و نزلت و قدمت شكوى للجهه و طالبت بتصليح الاضرار
قالوا بخطاب رسمي ان الحواجز ما فيها شي و واضحه. شرطي المرور قال لي ما لي خص. انت صدمت انت تصلح بنفسك. و هندسه المرور قالوا لي الحواجز غير مرخصه لانها متحركه مش ثابته

وضاعت السالفه. لكن الجهه سكرت الطريق امام المدخل الامامي بسبب شكواي. و ليومك مسكر الممر من سنوات للحين

الشرطي مب عارف اشتراطات هندسه المرور و الجهه مب عارفه اشتراطات المرور و هندسه المرور مع اني وصلت لهم ما دققوا في مخالفه الجهه ولا الغوا الاعمده المتحركه

العله في ضعف التواصل في هالامور و ضعف في فهم اهميه السلامه

ولا لو انا مسؤول عن تنظيم استخدام الحواجز بكل قطر و يجي واحد يشتكي من تضرر سيارته بسبب حواجز لجهه حكوميه غير موافق عليها. بخلي السالفه

وايد اخطار للسلامه اشوفها ولو تكلمت يبققون عيونهم شيقول هذا

يعني ما يدرون شالسالفه ومستغربين ان حد يتكلم بانهم مخطئين بشكل يجرمه القانون

الحين عسالفه تكدس السيارات بالمحطات. بسأل سؤال و ادري اجابته مقدما لكن ابيك تقولها اخوي

لو حصل حريق بمحطه. اي محطه بترول وماتوا ناس بعيد الشر و قدمت شكوى و قضيه تعويض بالشيئ الفلاني بسبب اهمال تنظيم السلامه و ممرات الهروب و حشر سيارات بطريقه خطره

بتكسب القضيه ؟

سؤال ثاني

لو انت تداوم بجهه حكوميه و صار حريق بالبرج و ماتوا ناس و رفعت قضيه عدم توفير اجراءات السلامه المهنيه للموظفين و تعريض حياه البقيه للخطر بتكسبها ؟

السؤال الاهم

قانون العمل وضع اجراءات السلامه للقطاع الخاص
ليش موظفي قانون الموارد ما لهم اجراءات السلامه المهنيه مع انهم.

بوظائف تتعرض لمخاطر اكبر مثل مفتشي المواد الكيميائيه و مخلفات الصناعات النفطيه
و موظفي مختبرات و مواد فيها نسبه من المواد المشعه و غازات متطايره

حتى بقايا المواد المستخدمه تروح للصرف الصحي اعزكم الله مش بطريقه سليمه

كل شي ذكرته له اجراءات سلامه مخصصه و توعيه و مواد لها تستخدم للطوارئ. سبل كت تنظيف اي تسريب او انتشار للمواد ع الارض مثلا

نتمنى يصدر قانون الصحه و السلامه المهنيه و نرفع ثقافه السلامه للمجتمع ككل

معماري قطري

26-09-2019, 09:32 AM

التنظيم مفقود للاسف

تخيل جهات حكوميه تستخدم حواجز غير مرخصه و السبب قله وعي بقانون المرور

مره صدمت عامود متحرك طاير لونه و نزلت و قدمت شكوى للجهه و طالبت بتصليح الاضرار
قالوا بخطاب رسمي ان الحواجز ما فيها شي و واضحه. شرطي المرور قال لي ما لي خص. انت صدمت انت تصلح بنفسك. و هندسه المرور قالوا لي الحواجز غير مرخصه لانها متحركه مش ثابته

وضاعت السالفه. لكن الجهه سكرت الطريق امام المدخل الامامي بسبب شكواي. و ليومك مسكر الممر من سنوات للحين

الشرطي مب عارف اشتراطات هندسه المرور و الجهه مب عارفه اشتراطات المرور و هندسه المرور مع اني وصلت لهم ما دققوا في مخالفه الجهه ولا الغوا الاعمده المتحركه

العله في ضعف التواصل في هالامور و ضعف في فهم اهميه السلامه

ولا لو انا مسؤول عن تنظيم استخدام الحواجز بكل قطر و يجي واحد يشتكي من تضرر سيارته بسبب حواجز لجهه حكوميه غير موافق عليها. بخلي السالفه

وايد اخطار للسلامه اشوفها ولو تكلمت يبققون عيونهم شيقول هذا

يعني ما يدرون شالسالفه ومستغربين ان حد يتكلم بانهم مخطئين بشكل يجرمه القانون

الحين عسالفه تكدس السيارات بالمحطات. بسأل سؤال و ادري اجابته مقدما لكن ابيك تقولها اخوي

لو حصل حريق بمحطه. اي محطه بترول وماتوا ناس بعيد الشر و قدمت شكوى و قضيه تعويض بالشيئ الفلاني بسبب اهمال تنظيم السلامه و ممرات الهروب و حشر سيارات بطريقه خطره

بتكسب القضيه ؟

سؤال ثاني

لو انت تداوم بجهه حكوميه و صار حريق بالبرج و ماتوا ناس و رفعت قضيه عدم توفير اجراءات السلامه المهنيه للموظفين و تعريض حياه البقيه للخطر بتكسبها ؟

السؤال الاهم

قانون العمل وضع اجراءات السلامه للقطاع الخاص
ليش موظفي قانون الموارد ما لهم اجراءات السلامه المهنيه مع انهم.

بوظائف تتعرض لمخاطر اكبر مثل مفتشي المواد الكيميائيه و مخلفات الصناعات النفطيه
و موظفي مختبرات و مواد فيها نسبه من المواد المشعه و غازات متطايره

حتى بقايا المواد المستخدمه تروح للصرف الصحي اعزكم الله مش بطريقه سليمه

كل شي ذكرته له اجراءات سلامه مخصصه و توعيه و مواد لها تستخدم للطوارئ. سبل كت تنظيف اي تسريب او انتشار للمواد ع الارض مثلا

نتمنى يصدر قانون الصحه و السلامه المهنيه و نرفع ثقافه السلامه للمجتمع ككل

إجابة لأسئلتك بيحصل تعويض كبير لو كان عيونه خضر ووراه دولة قوية أما قطري أو مساوي للقطري من دول العالم الثالث فلا حق له

شوف حريق فيلاجيو وبتعرف شحصلوا الأجانب وشسوت الحكومة حتى تمنع أي حريق مرة ثانية هناك وفي مباني عديدة .. لكن بعض المباني مثل روضة جنب بيتي متأكد إن فيها طلاب فوق طاقتها الاستيعابية والحوش من ورا كله مسكر بسقف شينكو .. حتى قدمت شكوى كم مرة ولا حد التفت لي .. شكواي على حضانة الكلاب الحمد لله تم حلها بعد كم زيارة للبلدية والالتقاء بمسؤوليها .. تهربوا من المسؤولية في البداية بس ولد عم لي هناك زار المكان وشم الريحة وشاف شلة الكلاب ( أعزكم الله ) المجمعين في كبينة صغيرة ورا .. تم يحوس فترة في سند قانوني والسند القانوني لو يضر قطري يحصلونه بسعة البرق .. الحمد لله بعد معاناة سنين المنطقة استوت نباحلس

معماري قطري

26-09-2019, 09:37 AM

التنظيم مفقود للاسف

تخيل جهات حكوميه تستخدم حواجز غير مرخصه و السبب قله وعي بقانون المرور

مره صدمت عامود متحرك طاير لونه و نزلت و قدمت شكوى للجهه و طالبت بتصليح الاضرار
قالوا بخطاب رسمي ان الحواجز ما فيها شي و واضحه. شرطي المرور قال لي ما لي خص. انت صدمت انت تصلح بنفسك. و هندسه المرور قالوا لي الحواجز غير مرخصه لانها متحركه مش ثابته

وضاعت السالفه. لكن الجهه سكرت الطريق امام المدخل الامامي بسبب شكواي. و ليومك مسكر الممر من سنوات للحين

الشرطي مب عارف اشتراطات هندسه المرور و الجهه مب عارفه اشتراطات المرور و هندسه المرور مع اني وصلت لهم ما دققوا في مخالفه الجهه ولا الغوا الاعمده المتحركه

العله في ضعف التواصل في هالامور و ضعف في فهم اهميه السلامه

ولا لو انا مسؤول عن تنظيم استخدام الحواجز بكل قطر و يجي واحد يشتكي من تضرر سيارته بسبب حواجز لجهه حكوميه غير موافق عليها. بخلي السالفه

وايد اخطار للسلامه اشوفها ولو تكلمت يبققون عيونهم شيقول هذا

يعني ما يدرون شالسالفه ومستغربين ان حد يتكلم بانهم مخطئين بشكل يجرمه القانون

الحين عسالفه تكدس السيارات بالمحطات. بسأل سؤال و ادري اجابته مقدما لكن ابيك تقولها اخوي

لو حصل حريق بمحطه. اي محطه بترول وماتوا ناس بعيد الشر و قدمت شكوى و قضيه تعويض بالشيئ الفلاني بسبب اهمال تنظيم السلامه و ممرات الهروب و حشر سيارات بطريقه خطره

بتكسب القضيه ؟

سؤال ثاني

لو انت تداوم بجهه حكوميه و صار حريق بالبرج و ماتوا ناس و رفعت قضيه عدم توفير اجراءات السلامه المهنيه للموظفين و تعريض حياه البقيه للخطر بتكسبها ؟

السؤال الاهم

قانون العمل وضع اجراءات السلامه للقطاع الخاص
ليش موظفي قانون الموارد ما لهم اجراءات السلامه المهنيه مع انهم.

بوظائف تتعرض لمخاطر اكبر مثل مفتشي المواد الكيميائيه و مخلفات الصناعات النفطيه
و موظفي مختبرات و مواد فيها نسبه من المواد المشعه و غازات متطايره

حتى بقايا المواد المستخدمه تروح للصرف الصحي اعزكم الله مش بطريقه سليمه

كل شي ذكرته له اجراءات سلامه مخصصه و توعيه و مواد لها تستخدم للطوارئ. سبل كت تنظيف اي تسريب او انتشار للمواد ع الارض مثلا

نتمنى يصدر قانون الصحه و السلامه المهنيه و نرفع ثقافه السلامه للمجتمع ككل

مهندس طرق يتبع أوامر مدير المرور .. قلت له إنت صاحب اختصاص ومسؤوليتك حماية الطريق خصوصاً وقت التنفيذ .. وكلنا سمعنا عن الحوادث المميتة على طريق سلوى أثناء تنفيذه بسبب حواجز السلامة المفككة واللي تتسبب في اصطدام مباشر أو البلاستيكية اللي يتكيسل المقاول يمليها رمل أو ماء ويطيرها الهواء ولو صدمها حد ما صدت صدمته بل نزلته في الحفرة

معماري قطري

26-09-2019, 09:40 AM

صباح الخير

الله يرضى علينا و عليك ياخوي

مهندسي السلامه مش بس نوع او نوعين في تخصصات كثيره منها دراسه المخاطر و مهندسي سلامه مروريه و معماريه و سلامه فرديه اندستريال هايجين الخ

تدري ايش المشكله

ان قانون الصحه و السلامه المهنيه لم يصدر حتى الان

في قانون جاهز من سنين لم يصدر وفيه فوق 40 بند يحدد مسؤوليه جهات العمل في توفير بيئه عمل سليمه و يغطي اغلب متطلبات السلامه و الصحه المهنيه. حتى لو كنت جهه تقدم خدمات.

هالقانون المفترض يكون للموارد البشريه. يعني ما يغطي الشركات الحكوميه الي مش على قانون الموارد

القطاع الخاص لهم قانون سلامه في اداره العمل وهذا اوكي
لكن قطاع جهات الموارد البشريه مثل الوزارات و الهيئات ما صدر لهم القانون

واذا. اذا صدر ما يغطي الشركات المساهمه او الي مش ع قانون الموارد

تدري لو هالقانون ساري ايش بيصير

كل موظفي الدوله بتكون عندهم ثقافه السلامه و مدربين و يتوفر لهم موظفي سلامه في جهاتهم يتابعون احتياجات الجهه

هذا يؤثر حتى على السلامه المروريه. تخيل انك تثقف كل موظفي الدوله و يفهم السلامه وواهميتها وكيفيه و حجم المخاطر في عدم التقيد بامور السلامه

حتى عيالهم بالبيوت بيتعلمون اذا شافوا الاب و الام مثقفين بالسلامه و حاطين طفايات حريق بالبيت و بطانيه السلامه للمطبخ و لائحه تعليم الانعاش للمغمى عليه

والله حاولت من سنين في موضوع تأسيس جهه مختصه في تعميم الصحه و السلامه المهنيه لكن ما وفقت في جذب بعض المسؤولين و لاسباب بسيطه لكن صعب حلها

عقليات اغلب المسؤولين مش مستوعبه اهميه الصحه و السلامه المهنيه بس يكررون انه امر مهم لكن بلا اندفاع لتطبيقها. لانها خارج مهامهم الوظيفيه

نرجع لسالفتنا

سالفه تكديس المنتجات سواء داخل او خارج المحل تعتبر مخاطره وحتى داخل المحل لازم تستخدم معايير التخزين السليم لمنع اغلاق ممرات الهروب من المخاطر او انتشار حريق بشكل غير مرغوب وفقد التحكم و تصعيب عمل رجال الاطفاء

ما في مهندسي سلامه او تدريب لموظفي البلديه و وزاره الاقتصاد عند التفتيش عشان يراقبون هالاخطاء. مهامهم محدوده بامور ثانيه

تفتيش السلامه ملقى ع الدفاع المدني و الدفاع ما يقدر يغطي تفتيشات دوريه لكل محل بقطر. فقط اثناء الترخيص او تجديده بعدها صاحب المحل يعفس الدنيا وحتى يفصل انذار الحريق و بطاريات لمبات الطوارئ

عاد عندنا شكثر قانونيين وشكثر خبراء هندسيين ولا يستفاد منهم

والله إني مستعد للعمل كاستشاري بدون أجر بس يراعون صحتي وما يخلوني دوام رسمي بامر عليهم أو أراسلهم وباخلص لهم أي شيء هندسي ضايعين فيه

ابو عبدالله.

26-09-2019, 01:29 PM

اذن فاهم قصدي عن السلبيات و ايش نحتاج بالضبط لتطوير العمل

معماري قطري

26-09-2019, 02:13 PM

شيء أكيد وانا ذكرت هالملاحظات كم مرة ومن زمان حتى قبل المنتدى

khaldoon

30-09-2019, 01:07 PM

يا جماعة الخير ما تلاحظون ازمة كبيره على محطات الوقود سواء محطات وقود او غيرها.... والله تعبئة البنزين اصبح شيء مزعج ولازم يتم في أوقات نوم الناس ..يعني انت و حظك لو قدرت تعبي بترول سيارتك بسهوله.....ايش السبب..... ما اعتقد كل هذا خوف و رعب و رغبة في تعبئة خزان البنزين قبل معرفة أسعار البترول للشهر القادم خوفا من ارتفاعها مثلا ..... مش مستهاله ...لو هالسبب.... عيييب

معماري قطري

30-09-2019, 02:11 PM

كثير من الدول تركز على سيارات ما تحرق البترول كثير والخزان يعطي مدى بعيد حول 700 كيلو وأكثر .. عندنا ما اشوف اهتمام في هذا الجانب .. في بانكوك مثلاً كان التلوث ملاحظ وأكثر بكثير من وقته الحالي .. آخر مرة رحت شفت سيارات كثيرة تمشي على الغاز وسيارات هايبرد وبعضها حتى قديمة

قبل ذكرت هذي المعلومة بأن سيارات الديزل الألمانية ما تشتغل على ديزلنا بسبب عدم نقاوته وفي المانيا الديزل منتشر ولا يطلع دخان ويستعملون كواتم خاصة للدخان والانبعاثات عندنا ما اعتقد فكروا والتلوث واصل حده

ابو عبدالله.

01-10-2019, 01:53 PM

مشكلتنا ان البترول رخيص مقارنه مع العالم

و البدائل مش قريبه من كفائه البترول
الغاز ما يعطيك عزم او مسافه مقطوعه مقاربه للبترول ولا الكهربائيه مجديه كتكلفه او مده شحن او مسافه

ولا تتوفر محطات لهذه الانواع من البدائل ولا قطع غيار لهالسيارات ولا الوكالات تنزل مواتر لانها مش مجديه و الزبائن ما تتقبلها للحين

الدول الثانيه بسبب التلوث او تكلفه استيراد البنزين الخ
تدعم اسعار السيارات البديله و تخفض ضرائب العملاء اذا يشترونها و تخفض رسوم و ضرائب المصانع الي تنتجها و تفرض نسب كربون للمحركات. وايد امور تدفع لانتشار السيارات البديله او المحركات و بطاريات السيارات الكهربائيه

العمليه عندنا محتاجه منظومه متكامله من كل الي ذكرته عشان نحقق التغيير و البدائل

معماري قطري

01-10-2019, 02:25 PM

بالعكس يا بو عبدالله الهجينة توفر وايد بترول وصيانتها ممكنة ومتوفرة بس بقلة .. فيه لكزس فورويل هايبرد وموجودة في دول خليجية .. والكهربائية أُمورها سهالات وتمشي 500 كيلو بعضها .. وأقل شيء ترتيب العوادم وعزلها عن اصدار التلويث للجو وهذي تقلل قوة السيارة شوي واستهلاك البنزين بدرجة كبيرة

ابو عبدالله.

01-10-2019, 09:03 PM

مرحبا

الي تجيك هايبريد سياره فخمه و مكلفه مثل اللكزس. هذه ما تنباع اصلا الا للمؤتمرات و جهات توعي للاستخدام الافضل للطاقه او اقل للتلوث. لكن الناس العاديه ما تشتري لكزس او ما تفكر بهالبديل

يعني مكلف للشراء و فرق توفير البترول و اقل في عزم السياره ما تشجع المجتمع عليها

الكهربائيه نص قيمتها بالبطاريات ولا احد بيعرف يصلحها و ضمانها ثلاث سنوات و غير متوفره اصلا

لانا كعميل او تعطيني سياره كهربائيه بنص قيمتها بعد ما اتشجع. وين محطات الشحن و كم ساعه لو بشحن في البيت

نبي سياره طق سلف و امشي مش سياره انا لازم احاسب كم كيلو بمشي فيها او احط يدي ع قلبي و افكر كم بدفع للبطاريات بعد ثلاث سنوات او ما تتصلح الا بالوكاله

احنا مواتر بترول و معتفسين مع الوكالات كل شي بدل و ادفع بالالاف حتى لو شي بسيط في ربله او مقصات

بصراحه البدائل كلش ما تشجع ولا امتياز واحد للتحول لها

مع اني خبره في امور البيئه و التلوث و اعرف اهميه التحول. و متمكن في اداره التكاليف لكن اشوفها متعبه جدا و مكلفه بشكل كبير

بنحتاج وقت لتتغير الاوضاع و يكون التحول ممكن و اسهل كبديل نافع

معماري قطري

04-10-2019, 02:04 AM

فيه يا اخوي سيارات صغيرة شكثر ورخيصة بعد

معماري قطري

04-10-2019, 02:08 AM

ابو عبدالله.

04-10-2019, 07:37 AM

أما عن الصيانة صحيح للمرسدس بطارية احتياط تخلي أجهزة السيارة شغالة وهي مبندة عند الاشارات يعني لتوفير البترول .. هذي البطارية قيمة تبديلها 6000 ريال .. زين انا باوفر 3000 ريال فرضاً وبادفع 6000 باصير خسران .. وأتوقع كل السيارات اللي فيها ميزة التوقف المؤقت لين وقفت عند الاشارة فيها البطارية الاحتياط

ما ادري عن المرسدس لكن البي ام دبليو توقف عند الاشارات بعد وما سمعت عن بطاريه اضافيه. بسأل

الشباب يفصلون سستم التوقف يبون المكيف يشتغل خبرك حر موت و رطوبه

ترى حتى السيارات الي توقف هذا سستم و فيه كذا سيتم بالسيارات الالمانيه خصوصا و الاوروبيه عموما
لو يخترب شي منها تعال للوكاله و اسمع الفني يغرد لك ان فحص الكمبيوتر يشير الى تدفق اضافي و اعاده برمجه الخ

يخرعك قبل تعرف التكلفه و تنجلط بها

بعلمك معماري بشغله صغيره

لو الوكالات الاوروبيه تغطي كل الامور للصيانه بدون نقص قطع الغيار و التكاليف العاليه وصاروا مثل الوكالات اليابانيه كان المجتمع تقبل هالسيارات اكثر و تعرف ع انظمه التوفير و الهابريد و بتكون التكلفه للصيانه مقبوله مثل تكلفتها في اوروبا مثلا بنتشجع ان اغلب سياراتنا تكون اوروبيه و محركات اصغر و اقوى و موفره

ترى ما مشى سوق الاوروبي الا وكيل واحد عندنا و مع ان بعض قطع الغيار مكلف جدا بحسب العطل طبعا لكن في بعض الغيار مقبول جدا كصيانه دوريه اقصد

ابو عبدالله.

04-10-2019, 07:43 AM

فيه يا اخوي سيارات صغيرة شكثر ورخيصة بعد

تقصد سيارات صغيره عاديه او بالبطاريات

الحين قليل جدا الي يشتري صغيره

لازم عندك موتر كبير يشيل العيله و الاغراض. و اذا موتر صغير للشغل او طلعه بروحك بدون اليهال

يا ريال تخاف تسوق موتر صغير يلفون عليك سواقين البيك اب و التكاسي و صدامك يتبطل خلال شهرين بس من توقف عند رصيف الميره الي اشرفعه

اذا الكامري تحك في بعض المطبات بالفريج هههههه

وايد امور اشوفها ما تشجع بصراحه. يمكن غيري يشوف المجال قابل للتطور في هالامور لكن انا اشوف اننا نحتاج 5 الى 10 سنوات عشان نحقق شيء ملموس. هذا اذا وضعت قوانين منظمه و داعمه للتحول من الان

معماري قطري

04-10-2019, 01:36 PM

تقصد سيارات صغيره عاديه او بالبطاريات

الحين قليل جدا الي يشتري صغيره

لازم عندك موتر كبير يشيل العيله و الاغراض. و اذا موتر صغير للشغل او طلعه بروحك بدون اليهال

يا ريال تخاف تسوق موتر صغير يلفون عليك سواقين البيك اب و التكاسي و صدامك يتبطل خلال شهرين بس من توقف عند رصيف الميره الي اشرفعه

اذا الكامري تحك في بعض المطبات بالفريج هههههه

وايد امور اشوفها ما تشجع بصراحه. يمكن غيري يشوف المجال قابل للتطور في هالامور لكن انا اشوف اننا نحتاج 5 الى 10 سنوات عشان نحقق شيء ملموس. هذا اذا وضعت قوانين منظمه و داعمه للتحول من الان

انت قلت الهايبرد مقتصر على السيارات الفارهة وردي كنت اقصد به الرخيصة والعادية

حتى اللكزس فيه اي اس 200 رخيصة واقتصادية وفيه الال اكس المتوسطة والصغيرة هايبرد وتشحن من حرارة البريك ولو تمشي بالعدال أو توقف تشتغل المكينة الكهربائية

لو بتاخذ الكهربية مثل الامريكية التسلا وثرى هي شراكة مع التيوتا .. والتيوتا تصنع أهم مكوناتها .. هذي تكلمت مع مسؤول مبيعاتها هناك وسئلته متى ممكن ابدل البطارية قال صلاحيتها لفترة تتجاوز 25 سنة وسعرها سعر أي سيارة محترمة تحت ال 200000 ريال هناك عاد لو بيستوردونها حط فوقها 200 الف عمولة للوكيل .. سرعتها طيارة صامتة ومكينتها كبر علبة النيدو الكبيرة والبطاريات خلايا صغيرة في تجويف في الشاصي .. حتى وقت الحادث لو تضرر الشاصي تطيح قطع ومب سهل انكسارها

معماري قطري

04-10-2019, 01:38 PM

إذا دول الحصار المتخلفة جابتها وتمت تبيعها وبسعر مناسب .. يمكن لأن عندنا بس الكهرب بدون مقابل للمواطنين ما جابوها للحين

معماري قطري

04-10-2019, 01:48 PM

معماري قطري

04-10-2019, 01:53 PM

وهذي البيريوس ركبت مرة في تكسي منها في الخارج وسولفت مع السائق وكان فرنسي ووايد يمدح فيها وانا ارتحت فيها وايد هادية وجامدة .. مكتسحة سوق التكاسي هناك وفي ألمانيا

https://www.youtube.com/watch?v=QnG7aokIDMY

معماري قطري

04-10-2019, 01:59 PM

وهذي مرتفعة للأرصفة

https://www.youtube.com/watch?v=OII_0uF5Cfs

معماري قطري

04-10-2019, 02:06 PM

وهذي التسلا اكس

https://www.youtube.com/watch?v=sZ7Jlq9mQrY

معماري قطري

04-10-2019, 02:25 PM

https://www.youtube.com/watch?v=sP4TWJbGKpI&pbjreload=10

ابو عبدالله.

04-10-2019, 06:01 PM

هذا مثال تعدت الالف كيلومتر وما خلص البترول

https://www.youtube.com/watch?v=IQhj7okwuAc

بعدين إحنا عندنا طاقة كهربية رهيبة ممكن نستغلها من الشمس ونعمل طبيلات فوقها شينكو بألواح شمسية الواحد من يوقف سيارته الكهربية يعبيها بلاش ونشجع على هذي النوعية من السيارات وقصدي الكهربية بالكامل وكذلك نشتغل على عوادم تمنع التلوث للسيارات البترولية والديزل مع تحسين نوعية الديزل والبترول

فهمت قصدك

ما ابي اضل سلبي و ضد التحول

كشخص عادي يهمني ان موتر صغير سعره 50 او 60 الف عشان اتحول للكهربائيه بدفع 200 الف

الي اذكره ان شحن سياره يحتاج ساعات هذا بالبيت فما بالك بشحن بالطاقه الشمسيه

للحين ما عندنا وكالات كخيارات متعدده للصيانه فما بالك بالي يفكر في تكاليف الوكاله خصوصا انها سيارات جديده و قطعها ما بتتوفر كثر الموتر العادي طبعا برع الوكالات محد يعرف يصلحها

عطني حوافز بقول نعم بتشجع

تنحط محطات تعبئه سريعه للشحن و نتوعى عن السيارات سريعه الشحن عشان ما نحاتي التعبئه ساعتين و اكثر
و الشحن بالمحطات يكون مجانا لفتره للتشجيع

الدول الثانيه وفرت خفض ضريبي للوكالات و الزبائن بعد و مطلوب هالشي عندنا

عشان نعود الناس لازم نعطي امتيازات للشركات الي تشتري مواتر كثيره. كروه و الليموزين و تأجير السيارات و الباصات

تكثر السيارات البديله و تتوسع محلات صيانتها و تكثر قطع غيارها

بتلقى الناس العاديه تتشجع و شافت التجربه ناجحه و الصيانه مش صعبه

لما تنحط رسوم للطرق السريعه تخفض رسوم او تلغى للسيارات البديله لمدد حتى يزيد عددها و تصبح منافسه للعاديه

تجارب الدول المتقدمه كانت طويله للوصول للي شفته و استخدام الكهربائيه و الهايبريد و الحوافز من الدوله و شركات التصنيع و ضغوطات اسعار البنزين العاليه

يمكن بعض دول الحصار سوتها لكنها لا تزال تحبو للتوسع بالمجال

و لا نعرف ايش الحوافز عندهم لشراء هالسيارات و تقبل المجتمع لها

انا شغال مع اجانب وايد و يتنقلون من جهه عملي لجهات بالدول القريبه لكن ع كثرهم ما سمعت الا واحد شرى موتر كهربائي من دوله من الحصار و وداها عمان يستخدمها لان ما تنباع بعمان

ويمكن يبي يصدرها لبلاده بعد فتره عشان جذي شراها و يمكن عشان قيمتها ببلاده اعلى من الخليج او ضرائبهم اعلى و بتعتبر مستخدمه وما يدفع ضريبه عند الشحن لبلاده

بضل اأيد الفكره اذا توفرت الحوافز

ابو عبدالله.

04-10-2019, 06:04 PM

على فكره

غير سلبيات الشحن. فيها سلبيه خطيره وهي هدوئها التام

صارت حوادث بسبب ان المشاه و سائقي الدراجات و الموترسيكل ما يسمعون صوتها وهي قادمه بقربهم

ما يتخيلون ان موتر كامل بيمر جنبهم بلا صوت

عاد تخيل عندنا المشاه و آسيويين بروحهم يتخطرفون بالشارع ههههه

معماري قطري

05-10-2019, 12:25 AM

فهمت قصدك

ما ابي اضل سلبي و ضد التحول

كشخص عادي يهمني ان موتر صغير سعره 50 او 60 الف عشان اتحول للكهربائيه بدفع 200 الف

الي اذكره ان شحن سياره يحتاج ساعات هذا بالبيت فما بالك بشحن بالطاقه الشمسيه

للحين ما عندنا وكالات كخيارات متعدده للصيانه فما بالك بالي يفكر في تكاليف الوكاله خصوصا انها سيارات جديده و قطعها ما بتتوفر كثر الموتر العادي طبعا برع الوكالات محد يعرف يصلحها

عطني حوافز بقول نعم بتشجع

تنحط محطات تعبئه سريعه للشحن و نتوعى عن السيارات سريعه الشحن عشان ما نحاتي التعبئه ساعتين و اكثر
و الشحن بالمحطات يكون مجانا لفتره للتشجيع

الدول الثانيه وفرت خفض ضريبي للوكالات و الزبائن بعد و مطلوب هالشي عندنا

عشان نعود الناس لازم نعطي امتيازات للشركات الي تشتري مواتر كثيره. كروه و الليموزين و تأجير السيارات و الباصات

تكثر السيارات البديله و تتوسع محلات صيانتها و تكثر قطع غيارها

بتلقى الناس العاديه تتشجع و شافت التجربه ناجحه و الصيانه مش صعبه

لما تنحط رسوم للطرق السريعه تخفض رسوم او تلغى للسيارات البديله لمدد حتى يزيد عددها و تصبح منافسه للعاديه

تجارب الدول المتقدمه كانت طويله للوصول للي شفته و استخدام الكهربائيه و الهايبريد و الحوافز من الدوله و شركات التصنيع و ضغوطات اسعار البنزين العاليه

يمكن بعض دول الحصار سوتها لكنها لا تزال تحبو للتوسع بالمجال

و لا نعرف ايش الحوافز عندهم لشراء هالسيارات و تقبل المجتمع لها

انا شغال مع اجانب وايد و يتنقلون من جهه عملي لجهات بالدول القريبه لكن ع كثرهم ما سمعت الا واحد شرى موتر كهربائي من دوله من الحصار و وداها عمان يستخدمها لان ما تنباع بعمان

ويمكن يبي يصدرها لبلاده بعد فتره عشان جذي شراها و يمكن عشان قيمتها ببلاده اعلى من الخليج او ضرائبهم اعلى و بتعتبر مستخدمه وما يدفع ضريبه عند الشحن لبلاده

بضل اأيد الفكره اذا توفرت الحوافز

شكلك ما شفت الفيديو الكامري ب 130 لكن البريوس ب 86 قلت التسلا قيمتها في بلادها شيء وخمسين الف دولار والتسلا موديل اس تعتبر سيارة فخمة الاكس رياضية أكثر

أما عن السلبيات أكيد فيه سلبيات حتى ما ندري بها الا بعد التجربة لكن شفت تيوتا صغيرة فيها حساسات في كل جهة وتوقف بروحها لو حد اقترب منها

القصد إن السيارات تغيرت وتطورت وإحنا وكلاءنا ما عندهم توجيه يجيبون هالنوعية من السيارات أو النوع اللي صرفيته أقل والعادم محدود .. أذكر سالفة واحد جايب سيارة أمريكية وهذي قديمة ألحين أكيد استوعبوا الوضع .. طلبوا منه يشيل الدبة المخفضة للتلوث ويحط عادية حسب مواصفات الخليج

khaldoon

05-10-2019, 08:55 AM

ya3coub

05-10-2019, 10:22 AM

انا راضي اصب معاهم بس نوعو و انشرو المحطات بالفرجان

بكل بلزكين عالأقل خلوهم لعشرين سنه جدام الأساس حاليا كاس العالم و الباقي يتم للمستقبل اشفيها

ابو عبدالله.

05-10-2019, 10:54 AM

شكلك ما شفت الفيديو الكامري ب 130 لكن البريوس ب 86 قلت التسلا قيمتها في بلادها شيء وخمسين الف دولار والتسلا موديل اس تعتبر سيارة فخمة الاكس رياضية أكثر

أما عن السلبيات أكيد فيه سلبيات حتى ما ندري بها الا بعد التجربة لكن شفت تيوتا صغيرة فيها حساسات في كل جهة وتوقف بروحها لو حد اقترب منها

القصد إن السيارات تغيرت وتطورت وإحنا وكلاءنا ما عندهم توجيه يجيبون هالنوعية من السيارات أو النوع اللي صرفيته أقل والعادم محدود .. أذكر سالفة واحد جايب سيارة أمريكية وهذي قديمة ألحين أكيد استوعبوا الوضع .. طلبوا منه يشيل الدبة المخفضة للتلوث ويحط عادية حسب مواصفات الخليج

كامري ب 130 الف و العاديه اقل ب 50 الف تقريبا مش بسيطه

و دبه التلوث نعم سمعت عنها من زمان و تنشال لانها مش مواصفات خليجيه

لو نبي تحول للبديل ينحط تشريع لهالمواصفات اولا و الدوله تدعم بتخفيضات ضرائب لان الي اعرفع ان ضريبه السيارات العاديه 40% من سعرها عند الاستيراد. واذا هالكلام صحيح تخيل لو تنشال ضريبه السيارات البديله بيصير سعرها نفس الكهربائيه. هني نتشجع لها

حط محطات شحن سريع و بدايتها مجانا لين يتوسع استخدام البديله

التشريعات بالغرب قاسيه ضد التلوث وفي بلدان تدفع السائق بدل تلوث مثل الصين فصارت البدائل متوفره بكثره حتى لوحات سياراتها بلون مختلف ع انها ما تلوث و ميزه للمشتري

عندنا حتى لو حطينا تشريعات بدائيه لخفض التلوث. السيارات العاديه الجديده اصبحت بمحركات اصغر و اقوى
يعني 8 سلندر صارت 6 مثل النيسان باترول و بنفس العزم فبعد المنافسه بتضل للسيارات العاديه اقوى

وايد امور تضعف قوه السيارات البديله كخيار للمستهلك

فقد التشريعات و القوانين منها عن التلوث و خفض ضريبي للبديله و غيارها و رفع ضريبي للعاديه
اسعار البنزين المنخفضه نسبيا عن باقي الدول و توفر محطات الشحن و دعم للشحن المنزلي
فقد التنظيم للتأمينات للسيارات البديله محد يعرف تكاليف التصليح لحوادثها خصوصا للقطع الداخليه للمحرك و بطارياتها

فقد التوعيه المجتمعيه لاستخدام البديله ولا توجد جهات مستخدمه لسيارات كثيره استثمرت بهالسيارات و سوقت فكره استخدامها للمجتمع. مثل كروه او الوكالات عند تنظيم مؤتمرات بعدد كبير من السيارات البديله

نظرتي تختلف عن نظرتك اخوي

انت تدفع بايجابيات البديله وانا ادفع عن نقص امتيازات استخدامها عندنا

لكن احنا الاثنين نتفق انها جيده و ممكن نستخدمها لكن بعد توفر الامتيازات و التوعيه و التشريعات

ابو عبدالله.

05-10-2019, 11:02 AM

سؤال خطر ببالي...كم تكلفت شحن السياره من ناحية الكهرباء...... يعني شحنها مثل المكيف و الا التليفزيون هههه و الا اكثر طبعا

هل احنا استبدلنا شحن السيارة بالبترول و وفرنا الفلوس و دفعناها في الكهرباء؟

انا مش مطلع ع هالتفاصيل لكن اذكر ان شحن سياره بالبيت يوصل الى 8 ساعات

طبعا في سيارات تشحن بوقت اقل لكن هذا يعني مواصفات اعلى و بطاريات اغلى و عمرها ممكن يكون اقل من بطاريات الشحن العادي فتكون لها حسابات و تضطر تجدول حياتك اليوميه مع السياره من حيث المسافه و وقت الشحن و مرات الاستخدام غير انك تعدل ع كهرباء البيت وتوصيل كيبل للباركنج عندك للشحن مادري كم واط تحتاج للشحن

كل هالامور ممكن تنحل لكنها تضل شغلات تنفر السائق عن البديله

كم يكلف الشحن مقارنه مع البنزين ما اعرف لكن اكيد لها تكلفه

على مشاورينا اليوميه يبي لنا نشحن يوميا و هذا ينقص عمر البطاريات لانها بعدد شحنات محدد ممكن الف شحنه ممكن اكثر بحسب نوع البطاريات و تكلفتها الغاليه ممكن احسن لكن تضل اغلى

khaldoon

05-10-2019, 12:05 PM

انا مش مطلع ع هالتفاصيل لكن اذكر ان شحن سياره بالبيت يوصل الى 8 ساعات

طبعا في سيارات تشحن بوقت اقل لكن هذا يعني مواصفات اعلى و بطاريات اغلى و عمرها ممكن يكون اقل من بطاريات الشحن العادي فتكون لها حسابات و تضطر تجدول حياتك اليوميه مع السياره من حيث المسافه و وقت الشحن و مرات الاستخدام غير انك تعدل ع كهرباء البيت وتوصيل كيبل للباركنج عندك للشحن مادري كم واط تحتاج للشحن

كل هالامور ممكن تنحل لكنها تضل شغلات تنفر السائق عن البديله

كم يكلف الشحن مقارنه مع البنزين ما اعرف لكن اكيد لها تكلفه

على مشاورينا اليوميه يبي لنا نشحن يوميا و هذا ينقص عمر البطاريات لانها بعدد شحنات محدد ممكن الف شحنه ممكن اكثر بحسب نوع البطاريات و تكلفتها الغاليه ممكن احسن لكن تضل اغلى

والله يا اخوي مع كل ما تفضلت به فوق .... الموضوع ما يشجع الصراحة.... انا اعتقد اننا مازلنا في البداية و بعدين بيتطور الموضوع شوي شوي و بيصير افضل من الوضع الحالي و بنصير كلنا نستخدم السيارات الكهربائيه بدل اللي تمشي بالبنزين

يعني الموضوع لسه صناعه جديده علينا مثل التليفون بدأ مثل الطابوقه و الناس كانت مبسوطه عليه و تكشخ فيه و الحين تطور

في ناس الحين مبسوطه انها معها سيارات كهربائيه و بكره بيصيروا يضحكوا على حالهم كيف كانوا مبرمجين انفسهم ثمان ساعات علشان الشحن و يمكن استعلموا سيارات بديلة خلال فترة الشحن

ابو عبدالله.

05-10-2019, 12:19 PM

khaldoon

05-10-2019, 12:53 PM

ههههه اما سالفه الشحن هذه انا اموت منها

اذا ما تطق سلف و تمشي بدون خوف ولا ما ينفعني

عموما العلم يتطور بسرعه و ممكن تطلع بطاريات شحن تلقائي يعني مصدرها مشع يعني مواد مشعه تطلع الكترونات لالاف السنين و تطلع كهرباء تتورث للاجيال لكن هذا التطور للحين في بدايته و التخوف من تحول البطاريات لامور ارهابيه مثل تفجيرها و تلوث مدينه كامله ببطاريه وحده بحجم كف اليد

في روسيا يقولون طوروا بطاريه صغيره تعيش الف سنه بمصدر مشع لكن اتوقع اذا صدق الخبر انها لرحلات الفضاء الطويله مش للسيارات ولا تنحط بيد افراد ممكن يحولونها لكارثه حتى بسبب سوء الاستخدام

عطني بترول سوبر و فهمني بعدها هههه

والله متفق معاك...... يكفي الواحد يكون شايل هم هالايام مشروع تعبئة البنزين في محطات وقود و غير محطات وقود من الزحمة الحاصلة ما اعرف ايش سببها.....تحس انه البنزين بينقطع او انك لازم تخزن بنزين....حسسوني اني بالسعودية بعد ضربت أرامكو....الله لا شماته ....والله ما اقصد اني أكون شمتان

صراحة شحن السياره وجع قلب و وجع راس و صداع و مثل ما تفضلت ابي ادق سلف و امشي

تخيل سيارة الإسعاف و الا الإطفاء نسيوا يشحنوها
تخيل بكره تطلع إرشادات تقولك :
خلي المكيف في السيارة على 1 و الا 2 بالكثير علشان استهلاك البطاريه
وطي صوت المسجل علشان البطاريه
لا تضل تغير محطات الراديو كل شوي علشان البطاريه
خفف وصلات اليو اس بي في السيارة علشان استهلاك البطاريه
بلاش استخدام الثلاجات في السيارة علشان تاكل كثير من البطاريه
التزم بالحمولة الفلانية و عدد الركاب ما يزيد عن كذا و اوزانهم عن كجم 80/شخص علشان البطارية
راعي ضغطك ع دواسة البنزين في الطلوع و الصعود علشان البطاريه
طبعا الإضاءة ما ننساها كمان بتأثر على استهلاك البطاريه ...فلا تقعد تسندر اللي قدامك علشان يزيح و يفضي الطريق لانه يمكن لين توصله تلاقي السيارة طفت معاك
لا تضل تفتح و تسكر الشبابيك كل شوي علشان البطاريه
خفف استخدام الضو العالي علشان البطاريه
خفف استهلاك الغمازات للضروره القصوى علشان البطاريه و بعدين أصلا استعمالها يخلي حركاتك مكشوفه امام الأعداء .. فاجئهم احسن بالالتفاف يمين و الا يسار

أتوقع ما نقدر نطلع عن سرعة 80 لما تحط البطاريه على وضعية التوفير و كل ما ذكر بالاعلى سيتم تحديده تلقائيا بشكل اتوماتيكي يوم تحط البطاريه على وضع التوفير

كمان ما ننسى انه بكره في ناس وايد تبي تكسب اجر مضاعف و تحط حنفية سبيل.......اااااه قصدي شاحن سبيل من اجل الاجر و الثواب خصوصا الكهرباء ببلاش ...اللهم زيد و بارك و ديم النعمه يا رب
تخيل واحد يمد كذا خط و تلاقي زحمة سيارات حولين بيته ....مصيبه

خلص بيكفي ما قادر اكمل الحين ما في وقت بس الكلام ما انتهى

معماري قطري

05-10-2019, 02:37 PM

كامري ب 130 الف و العاديه اقل ب 50 الف تقريبا مش بسيطه

و دبه التلوث نعم سمعت عنها من زمان و تنشال لانها مش مواصفات خليجيه

لو نبي تحول للبديل ينحط تشريع لهالمواصفات اولا و الدوله تدعم بتخفيضات ضرائب لان الي اعرفع ان ضريبه السيارات العاديه 40% من سعرها عند الاستيراد. واذا هالكلام صحيح تخيل لو تنشال ضريبه السيارات البديله بيصير سعرها نفس الكهربائيه. هني نتشجع لها

حط محطات شحن سريع و بدايتها مجانا لين يتوسع استخدام البديله

التشريعات بالغرب قاسيه ضد التلوث وفي بلدان تدفع السائق بدل تلوث مثل الصين فصارت البدائل متوفره بكثره حتى لوحات سياراتها بلون مختلف ع انها ما تلوث و ميزه للمشتري

عندنا حتى لو حطينا تشريعات بدائيه لخفض التلوث. السيارات العاديه الجديده اصبحت بمحركات اصغر و اقوى
يعني 8 سلندر صارت 6 مثل النيسان باترول و بنفس العزم فبعد المنافسه بتضل للسيارات العاديه اقوى

وايد امور تضعف قوه السيارات البديله كخيار للمستهلك

فقد التشريعات و القوانين منها عن التلوث و خفض ضريبي للبديله و غيارها و رفع ضريبي للعاديه
اسعار البنزين المنخفضه نسبيا عن باقي الدول و توفر محطات الشحن و دعم للشحن المنزلي
فقد التنظيم للتأمينات للسيارات البديله محد يعرف تكاليف التصليح لحوادثها خصوصا للقطع الداخليه للمحرك و بطارياتها

فقد التوعيه المجتمعيه لاستخدام البديله ولا توجد جهات مستخدمه لسيارات كثيره استثمرت بهالسيارات و سوقت فكره استخدامها للمجتمع. مثل كروه او الوكالات عند تنظيم مؤتمرات بعدد كبير من السيارات البديله

نظرتي تختلف عن نظرتك اخوي

انت تدفع بايجابيات البديله وانا ادفع عن نقص امتيازات استخدامها عندنا

لكن احنا الاثنين نتفق انها جيده و ممكن نستخدمها لكن بعد توفر الامتيازات و التوعيه و التشريعات

وينها الكامري الجديدة اللي تحت الخمسين؟

وأكيد التوعية والقوانين اللي لازم تنفرض منها ترخيص السيارات يقيسون العادم ويطلبون تعديل على السيارة المخالفة لكن اللي نشوفه ناس يزودون سياراتهم بدمار للبيئة ولأُذن من يقترب منها ولا نشوف قانون يطبق .. نشوف سيارات تدخن وتمشي .. أمس اشوف سيارة بدون ليتات ورا وليتاتها الجدامية شبه طافية وسواقها سواقته حتى غلط ومهدود في الشوارع ولا ادري وين المرور عنه ولو يشوفونه يصدون

أقل شيء تحسين نوعية الوقود من ديزل وبترول وتقليل الملوثات بدبات كاتمة حتى لو على حساب قوة السيارة 5% أو 10% أقل مستويات التلوث عندنا خلاص لا تطاق .. بعدين نسهل ونروج استخدام هذي السيارات سواء كهربية أو هجينة لأنها تخفض استهلاك الوقود وتخفض الضغط على المحطات الدائم

نسبة السيارات بدون ترخيص والمهترئة عندنا كبيرة جداً وبعضهم يسوق خمس سنين وأكثر بدون تأمين ولا تسجيل وعادي يدعم ويورط غيره ولا حتى يحاسبونه ومرت علي حوادث من هذا النوع .. هذا دليل استهتار بتطبيق القانون وتقصير كبير من الجهات المختصة بهذا الموضوع .. شرايك واحد دعم سايقنا دعمة بسيطة عند المدرسة وشرد وسجل رقمه وراح يشتكي عند الشرطة يوم شيكوا حصلوا سيارته مطلوبة في عدة حوادث ومنتهي ترخيصها وقالوا له ننصحك تصلح بروحك والا اجراءاتك طويلة

معماري قطري

05-10-2019, 02:57 PM

والله متفق معاك...... يكفي الواحد يكون شايل هم هالايام مشروع تعبئة البنزين في محطات وقود و غير محطات وقود من الزحمة الحاصلة ما اعرف ايش سببها.....تحس انه البنزين بينقطع او انك لازم تخزن بنزين....حسسوني اني بالسعودية بعد ضربت أرامكو....الله لا شماته ....والله ما اقصد اني أكون شمتان

صراحة شحن السياره وجع قلب و وجع راس و صداع و مثل ما تفضلت ابي ادق سلف و امشي

تخيل سيارة الإسعاف و الا الإطفاء نسيوا يشحنوها
تخيل بكره تطلع إرشادات تقولك :
خلي المكيف في السيارة على 1 و الا 2 بالكثير علشان استهلاك البطاريه
وطي صوت المسجل علشان البطاريه
لا تضل تغير محطات الراديو كل شوي علشان البطاريه
خفف وصلات اليو اس بي في السيارة علشان استهلاك البطاريه
بلاش استخدام الثلاجات في السيارة علشان تاكل كثير من البطاريه
التزم بالحمولة الفلانية و عدد الركاب ما يزيد عن كذا و اوزانهم عن كجم 80/شخص علشان البطارية
راعي ضغطك ع دواسة البنزين في الطلوع و الصعود علشان البطاريه
طبعا الإضاءة ما ننساها كمان بتأثر على استهلاك البطاريه ...فلا تقعد تسندر اللي قدامك علشان يزيح و يفضي الطريق لانه يمكن لين توصله تلاقي السيارة طفت معاك
لا تضل تفتح و تسكر الشبابيك كل شوي علشان البطاريه
خفف استخدام الضو العالي علشان البطاريه
خفف استهلاك الغمازات للضروره القصوى علشان البطاريه و بعدين أصلا استعمالها يخلي حركاتك مكشوفه امام الأعداء .. فاجئهم احسن بالالتفاف يمين و الا يسار

أتوقع ما نقدر نطلع عن سرعة 80 لما تحط البطاريه على وضعية التوفير و كل ما ذكر بالاعلى سيتم تحديده تلقائيا بشكل اتوماتيكي يوم تحط البطاريه على وضع التوفير

كمان ما ننسى انه بكره في ناس وايد تبي تكسب اجر مضاعف و تحط حنفية سبيل.......اااااه قصدي شاحن سبيل من اجل الاجر و الثواب خصوصا الكهرباء ببلاش ...اللهم زيد و بارك و ديم النعمه يا رب
تخيل واحد يمد كذا خط و تلاقي زحمة سيارات حولين بيته ....مصيبه

خلص بيكفي ما قادر اكمل الحين ما في وقت بس الكلام ما انتهى

فهمت القصة غلط اخوي خلدون

كل العالم بدأ التحويل والتطوير بالتدريج وإحنا بإذن الله لاحقين وشفنا باصات كهربية في قطر وسيارات أو عربات غولف في أماكن عديدة تؤدي غرض مهم .. إدخال بعض السيارات الكهربية والهجينة ببساطة بيخفف التلوث وبيقلل الضغط على محطات البترول .. بدال ما تصب كل 400 كيلومتر بتستوي تصب كل 800 كيلومتر والخزان صغير

الميني كانت عندي 50 ريال تفولها حق 430 كيلومتر واللكزس 200 ريال لنفس المسافة تقريباً والمرسدس بحدود 110 ريالات لمسافة مقاربة

السيارات الكهربية بعضهم يتم شحنها في نص ساعة وتكفي لمسافات طويلة حسب السيارة وأكيد حسب دوستك لها واستهلاك الطاقة .. الكهربية شحنها بالطاقة الشمسية سهل ولو ياخذ ثلاث ساعات وأكثر كلنا يوقف في أماكن العمل أو في البيت من الظهر للمغرب وعندك شحن لمسافة فوق 150 كيلو أقل شيء .. ومثل ما عرفت بعضها يوصل لمسافات تتعدى ال 600 كيلومتر

مبدئياً نكون مع الهجينة أول شيء والهجينة شحنها يتم أثناء سيرها ولا تحتاج شحن كهربي وبنفس الوقت توفر بيئة نظيفة بسبب قلة التلوث وتوفر مبالغ الاستهلاك العالي

معماري قطري

05-10-2019, 03:07 PM